თბილისი. 18 ნოემბერს სიქას ორგანიზებით გაიმართება კონფერენცია, რომლის თემაა მცირე საგრანტო პროექტების გავლენა ახალგაზრდებში სამეწარმეო კომპეტენციების გაზრდაზე. კონფერენციაზე განხილული იქნება კვლევის შედეგები, რომელიც ორგანიზაციამ ახალგაზრდებში ინიციატივისა და მეწარმეობის კომპეტენციის დასადგენად ჩაატარა. მკვლევარებს ასევე სურდათ გაეგოთ, თუ როგორ ვითარდება ახალგაზრდა მას შემდეგ, რაც ის იწყებს მცირე საგრანტო პროექტებში მონაწილეობას და რამდენად გააზრებული აქვთ ახალგაზრდებს პროექტების არსი და გავლენა. კვლევის შედეგებზე გაკეთებული დასკვნები უახლოეს მომავალში რეკომენდაციის სახით გადაეცემა პარლამენტს. სრულად კონფერენციის შესახებ წყარო:ორგანიზაციის გვერდი სოციალურ ქსელში

მცხეთა–მთიანეთი. „ახალგაზრდა ადვოკატები",ბავშვთა და ახალგაზრდობის განვითარების ფონდის საგრანტო კონკურსის ფარგლებში, 14 ნოემბერს, მცხეთის მუნიციპალიტეტის საჯარო სკოლის დამამთავრებელი კლასის მოსწავლეებს შეხვდნენ. ორგანიზაციამ მუნიციპალიტეტის საჯარო სკოლის მეთორმეტე კლასის მოსწავლეებს პროექტის: „ადგილობრივი ლიდერებში" მონაწილეობის შესახებ ვრცელი ინფორმაცია მიაწოდეს. პროექტის მიზანია, დიალოგის წარმოება დამამთავრებელი კლასის მოსწავლეებთან, მათთვის სამართლებრივი ცნობიერებისა და სამოქალაქო ღირებულებების უპირატესობის დასაბუთება, განსაკუთრებული ნიჭით გამორჩეული მოსწავლეების გამოვლენა და საზოგადოებისთვის წარდგენა, ახალგაზრდების დაინტერესება დემოკრატიულ პროცესებში თანამონაწილოებისთვის. ამ მიზნით, დამამთავრებელი კლასის მოსწავლეები მონაწილეობას მიიღებენ გამოცხადებულ კონკურსში და წარმოადგენენ ანალიტიკურ სტატიებს თემებზე: „საქართველოს ევროპული არჩევანი – შესაძლებლობების ანალიზი"; „საქართველოს ტერიტორიული მთლიანობა – პერსპექტივები და მომავალი" და „სამოქალაქო საზოგადოების პასუხისმგებლობის სტანდარტები", რომლებსაც შეაფასებს პროექტის საკონკურსო კომისია. სრულად წყარო: ორგანიზაციის გვერდი სოციალურ ქსელში

ქვემო ქართლი. 13 ნოემბერს ბოლნისის კულტურის სახლში „ქვემო ქართლის ახალგაზრდული ფესტივალი 2013" გაიმართა. ღონისძიება „სიდას" პროექტის – „არასრულწლოვანთა მარლთმსაჯულების რეფორმის მხარდაჭერა ქვემო ქართლსა და სამცხე–ჯავახეთის ეროვნული უმცირესობების თემებში" – ფარგლებში ჩატარდა და მას ბოლნისელი კანონთან კონფლიქტში მყოფი არასრულწლოვანი პრობაციონერები დაესწრნენ. ფესტივალში მონაწილეობდნენ ქვემო ქართლის კულტურის სახლები, ახალგაზრდული და საგანმანათლებლო ცენტრები, საჯარო სკოლები და სპორტულ–გამაჯანსაღებელი კომპლექსები. გაიმართა სახვითი და გამოყენებითი ხელოვნების ნიმუშების გამოფენა–გაყიდვა, ჩატარდა შეჯიბრებები ქართულ ჭიდაობაში, ჭადრაკსა და ხრიდოლში. ფესტივალის ბოლოს, დასკვნითი კონცერტი გაიმართა ბოლნისის კულტურის სახლში. წყარო:cida.ge

