აჭარა. 21 მაისს, ბათუმის დემოკრატიული ჩართულობის ცენტრში, ჟურნალისტთა ქსელი გენდერული თანასწორობისთვის ორგანიზებით ქალაქ ბათუმის მერობის კანდიდატების საჯარო შეხვედრა გაიმართა. შეხვედრას ადგილობრივი მოსახლეობა, საზოგადოებრივი ორგანიზაციებისა და მედია საშუალებების წარმომადგენლები ესწრებოდნენ. პროექტის მიზანია, 2014 წლის ადგილობრივი თვითმმართველობისა და მერებიის არჩევნების დემოკრატიულობის ხარისხის გაუმჯობესება, არჩევნებში ინფორმირებული და გათვითცნობიერებული ამომრჩევლის მონაწილეობის ზრდით. პროექტი ითვალისწინებს ამომრჩევლის ინფორმირებას მერობის კანდიდატის, მათი პროგრამების, ხედვისა და დამოკიდებულების შესახებ. შეხვედრა გაიმართა პროექტის – „აირჩიე ქალაქის მერის" ფარგლებში, რომელიც ხორციელდება USAID–ის და IFES-ის ფინანსური მხარდაჭერით.

თბილისი. სამართლიანმა არჩევნებმა სოციალურ ქსელში ვიდეორგოლი განათავსა, რომლის მიზანია მოქალაქეებისთვის ინფორმაციის მიწოდება არჩევნებთან დაკავშირებულ საკითხებზე, თვითმმართველობის კოდექსში შეტანილ ცვლილებებსა და სხვა სიახლეებზე. სოციალური რგოლი... წყარო: ორგანიზაციის ვებგვერდი სოციალურ ქსელში

კახეთი. საზოგადოებრივი გაერთიანების „სამოქალაქო დარბაზის" ორგანიზებითა და ინიციატივით, თელავის დემოკრატიული ჩართულობის ცენტრში, თელავის მერობის კანდიდატებთან შეხვედრა გაიმართა. შეხვედრას დაესწრნენ არასამთავრობო სექტორისა და საჯარო სამსახურების წარმომადგენლები, ასევე, სტუდენტები და დაინტერესებული მოქლაქეები. ქალაქის მერობის კანდიდატებმა დამსწრე საზოგადოებას საარჩევნო პრიორიტეტები გააცნეს. ,,შეხვედრაზე განხილეთ ქალაქისთვის პრობლემატური საკითხები, რომელიც არც ისე ცოტაა. თელავის მერობის კანდიდატებმა ისაუბრეს თავიანთ საარჩევნო პრიორიტეტებზე. შეხვედრაზე ყველა კანდიდატმა ვერ მოახერხა მოსულიყო, თუმცა კარგია, რომ მსგავსი ღონისძიებები იმართება და მოსახლეობისთვის არ არის კომუნიკაციის პრობლემა ადგილობრივ პოლიტიკოსებთან", განაცხადა „კახეთის სამოქალაქო დარბაზის" წარმომადგენელმა ჯუმბერ სახეიშვილმა.

არასამთავრობო ორგანიზაცია „დემოკრატიული განვითარების ეროვნული ცენტრი" 2014 წლის ადგილობრივ არჩევნებს მთელი ქვეყნის მასშტაბით დააკვირდება. დღეისათვის მიმდინარეობს დამკვირვებელთა მიღება - გადამზადების პროცესი. პროცესში მონაწილეობის მსურველებს ორგანიზაცია საქართველოს ყველა რეგიონში იღებს. სრულად...  წყარო: ncdd.ge

