კახეთი. არასამთავრობო ორგანიზაცია ,,ვოლდ ვიჟენ საქართველოს" კახეთის სამხარეო განვითარების პროგრამის' და „საქართველოს დებატებისა და განათლების ინსტიტუტის" ინიციატივით, თელავის საგანმანათლებლო რესურს ცენტრში, გაიმართა სასკოლო კლუბების დებატების რეგიონული ტურნირის ფინალი. დებატები ეხებოდა ინკლუზიურ სწავლებას. შევხედრას ესწრებოდნენ არასამთავრობო სექტორის წარმომადგენლები, ადგილობრივი თვითმმართველობის წევრები, სტუდენტები და აქტიური მოქალაქეები. ფინალში ერთმანეთს შეხვდნენ ართანის საჯარო სკოლის გუნდი და წინანდალი - აკურის საჯარო სკოლის მოსწავლეები. ფინალში გაიმარჯვა აკურისა და წინანდლის საჯარო სკოლების ერთობლივმა გუნდმა.

თბილისი. სტუდენტურმა მოძრაობამ „მწვანე მუშტმა" ახალი ინიციატივა - „მწვანე ბიბლიოთეკა" დაიწყო. ინიციატივის მიზანია შეიქმნას თავისუფალი სივრცე კულტურული და საგანმანათლებლო განვითარებისთვის საქართველოს რეგიონებში ადგილობრივ მოსახლეობასთან ერთად. „მწვანე ბიბლიოთეკის" ფარგლებში გაიმართება დისკუსიები, კინოჩვენებები, ლექციები და ადგილობრივ ბიბლიოთეკებს გადაეცემათ წიგნები. სრულად...  წყარო: ორგანიზაციის გვერდი სოციალურ ქსელში

იმერეთი. 30 მაისს თანატოლგანმანათლებელთა გაცვლითი პროგრამის ფარგლებში, თბილისისა და ქუთაისის ახალგაზრდული ცენტრის წევრებმა, წყალტუბოს მუნიციპალიტეტის, სოფელ გეგუთის საჯარო სკოლის მოსწავლეებისათვის ჩააატრეს ტრენინგი სოციალურ მედიის საკითხებზე. ასევე გამართეს პრეზენტაცია სამოქალაქო აქტივიზმის ახალგაზრდული ქსელის შესახებ. ტრენინგის მონაწილეებს მიეწოდათ ინფორმაცია სოციალური მედიის საშუალებით ინფორმაციის გავრცელების და უკუკავშირის მიღების შესახებ. თანატოლგანმანათლებლებმა ასევე ისაუბრეს ახალგაზრდული ცენტრების პრიორიტეტების, განხორციელებული ღონისძიებების, მიღწეული შედეგების, სტატისტიკური მონაცემების და სამომავლო საქმიანობების შესახებ. ტრენინგი გაიმართა საქართველოში ეროვნული ინტეგრაციის გაძლიერების პროექტის (ANI) ფარგლებში, რომელსაც ახორციელებს საქართველოს გაეროს ასოციაცია (UNAG), აშშ-ს საერთაშორისო განვითარების სააგენტოს (USAID) მხარდაჭერით. წყარო: ორგანიზაციის ვებგვერდი სოციალურ ქსელში

თბილისი. 2006 წლიდან მოყოლობული, 1 ივნისს, ბავშვთა უფლებების საერთაშორისო დაცვის დღეს, ბავშვთა ქალაქ „მზიურში" იმართება „მზის ფესტივალი – ჩვენ ერთად ვხედავთ მზეს. ამ დღეს „მზიურში" სხვადასხვა აქტივობები იმართება: კონცერტები, გამოფენები. წელსაც „მზიურში" მრავალფეროვანი პროგრამით გეგმავენ  ორგანიზატორები აღნიშნონ ბავშვთა დაცვის საერთაშორისო დღე. ღონისძიებების პროგრამა წყარო: „მზის ფესტივალის" ვებგვერდი სოციალურ ქსელში

