თბილისი. ახალგაზრდა არასამთავრობო ორგანიზაციის „ჰელოუ ჯოი"-ს ინიციატივითა და საქართველოს სპორტისა და ახალგაზრდობის საქმეთა სამინისტროს ბავშვთა და ახალგაზრდობის განვითარების ფონდის მხარდაჭერით, ახალი სოციალური კაფე-ბარი Hello Joe გაიხსნა. Hello Joe წარმოადგენს სოციალურ საწარმოს, რომლის მთავარი მიზანია ხელი შეუწყოს ახალგაზრდა მუსიკოსების დასაქმებას. სოციალური კაფე-ბარი ორიენტირებულია 18-დან - 30 წლამდე ასაკის მუსიკოსებზე და პლათფორმას, სადაც ახალგაზრდებს შესაძლებლობა ექნებათ, მათთვის სასურველ დროს, საათობრივად გამოიმუშაონ შემოსავალი. სრულად  წყარო: ორგანიზაციის გვერდი სოციალურ ქსელში

კახეთი. 14-15 აგვისტოს, საგურამოში, ბიზნესის მართვის საკითხებთან დაკავშირებით ტრენინგი ტარდება. ტრენინგის შემდეგ, მონაწილეებს საშუალება ექნებათ შეიმუშაონ ბიზნეს-წინადადებები და, სოციალური საწარმოების დასაფუძნებლად, 17 000 ევრო მიიღონ. ტრენინგი ტარდება პროექტის - „საქართველოს მოწყვლადი მოზარდების ხელშეწყობა გახდნენ პროდუქტიული, სრულფასოვანი მოქალაქეები, სწავლების, ტრენინგების და დასაქმების გზით" - ფარგლებში, რომელსაც ცენტრი „აფხაზეთი" ევროკავშირის ფინანსური ხელშეწყობით თელავში, საგურამოსა და გორში ახორციელებს. სრულად  წყარო: ორგანიზაციის გვერდი სოციალურ ქსელში

თბილისი. 27-28 ივლისს, საქართველოს რეგიონული განვითარებისა და ინფრასტრუქტურის სამინისტროს საჯარო მოხელეთათვის ჩატარდა ტრენინგი თემაზე - „ინვესტიციების ხელშეწყობა რეგიონში". „ტრენინგზე განხილული იყო შემდეგი საკითხები: ინვესტიციების არსი, პროცესი, დარგები, კვლევები, ინვესტიციების მოზიდვისა და შენარჩუნების პროცესი, სახელმწიფოს მხრიდან ინვესტიციების წახალისება, საინვესტიციო ფონდები, თავისუფალი ეკონომიკური ზონები, საკანონმდებლო რეგულაციები და არსებული საუკეთესო პრაქტიკა. ტრენინგის მონაწილეები, ასევე, ჩაერთვნენ პრაქტიკულ სამუშაოებში", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

აჭარა. შვეიცარიის განვითარებისა და თანამშრომლობის სააგენტოს საქართველოს წარმომადგენლობა აჭარაში ქალთა ოთახებს სტუმრობდნენ. „ერთ-ერთი შეხვედრა აჭარის სავაჭრო პალატის ქალთა ოთახში გაიმართა. შეხვედრას აჭარის უმაღლესი საბჭოს გენდერული თანასწორობის საბჭოს წარმომადგენლებიც მონაწილეობდნენ. დონორები დაინტერესდნენ ქალთა ოთახებისა და საბჭოს თანამშრომლობით და იმ მიზნებით, რასაც თანამშრომლობის მემორანდუმი ითვალისწინებდა. ნინო ჩხეტიამ ქალთა ოთახების პროექტი დადებითად შეაფასა და აღნიშნა, რომ ეს არის ერთადერთი საშუალება მუნიციპალიტეტების დონეზე, სადაც შეიძლება თავისუფალ სივრცეში შეხვდე მუნიციპალიტეტის მოსახლეობას, გაიგო მათი საჭიროებები და დამოკიდებულება ამა თუ იმ საკითხის მიმართ", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

