თბილისი. 4 ივლისს, საქართველოს ჟურნალისტური ეთიკის ქარტიამ 15 იანვრიდან 1 ივნისამდე განხორციელებული მედიამონიტორინგის – „ბავშვთა საკითხების ეთიკური გაშუქება მედიაში" – პრეზენტაცია გამართა. ანგარიში მოიცავს ტელევიზიებით, ინტერნეტგამოცემებსა და პრესის საშუალებებით გავრცელებულ 5 ათასამდე მასალის ანალიზს. სრულად... წყარო: media.ge

შიდა ქართლი. 3 ივლისს, ასოციაცია „გორის ინვალიდთა კლუბთან" არსებულმა ახალგაზრდული ცენტრის წევრებმა დაიწყეს ადვოკატირების კამპანია შავშვების დევნილთა დასახლებაში, სადაც აქტუალურ საკითხად რჩება სასმელი და სარწყავი წყლის პრობლემა. შავშვების ჩასახლებაში პატარა ლიახვის ხეობის 14 სოფლიდან ჩასახლებული 177 ოჯახია რაც ჯამში დაახლოებით 550 ადამიანს ითვლის. წყალი, რომელიც აღნიშნულ ჩასახლებაში მიეწოდებათ არასაკმარისი და დასალევად მარილიანია. ბავშვებმა გადაწყვიტეს წყალი ლაბორატორიულად შეამოწმონ, შემდეგ კი სათანადო სამსახურს მიმართონ. ახალგაზრდები იმედოვნებენ, რომ ადვოკატირების კამპანია წარმატებულად წარიმართება და პრობლემა მოგვარდება. აქტივობა გაიმართა საქართველოში ეროვნული ინტეგრაციის გაძლიერების პროექტის ფარგლებში, რომელსაც საქართველოს გაეროს ასოციაცია, აშშ–ის საერთაშორისო განვითარების სააგენტოს მხარდაჭერით ხორციელდება. გორში პროექტის პარტნიორია „გორის ინვალიდთა კლუბი. წყარო: ორგანიზაციის ვებგვერდი სოციალურ ქსელში

თბილისი. საქართველოს ახალგაზრდული პარლამენტის განათლების, მეცნიერებისა და კულტურის კომიტეტმა ქართველ ისტორიკოსთან და არქეოლოგთან იულონ გაგოშიძესთან შეხვედრა გამართა. მიმოიხილეს საყდრისის ოქროს საბადოს საკითხი პოლიტიკურ და არქეოლოგიურ ჭრილში. შეხვედრას ასევე ესწრებოდა გიორგი გოგოჭური, რომელმაც აღნიშნული თემა განიხილა იურიდიული თვალსაზრისით და ისაუბრა კანონდარღვევებზე, რომელებიც მოცემული მიმართულებით დაფიქსირდა. წყარო: ორგანიზაციის გვერდი სოციალურ ქსელში

თბილისი. 2 ივლისს, ევროკავშირის აღმოსავლეთის პარტნიორობის კონფერენციის – „თანამშრომლობის განვითარება ახალგაზრდულ სფეროში” ფარგლებში გაიმართა საინფორმაციო შეხვედრა ევროკავშირის ახალ პროგრამის – „ERASMUS +” შესახებ. შეხვედრას ესწრებოდნენ სპორტისა და ახალგაზრდობის საქმეთა მინისტრი, ბავშვთა და ახალგაზრდობის განვითარების ფონდი დირექტორი. ასევე საქართველოში მომუშავე არასამთავრობო ორგანიზაციების წარმომადგენლები. პროგრამის შესახებ, მათ დეტალური ინფორმაცია მიაწოდა ევროკავშირის ახალგაზრდობის საქმეთა დეპარტამენტის ხელმძღვანელა პასკალ ლეჟენმა. წყარო: ბავშვთა და ახალგაზრდობის ფონდი

გურია. ახალგაზრდა პედაგოგთა კავშირში ლიდერთა სკოლის დებატ-ტურნირის საფინალო შეხვედრა გაიმართება, რეზოლუციაზე: „საქართველოში დიდი ჰესების მშენებლობა გაუმართლებელია". ტურნირის ფარგლებში 4 საჩვენებელი თამაში გაიმართა, რომელშიც დებატ-კლუბის უფროსი ჯგუფის 24 მოზარდი მონაწილეობდა, სულ 8 გუნდი. თამაშების მომზადების პროცესში მოზარდებმა მოისმინეს ტრენინგი გარემოს დაცვისა და ჰესების მნიშვნელობის შესახებ, მოიძიეს საკანონმდებლო რეგულაციები, სტატისტიკური ინფორმაცია, კვლევები და აღნიშნული საკითხის ირგვლივ ექსპერტთა რეკომენდაციები. აღსანიშნავია, რომ მოდებატეებს ფინალურ თამაშზე პოზიციების გაცვლა მოუწევთ, რაც კიდევ უფრო საინტერესოს გახდის თამაშს. გამარჯვებულ მოდებატეებს „ახალგაზრდა პედაგოგთა კავშირი" სპეციალურ პრიზებსა და დიპლომებს გადასცემს.

