სამეგრელო. 12 აპრილს, ასოციაცია „ათინათის" ახალგაზრდულმა ცენტრმა „ორტუსმა" „ქუჩაში მცხოვრები და მომუშავე ბავშვების" დღესთან დაკავშირებით ზუგდიდში მცხოვრებ ბავშვებს გადასცა ტანსაცმელები და ტკბილეული. ცენტრის წევრებმა რამდენიმე დღით ადრე დაიწყეს ტანსაცმლის შეგროვება და ასევე იმ ბავშების კოორდინატების მოძიება, რომელთა უმრავლესობა ქუჩაში ეძებს სახლს და საკვებს. აქტივობა ჩატარდა ეროვნული ინტეგრაციის გაძლიერების პროექტის ფარგლებში, რომელსაც ახორციელებს საქართველოს გაეროს ასოციაცია, ამერიკის შეერთებული შტატების საერთაშორისო განვითარების ფინანსური მხარდაჭერით. წყარო:ორგანიზაციის გვერდი სოციალურ ქსელში

იმერეთი. 13 აპრილს ქუთაისის ახალგაზრდულმა ცენტრმა ქალაქის ცენტრალურ მოედანზე სამოქალაქო აქცია - „ჩვენ ვირჩევთ ევროპას" - გამართა. აქციის მიზანს წარმოადგენდა საქართველოს ევროპული არჩევანის მხარდამჭერა. სამოქალაქო აქცია გაიმართა „საქართველოში ეროვნული ინტეგრაციის გაძლიერების პროექტის" (ANI) ფარგლებში, რომელსაც ახორციელებს საქართველოს გაეროს ასოციაცია (UNAG), აშშ-ს საერთაშორისო განვითარების სააგენტოს (USAID) მხარდაჭერით. წყარო:ორგანიზაციის გვერდი სოციალურ ქსელში

აჭარა. 11 აპრილს, ახალგაზრდულმა ორგანიზაციამ - „ახალგაზრდული კოლეგიამ" – სტუდენტებისთვის, დემოკრატიული ჩართულობის ცენტრში" ლექცია–სემინარი ჩაატარა. მოწვეულმა პროფესორმა გია მასალკინმა ახალგაზრდებს უნივერსიტეტის შექმნის და აჭარაში მოქმედი უნივერსიტეტებში დღეს არსებულ მდგომარეობაზე ესაუბრა. სემინარი ჩატარადა პროექტის - „მოძრაობა ცვლილებებისათვის" ფარგლებში, რომელიც მიზნად ისახავს სტუდენტების ცნობიერების ამაღლებას სამოქალაქო განათლების კუთხით. აღნიშნულ პროექტში ბათუმის სახელმწოფო უნივერსიტეტის ოცდაათამდე სტუდენტია ჩართული. სამომავლოდ, პროექტის ბენეფიციარების ინტერესის მიხედვით, სხვადასხვა თემაზე სემინარების ჩატარება კვლავ იგეგმება.

იმერეთი. საქართველოს სკაუტური მოძრაობის იმერეთის ფილიალი, 13 აპრილს შეუერთდა აქციას „გადადი გადასასვლელზე", რომელსაც ორგანიზაცია „საქართველოს ბავშვები" ახორციელებს. აქციაში მონაწილეობა მიიღო 25-მა სკაუტმა იმერეთის რეგიონიდან ( ქუთაისი, თერჯოლა, ზესტაფონი, სამტრედია, ვანი, ბაღდათი, ხარაგაული). აქციის ფარგლებში დარიგდა საინფორმაციო ბუკლეტები და პლაკატები. ასევე, ჯანსაღი ცხოვრების წესის მხარდასაჭერად, სკაუტებმა მოაწყვეს ლაშქრობა სათაფლიის ეროვნულ ნაკრძალში, სადაც გამართეს სხვადასხვა სპორტული, საგანმანათლებლო, გასართობი აქტივობები.

