კახეთი. თელავის ახალგაზრდულ ცენტრში ჩატარდა გაეროს მოდელირება სირიის კრიზისის თემაზე. მოდელირებაში მონაწილეობა კლუბის ახალმა წევრებმა მიიღეს. ღონისძიება გაიმართა „საქართველოში ეროვნული ინტეგრაციის გაძლიერების" პროექტის (ANI) ფარგლებში, რომელსაც ახორციელებს საქართველოს გაეროს ასოციაცია (UNAG), აშშ-ს საერთაშორისო განვითარების სააგენტოს (USAID) მხარდაჭერით. წყარო:ორგანიზაციის გვერდი სოციალურ ქსელში

კახეთი. თელავის ახალგაზრულ ცენტრში გაიმართა ჭადრაკის ჩემპიონატი თელავის სკოლებს შორის, რომელშიც მონაწილეობა ეთნიკურმა უმცირესობებმა მიიღეს. ჩემპიონატი ახალგაზრდული ცენტრის, ცხოვრების ჯანსაღი წესის თემატური ჯგუფის მიერ იყო ორგანიზებული. ღონისძიების ორგანიზებისთვის ინიციატორებმა ითანამშრომლეს ჭადრაკის სახლის ხელმძღვანელობასა და საჯარო სკოლის დირექტორებთან. ღონისძიება გაიმართა „საქართველოში ეროვნული ინტეგრაციის გაძლიერების" პროექტის (ANI) ფარგლებში, რომელსაც ახორციელებს საქართველოს გაეროს ასოციაცია (UNAG), აშშ-ს საერთაშორისო განვითარების სააგენტოს (USAID) მხარდაჭერით. წყარო:ორგანიზაციის გვერდი სოციალურ ქსელში

კახეთი. თელავში, არასამთავრობო ორგანიზაცია „ვორლდ ვიჟენმა" (world vision) და ქართულ-ფრანგულმა სამედიცინო ცენტრმა „კახეთი იონმა" ერთობლივი შეხვედრა გამართეს. შეხვედრაზე განიხილეს პროექტი „ჯანმრთელობა ყველას", რომელიც ემსახურება ბავშვთა ასაკში 0-დან 18 წლამდე სახე-მამოძრავებელი სისტემის დაავადებათა პრევენციას. შეხვედრას ესწრებოდნენ არასამთავრობო სექტორის წარმომადგენლები კახეთის რეგიონის მასშტაბით. მაია ზარდიაშვილი, კალაურის ,,მშობელთა კლუბის" წევრი: ,,ასეთი საინფორმაციო შეხვედრები ძალიან მნიშვნელოვანია ჩვენთვის, განსაკუთრებით ,,მშობელთა კლუბის" წევრებისთვის, რომლებსაც შეხება გვაქვს სოფლის მოსახლეობასთან. შეხვედრაზე ვისაუბრეთ ბავშვის განვითარებასა და ჯანმრთელობასთან დაკავშირებულ საკითხებზე".

შიდა ქართლი. 23 იანვარს ასოციაცია „გორის ინვალიდთა კლუბთან" არსებულმა ახალგაზრდულმა ცენტრის ლიდერებმა თანატოლგანმანათლებელთა ტრენინგი ჩაატარეს. კარალეთის დევნილთა ჩასახლებაში ცენტრის წევრებმა ისაუბრეს თემაზე „ტოლერანტობა" . ტრენინგი დაიგეგმა „ეროვნული ინტეგრაციის გაძლიერება საქრთველოში" პროექტის ფარგლებში, რომელსაც ახორციელებს საქართველოს გაეროს ასოციაცია, აშშ-ის საერთაშორისო განვითარების სააგენტოს (USAID) მხარდაჭერით. წყარო:ორგანიზაციის გვერდი სოციალურ ქსელში