თბილისი. 21 მაისს ცენტრალური სააჩევნო კომისის ინიციატივით და საერთაშორისო რესპუბლიკური ინტიტუტის (IRI) მხარდაჭერით ცესკოში პოლიტიკური პარტიების წამომადგენლებთან შეხვედრა გაიმართა. ცესკოს თავმჯდომარემ მონაწილეებს კომისიაში მიმდინარე აქტივობებთან ერთად სტატისტიკური მონაცემების შესახებაც წარუდგინა ინფორმაცია, მათ შორის უკვე რეგისტრირებული მერობის კანდიდატების, საერთაშორისო და ადგილობრივი დამკვირვებელი ორგანიზაციების და კომისიაში შემოსული განცხადება/საჩივრების შესახებ. შეხვედრას საერთაშორისო და ადგილობრივი არასამთავრობო სექტორის წარმომადგენლებიც ესწრებოდნენ. თამარ ჟვანიამ მონაწილეებს ასევე გააცნო 2014 წლის თვითმმართველობის არჩევნებისთვის, ცესკოს მიერ წელს პირველად მომზადებული გენდერული სტატისტიკა, დოკუმენტში ასახულია გენდერული თანაფარდობა ამომრჩეველთა ერთიან სიაში, მერობისა და გამგებლობის კანდიდატებს შორის, ასევე საარჩევნო სუბიექტების პარტიული სიით წარდგენილი კანდიდატების ქალთა და მამაკაცთა ბალანსი და ა.შ. წყარო: საარჩევნო გარემოს განვითარების ცენტრის გვერდი სოციალურ ქსელში

თბილისი. წინასაარჩევნოდ ამუშავდა ვებგვერდი WWW.PARTIEBI.GE, რომლის მიზანია ხელი შეუწყოს საზოგადოებისთვის მნიშვნელოვან საკითხებზე ინფორმირებულ პოლიტიკურ მსჯელობასა და დისკუსიას 2014 წლის 15 ივნისის თვითმმართველობის არჩევნების წინ. ამ მიზნით, NIMD-მა არჩევნებში მონაწილე საარჩევნო სუბიექტებსა და მერობის კანდიდატებს შესთავაზა აქტუალურ და მნიშვნელოვან საკითხებზე დასმული შეკითხვებისათვის ეპასუხათ. საარჩევნო სუბიექტებს/მერობის კანდიდატებს თითოეულ კითხვაზე თანაბარი მოცულობის - მაქსიმუმ 250 სიტყვიანი პასუხის გაცემა შეეძლოთ. ამ ვებგვერდის საშუალებით, შესაძლებელია როგორც ცალკეულ საარჩევნო სუბიექტების, ასევე მერობის კანდიდატების ხედვების გაცნობა და მათი ერთმანეთთან შედარება. სოციალური მედიის აპლიკაციები კი საშუალებას მოგცემთ თქვენი საკუთარი დისკუსია წამოიწყოთ, ადვილად გაავრცელოთ და იმსჯელოთ თქვენთვის საინტერესო იმ საკითხებზე. ვებგვერდი:  partiebi.ge წყარო: partiebi.ge

გურია. 20 მაისს, ოზურგეთში, გენდერული თანასწორობის ქსელმა ადგილობრივ თვითმმართველობის ორგანოების არჩევნებში მონაწილე ქალი კანდიდატების მხარდასაჭერად შეხვედრა გამართა. სადაც ქალმა კანდიდატებმა წარმოადგინეს თავიანთი პროგრამები და ისაუბრეს სამომავლო გეგმებზე. შეხვედრა აქტიური დიალოგის რეჟიმში მიმდინარეობდა. ღონისძიებას ესწრებოდნენ ოზურგეთში, პოლიტიკური პარტიების და საინიციატივო ჯგუფების მაჟორიტარი ქალი კანდიდატები. ოზურგეთის მერობის ქალი კანდიდატი და საზოგადოების სხვადასხვა ჯგუფების წარმომადგენლები. საჯარო დისკუსია გაიმართა პროექტის - „გენდერული სამართლიანობა პოლიტიკურ პროცესებში" - ფარგლებში, რომელსაც ახორციელებს გენდერული თანასწორობის ქსელი საარჩევნო სისტემების განვითარების, რეფორმებისა და სწავლების ცენტრის ხელშეწყობით. წყარო:ორგანიზაციის გვერდი სოციალურ ქსელში