სამეგრელო. 13 ნოემბერს, ასოციაცია „ათინათის" ახალგაზრდული ცენტრი „ორტუსის" წევრებს, ჩაუტარდათ ტრენინგი, თემაზე „ეფექტური პრეზენტაციების ტექნიკები". ღონისძიება მიზნად ისახავდა მონაწილეებისთვის თეორიული ინფორმაციისა და პრაქტიკული უნარ–ჩვევების გამომუშავებასა და განვითარებას წარმატებული პრეზენტაციის ჩატარებისთვის. სესიაზე განხილული იყო საკითხები: პრეზენტაციის მომზადების ეტაპები; შინაარსობრივად და ტექნიკურად გამართული პრეზენტაციების მომზადების პრინციპები; პრეზენტაციის მსვლელობა; ჯგუფური პრეზენტაციების ჩატარების წესები და სპეციფიკა; მნიშვნელოვანი რჩევები წარმატებული პრეზენტატორისთვის. სესიის დროს მონაწილეებს შესაძლებლობა მიეცა მიეღოთ თეორიული ცოდნა და განემტკიცად ის პრაქტიკული სავარჯიშოს მეშვეობით. წყარო:ორგანიზაციის გვერდი სოციალურ ქსელში

კახეთი. თელავის განათლების განვითარების და დასაქმების ცენტრში, საქართველოში ეროვნული ინტეგრაციის გაძლიერების პროგრამის ფარგლებში, ჩატარდა გაეროს მოდელირება, რომელშიც მონაწილეობა ცენტრის მოხალისე ახლგაზრდებმა მიიღეს. შეხვედრის ორგანიზატორების თქმით, ჩატარდა კონკურსი, რომელშიც გამარჯვებული ბავშვები მონაწილეობას მიიღებენ თბილისში გამართულ გაეროს ეროვნულ მოდელირებაში.  დავით გუმბერიძე, ორგანიზატორი: ,,გაეროს მოდელირება და სხვადასხვა მსგავსი სიმულაციური თამაშები რეგულარულად ტარდება უმაღლესი სასწავლო დაწესებულებების სტუდენტებისათვის და სკოლის მოსწავლეთათვის, ისევე როგორც ხელისუფლების ორგანოთა წარმომადგენელთათვის". ლევან ხელხელაური, გამარჯვებული: „სასიამოვნოა პროექტში მონაწილეობა და ძალიან გახარებული ვარ, რომ მომეცა საშუალება  დასკვნით მოდელირებაში მივიღო მონაწილეობა და მივიღო მართლაც საჭირო ძვირფასი ინფორმაცია." გაეროს მოდელირების პროგრამა დაფინასებულია USAID-ის მიერ და საქართველოში ხორციელდება გაეროს ასოციაციის მიერ.

შიდა ქართლი. 14 ნოემბერს „ასოციაცია გორის ინვალიდთა კლუბის" გორის ახალგაზრდულ ცენტრში ჩატარდა ტრენინგი თემაზე: სტრატეგიული დაგეგმარება და პროგრამის მართვა. ტრენინგის მიზანია ახალგაზრდებში სტრატეგიის ცნების სწავლება და სტრატეგიული გეგმის შედგენის უნარჩვევების შემუშავება.  ღონისძიება გაიმართა „ეროვნული ინტეგრაციის გაძლიერება საქრთველოში" პროექტის ფარგლებში, რომელიც ხორციელდება საქართველოს გაეროს ასოციაციის მიერ, აშშ-ს საერთაშორისო განვითარების სააგენტოს (USAID) მხარდაჭერით. გორში პროექტის პარტნიორი ორგანიზაციაა „გორის ინვალიდთა კლუბი". წყარო: ორგანიზაციის გვერდი სოციალურ ქსელში

