აჭარა. გაეროს განვითარების პროგრამის (UNDP) ინფორმაციით, სამტრედიის მუნიციპალიტეტის წარმომადგენლები ბათუმს ეწვივნენ და პლასტმასას ნარჩენების შეგროვება-დახარისხების ექსპერიმენტის შედეგებს გაეცნენ. „ბათუმის მერიაში გამართულ შეხვედრაზე, მათ ნარჩენების მდგრადი მართვის სხვადასხვა მოდელზე იმსჯელეს, ხოლო შემდეგ პლასტიკური ნარჩენების შეგროვების, დაპრესვისა და გადასამუშავებლად მომზადების პროცესს გაეცნენ. იმედი გვაქვს, რომ სულ მალე, მსგავსი სქემა სამტრედიაშიც ამოქმედდება, ხოლო სამტრედიელები ნარჩენების მდგრად მართვაში ჩაერთვებიან. ჩვენი მიზანია ეს გარემოსადმი მეგობრული და ქალაქის განვითარებისთვის სასარგებლო პრაქტიკა საქართველოს ყველა მუნიციპალიტეტში დაინერგოს“. სრულად... წყარო: ორგანიზაციის გვერდი სოციალურ ქსელში

თბილისი. ღია საზოგადოების ფონდის ინფორმაციით, იპოდრომის პარკისა და კორტების რეაბილიტაციის გეგმა მოქალაქეთა ჩართულობის გარეშე შედგა და უნებართვო მშენებლობის ფორმით მიმდინარეობს. ამ თემაზე სასაუბროდ, „ღია საზოგადოების ფონდის“ ინიციატივით, მოქალაქეებისგან შემდგარმა საინიციატივო ჯგუფმა „იპოდრომი-უბეტონო მხარე“ დისკუსია გამართა. სრულად... წყარო: osgf.ge

თბილისი. 11 ივლისს, 18:00 საათზე ღია საზოგადოების ფონდი გამართავს დისკუსიას იპოდრომის კორტების შესახებ. „დისკუსია შეეხება იპოდრომის პარკის რეაბილიტაციის გეგმას, რომელიც მოქალაქეთა ჩართულობის გარეშე, უნებართვო მშენებლობის ფორმით მიმდინარეობს, ასევე, იპოდრომის მიმდებარედ არსებული საჩოგბურთო კორტების პრობლემური გასხვისების პროცესს, რომელიც ღია საზოგადოების ფონდის კვლევასა და სტატიაშია ასახული... სრულად... წყარო: ორგანიზაციის გვერდი სოციალურ ქსელში

იმერეთი. სოციალური სამართლიანობის ცენტრის მიიჩნევს, რომ ითხვისში განვითარებული მოვლენების შემსწავლელი კომისიის საქმიანობა კითხვებს და ეჭვებს აჩენს. „ადგილობრივთა მოთხოვნით და მომხდარიდან სამი თვის შემდეგ, ითხვისში 2022 წლის მარტში განვითარებულ მოვლენებს უწყებათაშორისი კომისია სწავლობს. კომისიის შემადგენლობაში დამოუკიდებელი ექსპერტის და ადგილობრივი წარმომადგენლის არარსებობა დაზარალებულებს შორის უნდობლობას იწვევს. ეჭვებს ამძაფრებს ის ფაქტიც, რომ კომისიის მეთოდოლოგიის შესახებ ადგილობრივთათვის არაფერია ცნობილი და ისიც, რომ კომისიის მუშაობის დასრულებამდე დაზარალებულ ოჯახებს ადგილობრივი ხელისუფლების წარმომადგენლებმა ზიანის შეუსაბამო და სამართლებრივად ბუნდოვანი კომპენსაცია შესთავაზეს. ადგილობრივი მოსახლეობა კომისიის საქმიანობის შესახებ მეტ ინფორმაციას ითხოვს და ჩართულ სახელმწიფო უწყებებს მოუწოდებს ოქმების, გეგმების და ვადების გასაჯაროების გზით უზრუნველყოს კომისიის საქმიანობის გამჭვირვალეობა“. იხილეთ განცხადება ვრცლად... წყარო: socialjustice.org.ge

