თბილისი. სამოქალაქო საზოგადოების ინსტიტუტმა „გამოყენებითი კვლევების ხელშეწყობა საქართველოს რეგიონული განვითარებისთვის" (GARF – RD) პროექტის ფარგლებში გამოსცა პირველი პუბლიკაცია „პოლიტიკის დოკუმენტები". ეს პუბლიკაცია წარმოადგენს რეგიონული განვითარების პროგრამის ფარგლებში შექმნილი საჯარო პოლიტიკის დოკუმენტების პირველ ტომს და მოიცავს ხუთი პოლიტიკის დოკუმენტს ისეთ თემებზე, როგორიცაა: 1.საზღვრისპირა, ტრანსსასაზღვრო და ტრანსეროვნული რეგიონული თანამშრომლობა 2.ტერიტორიული ოპტიმიზაცია - ურბანული და სასოფლო განვითარება 3.რეგიონული და ინფრასტრუქტურული განვითარების პოლიტიკის შესაბამისობა ევროკავშირის ასოცირების ხელშეკრულების პრიორიტეტებთან 4.ადგილობრივი ტრანსპორტი 5.კომუნალური სფერო - წყალმომარაგება წინამდებარე პუბლიკაცია განკუთვნილია, როგორც საქართველოს ცენტრალური და ადგილობრივი ხელისუფლების წარმომადგენლებისთვის, ასევე ქართული და საერთაშორისო ანალიტიკური ცენტრებისა და აკადემიური წრეებისთვის, რათა საქართველოს რეგიონული განვითარების შესახებ მსჯელობა ფართო დისკუსიის საგანი გახდეს. პუბლიკაცია მომზადებულია სამოქალაქო საზოგადოების ინსტიტუტის მიერ, ევროკავშირის ფინანსური მხარდაჭერით. მის შინაარსზე პასუხისმგებლობას იღებენ ავტორი ორგანიზაციები: „ფონდი კავკასიის უნივერსიტეტი", „გორის საინფორმაციო ცენტრი", „ეკონომიკური პოლიტიკის კვლევის ცენტრი" (EPRC), „საქართველოს სტრატეგიული კვლევებისა და განვითარების ცენტრი" (CSRDG), „მდგრადი განვითარების საერთაშორისო ფონდი - საქართველო.” პოლიტიკის დოკუმენტები...

თბილისი. ახალგაზრდა ფინანსისტთა და ბიზნესმენთა ასოციაციამ ეროვნული ბანკის საკითხზე ბრიფინგი გამართეს. შეხვედრაზე, ორგანიზაციის წარმომადგენლებმა რეფინანსირების სესხების მოცულობაზე გააკეთეს აქცენტი. „...რეფინანსირების, ასევე მუდმივმოქმედი და ერთდღიანი სესხების მოცულობის მკვეთრმა ზრდამ, 855 მილიონი ლარიდან 1,120 მილიარდ ლარამდე გასულ კვირაში ლარის კურსზე ნეგატიურად იმოქმედა და ლარი რამდენიმე პუნქტით გაუფასურდა...", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. არასამთავრობო ორგანიზაციები ერთობლივი განცხადებით მიმართავენ საქართველოში ევროკავშირის წარმომადგენლობის ხელმძღვანელს. „საქართველოში მოქმედი არასამთავრობო ორგანიზაციები შეშფოთებულები ვართ 27 ივნისს პარლამენტის მიერ პირველი მოსმენით მიღებული კანონპროექტის გამო, რომელიც „ეროვნული ბანკის შესახებ" ორგანულ კანონში ცვლილებების შეტანას და საქართველოს ეროვნული ბანკისთვის საფინანსო სექტორის ზედამხედველობის ფუნქციის ჩამორთმევას გულისხმობს. ... მოგმართავთ თხოვნით, რომ მკაფიოდ განგვიმარტოთ საქართველოსთვის რა შესაძლო შედეგი შეიძლება დადგეს, თუკი დაირღვევა ასოცირების ხელშეკრულების ის ნაწილი, რომელიც ეროვნულ ბანკს უკავშირდება..”, ნათქვამია განცხადებაში. სრულად... წყარო: sab.ge