თბილისი. „პირველი ნაბიჯი საქართველო" ახორციელებს საპილოტე პროექტს, რომლის მიზანია საქართველოში სკოლამდელი ინკლუზიური განათლების ხელშეწყობა. პროექტში ჩართულია 6 საჯარო ბაღი თბილისში, ქუთაისში, ბათუმში და მიზნად ისახავს, ხელის შეწყობას განსაკუთრებული საჭიროების მქონე ბავშვების ინტეგრაციასა და მათი ჩართულობის გაზრდას საჯარო ბაღებში. პროექტის ფარგლებში, კენკუტის უნივერსიტეტის პროფესორმა, ინკლუზიური განათლების ექსპერტმა, ჯენიფერ გიშამ ბრაუნმა ჩაატარა ტრენინგები, რომელშიც მონაწილეობა მიიღეს ბავშვთა ადრეული განვითარების სპეციალისტებმა, რომლებიც ჩართულები არიან სკოლამდელი ინკლუზიური განათლების ხელშეწყობის პროექტში. ტრენინგის გავლის შემდეგ „პირველი ნაბიჯის" ადრეული განვითარების სპეციალისტები გადაამზადებენ საპილოტე პროექტში ჩართული ბაღების პედაგოგებს და გადასცემენ მათ მიღებულ ცოდნას. წყარო:ორგანიზაციის გვერდი სოციალურ ქსელში

იმერეთი. სამეცნიერო-ინტელექტუალ ცენტრ „თაობათა დიალოგში" პროგრამის „ღია თვითმმართველობა" ფარგლებში რიგით მე-9 შეხვედრა ადგილობრივი თითმმართველობის საჯარო მოხელის ფუნქცია-მოვალეობას დაეთმო. როგორი უნდა იყოს ადგილობრივი თვითმმართველობის საჯარო მოხელე - ამ საკითხზე პროგრამის მონაწილეებს იურისტი ნანა ჩაფიძე ესაუბრა. შეხვედრაზე საჯარო მოსამსახურის ადგილობრივი თვითმმართველობის ჭრილში განხილვის შემდეგ ასევე ისაუბრეს ზოგადად თვითმმართველობის არსა და პრინციპებზე. სალექციო კურსის შემდეგ კი შეხვედრა ტრადიციულად კითხვა-პასუხის რეჟიმში გაგრძელდა. წყარო:ორგანიზაციის გვერდი სოციალურ ქსელში

აჭარა. 13 აპრილს „ბათუმის ახალგაზრდულ ცენტრში" გაიმართა ვიქტორინა წიგნის კლუბში და ტრენინგი ფოტო და ვიდეოპროგრამების სწავლებაზე. წიგნის კლუბში გამართული ვიქტორინის თემა ჯემალ ქარჩხაძის შემოქმედება იყო, სწორი პასუხების რაოდენობით გამოვლინდნენ გამარჯვებულები, რომლებსაც საჩუქრად გადაეცათ აკა მორჩილაძის, ჯინ ვებსტერის და ჩიპ და დენ ჰითების წიგნები. ტრენინგის მიმდინარეობისას კი ცენტრის წევრები გაეცნენ სამონტაჟო პროგრამებს, შეისწავლეს ვიდეომონტაჟი, აგრეთვე ფოტოკოლაჟების შექმნა და ფოტოზე ლოგოს გადატანა. წყარო:ორგანიზაციის გვერდი სოციალურ ქსელში

სამცხე-ჯავახეთი. გაცვლითი პროგრამის ფარგლებში ახალციხის ახალგაზრდულ ცენტრს თბილისის ახალგაზრდული ცენტრის წევრები ეწვივნენ. ვიზიტის ფარგლებში გაიმართა საგანმანათლებლო ღონისძიებები, პრეზენტაციები. პროგრამა შედგა პროექტის - „ეროვნული ინტეგრაციის გაძლიერება საქართველოში" - ფარგლებში. წყარო:ორგანიზაციის გვერდი სოციალურ ქსელში

თბილისი. თბილისის სახელმწიფო უნივერსიტეტში საქართველოს ახალგაზრდული პარლამენტის 2014 წლის მოწვევის შესარჩევი ეტაპის გასაუბრება მიმდინარეობს. კანდიდატების შესარჩევი კომისია დაკომპლექტებულია ახალგაზრდული პარლამენტის აღმასრულებელი საბჭოს წევრებისა და ექსპერტებისაგან. მეორე ეტაპზე გადასული სამასამდე აპლიკანტიდან საბჭო ას კანდიდატს აარჩევს. გასაუბრება 12 აპრილს დაიწყო და 14 აპრილს დასრულდება. წყარო:ორგანიზაციის გვერდი სოციალურ ქსელში

თბილისი. 12 აპრილს, ქუჩაში მცხოვრები და მომუშავე ბავშვების საერთაშორისო დღესთან დაკავშირებით, რუსთაველის მეტროდან თავისუფლების მეტრომდე მსველელობა გაიმართა. აქციის ორგანიზატორები იყვნენ არასამთავრობო ორგანიზაციები: არაძალადობრივი კომუნიკაციის ინსტიტუტი, წამების მსხვერპლთა ფსიქოსოციალური და სამედიცინო რეაბილიტაციის ცენტრი, პარტნიორობა ადამიანის უფლებებისთვის, კავშირი „საფარი", ასოციაცია „კამარა" და ამ საკითხით დაინტერესებული მოხალისეები. აქციის მიზანი იყო საზოგადოებისთვის და სახელმწიფოსთვის შეეხსენებინათ ის ვალდებულებები, რაც აქვთ ,,ქუჩაში მცხოვრები და მომუშავე ბავშვების" მიმართ. წყარო: ორგანიზაციის „პარტნიორობა ადამიანის უფლებებისთვის" ვებგვერდი სოციალურ ქსელში

ქვემო ქართლი. 10 აპრილს, სიქას ორგანიზებით გაიმართა სამოქალაქო ინტეგრაციის ახალგაზრდული ბანაკის შემაჯამებელი ფორუმი. მას ბანაკის მონაწილე 24 (მათ შორის 12 ქართული და 12 აზერბაიჯანული) სკოლის სამოქალაქო კლუბის მეურვეები, მოსწავლეები, პარტნიორი სკოლების წარმომადგენლები. ბანაკის განმავლობაში მონაწილეებმა ტრენერებისა და ლიდერების ფასილიტაციით, მუნიციპალიტეტებში არსებული პრობლემების მოსაგვარებლად, 10 პროექტი შექმნეს. რომელთაგან ბანაკის ფარგლებში 1300$ ოდენობის გრანტი გაიცა 7 პროექტზე. შედეგად ქვემო ქართლის ყველა მუნიციპალიტეტში მოსწავლეების ძალისხმევით თითო, თემისათვის მნიშვნელოვანი, პრობლემა მოგვარდა. წყარო: ორგანიზაციის ვებგვერდი სოციალურ ქსელში

სამეგრელო. 10 აპრილს, ასოციაცია „ათინათის" ახალგაზრდული ცენტრი „ორტუსი" სახეტიალოდ წიგნებს გაუშვებს. წიგნები თავის მკითხველს დადიანების პარკში და ბულვარის მიმდებარე ტერიტორიაზე "დაელოდება". წყარო:ორგანიზაციის გვერდი სოციალურ ქსელში

სამეგრელო. 9 აპრილს ასოციაცია „ათინათის" ახალგაზრდულ ცენტრ „ორტუსის" წევრებმა 9 აპრილის მემორიალი ყვავილებით შეამკეს. მათ კიდევ ერთხელ გაიხსნენეს საქართველოს დამოუკიდეებლობისთვის მებრძოლები. აქტივობა გაიმართა ეროვნული ინტეგრაციის ძალიერების პროექტის ფარგლებში, რომელსაც ახორციელებს საქართველოს გაეროს ასოციაცია, ამერიკის შეერთებული შტატების საერთაშორისო განვითარების ფინანსური მხარდაჭერით. წყარო" ორგანიზაციის ვებგვერდი სოციალურ ქსელში