აჭარა. 23 იანვარს, ბათუმის #1 საჯარო სკოლაში, ახალგაზრდული ორგანიზაცია „ცვლილებები თანაბარი უფლებებისათვის" ინიციატივით „სიკეთის გაკვეთილი" ჩატარდა. შეზღუდული შესაძლებლობების მქონე პირებმა მე-6 კლასის მოსწავლეებს შშმ პირებთან დაკავშირებულ საკითხებზე ესაუბრეს. კერძოდ, არასწორ ტერმინებზე, რასაც საზოგადოება მათთან და მათზე საუბრისას იყენებს, ასევე ისაუბარეს სკოლების ადაპტაციის საკითხებზე. სხვადასხვა სიმულაციური თამაშების მეშვეობით მოსწავლეებს მიეწოდა ინფორმაცია შშმ პირებისათვის საჭირო გარემოს შექმნის აუცილებლობის შესახებ. აღნიშნული ღონისძიება ჩატარდა რეგიონული ორგანიზაცია „მარდის" ფინანსური მხარდაჭერით.

შიდა ქართლი. 22 იანვარს, გორის დემოკრატიული ჩართულობის ცენტრში, ჩატარდა ტრენინგი სასკოლო კლუბების ლიდერი მოსწავლეებისათვის. კლუბები ჩამოყალიბებულია საქველმოქმედო ჰუმანიტარული ცენტრი აფხაზეთის მიერ პროექტის - „ახალგაზრდების ჩართულობა და განვითარება" ფარგლებში (პროექტი დაფინანსებულია აშშ–ის საერთაშორისო განვითარების სააგენტოს მიერ და ხორციელდება გაეროს ბავშვთა ფონდის მხარდაჭერით). ამჯერად კლუბების ლიდერმა ბავშვებმა გაიღრმავეს ცოდნა სოციალურ ქსელებში სტატიებისა და ბლოგების შექმნისა და განთავსების ჟურნალისტურ ტექნიკაში. მიღებულ ცოდნას გამოიყენებენ პროექტის ფარგლებში შექმნილი ვებგვერდის აქტიურ ფუნქციონირებაში – თითოეული მათგანი მორიგეობით გაუწევს გვერდს ადმინისტრირებას.

თბილისი. „ლიბერალიზმის სასწავლო ცენტრში" 17 იანვარს გაიმართა დავით კახაბერის ლექცია თემაზე: „ძალადობის ანთროპოლოგია". მათ ვინც შეძლო ლექციაზე დასწრება ცენტრი საშუალებას აძლევს იხილოთ ლექციის ვიდეო–ჩანაწერი. ლექცია: „ძალადობის ანთროპოლოგია" წყარო: ცენტრის გვერდი სოციალურ ქსელში

იმერეთი. ქუთაისის ახალგაზრდული ცენტრის წევრებისთვის გაიმართა ტრენინგები: „დებატები და საჯარო გამოსვლების ტექნიკები. ტრენინგში მონაწილე ახალგაზრდებმა მიიღეს ინფორმაცია დებატების ტექნიკისა და საჯარო გამოსვლების წესის შესახებ. განიხილეს ისეთი მნიშვნელოვანი საკითხები როგორიცაა: საკამათო თემა, გამოსავალი და მისი ეტაპები, უპირატესობა და მისი ჩამოყალიბება, სპიკერის პასუხისმგებლობა და ა.შ. ტრენინგის დასრულების შემდეგ დაიგეგმა კარლ პოპერის დებატების ტურნირი, რომლის პოლიტიკური რეზოლუცია იქნება: „სახელმწიფოს როლი ეთნიკური უმცირესობების წარმომადგენელთა ინტეგრაციაზე". ტრენინგი გაიმართა საქართველოში ეროვნული ინტეგრაციის გაძლიერების პროექტის ფარგლებში, რომელსაც ახორციელებს საქართველოს გაეროს ასოციაცია, აშშ–ის საერთაშორისო განვითარების სააგენტოს მხარდაჭერით. წყარო: ქუთაისის ახალგაზრდული ცენტრის ვებგვერდი სოციალურ ქსელში

