თბილისი. საქართველოს ახალგაზრდა იურისტთა ასოციაციის (საია) წინასაარჩევნო მონიტორინგის მისიის ფარგლებში, ა.წ. 20 მარტიდან 28 აპრილამდე პერიოდში გამოვლინდა დარღვევები. კერძოდ, ამომრჩევლის მოსყიდვის 3 ფაქტი; ამომრჩევლის რეგისტრაციით მანიპულირებისა და ფარულობის პრინციპის დარღვევის ერთი შემთხვევა; ადიგენსა და წყალტუბოში დაფიქსირდა საბიუჯეტო ცვლილებები, რასაც კანონმდებლობა საბიუჯეტო რესურსის საარჩევნო მიზნით გამოყენებად მიიჩნევს. სრულად... წყარო: gyla.ge

სამეგრელო-ზემო სვანეთი. დემოკრატიული ჩართულობის ცენტრების ქსელის ზუგდიდის ოფისი იწყებს მერობის კანდიდატების შეხვედრების ციკლს ახალგაზრდებთან. რა პროექტებს განახორციელებს არჩეული მერი, ახალგაზრდული პოლიტიკის ფარგლებში და რამდენად იქნება გათვალისწინებული მათი საჭიროებები? რა საქმიანობებს განახორციელებს არჩეული მერიმ, ახალგაზრდების განათლების კუთხით? იგეგმება თუ არა გაცვლითი პროგრამები, სასწავლო ვიზიტები და სტუდენტებისთვის სტაჟირების ანაზღაურებადი პროგრამები? რა სიახლეებს შესთავაზებს არჩეული მერი ახალგაზრდებს მათი დასაქმების კუთხით და როგორ დააინტერესებს ახალგაზრდა კვალიფიციურ კადრებს? რამდენად გამჭვირვალე და სამართლიანი იქნება კადრების შერჩევის პროცესი მერიაში? - ეს არის საკითხები, რომელთა განხილვაც ამ შეხვედრებზე იგეგმება.  სრულად... წყარო: გვერდი სოციალურ ქსელში

<div style="text-align: justify;"><span style="font-weight: bold;">აჭარა. </span>25 მარტს, ორგანიზაციის მოხალისე, მეგი ხოზრევანიძე ქედის მუნიციპალიტეტის სოფელ ზვარეს საჯარო სკოლის მოსწავლეებს შეხვდა და ისაუბრა თემაზე: არჩევანის თავისუფლება.</div> <div style="text-align: justify;">„ხშირად მოზარდები ვერ ახერხებენ დამოუკიდებლად მიიღონ გადაწყვეტილებები და მარტივად თმობენ იმ ოცნებებს, რომელიც ბავშვობიდან უყალიბდებათ. დისკუსიის მიზანი იყო ამ კუთხით მოზარდების ცნობიერების ამაღლება და მათი შეხედულებების გაზიარება", ნათქვამია ორგანიზაციის ვებგვერდზე სოციალურ ქსელში.</div> <div style="text-align: justify;"><a href="http://www.facebook.com/pg/media.org.ge/photos/?tab=album&album_id=2191293217583433" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის ვებგვერდი სოციალურ ქსელში</div> <div><br /> </div>

