თბილისი. ინფორმაციის თავისუფლების განვითარების ინსტიტუტი აქვეყნებს ინფორმაციას, რომლის თანახმადაც ეკონომიკური თავისუფლების ინდექსში საქართველო 10 ადგილით დაწინაურდა. „ინდექსის ავტორები მიიჩნევენ, რომ საქართველო კარგად უმკლავდება ეკონომიკური თავისუფლების უზრუნველყოფას. მათი თქმით, სახელმწიფო ვალი და საბიუჯეტო დეფიციტი კონტროლს ექვემდებარება. ღია ბაზრის პოლიტიკა, დაბალი გადასახადები და რეგულაციების ეფექტიანობა ხელს უწყობს ვაჭრობასა და ინვესტიციებს. დადებითი შედეგებია ანტიკორუფციული მიმართულებითაც. თუმცა, გამოწვევად რჩება კანონის უზენაესობის განმტკიცება, განსაკუთრებით კი სასამართლო თავისუფლებისა და ეფექტიანობის მხრივ," ნათქვამია ორგანიზაციის ვებ-გვერდზე. სრულად... წყარო: idfi.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს თამუნა ქებურიას ბლოგპოსტს: „რა შეიძლება მოხდეს იმ დემონსტრაციაზე, სადაც ყველა მოვა?". „კაპიტალისტურ რეალიზმში კატასტროფა ყოველთვის ახლოსაა, თუმცა ის არასდროს არ დგება. ამგვარ სისტემაში ცხოვრების დონე დღითი დღე უარესდება, ფასები იზრდება და ხელფასები იგივე რჩება, მდიდრდები უფრო მდიდრდებიან და ღარიბები უფრო ღარიბდებიან; თუმცა, ამის მიუხედავად, სისტემას დასასრული მაინც არ უწერია. კაპიტალისტური რეალიზმი უზრუნველყოფს იმას, რომ ხვალ ისევ ისე ვაგრძელებთ ცხოვრებას, როგორც გუშინ", ნათქვამია ბლოგპოსტში. სრულად... წყარო: emc.org.ge

თბილისი. საქართველოს მცირე და საშუალო სატელეკომუნიკაციო ოპერატორების ასოციაცია განცხადებას ავრცელებს ე.წ. „ფარული მოსმენების" კანონმდებლობაში შესატან ცვლილებებზე. „მივმართავთ თხოვნით საქართველოს პარლამენტის იურიდიულ კომიტეტს არ მოხდეს ამ კანონპროექტების განხილვა დაჩქარებული წესით, შექმნათ სამუშაო ჯგუფი და ჩაგვრთოთ მცირე და საშუალო სატელეკომუნიკაციო ბაზრის მოთამაშეები, ჩვენი ასოციაცია და სხვა დაინტერესებული პირები ამ კანონპროექტის პაკეტების განხილვის პროცესში, ჩვენი არგუმენტების წარმოსადგენად და დასასაბუთებლად, რადგან არსებული რედაქცია მოიცავს სამართლებრივ, ეკონომიკურ და ტექნიკურ რისკებს ბაზრის მოთამაშეებისთვის და საბოლოოდ ბაზრის მდგრადი განვითარებისთვის", ნათქვამია განცხადებაში. სრულად... წყარო: toa.ge

თბილისი. „ჯამფსტარტ ჯორჯია" აქვეყნებს ვიზუალიზაციას: „ლარის გზამკვლევი". სრულად... წყარო: lari.jumpstart.ge

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ბლოგპოსტს: „ლარის გაუფასურების მიზეზები". „გრძელვადიან პერიოდში ვალუტის გაუფასურება უკავშირდება ფასების დონეს და ეკონომიკურ ზრდას. მაგრამ ეროვნული ვალუტის მკვეთრი გაუფასურების პროცესი, რომელიც 2014 წლიდან დაიწყო, რთულია დაუკავშირო მხოლოდ ამ პროცესებს, მით უმეტეს რომ მიმდინარე პერიოდი დაბალი ინფლაციით გამოირჩეოდა. შესაბამისად მიმდინარე მკვეთრი რყევების ახსნა სხვა ფაქტორებშიც უნდა ვეძებოთ", ნათქვამია ორგანიზაციის ვებ-გვერდზე. სრულად... წყარო: idfi.ge

აჭარა. სასტუმრო შერატონში, ბათუმში, ქალ მეწარმეთა პირველი ბიზნეს ფორუმი გაიმართა. „ფორუმზე წარმოდგენილები იყვნენ ის წარმატებული ქალბატონები, რომლებიც მონაწილეობას ღებულობდნენ საგრანტო პროექტებში ან ისარგებლეს შეღავათიანი სესხებით თავიანთი ბიზნესის დასაწყებად და გასაფართოებლად. განსაკუთრებული აქტიურობით გამოირჩეოდნენ მაღალმთიანი აჭარის წარმომადგენლები. რეგიონის ხუთივე მუნიციპალიტეტში „ქალთა ოთახებთან" პარტნიორობით ხდება სოფლად მცხოვრები ქალების მცირე და საშუალო ბიზნესში ჩართულობის გაზრდა. ფორუმი, რომლის მთავარი გზავნილი იყო „წარმატებული ქალი - ძლიერი ეკონომიკა", აჭარის სავაჭრო-სამრეწველო პალატასთან არსებული აჭარის ქალ-ბიზნესმენთა ასოციაციის ორგანიზებით გაიმართა", ნათქვამია მომავლის ფერმერის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. საერთაშორისო გამჭვირვალობა საქართველო აქვეყნებს იმ ცვლილებების შესახებ ვიზუალურ მასალას, რომლებიც 2017 წლის 1 იანვრიდან საგადასახადო კანონმდებლობით ამოქმედდა. ინფოგრაფიკების საშუალებით შეგიძლიათ მიიღოთ ძირითადი ცვლილებების შესახებ ინფორმაცია. სრულად... წყარო: transparency.ge

თბილისი. ჰაინრიხ ბიოლის ფონდის ფემინისტური ვებ-გვერდი აქვეყნებს „მწვანე აკადემიის" 2016 წლის საზაფხულო სკოლის ფარგლებში ორგანიზებული პრეზენტაციის მასალას. „ქალები ნაკლებად უნდა დაიტვირთონ საოჯახო საქმეებით და მეტად ჩაერთონ შრომის ბაზარზე, სადაც მათი შრომა ანაზღაურებული იქნება. ამ შემთხვევაში ისინი შეძლებენ თავიანთი რესურსების უკეთ ინვესტირებას იმის ნაცვლად, რომ გასული საუკუნეების მსგავსად მხოლოდ საოჯახო საქმეებში რეალიზდნენ. ამასთან ერთად, აუცილებელია გენდერული მგრძნობელობის დანერგვა ეკონომიკის ფაკულტეტებზე მთელ მსოფლიოში. ახლა თუ არა, მაშ როდის უნდა გაიაზრონ მკვლევარებმა და ეკონომისტებმა, რომ ეკონომიკა მხოლოდ ბაზარს და მონეტარულ ფენომენს არ მოიცავს, რომ ეკონომიკამ საოჯახო ცხოვრების ასპექტებიც უნდა მოიცვას", ნათქვამია ბიოლის ვებ-გვერდზე. სრულად... წყარო: www.feminism-boell.org

თბილისი. ორგანიზაცია „საზოგადოება და ბანკები" სესხების გალარებასთან დაკავშირებით, მომხმარებლებს უფასო კონსულტაციას სთავაზობს. დარეკეთ ორგანიზაციის ცხელ ხაზზე: 240 05 05 და გაიგეთ, ღირს თუ არა, თქვენი კონკრეტული სესხის დოლარიდან ლარში გადატანა. სრულად... წყარო: ორგანიზაციის ვებგვერდი სოციალურ ქსელში

