კავშირი „საფარი“ აქვეყნებს ანა ფაცაციას ბლოგპოსტს: შვილის ყოლა როგორც თვითმიზანი – რატომ „სჭირდებათ“ საქართველოში ქალებს შვილები. „საქართველოში ქალებს შვილები სჭირდებათ რამდენიმე მიზეზის გამო. პირველი და ძალიან მნიშვნელოვანი მიზეზია უქმნადობის, უუნარობის, უმოქმედობის შენიღბვა. შვილის ყოლა, როგორც საქმე, შვილი უკვე ქალს ანიჭებს „დაკავებული“ ქალის სტატუსს. შემდეგი მიზეზი, რატომაც არის შვილის ყოლა თვითმიზანი, ძალიან მარტივია – ქალებს არ სურთ ოჯახის დანგრევა ან გაცილებული ქალის სტატუსი. ამ სტატუსის მქონე ქალებს ალმაცერად უყურებენ. საქართველოში ქალებს სჭირდებათ დედობა, ეს აუცილებელი სტატუსია ყველგან. სჭირდებათ შვილები, რადგან ეს ნიშნავს, რომ მათ აქვთ ნაყოფიერება, მათ ჰყავთ მოვლის ობიექტი, ისინი არიან დაკავებულები, მათ შეასრულეს ღვთისგან ბოძებული მოვალეობა. ასევე, არიან ქალები, რომელთაც სჭირდებათ შვილები, როგორც პარტნიორები, მეგობრები. ქალები, რომლებსაც მარტო დარჩენისა ეშინიათ და ამ მიზნით აჩენენ შვილებს. ესენი არიან ქალები, რომლებიც თავიანთ თავს უჩენენ მეგობრებს“. სრულად... წყარო: sapari.ge

ქვემო ქართლი. 6-დან 8 მაისამდე, მარნეულში, პროექტ „მეცფესტის“ ფარგლებში, პირველად ჩატარდება სტარტაპ კვირეულის (ონლაინ) ღონისძიება. „თქვენ აღმოაჩენთ ახალ შესაძლებლობებს, შეხვდებით საინტერესო ადამიანებს, მონაწილეობას მიიღებთ მენტორინგის სესიებში, რომელსაც გაუძღვებიან დარგის ექსპერტები, გაეცნობით დაფინანსების ახალ ინსტრუმენტებს და შესაძლებლობა გექნებათ მონაწილეობა მიიღოთ იდეათონის კონკურსში, რომელში გამარჯვებული 3 გუნდი დაჯილდოვდება ფულადი პრიზით 1200, 1000 და 800 ლარით“.  კვირეულში მონაწილეობის მისაღებად შეგიძლიათ გაიაროთ რეგისტრაცია... პროექტი ხორციელდება USAID Zrda Activity in Georgia მხარდაჭერითა და Startup Grind Tbilisi Georgia პარტნიორობით. სრულად... წყარო: ორგანიზაციის გვერდი სოციალურ ქსელში

სამცხე-ჯავახეთი. 10 ივნისს, CENN ევროკავშირის მხარდაჭერითა და სამცხე-ჯავახეთის სახელმწიფო უნივერსიტეტთან თანამშრომლობით, ახალციხეში ახალგაზრდებისათვის დასაქმების ფორუმს აწყობს. „ხარ სამუშაოს მაძიებელი სრულწლოვანი ახალგაზრდა, რომელიც ცხოვრობს სამცხე-ჯავახეთის რეგიონში? მაშინ ეს ფორუმი შენთვისაა! დასაქმების შესაძლებლობები შეთავაზებული იქნება შემდეგი მიმართულებებით: მომსახურება; წარმოება; განათლება; სოციალური პროგრამები; გარემოს დაცვა; საგრანტო შესაძლებლობები სოციალურ და მწვანე მეწარმეობაში“.  დაინტერესებულმა ახალგაზრდებმა უნდა გაიარონ რეგისტრაცია 16 მაისამდე შემდეგ ბმულზე... სრულად... წყარო: ორგანიზაციის გვერდი სოციალურ ქსელში