აჭარა. 13 ნოემებრს, ბათუმის მე-16 სკოლის მოსწავლეებს, „კოალიცია დამოუკიდებელი ცხოვრებისათვის", აჭარის ლიდერებმა „სიკეთის გაკვეთილი" ჩაუტარეს. ორი საათის განმავლობაში შეზღუდული შესაძლებლობების მქონე მასწავლებლები ბავშვვებს შშმ პირების უფლებების დაცვის კუთხით არსებულ პრობლემებზე, შშმ პირთა მისამართით ტერმინების არასწორ გამოყენებაზე ესაუბრებოდნენ. ასევე, გაკვეთილის პროცესში მოსწავლეთა მაქსიმალური ინტერაქტივის მიზნით მათ კონკრეტული დავალებები მიეცათ, სადაც საკუთარი ხედვა შშმ პირების დასაქმებასთან დაკავშირებით დააფიქსირეს. მსგავსი გაკვეთილების ჩატარება ბათუმის სხვა სკოლებშიც იგეგმება. აღნიშნული, მიზნად ისახავს მოსწავლეთა ცნობიერების ამაღლებას შშმ საზოგადოების მიმართ სწორი დამოკიდებულების ჩამოყალიბების ხელშეწყობას.

შიდა ქართლი. 13 ნოემბერს საზოგადოება „ბილიკის" ორგანიზებით გორის დემოკრატიული ჩართულობის ცენტრში ინტელექტუალური ვიქტორინა „რა? სად? როდის?" ჩატარდა. ღონისძიება სამოქალაქო განათლებისა და პედაგოგთა გადამზადების პროგრამის და პროექტ „თანადგომის" ფარგლებში განხორციელდა. მასში მონაწილეობას გორის ქარელის, სურამის, დიცის, ნიქოზის, ყელქცეულის, ხვითისა და ძევერის სკოლების მოსწავლეები იღებდნენ. გამარჯვებული გუნდები ექსკურსიით დაჯილდოვდნენ. ერთდღიანი გასვლითი ღონისძიება მოეწყობა ვიქტორინაში მონაწილე სხვა გუნდებისთვისაც. წყარო:ორგანიზაციის გვერდი სოციალურ ქსელში

სამცხე–ჯავახეთი. 9-10 ნოემბერს, საქველმოქმედო ჰუმანიტარულ ცენტრ „აფხაზეთის" ინციიატივით გორის მუნიციპალიტეტის რვა სოფლის საჯარო სკოლაში შექმნილ ეკო კლუბებში გაერთიანებული 78 მოსწავლე ეწვია ბორჯომ-ხარაგაულის ტყე-პარკს. მოსწავლეები გაეცვნენ აღნიშნული პარკის ბიო მრავალფეროვნებას და პროფესიონალ ექსკურსია მძღოლთან ერთად ფეხით გაიარეს სპეციალური მარშრუტი. აღნიშნული ტურის მიზანი იყო ეკოკლუბების მოსწავლეები გაცნობოდნენ ტყე-პარკის ფაუნასა და ფლორას და შეერჩიათ თემები, რომელთა დამუშავების შემდეგ ისინი წარდგებიან სპეციალურ კონფერენციაზე. ღონისძიება გაიმართა პროექტ – „ახალგაზრდების ჩართულობა და მონაწილეობა" – ფარგლებში, რომელიც დაფინანსებულია USAID-ის მიერ და ხორციელდება UNICEF-ის მხარდაჭერით.

ქვემო ქართლი. სიქას ორგანიზებით სასკოლო სამოქალაქო კლუბების 14 წევრი სტაჟირების პროგრამით რეგიონის სხვადასხვა დაწესებულებაში მუშაობს. სტაჟირების პროგრამა ხორციელდება სამოქალაქო განათლებისა და პედაგოგთა გადამზადების პროგრამის ფარგლებში. რუსთავის ოთხი საჯარო სკოლის მოსწავლეები სტაჟირების პროგრამით მუშაობენ რუსთავის იუსტიციის სახლში, ორი საჯარო სკოლის მოსწავლეები კი სტაჟირებას მსოფლიო ენების აკადემიაში გადის. მარნეულის საჯარო სკოლების ქართველი და აზერბაიჯანელი მოსწავლეები სტაჟირების პროგრამით მარნეულის იუსტიციის სახლში მუშაობენ. საერთო ჯამში იუსტიციის სახლებში სტაჟირების პროგრამით 12 მოსწავლე მუშაობს. წყარო:ორგანიზაციის გვერდი სოციალურ ქსელში

