თბილისი. პუბლიკაციაში „კლიმატის ცვლილება: გამოწვევები და პრობლემების დაძლევის გზები“ პოპულარული ენით არის გადმოცემული კლიმატის ცვლილება და მისი გამომწვევი მიზეზები.  პუბლიკაცია... დოკუმენტი მომზადებულია პროექტის EU4Climate (ევროკავშირი კლიმატისთვის) ფარგლებში ევროკავშირისა (EU) და გაეროს განვითარების პროგრამის (UNDP) ხელშეწყობით. წყარო: www.ge.undp.org

თბილისი. სოციალური სამართლიანობის ცენტრი ნამახვანი ჰესის მედიაციის პროცესის დასრულებას ეხმიანება და დამოუკიდებელი შეფასებების შეუსრულებლობას აკრიტიკებს. „ენერგო-გაერთიანების მიერ წარმოდგენილ ანგარიშში არ საბუთდება, თუ რატომ უქმდება დამოუკიდებელი შეფასებების მომზადების პროცესი მაშინ, როდესაც ნამახვანი ჰესის პროექტის პრობლემურობა და მისით გამოწვეული ზიანის მასშტაბის შესახებ ჩვენი ორგანიზაციების მიერ გაკეთებული პირველადი შეფასებები და ვარაუდები უკვე მართლდება. გავრცელებული ინფორმაციით, ენკას მხრიდან ხელშეკრულების გაწყვეტის მოთხოვნა, მაღალ საბიუჯეტო დანახარჯებს იგულისხმებს ჩვენი ქვეყნის ეკონომიკისთვის, რის შესახებაც, ენერგო-გაერთიანების პროცესიდან გასვლით, პროექტის სათანადო სამართლებრივი თუ პოლიტიკური შეფასება შეუძლებელი ხდება“. სრულად... წყარო: socialjustice.org.ge

თბილისი. ღია საზოგადოების ფონდი აქვეყნებს ანანო ცინცაბაძის ბლოგპოსტს: საჯილდაო ლისის ტბა. „თუ ლისის ტბის ტყიან ნაწილზე ასულხართ და ფერდობზე შემდგარს მთელი სივრცისთვის ერთიანად მოგივლიათ თვალი, უსათუოდ ჩემსავით გაიფიქრებდით, „რა კარგი იქნებოდა აქ ტყე-პარკის გაშენება“-ო. ხომ ასეა?- ყველასთვის არა! ლისი, ძველი დროიდანვე, სატყეო, სასფლო-სამეურნეო და სარეკრეაციო დანიშნულებით გამოიყენებოდა, მაგრამ დღეს ეს მიდგომა რადიკალურადაა შეცვლილი. განსაკუთრებით ბოლო წლების განმავლობაში ლისი კორპუსების, ინდივიდუალური საცხოვრებელი სახლების, ოფისებისა და კერძო სკოლების სამშენებლო არენად იქცა. ამას წინ ტერიტორიის დანაწევრებისა და გასხვისების პროცესი უძღოდა“. სრულად... წყარო: osgf.ge

თბილისი. გაეცანით საქართველოს ახალგაზრდა იურისტთა ასოციაციის (საია) ახალ დოკუმენეტს: „გარემოს დაცვა და ადამიანის უფლებები“. „ბროშურა დეტალურად მიმოიხილავს იმ უფლებებს, რომლებზეც უშუალო გავლენას ახდენს გარემოსდაცვითი პრობლემები, განმარტავს, თუ რა ვალდებულებებს აკისრებს სახელმწიფოებს ადამიანის უფლებათა სამართალი გარემოსდაცვით ჭრილში და აღწერს, თუ როგორია სასამართლო პრაქტიკა ამ კუთხით. ადამიანის უფლებები და გარემოსდაცვითი საკითხები დღესდღეობით მჭიდროდ არის ერთმანეთთან დაკავშირებული. კლიმატის ცვლილება, ბიომრავალფეროვნების განადგურება, დაბინძურებული ჰაერი, მიწა და წყალი და სხვა გარემოსდაცვითი პრობლემები ხშირად უშუალო საფრთხეს უქმნის ადამიანის სიცოცხლეს, ჯანმრთელობას, მის ღირსეულად ცხოვრებისა და სხვა ძირითად უფლებებს“, ნათქვამია ორგანიზაციის ვებგვერდზე. სრულად... წყარო: gyla.ge

თბილისი. ჰაინრიჰ ბიოლის ფონდის თბილისის ოფისი წარმოგიდგენთ ორგანიზაციის მიერ მხარდაჭერილ პროექტს და ახალ ორგანიზაციას, Climate Basics • ქლაიმათ ბეიზიქსი. ორგანიზაცია კლიმატის ცვლილების საკითხებით საზოგადოების ინფორმირებაზე მუშაობს. "Climate Basics" პირველი ქართული პლატფორმაა, რომელიც კლიმატის ცვლილებაზე წერს. სრულად... წყარო: ორგანიზაციის გვერდი სოციალურ ქსელში

კახეთი. 2-3 ნოემბერს, CENN-მა, GIZ-თან თანამშრომლობით, ახმეტის მუნიციპალიტეტში, ტყის მდგრადი მართვის, ენერგოეფექტიანობისა და განახლებადი ენერგიის საკითხებზე მასწავლებლებისთვის ტრენინგი ჩაატარა. „პროექტი დაფინანსებულია გერმანიის ეკონომიკური თანამშრომლობისა და განვითარების ფედერალური სამინისტროს (BMZ) სახელით, გერმანიის საერთაშორისო თანამშრომლობის საზოგადოების (GIZ) მიერ განხორციელებული პროგრამის - „ბუნებრივი რესურსების მართვა და ეკოსისტემური მომსახურებებით უზრუნველყოფა სოფლად მდგრადი განვითარებისთვის სამხრეთ კავკასიაში“ (ECOserve) ფარგლებში. ინიციატივები ასევე ხორციელდება პროექტის „ტყის მდგრადი მართვა სოფლის განვითარებისათვის“ ფარგლებში, რომელსაც CENN ავსტრიის განვითარების თანამშრომლობის (ADC) მხარდაჭერით ახორციელებს“. სრულად... წყარო: ორგანიზაციის გვერდი სოციალურ ქსელში

თბილისი. ევროკავშირის დახმარებით, თბილისში სოციალური და მწვანე მეწარმეობის მხარდამჭერი რეგიონული პლატფორმის კონფერენცია გაიმართა. „შეხვედრის მთავარი თემა საქართველოსა და სომხეთში სოციალური მეწარმეობის საკანონმდებლო ჩარჩოს და ამ სფეროს სამომავლო განვითარების მიზნით შემუშავებული რეკომენდაციების მიმოხილვა იყო. კონფერენცია ევროკავშირის მიერ მხარდაჭერილი პროექტის „EU4Youth: სოციალური მეწარმეობის ეკოსისტემის განვითარება (SEED) მწვანე ზრდისთვის“ ფარგლებში გაიმართა, რომელსაც საქართველოში CENN და KRDF, ხოლო სომხეთში Green Lane NGO ახორციელებს“. სრულად... წყარო: ორგანიზაციის გვერდი სოციალურ ქსელში

თბილისი. მწვანე ალტერნატივა და სოციალური სამართლიანობის ცენტრი ეკონომიკისა და მდგრადი განვითარების სამინისტროს ადმინისტრაციული საჩივრით მიმართავენ და ონის მუნიციპალიტეტში, სოფელ შქმერში მანგანუმის მოპოვების მიზნით გაცემული სასარგებლო წიაღისეულის მოპოვების ლიცენზიების გაუქმებას მოითხოვენ. სრულად... წყარო: socialjustice.org.ge

თბილისი. გაეცანით საქართველოს ახალგაზრდა იურისტთა ასოციაციის (საია) მიერ მომზადებულ დოკუმენტს „გარემოსდაცვითი პროცედურული უფლებები“. ორგანიზაცია წლებია აქტიურად მუშაობს გარემოსდაცვით საკითხებზე. ბროშურაში დეტალურადაა მიმოიხილული სამი ძირითადი პროცედურული უფლება და აღწერილია, როგორ შეიძლება მათი პრაქტიკაში გამოყენება. სრულად... წყარო: gyla.ge