სამეგრელო. 19 აპრილს ასოციაცია „ათინათის“ ახალგაზრდული ცენტრის ორგანიზებითა და ამავე ცენტრის წევრების მონაწილეობით გაიმართა როლური და სიმულაციური აქტივობა „გაეროს მოდელირება“. „მოდელირების თემას წარმოადგენთა ,,კოვიდ პანდემია, როგორც სოციალურ-ეკონომიკური გამოწვევა“. ახალგაზრდებმა მოირგეს გაეროს წევრი სახელმწიფოების დელეგატების როლი, წარადგინეს პოზიციის განაცხადები, გამართეს დებატები და შეიმუშავეს რეზოლუცია. მოწვეულმა პრეზიდენტმა და გენერალურმა მდივანმა შეარჩია 3 საუკეთესო სპიკერი, რომლებიც დასაჩუქრდნენ ფასიანი პრიზებით“, ნათქვამია ზუგდიდის ახალგაზრდული ცენტრის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. პარტნიორობა ადამიანის უფლებებისთვის (PHR) მოითხოვს ნინოწმინდის პანსიონის ბავშვების უფლებების დაცვას სასამართლოს გზით. „დაევალოს ჯანდაცვის სამინისტროს და ნინოწმინდის ბავშვთა თავშესაფარს, ხელი არ შეუშალოს სახალხო დამცველს შევიდეს იქ და განახორციელოს სრულყოფილი მონიტორინგი“ ჯანდაცვის სამინისტრო დაუყოვნებლი შევიდეს თავშესაფარში და შეისწავლოს იქ არსებული ვითარება“. ამ მოთხოვნებით ორგანიზაციამ როგორც სპეციალური მოსარჩელის სტატუსის მქონემ თბილისის საქალაქო სასამართლოს უკვე მიმართა დიდი ზომის ინსტიტუციებში მცხოვრები ბავშვების უფლებების დაცვის მიზნით. სრულად... წყარო: phr.ge

თბილისი. „სოციალური სამართლიანობის ცენტრი“, „უფლებები საქართველო“ და „ქალთა ინიციატივების მხარდამჭერი ჯგუფი“ ეხმიანებიან საქართველოს მართლმადიდებლური ეკლესიის საპატრიარქოს ა(ა)იპ ჯავახეთის ნინოწმინდის წმინდა ნინოს ობოლ, უპატრონო და მზრუნველობა მოკლებულ ბავშვთა პანსიონის ადმინისტრაციის მიერ საქართველოს სახალხო დამცველის რწმუნებულების საქმიანობისთვის ხელის შეშლის ფაქტს. „ხელმომწერი ორგანიზაციები მოვუწოდებთ სახელმწიფოს მიიღოს ყველა ზომა რელიგიურ პანსიონატებში ბავშვთა უფლებების განუხრელი დაცვისთვის და ამ ინსტიტუციების სახელმწიფოს რეალური და ქმედითი მონიტორინგის ქვეშ მოსაქცევად“. სრულად... წყარო: rights.ge

კახეთი. წნორში, USAID-ის მხარდაჭერილ ცოდნის კაფეს, რომელსაც მხარს უჭერს USAID ახალი შენობის ასაშენებლად ფონდების მოძიება სჭირდებოდა. „ტრადიციული მეთოდები საკმარისი არ აღმოჩნდა. მარტში, ფონდების მოძიების მიზნით, USAID-მა მხარი დაუჭირა კაფეს ახალი ექსპერიმენტის - საქართველოს სტუდენტებისთვის „ბუთქემფის“ დაწყებაში.  რა იყო გამოწვევა? ახალგაზრდებს 10 დღე ჰქონდათ იმისათვის, რათა 100 ლარიდან 200 ან 300 ლარი მიეღოთ. პირველ ტუში მონაწილე 29 გუნდმა თანხის შეგროვება პროდუქტების გაყიდვითა და დონაციებით შეძლო. მეორე ტურში გადავიდა 20 გუნდი, რომლებმაც სტარტაპ მეწარმის ქოუჩინგის დახმარებით შესძლეს 200 ლარი გაეორმაგებინათ ან გაესამმაგებინათ.  საბოლოოო ჯამში, ამ ახალგაზრდა მეწარმეება 35 387 ლარი შეაგროვეს ცოდნის კაფესთვის და ამავე დროს გაიუმჯობესეს ბიზნეს უნარ-ჩვევები“. სრულად... წყარო: ორგანიზაციის გვერდი სოციალურ ქსელში