<div style="text-align: justify;"><span style="font-weight: bold;">თბილისი.</span> „სამართლიანი არჩევნებისა და დემოკრატიის საერთაშორისო საზოგადოებამ" (ISFED) საქართველოს პრეზიდენტის 2018 წლის არჩევნების მონიტორინგის საბოლოო ანგარიში წარმოადგინა.</div> <div style="text-align: justify;">ანგარიში მოიცავს წინასაარჩევნო პერიოდში, არჩევნების დღეს და არჩევნების შემდგომ „სამართლიანი არჩევნების" დაკვირვების შედეგად გამოვლენილ ძირითად მიგნებებსა და ტენდენციებს, ასევე, საპრეზიდენტო არჩევნებზე საარჩევნო ადმინისტრაციის, უწყებათაშორისი კომისიის, სახელმწიფო აუდიტის სამსახურისა და კომუნიკაციების მარეგულირებელი ეროვნული კომისიის საქმიანობის შეფასებას. ძირითად მიგნებებსა და შეფასებებთან ერთად, ანგარიშში შესულია 42 რეკომენდაცია საარჩევნო სისტემის, კანონმდებლობისა და საარჩევნო გარემოს გაუმჯობესების მიზნით.</div> <div style="text-align: justify;"><a href="http://isfed.ge/geo/news/samartlianma-archevnebma-2018-tslis-saprezidento-archevnebis-monitoringis-saboloo-angarishi-tsarmoadgina" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> ევროპის საბჭოს პროექტის - „საარჩევნო პრაქტიკის რეფორმის ხელშეწყობა საქართველოში" - ფარგლებში, საქართველოს ახალგაზრდა იურისტთა ასოციაციასთან თანამშრომლობით, დღეს, გაიმართა კონფერენცია თემაზე: სიძულვილის ენა და საარჩევნო კამპანია.</div> <div style="text-align: justify;">კონფერენციაში მონაწილეობა მიიღეს სახელმწიფო ინსტიტუტების, სამოქალაქო საზოგადოებისა და საერთაშორისო ორგანიზაციების წარმომადგენლებმა. ღონისძიების მიზანს წარმოადგენდა ნეგატიურ საარჩევნო კამპანიასა და არჩევნებში სიძულვილის ენის გამოყენებასთან დაკავშირებული საკითხების ანალიზი და აღნიშნულ თემებზე მსჯელობა.</div> <div style="text-align: justify;"><a href="http://gyla.ge/ge/post/konferencia-sidzulvilis-ena-da-tsinasaarchevno-kampania#sthash.79kFRVgj.dpbs" target="_blank" style="font-weight: bold;">სრულად </a></div> <div style="text-align: justify;">წყარო: gyla.ge</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> საქართველოს ახალგაზრდა იურისტთა ასოციაცია 2018 წელს ზუგდიდის #6 საჯარო სკოლაში ინსპექტირების ჩატარების საკითხის შესწავლას აგრძელებს და ასკვნის, რომ სკოლებში ინსპექტირების მექანიზმს სავარაუდოდ საარჩევნო გარემოზე ზემოქმედების მოხდენის მიზნით იყენებდნენ.</div> <div style="text-align: justify;">„საიას ხელთ არსებული ოფიციალური ინფორმაციის თანახმად, 2018 წელს, საჯარო სკოლების ინსპექტირების მიზნით, სამინისტროში სულ 288 განცხადება დარეგისტრირდა, საიდანაც სამინისტრომ მხოლოდ 7 შემთხვევაში[1] ჩაატარა ინსპექტირება. მნიშვნელოვანია, რომ 7 ინსპექტირების შემთხვევიდან 6, 2018 წლის საპრეზიდენტო არჩევნების პირველი ტურის დასრულების შემდეგ, მეორე ტურის კენჭისყრის დღემდე ჩატარდა, რაც 2018 წელს ჩატარებული მთელი ინსპექტირების 85%-ზე მეტს შეადგენს", - ვკითხულობთ საია-ს მიერ გამოქვეყნებულ ინფორმაციაში, - „მნიშვნელოვანია ისიც, რომ 2018 წლის საპრეზიდენტო არჩევნების პირველი ტურის შემდეგ, მეორე ტურის წინ ჩატარებული 6 ინსპექტირების დაწყების წინაპირობა, იმავე წლის ნოემბერში[2] წარდგენილი განცხადებებია, რომელთაგან 3-ზე[3] (მათ შორის ზუგდიდის მე-6 საჯარო სკოლასთან დაკავშირებით) მინისტრმა იმავე დღეს მიიღო 9-15 ნოემბრის პერიოდში ინსპექტირების განხორციელების გადაწყვეტილება[4]".</div> <div style="text-align: justify;">აქედან გამომდინარე საია მოუწოდებს საქართველოს გენერალურ პროკურატურას, ია კერზაიას გარდაცვალების ფაქტთან დაკავშირებით მიმდინარე გამოძიების ფარგლებში, შეისწავლოს განათლების სამინისტროში ინსპექტირების საარჩევნო მიზნებისთვის შესაძლო გამოყენების ფაქტი.</div> <div style="text-align: justify;"><a href="http://gyla.ge/ge/post/skolebshi-inspeqtirebis-meqanizms-savaraudod-saarchevno-garemoze-zemoqmedebis-mokhdenis-miznit-iyenebdnen#sthash.H7bih3y8.dpbs" target="_blank" style="font-weight: bold;">სრულად </a> <div style="text-align: justify;">წყარო: ორგანიზაციის ვებგვერდი</div></div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> „საერთაშორისო გამჭვირვალობა - საქართველო" (TI) აქვეყნებს საბოლოო ანგარიშს „ადმინისტრაციული რესურსების გამოყენება 2018 წლის საქართველოს საპრეზიდენტო არჩევნებისთვის".</div> <div style="text-align: justify;">„საქართველოს პრეზიდენტის არჩევნების პერიოდში, 2018 წლის 1 აგვისტოდან 16 დეკემბერის ჩათვლით, ადმინისტრაციული რესურსების გამოყენების საკითხების მონიტორინგის შედეგად, შემდეგი ძირითადი მიგნებები გამოიკვეთა: პირველი ტურის წინასაარჩევნო პერიოდთან შედარებით, მეორე ტურისთვის საარჩევნოდ ადმინისტრაციული რესურსების გამოყენების მასშტაბები მნიშვნელოვნად გაიზარდა, რასაც შესაძლოა მოეხდინა არსებითი გავლენა არჩევნების შედეგებზე", - ნათქვამია TI-ის ანგარიშში.</div> <div style="text-align: justify;"><a href="http://www.transparency.ge/ge/post/administraciuli-resursebis-gamoqeneba-2018-clis-sakartvelos-saprezidento-archevnebistvis-0" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