თბილისი. 13 ნოემბერს  ჟურნალისტური ეთიკის ქარტიამ და გაეროს ბავშვთა ფონდმა მონიტორინგის შედეგები წარმოადგინეს. მონიტორინგის მიზანი ელექტრონულ და ონლაინ მედიაში, ასევე პრესაში, ბავშვთა საკითხებზე გამოქვეყნებული მასალების შესწავლა, ბავშვთა აღიარებულ უფლებებთან, ეთიკურ ნორმებთან და პროფესიულ სტანდარტებთან შესაბამისობა  და ანალიზი იყო. დარღვევის გამოვლენის შემთხვევაში, ჟურნალისტური ეთიკის ქარტია, რეაგირების თხოვნით, განცხადებით მიმართავდა მედიასაშუალებებს. ანგარიში  წარმოადგენს 2013 წლის 1 ივნისიდან 1 სექტემბრამდე პერიოდში ჩატარებული მონიტორინგის შეჯამებას და მასში შეფასებულია სხვადასხვა ტიპის მედიის თავისებურებები, დეტალური ანალიზი, გამოკვეთილი დარღვევები, რეაგირება და რეკომენდაციები. ანგარიში წყარო: qartia.org.ge

იმერეთი. ქუთაისის ახალგაზრდულმა ცენტრმა ეკო აქცია – „უკვე გვიანია იყო პესიმისტი" – გამართა. ეკო კამპანიის ფარგლებში, ცენტრის წევრებმა დაამზადეს პოსტერები და ქალაქის ქუჩებში მსვლელობა მოაწყვეს. ისინი მოსახლეობას გარემოს დაცვაზე, მის სისუფთავესა და სიმწვანის შენარჩუნებაზე მოუწოდებდნენ. აქციას ბოტანიკური ბაღის ადმინისტრაციაც შეუერთდა და ქუთაისის ახალგაზრდული ცენტრის წევრებს სხვადასხვა სახეობის მარადმწვანე მცენარეთა ნერგები გადასცა. აღნიშნული ნერგები აქციის მონაწილეებმა დავით და კონსტანტინეს ქუჩის მიმდებარე ტერიტორიაზე დარგეს. წყარო:ორგანიზაციის გვერდი სოციალურ ქსელში

იმერეთი. 13 ნოემბერს, ტოლერანტობის საერთაშორისო დღესთან დაკავშირებით, ქუთაისის ახალგაზრდული ცენტრის წევრებისათვის ორგანიზება გაუკეთდა ტრენინგ-სემინარს – „ტოლერანტობა და მრავალფეროვნება". ღონისძიებას მოწვეული ტრენერი, იურისტი თამარ გურჩიანი უძღვებოდა, შეხვედრაში მონაწილეობა ცენტრის 34–მა წევრმა მიიღო.  ტრენინგი მიზნად ისახავდა ახალგაზრდებს მიეღოთ ინფორმაცია ტოლერანტობის, ადამიანის უფლებების და მასთან დაკავშირებული კანონმდებლობისა და საერთაშორისო ხელშეკრულებების შესახებ. ყურადღება იქნა გამახვილებული რასობრივ, ეთნიკურ, კულტურულ და რელიგიურ განსხვავებებზე, ადამიანის უფლებების დაცვის მნიშვნელობაზე.  ტრენინგ-სემინარის მსვლელობისას გამოყენებული იყო სხვადასხვა სახის ჯგუფური და სიტუაციური სავარჯიშოები.  წყარო:ორგანიზაციის გვერდი სოციალურ ქსელში

