თბილისი. ორგანიზაცია „განიარაღება და არაძალადობა" (DAN), BST ფინანსური ხელშეწყობით, ქალებს უფასო იურიდიულ დახმარებასა და ბიზნეს-კონსულტაციებს სთავაზობს. ეს შეთავაზება მხარდაჭერილია პროექტის, "Women for Cross-border Cooperation” ფარგლებში და ეხება ქალებს, რომლებსაც აქვთ ბიზნესი ან ბიზნეს-იდეა და ბიზნეს და იურიდიულ კონსულტაციებს საჭიროებენ. ბიზნეს-კონსულტაციები ჩატარდება ყოველ ორშაბათს და ხუთშაბათს 11:00 -17:00 საათზე; ხოლო იურიდიული კონსულტაციები - ყოველ ორშაბათს და სამშაბათს. მისამართი: თბილისი, ხორავას ქ. 7, მე-3 სართული, ოთახი 5. შესაძლებელია ონლაინ-კონსულტაციების გამართვაც, ელ-ფოსტაზე: info@dan.org.ge კონსულტაციებისთვის საჭიროა წინასწარი ჩაწერა ნომრებზე 551 155 593 და 599 700 632, ან ელ-ფოსტით: info@dan.org.ge სრულად  წყარო: ორგანიზაციის გვერდი სოციალურ ქსელში

თბილისი. არასამთავრობო ორგანიზაცია საზოგადოება და ბანკების მედია სკოლის მერვე ნაკადის მსმენელებს სერტიფიკატები გადაეცათ. „სასწავლო კურსი 2 თვის განმავლობაში გრძელდებოდა და მისი მიზანი ჟურნალისტებისთვის ფინანსური განათლების ამაღლება იყო”, ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. „ახალგაზრდა ფინანსისტთა ბიზნესმენთა ასოციაცია - აფბა"-ს შეფასებით, „მიუხედავად ონლაინ სესხების გამცემი კომპანიების მიმართ ეროვნული ბანკის მიერ დაწესებული რეგულაციებისა, აღნიშნული ბიზნესის წარმომადგენლები კვლავ აგრძელებენ მოსახლეობის ძარცვას. ონლაინ სესხების გამცემი კომპანიები მომხმარებლის უფლებების ხარჯზე ამ რეგულაციების გვერდის ავლას და საამისოდ სხვადასხვანაირი სქემის დამკვიდრებას ცდილობენ". „აფბას" პოზიციით, უცილებლად უნდა მოხდეს კომპანიების მიერ თვითნებურად დაწესებული საკომისიოების გაუქმება. სრულად... წყარო: ორგანიზაციის ვებგვერდი სოციალურ ქსელში

თბილისი. „საზოგადოება და ბანკები" აქვეყნებს ინფორმაციას, რომლის თანახმადაც 35530 მომხმარებელს რეფინანსირების განაკვეთზე მიბმულ სესხებზე საპროცენტო განაკვეთი ეზრდება. „რეფინანსირების განაკვეთის ზრდა გამოწვეულია მიმდინარე ინფლაციის მაჩვენებლის ზრდით. „საზოგადოება და ბანკების" აზრით, სხვა თანაბარ პირობებში ერთჯერადი ფაქტორები ამოიწურება და ინფლაცის მაჩვენებელი შემცირდება 2018 წლის დასაწყისიდან. იმ პირობებში, როდესაც 100 000 ლარამდე სესხების გაცემა უცხოურ ვალუტაში შეზღუდულია, საპროცენტო განაკვეთების ზრდა მოკლევადიან პერიოდში უარყოფითად აისახება ფინანსური რესურსების ხელმისაწვდომობაზე და ერთობლივ მოთხოვნაზე. ვფიქრობთ, მომდევნო პერიოდებში, სეზონური და ერთჯერადი ფაქტორების ამოწურვის შემდგომ, საჭირო იქნება რეფინანსირების განაკვეთის შემცირება ერთობლივი მოთხოვნის სტიმულირებისათვის", ნათქვამია ორგანიზაციის ვებგვერდზე. სრულად... წყარო: sab.ge

თბილისი. დასრულდა ტრენინგების სერია: „ანტიდასავლური პროპაგანდის შეკავება ევრო-ატლანტიკური ინტეგრაციის ეკონომიკური ასპექტების შესახებ განათლების გაძლიერების გზით". „ტრენინგები ეკონომიკური პოლიტიკის კვლევის ცენტრმა, განათლების სამინისტროსთან თანამშრომლობით, საქართველოს ოთხ ქალაქში (რუსთავი, თელავი, ახალციხე, ბათუმი) საჯარო სკოლების, სამოქალაქო განათლების პედაგოგებისთვის ჩაატარა. შემდეგ ეტაპზე მოსწავლეებისთვის გამოცხადდება ესეების კონკურსი. გამარჯვებული მოსწავლე და მისი სამოქალაქო განათლების პედაგოგი თებერვალში გაემგზავრება ზამთრის სკოლაში", ნათქვამია ორგანიზაციის ვებგვერდზე სოციალურ ქსელში. სრულად... წყარო" ორგანიზაციის ვებგვერდი სოციალურ ქსელში

იმერეთი. „საზოგადოება და ბანკებმა" ქუთაისში ადგილობრივ მოსახლეობას ფინანსური პირამიდების შესახებ კვლევის პრეზენტაცია წარუდგინა და მის საფრთხეებზე ესაუბრა. სრულად... წყარო: ორგანიზაციის ვებგვერდი სოციალურ ქსელში

თბილისი. 8 დეკემბერს, გაიმართა „საფარის" მიერ განხორციელებული კვლევის „ქალთა ეკონომიკური გაძლიერება საქართველოში: არსებული პოლიტიკის და ინიციატივების ანალიზი" ანგარიშის წარდგენა. „კვლევა მიზნად ისახავდა საქართველოში ბოლო 10 წლის განმავლობაში განხორციელებული ქალთა ეკონომიკური გაძლიერების პროგრამებისა და ინიციატივების მიმოხილვას და შესაბამისი რეკომენდაციების შემუშავებას. ქვეყანაში ქალთა დაბალი ეკონომიკური აქტიურობის მიზეზებს შორის, კვლევამ შეზღუდული წვდომა ფინანსურ რესურსებზე და ქალთა ეკონომიკური გაძლიერების ერთიანი სახელმწიფო პოლიტიკის არარსებობა დაასახელა", ნათქვამია ორგანიზაციის ვებგვერდზე. სრულად... წყარო: sapari.ge

თბილისი. „სამართლიანი არჩევნებისა და დემოკრატიის საერთაშორისო საზოგადოება" (ISFED) აქვეყნებს ახალ პოლიტიკის დოკუმენტს - „ციფრული ეკონომიკა: ახალი შესაძლებლობები ევროკავშირში მეტი ინტეგრაციისთვის". „სავიზო ლილბერალიზაციის მიღების შემდეგ, საქართველოს დღის წესრიგში, ევროკავშირთან ურთიერთობების მხრივ, უფრო შორს მიმავალი და ამბიციური გეგმები დადგა. ქვეყნის საბოლოო მიზანი გაერთიანების წევრობაა. ამასთან ერთად, მნიშვნელოვანია, ორივე მხარემ აღმოაჩინოს თანამშრომლობის ჯერ კიდევ აუთვისებელი სფეროები, უზრუნველყოს ორმხრივი სარგებელი და ინტეგრაციის კიდევ უფრო გაღრმავება. საქართველოში ციფრული ეკონომიკის განვითარება და ევროკავშირის ერთიან ბაზართან ჰარმონიზება სწორედ ერთ-ერთი ამგვარი სფეროა", - ნათქვამია დოკუმენტის შესავალში. სრულად წყარო: ორგანიზაციის ვებგვერდი

თბილისი. 30 ნოემბერს გაიმართა მასტერკლასი: „კომპანია, როგორც პასუხისმგებელი დამსაქმებელი". „მასტერკლასს დაესწრო საქართველოში მოქმედი საშუალო და მსხვილი ბიზნეს კომპანიების 20 წარმომადგენელი. ტრენინგი გაიმართა ფორუმ „კორპორაციული სოციალური პასუხისმგებლობა და შრომითი სტანდარტები"- ფარგლებში", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. 30 ნოემბერს, გაიმართა ფორუმი: „კორპორაციული სოციალური პასუხისმგებლობა და შრომითი სტანდარტები". „ფორუმის მსვლელობისას ადგილობრივი და საერთაშორისო ექსპერტები საუბრობდნენ ისეთი მნიშვნელოვანი საკითხების გარშემო, როგორიცაა საქართველოში შრომითი სტანდარტების დაცვა, სამუშაო გარემოს გაუმჯობესება და საერთაშორისო მოთხოვნების დაკმაყოფილება. ჩვენი მიზანი იყო ფორუმის საშუალებით, კორპორაციული სოციალური პასუხისმგებლობის მნიშვნელობის წარმოჩენა შრომითი სტანდარტების დანერგვასა და საერთაშორისო ხელშეკრულებების მოთხოვნათა შესრულებაში; ევროპული ქვეყნების გამოცდილების გაზიარება და საკითხის გარშემო დისკურსის სტიმულირება", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. 4 დეკემბერს, ომბუდსმენმა ევროკავშირისა და გაეროს განვითარების პროგრამის (UNDP) ერთობლივი პროექტის „ადამიანის უფლებები ყველასთვის" მხარდამჭერით საერთაშორისო კონფერენცია გამართა თემაზე - „ბიზნესი და ადამიანი უფლებები". „კვლევა, მოიცავს ბიზნესისა და ადამიანის უფლებების თემასთან დაკავშირებულ სხვადასხვა საკითხს, როგორც კანონმდებლობის, ისე პრაქტიკის ანალიზს. უნდა აღინიშნოს, რომ სწორედ ამ კვლევის შედეგები დაედო საფუძვლად ბიზნესისა და ადამიანის უფლებების შესახებ სამწლიან სამოქმედო გეგმას, რომელიც ადამიანის უფლებების დაცვის შესახებ სამთავრობო სამოქმედო გეგმის ნაწილი გახდა", ნათქვამია განცხადებაში. სრულად... წყარო: ombudsman.ge

თბილისი. ორგანიზაცია „განიარაღება და არაძლადობის" ორგანიზებით, 22 დეკემბერს თბილისში გაიმართება ერთდღიანი ტრენინგი ქალებისთვის, თემაზე: ,,ბიზნეს მენეჯმენტი". კონკრეტული სწავლების გარდა, ტრენინგში მონაწილეებს გაეწევათ უფასო კონსულტაცები ბიზნეს-გეგმის დაწერაში და უფასო იურიდიული დახმარება. ტრენინგის ყველა მონაწილეს გადაეცემა სერტიფიკატი. ამასთან, მათ მიეცემა შესაძლებლობა მონაწილეობა მიიღონ რეგონულ ფორუმში, რომელშიც, ასევე, მონაწილეობენ მეწარმე ქალები ჩრდილოეთ კავკასიიდან. კონკურსში მონაწილეობის მსურველებმა სამოტივაციო წერილი, არაუგვიანეს 15 დეკემბრისა, უნდა გააგზავნონ შემდეგ ელექტრონულ მისამართზე: info@dan.org.ge ან rimma.gelenava@gmail.com ტრენინგი ტარდება პროექტის - "Women for Cross-border Cooperation” - ფარგლებში, რომელიც დაფინანსებულია BST მიერ. სრულად წყარო: ორგანიზაციის გვერდი სოციალურ ქსელში

პროექტის „სოციალური მეწარმეობა – ინოვაციური მიდგომა სოციალური და ეკონომიკური ცვლილებებისთვის” ფარგლებში, „იდეების კონკურსში” შერჩეული მეწარმეებისთვის კონკურსის მეორე ეტაპი დასრულდა. „მეორე ეტაპზე, იდეების კონკურსის საფუძველზე შერჩეულ კონკურსანტებს შესაძლებლობა ჰქონდათ გაევლოთ ერთთვიანი ტრენინგ კურსი სოციალური საწარმოს დაფუძნებისათვის და წარმატებული ფუნქციონირებისათვის საჭირო ყველა თემაზე. მონაწილეებს კურსის დასრულების სერტიფიკატები გადაეცათ. შემდეგ ეტაპზე ექსპერტების დახმარებით კონკურსანტები ბიზნეს გეგმებს შეადგენენ. საიდანაც საგრანტო კომისია დასაფინანსებლად 4 ან 5 საუკეთესო ბიზნეს გეგმას შეარჩევს”, ნათქვამია ორგანიზაციის ვებგვერდზე. სრულად... წყარო: ორგანიზაციის ვებგვერდი სოციალურ ქსელში

2017 წლის 18-26 ნოემბერს, GIPA-ს და ახალქალაქის ადგილობრივი განვითარების ჯგუფის (LAG) წევრები სასწავლო ვიზიტით ირლანდიაში, დასავლეთ კორკის რეგიონში იმყოფებოდნენ. ვიზიტის მიზანი იყო LEADER-ის გამოცდილების გაზიარება, არსებული გამოწვევების განხილვა, LAG-ების სტრუქტურის, მუშაობის პრინციპების გაცნობა და დამატებითი ფონდების მოძიება პრაქტიკის გაცნობა. ირლანდიას ამ მიმართულებით 25-წლიანი გამოცდილება აქვს. სასწავლო ვიზიტი განხორციელდა ევროკავშირის მხარდაჭერით, ENPARD-ის პროექტის "სოფლის განვითარების ახალი მიდგომის ხელშეწყობა ახალქალაქში” ფარგლებში, რომელსაც ახორციელებს საქართველოს საზოგადოებრივ საქმეთა ინსტიტუტი (GIPA), ორგანიზაცია Mercy Corps-თან, ELVA საზოგადოებრივი ჩართულობასთან და დასავლეთ კორკის განვითარების პარტნიორობასთან ერთად. სრულად  წყარო: ორგანიზაციის ვებგვერდი

პროექტის: „სოციალური მეწარმეობა - ინოვაციური მიდგომა სოციალური და ეკონომიკური ცვლილებებისთვის” ფარგლებში, „იდეების კონკურსში” შერჩეული მეწარმეებისთვის კონკურსის მეორე ეტაპი დაიწყო. „მეორე ეტაპზე, იდეების კონკურსის საფუძველზე შერჩეული კონკურსანტები ამჯერად ფინანსური მენეჯმენტის ინტენიურ ტრენინგ კურსს გადიან. ექსპერტების დახმარებით კონკურსანტები ბიზნეს გეგმებს შეადგენენ. საიდანაც საგრანტო კომისია დასაფინანსებლად 4 ან 5 საუკეთესო ბიზნეს გეგმას შეარჩევს. პროექტი „სოციალური მეწარმეობა – ინოვაციური მიდგომა სოციალური და ეკონომიკური ცვლილებებისთვის” ხორციელდება საქართველოს სტრატეგიული კვლევებისა და განვითარების ცენტრის, განათლების განვითარების და დასაქმების ცენტრის (#KEDEC) და საქართველოს არბაითერ სამარიტერ ბუნდის მიერ მიკროსაფინანსო ორგანიზაცია „კრისტალის" პარტნიორობით”, ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. ეკონომიკურ მედია სკოლას გიორგი ქადაგიძე ესტუმრა. „ეროვნული ბანკის ყოფილმა პრეზიდენტმა საქართველოს ეკონომიკური განვითარების პერსპექტივაზე ისაუბრა. გიორგი ქადაგიძემ მედია სკოლის მსმენელების შეკითხვებსაც უპასუხა. ეკონომიკური მედია სკოლის მიზანია ჟურნალისტების ფინანსური განათლების ამაღლება. მსმენელები ეკონომიკის საფუძვლებს სპეციალური კურსის მიხედვით შეისწავლიან. მედია სკოლა, სასწავლო კურსის განმავლობაში, სხვა მოწვეულ სტუმრებსაც უმასპინძლებს", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. ევროპის ფონდი TBC BANK - თიბისი ბანკთან თანამშრომლობით სოციალური საწარმოებისთვის ტრენინგს „როგორ შევადგინოთ ბიზნესგეგმა" ატარებს. „ტრენინგის ფარგლებში ევროპის ფონდის მიერ სოციალური საწარმოს შექმნის ან არსებული სოციალური საწარმოს გაუმჯობესების მხარდასაჭერად გამოცხადებული საგრანტო კონკურსის მეორე ეტაპზე გადასული სამოქალაქო საზოგადოების ორგანიზაციები გაეცნობიან ბიზნესგეგმის შედგენის ძირითად პრინციპებს. სრულად... წყარო: ორგანიზაციის ვებგვერდი სოციალურ ქსელში

ქვემო ქართლი. ევროკავშირის მიერ მხარდაჭერილი პროექტის, „სოფლის მდგრადი განვითარება თეთრიწყაროს მუნიციპალიტეტში", ფარგლებში, ოგანიზაცია RDFG-იმ დასაქმების პროგრამის პირველი ფაზა დაიწყო. მონაწილეობის მსურველთაგან 20 სამუშაოს მაძიებელი შეირჩა, რომლებიც 5 თვის განმავლობაში პროგრამის ფარგლებში სხვადასხვა აქტივობაში მიიღებენ მონაწილეობას. ისინი დასაქმებისათვის საჭირო უნარებს განივითარებენ და კარიერის დაგეგმვას ისწავლიან. ევროკავშირის მიერ მხარდაჭერილი RDFG-ის პროექტი „სოფლის მდგრადი განვითარება თეთრიწყაროს მუნიციპალიტეტში" სოფლისა და სოფლის მეურნეობის განვითარების ევროპის სამეზობლო პროგრამის ENPARD-ის მეორე ფაზის ფარგლებში ხორციელდება. ENPARD II სოფლის განვითარების ევროპულ მოდელს „ლიდერს” (LEADER) იყენებს. მისი მიზანია, სოფლის განვითარებაში ჩართოს ადამიანები, როგორც განმახორციელებელი პირები და არა როგორც მოსარგებლეები. აღნიშნული მიდგომით შესაძლებელი ხდება სოფლის სამომავლო განვითარება, რისთვისაც კონკრეტულ ტერიტორიაზე ადგილობრივი განვითარების ჯგუფები (LAG) იქმნება, როგორც პარტნიორობა კერძო, საჯარო და სამოქალაქო სექტორებს შორის. პროექტის პარტნიორები არიან აგრო-ტექნოლოგიების ასოციაცია (ATA), ლიტვის განვითარების ჯგუფების ქსელი (VVGT) და ლიტვის სოფლის მეურნეობის სამინისტრო. სრულად  წყარო: ორგანიზაციის ვებგვერდი

თბილისი. ათასწლეულის გამოწვევის ფონდის პროექტის „პროფესიული განათლება ეკონომიკის განვითარებისთვის" საგრანტო კონკურსის ფარგლებში, „სპექტრი" უახლესი სტანდარტების ლაბორატორიებით აღიჭურვა. „ელექტროობის, კონდიცირების, შედუღებისა და მიწისქვეშა კომუნიკაციების ლაბორატორიები პირველია საქართველოში და ამ სტანდარტებით სწავლება მხოლოდ „სპექტრში" იქნება შესაძლებელი", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. სამოქალაქო განვითარების სააგენტო (სიდა) მეწარმე ქალების ეკონომიკური გაძლიერებისთვის ახალ პროექტს იწყებს. „ახალი პროექტი, რომელსაც ორგანიზაცია იწყებს ქალი მეწარმეების ეკონომიკურ გაძლიერებას ისახავს მიზნად და მოიცავს რამდენიმე ეტაპს: ქალი მეწარმეების შერჩევა და მათი საჭიროებების გამოვლენა, ბენეფიციარების გადამზადება, მენტორინგის პროგრამაში მათი ჩართვა და მათზე მცირე გრანტების გაცემა. პროექტის ფარგლებში 20 მეწარმე ქალი მსხვილი ბიზნეს კომპანიებისგან მიიღებს კონსულტაციას/მენტორინგს მათი საწარმოების განვითარების საკითხებზე, ასევე გაივლის ტრენინგს ბიზნეს მენეჯმენტის მიმართულებით. პროექტის მეორე ეტაპი მოიცავს 10 მეწარმე ქალისთვის მცირე გრანტების გაცემას, მათი ბიზნესის განვითარების ხელშეწყობის მიზნით", ნათქვამია ორგანიზაციის ვებგვერდზე. სრულად... წყარო: www.cida.ge

თბილისი. არასამთავრობო ორგანიზაცია „საზოგადოება და ბანკების" ეკონომიკურ მედია სკოლაში სწავლა დაიწყო. „ტრენინგებს საქართველოს ეროვნული ბანკის პრეზიდენტის მრჩეველი, მოაზროვნე გიორგი ბაქრაძე ჩაატარებს. სკოლას მოწვეული სტუმრებიც ეყოლება. მედია სკოლის მიზანია ჟურნალისტების ფინანსური განათლების ამაღლება. მსმენელები ეკონომიკის საფუძვლებს სპეციალური კურსის მიხედვით შეისწავლიან. სასწავლო კურსი, რომელიც 2 თვის განმავლობაში გაგრძელდება, უფასოა და მისი დასრულების შემდეგ, წარმატებულ კურსდამთავრებულებს სერტიფიკატები გადაეცემათ", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. 18 ოქტომბერს, საქართველოს ფერმერთა ასოციაციამ (GFA), პარტნიორ ორგანიზაციებთან ერთად, ახალი პროექტის „სურსათისა და სოფლის მეურნეობის დარგში მცირე და საშუალო საწარმოების მხარდამჭერი ინიციატივა" პრეზენტაცია გამართა. „FASSI-ის ხანგრძლივობა 2 წელია და მისი მიზანი სურსათისა და სოფლის მეურნეობის დარგში ბიზნესის მხარდამჭერი ორგანიზაციების (BSO) გაძლიერებაა, რათა მათ შემდგომში გაუწიონ ეფექტური დახმარება თავიანთ წევრ მცირე და საშუალო საწარმოებს (SME) ისეთ საკითხებში როგორიცაა: ახალი რეგულაციების დაკმაყოფილება, ევროკავშირის ბაზარზე ხელმისაწვდომობა და საქმიანი ურთიერთობების გაუმჯობესება როგორც ქვეყნის შიგნით, ისე ქვეყნის გარეთ. პროექტი ასევე ითვალისწინებს, ევროკავშირთან ღრმა და ყოვლისმომცველი თავისუფალი სავაჭრო სივრცის (DCFTA) თემატიკასთან დაკავშირებით BSO-ების საჯარო და კერძო სექტორს შორის დიალოგში ჩართვას და მათი როლის გაზრდას დარგის სტრატეგიისა და რეკომენდაციების შემუშავების პროცესში", ნათქვამია სამოქალაქო განვითარების სააგენტოს ვებგვერდზე. სრულად... წყარო: www.cida.ge