სამეგრელო. 21 იანვარს, ასოციაცია „ათინათის" ახალგაზრდულმა ცენტრმა „ორტუსმა" ჩახუტების საერთაშორისო დღე აღნიშნა. ახალგაზრდებმა ქალაქში მშვიდობიანი აქცია - „ვიყოთ პოზიტიურები" - გამართეს.ასევე, ამ დღესთან დაკავშირებით ცენტრის წევრები ესტუმრნენ სოციალურად დაუცველ ოჯახს და საჩუქრად ტკბილეული გადასცეს. დასასრულს ცენტრის ახალგაზრდებმა მოსახლეობასთან ერთად ფრანები გაუშვეს. წყარო:ორგანიზაციის გვერდი სოციალურ ქსელში

კახეთი. თელავის დემოკრატიული ჩართულობის ცენტრში არასამთავრობო ორგანიზაციამ „ახალგაზრდები ევროპული მომავლისთვის" შეხვედრა გაიმართა. შეხვედრაზე დამსწრე ახალგაზრდეს მიაწოდეს ინფორმაცია 10 დღის წინათ დაწყებული მოძრაობის – „დამოუკიდებლობისა და ევროინტეგრაციის" შესახებ. შეხვედრის მონაწილეებმა აღნიშნეს, რომ მოძრაობა აპოლიტიკურია და მასში ჩართვა ნებისმიერ ევროინტეგრაციის მომხრე მოქალაქეს შეუძლია. შეხვედრას ესწრებოდა ექს–პრეზიდენტის ადმინისტრაციის ყოფილი უფრო ანდრო ბარნოვი.

თბილისი. 21 იანვარს, ბავშვთა და ახალგაზრდობის განვითარების ფონდის 2014 წლის სამოქმედო სტრატეგიის პრეზენტაცია გაიმართა. ღონისძიების ფარგლებში უნივერსიტეტის სტუდენტებს შეხვდნენ სპორტისა და ახალგაზრდობის საქმეთა მინისტრი, ბავშვთა და ახალგაზრდობის განვითარების ფონდის დირექტორი, ასევე ფონდის სხვა წარმომადგენლები. მომხსენებლებმა სტუდენტებს ის პროგრამები და პროექტები გააცნეს, რომელთა განხორციელებასაც გეგმავს ფონდი 2014 წელს და რომლებშიც მონაწილეობის მიღება სტუდენტებსაც შეეძლებათ. მიმდინარე წელს ფონდმა ახალი პროგრამული პრიორიოტეტები შეიმუშავა. განსაკუთრებული აქცენტი სოციალურად დაუცველი, შეზღუდული შესაძლებლობების მქონე, მაღალმთიან ან საზღვრისპირა რეგიონებში მცხოვრები ახალგაზრდების ხელშეწყობაზე გაკეთდება, გარდა ამისა, ფონდი მხარს დაუჭერს აკადემიური, საგანმანათლებლო და საერთაშორისო პროექტების განხორციელებას. ფონდთან თანამშრომლობით სტუდენტებს და ახალგაზრდულ ორგანიზაციებს ეძლევათ შანსი, საკუთარი იდეების ფარგლებში დასაქმდნენ, მიიღონ სამუშაო გამოცდილება, ანაზღაურება. შეხვედრის ბოლოს მომხსენებლებმა ახალგაზრდების შეკითხვებს უპასუხეს. წყარო:ორგანიზაციის გვერდი სოციალურ ქსელში