ქვემო ქართლი. სამოქალაქო განათლებისა და პედაგოგთა გადამზადების პროგრამის ფარგლებში სიქას წარმომადგენელი რუსთავის მე–11 საჯარო სკოლის მოსწავლეებს შეხვდა.  შეხვედრაზე მოსწავლეები გაეცნენ პროგრამის მიმდინარეობასა და პრიორიტეტებს. იმის გამო, რომ აღნიშნულ სკოლაში სამოქალაქო კლუბმა დროებით შეწყვიტა ფუნქციონირება, მოსწავლეებმა გამოთქვეს სურვილი გააქტიურონ კლუბი. მათ დეტალური ინფორმაცია მიიღეს სამოქალაქო კლუბის დანიშნულების შესახებ, მუშაობის სტილის შესახებ, თუ რა აქტივობები უნდა აკეთოს კლუბმა. ამავე შეხვედრაზე მოსწავლეებმა დაგეგმეს კლუბის პირველი შეხვედრა და ჩამოწერეს ის სავარაუდო აქტივობები, რომელსაც კლუბის წევრები მუშაობის დაწყებისთანავე განახორციელებენ. კლუბის წევრები ქალაქში არსებული პრობლემების დიაგნოსტიკისთვის პირველ ეტაპზე მოსახლეობის გამოკითხვას გეგმავენ, რის შემდეგაც იმ პრობლემებზე მუშაობას დაიწყებენ, რომლის მოგვარებაც თვითმმართველობასთან თანამშორმლობით შეუძლიათ. წყარო:ორგანიზაციის გვერდი სოციალურ ქსელში

იმერეთი. 12 ნოემბერს, სამოქალაქო განათლების და პედაგოგთა გადამზადების პროგრამის, ახალგაზრდული ფორუმის ფარგლებში სამტრედიის საჯარო სკოლაში ტრენინგები „ჯანსაღი ცხოვრების წესის" თემაზე ჩატარდა. ტრენინგზე განიხილეს თემები: აივ-ინფექციის, შიდსის პრევენცია, ალკოჰოლის, ნარკოტიკის და თამბაქოს მავნებლობა, სქესობრივი გზით გადამდები დაავადებები და ნაადრევი ქორწინებით გამოწვეული პრობლემები. წყარო:ორგანიზაციის გვერდი სოციალურ ქსელში

იმერეთი. 12 ნოემბერს სამოქალაქო განათლებისა და პედაგოგთა გადამზადების პროგრამის ფარგლებში თერჯოლის საჯარო სკოლის მოსწავლეები ქუთაისის საკრებულოს ესტუმრნენ.  მოსწავლეებს ქუთაისის საკრებულოს თავმჯდომარის მოადგილები შეხვდნენ და მათ თვითმმართველი ქალაქების მნიშვნელობაზე ესაუბრეს, გააცნეს საკრებულოს მუშაობის სტრუქტურა და უფლებამოსილება.  სამოქალაქო განათლებისა და პედაგოგთა გადამზადების პროგრამის ახალგაზრდულ ფორუმზე თერჯოლის საჯარო სკოლების მოსწავლეების მიერ შემუშავებული პროექტის ფარგლებში ამავე მოსწავლეებისათვის მოეწყო სასწავლო ვიზიტი ახალგაზრდა იურისტთა ასოციაციის ქუთაისის ფილიალშიც, მოსწავლეები გაეცვნენ საიას ფუნქციებსა და მოვალეობებს. ადვოკატების მუშაობის პროცესსა და დაათვალიერეს ორგანიზაციის ბიბლიოთეკა,რომელშიც 3500 წიგნია დაცული.  წყარო:ორგანიზაციის გვერდი სოციალურ ქსელში

იმერეთი. 8 ნოემბერს ქუთაისის ახალგაზრდული ცენტრის წევრებისათვის ორგანიზება გაუკეთდა დისკუსიას თემაზე: „ნაფიც მსაჯულთა სასამართლო საქართველოში - ახალი გამოწვევები". ღონისძიების მიზანს წარმოადგენდა ახალგაზრდებს მიეღოთ ინფორმაცია ნაფიც მსაჯულთა ინსტიტუტის შესახებ და იმ გამომწვევებზე, რომელიც ნაფიც მსაჯულთა სასამართლოს ამოქმედებას ახლავს თან. დისკუსია გაიმართა „საქართველოში ეროვნული ინტეგრაციის გაძლიერების პროექტის" (ANI) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) მხარდაჭერით.   წყარო: ორგანიზაციის გვერდი სოციალურ ქსელში