სამცხე–ჯავახეთი. ახალციხეში, არასამთავრობო ორგანიზაცია ,,დემოკრატ მესხთა კავშირის" საკონფერენციო დარბაზში, სხეულის ენის, ჟესტიკულაციის შესახებ პრეზენტაცია მოეწყო. პრეზენტაცია ორგანიზაციის ფარგლებში არსებული ახალგაზრდული ცენტრის წევრების ინიციატივით გაიმართა. პრეზენტაცია დაიგეგმა პროექტის ,,ეროვნული ინტეგრაციის გაძლიერება საქართველოში" ფარგლებში, რომელსაც ახორციელებს საქართველოს გაეროს ასოციაცია (UNAG), აშშ-ის საერთაშორისო განვითარების სააგენტოს ფინანსური მხარდაჭერით.

შიდა ქართლი. 1 ივლისს ასოციაცია „გორის ინვალიდთა კლუბთან" არსებული, გორის ახალგაზრდული ცენტრის ლიდერებმა ახალი მოხალისეების მოსაზიდად პროექტ ეროვნული ინტეგრაციის გაძლიერების პროექტის პრეზენტაცია გამართეს. პრეზენტაციას ესწრებოდნენ გორის ახალგაზრდული ცენტრის საქმიანობით დაინტერესებული პირები, რომლებმაც სურვილი გამოთქვეს პროექტში აქტიურად ჩართვისა და მუშაობისათვის. აქტივობა გაიმართა „ეროვნული ინტეგრაციის გაძლიერება საქრთველოში" პროექტის ფარგლებში, რომელსაც ახორციელებს საქართველოს გაეროს ასოციაცია, აშშ-ს საერთაშორისო განვითარების სააგენტოს მხარდაჭერით. გორში პროექტის პარტნიორი ორგანიზაციაა „გორის ინვალიდთა კლუბი". წყარო: ორგანიზაციის ვებგვერდი სოციალურ ქსელში

ქვემო ქართლი. „ახალგაზრდა მწვანეების" და „მოლაშქრეთა ეროვნული ფედერაციის" ორგანიზებით ორდღიანი საზაფხულო ბანაკი ბირთვისის ხეობაში ჩატარდა. არაფორმალური განათლების ფორმატში მონაწილეებმა იმსჯელეს მდგრადი საზოგადოებრივი ტრანსპორტისა და დემოკრატიის კავშირზე. ასევე განიხილეს ახალგაზრდების როლი სამოქალაქო და პოლიტიკურ სექტორში, გადაწყვეტილების მიღების პროცესში მათი ჩართულობის აუცილებლობა, სოციალურ თანასწორობა, დემოკრატიის სახეები, მწვანე პრინციპები. წყარო: ორგანიზაციის გვერდი სოციალურ ქსელში

თბილისი. საქართველოს სახალხო დამცველმა სარჩელით მიმართა საქართველოს საკონსტიტუციო სასამართლოს. სახალხო დამცველმა „სოციალური დახმარების შესახებ" საქართველოს მთავრობის დადგენილების იმ დებულებების არაკონსტიტუციურად ცნობა მოითხოვა, რომელიც ბავშვთა რეინტეგრაციის და მინდობით აღზრდის ფინანსურ სუბსიდიებს განსაზღვრავს. „სადავო აქტის მიხედვით, ბავშვის ბიოლოგიურ ოჯახში დაბრუნებისას, რეინტეგრაციის შემწეობის ოდენობა წარმოადგენს თვეში 90 ლარს ჯანმრთელი ბავშვისთვის, ხოლო 130 ლარს – შეზღუდული შესაძლებლობის მქონე ბავშვისთვის. თუ ბიოლოგიურ ოჯახში დაბრუნების ნაცვლად ბავშვი გადაყვანილი იქნება მინდობით აღსაზრდელად, ანაზღაურება წარმოადგენს 15 ლარს ერთ კალენდარულ დღეზე (თვეში 450–465 ლარი) ჯანმრთელი ბავშვისთვის და 20 ლარს ერთ კალენდარულ დღეზე (თვეში 600–620 ლარი) – შეზღუდული შესაძლებლობის მქონე ბავშვისთვის. ... საქართველოს სახალხო დამცველი მიიჩნევს, რომ თუ სახელმწიფოს დეკლარირებული მიზანი ბავშვის კეთილდღეობის რეფორმის ფარგლებში მათი დეინსტიტუციონალიზაცია და მიტოვების პრევენციაა, აშკარაა, რომ ამ მიზნის მისაღწევად მშობლისთვის უფრო ცუდი პირობების შეთავაზება, ვიდრე უცხო ოჯახისთვის, მიზნის მიღწევის გონივრულ საშუალებას არ წარმოადგენს”. სრულად...  წყარო: ombudsman.ge