კახეთი. თელავში, ასოციაციის „ქალი და ბიზნესის" ორგანიზებით ჩატარდა სამუშაო შეხვედრა - გენდერული თანასწორობა და ქალთა ჩართულობის გაზრდა აგრობინზნესში. შეხვედრის მიზანია ადგილობრივი მოსახლეობის ინფორმირება გენდერული თანასწორობისა და სასოფლო–სამეურნეო საქმიანობაში ქალთა როლის გაძლიერების ხელშეწყობა. ასევე მათი პრობლემებისა და საჭიროებების შესახებ ინფორმაციის მიღება, რომელთა გადაჭრა ხელს შეუწყობს ქალთა წვლილის გაზრდას სოფლის მეურნეობაში, მათ ეკონომიკურ გაძლიერებას. ასოციაცია „ქალი და ბიზნესი" და საქართველოს ბიზნესის განვითარების ცენტრი ბრიტანული საქველმოქმედო ორგანიზაციის ოქსფამ-საქართველოს ფინანსური მხარდაჭერით ერთობლივად ახორციელებენ პროექტს „ძლიერი ქალები სოფლად". პროექტის მიზანია ქალთა ლიდერობის ხელშეწყობა სოფლის მეურნეობის მდგრადი განვითარებისა და ეკონომიკური ზრდისათვის - ცნობიერების ამაღლების კამპანიის მეშვეობით. პროექტი ხორციელდება ევროპის სამეზობლო პროგრამის „სოფლის მეურნეობის და სოფლის განვითარებისათვის „ENPARD”- ის ფარგლებში (პროგრამის ვებგვერდი: www.enpard.ge). პროგრამას აფინანსებს ევროკავშირი (EU).

თბილისი. 26 ივნისს „პირველი-ს" პრეს–კლუბში, ახალგაზრდა ფინანსისტთა და ბიზნესმენთა ასოციაცია „აფბამ" ბრიფინგი გამართა. მსოფლიო ბაზარზე ნავთობის ფასის გაიაფებისა და ეროვნული ვალუტის გამყარების მიუხედავად, საქართველოში საწვავის ფასი არ იცვლება. ორგანიზაციის ანალიტიკოსმა განაცხადა, რომ ახალგაზრდა ფინასისტთა და ბიზნესმენთა ასოციაცია „აფბა" აგრძელებს საწვავის ბაზრის კვლევას. „თუ ეროვნული ვალუტის გაუფასურება პიკის დროს 29%–იან ნიშნულს აღწევდა, დღეს სურათი რადიკალურადაა შეცვლილი და ლარის გაუფასურება 19%–მდეა შემცირებული. ბოლო მონაცემებით, მსოფლიო ბაზარზე ნავთობის ფასი 11.76%–ით არის შემცირებული, ეროვნული ვალუტა კი 9%–ით გამყარდა. ახალგაზრდა ფინასისტები მივიჩნევთ, რომ ამ კომპენენტების გათვალისწინებით, საქართველოშიც, უნდა მოხდეს საწვავის ფასების გადახედვა და გაიაფება." სრულად... წყარო: afba.ge

თბილისი. ახალგაზრდა ფინანსისტთა და ბიზნესმენთა ასოციაცია - „აფბა" ეხმაურება საქართველოს სახელმწიფო ელექტროსისტემის „სსე" განვითარების 10 წლიანი სტრატეგიის შემუშავებას და მის გავლენას ახალი ინვესტიციების მოზიდვისა და დარგის განვითარების პროცესებზე. „როდესაც საუბარი არის რესურსებზე აღსანიშნავია ის ფაქტი, რომ საქართველოს დაახლოებით 80 მლრდ. კვტ./სთ ენერგიის რესურსი აქვს, თუმცა აქედან ინვესტორებისთვის ეკონომიკურად საინტერესო მხოლოდ 40 მლრდ. კვტ/სთ ენერგიის პოტენციალია. სულ საქართველოს ჰიდროენერგეტიკულ სიმძლავრეებში დაახლოებით 15500 მგვტ დადგმული ჰიდროენერგეტიკული სიმძლავრეა, თუმცა სამწუხაროდ დღესდღეობით ქვეყნის მთლიანი პოტენციალის დაახლოებით 18% არის ათვისებული, რაც 2800 მგვტ–ს შეადგენს." სრულად... წყარო: ორგანიზაციის ვებ-გვერდი სოციალურ ქსელში

თბილისი. 9 ივნისს ახალგაზრდა ფინანსისტთა და ბიზნესმენთა ასოციაცია „აფბამ" ბრიფინგი გამართა. ორგანიზაციის წარმომადგენლებმა ენერგოპრო ჯორჯიას და მის ირგვლივ განვითარებულ მოვლენებზე ისაუბრეს. სრულად... წყარო: ორგანიზაციის ვებგვერდი სოციალურ ქსელში