თბილისი. GeoYouth-ზე გამოცხადებული კონკურსები 20 ნოემბრამდე გაგრძელდება!!! ფოტო კონკურსი, ნახატებისა და პოსტერების კონკურსი, ვიდეოკლიპების კონკურსი 20 ნოემბრამდე გაგრძელდება!!! კონკურსნების შესახებ ინფორმაცია წყარო: geoyouth.ge

თბილისი. 11 ნოემბერს 18:00 საათზე საქართველოს ტექნიკური უნივერსიტეტის ადმინისტრაციული კორპუსის მცირე სააქტო დარბაზში გაიმართება Erasmus Mundus Action 2-ს საინფორმაციო პრეზენტაციაზე და ასევე საინფორმაციო გაცნობითი ტრენინგები. დამსწრეებს საშუალება ექნებათ გაეცნონ Erasmus Mundus_ის პროგრამებს, შეხვედრის დასასრულს კი ჩატარდება ტრენინგი გაცვლითი პროგრამნებისთვის დოკუმენტაციის მომზადებაში. სრულად წყარო: ESN Tbilisi ISU

სამეგრელო. 8 ნოემბერს, ზუგდიდის დემოკრატიული ჩართულობის ცენტრში, ბავშვთა და ახალგაზრდობის ფონდის წარმომადგენლები შეზღუდული შესაძლებლობების მქონე ქალთა და ბავშვთა დედათა ასოციაცია „დეასთან" არსებული ინტეგრირებული ახალგაზრდული კლუბის პროექტის პრეზენტაციას დაესწრნენ. პროექტი მიზნად ისახავს მოქალაქეობრივი პასუხისმგებლობის ამაღლებას გარემოს დაცვის საკითხებში, ასევე საინფორმაციო-საგანმანათლებლო საქმიანობებში ახალგაზრდების ჩართულობას და ეკოლოგიურად ორიენტირებულ პრაქტიკულ ღონისძიებებში მათ მონაწილეობას. აღნიშნული პროექტის ფარგლებში ზუგდიდის მუნიციპალიტეტის 15 თემში ახალგაზრდული „ეკოლოგიური დაზვერვის ჯგუფები" შეიქმნება, რომელიც აქტიურად იმუშავებს მოსახლეობაში ეკოლოგიური კულტურის დანერგვის ხელშეწყობისთვის. პროექტს ფინანსურ მხარდაჭერას სპორტისა და ახალგაზრდობის საქმეთა სამინისტროს ბავშვთა და ახალგაზრდობის ფონდი უწევს. წყარო: ბავშვთა და ახალგაზრდობისფონდის გვერდი სოციალურ ქსელში

შიდა ქართლი. რუსთავის დემოკრატიული ჩართულობის ცენტრში სიქას ორგანიზებით, რუსთავისა და მარტყოფის სკოლების სამოქალაქო კლუბის წევრები წარმატებულ სპორტსმენს, ყოფილ რაგბისტს, ამჟამად რუსთავის რაგბის ნაკრების მწვრთნელს პალიკო ჯიმშელაძეს შეხვდნენ. შეხვედრისას დისკუსია გაიმართა ცხოვრების ჯანსაღი წესის შესახებ. სტუმარმა მოსწავლეებს სიურპრიზი მოუწყო და საქართველოს რაგბის ფედერაციის სახელით საქართველო–ამერიკის მატჩზე დასასწრები ბილეთები გადასცა. წყარო: ორგანიზაციის გვერდი სოციალურ ქსელში

თბილისი. საერთაშორისო განათლების და განვითარების აკადემიაში, ფოკუს-ჯგუფ შეხვედრა გაიმართა უმაღლესი სასწავლებლების სტუდენტებთან. შეხვედრის მიზანს ახალგაზრდების დასაქმების ხელშემწყობი სერვისების კვლევა და სფეროში არსებული საჭიროებების განსაზღვრა წარმოადგენდა. შეხვედრაზე განხილულ იქნა თანამედროვე შრომის ბაზარის საკვალიფიკაციო მოთხოვნები. სტუდენტები ასევე გაეცვნენ საერთაშორისო განათლების და განვითარების აკადემიის სტაჟირების და დასაქმების პროგრამას. წყარო: ორგანიზაციის გვერდი სოციალურ ქსელში