თბილისი. არასამთავრობო ორგანიზაცია „დრონის" ორგანიზებით 31 მაისს იმართება ქუჩის მუსიკის ფესტივალი. ფესტივალზე 600-მდე მუსიკოსი, მათ შორის 90-მდე ქართული მუსიკალური ჯგუფი, 50-მდე სოლო შემსრულებლები, ასევე მუსიკალური ორკესტრები ჩაერთვებიან. ასევე სპეციალურად ფესტივალისთვის 8 ქვეყნიდან მოწვეული 36 უცხოელი მუსიკოსი მიიღებ მონაწილეობას. ქუჩის მუსიკის ფესტივალი ,,დრონის" ორგანიზებითა და თბილისის მერიის მხარდაჭერით მესამე წელია, ტარდება. სრულად... წყარო: pia.ge

თბილისი. „სამოქალაქო ინიციატივის" ორგანიზებით 29 მაისს თბილისის ქუჩებში გვირილების საქველმოქმედო აქცია გაიმართა. ყვავილები ორგანიზაციის წევრებმა თბილისის ქუჩებში გაყიდეს. შეგროვებული თანხით ახალგაზრდები მოსიარულე სადისკუსიო კინო-კლუბის გაკეთებას გეგმავენ. ორგანიზაცია დისკუსიებს სიღნაღის მუნიციპალიტეტის სოფლებში გამართავს. წყარო: ორგანიზაციის გვერდი სოციალურ ქსელში

კახეთი. ფონდ „ღია საზოგადოება საქართველოს” წარმომადგენლები, 29 მაისს, თელავის სახელმწიფო უნივერსიტეტის სტუდენტებს შეხვდნენ. საუბრის მთავარი თემა მედია გაყიდვების სფეროში ახალგაზრდების დასაქმება იყო. აქცენტი დღევანდელ მედია ბაზარზე არსებულ ისეთ პრობლემეზე გაკეთდა, როგორებიცაა: ონლაინ მედიარესურსებისა და დამოუკიდებელი სატელევიზიო სტუდიების მიერ საზოგადოებრივი ინტერესის გამომხატველი მედიაკონტენტის შექმნა, მედიის, როგორც ბიზნესის განვითარებისთვის საჭირო უნარების გაუმჯობესება, ჟურნალისტური სტანდარტისა და მედიაწიგნიერების დონის ამაღლება, ციფრულ მაუწყებლობაზე გადასვლის შეუფერხებელი და არადისკრიმინაციული პროცესის უზრუნველყოფა. ირაკლი ცერცვაძე, მედია პროგრამების კოორდინატორი: „სტუდენტებს ჩვენი ფონდის ახალი ინიციატივა – მედია პროგრამა წარვუდგინეთ, რომელიც მიზნად გაყიდვების კუთხით მცირე მედია ორგანიზაციების დახმარებას ისახავს. დღევანდელი გასაუბრების შედეგად შევარჩევთ აქტიურ, კომუნიკაბელურ სტუდენტებს, ისინი შესაბამისი ტრენინგ-კურსის გავლის შემდეგ აღნიშნულ სფეროში დასაქმდებიან." დაინტერესებულ პირებს დამატებითი ინფორმაციის მისაღებად შეუძლიათ ეწვიონ ფონდ ღია საზოგადოება – საქართველოს საიტს: www.osgf.ge

სამეგრელო. 27 მაისს ასოციაცია „ათინათის" ახალგაზრდულ ცენტრის „ორტუსისა" და ახალციხის ახალგაზრდული ცენტრის წარმომადგენლებმა, თანატოლგანმანათლებლების გაცვლითი პროგრამის ფარგლებში,  სამოქალაქო აქტივიზმის ახალგაზრდული ქსელის პრეზენტაცია სასწავლო უნივერსიტეტ – ევროპული აკადემიაში გამართეს. თანატოლგანმანათლებლების გაცვლითი პროგრამა ხორციელდება ეროვნული ინტეგრაციის პროექტის ფარგლებში, რომელსაც ახორციელებს საქართველოს გაეროს ასოციაცია, აშშ–ის საერთაშორისო განვითარების სააგენტოს ფინანსური მხარდაჭერით. წყარო:  „ორტუსის" ვებგვერდი სოციალურ ქსელში