იმერეთი. 20 მაისს ქუთაისის დემოკრატიული ჩართულობის ცენტრში, სამართლიანმა არჩევნებმა ადგილობრივი თვითმმართველობის არჩევნების მონიტორინგის შუალედური ანაგრიში გააცნო საზოგადოებას. როგორც სამართლიანი არჩევნების  იმერეთის კოორდინატორმა, თეონა გოგიშვილმა განაცხადა, დაკვირვების პროცესში სამართლიანი არჩევნებისა და დემოკრატიის საერთაშორისო საზოგადოებამ რამდენიმე დარღვევა გამოავლინა, მათ შორის: არაუფლებამოსილი პირების წინასაარჩევნო კამპანიაში მონაწილეობის 1 ფაქტი, სავარაუდო მოსყიდვის  6 ფაქტი,  ადმინისტრაციული რესურსის გამოყენების 7 ფაქტი, წინასაარჩევნო კამპანიის ხელის შეშლის 1 ფაქტი და საკადრო ცვლილების 1 ფაქტი. „თვალსაჩინოა ასევე გენდერული ბალანსის არარსებობა. კანდიდატებს შორის ძალიან ცოტა ქალბატონია." - განაცხადა გოგიშვილმა. აღნიშნული ანგარიში 20 აპრილიდან 11 მაისის ჩათვლით პერიოდს მოიცავს. ორგანიზაცია არჩევნებამდე კიდევ ერთ შუალედურ ანგარიშს ივნისის თვეში წარმოადგენს.

თბილისი. საქართველოს ახალგაზრდა იურისტთა ასოციაციამ წინასაარჩევნო პერიოდის მონიტორინგის პირველი შუალედური ანგარიშის პრეზენტაცია გამართა. წინასაარჩევნო პროცესებს საია თბილისსა და საქართველოს რვა რეგიონში აკვირდებოდა. ანგარიში მოიცავს 1 აპრილიდან 30 აპრილის ჩათვლით პერიოდს. ასევე ასახულია ის ფაქტები, რომლებსაც ადგილი ჰქონდა 1 აპრილამდე. საანგარიშო პერიოდში საიას მონიტორების მიერ საჯარო მოხელეთა მხრიდან აგიტაციის წესების დარღვევის 3, ადმინისტრაციული რესურსის გამოყენების 1, ამომრჩევლის მოსყიდვის 1, საარჩევნო პროცესებთან სავარაუდოდ დაკავშირებული სისხლისსამართლებრივი დევნის 7, ადმინისტრაციული სამართალდარღვევის შეფარდების 18, ფიზიკური ანგარიშსწორების 1 და სავარაუდოდ პოლიტიკური ნიშნით სამსახურიდან გათავისუფლების 9 ფაქტი დაფიქსირდა. სრულად...  წყარო: gyla.ge

თბილისი. ჟურნალისტთა ქსელი გენდერული თანასწორობისთვის" USAID-ის და IFES-ის მხარდაჭერით, ახორციელებს პროექტს - „აირჩიე ქალაქის მერი". პროექტის მიზანია, 2014 წლის ადგილობრივი თვითმმართველობის და მერების არჩევნების დემოკრატიულობის და ხარისხის გაუმჯობესება არჩევნებში ინფორმირებული და გათვითცნობიერებული ამომრჩეველის მონაწილეობის ზრდით. პროექტი ითვალისწინებს, ამომრჩეველის ინფორმირებას და ცნობიერების ამაღლებას მერობის კანდიდატების, მათი პროგრამების, ხედვებისა და დამოკიდებულების შესახებ. წყარო:ორგანიზაციის გვერდი სოციალურ ქსელში