თბილისი. 7 აპრილს, საჯარო მმართველთა ინსტიტუტმა, „მრავალეროვანი საქართველო – დემოკრატიული ღირებულებების განმტკიცებისათვის" პარტნიორობით ბაქსვუდის საერთაშორისო სკოლის მოსწავლეებისათვის ჩაატარა სემინარი თემაზე „რა არის საჯარო მმართველობა?". სემინარს უძღვებოდა საჯარო მმართველთა ინსტიტუტის პრეზიდენტი თეონა ლავრელაშვილი, რომელმაც მოსწავლეებს გააცნო გადაწყვეტილების მიღების, პოლიტიკის ალტერნატივების, მენეჯმენტისა და ლიდერობის თანამედროვე თეორიები. მოსწავლეები აგრეთვე აქტიურად ჩაერთნენ პრაქტიკულ სამუშაოებში. საჯარო მმართველთა ინსტიტუტი მსგავსი სემინარების ჩატარებს სხვა სკოლებშიც გეგმავს, რათა ახალგაზრდების ცნობიერება ამაღლდეს საჯარო მმართველობის პროფესიის მიმართ. წყარო:ორგანიზაციის ვებგვერდი სოციალურ ქსელში

თბილისი. „აისეკმა" ახალგაზრდული ბიზნეს-ფორუმი გამართა. ღონისძიება იყო შესაძლებლობა ახალგაზრდა ლიდერების სხვადასხვა კომპანიის წამომადგენლებთან დასაკავშირებლად. ბიზნეს-ფორუმში მონაწილეობა მიიღო 200-მდე წინასწარ შერჩეულმა 18-30 წლის ახალგაზრდამ, ასევე ბიზნეს სექტორის წარმომადგენლებმა და წარმატებულმა ლიდერებმა, რომლებიც დაინტერესებულები არიან ხელი შეუწყონ საქართველოს მომავალი ლიდერების განვითარებასა და საზოგადოებრივ კეთილდღეობას. სამ დღიან ფორუმზე დისკუსიები შედგა საკითხებზე: ახალგაზრდების უმუშევრობა, მეწარმეობა, ინოვაციები, ბიზნესის სტაბილური განვითარება, კარიერული წინსვლა და ა.შ. წყარო:ორგანიზაციის გვერდი სოციალურ ქსელში

აჭარა. 7 აპრილს,  ბათუმის დემოკრატიული ჩარტლობის  ცენტრში ახალგაზრდული  მოძრაობის - „ანტიკლანის" პრეზენტაცია გაიმართა. დემოკრატიული ჩართულობის ცენტრში მოძრაობის დამფუძნებლებმა მესამე სექტორის წარმომადგენლებს თვიანთი  სამუშაო გეგმები გააცნეს. ახალგაზრდული ორგანიზაციის დაფუძნების ძირითადი მიზეზი  ბოლო პერიოდში ნეპოტიზმის გახშირებული ფაქტებია. მოძრაობაში ამჟამად 50 ახალგაზრდაა გაწევრიანებული.

სამეგრელო. 7 აპრილს, მარტვილის მუნიციპალიტეტის ბანძის საჯარო სკოლას სპორტისა და ახალგაზრდობის საქმეთა სამინისტროსა და ბავშვთა და ახალგაზრდობის განვითარების ფონდის ორგანიზებით, სასწავლოდ აუცილებელი სპორტული ინვენტარი: ფეხბურთისა და კალათბურთის ბურთები, სპორტული ფორმები, ტენისის ჩოგნები, ჭადრაკები და ბადეები გადაეცათ.სკოლის მოსწავლეებს სამახსოვრო საჩუქრები ფონდის დირექტორის მოადგილემ მურმან პატარაიამ გადასცა. წყარო:ორგანიზაციის გვერდი სოციალურ ქსელში