კახეთი. 26 მაისს, სიღნაღში სათემო კავშირ „ნუკრიანის" ახალგაზრდული ცენტრის „სცანის" წევრებმა პერფომანსი გამართეს სახელწოდებით „ჩვენი ბიბლიოთეკა". პერფომანსი წარმოაჩენდა იმ ადამიანებს, რომლებიც არ უფრთხილდებიან წიგნებს და ხევენ, ასევე ყველაზე აქტუალურ პრობლემას – წიგნის უგულებელყოფას. აღნიშნული ღონისძიება გაიმართა კავშირ „ნუკრიანისა" და სამოქალაქო ინიციატივის ერთობლივი პროექტის – „ჩემი სოფლის" ფარგლებში. იგი ხორციელდება აღმოსავლეთ–დასავლეთის მართვის ინსტიტუტის ფინანსური მხარდაჭერით. წყარო: ნუკრიანის სახელოსნოების ვებგვერდი სოციალურ ქსელში

ქვემო ქართლი. 1–2 ივნისს სოფლის სოცილოგთა კლუბის წევრები ეწვევიან სოფელ ავრანლოს წალკის მუნიციპალიტეტში. პროექტის მიზანია სოფლად სხვადასხვა სახის კულტურული და სოციალური ღონისძიების გამართვა. კლუბის წევრები სოფელ ავრანლოს საჯარო სკოლასაც ეწვევიან. ყველა მსურველს შეუძლია, წვლილი შეიტანოს პროექტის განხორციელებაში, დაეხმარნონ ორგანიზატორებს სათამაშოებით, ინვენტარით, წიგნებით ან სხვა სახის მატერიალური რესურსით. მოხალისეებს შეუძლიათ, ჩაერთონ ღონისძიებაში და შეუერთდნენ კრეატიული იდეებით. საკონტაქტო ინფორმაცია: t.gugushvili@hotmail.com

განვითარებისა და დემოკრატიის ინსტიტუტი საქართველოს საუნივერსიტეტო ქალაქებში მართავს აქცია–კონცერტს: „ჩვენ მივდივართ არჩევნებზე!მოდი შენც!". აქცია–კონცერტების განრიგი წყარო: cdd.ge

ქვემო ქართლი. 27 მაისს, დასრულდა „სამოქალაქო განათლების საგაზაფხულო ბანაკის" მესამე ნაკადი, რომელიც ორგანიზაცია სიქას მიერ ორგანიზებული. ბანაკი მოეწყო სამოქალაქო განათლებისა და პედაგოგთა გადამზადების პროგრამის ფარგლებში, რომელსაც აშშ–ის საერთაშორისო განვითარების სააგენტოს ფინანსური მხარდაჭერით PH International ახორციელებს. პროგრამის ფარგლებში სიქამ 4 წლის მანძილზე უკვე 11 ბანაკს გაუკეთა ორგანიზება, მთლიანად ბანაკებში მონაწილეობა მიიღო 1000–ზე მეტმა მოსწავლემ და პედაგოგმა საქართველოს 11 რეგიონიდან. წყარო: ორგანიზაციის ვებგვერდი სოციალურ ქსელში

იმერეთი. ქუთაისის ახალგაზრდულმა პარლამენტმა მეორე პლენარული სხდომაზე განიხილა ახალგაზრდების განვითარების ხელშეწყობის საკითხი ქუთაისში. რეზოლუცია ახალგაზრდებმა ხმათა უმრავლესობით მიიღეს. მიღებული რეზოლუცია გადაეგზავნება მერიის სამსახურს. წყარო: ქუთაისის ახალგაზრდული პარლამენტი

თბილისი. ლიბერალიზმის სასწავლო ცენტრში ლევან ბერძენიშვილმა ლექცია - „რას ამბობს ახალს სოფოკლე?" - წაიკითხა. მათთვის, ვინც ვერ შეძლო ლექციაზე დასწრება, ცენტრი ვიდეო ჩანაწერს აქვეყნებს. ლექცია წყარო: ორგანიზაციის გვერდი სოციალურ ქსელში