თბილისი. მედია სკოლის სასწავლო კურსი 2 თვის განმავლობაში გრძელდებოდა და მისი მიზანი ჟურნალისტებისთვის ფინანსური განათლების ამაღლება იყო. „ჟურნალისტებმა ეკონომიკის საფუძვლები სპეციალური კურსისა და სახელმძღვანელოების მიხედვით შეისწავლეს. პროექტი ლიბერთი ბანკთან ერთად ხორციელდებოდა. სკოლის მეექვსე ნაკადი 21 ჟურნალისტისგან შედგებოდა. „საზოგადოება და ბანკების" ეკონომიკური მედია სკოლა მეექვსე ნაკადის მიღებას გაზაფხულიდან დაიწყებს", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. 28 დეკემბერს, თსუ-ს ანალიზისა და პროგნოზირების ცენტრისა და „ახალგაზრდა ფინანსისტთა და ბიზნესმენთა ასოციაციის - აფბას" წარმომადგენლებმა 2016 წლის მნიშვნელოვანი ეკონომიკური მოვლენები შეაფასეს. საუბარი შეეხო 2017 წელს არსებულ გამოწვევებსაც. „თსუ ანალიზისა და პროგნოზირების ცენტრის დირექტორის განცხადებით, 2016 წელს საქართველოში მთავარ ნეგატიურ ეკონომიკურ მოვლენად ეროვნული ვალუტის არასტაბილურობა დასახელდა და ითქვა, რომ მოცემული მიმართულებით თანმიმდევრულ პოლიტიკას არც საქართველოს ეროვნული ბანკი და არც საქართველოს მთავრობა არ ახორციელებდნენ, სიტუაციის გამწვავებისკენ იყვნენ მიდრეკილნი ოპოზიციონერი პოლიტიკოსების უდიდესი ნაწილი. ხშირი იყო დამაბნეველი განცხადებები და მოწოდებები, რაც არასწორ მოლოდინებს ქმნიდა და შესაძლებლობას აძლევდა ცალკეულ მოთამაშეებს მიემართათ სპეკულაციისადმი სავალუტო ბაზარზე", ნათქვამია ორგანიზაციის ვებ-გვერდზე. სრულად... წყარო: afba.ge

თბილისი. „ახალგაზრდა ფინანსისტთა და ბიზნესმენთა ასოციაცია - აფბას" ანალიტიკოსი ლარის კურსის ბოლოდროინდელ მერყეობას ეხმაურება და იმ საგარეო თუ საშინაო მიზეზებზე საუბრობს რაც ხელს უწყობს ეროვნული ვალუტის გაუფასურებას. ლარს გამყარების საშუალებას არ აძლევს მონეტარული პოლიტიკა. თუ გადავხედავთ გასულ წლებს, ლარი ყოველთვის მყარი იყო მკაცრი მონეტარული პოლიტიკის პირობებში, ხოლო გაუფასურებული - რბილი პოლიტიკის შემთხვევაში. შეიძლება დაისვას ლოგიკური კითხვა, რომ მონეტარული პოლიტიკის გამკაცრება ზღუდავს ეკონომიკურ ზრდას, მაგრამ აქ გასათვალისწინებელია დოლარიზაციის დონე ქვეყანაში. მაღალი დოლარიზაციის გამო საქართველოში მონეტარული პოლიტიკის გავლენა ეკონომიკაზე შეზღუდულია და საპროცენტო განაკვეთის ზრდა აისახება მხოლოდ ლარის სესხებზე. რაც შეეხება 20 დეკემბერს ეროვნული ბანკის მიერ განხორციელებულ სავალუტო ინტერვენციას, რომლის დროსაც სებ-მა 40 მლნ დოლარი გაყიდა. ეს მექანიზმი ერთის მხრივ დაგვიანებული იყო, ხოლო მეორეს მხრივ არასაკმარისი, სავალუტო ბაზარზე არსებული შოკის გათვალისწინებით. გარდა ამისა არცერთ მონეტარულ ინსტრუმენტს, დამოუკიდებლად არ შეუძლია კურსზე სერიოზული ზეგავლენის მოხდენა", ნათქვამია ორგანიზაციის ვებ-გვერდზე. სრულად... წყარო: afba.ge

თბილისი. თბილისის ზღვის მიმდებარე ტერიტორიაზე, ფოტოხაფანგის სატესტო რეჟიმში მუშაობის პროცესი მიმდინარეობს. „გარემოსდაცვითი ზედამხედველობის დეპარტამენტი რამდენიმე ასეული თანამედროვე ფოტოხაფანგითა და ღამის ხედვის თერმული კამერით აღიჭურვა. უმაღლესი ხარისხის მაღალი რეზოლუციის მქონე ტექნიკა HD ხარისხით სრულყოფილ გამოსახულებას ქმნის და ექვემდებარება შენიღბვას. მასში ინტეგრირებული Wi-Fi საშუალებას იძლევა, რეალურ დროში გადაღებული სურათები და ვიდეოები მყისიერად გადაიგზავნოს ადგილობრივ ან დისტანციურ მობილურ მოწყობილობებზე”, ნათქვამია გარემოს დაცვის სამინისტროს ვებ-გვერდზე სოციალურ ქსელში. სრულად... წყარო: სამინისტროს ვებ-გვერდი სოციალურ ქსელში