შიდა ქართლი. 21 იანვარს, ასოციაცია „გორის ინვალიდთა კლუბთან" არსებულ გორის ახალგაზრდულ ცენტრს თელავის ახალგაზრდული ცენტრი ესტუმრა. ახალგაზრდებმა საკუთარი ცენტრების პრეზენტაციები გააკეთეს, ისაუბრეს სამომავლო გეგმებზე და განვლილ აქტივობებზე. აქტივობა დაიგეგმა „ეროვნული ინტეგრაციის გაძლიერება საქრთველოში" პროექტის ფარგლებში, რომელიც ხორციელდება საქართველოს გაეროს ასოციაციის მიერ, აშშ-ს საერთაშორისო განვითარების სააგენტოს (USAID) მხარდაჭერით. გორში პროექტის პარტნიორი ორგანიზაციაა „გორის ინვალიდთა კლუბი". წყარო:ორგანიზაციის გვერდი სოციალურ ქსელში

თბილისი. 20 იანვარს, ბავშვთა და ახალგაზრდობის განვითარების ფონდის მიერ 2013 წელს დაფინანსებული პროექტის - ,,ახალგაზრდული ინიციატივა საერთაშორისო ურთიერთობისა და კონფლიქტების ანალიზისთვის" -  შემაჯამებელი ღონისძიება გაიმართა.  პროექტის მიზანი იყო ახალგაზრდების მიერ ინიცირებული სამშვიდობო ინიციატივების ხელშეწყობა; პროექტი შესაძლებლობას მისცემს ახალგაზრდებს ჩაერთონ მშვიდობის განმტკიცებისა და მხარდაჭერის საქმეში, გააღრმავონ საქმიანი და პირადი ურთიერთობები აფხაზურ და ოსურ საზოგადოებებთან, მშვიდობის განვითარების საკითხებზე მომუშავე სხვადასხვა საერთაშორისო ორგანიზაციებთან.  პროექტის ფარგლებში 45 ახალგაზრდისაგან შერჩეული მიზნობრივი ჯგუფისაგან შეიქმნა ახალგაზრდა ლიდერთა გუნდი, რომელთათვისაც ჩატარდა ინტერაქტიული ფორმატის ტრენინგები. ტრენინგების მონაწილე ახალგაზრდებს გადაეცათ სერთიფიკატები. წყარო:msy.gov.ge

აჭარა. სტუდენტურ-ახალგაზრდული სათათბირო საერთაშორისო ახალგაზრდულ გაცვლით პროგრამას მასპინძლობს. პროექტის „გამოხატე საკუთარი თავი!" ფარგლებში გაგეგმილი აქტივობების მიზანია ახალგაზრდების მიერ თავისუფალი დროის რაციონალური გამოყენება და თვითრეალიზაციის ხელშეწყობა ჟურნალისტიკის საფუძვლების ათვისების გზით. 20-30 იანვრის განმავლობაში ახალგაზრდები პოლონეთიდან, უკრაინიდან, ლიტვიდან და საქართველოდან აითვისებენ ელექტრონული საინფორმაციო ბიულეტენის გამოშვების, ტელესიუჟეტისა და ფოტორეპორტაჟის მომზადების ტექნიკას. პროექტი მხარდაჭერილია ევროკავშირის პროგრამის – „აღმოსავლეთის პარტნიორობის ახალგაზრდული ფანჯარა" – ფარგლებში და ქობულეთში ტარდება.

იმერეთი. 16 იანვარს, ქუთაისის ახალგაზრდული ცენტრის წევრების ორგანიზებით მოხალისეობის შესახებ საინფორმაციო კამპანია გაიმართა. ღონისძიების მიზანს წარმოადგენდა საზოგადოების ინფორმირება მოხალისეობის კულტურის, როლის და მნიშვნელობის შესახებ. საინფორმაციო კამპანიაში ცენტრის 35 წევრი იღებდა მონაწილეობას. ახალგაზრდება მოამზადეს პლაკატები, ბროშურები და ქალაქის ცენტრალურ უბანში მსვლელობა მოაწყვეს. საინფორმაციო კამპანია გაიმართა „საქართველოში ეროვნული ინტეგრაციის გაძლიერების" პროექტის (ANI) ფარგლებში, რომელსაც ახორციელებს საქართველოს გაეროს ასოციაცია (UNAG), აშშ-ის საერთაშორისო განვითარების სააგენტოს (USAID) მხარდაჭერით. წყარო:ორგანიზაციის გვერდი სოციალურ ქსელში

თბილისი. საქართველოს ჟურნალისტური ეთიკის ქარტიასთან არსებული „ლიბერალიზმის სასწავლო ცენტრი" აცხადებს სტუდენტთა მიღებას. შერჩეული სტუდენტები ექვსი თვის განმავლობაში მოისმენენ საჯარო ლექციებს ადამიანის უფლებებთან, ლიბერალიზმსა და დემოკრატიასთან დაკავშირებულ თემებზე, მონაწილეობას მიიღებენ დისკუსიებში, მოიძიებენ ინფორმაციას სხვადასხვა საკითხზე და არგუმენტირებულად დაასაბუთბენ საკუთარ პოზიციას, გარდა ამისა მოამზადებენ ტოქ შოუ „ლიბ თაიმს" და შექმნიან ჟურნალისტურ მასალებს, რაც განთავსდება ცენტრის ბლოგზე კანდიდატი უნდა იყოს დამამთავრებელი კლასის მოსწავლე ან ბაკალავრიატის ნებისმიერი ფაკულტეტის სტუდენტი. სრულად წყარო: liberalizmi.wordpress.com

იმერეთი. 17 იანვარს, ქუთაისის ახალგაზრდულმა ცენტრმა თელავის ახალგაზრდული ცენტრის წევრებს უმასპინძლა. ვიზიტის მიზანს წარმოადგენდა ქუთაისში და თელავში დაფუძნებული ახალგაზრდული ცენტრების დაახლოება, გამოცდილების გაზიარება, ერთობლივი სათემო ღონისძიებების და საგანმანათლებლო პროგრამების ორგანიზება, სამომავლო ურთიერთთანამშრომლობის გზების დასახვა, ასევე იმერეთის რეგიონში არსებული კულტურული მემკვიდრეობის ძეგლების გაცნობა. თელავისა და ქუთაისის ახალგაზრდული ცენტრის წევრებმა ერთობლივად გამართეს სამუშაო შეხვედრა, სადაც განიხილეს ცენტრების წარმატებული მაგალითები, გააკეთეს პრეზენტაციები მიმდინარე ღონისძიებების შესახებ და შეიმუშავეს სამოქალაქო ინტერესების დაცვის კამპანიები, რომელსაც ერთობლივად განახორციელებენ თავიანთ ქალაქებში. ცენტრის წევრები ეწვივნენ შეზღუდული შესაძლებლობის მქონე ბავშვთა დღის ცენტრს „ჯადოსნური სამყარო", სადაც 19 აღსაზრდელთან ერთად გამართეს შემეცნებით-საგანმანათლებლო აქტივობები. წყარო:ორგანიზაციის გვერდი სოციალურ ქსელში

სამცხე–ჯავახეთი. 15-19 იანვარს ბორჯომმა ახალგაზრდულ ბანაკს უმასპინძლა. სამოქალაქო განათლებისა და პედაგოგთა გადამზადების პროგრამის ფარგლებში ახალციხის ახალგაზრდულმა ცენტრის ორგანიზებით ინტეგრაციის ახალგაზრდული ბანაკი მოეწყო. პროექტში მონაწილეობა მიიღო სამცხე–ჯავახეთის 24–მა სკოლამ, აქედან 12 სომხურენოვანი იყო. ბანაკის მონაწილეებს ჩაუტარდათ ტრენინგები სხვადასხვა თემებზე: ინტეგრაცია; სასკოლო სამოქალაქო კლუბების არსი და მუშაობის პრინციპები; პროექტების წერის ტექნიკა და სხვ. ახალგაზრდები დაეუფლნენ დებატების ხელოვნებას. როგორც ბანაკის ორგანიზატორებმა აღნიშნეს, მსგავსი შეხვედრები ხელს უწყობს სამოქალაქო ცნობიერების ამაღლებას, სხვადასხვა ეთნოსების დაახლოებას და ინტეგრაციას.

აჭარა. 17 იანვარს, „ბათუმის ახალგაზრდული ცენტრის" წევრებისთვის ჩატარდა თანატოლთა ტრენინგი - „ნაადრევი ქორწინება და დედობა ბავშვობაში". ტრენინგის დროს მოეწყო პრეზენტაცია, რომელშიც აღნიშნული იყო პრობლემის აქტულობა, ნაადრევი ქორწინების სტატისტიკა, გამომწვევი მიზეზები და შედეგები. ტრენინგის დროს ასევე ნაჩვენები იყო მოკლემეტრაჟიანი ფილმები და საინფორმაციო კლიპები. აქტივობა განხორციელდა პროექტის – „ეროვნული ინტეგრაციის გაძლიერება საქართველოში" (ANI) – ფარგლებში, რომელსაც ახორციელებს საქართველოს გაეროს ასოციაცია (UNAG) აშშ-ს საერთაშორისო განვითარების სააგენტოს (USAID) ფინანსური მხარდაჭერით. ბათუმში პარტნიორი ორგანიზაციაა „თავისუფალ ჟურნალისტთა სახლი". წყარო:ორგანიზაციის გვერდი სოციალურ ქსელში

იმერეთი. 16 იანვარს, ქუთაისის ახალგაზრდული ცენტრის წევრებისათვის ორგანიზება გაუკეთდა სემინარს - „მოხალისეობა და მოხალისეობის სერვისი". ღონისძიებას მშვიდობის კორპუსის ამერიკელი მოხალისე ბეთსი ჯენსონი გაუძღვა. სემინარი მიზნად ისახავდა ახალგაზრდებს მიეღოთ ინფორმაცია მოხალისეობის და მასთან დაკავშირებული სერვისების შესახებ. სემინარი გაიმართა „საქართველოში ეროვნული ინტეგრაციის გაძლიერების პროექტის" (ANI) ფარგლებში, რომელსაც ახორციელებს საქართველოს გაეროს ასოციაცია (UNAG), აშშ-ის საერთაშორისო განვითარების სააგენტოს (USAID) მხარდაჭერით. წყარო:ორგანიზაციის გვერდი სოციალურ ქსელში

ქვემო ქართლი. 15-19 იანვარს, „სიქამ" სამოქალაქო ინტეგრაციის ახალგაზრდული ბანაკი მოაწყო. ბანაკში ქვემო ქართლის 24 საჯარო სკოლის 72 ქართველი და აზერბაიჯანელი წარმომადგენელი მონაწილეობდა. ღონისძიება მოეწყო „სამოქალაქო განათლებისა და პედაგოგთა გადამზადების პროგრამის" ფარგლებში, რომელსაც USAID დაფინანსებით ახორციელებს PH International. წყარო:ორგანიზაციის გვერდი სოციალურ ქსელში

სამცხე-ჯავახეთი. ახალციხის ახალგაზრდული ცენტრის წევრებმა, თანატოლთა განათლების ფარგლებში, ახალგაზრდებს მიაწოდეს ინფორმაცია კარლ პოპერის სტილით დებატების ჩატარების მეთოდის, პრინციპების შესახებ. ღონისძიება ჩატარდა პროექტ "ეროვნული ინტეგრაციის გაძლიერება საქართველოში" ფარგლებში, რომელსაც ახორციელებს საქართველოს გაეროს ასოციაცია (UNAG) საერთაშორისო განვითარების სააგენტოს ფინანსური მხარდაჭერით. წყარო:ორგანიზაციის გვერდი სოციალურ ქსელში