კახეთი. 24 მაისს სიღნაღის მუნიციპალიტეტის სოფლებში მცხოვრებ ახალგაზრდებთან შეხვედრა შედგა თემაზე - საქართველოს და ევროკავშირის ურთიერთობები და პერსეპექტივები. შეხვედრის მონაწილე ახალგაზრდებს გააცნეს ინფორმაცია ევროკავშირის ისტორიისა და ინსტიტუების, საქართველო და ევროკავშირი ურთიერთობების და პერსპექტივების შესახებ. რის შემდეგაც შეხვედრა კითხვა–პასუხის რეჟიმში გაგრძელდა. დღის მეორე ნახევარში მონაწილე ახალგაზრდებმა იმუშავეს ჯგუფებში და ფონდი „ღია საზოგადოება საქართველოს" პუბლიკაციის „10 მითი საქართველო-ევროკავშირის ასოცირების შეთანხმების შესახებ" დახმარებით მოამზადეს პრეზენტაციები პულიკაციაში გამოყენებული ინფორმაციის შესახებ. შეხვედრის დასასრულს გადაწყდა რომ მსგავსი ფომატის შეხვედრები სიღნაღის მუნციპალიტეტის სხვა სოფლის ახალგაზრდებითვისაც მომზადდება და გაიმართება. წყარო: ორგანიზაცია „სამოქალაქო ინიციატივის" ვებგვერდი სოციალურ ქსელში

თბილისი. 25 მაისს, თბილისის მედიათეკაში 2014 წლის მოწვევის საქართველოს ახალგაზრდა პარლამენტარებისთვის ტრენინგი გაიმართა, თემა: „საკანონმდებლო ტექნიკა". ტრენინგის მიზანი იყო ახალი მოწვევის ახალგაზრდული პარლამენტის წევრებს მიეღოთ დამატებითი ინფორმაცია საკანონმდებლო მუშაობის შესახებ. წყარო: საქართველოს ახალგაზრდული პარლამენტის ვებგვერდი სოციალურ ქსელში

გურია. სტუდენტურ–ახალგაზრდული სათათბირო, გაზეთი „გურიის მოამბე" და განვითარებისა და დემოკრატიის ცენტრი ახორციელებენ პროექტს: „ჩვენ მივდივართ არჩევნებზე. მოდი შენც". პროექტის მხარდამჭერია „საარჩევნო სისტემების განვითარების, რეფორმებისა და სწავლების ცენტრი". პროექტის ფარგლებში, „გურიის მოამბე" იწყებს გადაცემათა ციკლს, რომლის საშუალებითაც გაზეთის მკითხველს და ვებგვერდის მომხმარებლებს საშუალება ექნებათ გაეცნონ ინფორმაციას ადგილობრივი თვითმმართველობის არჩევნების შესახებ. გადაცემების სტუმრები იქნებიან, როგორც საკრებულოს წევრობის, ასევე მერობისა და გამგებლობის კანდიდატები. პირდაპირი ეთერის (Livestream) საშუალებით მოეწყობა დებატები ქალაქ ოზურგეთის მერობის კანდიდატებს შორის. გაზეთის მკითხველს და ვებ-გვერდის მომხმარებლებს საშულება ექნება წინასწარ და შეხვედრის მსვლელობის დროსაც დაუსვას შეკითხვები კანდიდატებს. პროექტი „გურია - ჩვენ მივდივართ არჩევნებზე! მოდი შენც!" მიზნად ისახავს 2014 წლის ადგილობრივი თვითმმართველობის ორგანოების არჩევნებისათვის ახალგაზრდებში საარჩევნო ცნობიერების ამაღლების, სამოქალაქო პასუხისმგებლობის ზრდისა და არჩევნებში ამომრჩევლის როლის გააქტიურების ხელშეწყობას გურიის რეგიონის სამი მუნიციპალიტეტის (ოზურგეთი, ჩოხატაური, ლანჩხუთი) მასშტაბით.

კახეთი. ნატოსა და ევროკავშირის შესახებ საინფორმაციო ცენტრის კახეთის რეგიონული ოფისის ორგანიზებით, თელავის სკოლების სამოქალაქო კლუბების წარმომადგენლებს შორის სასკოლო ჩემპიონატის შესარჩევი ტურნირი გაიმართა ინტელექტუალურ თამაშებში „რა? სად? როდის". თამაში თემატური იყო და ყველა შეკითხვა ეხებოდა ნატოსა და ევროკავშირს. თამაშის შედეგების მიხედვით შეიქმნება 20–კაციანი ჯგუფი, რომელიც საინფორმაციო ცენტრის დაფინანსებით მოინახულებს საქართველოს შეიარაღებული ძალების ერთ–ერთ სამხედრო ბაზას.