თბილისი. „ახალგზარდა ფინანსისტთა და ბიზნესმენთა ასოციაცია" ლარის კურსის მერყეობასთან დაკავშირებით საგანგებო განცხადებას ავრცელებს. ორგანიზაცია ურჩევს მთავრობას: გაიზარდოს მონეტარული პოლიტიკის განაკვეთი, ეროვნულმა ბანკმა შეზღუდოს კომერციული ბანკების დაკრედიტება, გამოცხადდეს მოკლევადიანი მორატორიუმი ფულის მასის ზრდაზე, რეფორმების დაანონსება მოხდეს უფრო ფრთხილად, მოხდეს ბიუჯეტის ხარჯვითი ნაწილის კორექტირება, მოხდეს სახელმწიფო აქტივების პრივატიზაციის ფორსირება... სრულად... წყარო: afba.ge

თბილისი. ახალგაზრდა ფინანსისტთა და ბიზნესმენთა ასოციაციის კვლევის მიხედვით, მომხმარებელთა ინფორმირებულობის ხარისხი საფინანსო დაწესებულებებთან ურთიერთობისას საკმაოდ დაბალია. „კვლევის მიზანი იყო დედაქალაქში ფინანსური განათლების დონის დადგენა, რაც გულისხმობდა, იმ ელემენტარული ტერმინების შესახებ ინფორმირებულობის დადგენას, როგორიცაა ინფლაცია და სავალუტო რისკი, ასევე მომხმარებლებსა და საფინანსო დაწესებულებებს შორის ურთიერთობისას წარმოშობილი თავისებურებები, საკუთარი ფინანსების განკარგვასთან დაკავშირებული საკითხები, ფულის დაზოგვისა და სიბერის უზრუნველყოფასთან დაკავშირებით მიღებულ გადაწყვეტილებები. სამწუხაროდ გამოკითხულთა უმრავლესობა როდესაც „ინფლაციას" განმარტავს როგორც „ფულის გაუფასურებას", აქ ჩვენ საქმე არ გვაქვს მხოლოდ იმასთან, რომ ამა თუ იმ მოქალაქემ არ ჩაიხედა წიგნში და არ დაიზეპირა რა არის ინფლაცია. აქ საქმე გვაქვს საზოგადოებისთვის ინფორმაციის არასწორად მიწოდებასთან", ნათქვამია „ბანკები და ფინანსების" ვებ-გვერდზე. სრულად... წყარო: bfm.ge

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს გიორგი ხატიაშვილის ბლოგპოსტს: „საქართველო-რუსეთის ფედერაციის მოლაპარაკებები მსოფლიო სავაჭრო ორგანიზაციის (WTO) საკითხებზე 5 წლის შემდეგ". „ცალსახაა, რომ მოლაპარაკებების პროცესი გაჭიანურდა. ჟენევაში გაფორმებული ხელშეკრულებიდან 5 წლის შემდეგ მონიტორინგის მექანიზმი კვლავაც არაა ამოქმედებული, ხოლო მხარეები ჯერ კიდევ ტექნიკურ და იურიდულ დეტალებს ათანხმებენ. გასათვალისწინებელია, რომ შვეიცარიამ ნეიტრალური კომპანია ჯერ კიდევ 2012 წელს გამოავლინა, ხოლო ყოველ სამ წელიწადში ხელშეკრულება გადასინჯვას ექვემდებარება. 2018 წელს მას ან ავტომატურად უნდა გაუგრძელდეს მოქმედების ვადა, ან მხარეები ცვლილებებზე უნდა შეთანხმდნენ", ნათქვამია ორგანიზაციის ვებ-გვერდზე. სრულად... წყარო: idfi.ge

ქვემო ქართლი. მარნეულში ეკონომიკური პოლიტიკის კვლევის ცენტრმა (EPRC) პროექტის ფარგლებში, რეგიონული საინფორმაციო შეხვედრა გამართა ადგილობრივ ფერმერებთან. „ფერმერებმა მიიღეს ინფორმაცია ასოცირების ხელშეკრულების მნიშვნელობაზე და შესაძლებლობებზე სოფლის მეურნეობის სექტორისთვის, ასევე დაგეგმილი რეგულაციების და სექტორში მოსალოდნელი ცვლილებების შესახებ”, ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