თბილისი. საქველმოქმედო ჰუმანიტარულმა ცენტრმა „აფხაზეთმა" დაასრულა პროექტი - „ახალგაზრდები სამოქალაქო საზოგადოების სამსახურში”. პროექტი მიზნად ისახავდა ახალგაზრდებში აუცილებელი უნარ-ჩვევების განვითარებას ადვოკატირების დამოუკიდებლად წარმართვისათვის. პროექტი ფონდი „ღია საზოგადოება - საქართველოს" ფინანსური მხარდაჭერით ერთდროულად სამ ქალაქში ხორციელდებოდა: თბილისში, ზუგდიდსა და თელავში. პროექტის დასკვნითი ღონისძიება ქალაქ თბილისში გაიმართა, სადაც პროექტში მონაწილე ახალგაზრდებმა რეგიონალური შეხვედრა გამართეს. შეხვედრას ესწრებოდა 25 ახალგაზრდა და დონორი ორგანიზაციის წარმომადგენელი, რომელმაც მოისმინა პროექტის მონაწილეთა მიერ წარმოდგენილი პრეზენტაციები განხორციელებული აქტივობების შესახებ. წყარო: ორგანიზაციის გვერდი სოციალურ ქსელში

სამცხე-ჯავახეთი. „ახალგაზრდა ადვოკატებმა", საქართველოში მცხოვრები ეთნიკური უმცირესობის წარმომადგენელი ახალგაზრდებისთვის, პროექტის- „ერთად ევროპული არჩევანისთვის" - პრეზენტაცია სამცხე–ჯავახეთის რეგიონის ახალციხის მუნიციპალიტეტში გამართა. შეხვედრაზე ასევე ჩატარდა საჯარო ლექცია საქართველო–ევროკავშირის ურთიერთობების შესახებ. ორგანიზაცია პროექტს „ერთად ევროპული არჩევანისთვის" 5 მაისიდან ახორციელებს და 5 სექტემბერს დაასრულებს. სრულად...  წყარო: www.barristers.ge

თბილისი. ფრონტლაინ კლუბისა და ჟურნალ ლიბერალის ერთობლივი პროექტის ფარგლებში გაიმართა დისკუსია ბავშვთა უფლებების საკითხებზე. დისკუსიაში მონაწილეობდნენ გაეროს ბავშვთა ფონდის სოციალური კეთილდღეობის პროგრამის ხელმძღვანელი ქეთი მელიქაძე, განათლებისა და მეცნიერების სამინისტროს წარმომადგენელი ნინო კვიტაშვილი, მოდერაციას უწევდა წამების მსხვერპლთა ფსიქოსოციალური და სამედიცინო ცენტრის ფსიქოლოგი, მაია ცირამუა. პროექტი ხორციელდება გაეროს ბავშვთა ფონდის მხარდაჭერით. დისკუსია წყარო: liberali.ge

იმერეთი. სამეცნიერო-ინტელექტუალურ კლუბ „თაობათა დიალოგში" პროგრამა „ღია თვითმმართველობის” მეორე ეტაპის პირველი ფაზა დასრულდა. პროგრამის მონაწილეებმა ალტერნატიული ახალგაზრდული პოლიტიკის დოკუმენტის პრეზენტაცია გამართეს. დოკუმენტის პრეზენტაციას ესწრებოდნენ ქუთაისში მოღვაწე სხვადასხვა არასამთავრობო ორგანიზაციების წარმომადგენლები და ქუთაისის სპორტისა და ახალგაზრდობის საქმეთა სამსახურის ხელმძღვანელი. პროგრამის მონაწილეების მიერ შემუშავებული დოკუმენტი მერიას გადაეცემა. 30 ივნისს, პროგრამის მეორე ფაზის მეორე ეტაპი დაიწყება. წყარო: ორგანიზაციის გვერდი სოციალურ ქსელში

თბილისი. 29 ივნისს, 2014 წლის მოწვევის ახალგაზრდული პარლამენტის მეორე პლენარული სხდომა ჩატარდა. სხდომაზე განიხილეს დარგობრივი ეკონომიკისა და აგრარულ საკითხთა კომიტეტის ინიციატივა ქონების გადასახადის გადამხდელი პირების სახელმწიფო საყოველთაო ჯანდაცვის პროგრამიდან ამოღების შესახებ. ასევე, დიასპორისა და კავკასიის საკითხთა კომიტეტის ინიციატივა „უცხოეთში მცხოვრები თანამემამულეებისა და დიასპორული ორგანიზაციების შესახებ" საქართველოს ორგანულ კანონში ცვლილებების შეტანის თაობაზე, განათლების, მეცნიერებისა და კულტურის კომიტეტის ინიციატივა უმაღლესი განათლების შესახებ კანონში ცვლილებების შეტანის შესახებ, საგარეო ურთიერთობათა,ევროპასთან ინტეგრაციის და თავდაცვის კომიტეტის ინიციატივა სამხედრო რწმუნებულის პოსტის შემოღების თაობაზე და ასევე ჯანმრთელობის დაცვისა და სოციალურ საკითხთა კომიტეტის ინიციატივა საქართველოს სისხლის სამართლის კოდექსსა და ადმინისტრაციულ სამართალდარღვევათა კოდექსში ცვლილების შეტანის შესახებ. წყარო: ორგანიზაციის გვერდი სოციალურ ქსელში

სამეგრელო. 25 ივნისს, ასოციაცია „ათინათის" ორგანიზებით მოეწყო სასწავლო ვიზიტი საქართველოს საკონსტიტუციო სასამართლოში. ღონისძიებაში მონაწილეობა მიიღო პროექტის - „ეროვნული ინტეგრაციის გაძლიერება საქართველოში" - ფარლებში ჩამოყალიბებულმა ახალგაზრდულმა ცენტრმა „ორტუსმა", ასევე პროექტის - „ახალაგზდების ჩართულობა და განვითარება" - ფარგლებში ჩამოყალიბებულმა კლუბებმა. ვიზიტის ფარგლებში ახალგაზრდმა დაათვალიერეს საკონსტიტუციო სასამართლო და შეხვდნენ თავმჯდომარეს. წყარო: ორგანიზაციის გვერდი სოციალურ ქსელში

აჭარა. 25 ივნისს ბათუმს ზუგდიდის ახალგაზრდული კლუბი „ორტუსი" ეწვია. ერთობლივი ღონისძიების ფარგლებში ახალგაზრდები დაესწრნენ კამპანიის -„ადვოკატირება საგზაო უსაფრთხოების" დასკვნით ეტაპს და მონაწილეობა მიიღეს თანატოლგანმანათლებელთა ტრენინგში რომელიც „ბათუმის ახალგაზრდული ცენტრის" წევრმა ჩაატარა. ბათუმისა და ზუგდიდის ახალგაზრდული ცენტრები სამოქალაქო აქტივიზმის ახალგაზრდული ქსელის წარმომადგენლები არიან. ვიზიტი განხორციელდა პროექტის - „ეროვნული ინტეგრაციის გაძლიერება საქართველოში" - ფარგლებში. წყარო: ორგანიზაციის გვერდი სოციალურ ქსელში

აჭარა. 24 ივნისს, ხელვაჩაურის ახალგაზრდულ ცენტრში, სამოქალაქო საზოგადოების ინსტიტუტის ორგანიზებით, შეზღუდული შესაძლებლობის მქონე პირებთან დაკავშირებით საინფორმაციო შეხვედრა გაიმართა. ახალგაზრდული ცენტრის წევრები გაეცნენ შშმ პირების მიმართვის მართებულ ტერმინებს, ასევე საზოგადოებაში გავრცელებულ სტერეოტიპებს. შეხვედრას მოდერაციას შშმ პირთა ორგანიზაციის ხელმძღვანელი თემურ კაკაბაძე და ამავე ორგანიზაციის ფსიქოლოგი - ვახო ლიპარტია უწევდა. შეხვედრის მეორე ნაწილი დისკუსიას დაეთმო, სადაც ახალგაზრდებმა თავიანთი აზრი გამოთქვეს აღნიშნულ საკითხზე. ასევე განიხილეს ინკლუზიური სწავლების მნიშვნელობა, სახელმწიფოს როლი შშმ პირთა პრობლემების მოგვარებაში, საზოგადოების დამოკიდებულება და სხვა. მსგავსი შეხვედრა თვის ბოლოს ქედის მუნიციპალიტეტშიც გაიმართება.

თბილისი. გაეროს ბავშვთა ფონდი მსოფლიოს სხვადასხვა ქეყანაში  ახორციელებს პროექტს „აქტიური საუბრები". 23 ივნისს, „აქტიური საუბრების" ფარგლებში დისკუსია თბილისში გაიმართა, რომელიც შშმ ბავშვთა უფლებების დაცვას მიეძღვნა. ღონისძიებაზე მსმენელის წინაშე რამდენიმე გამომსვლელი წარსდგა, მათ ყურადღება საქართველოში არსებულ პრობლემებზე გაამახვილეს და თავისი გამოცდილების შესახებ ისაუბრეს. სრულად... წყარო: liberali.ge

შიდა ქართლი. 23 ივნისს, საზოგადოება „ბილიკის" პროექტის - „ჩვენ ვაძლიერებთ ერთმანეთს" - შემაჯამებელი პრეზენტაცია გაიმართა. პროექტის მიზანი იყო ახალგაზრდების ინფორმირება და განათლება ჯანმრთელი ცხოვრების შესახებ, ასევე ახალგაზრდების მიერ ჯანმრთელი ცხოვრების წესის დამკვიდერებისთვის ინიციატივების განხორციელება. პროექტის მონაწილეებმა გააკეთეს პრეზენტაციები ცხოვრების ჯანსაღი წესის შესახებ და ასევე გვაჩვენეს ფილმები რომლებიც გადაიღეს პროექტის ფარგლებში. წყარო: ორგანიზაციის გვერდი სოციალურ ქსელში

აჭარა. 21-22 ივნისს, სახალხო დამცველის ბათუმის ფილიალის ოფისში, არასამთავრობო ორგანიზაციის „საქართველოს ახალგაზრდა სოციალისტების"ორგანიზებით  პროექტის- „გახდი მშვიდობის მშენებელი"- ფარგლებში ტრენინგი ჩატარდა.  ტრენინგის მონაწილეობდნენ ბათუმის ახალგაზრდული ორგანიზაციების წარმომადგენლები და სტუდენტები. პროექტის მიზნია  რეგიონში მცხოვრები ახალგაზრდების ცნობიერების ამაღლება მშვიდობის მშენებლობის საკითხზე, ასევე მათი გააქტიურება და წახალისება, რათა თავიანთი შესაძლებლობები გამოავლინონ. ტრენინგი ძირითადად მშვიდობის არსის, მოლაპარაკების მეთოდების, პროექტის წერისა და პროექტის მენეჯმენტის საკითხებს შეეხებოდა.  ტრენინგების მოიცავდა როგორც თეორიულ, ასევე პრაქტიკულ მეთოდებს.  მონაწილეები სამ ჯგუფად დაიყო, თითოეულმა კონფლიქტური სიტუაციების მოგვარების მცირებიუჯეტიანი საპროექტო წინადადება დაწერა. კომისიამ აღნიშნული წინადადებები მოისმინა და მათგან მხოლოდ საუკეთესო დააფინანსა. 

თბილისი. 22 ივნისს, ნატოსა და ევროკავშირის შესახებ საინფორმაციო ცენტრისა და საქართელოს ახალგაზრდა დიპლომატთა კლუბის ინიციატივით ინტერაქტიული თამაში მოეწყო. თამაშში საქართველოს სხვადასხვა უნივესიტეტის სტუდენტები იღებდნენ მონაწილეობას. 4 წევრისგან შემდგარი თითოეული გუნდის მიზანი საგამოფენო პავილიონ „ექსპო ჯორჯიას" ტერიტორიაზე დამალული მინიშნებების მოძებნა და ევროკავშირის შესახებ დასმულ კითხვებზე პასუხების გაცემა იყო. გამარჯვებული გუნდი საქართველოში ლიტვის ელჩმა იონას პასლაუსკასმა დააჯილდოვა. წყარო: ორგანიზაციის გვერდი სოციალურ ქსელში

ქვემო ქართლი. ნატოსა და ევროკავშირის შესახებ საინფორმაციო ცენტრის ინიციატივით მესამოცე საჯარო სკოლის მოსწავლეები კრწანისის სამხედრო ბაზას ეწვივნენ. ახალგაზრდებს მასპინძლობა ბაზის ინსტრუქტორებმა გაუწიეს. სტუდენტები ადგილზე გაეცნენ, თუ როგორ ფუნქციონირებს ცენტრი, რა სახის მომზადებას გადიან საქართველოს შეიარაღებული ძალები. წყარო: ორგანიზაციის გვერდი სოციალურ ქსელში