თბილისი. ლიბერალიზმის სასწავლო ცენტრში დისკუსია - „უნდა აშენდეს თუ არა ხუდონჰესი?" - გაიმართა. დისკუსიაზე ცენტრის წევრებმა წარმოადგინეს არგუმენტები თუ რატომ უნდა აშენდეს ან არ აშენდეს ხუდონჰესი. მხარეების პოზიციის წარმოდგენის შემდეგ არგუმენტები შეაჯამა და ანალიზი გაუკეთა მენტორმა -- კახა ბახტაძემ, კავკასიის გარემოსდაცვითი არასამთავრობო ორგანიზაციების ქსელის (CENN) პროგრამების მენეჯერმა. დისკუსია  წყარო: ორგანიზაციის გვერდი სოციალურ ქსელში

იმერეთი. 22 მაისს, ქუთაისის ახალგაზრდული ცენტრის წევრებისათვის ჩატარდა ტრენინგი „სამოქალაქო აქტივიზმი და ქალთა პოლიტიკური ჩართულობა". შეხვედრას მედიის განვითარების ფონდისა და კონსტიტუციური სწავლების ცენტრის წარმომადგენლები უძღვებოდნენ. ტრენინგის მიზანი იყო ახალგაზრდების ცნობიერების ამაღლება ქალთა პოლიტიკური და სამოქალაქო უფლებების, საარჩევნო პროეცესში ქალთა მონაწილეობის ზრდის საკანონმდებლო გარანტიების შესახებ. ტრენინგის შემდეგ გაიმართა მედიის განვითარების ფონდის მიერ ინიცირებული გამოფენა „ქალები წარსულიდან - მაგალითი მომავლისთვის", რომლის მიზანს წარმოადგენდა სხვადასხვა ეპოქაში მოღვაწე ქალთა შესახებ საზოგადოების უკეთ ინფორმირება და ისტორიული მაგალითების საფუძველზე, გენდერული თანასწორობის ღირებულების დამკვიდრება, ასევე ამ პროცესში მედიის განსაკუთრებული როლის წარმოჩენა. გამოფენაზე წარმოდგენილი ექსპონატები საქართველოს დემოკრატიული რესპუბლიკის დამფუძნებელი კრების წევრი ქალების, ასევე სხვა ისტორიული პირების (მარიამ გარიყული, ეკატერინე გაბაშვილი, კატო მიქელაძე, ნინო ყიფიანი, ბარბარე ყიფიანი და სხვა) საზოგადოებრივ აქტივობას ასახავდა. წყარო:ორგანიზაციის გვერდი სოციალურ ქსელში

ქვემო ქართლი. 22 მაისს სიქამ სამოქალაქო განათლების საგაზაფხულო ბანაკის მესამე ნაკადი დაიყო. შეხვედრაში საქართველოს თერთმეტი რეგიონის 100 წარმომადგენელი იღებს მონაწილეობას. ბანაკის განმავლობაში მონაწილეები სიქას ახალგაზრდული ლიდერების დახმარებით ჩაერთვებიან საბანაკე აქტივობებში, შეხვდებიან საინტერესო მოწვეულ სტუმრებს და სხვა. წყარო:ორგანიზაციის გვერდი სოციალურ ქსელში

გურია. 21 მაისს, „ახალგაზრდა პედაგოგთა კავშირის" საკონფერენციო დარბაზში გაიმართა საჯარო ფორმატის დებატი –  „მედიაში ბავშვთა უფლებების გაშუქების სტანდარტი დაცული უნდა იყოს". დებატებში ლიდერთა სკოლის მოსწავლეებთან ერთად მონაწილეობა მიიღეს „გურიის მოამბისა” და „გურია ნიუსის” ჟურნალისტებმა. დებატის თემა, ახალგაზრდების მედიაზე დაკვირვებით შეირჩა: „ჩვენს დროში, როცა საქველმოქმედო მიზნით, მასმედიის მიერ ხშირად შუქდება არასრულწლოვანთა პრობლემები – რამდენადაა დაცული ბავშვების უფლებები? ილახება თუ არა მოზარდის ღირსება მისი რამე ფორმით იდენტიფიცირების შემთხვევაში? რამდენად გამართულია სტანდარტი?". დებატის შემდეგ გამართულ დისკუსიაში საზოგადოება აქტიურად ჩაერთო. იყო განსხვავებული მოსაზრებები. წყარო: ორგანიზაციის გვერდი სოციალურ ქსელში