იმერეთი. ცენტრ „აფხაზეთის" ქუთაისის ოფისში 18-დან 21 ივლისის ჩათვლით, მიმდინარეობს სწავლება თემაზე „ეფექტური სოციალური და სამუშაოს მოძიების უნარები". სწავლებას 20-მდე ყოფილი მსჯავრდებული და პრობაციონერი დაესწრება. სწავლების მონაწილეები აგვისტოში ბიზნეს-ტრენინგებსაც გაივლიან და, ბიზნეს-წინადადებების შემუშავების შემდეგ, 1200-დან 3000 ევროს მოცულობის გრანტის მიღების შესაძლებლობა ექნებათ. სწავლება ტარდება პროექტის - „განათლება რეინტეგრაციისათვის - გზა საზოგადოებაში დასაბრუნებლად” - ფარგლებში, რომელსაც ცენტრი „აფხაზეთი" საქართველოს სტრატეგიული კვლევებისა და განვითარების ცენტრი-თან ერთად ASB Georgia-სა და ევროკავშირის ფინანსური ხელშეწყობით, კახეთის, შიდა ქართლის, იმერეთის, სამეგრელო-ზემო სვანეთის რეგიონებსა და თბილისში ახორციელებს. სრულად  წყარო: ორგანიზაციის გვერდი სოციალურ ქსელში

18 ივლისს 15:00 საათზე ბათუმში საზოგადოებრივი ორგანიზაციებისთვის იმართება ტრენინგი ევროკავშირ-საქართველოს ასოცირების შეთანხმების თაობაზე. ტრენინგი ორგანიზებულია პროექტ „სამოქალაქო საზოგადოების განვითარების ინიციატივის" ფარგლებში, რომელსაც „სამოქალაქო საზოგადოების ინსტიტუტი", „საქართველოს სტრატეგიული კვლევებისა და განვითარების ცენტრი", „ტრენინგებისა და კონსულტაციების ცენტრი", „ქუთაისის განათლების განვითარებისა და დასაქმების ცენტრი", „კონრად ადენაუერის ფონდის" მხარდაჭერით ახორციელებენ. ღონისძიება 21 ივლისის ჩათვლით გაგრძელდება. მისამართი: ბათუმი, მელაშვილის 1/3, სასტუმრო „ვორლდ პალასი".

აჭარა.18-21 ივლისს ბათუმში საზოგადოებრივი ორგანიზაციებისთვის გაიმართება ტრენინგი ევროკავშირ-საქართველოს ასოცირების შეთანხმების თაობაზე. ტრენინგზე განხილული იქნება ისეთი საკითხები, როგორიცაა: საზოგადოებრივი ორგანიზაციების როლი ევროპული ინტეგრაციის პროცესში; DCFTA-ის ძირითადი დებულებები და საქონლის საბაჟო პოლიტიკა; სოფლის მეურნეობისა და სოფლის განვითარების პოლიტიკა; პროდუქციის უსაფრთხოება, ვაჭრობის ტექნიკური ბარიერების რეგულირება; სურსათის უვნებლობის საკითხები ასოცირების შეთანხმებაში; მომხმარებელთა უფლებების დაცვის პოლიტიკა; მწვანე ეკონომიკის მხარდაჭერა; გარემოს დაცვა ასოცირების შეთანხმებაში; ენერგეტიკა; ტრანსპორტი; დასაქმება და სოციალური პოლიტიკა; საჯარო სამსახურის რეფორმა და კორუფციის წინააღმდეგ ბრძოლა; ევროკავშირისის ფინანსური მხადაჭერა საქართველოსთვის. ტრენინგი ორგანიზებულია პროექტ „სამოქალაქო საზოგადოების განვითარების ინიციატივის" ფარგლებში, რომელსაც „სამოქალაქო საზოგადოების ინსტიტუტი", „საქართველოს სტრატეგიული კვლევებისა და განვითარების ცენტრი", „ტრენინგებისა და კონსულტაციების ცენტრი", „ქუთაისის განათლების განვითარებისა და დასაქმების ცენტრი", „კონრად ადენაუერის ფონდის" მხარდაჭერით ახორციელებენ.  

თბილისი. პროექტის „სოციალური მეწარმეობა - ინოვაციური მიდგომა ეკონომიკური და სოციალური ცვლილებებისთვის" ფარგლებში, დაიწყო ტრენინგების ციკლი კონკურსის შედეგად შერჩეული 9 იდეის ავტორი ორგანიზაციისთვის/ საინიციატივო ჯგუფისთვის. ტრენინგების ციკლი დაეხმარება შერჩეულ 9 იდეის ავტორ გუნდს სრული ბიზნეს გეგმის შექმნაში. სრულად... წყარო: ორგანიზაციის ვებ-გვერდი სოციალურ ქსელში

აჭარა. ახალგაზრდა მეცნიერთა კავშირმა „ინტელექტი" პროექტის - „მიგრანტთა მდგომარეობის გაუმჯობესება აჭარის რეგიონში" - შედეგების შემაჯამებელ ღონისძიება ქობულეთში, საზოგადოებრივ კოლეჯ „ახალ ტალღაში" გამართა. ამ პროექტის ფარგლებში, აჭარაში მცხოვრებ ეკოლოგიურ და შრომით მიგრანტებს „ინტელექტი" სთავაზობდა უფასო პროფესიულ სწავლება-გადამზადებას, უფასო იურიდიულ კონსულტაციასა და გრანტებს, მცირე ბიზნესის დაწყება-განვითარებისთვის. პროექტის მიმდინარეობის განმავლობაში დაფინანსდა 19 მცირე ბიზნესი და 2 სოციალური საწარმო; პროფესიული სწავლების საგრანტო პროგრამით, ორგანიზაციას 143 კურსდამთავრებული ყავს და სასწავლო პროგრამებს კიდევ 40 ბენეფიციარი გადის; იურიდიულ კონსულტაციებითა და სამართლებრივ დახმარებით 200-ზე მეტმა ბენეფიციარმა ისარგებლა. „ინტელექტის" ხელშეწყობით, ამავე პროექტის ფარგლებში, ე.წ. „ოცნების ქალაქში" ჩამოყალიბდა საზოგადოებრივი ორგანიზაცია „ოცნების ქალაქი", რომელიც იქ მცხოვრები მიგრანტების სოციალური და ეკონომიკური შესაძლებლობების გაძლიერებაზე იმუშავებს. „მიგრანტთა მდგომარეობის გაუმჯობესება აჭარის რეგიონში" ევროკავშირის ფინანსური მხარდაჭერით ხორციელდებოდა. პროექტს პარტნიორობას უწევდა დემოკრატიის ინსტიტუტი და ხანდაზმულ ქალთა ასოციაცია „ღირსეული სიბერე". სრულად  წყარო: ორგანიზაციის გვერდი სოციაკლურ ქსელში

აჭარა. დემოკრატიის ინსტიტუტმა პროექტის - „დასაქმებაზე ორიენტირებული განათლებისა და განვითარების სისტემის ამოქმედება აჭარაში" - შედეგების პრეზენტაცია გამართა. პროექტის ფარგლებში, საგანმანათლებლო და სტაჟირების პროგრამებში ჩართული იყო აჭარის ავტონომიურ რესპუბლიკაში მცხოვრები 1295 პირი (ახალგაზრდები, დიდი ხნის უმუშევრები, დაბალანაზღაურებად სამუშაოებზე დასაქმებულები და ა.შ.); საოჯახო ბიზნესის ამოქმედების/გაძლიერების კომპონენტის ფარგლებში, დაფინანსდა 161 საოჯახო ბიზნესი, რომელშიც ჩართულია 230 მოქალაქე; მომავალი პროფესიის არჩევის ხელშეწყობის კომპონენტში, საერთო ჯამში, სკოლებში გაიმართა 323 შეხვედრა, რომელშიც 8004 სკოლის მოსწავლე მონაწილეობდა. პროექტი ევროკავშირის მხარდაჭერით განხორციელდა. სრულად  წყარო: ორგანიზაციის გვერდი სოციალურ ქსელში

თბილისი. 3 თვიანი ტრენინგების კურსის შემდეგ ეკონომიკურმა მედია სკოლამ ჟურნალისტები დააჯილდოვა. „მედია სკოლის მიზანია ჟურნალისტებისთვის ფინანსური განათლების ამაღლება. ჟურნალისტებმა ეკონომიკის საფუძვლები სპეციალური კურსისა და სახელმძღვანელოების მიხედვით შეისწავლეს", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი

თბილისი. 30 ივნისს, სტრატეგიული კვლევებისა და განვითარების ცენტრმა ჩაატარა ტრენინგი „როგორ შევიმუშაოთ კომპანიის კორპორაციული სოციალური პასუხისმგებლობის სტრატეგია". „აღნიშნულ საკითხზე ტრენინგი პირველად ჩატარდა საქართველოში და მას ადგილობრივი მსხვილი ბიზნესის ოცი წარმომადგენლი ესწრებოდა. ტრენინგი ევროკავშირის პროექტის სამოქალაქო საზოგადოების განვითარების ინიციატივის" ფარგლებში გაიმართა, ასევე ღონისძიების მხარდამჭერია საქართველოს სახელმწიფო მინისტრის აპარატი ევროპულ და ევროატლანტიკურ სტრუქტურებში ინტეგრაციის საკითხებში. თანამედროვე მსოფლიოში სულ უფრო იზრდება კავშირი CSR-სა და ბიზნესის წარმატებას შორის. კორპორაციული სოციალური პასუხისმგებლობა გაიაზრება მენეჯმენტის მიდგომად, რომლის მეშვეობითაც კომპანიები უფრო მდგრადები, ეფექტურები, კონკურენტუნარიანები და წარმატებულები არიან. საქართველოსა და ევროკავშირის ინტეგრაცია ახალ შესაძლებლობებს უხსნის ქართულ კომპანიებს გაიტანონ საკუთარი პროდუქცია ევროპულ ბაზრებზე, მოიზიდონ მეტი ინვესტორი და ბიზნეს-პარტნიორი ევროპის ქვეყნებიდან", ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. პროექტის „სოციალური მეწარმეობა - ინოვაციური მიდგომა ეკონომიკური და სოციალური ცვლილებებისთვის” ფარგლებში დაიწყო ტრენინგების ციკლი კონკურსის შედეგად შერჩეული 9 იდეის ავტორი ორგანიზაციისთვის/საინიციატივო ჯგუფისთვის. „ტრენინგების ციკლი დაეხმარება შერჩეულ 9 იდეის ავტორ გუნდს სრული ბიზნეს გეგმის შექმნაში. პროექტს ახორციელებენ საქართველოს სტრატეგიული კვლევებისა და განვითარების ცენტრი განათლების განვითარების და დასაქმების ცენტრი ASB Georgia", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. კავშირი „საფარი" ბენეფიციარებს ეკონომიკურ უფლებებზე სამართლებრივ დახმარებას გაუწევს. „ამ პროექტის ფარგლებში, ჩვენ ვმუშაობთ ქალთა უფლებების დაცვაზე. აქ მოიაზრება ის უფლებები, რომლებიც დაკავშირებულია ადამიანის პირად ცხოვრებასთან და შეეხება, მაგალითად, ქორწინების თემას, საქორწინო-საოჯახო ურთიერთობებს, მეუღლეებს შორის ქონების გაყოფის, ასევე, ბავშვებთან მშობლების ურთიერთობის, ბავშვების სასარგებლოდ ალიმენტის/ბავშვების რჩენისთვის აუცილებელი ხარჯების ანაზღაურების თემებს და ა.შ", ნათქვამია ორგანიზაციის ვებ-გვერდზე. სრულად... წყარო: sapari.ge

თბილისი. 20 ივნისს საქართველოს პარლამენტის შენობაში, გაიმართა პრეზენტაცია თემაზე „სოციალური მეწარმეობა და მისი სამართლებრივი რეგულირების საჭიროება". პრეზენტაციას ესწრებოდნენ ამ მიმართულებით მომუშავე არასამთავრობო ორგანიზაციები, სოციალური მეწარმეები, ექსპერტები, საპარლამენტო და სამთავრობო უწყებების წარმომადგენლები. მონაწილეებმა განიხილეს სოციალური საწარმოს ერთმნიშვნელოვანი განმარტების შემუშავების აუცილებლობის საკითხი, რეკომენდაციები არსებული საკანონმდებლო ჩარჩოს ცვლილების თაობაზე და სხვა თემები. ღონისძიების მიზანს სახელმწიფოს მხრიდან სოციალური საწარმოების მხარდაჭერის შესაძლო მექანიზმების საუკეთესო საერთაშორისო პრაქტიკის ანალიზი და შესაბამისი რეკომენდაციების შემუშავება წარმოადგენდა. პრეზენტაცია გაიმართა პროექტის - „სოციალური მეწარმეობა- ინოვაციური მიდგომა ეკონომიკური და სოციალური ცვლილებებისთვის" ფარგლებში, რომელსაც, ევროკავშირის დაფინანსებით, საქართველოს არბაითერ-სამარიტერ-ბუნდი (ASB), საქართველოს სტრატეგიული კვლევებისა და განვითარების ცენტრი (CSRDG) და განათლების განვითარების და დასაქმების ცენტრი (KEDEC) ახორციელებენ. სრულად წყარო: საქართველოს არბაითერ-სამარიტერ-ბუნდის ოფიციალური ფეისბუქგვერდი

თბილისი. 2017 წლის 16 ივნისს, საერთაშორისო ორგანიზაციამ „ადამიანი გაჭირვებაში" (PIN) და „საქართველოს ახალგაზრდა ეკონომისტთა ასოციაციამ" წარმოადგინეს კვლევის ანგარიში „აგრობიზნესის საჭიროებების შეფასება". კვლევა განხორცილდა ევროკავშირის მხარდაჭერით, სოფლისა და სოფლის მეურნეობის განვითარების ევროპის სამეზობლო პროგრამის (ENPARD) ხელშეწყობით, ორგანიზაცია PIN-ის პროექტის - „მცირე ფერმერული კოოპერატივების მწარმოებლურობის გაძლიერება იმერეთისა და რაჭის რეგიონებში” ფარგლებში. ღონისძიებას ესწრებოდნენ ევროკავშირის დელეგაციის, სოფლის მეურნეობის სამინისტროს, საქართველოს ეკონომიკისა და მდგრადი განვითარების სამინისტროს წარმომადგენლები, ფერმერები და სამოქალაქო სექტორის წარმომადგენლები. სრულად წყარო: „საქართველოს ახალგაზრდა ეკონომისტთა ასოციაციის" ოფიციალური ფეისბუქგვერდი

აჭარა. დღეს დასრულდა სემინარები მეღვინეობაში, რომელსაც ასოციაცია „ღირსეული სიბერე" ევროკავშირის დაფინანსებით ახორციელებდა. სემინარებზე განხილული იქნა ღვინის დაყენების ტრადიციული მეთოდები, ქვევრში ღვინის დაყენების ტექნოლოგია, თეთრი და წითელი ღვინოები და ჭაჭის გამოყენება. სემინარის შემდეგ, ბენეფიციარები გვარის აგროსერვისცენტრის ღვინის სახლს და დგილობრივ ფერმერს ესტუმრნენ. სემინარი პროექტის - „დასაქმებაზე ორიენტირებული განათლებისა და განვითარების სისტემის ამოქმედება აჭარაში" ფარგლებში ჩატარდა. სრულად წყარო: ორგანიზაციის ოფიციალური ფეისბუქგვერდი

თბილისი. საქართველოს წამყვანი ბიზნეს გაერთიანებები კონსტიტუციის 94-ე მუხლთან დაკავშირებით საგანგებო განცხადებას ავრცელებენ. „რამდენადაც ჩვენთვის ცნობილია, საქართველოს კონსტიტუციაში დაგეგმილი ცვლილებების პროცესში ჯერ კიდევ განიხილება შესაძლებლობა, რომ გაუქმდეს კონსტიტუციის 94-ე მუხლი, რომლის თანახმადაც ახალი გადასახადის შემოღება ან გადასახადის განაკვეთის გაზრდა დასაშვებია მხოლოდ რეფერენდუმის გზით. ჩვენ, წამყვანი ბიზნეს გაერთიანებები, მივიჩნევთ, რომ კონსტიტუციის 94-ე მუხლის არსებული ფორმით შენარჩუნება აუცილებელია ქვეყნის ეკონომიკური ზრდის და განვითარებისთვის, სტაბილური ბიზნეს და საინვესტიციო გარემოს შენარჩუნებისათვის", ნათქვამია განცხადებაში. სრულად... წყარო: www.bm.ge

თბილისი. საქართველოს პარლამენტმა გადასახადების გაზრდის და ახლის შემოღების პროცესში მოსახლეობის ჩართულობაზე შესაძლოა უარი თქვას. „ვფიქრობთ, რომ გადასახადების გაზრდასთან დაკავშირებულ პროცესში მოსახლეობის ჩართულობა მთავრობის და პარლამენტის მხრიდან განსაკუთრებულ ანგარიშვალდებულებაზე მიუთითებს. მოქალაქეებს უნდა შეუნარჩუნდეთ არსებული უფლება - მიიღონ გადაწყვეტილება გადასახადის ახალი სახის შემოღებისა თუ ზედა ზღვრის გაზრდის შესახებ, და შესაბამისად უნდა გამოირიცხოს მთავრობის მიერ ამ საკითხზე გადაწყვეტილების ერთპიროვნულად მიღების შესაძლებლობა", ნათქვამია ორგანიზაციის ვებ-გვერდზე. სრულად... წყარო: www.transparency.ge

ქვემო ქართლი. „ქალთა ფონდი საქართველოში”-ს დაფინანსებით, თეთრიწყაროს ახალგაზრდულმა ცენტრმა ორგანიზება გაუწია გოგონათა ბანაკს პროექტის „ძლიერი ქალი დედამიწის გადასარჩენად” ფარგლებში.  „ორგანიზატორებმა შეარჩიეს 10 სოფელი, სადაც ჩაატარეს საინფორმაციო კამპანია - მოსახლეობას მიაწოდეს ინფორმაცია პროექტზე, სადაც ძირითადად ისაუბრეს შემდეგ თემებზე: გენდერული თანასწორობა, ნარჩენის მართვა და სხვ. ტრენინგები ჩატარდა ისეთ საკითხებზე, როგორიცაა: გენდერული თანასწორობა, პროექტის წერა, ლიდერობა, გუნდური მუშაობა, მოხალისეობა, პირველადი დახმარება”, ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. არასამთავრობო ორგანიზაცია საზოგადოება და ბანკების ტრენინგი „რჩევები მომხმარებლებს" კავკასიის უნივერსიტეტის სტუდენტებისთვის გაიმართა. „ორგანიზაციის წარმომადგენელი მსმენელებს საბანკო პროდუქტებისა და მომსახურების პირობებზე ესაუბრა. შეხვედრის ძირითადი თემა საკრედიტო პროდუქტები იყო, ტრენინგზე ყურადღება დაზოგვის კულტურის წახალისებაზეც გამახვილდა", ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. ეკონომიკურ მედია სკოლას „ახალი პოლიტიკური ცენტრი - გირჩის" ლიდერი ესტუმრა. „ზურაბ ჯაფარიძემ ეკონომიკურ თავისუფლებეზე და სწრაფი ზრდის მნიშვნელობაზე ისაუბრა. სტუმარმა მედია სკოლის მსმენელების შეკითხვებსაც უპასუხა. ეკონომიკური მედია სკოლის მიზანია ჟურნალისტების ფინანსური განათლების ამაღლება, ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში