სამეგრელო. 7 ნოემბერს ასოციაცია „ათინათის" ახალგაზრდული ცენტრის „ორტუსის" წევრებმა, ოდიშის #1 საჯარო სკოლის მოსწავლეებს ჩაუტარეს თანატოლთა ტრენინგი, თემაზე „ეფექტური კომუნიკაცია". ტრენერებმა მსმენელებს მიაწოდეს ინფორმაცია აღნიშნულ საკითხის შესახებ და მოსწავლეებმა იმსჯელეს და გამოთქვეს საკუთარი მოსაზრებები ეფექტური კომუნიკაციის საკითხებზე. ასევე ტრენინგზე განიხილეს ისეთი საკითხები, როგორიცაა კითხვის დასმის ტექნიკები და კომუნიკაციის სახეები. შეხვედრა გაიმართა საქართველოში ეროვნული ინტეგრაციის გაძლიერების პროექტის ფარგლებში, რომელსაც ახორციელებს საქართველოს გაეროს ასოციაცია, აშშ–ის საერთაშორისო განვითარების სააგენტოს ფინანსური მხარდაჭერით. წყარო: ორგანიზაციის გვერდი სოციალურ ქსელში

კახეთი. 6 ნოემბერს, თელავის დემოკარტიული ჩართულობის ცენტრში, საზოგადოებრივი ჯანდაცვის ფონდის წარმომადგენლებმა შეხვედრა გამართეს. შეხვედრას, სოციალური მომსახურების სააგენტოსა და არასამთავრობო სექტორის წარმომადგენლები ესწრებოდნენ.  აღნიშნული შეხვედრა წარმოადგენს 2 დღიან ტრენინგს, რომელიც მიმართულია ბავშვთა უსაფრთხოებასა და მათ ძალადობისაგან დაცვაზე.  ტრენინგის პირველ დღეს საზოგადოებრივი ჯანდაცვის ფონდის წარმომადგენლებმა დამსწრე ფსიქოლოგებს  თავანთი მოვალეობა და უფლებამოსილებები გააცნეს. ტრენინგი გაეროს ბავშვთა ფონდის მიერაა დაფინანსებული. ქეთევან თავართქილაძე, საზოგადოებრუივი ჯანდაცვის ფონდის ფსიქოლოგი: ,,ორდღიანია ტერნინგია განკუთვნილია მათთვის, ვინც ზრუნავს ბავშვების უსაფრთხოოებასა და ბავშვების ძალადობიდსაგან დაცვაზე. სოციალურ მუშაკებს ვაცნობთ ფსიქოლოგის სამუშაოს აღწერილობას და იმას თუ რა ევალება ფსიქოლოგს, ასევე, რა არის ფსიქოლოგის უფლებამოსილება".

მცხეთა–მთიანეთი. ბავშვთა და ახალგაზრდობის განვითარების ფონდის დაფინანსებით თიანეთში ახალგაზრდული გაზეთი გამოიცა. „თიანეთის მომავლის" - სარედაქციო კოლეგია ადგილობრივი ახალგაზრდებისგან დაკომპლექტდა. ისინი ყოველთვიურად მოამზადებენ გაზეთის ახალ ნომრებს და რაიონის მასშტაბით ყველა სოფელში გაავრცელებენ.  „ფონდის მიერ დაფინანსდა პროექტი, რომელიც ხელს შეუწყობს კომუნიკაციის საშუალებების ზრდას, საჭირო ინფორმაციის ყველაზე უფრო შორეულ სოფლამდე მიტანას, ადგილობრივი ახალგაზრდა პოეტების, მწერლების მიერ შექმნილი ნაწარმოებების გაზეთში განთავსებას, რათა ადგილობრივმა მოსახლეობამ გაიცნოს და დააფასოს მათი შემოქმედება", ნათქვამია ორგანიზაციის გვერდზე სოციალურ ქსელში. წყარო:ორგანიზაციის გვერდი სოციალურ ქსელში

იმერეთი. 6 ნოემბერს, სამოქალაქო განთლებისა და პედაგოგთა გადამზადების პროგრამის ფარგლებში სამტრედიის და სოფელ დიდი ჯიხაიშის საჯარო სკოლებში სამოქალაქო კლუბები დაფუძნდა. კლუბების კოორდინატორმა ახლად შექმნილ სამოქალაქო კლუბებს კონსულტაციები გაუწია კლუბის სტრუქტურისა და ფუნქციონირების შესახებ. შეხვედრის მონაწილეები გაეცნენ წლის სამუშაო გეგმის პრიორიტეტებს და იქვე შეიმუშავეს თავიანთი კლუბების სამუშაო გეგმები. წყარო:ორგანიზაციის გვერდი სოციალურ ქსელში

სამცხე–ჯავახეთი. ახალციხის ახალგაზრდულ ცენტრში მორიგი ტრენინგი ჩატარდა. ტრენინგის გენდერის თემაზე ცენტრის ახალი წევრები დაესწრნენ. ღონისძიება განხორციელდა პროექტის – „ევროვნული ინტეგრაციის გაძლიერება საქართველოში" – ფარგლებში.  პროექტს ახორციელებს საქართველოს გაეროს ასოციაცია, ამერიკის შეერთებული შტატების საერთაშორისო განვითარების სააგენტოს (USAID) ფინანსური მხარდაჭერით. წყარო:ორგანიზაციის გვერდი სოციალურ ქსელში

მცხეთა–მთიანეთი. „ახალგაზრდა ადვოკატები" მცხეთის მუნიციპალიტეტის საჯარო სკოლის დამამთავრებელი კლასის მოსწავლეებისათვის პროექტის – „ადგილობრივი ლიდერები"– განხორციელებას იწყებს. პროექტის მიზანია, „ფართო დიალოგის წარმოება დამამთავრებელი კლასის მოსწავლეებთან, მათთვის სამართლებრივი ცნობიერებისა და სამოქალაქო ღირებულებების უპირატესობის დასაბუთება, განსაკუთრებული ნიჭით გამორჩეული მოსწავლეების გამოვლენა და საზოგადოებისთვის წარდგენა, ახალგაზრდების დაინტერესება დემოკრატიულ პროცესებში თანამონაწილოებისთვის". „ახალგაზრდა ადვოკატები" პროექტი მცხეთის მუნიციპალიტეტის საჯარო სკოლის დამამთავრებელი კლასის მოსწალეებისთვის 28 ოქტომბრიდან დაიწყო და 15 დეკემბერს დასრულდება. სრულად წყარო: barristers.ge

იმერეთი. 4-5 ნოემბერს ქუთაისის ახალგაზრდული ცენტრის წევრებისათვის ორგანიზება გაუკეთდა სასწავლო ვიზიტს საქართველოს პარლამენტში. ვიზიტის მიზანს წარმოადგენდა ახალგაზრდებს გაეცნოთ საქართველოს პარლამენტი, მისია და სტრუქტურა, მოესმინათ უახლესი ინფორმაცია მიმდინარე რეფორმების შესახებ.  სასწავლო ვიზიტის მონაწილეებს მასპინძლობას პარლამენტის აპარატის წარმომადგენელი ნელი რაინგოლდი უწევდა. ახალგაზრდებმა დაათვალიერეს პარლამენტის ახალი შენობა, მოისმინეს მინი-ლექცია პარლამენტის ფუნქციების, სტრუქტურის, დეპარტამენტების, არქიტექტურის შესახებ. სასწავლო ვიზიტი ორგანიზებული იქნა „საქართველოში ეროვნული ინტეგრაციის გაძლიერების" პროექტის (ANI) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) მხარდაჭერით. წყარო:ორგანიზაციის გვერდი სოციალურ ქსელში

აჭარა. 4 ნოემბერს, ბათუმის სახელმწიფო უნივერსიტეტის საკონფერენციო დარბაზში, სართაშორისო, ახალგაზრდული ორგანიზაციის „აისეკ (AIESEC) ბათუმის" საცდელმა ლოკალურმა კომიტეტმა, სტუდნეტებს გაცვლითი პროგრამების შესახე ინფორმაცია მიაწოდა. ორგანიზაციის წარმომადგენლებმა სტუდენტებს ასევე გააცნეს აისეკის მუშაობის სპეციფიკა და საზღვარგარეთ სტაჟირებაზე გაგზავნის პირობები. აისეკი ყველაზე ძველი, მასშტაბული და სტუდენტური საერთაშორისო ორგანიზაციაა, რომელსაც წარმომადგენლები ჰყავს მსოფლიოს ბევრ ქვეყანაში. ამჟამად აჭარაში, კერძოდ ბათუმში, ლოკალური კომიტეტის მუშაობა საცდელი ვადით განისაზღვრება, თუმცა სამომავლოდ ორგანიზაციის წარმომადგენლები იმედოვნებენ, რომ „აისეკ ბათუმი" ახალგაზრდებს ლიდერული უნარების გამომუშავებაში აუცილებლად დაეხმარება.

თბილისი. ახალგაზრდული ასოციაცია „დრონისა" და „ბავშვთა და ახალგაზრდობის ფონდის" ერთობლივი პროექტი – „ახალგაზრდები ბარიერების გარეშე" – დასკვნით ფაზაში შედის. პიროვნული განვითარებისა და ადამიანის უფლებათა ტრენინგების, სპორტული ღონისძიებების, კულტურული „კოქტეილებისა" და პროფესიული ბიბლიოთეკების შემდგომ, ახალგაზრდები ხელნაკეთი ნივთების დამზადებისა და ანიმაციის შექმნის მეთოდებს გაეცნობიან, ასევე გაივლიან სოციალური მედიის ტრეინგებს. წყარო:ორგანიზაციის გვერდი სოციალურ ქსელში

ქვემო ქართლი. 1–3 ნოემბევრს, რუსთავში, სიქას ოფისში გაიმართა 3 დღიანი ტრენინგი თანასწორთა განმანათლებლებისთვის. ტრენინგის თემატიკა იყო: ეფექტური კომუნიკაცია, აივ/შიდსი და კონსულტირება, თანასწორთა განათლების მნიშვნელობა და თანასწორთა განმანათლებლების ფუნქციები. ტრენინგი ჩატარდა ინტერაქტიულად. მათ მიიღეს ინფორმაცია და როლური სავარჯიშოების დახმარებით განავითარეს უნარები, რომლებიც მათ უნდა გამოიყენონ მუშაობის პროცესში. წყარო:ორგანიზაციის გვერდი სოციალურ ქსელში

იმერეთი. 4 ნოემბერს, სამეცნიერო-ინტელექტუალური კლუბ „თაობათა დიალოგში" მოხალისეთა ახალ ჯგუფს ჩაუტარდა შეხვედრა. შეხვედრის თემა იყო: „რა არის მოხალისეობა". მოხალისეთა კლუბის პროგრამა სამ თვიანია, ის ნოემბერში დაიწყო და იანვარში დასრულდება. პროგრამის ფაგლებში დაგეგმილია 2 ღონისძიების მოწყობა და ტრენინგები.მოხალისეთა კლუბში 21 მოხალისეა. წყარო::ორგანიზაციის გვერდი სოციალურ ქსელში

აჭარა. 3 ნოემბერს, წიგნის კლუბში ჩატარდა ანალიტიკური ესსეს კონკურსი რეი ბრედბერის წიგნის თემაზე – „451 გრადუსი ფარენჰეიტით". აქტივობა განხორციელდა პროექტის ფარგლებში „ეროვნული ინტეგრაციის გაძლიერება საქართველოში" რომელსაც ახორციელებს საქართველოს გაეროს ასოციაცია აშშ-ს საერთაშორისო განვითარების სააგენტოს ფინანსური მხარდაჭერით. ბათუმში პარტნიორი ორგანიზაციაა „თავისუფალ ჟურნალისტთა სახლი". წყარო:ორგანიზაციის გვერდი სოცაილურ ქსელში

შიდა ქართლი. 1–2 ნოემბერს, „საქართველოს ახალგაზრდა კონსტიტუციონალისტთა ასოციაციის" წარმომადგენლებმა შეხვედრები გამართეს გორში. ღონისძიება ჩატარდა პროექტის – „ახალგაზრდები კონსტიტუციური ცვლილებებისთვის" – ფარგლებში. სამუშაო შეხვედრების მონაწილე ახალგაზრდებს შესაძლებლობა მიეცათ მოესმინათ სალექციო კურსი და ჩართულიყვნენ ღია დისკუსიაში კონსტიტუციური სამართლის ფუძემდებლურ პრინციპებსა და კონსტიტუციონალიზმის თანამედროვე ტენდენციებთან დაკავშირებულ საკითხებზე. შეხვედრების ყველა მონაწილე კონსტიტუციით დასაჩუქრდა. წყარო:ორგანიზაციის გვერდი სოციალურ ქსელში

სამცხე–ჯავახეთი. დემოკრატ მესხთა კავშირის პროექტის – ახალგაზრდული საკრებულოს წევრებმა სოფლების: ორალისა და დიდი და პატარა პამაჯის მოსახლეობას საინფორმაციო ბუკლეტები დაურიგეს. ბუკლეტი საშუალებას აძლევს მოქალაქეებს მიიღონ ინფორმაცია სოფლის მხარდაჭერის პროგრამის, ფარგლებში ახალციხის მუნიციპალიტეტში განხორციელებული პროექტების (ფინანსების) შესახებ. გარდა ამისა, ახალგაზრდული საკრებულოს წევრები კითხვარების საშუალებით მოსახლეობას შესაძლებლობას აძლევენ დააფიქსირონ საკუთარი შეხედულება განხორციელებული სამუშაოების შესახებ. წყარო:ორგანიზაციის გვერდი სოციალურ ქსელში

იმერეთი. სამეცნიერო-ინტელექტუალურ კლუბში „თაობათა დილოგის" პროგრამის „მოხალისეთა კლუბის" III ეტაპის საინფორმაციო შეხვედრა გაიმართა. სამი თვის განმავლობაში პროგრამის ფარგლებში შერჩეული 18 მოხალისე ორგანიზაციასთან ერთად მონაწილეობას მიღებს საზოგადოების განვითარების პროცესში, სხვადასხვა ღონისძიებების დაგეგმვასა და განხორციელებაში. ისინი უშუალოდ გაეცნობიან არასამთავრობო სექტორის მუშაობის სფეციფიკას, გაეცნობიან პიარის ტექნოლოგიებს, პროექტის წერისა და ფონდების მოძიების მეთოდიკას, ასევე კულტურული ღონისძიებების დაგეგმვა - განხორციელებას. სამთვიანი ტრენინგის შემდეგ თითოეულ მოხალისეს გადაეცემა შესაბამისი დონის სერთიფიკატი. პირველი და მეორე ნაკადის მოხალისეები უშუალოდ იქნებიან ჩართულები მესამე კლუბის მუშაობასა და თანატოლთა განამანთლებლობის პრინციპიდან გამომდინარე შესაბამისი უნარ-ჩვევების გამომუშავებაში. წყარო:ორგანიზაციის გვერდი სოციალურ ქსელში

აჭარა. „ბათუმის ახალგაზრდული ცენტრი" იწყებს პრეზენტაციების ციკლს საჯარო სკოლებში, რომლებსაც თავად ცენტრის წარმომადგენლები ჩაატარებენ. ამ მიზნით 3 ნოემბერს ახალგაზრდებმა ცენტრის ახალი წევრებისთვის ჩაატარეს თანატოლთა ტრენინგი თემაზე: ეფექტური პრეზენტაცია, რომლის დროსაც პრაქტიკული სავარჯიშოებით მონაწილეებმა აითვისეს პრეზენტაციის გაკეთებისთვის აუცილებელი უნარ-ჩვევები. ღონისძიება გაიმართა საქართველოში ეროვნული ინტეგრაციის გაძლიერების პროექტის ფარგლებში, რომელსაც ახორციელებს საქართველოს გაეროს ასოციაცია (UNAG) აშშ-ის საერთაშორისო განვითარების სააგენტოს (USAID) ფინანსური მხარდაჭერით. ბათუმში პროექტის პარტნიორია ასოციაცია „თავისუფალ ჟურნალისტთა სახლი" (IJH). წყარო:ორგანიზაციის გვერდი სოციალურ ქსელში

იმერეთი. საერთაშორისო განათლების და განვითარების აკადემიამ დაიწყო შეხვედრები ფოკუს ჯგუფებთან. 1 ნოემბერს გაიმართა პირველი შეხვედრა სტუდენტების ჯგუფთან. შეხვედრაზე ისაუბრეს თავიანთ საჭიროებებზე და გზებზე, რა გზებითაც ცდილობენ სტუდენტები სამსახურის ძიებას. შეხვედრას ხელმძღვანელობდა საერთაშორისო განათლების და განვითარების აკადეემის დამფუძნებელი. წყარო:ორგანიზაციის გვერდი სოციალურ ქსელში

იმერეთი. 1 ნოემბერს, სამოქალაქო განათლებისა და პედაგოგთა გადამზადების პროგრამის ფარგლებში, ტყიბულის საჯარო სკოლაში სამოქალაქო კლუბი დაფუძნდა. სამოქალაქო კლუბების კოორდინატორმა ახლად შექმნილ სამოქალაქო კლუბს კონსულტაციები გაუწია კლუბის სტრუქტურისა და ფუნქციონირების შესახებ. შეხვედრის მონაწილეები გაეცნენ წლის სამუშაო გეგმის პრიორიტეტებს და იქვე შეიმუშავეს თავიანთი კლუბების სამუშაო გეგმები. შეხვედრას სულ 15 მოსწავლე ესწრებოდა. წყარო:ორგანიზაციის გვერდი სოციალურ ქსელში

კახეთი. ეროვნული ინტეგრაციის გაძლიერება საქართველოში-თელავის ცენტრის სათემო პრობლემების ჯგუფმა ქალაქის ცენტრში არსებული ერთ-ერთი მცირე სტადიონის განათების საკითხის მოგვარება გადაწყვიტა. ამ მიზნით ახლგაზრდება გადაიღეს ფოტოები და შესაბამისი სტრუქტურის ხელმძღვანელს შეხვდნენ. ცენტრის წევრებმა დასახეს კონკრეტული მოქმედების გეგმა რომლის ფარგლებშიც შეეცდებიან მოწესრიგდეს აღნიშნული პრობლემა. ადვოკატირების კამპანია მიდმინარეობს „საქართველოში ეროვნული ინტეგრაციის გაძლიერების პროექტის" (ANI) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) მხარდაჭერით. წყარო:ორგანიზაციის გვერდი სოციალურ ქსელში

სამცხე–ჯავახეთი. დემოკრატ მესხთა კავშირის, პროექტ „ახალგაზრდული საკრებულოს" წევრებმა მორიგი სამუშაო შეხვედრა გამართეს. შეხვედრაზე სოფლის მხარდაჭერის პროგრამის ფარგლებში განხორციელებულ პროექტებზე, ხარჯებსა და სამომავლო გეგმებზე იმსჯელეს.  წყარო:ორგანიზაციის გვერდი სოციალურ ქსელში

აჭარა. 31 ოქტომბერს, ბათუმის დემოკრატიული ჩართულობის ცენტრში ახალი არასამთავრობო ორგანიზაციის – „ახალგაზრდები მომავლისათვის" – პრეზენტაცია გაიმართა. ახალგაზრდებმა დამსწრე საზოგადოებას წარუდგინეს ის ძირითადი მიზნები და ამოცანები, რომლის ირგვლივაც აპირებენ მუშაობას. მათი ძირითადი მიზანია ახალგაზრდებში სოციალურ-პოლიტიკური კულტურის ამაღლება, რეგიონში არსებულ პრობლემებზე მსჯელობა და გადაჭრის ალტერნატიული გზების ძიება სხვადასხვა პროექტებით თუ აქტივობებით. „ახალგაზრდები მომავლისათვის" აპირებენ თანამშრომლობითი ურთიერთობების დამყარებას რეგიონში მოქმედ საზოგადოებრივ ორგანიზაციებთან და კოალიციური პროექტების განხორციელებას. 

შიდა ქართლი. 29 ოქტომბერს, ასოციაცია „გორის ინვალიდთა კლუბთან" არსებულმა გორის ახალგაზრდულმა ცენტრმა სოფელ ახალდაბის ახალგაზრდებს ცენტრის პრეზენტაცია გაუმართეს. შეხვედრის მიზანი იყო ახალგაზრდებისათვის პროექტის გაცნობა, ასევე ახალგაზრდული ცენტრის საქმიანობის, პროექტის მიზნებისა და ამოცანების შესახებ საუბარი. პრეზენტაციის ჩატარებისას სოფელ ახალდაბის ქვეკლუბის შექმნის სურვილიც გაჩნდა. წყარო:ორგანიაციის გვერდი სოიცალურ ქსელში