თბილისი. „სამართლიანი არჩევნებისა და დემოკრატიის საერთაშორისო საზოგადოებამ" (ISFED) დღეს საზოგადოებას 2018 წლის საპრეზიდენტო არჩევნებზე სოციალური მედიის მონიტორინგის მეორე შუალედური ანგარიში წარუდგინა. „მიმდინარე ანგარიში ძირითადად ეხება საარჩევნო კამპანიურ აქტივობებს „ფეისბუქზე" მეორე ტურის წინასაარჩევნო პერიოდში, თუმცა, ასევე, შეიცავს პირველი ტურის წინასაარჩევნო კამპანიის ბოლო პერიოდზე დაკვირვების მონაცემებს. მონიტორინგის შედეგები ადასტურებს, რომ წინასაარჩევნო პერიოდში „ფეისბუქი" არა მხოლოდ პოლიტიკური დისკუსიისთვის, არამედ ორგანიზებული და მიზანმიმართული დისკრედიტაციული კამპანიებისათვის გამოიყენებოდა. ISFED-ის დაკვირვებით, სოციალურ მედიაში პოლიტიკური ჯგუფების აქტივობამ და ნეგატიურმა კამპანიამ უფრო მეტად აგრესიული სახე მიიღო", - ნათქვამია ანგარიშის წინასიტყვაობაში. სრულად  წყარო: ორგანიზაციის ვებგვერდი

თბილისი. ჰაინრიხ ბიოლის ფონდი პროექტის „იკითხე პოლიტიკა" ფარგლებში, აქვეყნებს ბლოგპოსტს: „რა უნდა გვახსოვდეს, როცა ვამბობთ ან გვესმის „სხვაპირველი ქალი პრეზიდენტი”. „სალომე ზურაბიშვილი არა მხოლოდ ჯდება პატრიარქალური კულტურის მიერ შემუშავებული მისაღები ქალის ყალიბში, თვითონაც ავრცელებს სტერეოტიპულ და რიგ შემთხვევაში შინაარსისგან დაცლილ შეხედულებებს. 2018 წლის საპრეზიდენტო არჩევნებმა აჩვენა, რომ ყველაფერი პირობითია: პრეზიდენტის დასუსტებული ინსტიტუტიც, დამოუკიდებელი კანდიდატიც და პირველი ქალი პრეზიდენტიც, ევროპული გამოცდილებით. მეტიც, პირობითი აღმოჩნდა არჩევანის თავისუფლება და დაპირებები ნათელ მომავალზე. არჩევნებზე მისული ამომრჩევლის უმეტესობისთვის, ხმის მიცემის მოტივი არა ვინმეს ან რამის სასიკეთოდ, არამედ ვინმეს ან რამის წინააღმდეგ ხმის მიცემა იყო და ეს მოტივი ნაკარნახები იყო არა უკეთესი მომავლის იმედით, არამედ უარესი პერსპექტივის შიშით", ნათქვამია პოლიტიკის დოკუმენტში. სრულად... წყარო: www.feminism-boell.org

თბილისი. „სამართლიანი არჩევნებისა და დემოკრატიის საერთაშორისო საზოგადოება" (ISFED) მიიჩნევს, რომ 15 დეკემბერს ტელეკომპანია „რუსთავი 2"-ის ეთერში, გადაცემა „შაბათის კურიერის" სიუჟეტში დაფიქსირებულ ფაქტებზე გამოძიება უნდა დაიწყოს. „სიუჟეტში ნაჩვენებია დმანისის, სენაკის, მარნეულისა და ბოლნისის უბნებთან დაკავშირებული ვიდეო მასალები, სადაც ჩანს საუბნო საარჩევნო კომისიის წევრების მიერ, სავარაუდოდ, ამომრჩეველთა სიებში ამომრჩეველთა ნაცვლად ყალბი ხელმოწერების გაკეთების, ბიულეტენების ჩაყრის და ხმის მიცემის ფარულობის დარღვევის ფაქტები", - ნათქვამია ISFED-ის მიერ გავრცელებულ განცხახდებაში, - „სამართლიანი არჩევნები" მიიჩნევს, რომ გავრცელებულ ჩანაწერებთან დაკავშირებით, უნდა დაიწყოს გამოძიება და წარიმართოს დროულად და ეფექტურად, რათა ადეკვატური პასუხი მოეთხოვოთ სავარაუდო დანაშაულებში მონაწილე პირებს, რაც სამომავლოდ ამგვარი დანაშაულების ჩადენის რისკებს შეამცირებს". სრულად წყარო: ორგანიზაციის ვებგვერდი

თბილისი. „საერთაშორისო გამჭვირვალობა - საქართველოში" (TI) მიიჩნევენ, რომ, 15 დეკემბერს ტელეკომპანია „რუსთავი 2”-ის ეთერით გასული რეპორტაჟის საფუძველზე, სასწრაფოდ უნდა დაიწყოს გამოძიება, არჩევნების სავარაუდო გაყალბების ფაქტზე. „რეპორტაჟში წარმოდგენილი იყო ვიდეოჩანაწერები, თუ როგორ აყალბებდნენ ზოგიერთი საუბნო საარჩევნო კომისიის წევრები საპრეზიდენტო არჩევნებს სხვადასხვა გზით", - ნათქვამია TI-ის მიერ გავრცელებულ განცხადებაში, - „მოვუწოდებთ საქართველოს მთავარ პროკურატურას, სასწრაფოდ დაიწყოს გამოძიება არჩევნების სავარაუდო გაყალბების ფაქტებზე, მათ შორის, დაადგინოს ჩანაწერების ავთენტურობა". სრულად  წყარო: ორგანიზაციის ვებგვერდი

თბილისი. საერთაშორისო გამჭვირვალობა-საქართველო აქვეყნებს კვლევას 2017 წლის სარეკლამო ბაზრის გამოწვევებისა და პრობლემების შესახებ. იგი მიმოიხილავს ტელევიზიისა და რადიოს 2018 წლის 3 კვარტლის მონაცემებსაც. ანგარიში შეისწავლის ონლაინ გამოცემების და გარე სარეკლამო ბაზარზე არსებულ მდგომარეობას და 2017 წლის თვითმმართველობის არჩევნების დროს წინასაარჩევნოდ პოლიტიკური რეკლამის ტელევიზიების მიხედვით გადანაწილების საკითხს. სრულად... წყარო: www.transparency.ge

ოთხი სადამკვირვებლო ორგანიზაციის განცხადებით: არცევნები უსამართლო იყო. „28 ნოემბრის საპრეზიდენტო არჩევნების მეორე ტური კონკურენტურ გარემოში ჩატარდა და კანდიდატებს მიეცათ შესაძლებლობა თავისუფლად წარემართათ წინასაარჩევნო კამპანია. თუმცა ერთი მხარე საფუძველს მოკლებული უპირატესობით სარგებლობდა და ორივე მხარის მიერ წარმოებული წინასაარჩევნო კამპანიის უარყოფითი ხასიათი საფრთხის ქვეშაყენებდა ზოგადად მთელ საარჩევნო პროცესს,” ნათქვამია ორგანიზაციის ვებგვერდზე. სრულად... წყარო: civil.ge

ეროვნულ დემოკრატიული ინსტიტუტი (NDI) საქართველოს დემოკრატიული მონაპოვრის შესაძლო დაკარგვის შესახებ აფრთხილებს. „არჩევნების დღემ ძირითადად მშვიდ გარემოში და წესების დაცვით ჩაიარა, თუმცა წინასაარჩევნო გარემო საჯარო მოხელეების დაშინების შემთხვევებითა და სალომე ზურაბიშვილის მხარდასაჭერად ამომრჩევლის მობილიზაციის მცდელობით ხასიათდებოდა", – ნათქვამია ეროვნულ-დემოკრატიული ინსტიტუტის (NDI) საერთაშორისო სადამკვირვებლო მისიის განცხადებაში საპრეზიდენტო არჩევნების მეორე ტურთან დაკავშირებით. სრულად... წყარო: civil.ge

თბილისი. საქართველოს ახალგაზრდა იურისტთა ასოციაცია აფასებს 2018 წლის 28 ნოემბრის საპრეზიდენტო არჩევნების მეორე ტურის კენჭისყრის დღეს, რომელსაც, თბილისისა და 9 რეგიონის 28 საარჩევნო ოლქში 300 - მდე დამკვირვებლით აკვირდებოდა. საიას შეფასებით, კენჭისყრის დღე ძირითადად მშვიდ ვითარებაში წარიმართა, თუმცა, დაფიქსირდა არსებითი დარღვევები და სხვა მნიშვნელოვანი ტენდენციები: სავარაუდო გაყალბების, ამომრჩევლის მოსყიდვისა და მუქარის ფაქტები; არჩევნების ძირითადი პრინციპების - ხმის მიცემის ფარულობის დარღვევის ცალკეული შემთხვევები და ამომრჩევლის ნების კონტროლის ფაქტები; ცალკეულ უბნებზე საიას დამკვირვებლებს შეეზღუდათ დამკვირვებლის უფლებების განხორციელების შესაძლებლობა, დაფიქსირდა საიას დამკვირვებლების მიმართ აგრესიის და ფიზიკური შეურაცხყოფის მუქარის ფაქტები, როგორც ხმის მიცემის პროცესში, ასევე შედეგების შეჯამებისას; შედეგების შეჯამებისას ცალკეულ უბნებზე დაფიქსირდა პროცედურული დარღვევები. სრულად  წყარო: ორგანიზაციის ვებგვერდი

თბილისი. სამართლიანი არჩევნებისა და დემოკრატიის საერთაშორისო საზოგადოება (ISFED) 2018 წლის საპრეზიდენტო არჩევნების მეორე ტურის ხმების პარალელური დათვლის შედეგებს აქვეყნებს. საპრეზიდენტო არჩევნების მეორე ტურს ISFED, მთელი ქვეყნის მასშტაბით, ხმების პარალელური დათვლის (PVT) მეთოდოლოგიით აკვირდებოდა. ეს მეთოდოლოგია იძლევა საშუალებას, დროულად იქნას აღმოჩენილი დარღვევები, სისტემურად შეფასდეს არჩევნების დღის პროცესი და გადამოწმდეს ოფიციალური შედეგების სიზუსტე. სრულად  წყარო: ორგანიზაციის ვებგვერდი

თბილისი. „საერთაშორისო გამჭვირვალობა - საქართველოს” (TI) დაკვირვებით საპრეზიდენტო არჩევნების მეორე ტურმა ძირითადად მშვიდ გარემოში, მნიშვნელოვანი ძალადობრივი ინციდენტების გარეშე ჩაიარა. ეს დასკვნა ორგანიზაციის მიერ გამოქვეყნებულ საბოლოო შეფასებაშია მოცემული. ამასთან, TI გამოკვეთს რამდენიმე პრობლემურ ტენდენციას, რომელიც ამომრჩეველთა შესაძლო მოსყიდვას, კენჭისყრის ფარულობის დარღვევისა და ამომრჩევლის მიუღებელი ხერხებით აღრიცხვას ეხებოდა. „საერთაშორისო გამჭვირვალობა – საქართველომ" 2018 წლის 28 ნოემბერს საპრეზიდენტო არჩევნებს მეორე ტურს 350 ადგილობრივი დამკვირვებლით გაუწია მონიტორინგი. ორგანიზაციის სტაციონარული დამკვირვებლები მთელი ქვეყნის მასშტაბით 300 საარჩევნო უბანზე იყვნენ გადანაწილებულნი. გარდა ამისა, საარჩევნო პროცესებს 45 მობილური ჯგუფიც ადევნებდა თვალს. სრულად  წყარო: ორგანიზაციის ვებგვერდი

თბილისი. საერთაშორისო გამჭვირვალობა - საქართველო ავრცელებს ბლოგპოსტს: სიძულვილის ენა და პოლარიზაცია წინასაარჩევნო პერიოდში. ორგანიზაცია წარმოგიდგენთ „იმ საჯარო განცხადებებს, რომლებიც 29 აგვისტოს საპრეზიდენტო არჩევნების კამპანიის დაწყებიდან დღემდე საჯაროდ გაკეთდა და წარმოაჩენს ქვეყანაში პოლიტიკური დისკუსიის კულტურასთან დაკავშირებულ პრობლემებს." სრულად... წყარო: www.transparency.ge

თბილისი. „საერთაშორისო გამჭვირვალობა - საქართველომ" (TI) საარჩევნო კამპანიის დაფინანსებისა და ადმინისტრაციული რესურსების მონიტორინგის მეორე შუალედური ანგარიში წარმოადგინა. „საპრეზიდენტო არჩევნების პირველი ტურის წინასაარჩევნო პერიოდთან შედარებით, მეორე ტურისთვის საარჩევნოდ ადმინისტრაციული რესურსების გამოყენების მასშტაბები მნიშვნელოვნად გაიზარდა, რამაც არსებითი გავლენა შეიძლება იქონიოს არჩევნების შედეგებზე. მმართველი პარტიის მიერ მხარდაჭერილი სალომე ზურაბიშვილის მიერ მიღებული შემოწირულებები კვლავ დაახლოებით ხუთჯერ აღემატებოდა „ერთიანი ნაციონალური მოძრაობის” კანდიდატის გრიგოლ ვაშაძის მიერ მიღებულ შემოწირულებებს. განსაკუთრებით თვალში საცემი გახდა ისეთი შემთხვევების ზრდა, სადაც შესაძლოა იკვეთებოდეს ამომრჩევლის მოსყიდვა", - ვკითხულობთ დოკუმენტში. სრულად  წყარო: ორგანიზაციის ვებგვერდი

თბილისი. „სამართლიანი არჩევნებისა და დემოკრატიის საერთაშორისო საზოგადოებამ" (ISFED), „საერთაშორისო გამჭვირვალობა - საქართველომ" (TI), საქართველოს ახალგაზრდა იურისტთა ასოციაციამ 2018 წლის საპრეზიდენტო არჩევნების მეორე ტურის წინასაარჩევნო გარემო შეაფასეს. „პირველი ტურთან შედარებით, საპრეზიდენტო არჩევნების მეორე ტურის წინასაარჩევნო პერიოდი კიდევ უფრო მკვეთრი პოლარიზებით და მეტად გამოხატული ნეგატიური კამპანიით ხასიათდებოდა, რაც გამოიხატებოდა კანდიდატების და მათ მხარდამჭერების მიერ მედიით გაკეთებულ განცხადებებში, კანდიდატების წინასაარჩევნო რეკლამებში და სოციალურ მედიაში მიმდინარე აგრესიულ კამპანიაში", - აცხადებენ ორგანიზაციები. სრულად წყარო: www.isfed.ge

თბილისი. პროკურატურის მიერ უფლებადამცველებისთვის ინფორმაციიის წყაროს გამჟღავნების მოთხოვნასთან დაკავშირებით, საზოგადოებრივი ორგანიზაციები განცხადებას ავრცელებენ. „ხელმომწერი არასამთავრობო ორგანიზაციები უკიდურეს შეშფოთებას გამოვხატავთ საქართველოს მთავარი პროკურატურის მიერ 2018 წლის 21 ნოემბერს გავრცელებული განცხადების შინაარსის გამო, რომელიც ჩვენი კოლეგების მიმართ სისხლისსამართლებრივი პასუხისმგებლობის დაკისრების შესახებ ირიბ გზავნილს შეიცავს და გამაფრთხილებელი შეტყობინებაა როგორც ჩვენთვის, ადამიანის უფლებათა სფეროში მომუშავე სხვადასხვა არასამთავრობო ორგანიზაციებისთვს, ასევე ყველა იმ ადამიანისთვის, რომლებიც ჩვენთან კონფიდენციალობის დაცვის პირობით თანამშრომლობენ და მნიშვნელოვან ინფორმაციას გვაწვდიან ადამიანის უფლებათა დარღვევების შესახებ", - ნათქვამია განცხადებაში. სრულად  წყარო: idfi.ge

თბილისი. „სამართლიანი არჩევნებისა და დემოკრატიის საერთაშორისო საზოგადოებაში" (ISFED ) ამერიკის შეერთებული შტატების ელჩის მოვალეობის შემსრულებელს, როს უილსონს უმასპინძლეს. შეხვედრას ესწრებოდნენ როგორც ISFED-ის, ასევე, სხვა საზოგადოებრივი ორგანიზაციების წარმომადგენლები. ეხვედრის მონაწილეებმა ისაუბრეს სადამკვირვებლო მისიის, პოლარიზებული საარჩევნო გარემოსა და მისი გამოწვევების, აგრესიული წინასაარჩევნო რიტორიკის, სოციალური მედიით დისკრედიტაციის, ამომრჩეველზე ზეწოლა/მუქარის, ამომრჩეველთა შესაძლო მოსყიდვის, სამოქალაქო სექტორზე თავდასხმისა და სხვა საკითხების შესახებ. სრულად  წყარო: ორგანიზაციის გვერდი სოციალურ ქსელში