თბილისი. საარჩევნო გარემოს განვითარების ცენტრი აკვირდებოდა 19 მაისს საქართველოს კოუნიკაციების ეროვნული კომისიის თავმჯდომარის არჩევნებს. კომუნიკაციების ეროვნულმა კომისიამ ფარული კენჭისყრით თავმჯდომარედ ვახტანგ აბაშიძე სამი წლის ვადით აირჩია. მას კომისიის ხუთივე წევრმა დაუჭირა მხარი. ეს იყო პირველი შემთხვევა, როდესაც კომუნიკაციების ეროვნული კომისიის თავმჯდომარე თავად კომისიის წევრებმა აირჩიეს. აქამდე უწყების ხელმძღვანელს პრეზიდენტი ნიშნავდა. საარჩევნო გარემოს განვითარების ცენტრის დამკვირვებლებმა არჩევნები დადებითად შეაფასეს. წყარო: საარჩევნო გარემოს განვითარების ცენტრი

თბილისი. საქართველოს ახალგაზრდა იურისტთა ასოციაცია 2014 წლის ადგილობრივი თვითმმართველობის არჩევნების წინასაარჩევნო პერიოდის მონიტორინგს უკვე შეუდგა. ორგანიზაცია წინასაარჩევნო პერიოდს რეგიონული ოფისების მეშვეობით, საქართველოს 8 რეგიონში: აჭარაში, გურიაში, იმერეთში, შიდა ქართლში, ქვემო ქართლში, კახეთში, მცხეთა-მთიანეთში, სამეგრელოსა და თბილისში აკვირდება. წყარო:საიას ვებგვერდი სოციალურ ქსელში

ქვემო ქართლი. 19 მაისს, მარნეულის დემოკრატიული ჩართულობის ცენტრში სამართლიანი არჩევნებმა ადგილობრივი თვითმმართველობების არჩევნების მონიტორინგის მეორე შუალედური ანგარიშის პრეზენტაცია გამართა. პრეზენტაციას ესწრებოდა ადგილობრივი თვითმმართველობის, არასამთავრობო ორგანიზაციების, პოლიტიკური პარტიების და მედიის წარმომადგენლები. წყარო: ორგანიზაციის ვებგვერდი სოციალურ ქსელში

იმერეთი. წისაარჩევნოდ და არჩევნების შემდგომ ერთი კვირის განმავლობაში, ქუთაისის დემოკრატიული ჩართულობის ცენტრში, მედიაცენტრი იმუშავებს. ადგილობრივი თვითმმართველობის არჩევნების ეფექტურად გაშუქების მიზნით, ცენტრი მუშაობა სამ ეტაპად განხორციელდება. „პირველი ეტაპი მთლიანად წინასაარჩევნო პერიოდს დაეთმობა, სადაც ჟურნალისტებს საშუალება მიეცემათ არჩევნებში მონაწილე სუბიექტებს შეკითხვები დაუსვან", - განაცხადა დემოკრატიული ჩართულობის ცენტრის კოორდინატორმა, ქეთი ციბაძემ. რაც შეეხება ცენტრის მუშაობის მეორე ეტაპს, არჩევნების დღეს, ჟურნალისტები ოფიციალური ინფორმაციის მიღებას უბნებისა და ქალაქების მიხედვით არჩევნების წინასწარი შედეგების შესახებ მთელი დღის განმავლობაში შეძლებენ. მესამე ეტაპი კი არჩევნების შემდეგ ერთკვირიან პერიოდს ითვალისწინებს და ჟურნალისტები ინფორმაციის მიღებას არჩევნების შედეგების საბოლოო გამოცხადებამდე შეძლებენ.