კახეთი. „სიდა" ახორციელებს პროექტს „მიგრაციის მართვის გაუმჯობესება ეკომიგრანტების ეკონომიკური და ინფრასტრუქტურული შესაძლებლობების გაძლიერების გზით” ქვემო ქართლის, კახეთის და სამცხე-ჯავახეთის რეგიონებში. პროექტი ითვალისწინებს ეკომიგრანტებისთვის სოციალური და ეკონომიკური შესაძლებლობების ზრდას. „პროექტის ფარგლებში, „სიდას" ორგანიზებით, კახეთის ორ სოფელში (სამთაწყარო და ჰერეთისკარი) გაიმართა მედიატური. ჟურნალისტებს საშუალება ჰქონდათ გაცნობოდნენ „სიდას" მიერ განხორციელებულ პროექტებს, მათ მოინახულეს ეკომიგრანტების საცხოვრებელი პირობები და ადგილზე ნახეს თუ რა პირობებში უწევთ მათ ცხოვრება," ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

შიდა ქართლი. 3 ნოემბერს, „კეთილდღეობისა და განვითარების ცენტრში გაიმართა პროექტის „შშმ პირთა ხელშეწყობა პროფესიული განათლების და დასაქმებისათვის" დახურვის პრეზენტაცია. „პროექტი განხორციელდა საქართველოს სპორტისა და ახალგაზრდობის სამინისტროს, „ბავშვთა და ახალგაზრდობის განვითარების ფონდის’’ ჩეხური ორგანიზაცია „ადამიანი გაჭირვებაში" ფინანსური ხელშეწყობით," ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. ჰაინრიხ ბიოლის ფონდის სამხრეთ კავკასიის ბიუროს ფემინისტურ ვებ-გვერდზე ანა დოლიძის ბლოგპოსტი: „გაყევი ფულის კვალს" გამოქვეყნდა. „ჩემ სამუშაო მაგიდაზე მრავალათასგვერდიანი დოკუმენტი დევს. ეს დოკუმენტი მთელ ქვეყანაში სულ რამდენიმე ადამიანს აქვს შესწავლილი. არადა, როგორ ვიცხოვრებთ 2017 წელს სწორედ რომ ის ფურცლები დაგვიდგენს. ეს დოკუმენტი საქართველოს ბიუჯეტის შესახებ კანონია. ... სახლს რომ ვაშენებთ ან ვანგრევთ, საძირკველს შევისწავლით. თუ სოციალური ქცევის ცვლილება გვინდა, ამ ქცევის ეკონომიკური საფუძვლის ანალიზი უნდა ვისწავლოთ. ჩვენი პრიორიტეტები და მიზნები მატერიალურად ავსახოთ. ფულის კვალს უნდა გავყვეთ, რომ ახალ რეალობასთან მივიდეთ", ნათქვამია ბლოგპოსტში. სრულად... წყარო: www.feminism-boell.org

თბილისი. ახალგაზრდა ფინანსისტთა და ბიზნესმენთა ასოციაცია - აფბას დირექტორი შოთა გულბანი საუბრობს საქართველოში ინდუსტრიალიზაციის პროცესზე.   „საქართველოს ეკონომიკამ, ბოლო ათწლეულების განმავლობაში მნიშვნელოვანი ტრანსფორმაცია განიცადა. მოხდა მთელი რიგი მაკროეკონომიკური პარამეტრების გაუმჯობესება, საერთაშორისო რეიტინგებში ბიზნესის კეთების სიმარტივის და ზოგადი მაკროეკონომიკური სურათის გაუმჯობესების კუთხით ასევე სახეზეა საგრძნობი პროგრესი. თუმცა, ფაქტი ფაქტად რჩება, 3.7 მილიონიანი მოსახლეობის მქონე ქვეყანაში, მსოფლიო ბანკის კვლევის მიხედვით 32,3% სიღარიბის ზღვარს ქვემოთ მყოფია, რაც შეუსაბამოდ დიდი ციფრია ისეთი პატარა ერისთვის, როგორიც საქართველოა," ნათქვამია ორგანიზაციის ვებ-გვერდზე. სრულად... წყარო: afba.ge

თბილისი. 29 ივლისს, გაიმართა ეკონომიკური პოლიტიკის კვლევის ცენტრის (EPRC) ახალი ანგარიშის „ნატო-ს ეფექტი ახალი წევრი ქვეყნების ეკონომიკებზე და მოსალოდნელი შედეგები საქართველოსთვის" პრეზენტაცია. „ანგარიშში განხილულია ნატოში გაწევრიანების ეკონომიკური ეფექტი აღმოსავლეთ და ცენტრალური ევროპის ქვეყნების გამოცდილების ანალიზის საფუძველზე, გაანალიზებულია განათლების, დასაქმების, ჯანდაცვის, რეგიონული ინტეგრაციისა და ინსტიტუციური განვითარების სტატისტიკური მონაცემები,” ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში