თბილისი. ადამიანის უფლებების სწავლებისა და მონიტორინგის ცენტრი (EMC) ეხმაურება შპს „ენკა რინიუებლზის“ განცხადებას, რიონის ხეობაში, ქვემო ნამახვანის ჰიდროელექტროსადგურზე მიმდინარე მოსამზადებელი ტიპისა და მიწის სამუშაოების თაობაზე. „კომპანია ადასტურებს, რომ რიონის ხეობაში მის მიერ ხორციელდება მოსამზადებელი სამუშაოები თუმცა, საკუთარი ქმედებების კანონიერების დასაბუთებისთვის ის უთითებს და აქვეყნებს არა ტექნიკური და სამშენებლო ზედამხედველობის სააგენტოს მიერ გაცემულ სამშენებლო ნებართვას და მის პირობებს, რაც ნებისმიერი მშენებლობის კანონიერების ფარგლების განსაზღვრისთვის ერთადერთი დოკუმენტია, არამედ ის ეყრდნობა სააგენტოსთან ოფიციალურ წერილობით მიმოწერას რაც არ წარმოდგენს სანებართვო დოკუმენტს“. მივიჩნევთ რომ შპს „ენკა რინიუებლზი“ 2020 წლის 21 სექტემბრიდან ქვემო ნამახვანის მშენებლობის მოსამზადებელი ტიპისა და მიწის სამუშაოების განხორციელებით ყოველდღიურად არღვევს სამშენებლო ნებართვის პირობებს. ეს კი სააგენტოს დაუყოვნებლივი რეაგირების საფუძველი უნდა გახდეს, რაც მოსამზადებელი ტიპისა და მიწის სამუშაოების შეჩერებას და მშენებლობის ნებართვის პირობების დარღვევის გამო კომპანიის მიმართ პასუხისმგებლობის დაკისრებას გულისხმობს“, ნათქვამია ორგანიზაციის განცხადებაში. სრულად... წყარო: emc.org.ge

თბილისი. ადამიანის უფლებების სწავლებისა და მონიტორინგის ცენტრი (EMC) მიიჩნევს რომ რიონის ხეობაში ქვემო ნამახვანის ჰიდროელექტროსადგურზე მიმდინარე მოსამზადებელი სამუშაოები უკანონოა და არღვევს სანებართვო პირობებს. ორგანიზაცია მიმართავს ტექნიკური და სამშენებლო ზედამხედველობის სააგენტოს დაუყოვნებლივ შეაჩეროს ნებართვის გარეშე მიმდინარე მოსამზადებელი ტიპისა და მიწის სამუშაოები და შპს „ენკა რინიუებლზს“-ის მიმართ გამოიყენოს პასუხისმგებლობის შესაბამისი ზომა. სრულად... წყარო: emc.org.ge

თბილისი. EMC-ის ცნობით, 7 თებერვალს სოფელ ნამოხვანში ნამახვანი ჰესის მშენებლობის წინააღმდეგ ადგილობრივი მოსახლეობის საპროტესტო აქცია გაიმართა. ადგილობრივები ქვემო ნამახვანის კაშხლის მშენებლობის უკანონო პროცესის შეჩერებას და საკითხის საჯარო და დემოკრატიულ განხილვას ითხოვდნენ. ადამიანის უფლებების სწავლებისა და მონიტორინგის ცენტრი (EMC) მხარს უჭერს რიონის ხეობის მოსახლეობის სამართლიან და მშვიდობიან პროტესტს და მოუწოდებს ხელისუფლებას უზრუნველყოს პროტესტის მონაწილეების შეკრების თავისუფლების დაცვა. სრულად... წყარო: emc.org.ge

თბილისი. საქართველოს ახალგაზრდა იურისტთა ასოციაცია, მწვანე ალტერნატივა და ადამიანის უფლებების სწავლებისა და მონიტორინგის ცენტრი აქვეყნებს ერთობლივ განცხადებას ნამახვანის ჰესის პროექტის საპროტესტო აქციის დაშლისა და „ენკას” მიერ სამშენებლო სამუშაოების განახლებზე. „ადგილობრივი მოსახლეობის მოთხოვნები, რომლებიც თითქმის 100 დღეა რიონის ხეობაში აპროტესტებდნენ კომპანია „ენკასა“ და ხელისუფლების უკანონო ქმედებებს, სამართლიანი და კონსტრუქციულია. ვითვალისწინებთ, რა პროექტის ზემოქმედების ქვეშ მოქცეულ საზოგადოებას, კომპანიასა და სახელმწიფო უწყებებს შორის კონფლიქტის მზარდ ხასიათს და ასევე, იმას, რომ დღემდე არ არსებობს საკმარისი ინფორმაცია პროექტის განხორციელებასთან დაკავშირებული საფრთხეების შესახებ, მოვითხოვთ:  საქართველოს გარემოს დაცვისა და სოფლის მეურნეობის სამინისტრომ და სსიპ ტექნიკური და სამშენებლო ზედამხედველობის სააგენტომ არ დაუშვან „ენკა რინიუებლზის“ მიერ სამშენებლო სამუშაოების (მათ შორის, მოსამზადებელი სამუშაოების) წარმოება მანამ, სანამ კანონის მოთხოვნების შესაბამისად, არ იქნება შესწავლილი და შეფასებული პროექტის განხორციელების შემთხვევაში გარემოსთვის, ადამიანის სიცოცხლისა და ჯანმრთელობისთვის, კულტურული მემკვიდრეობისა და მატერიალური ფასეულობებისათვის შექმნილი საფრთხეები“...  სრულად... წყარო: gyla.ge

თბილისი. ადამიანის უფლებების სწავლებისა და მონიტორინგის ცენტრი (EMC) ვიდეოში „რიონის ხეობის გადარჩენისთვის" - გიჩვენებთ, როგორ იბრძვის რიონის ხეობის მოსახლეობა ნამახვან ჰესის წინააღმდეგ და როგორ ცდილობს საკუთარი ხეობის გადარჩენას. წყარო: emc.org.ge

იმერეთი. საქართველოს ახალგაზრდა იურისტთა ასოციაცია (საია) იცავდა 30 იანვარს, ნამახვან ჰესის მშენებლობის მიმდებარე ტერიტორიაზე აქციის მსვლელობისას დაკავებული პირის ინტერესებს.  „დაკავებული აქციის მონაწილის მიმართ პოლიციამ ადმინისტრაციული სამართალდარღვევის ოქმი 173-ე მუხლის (პოლიციის კანონიერი მოთხოვნისადმი დაუმორჩილებლობა) საფუძვლით შეადინა. დღეს, ქუთაისის საქალაქო სასამართლომ იმსჯელა დაკავებულის სამართალდარღვევის საქმეზე. სასამართლომ აქციის მონაწილე გაათავისუფლა ადმინისტრაციული პასუხიმგებლობიდან, გამოუცხადა სიტყვიერი შენიშვნა და სასამართლო დარბაზიდან გაათავისუფლა“, ნათქვამია ორგანიზაციის ვებგვერდზე. სრულად... წყარო: www.gyla.ge

აჭარა. საზოგადოება „დაიცავი ბათუმის ბულვარი“ აპროტესტებს შპს „ამბასადორი ბათუმი“-ის გეგმას ძველ ბულვარში 16-სართულიანი სასტუმროს მშენებლობასთან დაკავშირებით და ხელმოწერებისთვის აქვეყნებს მანიფესტს: „შეწყდეს ბათუმის ბულვარის განადგურება“. „მიუხედავად იმისა, რომ 16-სართულიანი სასტუმრო სრულიად შეუსაბამოა ბულვარისთვის და პირდაპირ წინააღმდეგობაში მოდის კანონმდებლობასთან, საფრთხეს უქმნის და ამცირებს ბულვარის კულტურულ და ისტორიულ ღირებულებას პროექტი უკვე მოიწონა აჭარის კულტურული მემკვიდრეობის დაცვის საბჭომ და მასზე ნებართვის გაცემა აქვს გადაწყვეტილი აჭარის კულტურული მემკვიდრეობის დაცვის სააგენტოს ხელმძღვანელსაც. ჩვენი მოვალეობაა წინ აღვუდგეთ ამ უკანონობას და დავიცვათ ბათუმის ბულვარი განადგურებისაგან. აღნიშნულიდან გამომდინარე, მოვითხოვთ: 1. დაუყონებლივ შეწყდეს ბათუმის ბულვარის ტერიტორიაზე 16-სართულიანი სასტუმროს მშენებლობა და გაუქმდეს გაცემული ნებართვა. 2. ბათუმის ბულვარის განაშენიანების გეგმის დამტკიცებამდე შეჩერდეს ბულვარის ტერიტორიაზე ნებისმიერ მშენებელობაზე ნებართვის გაცემა“, ნათქვამია მანიფესტის ტექსტში.  ამ ეტაპისთვის აღნიშნულ მანიფესტს ხელს აწერს 3500-მდე ადამიანი.  სრულად... წყარო: manifest.ge

იმერეთი. EMC ეხმაურება ბოლო დღეების მანძილზე განვითარებულ მოვლენებს სოფელ ჟონეთში და მხარს უჭერს ადგილობრივი მოსახლეობის მოთხოვნას ნამახვანის ჰიდროელექტროსადგურის გარშემო მიმდინარე პროცესი წარიმართოს საჯაროდ და დემოკრატიულად. „ადგილობრივი მოსახლეობა, მიუხედავად მათი სურვილისა მონაწილეობა მიიღონ კონსტრუქციულ და ქმედით მსჯელობაში, უარს ამბობს მიმდინარე პროტესტის შეწყვეტაზე. ადგილობრივი მოსახლეობა ითხოვს იმას, რაც მათი კონსტიტუციით გარანტირებული უფლებაა: გადაწყვეტილების მიღების გამჭირვალე, ცოდნაზე დაფუძნებულ და დემოკრატიულ პროცესს. სახელმწიფოს წარმომადგენლები კი დათმობად და კომპრომისად ასაღებენ იმას, რაც სინამდვილეში მათი ვალდებულებაა: ბუნებრივი რესურსების მართვა ადგილობრივი მოსახლეობის ინტერესების მიხედვით და არა მათ საწინააღმდეგოდ“, - აღნიშნულია ორგანიზაციის მიერ გავრცელებულ განცხადებაში. სრულად...  წყარო: ორგანიზაციის ვებგვერდი

თბილისი. საქართველოს ახალგაზრდა იურისტთა ასოციაციამ მომაზადა დოკუმენტი - ,,სტრატეგიული სამართალწარმოება მსხვილი ჰიდროპროექტების მშენებლობის წინააღმდეგ“.  „მსხვილი ჰიდროპროექტები განსაკუთრებულად აისახება ადგილობრივ მოსახლეობაზე, ცვლის მათ საცხოვრებელ პირობებს, მკვეთრ და გარდაუვალ გავლენას ახდენს გარემოზე. სამშენებლო პროექტების ანალიზი აჩვენებს, რომ სახელმწიფოს მიერ ნებართვების გაცემის პროცესი ადგილობრივ მაცხოვრებელთა არასათანადო ჩართულობით, პროცედურული და შინაარსობრივი ხარვეზებით მიმდინარეობს, რაც მოსახლეობის სამართლიან პროტესტს იწვევს“, - აღნიშნულია დოკუმენტში.  სრულად...   წყარო: გვერდი სოციალურ ქსელში

გაეროს განვითარების პროგრამამ გამოაქვეყნა გლობალური ჰუმანური განვითარების ანგარიში, რომლის მიხედვით ადამიანები და პლანეტა განვითარების ახალ ეტაპზე გადადიან. „ანტროპოცენი, ანუ ადამიანთა ხანა, ხასიათდება იმით, რომ ადამიანი უფრო მეტ გავლენას ახდენს გარემოზე, ვიდრე გარემო ადამიანზე. ანგარიში მოუწოდებს მსოფლიოს ყველა ქვეყანას, სასწრაფოდ გადახედოს მათი განვითარების გზას, სრულად გააცნობიეროს ის საშიში ზემოქმედება, რომელსაც ადამიანები გარემოზე ახდენენ, და დაშალოს ძალაუფლებისა და შესაძლებლობების უხეში დისბალანსი, რომელიც ხელს უშლის ცვლილებებს“. HDR 2020... წყარო: ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) 4, 5 და 6 დეკემბერს, გიწვევთ საერთაშორისო ფორუმზე „ექსტრაქტივისტული გადაკვეთები - პოლიტიკა, ეკოლოგია და სოციალური სამართლიანობა“. ფორუმი ონლაინ რეჟიმში ჩატარდება. მონაწილეობისთვის გთხოვთ, დარეგისტრირდეთ... სრულად... წყარო: emc.org.ge

თბილისი. სახალხო დამცველის აპარატის მრავალწლიანი ზედამხედველობა ცხადყოფს, რომ წლების განმავლობაში სახელმწიფო უწყებების მხრიდან მიღებული გადაწყვეტილებები ვერ პასუხობს საზოგადოებაში არსებულ ლეგიტიმურ კითხვებს. „აქტუალობას არ კარგავს, გარემოზე ზემოქმედების შეფასების დოკუმენტებისა და ჩატარებული კვლევების ხარისხის მიმართ უნდობლობა, საზოგადოების ინფორმირება-ჩართულობის თვალსაზრისით არსებული ხარვეზები, ადგილობრივი მოსახლეობის სოციალურ-ეკონომიკური ინტერესების უგულებელყოფის, ინფორმაციისა და მონაცემების გამჭვირვალობის პრობლემა, პროექტების სარგებლიანობის მიმართ არსებული საფუძვლიანი ეჭვები. სწორედ, დასახელებულმა პრობლემებმა ფუნდამენტურად გაუმჯობესებული ეროვნული კანონმდებლობის მიუხედავად, ერთობლიობაში და განსაკუთრებით მწვავედ იჩინა თავი წინამდებარე პროექტთან მიმართებითაც“... სრულად... წყარო: ombudsman.ge

შიდა ქართლი. მეგობრობის ხიდი ქართლოსი წარმოგიდგენთ პროექტის „სუფთა და ჯანსაღი გარემო კასპის მუნიციპალიტეტში“ ფარგლებში მომზადებულ კვლევას...  „კვლევა შეფასებითი ხასიათისაა და მიზნად ისახავს შეისწვალოს კასპის მუნიციპალიტეტში ნარჩენების მართვის 5 წლიანი გეგმის შესრულების ეფექტურობა და შეიმუშაოს რეკომენდაციები პროცესის გაუმჯობესების მიზნით“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. საქართველოს საზოგადოებრივი ორგანიზაციების ნაწილი ეხმაურება ნამახვანი ჰესის მშენებლობის მოწინააღმდეგეთა აქციის საპოლიციო ძალის გამოყენებით დაშლას. „იმ ფონზე, როდესაც ადგილობრივ მოსახლეობას, საზოგადოებას და დარგის სპეციალისტებს არაერთი კრიტიკული დასკვნა და შეკითხვა აქვთ როგორც ჰესის მშენებლობის კანონიერების, ისე მისი უკიდურესად მაღალი ზეგავლენისა და რისკების შესახებ მასშტაბური ენერგეტიკული პროექტის მშენებლობა გაუმჭვირვალედ და ამ შეკითხვებისა და მოსაზრებების იგნორირებით, შეუფერხებლად მიმდინარეობს. ხელისუფლება ადგილობრივი მოსახლეობის წუხილებსა და მშვიდობიან პროტესტზე პასუხად რეპრესიულ მეთოდებს იყენებს და საპოლიციო ძალის მეშვეობით ცდილობს ადგილობრივების პროტესტის ჩახშობას, რითაც უხეშად არღვევს პროექტის ზეგავლენის ქვეშ მოქცეული მოსახლეობის ფუნდამენტურ უფლებებს“, ნათქვამია ორგანიზაციის გვერდზე სოციალურ ქსელში. სრულად... წყარო: gyla.ge

თბილისი. ადამიანის უფლებების სწავლებისა და მონიტორინგის ცენტრი (EMC) ეხმიანება სოფელ წაბლანას სტიქიით დაზარალებული ადგილობრივი თემის პროტესტს და აჭარის მთავრობას სტიქიით დაზარალებული ოჯახების სათანადო საცხოვრისზე უფლების დაუყოვნებლივი უზრუნველყოფისკენ მოუწოდებს. „ამჟამად სოფელ წაბლანას მოსახლეობა აჭარელი ეკომიგრანტების დიდი ნაწილის მსგავსად, „გაორებულ“ მდგომარეობაში ცხოვრობს. იმის გამო, რომ ბათუმში მიღებული ბინების საცხოვრებლად ვარგის მდგომარეობამდე მისაყვანად მოსახლეობას არ გააჩნია საკმარისი თანხები, ისინი აგრძელებენ ცხოვრებს სოფლად მათ ძველ საცხოვრებელ სახლებში, რომელიც რეალურად სიცოცხლისთვის სახიფათო ზონაში მდებარეობს. „აჭარისწყალის“ ჰესის სამშენებლო სამუშაოების შედეგად სოფლის წყაროების ნაწილი დაშრა, რამაც სოფლისთვის ისედაც ნაკლებად სარგებლიანი სოფლის მეურნეობა კიდევ უფრო გაართულა. ამდენად ადგილობრივ თემს სიცოცხლისთვის საშიშ ზონაში, მძიმე სოციალურ პირობებში და სიღარიბეში უწევს ცხოვრება“, ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. 2020 წლის 13 ნოემბერს, საქართველოს ეკონომიკისა და მდგრადი განვითარების სამინისტროში ღია სხდომაზე დაგეგმილია „ბათუმი რივიერას“ საქმეზე წარდგენილი ადმინისტრაციული საჩივრის ზეპირი განხილვა. საჩივარი ადგილობრივმა მოსახლეობამ და ორგანიზაცია „ბათომმა“ წარადგინეს და მათ ინტერესებს საქართველოს ახალგაზრდა იურისტთა ასოციაცია იცავს. „საქმის შესწავლისას გამოიკვეთა, რომ მშენებლობის ნებართვა გაიცა კანონმდებლობის უხეში დარღვევით. გადაწყვეტილებების მიღებისას არ არის შეფასებული პროექტის გავლენა გარემოზე, ბულვარზე, ზღვაზე, სანაპიროზე, ადამიანთა ჯანმრთელობაზე, ქალაქის ისტორიულ და კულტურულ მემკვიდრეობასა და ეკონომიკაზე. შესაბამისად, სახეზეა იმ ტიპის დარღვევები, რაც მშენებლობის ნებართვის ბათილობის საფუძველი უნდა გახდეს“, ნათქვამია საიას ვებგვერდზე. სრულად... წყარო: gyla.ge

ზემო სვანეთი. ზემო სვანეთის LAG-ის ახალგაზრდულმა ფრთამ, დაფინანსებული პროექტის „მოდი, ერთად დავა-LAG-ოთ სვანეთი” ფარგლებში, 10-11 ნოემბერს ზემო სვანეთის ხუთი თემის ნაკრას, მულახის, წვირმის, კალას და იფარის მიმდებარე ტერიტორიაზე დასუფთავების აქციები ჩაატარა. თითოეულ ლოკაციაზე განთავსდა 2 ნაგვის ყუთი და სპეციალურად პროექტისთვის შექმნილი ბანერი.  „„მოდი, ერთად დავა–LAG–ოთ სვანეთი!“ – ერთ–ერთი მოხალისეობრივი ინიციატივაა, რომელმაც განათლების განვითარების და დასაქმების ცენტრის (EDEC) მიერ გამოცხადებულ კონკურსში „იდეების კონკურსი მოხალისეობრივი ინიციატივებისთვის“ გაიმარჯვა. კამპანია, რომელიც პროექტის „სამოქალაქო საზოგადოების განვითარების ინიციატივა“ ფარგლებში ხორციელდება, მიზნად ისახავს ზემო სვანეთში გარემოს დაბინძურების მაჩვენებლის შემცირებას და მოხალისეობრივ აქტივობებში ახალგაზრდების ჩართულობის გაზრდას“. პროექტს ახორციელებს კონრად ადენაუერის ფონდი (KAS), სამოქალაქო საზოგადოების ინსტიტუტი (CSI), საქართველოს სტრატეგიული კვლევებისა და განვითარების ცენტრი (CSRDG), კონსულტაციისა და ტრენინგის ცენტრი (CTC), განათლების განვითარების და დასაქმების ცენტრი (EDEC). პროექტს აფინანსებს ევროკავშირი (EU), ხოლო თანადამფინანსებელია კონრად ადენაუერის ფონდი (KAS). სრულად... წყარო: ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) ეხმიანება რიონის ხეობაში სამოქალაქო აქტივისტების მიერ ნამახვანი ჰესების კასკადის მშენებლობის წინააღმდეგ გამართულ აქციას და მიიჩნევს, რომ პროექტის განმახორციელებელი კომპანიის მიერ ადგილზე წარმოებული სამუშაოები არღვევს სანებართვო პირობებს. სრულად... წყარო: emc.org.ge

თბილისი. მწვანე ალტერნატივა ყოფილი იპოდრომის ტერიტორიაზე საზოგადოებასთან კონსულტაციისა და სათანადო შეფასების გარეშე პარკის გაშენებას უკანონოდ მიიჩნევს. „აღსანიშნავია, რომ თბილისის მერიამ უკვე დაარღვია საქართველოს კანონმდებლობის მოთხოვნები, როდესაც ქალაქის გარემოსა და თბილისის მაცხოვრებელთათვის უმნიშვნელოვანესი გადაწყვეტილება ჯერ მიიღო და მხოლოდ ამის შემდეგ აცნობა ის საზოგადოებას. მერიამ, ამით, დაარღვია ორჰუსის კონვენციის მოთხოვნები, რომლის თანახმად, საზოგადოების მონაწილეობა უზრუნველყოფილი უნდა იყოს ადრეულ ეტაპზე, როდესაც ვარიანტები ღიაა და საზოგადოებას აქვს მასში ეფექტური მონაწილეობის მიღების შესაძლებლობა; საზოგადოების მონაწილეობის შედეგებს კი, ჯეროვანი ყურადღება უნდა დაეთმოს. მოვუწოდებთ თბილისის მერიას, შეასრულოს საქართველოს კანონმდებლობის მოთხოვნები და არ დაიწყოს ყოფილი იპოდრომის ტერიტორიაზე უკანონო სამუშაოები“. სრულად... წყარო: greenalt.org

შიდა ქართლი. მეგობრობის ხიდი ქართლოსი გაგაცნობთ კასპის მოსახლეობის რეკომენდაციებს რომელიც მომზადდა პროექტის „სუფთა და ჯანსაღი გარემო კასპის მუნიციპალიტეტში“ ფარგლებში. 1. სტიქიური ნაგავსაყრელის დახურვა; 2. ნაგვის ურნების დამატება; 3. მცირე ზომის ნაგვის ურნების განთავსება; პროექტი ხორციელდება ევროკავშირის ფინანსური მხარდაჭერით „სამოქალაქო საზოგადოების განვითარების ინიციატივა“ პროექტის ფარგლებში კონრად ადენაუერის ფონდსა და საქართველოს სტრატეგიული კვლევების და განვითარების ცენტრს შორის CSRDG გაფორმებული ხელშეკრულების საფუძველზე. სრულად... წყარო: ორგანიზაციის გვერდი სოციალურ ქსელში

თბილისი. 22-26 სექტემბერს, ევროკავშირი მობილობის კვირეულზე გეპატიჟებათ. „გავაუმჯობესოთ ჩვენი ჯანმრთელობა და ცხოვრების ხარისხი ველოსიპედითა და ფეხით მეტი სიარულით, საზოგადოებრივი ტრანსპორტის უფრო ხშირად გამოყენებით ან ნულოვანი გამონაბოლქვის მქონე ავტომობილებით გადაადგილებით. ვიყოთ ფიზიკურად აქტიურები, შევამციროთ დაბინძურება და ხმაური ჩვენს ქალაქებში“. სრულად... წყარო: ორგანიზაციის გვერდი სოციალურ ქსელში

თბილისი. „მწვანე ალტერნატივას“ ინფორმაციით, ორწლიანი გამოძიების შემდეგ, ორი უმსხვილესი ევროპული ბანკის გასაჩივრების მექანიზმმა სვანეთში დაგეგმილი ნენსკრას ჰიდროელექტროსადგურის პროექტი საერთაშორისო სტანდარტებისთვის შეუსაბამოდ ცნო; „საქმე ეხება ნენსკრა ჰესის დამფინანსებლების – ევროპის რეკონსტრუქციისა და განვითარების ბანკისა (EBRD) და ევროპის საინვესტიციო ბანკის (EIB) მოთხოვნებს, რომელთა მნიშვნელოვან ნაწილს პროექტი ვერ აკმაყოფილებს. კერძოდ, ნენსკრა ჰესი ბანკების სტანდარტებს არ შეესაბამება ისეთ ფუნდამენტურ საკითხებში, როგორებიცაა: ძირძველი მოსახლეობის უფლებები, კულტურული მემკვიდრეობის დაცვა, პროექტის ალტერნატივების შესწავლა, გენდერული საკითხები, ინფორმაციის გამჭვირვალობა, ნენსკრა ჰესის პროექტის განმახორციელებელი კომპანიის წარმომადგენელთა კომპეტენცია“. სრულად... წყარო: greenalt.org