თბილისი. არასამთავრობო ორგანიზაცია „სოციალური დაცვის ლიგა" ახორციელებს პროექტს, რომლის მიზანი ხელი შეუწყოს ქვეყანაში მცხოვრები ეტლით მოსარგებლე შშმ პირების არჩევნებში ბარიერების გარეშე მონაწილეობის მიღებას. პროექტი, რომლის სახელწოდებაა „„2014 წლის ადგილობრივ არჩევნებზე შშმ პირთა ჩართულობის ზრდა და ამომრჩეველთა ინფორმირება ადაპტირებული საარჩევნო უბნების შესახებ", ითვლისწინებს ქვეყნის მასშტაბით აღიწეროს ადაპტირებული საარჩევნო უბნები, კერძოდ კი, ქვემო ქართლში, შიდა ქართლში, კახეთში, თბილისში, სამცხე-ჯავახეთში, იმერეთში, გურიაში, სამეგრელოსა და აჭარაში. პროექტის ფარგლებში, ორგანიზაციის მიერ შექმნილ ვებ-გვერდზე (www.pandusgeorgia.com) ეთნიკური უმცირესობისათვის დაემატება ახალი ენა - რუსული. ასევე ინტერნეტ-რუკაზე განთავსდება ინფორმაცია პანდუსირებული საარჩევნო უბნების შესახებ. პროექტი ხორციელდება საქართველოს საარჩევნო ადმინისტრაციის და საარჩევნო სისტემების განვითარების, რეფორმებისა და სწავლების ცენტრის დაფინანსებით.

თბილისი. 16 მაისს, ცენტრალურმა საარჩევნო კომისიამ საქართველოს ახალგაზრდა იურისტთა ასოციაციის მიერ წარდგენილი განცხადება განიხილა, რომელიც თბილისის მერიის მხრიდან ადმინისტრაციული რესურსის გამოყენების სავარაუდო ფაქტებს ეხებოდა. ზეპირი მოსმენის შედეგად ცესკომ ახალგაზრდა იურისტთა ასოციაციის განცხდება დააკმაყოფილა. სრულად... წყარო: gyla.ge

თბილისი. ახალგაზრა ადვოკატები თბილისის სახელმწიფო უნივერსიტეტში სტუდენტური თვითმმართველობის არჩევნებს აკვირდებოდნენ. ორგანიზაციის განცხადებით „სტუდენტებს თვითმმართვველობის არჩევა თავისუფალ გარემოში უხდებათ". სრულად... წყარო: ორგანიზაციის ვებგვერდი სოციალურ ქსელში

კახეთი. 16 მაისს, გურჯაანში, სამართლიანი არჩევნებმა, ადგილობრივი თვითმმართველობის არჩევნების მონიტორინგის მეორე შუალედური ანგარიში გააცნო ადგილობრივ არასამთავრობო ორგანიზაციების, მედიისა და საზოგადოების წარმომადგენლებს. შეხვედრაზე დამსწრე საზოგადოებას გააცნეს აღნიშნულ პერიოდში კახეთის მუნიციპალიტეტებში სხვადასხვა სახის დარღვევები: ,,ადმინისტრაციული რესურსების გამოყენების 7 შემთხვევა, არაუფლებამოსილი პირების წინასაარჩევნო კამპანიაში მონაწილეობის 1 შემთხვევა, ამომრჩევლების სავარაუდო მოსყიდვის 6 ფაქტი და წინასაარჩევნო კამპანიაში ხელის შეშლის 1 ფაქტი. აგრეთვე წინასაარჩევნო კამპანიის წარმოებისას გაკეთდა ქსენოფობიური განცხადება ლეიბორისტული პარტიის წარმომადგენლის მიერ. ყურადსაღებია ის ფაქტიც, რომ პარტიების მიერ ამ დროისათვის დასახელებულ კანდიდატებს შეორის გენდერული ბალანსი უხეშადაა დარღვეული და ქალი კანდიდატები ძირითადად არ არიან წარმოდგენილი", - აცხადებს სამართლიანი არჩევნების კახეთის კოორდინატორი ნანა დევიძე. ანგარიში მოიცავს 20 აპრილიდან 11 მაისის ჩათვლით პერიოდს.

იმერეთი. გენდერული თანასწორობის ქსელმა ადგილობრივ თვითმმართველობის ორგანოებში მონაწილე ქალი კანდიდატების მხარდასაჭერი შეხვედრა ქუთაისში გამართა. შეხვედრაზე ქალმა კანდიდატებმა წარმოადგინეს თავიანთი პროგრამები და სამომავლო გეგმები. შეხვედრა აქტიური დიალოგის რეჟიმში მიმდინარეობდა. შეხვედრას ესწრებოდა იმერეთის რეგიონში, პოლიტიკური პარტიების და საინიციატივო ჯგუფების მაჟორიტარი ქალი კანდიდატები, ქ. ქუთაისის მერობის კანდიდატები და საზოგადოების სხვადასხვა ჯგუფების წარმომადგენლები. წყარო: ორგანიზაციის გვერდი სოციალურ ქსელში

კახეთი. ,ქალთა საინფორმაციო ცენტრმა, არჩევნებში მონაწილე კანდიდატი ქალებისთვის 2 დღიანი ტრენინგი გამართეს. სწავლება პროექტის „ქალები, როგორც აქტორები ცვლილებებისა და გაძლიერებისთვის" ფარგლებში ჩატარდა. მისი მიზანია რეგიონებში ქალთა სხვადასხვა სფეროებში ჩართულობის ხელშეწყობა. მათ შორის პოლიტიკურ ცხოვრებაში. ტრენინგებზე დამსწრეები გაეცნენ გენდერის, გენდერული სტერეოტიპების, თანასწორობისა და მეინსტრიმინგის შესახებ ინფორმაცია, საარჩევნო კაპმპანიის წარმოების უნარ–ჩვევებსა და კომუნიკაციის ფორმებს.

თბილისი. „სამართლიანი არჩევნებისა და დემოკრატიის საერთაშორისო საზოგადოება" 13 მაისიდან 3 ივნისამდე მოკლევადიანი დამკვირვებლების ტრენინგებს ატარებს. ტრენინგები ორდღიანია და იმართება: თბილისში, ქუთაისში, ბათუმში, ზუგდიდში, ახალციხეში, გორში, თელავსა და გურჯაანში. აღნიშნული პერიოდის მანძილზე 1100-მდე მოკლევადიანი დამკვირვებელი გაივლის ტრენინგს საქართველოს ყველა მუნიციპალიტეტიდან და თვითმმართველი ქალაქებიდან. ორდღიანი ტრენინგის განმავლობაში დამკვირვებლები შეისწავლიან დამკვირვებლების ძირითად პრინციპებსა და უფლებებს. გარდა ამისა მიიღებენ ინფორმაციას არჩევნების დღის პროცედურების შესახებ. 2014 წლის 15 ივნისის ადგილობრივი თვითმმართველობის არჩევნების მონიტორინგს ორგანიზაცია 1100-მდე მოკლევადიანი დამკვირვებლის, 73 ოლქის დამკვირვებლის, 78 მობილური ჯგუფის,15 SMS ოპერატორისა და 15 იურისტის მეშვეობით განახორციელებს. წყარო:ორგანიზაციის გვერდი სოციალურ ქსელში

თბილისი. 14 მაისს ცესკოს ინიციატივით და საარჩევნო სისტემების საერთაშორისო ფონდის მხარდაჭერით არასამთავრობო სექტორთან და მედიის წარმომადგენლებთან შეხვედრა გაიმართა. ცესკოს თავმჯდომარემ მონაწილეებს კომისიაში მიმდინარე აქტივობები გააცნო. თამარ ჟვანიამ მონაწილეებს მნიშვნელოვანი სტატისტიკური მონაცემების შესახებ წარუდგინა ინფორმაცია. სამუშაო შეხვედრები მედიასა და არასამთავრობო სექტორთან პერიოდულად იმართება. წყარო: საარჩევნო გარემოს განვითარების ცენტრის გვერდი სოციალურ ქსელში