თბილისი. თბილისის ახალგაზრდული ცენტრის და ილიას უნივერსიტეტის სერვისცენტრის ინიციატივით, 7 აპრილს, ილიას სახელმწიფო უნივერსიტეტში, ჯანმრთელობის დაცვის საერთაშორისო დღისადმი მიძღვნილი აქცია გკაიმართა. სპეციალურად ამ დღისთვის ცენტრის წევრებმა, ორგანიზაცია „კეთილი სამარიტელის" ლიცენზირებული კურსი „პირველადი სამედიცინო დახმარება" გაიარეს და მიღებული ცოდნა უნივერსიტეტის სტუდენტს, პროფესორებსა და თანამშრომლებს, საჯარო ტრენინგზე გაუზიარეს. ღონისძიება გაიმართა ეროვნული ინტეგრაციის გაძლიერების პროგრამის ფარგლებში, რომელსაც გაეროს ასოციაცია, აშშ–ის საერთაშორისო განვითარების სააგენტოს ფინანსური მხარდაჭერით ახორციელებს. წყარო:ორგანიზაციის ვებგვერდი სოციალურ ქსელში

თბილისი. 7 აპრილს, აღმოსავლეთ ევროპის უნივერსიტეტის ორგანიზებითა და ბავშვთა და ახალგაზრდობის ფონდის მხარდაჭერით, მუშტაიდის ბაღში, მინი–ფეხბურთის ჩემპიონატი გაიმართა. სასკოლო საფეხბურთო ჩემპიონატში 35 სკოლის 250 მოსწავლე იღებდა მონაწილეობას. წყარო: ფონდის გვერდი სოციალურ ქსელში

იმერეთი. 4 აპრილს, ქუთაისის განათლების განვითარების და დასაქმების ცენტრმა და ქუთაისის იაკობ გოგებაშვილის სახელობის თოჯინების პროფესიულმა სახელმწიფო თეატრმა ურთიერთთანამშრომლობის მემორანდუმს მოაწერეს ხელი. დოკუმენტი ითვალისწინებს თანამშრომლობას პროექტის „ეროვნული ინტეგრაციის გაძლიერება საქართველოში" (ANI) ფარგლებში. მხარეების თანამშრომლობა მიზნად ისახავს შშმ და სოციალურად დაუცველი ბავშვების სოციალიზაციასა და ინტეგრაციას საზოგადოებაში. ამ მხრივ პროექტის ფარგლებში დაფუძნებული ქუთაისის ახალგაზრდული ცენტრი, სოციალური მომსახურების სააგენტოსთან თანამშრომლობის საფუძველზე მოკვლეული სიების მიხედვით, უზრუნველყოფს ბავშვების ჩართულობას კულტურულ პროგრამებში. თანამშრომლობის ფარგლებში ქუთაისის ახალგაზრდული ცენტრი დაადგენს შშმ და სოციალურად დაუცველი ბავშვების საჭიროებებს, კულტურულ პროგრამებში მონაწილეობის კუთხით და უზრუნველყოფს მათ დასწრებას თეატრის მიერ ორგანიზებულ სპექტაკლებზე. წყარო:ორგანიზაციის გვერდი სოციალურ ქსელში

თბილისი. 3 მარტს, ლიბერალიზმის სასწავლო ცენტრში მორიგი ლექცია ჩატარდა. ზვიად ქორიძემ ისაუბრა თემაზე: „ლიბერალიზმი - საქართველოს ევროპული ვექტორი". ლექცია   წყარო:ორგანიზაციის გვერდი სოციალურ ქსელში

თბილისი. საქართველოს ახალგაზრდულმა პალამენტმა გასაუბრების ეტაპზე გადასულ მონაწილეთ სია გამოაქვეყნა. მეორე ტურში გადასულ აპლიკანტთა ვინაობას ორგანიზაცია სოციალურ ქსელში ავრცელებს. სია წყარო:ორგანიზაციის გვერდი სოციალურ ქსელში