თბილისი. სოციალური სამართლიანობის ცენტრის ინფორმაციით, 19 ოქტომბერს ეკონომიკის სამინისტრომ მედიასთან განმარტება გააკეთა, რომლითაც ნამახვანჰესის პროექტზე საზოგადოება კიდევ ერთხელ შეიყვანა შეცდომაში. „ეკონომიკის სამინისტრო თავის განცხადებაში აღნიშნავს, რომ ნამახვანი ჰესის ინვესტორი კომპანიის შერჩევის მიზნით ტენდერი „საჯარო და კერძო თანამშრომლობის შესახებ“ საქართველოს კანონის ამოქმედებამდე ჩატარდა, შესაბამისად პროექტზე ფინანსთა სამინისტროს დასკვნა ვერ იარსებებდა. ეკონომიკის სამინისტროს აღნიშნული განცხადება ნამახვანის პროექტზე არსებულ საკანონმდებლო დარღვევების დაფარვისა და არასწორი ინფორმაციის გავრცელების კიდევ ერთი მცდელობაა“, ნათქვამია განცხადებაში. სრულად... წყარო: socialjustice.org.ge

თბილისი. კავკასიის გარემოსდაცვითი არასამთავრობო ორგანიზაციების ქსელი (CENN) ევროკავშირის მიერ მხარდაჭერილი პროექტის „საქართველოს კლიმატის პროგრამა“ ფარგლებში, გიწვევთ კლიმატის ცვლილების მოქმედებათა საერთაშორისო დღის აღსანიშნავად დაგეგმილ ვებინარებში მონაწილეობის მისაღებად. სოციალურ საღამოებში მონაწილეობის მისაღებად, გთხოვთ, გაიაროთ რეგისტრაცია... რეგისტრაციის ბოლო ვადაა 18 ოქტომბერი, 18:00 საათი. სრულად... წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრი (ყოფილი EMC), 2021 წლის ივლისიდან ევროპის ფონდის მხარდაჭერით ახორციელებს პროექტს სახელწოდებით „ნამახვანის ჰესების კასკადის პროექტის გარშემო გარიგების, კორუფციისა და ინტერესთა კონფლიქტის საქმეები“. „ეს პროექტი სოციალური სამართლიანობის ცენტრისა და მედია ორგანიზაცია Investigative Journalists Team “iFact” - ის ერთობლივი ძალისხმევაა. 12 თვის განმავლობაში იურიდიული ექსპერტებისა და ჟურნალისტების ჯგუფი ერთობლივად იმუშავებს და გამოაქვეყნებს ინფორმაციას კორუფციისა და ინტერესთა კონფლიქტის შემთხვევების შესახებ, ასევე სახელმწიფო და ბიზნესის შესაძლო გარიგების სცენარების შესახებ, რომლებიც მოიცავს სახელმწიფო უწყებებს და ნამახვანის ჰესის განმახორციელებელ მხარეებს“, ნათქვამია ორგანიზაციის ვებგვერდზე. სრულად... წყარო: socialjustice.org.ge

თბილისი. საქართველოს ტყეების მდგრადი მართვის ხელშეწყობის მიზნით, ევროკავშირი (EU) და გაეროს განვითარების პროგრამა (UNDP) გარემოს დაცვისა და სოფლის მეურნეობის სამინისტროს დაცული ტერიტორიების სააგენტოსთან თანამშრომლობენ.  ახალი პროექტი, რომლის ბიუჯეტი 248,000 აშშ დოლარს (211,000 ევროს) შეადგენს, ალგეთის, ლაგოდეხისა და ჯავახეთის დაცულ ტერიტორიებზე გავრცელდება და 34,000 ჰექტარი ტყის დაცვასა და შენარჩუნებას შეუწყობს ხელს.  ევროკავშირისა (EU) და UNDP-ის მხარდაჭერით, დაცული ტერიტორიების სააგენტო ტყის მართვის გეგმებს შეიმუშავებს და ახალ ტურისტულ სერვისებს დანერგავს. პროექტის ფარგლებში ასევე შეიქმნება მრავალენოვანი მობილური აპლიკაცია, რომელიც ქართველ და საერთაშორისო ვიზიტორებს მიაწვდის ტურისტულ ინფორმაციას საქართველოს ყველა დაცული ტერიტორიის შესახებ. პროექტის განხორციელება 2022 წლის ბოლომდე გაგრძელდება.  სრულად...   წყარო: ორგანიზაციის ვებგვერდი

თბილისი. სოციალური სამართლიანობის ცენტრი ნამახვანი ჰესის მშენებლობის შეჩერებისა და სამშენებლო ნებართვის გაუქმების მოთხოვნით სასამართლოს მიმართავს.  ორგანიზიაციის მიერ გავრცელებული ინფორაციის მიხედვით, „მშენებლობის ნებართვა ეკონომიკის სამინისტროს სსიპ ტექნიკური და ზედამხედველობის სააგენტომ 2020 წლის 22 აპრილს, საკანონმდებლო მოთხოვნების უხეში დარღვევებით, უსაფუძვლოდ გასცა. სოციალური სამართლიანობის ცენტრის მიერ მომზადებული სარჩელის მიხედვით, ნებართვის გამცემმა სააგენტომ უხეშად დაარღვია კანონის მოთხოვნები და შესაბამისი დასაბუთების გარეშე საგამონაკლისო წესით გასცა სამშენებლო ნებართვა“.  სრულად...   წყარო: ორგანიზაციის ვებგვერდი

UNDP-ის სწრაფი განვითარების ლაბორატორია ხელს შეუწყობს ნარჩენების დახარისხების პრაქტიკის დანერგვას ბათუმსა და თბილისში... გაეროს განვითარების პროგრამამ (UNDP) ხელი მოაწერა შეთანხმებებს ბათუმისა და თბილისის მუნიციპალიტეტებთან, რომელთა ფარგლებში UNDP ხელს შეუწყობს ნარჩენების მართვის პრაქტიკის დანერგვასა და ცხოვრების მდგრადი სტილის პოპულარიზაციას. პროექტი განხორციელდება UNDP-ის სწრაფი განვითარების ლაბორატორიის მეშვეობით. სრულად...  ყარო: ორგანიზაციის ვებგვერდი

თბილისი. 12 აგვისტო ახალგაზრდობის საერთაშორისო დღეა. ამ დღეს საქართველოს პოლიტიკის ინსტიტუტი სოციალური კამპანიით „ახალგაზრდები ცვლილებებისთვის“ უერთდება. ორგანიზაცია წარმოგიდგენთ პირველი სამუშაო თემატურ ჯგუფს „გარემოსდაცვითი საკითხები – ნარჩენების მართვა საქართველოში”, რომელიც „ცვლილებებზე ორიენტირებული ახალგაზრდების ხელშეწყობა საქართველოში” პროექტის ფარგლებში შეიქმნა.  ჯგუფმა ჩაატარა კვლევა და მოამზადა პოლიტიკის დოკუმენტი. კვლევის მიზანი იყო მყარი ნარჩენების მართვის სპეციფიკის გარკვევა მუნიციპალიტეტების დონეზე... „პოლიტიკის დოკუმენტი შეიცავს: არსებული გამოწვევების განხილვას, შეფასებასა და შესაბამის რეკომენდაციებს, მათ შორის, არსებული პრობლემების მოგვარების მიზნით, ადვოკატირებისა და ლობირების საჭიროების შესახებ, რათა სახელმწიფო ბიუჯეტიდან და დონორი ორგანიზაციებიდან დამატებითი რესურსები გამოიყოს“. გაეცანით დოკუმენტს... წყარო: gip.ge

თბილისი. ნამახვანჰესის საკითხზე ენერგოგაერთიანების მიერ ორგანიზებულ შეხვედრებში ჩართული ორგანიზაციები საზოგადოებას მიმდინარე პროცესის შესახებ მათ პოზიციას აცნობენ.  „ხელმომწერი ორგანიზაციები მივესალმებით იმ ფაქტს, რომ ივნისი-ივლისის განმავლობაში მოგვეცა შესაძლებლობა, ჩავრთულიყავით „ტექნიკური დავალების“ შემუშავების პროცესში, რითაც მომავალში დამოუკიდებელმა ექსპერტებმა უნდა იხელმძღვანელონ. თუმცა, სამწუხაროდ, კვლავ გამოწვევად და შესასრულებელ ამოცანად რჩება ექსპერტების შერჩევა პროფესიონალიზმისა და მიუკერძოებლობის პრინციპით, დაფინანსების სანდო წყაროს მოძიება და შეფასების ამ პროცესისადმი მხარეებისა და ფართო საზოგადოებისთვის ნდობის გარანტიების შექმნა“. სრულად... წყარო: socialjustice.org.ge

თბილისი. ომბუდსმენმა საზოგადოებას სპეციალური ანგარიში „გარემოზე ზემოქმედების შეფასების სისტემა - პოლიტიკის, კანონმდებლობისა და აღსრულების გამოწვევები“ წარუდგინა. „სპეციალურ ანგარიშში განხილულია სახელმწიფო პოლიტიკისა და საკანონმდებლო რეგულაციების თვალსაზრისით გამოვლენილი გამოწვევები, რომლებიც გარემოზე ზემოქმედების შეფასების სისტემასა და მსხვილ ენერგეტიკულ ინფრასტრუქტურულ პროექტებს უკავშირდება, მათ შორისაა:  საზოგადოების ინფორმირებულობა-ჩართულობის; გზშ-ს ანგარიშების ხარისხის; სკრინინგის პროცედურის საკითხებთან და გზშ-ს დაქვემდებარებულ საქმიანობებთან დაკავშირებული პრობლემები“... სრულად... წყარო: ombudsman.ge

აჭარა. ორგანიზაცია „ჰელფინგ ჰენდის“ პროექტი „1 დღე ჩვენს გარემოს” საქართველოს მასშტაბით გრძელდება. პროექტის მიზანია საქართველოში გარემოსდაცვითი მოხალისეობის ხელშეწყობა, მოზარდებისა და ახალგაზრდების ჩართულობის გაზრდა. ორგანიზაციის ინფორმაციით, აღნიშნული იდეა ანა კუპრავას ინიციატივით დაიწყო და ასობით მოხალისე შემოუერთდა. 28 ივლისს, მოხალისეები ბათუმის სანაპირო ზოლს დაასუფთავებენ. სრულად... წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრი გთავაზობთ კვლევას ნამახვანი ჰესის პროექტის ისტორიის შესახებ. „მოცემული დოკუმენტი აჯამებს ინფორმაციას ნამახვანის ჰიდროელექტროსადგურის დაგეგმვის და მშენებლობის პროცესში გამოვლენილი ყველა ხარვეზული და უკანონო გადაწყვეტილების შესახებ. ერთის მხრივ, კვლევაში შეფასებულია კომპანიის შერჩევის დახურულობის და ნამახვანის ხელშეკრულების გაფორმების, როგორც კანონიერების ისე სამართლიანობის საკითხი, ხოლო მეორეს მხრივ, წინამდებარე დოკუმენტში მოცემულია გარემოსდაცვითი და მშენებლობის ნებართვების სამართლებრივი შეფასება და მნიშვნელოვანი ინსტიტუციური ჩავარდნების კრიტიკული ანალიზი, რამაც პროექტის უკანონობა განაპირობა“. სრულად... წყარო: socialjustice.org.ge

2021 წლის 8 ივლისს ევროკომისიამ თავისი პროგრამის, EU4Energy ახალი ეტაპის - „სუფთა ენერგიაზე გადასვლის მხარდაჭერა აღმოსავლეთ პარტნიორობის ქვეყნებში: პროგრამის, EU4Energy II ფაზის“ დაწყება აღნიშნა. პროგრამა, რომელიც 2024 წლამდე გაგრძელდება, მიზნად ისახავს ენერგეტიკის სანდო საკანონმდებლო და სარეგულაციო ჩარჩოების შემუშავებას, რაც რეგიონის სუფთა ენერგიაზე გადასვლას და ენერგეტიკული ბაზრის ლიბერალიზაციას შეუწყობს ხელს. პროგრამის, EU4Energy მთლიანი ბიუჯეტი 8.5 მილიონი ევროა და მას ევროკავშირი აფინანსებს. სრულად... წყარო: euneighbours.eu

თბილისი. სოციალური სამართლიანობის ცენტრის მიერ მომზადებულ საინფორმაციო ვიდეოში ორგანიზაცია პასუხობს ნამახვანჰესის პროექტთან დაკავშირებით, პროექტის მხარდამჭერების მიერ გავრცელებულ არაზუსტ, მცდარ და მანიპულაციურ არგუმენტებს. წყარო: socialjustice.org.ge