თბილისი. 18 ივნისს, თბილისში, პოლიციის თანამშრომლებმა შეაჩერეს ბავშვი და მოსთხოვეს პირადობის დამადასტურებელი დოკუმენტის წარდგენა, რომელიც არასრულწლოვანს არ ჰქონდა. პოლიციის თანამშრომლებმა გადაწყვიტეს მისთვის ფოტოსურათის გადაღება, რასაც არასრულწლოვანის მხრიდან უარი მოყვა, უარის შემდეგ კი პოლიციელებმა არასრულწლოვნის დაკავების გადაწყვეტილება მიიღეს, თუმცა ხალხმა მათ ამის უფლება არ მისცა. დაკავების მცდელობისას ბავშვმა სხეულზე დაზიანებები მიიღო. 2020 წლის 29 ოქტომბერს PHR-მა განცხადებით მიმართა შინაგან საქმეთა სამინისტროს და მოითხოვა არასრულწლოვანთან დაკავშირებული ადმინისტრაციული საქმისწარმოების მასალების ასლების გადმოცემა, თუმცა სამინისტრომ ეს პროცესი დროში გააჭიანურა. ბავშვის ინტერესების დაცვის მიზნით #PHR-მა სახელმწიფო ინსპექტორის სამსახურს მიმართა. სახელმწიფო ინსპექტორმა იმსჯელა და დაადგინა, რომ მასალების გადაცემა არაგონივრულ ვადაში მოხდა. გადაწყვეტილების თანახმად, შინაგან საქმეთა სამინისტრომ მისი საქმიანობა შეასრულა არაჯეროვნად. კერძოდ, არაგონივრულ ვადაში, არასათანადო ფორმით და არასრულად მოახდინა განმცხადებლისათვის დოკუმენტაციის მიწოდება. საქართველოს შინაგან საქმეთა სამინისტრო გამოცხადდა სამართალდამრღვევად და ადმინისტრაციული სახდელის სახით შეეფარდა ჯარიმა 100 ლარის ოდენობით. პარტნიორობა ადამიანის უფლებებისთვის აგრძელებს ბავშვის ინტერესების დაცვას. სრულად... წყარო: phr.ge

თბილისი. 19 მარტს, საქართველოს სახალხო დამცველმა დაუნის სინდრომის მსოფლიო დღესთან დაკავშირებით გამართულ მე-5 კონფერენციაში მიიღო მონაწილეობა. დაუნის სინდრომის მსოფლიო დღის წლევანდელი გზავნილია „ჩვენ ვაკავშირებთ“, რომელიც მსოფლიოში არსებულ, პანდემიით გამოწვეულ მდგომარეობას პასუხობს. „ონლაინ კონფერენცია 7-დან 18 წლამდე ასაკის დაუნის სინდრომის მქონე მოზარდების განვითარების ხელშეწყობის მნიშვნელობას მიეძღვნა. საქართველოში ამ ასაკობრივ ჯგუფს ჯერ ისევ არ აქვს სათანადო მხარდაჭერა სახელმწიფო მომსახურებების სახით. მიმდინარე პროგრამები მცირეა, მოძველებულია და ვერ პასუხობს თანამედროვე გამოწვევებსა და ბავშვების ინდივიდუალური განვითარების საჭიროებებს“. სრულად... წყარო: ombudsman.ge

თბილისი. ფონდ Fundacja HumanDoc-ის და პარტნიორი ორგანიზაციების: მეგობრობის ხიდი „ქართლოსი“, ასოციაცია „მერკური“/Association "Merkuri" და კულტურულ-ჰუმანიტარული ფონდი „სოხუმი“/Cultural-Humanitarian Fund "Sukhumi" ერთობლივი თანამშრომლობით გამოიცა პუბლიკაცია: „ბავშვთა მიმართ ძალადობა გზამკვლევი პედაგოგებისთვის“. პუბლიკაციის ელექტრონული ვერსია ხელმისაწვდომია აქ... სრულად... წყარო: ორგანიზაციის გვერდი სოციალურ ქსელში

თბილისი. 24 მარტს, 12:00-სთ-დან – 15:00 სთ-მდე და 18:00-სთ-დან – 21:00 სთ-მდე (თბილისის დროით) გაიმართება ვირტუალური გამოფენა „გერმანულენოვანი შემოთავაზებები“. „გამოფენის დაწყებამდე წარმოგიდგენთ იმ უმაღლეს სასწავლებლებს, რომლებიც გამოფენაში მიიღებენ მონაწილეობას". სრულად... წყარო: DAAD-ის გვერდი სოციალურ ქსელში