თბილისი. სოციალური სამართლიანობის ცენტრის ინფორმაციით, თბილისის საქალაქო სასამართლომ არ დააკმაყოფილა სოციალური სამართლიანობის ცენტრისა და ადგილობრივი მოსახლეობის მოთხოვნა დროებითი განჩინების გზით იპოდრომის ტერიტორიაზე მიმდინარე სამუშაოების შეჩერების შესახებ. „იპოდრომის საქმე მნიშვნელოვანია, რადგან ის ურბანული სივრცის დემოკრატიულ და გამჭირვალე მართვას უკავშირდება. საჯარო და მწვანე სივრცეები არა დახურულ კარს მიღმა, არამედ ღიად, მოსახლეობის ჩართულობით და მათი ინტერესების გათვალისწინებით უნდა იმართებოდეს“. ორგანიზაციამ სასამართლოს გადაწყვეტილება გაასაჩივრა და ადგილობრივ მოსახლეობასთან ერთად, მიმდინარე სამუშაოების შეწყვეტისთვის სამართლებრივ დავას აგრძელებს. სრულად... წყარო: socialjustice.org.ge

აჭარა. 28-29 ივნისს, ბათუმში გარემოს სამართლისა და პრაქტიკის შესახებ სემინარის ჩატარება იყო „ღია საზოგადოების ფონდის“ პირველი მცდელობა, რომ იურისტები და დაინტერესებული ახალგაზრდები გაცნობოდნენ გარემოს სამართლის საკითხებს. ფონდი ხელს უწყობს გარემოს სამართალში სპეციალიზებული იურისტების წრის გაფართოებას და გარემოსდაცვითი მოძრაობების მხარდაჭერას. სრულად... წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრი აქვეყნებს კვლევას: გარემოზე ზემოქმედების შეფასება - უსაფრთხო განვითარების გარანტი საქართველოში?. ორგანიზაციის შეფასებით, ამ ახალი კვლევის მიზანია გარემოსდაცვითი შეფასების კოდექსში კონკრეტული ნაკლოვანების გამოვლენა და შესაბამისი საკანონმდებლო ცვლილებების რეკომენდაციების წარდგენა. კვლევა იხ. ბმულზე... დოკუმენტი ეხება 2022 წელს განხორციელებულ რეფორმასაც... წყარო: socialjustice.org.ge

თბილისი. გაეროს განვითარების პროგრამის (UNDP) ინფორმაციით, ოცდაათზე მეტი ცამეტიდან თექვსმეტ წლამდე ახალგაზრდა ერთ კვირას ბაკურიანში გაატარებს და მწვანე ბანაკის საქმიანობაში ჩაერთვება. მწვანე ბანაკში გაიმართება ინტერაქტიული საგანმანათლებლო აქტივობები, დისკუსიები, როლურ თამაშები და ლაშქრობები. ახალგაზრდები მეტ ინფორმაციას მიიღებიან კლიმატის ცვლილების შესახებ და ასევე თანამშრომლობას, აქტივიზმს და ლიდერობას ისწავლიან. მწვანე ბანაკის ორგანიზატორები არიან გაეროს განვითარების პროგრამა (UNDP) და საქართველოს გარემოს დაცვისა და სოფლის მეურნეობის სამინისტროს გარემოსდაცვითი ინფორმაციისა და განათლების ცენტრი. სრულად...  წყარო: ორგანიზაციის გვერდი სოციალურ ქსელში

თბილისი. საზოგადოებრივი ორგანიზაციები ეხმაურებიან ბათუმის მუნიციპალიტეტის მერიის ავტორობით საქართველოს სივრცითი დაგეგმარების, არქიტექტურულ და სამშენებლო კოდექსში ინიცირებულ ცვლილებებს პარლამენტში. „მივიჩნევთ, რომ საკანონმდებლო ცვლილებების პაკეტი შეიცავს ქალაქ ბათუმის ქაოტური განაშენიანების პრობლემის კიდევ უფრო გაუარესების საფრთხეს. ქმნის ბათუმის მერიის მიერ დაუსაბუთებელი, პოტენციურად კორუფციული გადაწყვეტილებების მიღების რისკებს; სამშენებლო სექტორს სამშენებლო კომპანიებისათვის განსაკუთრებული პრივილეგიების მინიჭების გზით სამშენებლო რეგულაციებიდან თავის არიდების საშუალებას აძლევს“. სრულად... წყარო: socialjustice.org.ge

შიდა ქართლი. ევროკავშირის ელჩი კარლ ჰარცელი გორს ესტუმრა ევროკავშირის მხარდაჭერით კავკასიის გარემოსდაცვითი არასამთავრობო ორგანიზაციათა ქსელის (CENN) მიერ გორში განხორციელებული მწვანე ინიციატივების სანახავად. ელჩი ინოვაციური ცოდნის ჰაბში ახალგაზრდა აქტივისტებს შეხვდა და სოციალურ კამპანიებსა და გორში დაგეგმილ მწვანე ეკონომიკურ ინიციატივებზე ისაუბრეს. ელჩი, ასევე, ეწვია სამკერვალო სოციალურ საწარმო „ლიდერს“, რომელიც ერთ-ერთი პირველია რეგიონში, რომელმაც ქსოვილების ნარჩენების გადამუშავების სტრატეგია შეიმუშავა. იხილეთ ფოტოები და გაიგეთ მეტი... წყარო: www.eeas.europa.eu

სამეგრელო. სოციალური სამართლიანობის ცენტრი ეხმაურება ფოთის, ჯავახიშვილის ქუჩის მაცხოვრებლების პროტესტს, ქალაქში ჰაერის დაბინძურებასთან დაკავშირებით და ცენტრალურ და ადგილობრივ ხელისუფლებას მოუწოდებს მათ სამართლიან მოთხოვნებზე დაუყოვნებელი რეაგირებისაკენ. ორგანიზაციის ცნობით, ადგილობრივი მოსახლეობა წლების განმავლობაში აპროტესტებს ქალაქში არსებულ მძიმე ეკოლოგიურ ვითარებას - ჰაერის დაბინძურებას, არასასიამოვნო სუნსა და ხმაურს, რომლის წყაროებიც ნავსადგური, საწარმოები და ნაყარი ტვირთების ღია წესით გადამუშავება, ასევე საავტომობილო გამონაბოლქვია. სრულად... წყარო: socialjustice.org.ge

თბილისი. გაეროს განვითარების პროგრამა (UNDP) და გლობალური კინორეკლამის ასოციაცია „SAWA“ იწყებენ რვაკვირიან კამპანიას კლიმატის ცვლილების შესახებ... „კამპანია ეხმიანება UNDP-ის გლობალურ ინიციატივას „ნუ აირჩევ გადაშენებას“ და აგებულია დინოზავრი ფრენკის ვიდეოს გარშემო, რომელმაც შარშან 1.5-მილიარდიანი აუდიტორია მოიცვა და  საერთაშორისო მედიაში 3,000-ჯერ გაშუქდა“. სრულად... წყარო: ორგანიზაციის გვერდი სოციალურ ქსელში

აჭარა. სოციალური სამართლიანობის ცენტრი ეხმიანება ეკოლოგიური კატასტროფის უმძიმესი გამოცდილების მქონე სოფელ წაბლანაში განვითარებულ ახალ მეწყერულ პროცესებს და სახელმწიფოს საფრთხეების დროული შეფასებისა და ეფექტიანი პრევენციული ღონისძიებების მიღებისკენ მოუწოდებს. „როგორც საზოგადოებისთვის ცნობილია, 1989 წლის 19 აპრილს წაბლანაში ჩამოწოლილმა მეწყერმა სოფელი მოიყოლა, რის შედეგადაც 23 ადამიანი დაიღუპა, მათ შორის, სამი ბავშვი. წაბლანას მოსახლეობა ჩვენთან აცხადებს, რომ ნაპრალების სიდიდე ყოველდღიურად იზრდება. სოფლის მოსახლეობა შესაძლო ეკოლოგიური კატასტროფის პრევენციის მიზნით ითხოვს მეწყერული პროცესების მასშტაბისა და მოსალოდნელი რისკების შეფასებას ინტერდისციპლინური კვლევების ჩატარების გზით“. სრულად... წყარო: socialjustice.org.ge

კახეთი. კავკასიის გარემოსდაცვითი არასამთავრობო ორგანიზაციების ქსელმა (CENN), ევროკავშირისა და ავსტრიის განვითარების თანამშრომლობის მხარდაჭერით, დედამიწის დღე ახლად გახსნილ არგოხის სოფლის განვითარებისა და პერმაკულტურის ცენტრში აღნიშნა. ღონისძიებაზე მოეწყო ხეების დარგვისა და დედამიწის დღისადმი მიძღვნილი კედლის მოხატვის აქცია. დედამიწის დღე ყოველი წლის 22 აპრილს აღინიშნება და მისია მიზანი მთელი მსოფლიოს მოსახლეობის გარემოსდაცვითი მიზნების ქვეშ გაერთიანება. 2022 წლის დედამიწის დღის თემაა „ინვესტიცია ჩვენს პლანეტაში“ და ფოკუსირებულია კლიმატის ცვლილებასთან ბრძოლაზე და მთავრობებს, მოქალაქეებსა და ბიზნესს მოუწოდებს, აიღონ თავიანთი წილი პასუხისმგებლობა ამ უდიდესი საფრთხის წინაშე. სრულად... წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრი, ახალგაზრდა იურისტთა ასოციაცია მწვანე ალტერნატივა და საქართველოს მწვანეთა მოძრაობა/დედამიწის მეგობრები საქართველო განცხადების თანახმად, საგანგაშოა, რომ ითხვისის შესახებ გეოლოგიურ დასკვნაში „ჯორჯიან მანგანეზის” პასუხისმგებლობა არ იკვეთება. დასკვნის მიხედვით, ითხვისში შექმნილი ვითარების გამომწვევ მიზეზად კი რამდენიმე ფაქტორი სახელდება: გასული საუკუნის სამოცდაათიან და ოთხმოციან წლებში განხორციელებული სამთო-მოპოვებითი სამუშაოები; რთული გეოლოგიური პირობები; უხვი ატმოსფერული ნალექი და სეისმური ბიძგები. „დღეს ითხვისში საცხოვრებლად უვარგისია უკვე ათამდე სახლი, ხოლო სხვები უკიდურესად ავარიულია. მეურნეობის შენარჩუნებისა და პირუტყვის მოსავლელად მოსახლეების ნაწილს ჯერაც უწევს საცხოვრებლად საშიშ ზონებში ყოველდღიურად დაბრუნება, ნაწილი კი აგრძელებს ავარიულ შენობებში, ნგრევის საფრთხის ქვეშ ცხოვრებას. უცნობია ისიც, თუ რამდენად დგას ითხვისის და ჭიათურის სხვა სოფლების მოსახლეობა მსგავსი საფრთხის წინაშე - ამ საკითხის შესწავლას სრულყოფილი, გამჭირვალე და ცოდნაზე დაფუძნებული კვლევა სჭირდება, სახელმწიფო უწყებების მხრიდან კი საკუთარი პასუხისმგებლობის აღიარება“. სრულად... წყარო: socialjustice.org.ge

თბილისი. გაეროს განვითარების პროგრამის ინფორმაციით, საქართველო შეუერთდა მსოფლიოს 58 ქვეყანაში მიმდინარე პროცესს, რომელიც წინ უძღვის შვედეთში 2-3 ივნისს დაგეგმილ კონფერენციას „სტოკჰოლმი+50“. ეს ღონისძიება ეძღვნება გაეროს პირველი გარემოსდაცვითი კონფერენციის 50 წლის იუბილეს, როდესაც გარემოს დაცვა პირველად დადგა გაეროს გენერალური ასამბლეის დღის წესრიგში. სრულად... საქართველოში ეროვნული კონსულტაციები ტარდება გაეროს განვითარების პროგრამის (UNDP) მიერ შვედეთის მთავრობის ხელშეწყობით. წყარო: www.ge.undp.org

თბილისი. კავკასიის გარემოსდაცვითი არასამთავრობო ორგანიზაციების ქსელი გთავაზობთ ერთკვირიან გამოწვევას: „7 გზა, თუ როგორ ვიზრუნოთ ჩვენს პლანეტაზე“. დედამიწაზე ზრუნვის ერთ-ერთი გზა საკვების ნარჩენებისგან ახალი კერძის შექმნაა. პოსტის კომენტარებში გაუზიარეთ ორგანიზაციას თქვენი გადაღებული საკვები ნარჩენისგან შექმნილი კერძის ფოტო და მოიგეთ თემატური პრიზები CENN-ისგან.  სრულად... წყარო: ორგანიზაციის გვერდი სოციალურ ქსელში

თბილისი. სამოქალაქო საზოგადოების ორგანიზაციები მკვეთრად უარყოფითად აფასებენ „გარემოსდაცვითი შეფასების კოდექსში“ შეტანილ ცვლილებებს. „ახალი რეგულირება ვერ უზრუნველყოფს გარემოზე ზემოქმედების შეფასების ეფექტიანი სისტემის დანერგვას, გარემოზე მოსალოდნელი ზიანის თავიდან აცილების, შემცირების და შერბილების ადეკვატურ რეგულირებას, ასევე, გარემოსდაცვით საკითხებზე გადაწყვეტილების მიღების პროცესში საზოგადოების ფართო ჩართულობას“. სრულად... წყარო: socialjustice.org.ge

თბილისი. 24 მარტს ცნობილი გახდა, რომ ნამახვანჰესთან დაკავშირებული 40 მილიონი დოლარის ღირებულების ქონება კომპანიის ანგარიშიდან ჩამოიწერა, თუმცა ამ ეტაპზე ბუნდოვანია ასახავს თუ არა ეს ოდენობა ფინანსური ზარალის საბოლოო მასშტაბს, და ხომ არ არის შესაძლებლობა, რომ კომპანიასა და სახელმწიფოს შორის მორიგების პროცესი განახლდეს, ან ის საარბიტრაჟო დავაში გადაიზარდოს. „მიგვაჩნია, რომ სახელმწიფომ დაუყოვნებლივ უნდა განმარტოს საკუთარი პოზიცია როგორც ENKA-სთან მიმდინარე მოლაპარაკების შესახებ, ისე პროექტის მომავალთან დაკავშირებით. ხანგრძლივ, უაღრესად რთულ პირობებში და რეპრესიული პოლიტიკის ფონზე მიმდინარე საპროტესტო მოძრაობა, ჩართული საზოგადოებრივი ორგანიზაციები და მთლიანად სამოქალაქო საზოგადოება იმსახურებს სიცხადეს, გამჭირვალეობას და ანგარიშვალდებულებას“, ნათქვამია ორგანიზაციის ვებგვერდზე. სრულად... წყარო: socialjustice.org.ge

თბილისი. კავკასიის გარემოსდაცვითი არასამთავრობო ორგანიზაციების ქსელის (CENN) ინფორმაციით, 2022 წელს „დედამიწის საათი“ 26 მარტს, ადგილობრივი დროით 20:30 აღინიშნება. „ერთი საათით სინათლის გამორთვით შეგიძლიათ შეუერთდეთ „დედამიწის საათს“ და მილიონობით ადამიანს მსოფლიოს გარშემო. „დედამიწის საათის“ ისტორია 2007 წლიდან იწყება, როდესაც მოძრაობის ფარგლებში, სიდნეიში სინათლე ჩააქრეს. დროთა განმავლობაში, დედამიწის საათი ერთ-ერთ უდიდეს გლობალურ სამოქალაქო მოძრაობად ჩამოყალიბდა, რომელსაც უკვე 190-ზე მეტი ქვეყანა უერთდება. დღეისათვის, მისი მნიშვნელობა სცდება სიმბოლურად ერთი საათით სინათლის ჩაქრობას და უფრო მეტად გარემოსდაცვითი გამოწვევების შესახებ ცნობიერების ამაღლების დატვირთვას იძენს და ჩვენი პლანეტის დასაცავად გვაერთიანებს“. სრულად... წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრი, საზოგადოებრივ ორგანიზაცია „ბათომთან“ ერთად, „ამბასადორი ბათუმის” განახლებულ ნებართვას აჭარის ავტონომიური რესპუბლიკის განათლების, კულტურისა და სპორტის სამინისტროში ასაჩივრებს. „სასტუმრო კომპლექსი მნიშვნელოვან ზიანს აყენებს კულტურული მემკვიდრეობის უძრავ ძეგლს - ბათუმის ბულვარს; მისი კიდევ უფრო გაზრდა ძეგლის შეუქცევადი და გამოუსწორებელი დაზიანების წინაპირობაა“. სრულად... წყარო: socialjustice.org.ge

იმერეთი. სოციალური სამართლიანობის ცენტრი გთავაზობთ ვიდეოს ნამოხვანიდან. „აქ მოისმენთ ჩართული მხარეების მოსაზრებებს ნამახვანი ჰესის მედიაციის პროცესის შესახებ. კიდევ ერთხელ შეგახსენებთ პროტესტის შინაარსს და შევეხებით პროცესისთვის ამ ეტაპზე ყველაზე მნიშვნელოვან საკითხებს“. სრულად... წყარო: ორგანიზაციის გვერდი სოციალურ ქსელში