თბილისი. ორგანიზაციამ „პარტნიორობა ადამიანის უფლებებისთვის“ (PHR) 2021 წლის 8 თებერვალს, თბილისის საქალაქო სასამართლოს შუამდგომლობით მიმართა. ორგანიზაციამ მოითხოვა, სასამართლოს განათლების სამინისტროსთვის ერთიანი გეგმის შემუშავება დაევალებინა. „გეგმის მიზანი იყო პანდემიის პირობებში ყველა ბავშვის და, განსაკუთრებით, შეზღუდული შესაძლებლობის მქონე ბავშვების (სპეციალური საგანმანათლებლო საჭიროების მქონე ბავშვების) სკოლებში უსაფრთხო დაბრუნების უზრუნველყოფა. სასამართლომ უარი გვითხრა უზრუნველყოფის დაკმაყოფილებაზე. ორგანიზაცია ბავშვების დაცვის სამართლებრივ ბრძოლას აგრძელებს სასამართლოს უარის განჩინების გასაჩივრებით ზემდგომ (სააპელაციო) ინსტანციაში და ძირითადი სარჩელის შეტანით საქალაქო სასამართლოში. ვინაიდან ბავშვთა უფლებების დაცვა არის მთელი საზოგადოების და არა მხოლოდ ერთი არასამთავრობოს მოვალეობა, საზოგადოებას ვთავაზობთ სასამართლოს განჩინებას სრულად და ორგანიზაციის საჩივრის ადაპტირებულ ვარიანტს“, ნათქვამია ორგანიზაციის ვებგვერდზე. სრულად... წყარო: phr.ge

სამეგრელო. 17 თებერვალს, ასოციაცია „ათინათის“ ახალგაზრდული ცენტრის წევრებისთვის ჩატარდა შეხვედრა პროგრამის ძველ წევრებთან. სპიკერები იყვნენ: ირაკლი თაკალანძე, გოგა დარასელია და მარიამ გუგუჩია. „მოწვეულმა სტუმრებმა შეხვედრის მონაწილეებს გააცნეს თავიანთი წარმატების ისტორია, რამ შეუწყოთ და შეუშალათ ხელი საზოგადოებაში რეალიზებისთვის. ასევე, ისაუბრეს უცხოეთში სწავლის გამოცდილებაზე, რამაც ცენტრია წევრების დიდი დაინტერესება გამოიწვია“, ნათქვამია ზუგდიდის ახალგაზრდული ცენტრის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. 12 თებერვალს, საქართველოს მთავარი პროკურატურის შენობასთან გამართულ პრესკონფერენციაზე ქალთა მოძრაობამ ასდღიანი კამპანიის „ნინის გამო“ დაწყება დაანონსა. ქალთა მოძრაობა ითხოვს: 1. შეიცვალოს სისხლის სამართლის გაუპატიურების მუხლი და თანხმობის არარსებობა გახდეს ცენტრალური ასპექტი; 2. შეიქმნას პროკურატურაში სპეციალიზირებული დეპარტამენტი, რომელიც გამოიძიებს სექსუალური ძალადობის საქმეებს; 3. ფორმალური განათლების ნაწილი გახდეს ბავშვებისათვის სქესობრივი ძალადობის ამოცნობა და მისგან თავის დაცვა; 4. გაიზარდოს ფსიქოლოგების და სოცმუშაკების რაოდენობა; 5. დადგეს ნინის საქმის პროკურორის პასუხისმგებლობის საკითხი სამსახურეობრივი გულგრილობისთვის. სრულად... წყარო: ორგანიზაციის გვერდი სოციალურ ქსელში

თბილისი. სამოქალაქო საზოგადოების ორგანიზაციები შეშფოთებას გამოხატავენ ქობულეთის მუნიციპალიტეტში 14 წლის გოგონას თვითმკვლელობის უმძიმეს საქმეზე და სახელმწიფო უწყებებს მოუწოდებენ დროულად გამოიძიონ მომხდარი. „გამოძიების ფარგლებში შესწავლილი უნდა იყოს ყველა შესაძლო ორგანოს/თანამდებობის პირის პასუხისმგებლობა, ვისაც მსხვერპლის მიმართ მხარდაჭერისა და მის მიმართ ჩადენილ დანაშაულზე გამოძიების წარმოების ვალდებულება ჰქონდა. აღნიშნულ საქმეში ჩანს ქალთა მიმართ ძალადობის უმძიმესი სოციალური პრაქტიკები და საპოლიციო და სოციალური ინსტიტუტების დანაშაულებრივი გულგრილობისა და არაეფექტიანობის ნიშნები.  არასრულწლოვანთა თვითმკვლელობის არაერთი ტრაგიკული შემთხვევის მიუხედავად, სახელმწიფოს არსებული პოლიტიკის რადიკალური ცვლილებების ნება არ გამოუვლენია, სახელმწიფოს მხრიდან არასაკმარისი ყურადღება ეთმობა ზოგადად სუიციდის პრევენციის სტრატეგიის შემუშავებასა და იმპლემენტაციას. სისტემა უკიდურესად გულგრილი რჩება მოზარდებზე ზრუნვის პოლიტიკის, სოციალური და ფსიქოლოგიური მხარდაჭერის მექანიზმების შემუშავების კუთხით“, ნათქვამია ერთობლივ განცხადებაში. სრულად... წყარო: gyla.ge

თბილისი. ომბუდსმენი მწუხარებას გამოხატავს 10 თებერვალს ქობულეთში 14 წლის გოგოს მიერ თვითმკვლელობის ტრაგიკულ ფაქტთან დაკავშირებით. „სახალხო დამცველის აპარატი შეისწავლის თითოეული სახელმწიფო უწყების პასუხისმგებლობის საკითხს, შესაძლო დაგვიანებული და არაეფექტური რეაგირების მიმართულებით. მნიშვნელოვანია აღინიშნოს, რომ ეს ტრაგიკული ფაქტი არ არის განყენებული შემთხვევა და წარმოადგენს იმ სისტემური უმოქმედობის, კვალიფიკაციის ნაკლებობისა და ძალადობის მსხვერპლ ბავშვთა სათანადო სარეაბილიტაციო სერვისების არარსებობის შედეგს, რომელზეც სახალხო დამცველის აპარატი წლებია მიუთითებს. მომხდარმა კიდევ ერთხელ წარმოაჩინა, რომ პასუხისმგებელი უწყებები ვერ ახდენენ ბავშვის მიმართ სექსუალური ძალადობის შემთხვევებზე დროულ, ეფექტიან და კოორდინირებულ რეაგირებას, რაც სახელმწიფოს მხრიდან სასწრაფო რეაგირებას და სისტემური ცვლილებების გატარებას საჭიროებს“, ნათქვამია განცხადებაში. სრულად... წყარო: ombudsman.ge

თბილისი. ომბუდსმენის აპარატმა მოკვლევა დაიწყო სოციალურ ქსელში გავრცელებულ შესაძლო დანაშაულებრივ ფაქტთან დაკავშირებით. „კერძოდ, 2021 წლის 8 თებერვალს სოციალურ ქსელში გავრცელდა ვიდეო მასალა, სადაც ასახულია არასრულწლოვანი გოგოს ნიშნობა. საქმესთან დაკავშირებით სახალხო დამცველის რწმუნებულებმა მოიპოვეს დამატებითი ინფორმაცია, რის შესახებაც დაუყოვნებლივ მოხდა სამართლდამცავი უწყების ინფორმირება. სამწუხაროდ, საქართველოში კვლავ ხშირია ადრეულ ასაკში და ბავშვთა ქორწინება, ასევე, ნიშნობის მანკიერი პრაქტიკა. საქართველოს სახალხო დამცველის შესწავლილი საქმეები მიუთითებს, რომ აღნიშნულ შემთხვევებს უმეტესად იძულებითი ქორწინების ფორმა აქვს და თავისუფლების უკანანო აღკვეთის ან მშობელთა შორის გარიგების შედეგია. სახელწიფოს მიერ ამ მიმართულებით, მათ შორის, პრევენციის მიზნით გადადგმული ნაბიჯები, სათანადოდ არ პასუხობს ქვეყანაში არსებულ გამოწვევებს“, ნათქვამია განცხადებაში. სრულად... წყარო: ombudsman.ge

იმერეთი. ადგილობრივი დემოკრატიის სააგენტო გაცნობოთ, რომ იწყება ტრენინგების სერია „შესაძლებლობების განვითარების სემინარები მცირე ქალაქებსა და სოფლებში მცხოვრები ახალგაზრდებისთვის ბიზნეს იდეების განვითარების საკითხებზე“ აზერბაიჯანში, უკრაინასა და საქართველოში. „ონლაინ ტრენინგები დაგეხმარებათ იპოვნოთ საკუთარი თავი მსოფლიო ბიზნესში. ექსპერტები პოლონეთიდან, იტალიიდან და საფრანგეთიდან ისაუბრებენ საინტერესო საკითხებზე. ახალგაზრდებს ექნებათ მცირე ჯგუფებში მუშაობის შესაძლებლობა მეტი ჩართულობისათვის“. რეგისტრაციის საბოლოო ვადაა 2021 წლის 15 თებერვალი. იხ. რეგისტრაციის ბმული... სრულად... წყარო: ორგანიზაციის გვერდი სოციალურ ქსელში

იმერეთი. USAID Georgia-ს ინფორმაციით, ქორეთის სკოლის მე-10 კლასის მოსწავლეები ნინო გუდაძე, მარიამ ეზიაშვილი და ნატო ფარქოსაძე სამოქალაქო განათლების პროგრამის „მომავლის თაობა“ წევრები არიან და ცდილობენ, სოფელში პანდემიით შექმნილი რთული ვითარება სხვებზე ზრუნვით შეამსუბუქონ. მოსწავლეებმა გამოითხოვეს სოციალურად დაუცველი ოჯახების შესახებ ინფორმაცია და მათთვის საჭირო პირბადეების მარაგის გამოყოფაზე შეთანხმდნენ. 11 სოციალურად დაუცველ ოჯახს მათ ჯამში 250 პირბადე გადასცეს. გოგონები ახალგაზრდებისთვის ვირუსისგან თავდაცვის ხერხებზე საინფორმაციო შეხვედრებსაც მართავენ. სრულად... წყარო: ორგანიზაციის გვერდი სოციალურ ქსელში

იმერეთი. PITA-ქუთაისის ახალგაზრდული ცენტრის წევრმა ბაღდათის მუნიციპალიტეტის სოფელ ვარციხის საჯარო სკოლის მოსწავლეებისთვის გამართა საინფორმაციო შეხვედრა მედია წიგნიერებაზე.  შეხვედრა ორგანიზებულია ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის (PITA) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) ფინანსური მხარდაჭერით. პროგრამის პარტნიორია განათლების განვითარების და დასაქმების ცენტრი (EDEC). სრულად... წყარო: ორგანიზაციის გვერდი სოციალურ ქსელში

იმერეთი. EDEC, UNDP-თან თანამშრომლობით, იწვევს ახალგაზრდებს იმერეთის, სამეგრელო-ზემო სვანეთისა და შიდა ქართლის რეგიონებიდან, მონაწილეობა მიიღონ პროექტში „დევნილთა უფლებების დაცვა COVID - 19 კრიზისის დროს საქართველოში“. „პროექტის მიზანია ხელი შეუწყოს იძულებით გადაადგილებულ და კონფლიქტის შედეგად დაზარალებულ ახალგაზრდებს ჩაერთონ კოვიდ - 19 პანდემიის შედეგად თავიანთ თემში შექმნილი გამოწვევებისა და პრობლემების გადაჭრაში“. სრულად... წყარო: ორგანიზაციის გვერდი სოციალურ ქსელში

თბილისი. საქართველოს სახალხო დამცველი ეხმიანება უწყებათაშორისი საკოორდინაციო საბჭოს 2021 წლის 22 იანვრის გადაწყვეტილებას საბავშვო ბაღების მუშაობისა და თბილისში, ქუთაისსა და რუსთავში დისტანციური სწავლების პროცესის 1 მარტიდან განახლების თაობაზე. სახალხო დამცველი მიიჩნევს, რომ ბავშვზე სამზრუნველო დაწესებულებების ხანგრძლივი ვადით დისტანციურ რეჟიმზე დარჩენა უნდა იყოს უკიდურესი ღონისძიება, რომელმაც ხელი არ უნდა შეუშალოს განათლების უფლების ეფექტურ განხორციელებას. ამასთან, იმ სკოლებში სადაც სწავლის პროცესი მიმდინარეობს ან იგეგმება განახლება, მნიშვნელოვანია არსებული ინფრასტრუქტურა, წყლის მისაწვდომობა და სანიტარულ-ჰიგიენური მდგომარეობა პასუხობდეს ვირუსის პრევენციისთვის აუცილებელ პირობებს. სრულად...  წყარო: ორგანიზაციის ვებგვერდი