თბილისი. ახალგაზრდა ფინანსისტთა და ბიზნესმენთა ასოციაციამ – აფბამ ბრიფინგი გამართა, სადაც „სახალხო ბანკის" აქციების გასხვისების საკითხზე ისაუბრა. ორგანიზაცია მოუწოდებს პროკურატურას „ქვეყნის მთავარი ფინანსური ინსტიტუტის ხელმძღვანელის მიმართ დანაშაულებრივ ქმედებასთან დაკავშირებული კითხვების თაობაზე დაინტერესდეს". სრულად... წყარო: ორგანიზაციის ვებგვერდი სოციალურ ქსელში

თბილისი. არასამთავრობო ორგანიზაციები ერთობლივ განცხადებას ავრცელებენ ეროვნული ბანკის შესახებ კანონში დაგეგმილი ცვლილებების შესახებ. განცხადებაში ნათქვამია, რომ საქართველოს პარლამენტის ბიუროს უკვე წარედგინა „საქართველოს ეროვნული ბანკის შესახებ" საქართველოს ორგანულ კანონში ცვლილების შეტანის შესახებ" ორგანული კანონის პროექტი, რომელიც საფინანსო ზედამხედველობის სააგენტოს ეროვნული ბანკის შემადგენლობიდან გამოყოფას ითვალისწინებს. „...მიგვაჩნია, რომ ეს ინიციატივა ნაჩქარევად არის მომზადებული და, თავისი არსით, აზიანებს ეროვნულ ბანკს, როგორც ინსტიტუტს; კითხვის ნიშნის ქვეშ დგება ეროვნული ბანკის ძირითადი კონსტიტუციური უფლებამოსილების განხორციელების საკითხი. შეგახსენებთ, რომ საქართველოს კონსტიტუციის თანახმად, „საქართველოს ეროვნული ბანკი ხელს უწყობს ფინანსური სექტორის სტაბილურ ფუნქციონირებას". მიგვაჩნია, რომ მას შემდეგ, რაც ეროვნულ ბანკს გასულ წელს უკვე ჩამოერთვა ფინანსური მონიტორინგის ფუნქცია, ამჟამად კი იგეგმება საბანკო ზედამხედველობის ფუნქციის ჩამორთმევა, ბანკი სრულყოფილად ვეღარ შეძლებს მისი მთავარი ფუნქციის განხორციელებას. ..", ნათქვამია ერთობლივ განცხადებაში. სრულად... წყარო: idfi.ge

თბილისი. საერთაშორისო გამჭვირვალობა – საქართველო აქვეყნებს ბლოგს: „საბანკო ზედამხედველობის ფუნქციის ჩამორთმევა ეროვნულ ბანკს ხელს შეუშლის კონსტიტუციური უფლებამოსილების განხორციელებაში". პარლამენტი ამჟამად განიხილავს საკანონმდებლო ინიციატივას საბანკო ზედამხედველობის დეპარტამენტის ეროვნული ბანკისგან დამოუკიდებელ საფინანსო ზედამხედველობის სააგენტოდ ჩამოყალიბების თაობაზე. „...ვფიქრობთ, რომ გასულ წელს ფინანსური მონიტორინგისა და ამჟამად საბანკო ზედამხედველობის ფუნქციების ჩამორთმევა ცალსახად ეროვნული ბანკის დასუსტებას ისახავს მიზნად. პოლიტიკური მოსაზრებებით და არა პრაქტიკული საჭიროებებით ნაკარნახევი საკანონმდებლო ინიციატივები ხელს ვერ შეუწყობს საფინანსო სისტემის სტაბილურ და ეფექტიან ფუნქციონირებას. ვფიქრობთ, რომ ნებისმიერი ინიციატივა სისტემის გამართულად ფუნქციონირებას უნდა ემსახურებოდეს და არ უნდა იყოს დაკავშირებული კონკრეტულ პიროვნებებთან, რომლებიც მმართველ გუნდს შეიძლება მოწონდეს ან არ მოწონდეს..", ნათქვამია ბლოგში. სრულად... წყარო: transparency.ge

თბილისი. 27 მაისს, „ახალგაზრდა ფინანსისტთა და ბიზნესმენთა ასოციაციის" წარმომადგენლებმა ბრიფინგი გამართეს თემაზე: „მონეტარული ინსტრუმენტებით ლარის გამყარება ეკონომიკის ზრდას არ შეაფერხებს". აფბა მიიჩნევს რომ „მონეტარული ინსტრუმენტებით ლარის გამყარება ეკონომიკის ზრდას არ შეაფერხებს. საქართველოს მაგალითზე შეიძლება ითქვას, რომ მონეტარული პოლიტიკის სიმკაცრე-სირბილესა და ეკონომიკურ ზრდას შორის არათუ მჭიდრო, არამედ საკმაოდ უმნიშვნელო კავშირია". სრულად წყარო: ორგანიზაციის გვერდი სოციალურ ქსელში

თბილისი. საქართველოს ახალგაზრდა ფინანსისტთა და ბიზნესმენთა ასოციაცია – „აფბა" „კომერციული ბანკების საქმიანობის შესახებ" საქართველოს კანონში ცვლილებების შეტანასთან დაკავშირებით პოზიციას აფიქსირებს. „საბანკო ზედამხედველობის დეპარტამენტის ეროვნული ბანკისგან დისტანცირება, საბანკო სექტორს გამჭვირვალეს და დივერსიფიცირებულს გახდის”, აცხადებენ ისინი სრულად... წყარო: ორგანიზაციის ვებ-გვერდი სოციალურ ქსელში

თბილისი. ევროპის რეკონსტრუქციის და განვითარების ბანკის (EBRD) ყოველწლიურ შეხვედრაზე, რომელსაც 13-14 მაისს საქართველომ უმასპინძლა, სპეციალური სესია დაეთმო სოციალური მეწარმეობის საკითხებს. 14 მაისს სესიაზე „კერძო და სამოქალაქო სექტორებს შორის სოციალური საწარმოების ხელშეწყობა და დაფინანსება" განიხილეს. სრულად... წყარო: segeorgia.org

თბილისი. 18 მაისს, ახალგაზრდა ფინანსისტთა და ბიზნესმენთა ასოციაციამ – აფბამ ბრიფინგი გამართა, თემაზე: „ეროვნული ბანკის ქმედებების გავლენა ლარის კურსზე". როგორც ორგანიზაციის ანალიტიკოსები აცხადებენ „...აფბა ქვეყანაში ეროვნული ვალუტის სწრაფი დევალვაციის მიზეზებს ეროვნული ბანკის ქმედებეში ხედავს". სრულად... წყარო: afba.ge

შიდა ქართლი. 15 მაისს საქველმოქმედო ჰუმანიტარული ცენტრი „აფხაზეთისა" და „არბაითერ სამარიტერ ბუნდის" წარმომადგენლები ქარელის მუნიციპალიტეტის გამგებელს ზაზა გულიაშვილს შეხვდნენ და შიდა ქართლის რეგიონში ახალი პროექტის განხორციელების შესახებ ინფორმაცია მიაწოდეს. პროექტი შიდა ქართლის რეგიონში დევნილებით დასახლებულ ადგილებსა და საზღვრისპირა სოფლებში სოციალური საწარმოებისა და სოციალური სერვისების მიმწოდებელი საწარმოების დაფუძნებას ითვალისწინებს. ქარელის მუნიციპალიტეტის გამგებელთან შეხვედრის მიზანი ინფორმირების გარდა იყო ის, თუ რამდენად არის მზად მუნიციპალიტეტი მიიღოს მონაწილეობა და დახმარება გაუწიოს სოციალური მომსახურების სწარმოებს, როგორც საწყის ეტაპზე ისე პროექტის დასრულების შემდეგ. ზაზა გულიაშვილმა მსგავსი საწარმოების დახმარებისა და სხვადასხვა რესურსებით უზრუნველყოფის შესახებ მზაობა გამოთქვა. შეხვედრები შიდა ქართლის სხვა მუნიციპალიტეტების გამგებლებთან (გორი, კასპი, ხაშური) გრძელდება. ივნისში კი ჩატარდება სხდომა, რომელშიც ყველა დაინტერესებული მხარე მიიღებს მონაწილეობას. 2015 წლის ბოლოსთვის შიდა ქართლის რეგიონში 7 სოციალური საწარმო დაფუძნდება. 1 წლის მანძილზე მათზე ზრუნვას დონორი ორგანიზაციები განახორციელებენ, ხოლო შემდეგ ისინი დამფუძნებლების ხელში გადავლენ. პროექტი „სოციალური საწარმოები იძულებით გადაადგილებულ პირთათვის საქართველოში" ხორციელდება საერთაშორისო ორგანიზაცია „არბაითერ სამარიტერ ბუნდისა" (Arbeiter-Samariter-Bund Georgia) საქველმოქმედო ჰუმანიტარული ცენტრი „აფხაზეთის" მიერ. პროექტი დაფინანსებულია ამერიკის მთავრობის მიერ.

კახეთი. თელავში ეკონომიკური პოლიტიკის კვლევის ცენტრის ინიციატივით, შეხვედრა გაიმართა, სადაც ქალი მეწარმეების გააქტიურებაზე იმსჯელეს. პროექტი მიზნად ისახავს ბიზნესის დაწყების მსურველი ქალების გაძლიერებას. ბიზნეს იდეების დამუშავების შემდეგ ქალ მეწარმეებს საშუალება ექნებათ ორგანიზაციის მიერ გამოცხადებულ მცირე საგრანტო კონკურსში მიიღონ მონაწილეობა, რომელიც მათი ბიზნესის გაფართოვებას შეუწყობს ხელს. ეკონომიკური პოლიტიკის კვლევის ცენტრის პროგრამების მენეჯერის, ირინა გურულის თქმით, შეხვედრაზე ბიზნეს იდეების დამუშავებასა და პროექტის წერის საკითხებზეც იმსჯელეს: „პროექტი მიზნად ისახავს ქალ მეწარმეთა ბიზნეს უნარ-ჩვევების განვითარებას, მათ ეკონომიკურ გაძლიერებასა და ბიზნეს გეგმის წერის უნარჩვევების გამომუშავებას. დაინტერესებულ ქალ მეწარმეებს ეძლევათ საშუალება, შეავსონ საგრანტო განაცხადი და წარმოადგინონ ბიზნეს გეგმა. საუკეთესო იდეა დაფინანსდება 1000 ლარამდე ოდენობის გრანტით". ორგანიზაცია მუშაობს საქართველოს 4 ქალაქში და დაგეგმილი აქვს 8 მცირე საგრანტო პროექტის დაფინანსება. პროექტი ხორციელდება შვეიცარიის საელჩოს ფინანსური მხარდაჭერით.

სამცხე-ჯავახეთი. 8 მაისს ახალციხეში, ასოციაცია „ტოლერანტისა" და ახალციხის დემოკრატიული ჩართულობის ცენტრის ორგანიზებით ლექცია–სემინარი გაიმართა: „ძლიერი სოფელი – ძლიერი სახელმწიფო". სამოქალაქო საზოგადოების წარმომადგენლებმა, ფერმერებმა და სოფლის რწმუნებულებმა სოფლებში არსებული პრობლემები განიხილეს. გამოცდილების გაზიარების მიზნით, შეკრებილებს, საფრანგეთში მომზადებული რეპორტაჟებიც აჩვენეს, სადაც მცირე ბიზნესით დასაქმებული ადამიანების პრობლემები იყო განხილული. ლექციის ბოლოს, მონაწილეებმა სპეციალური კითხვარები შეავსეს. პროექტის ხელმძღვანელები ამ კითხვარის საშუალებით გაიგებენ, რა პრობლემები არსებობს სოფლებში და როგორია ეკონომიკური პოტენციალი. „ძლიერი სოფელი - ძლიერი სახელმწიფო", 2014 წლის „მომავლის სოფელის" ლექციების ციკლის გაგრძელებაა. ლექცია-დებატების ფორმატი ხელს უწყობს როგორც ინფორმაციის გაცვლას, ასევე აადვილებს სოფლის მაცხოვრებელთა ინტერაქტიულ დიალოგში ჩართვას და ბიზნეს ინიციატივების იდეების გარშემო გახსნილ საუბარს.

სამცხე-ჯავახეთი. 5 მაისს, ახალციხის დემოკრატიული ჩართულობის ცენტრში, არასამთავრობო ორგანიზაციის „ეკონომიკური პოლიტიკის კვლევის ცენტრის" (EPRC) ექსპერტებმა, ბიზნესის დაწყების მსურველი ქალბატონებისთვის ტრენინგი ჩაატარეს. ტრენინგის თემები იყო: რეგისტრაცია, საგადასახადო პოლიტიკა, ბიზნეს გეგმის არსი და მისი მომზადება. ტრენინგი ჩატარდა პროექტის ფარგლებში: „ქალი მეწარმეების შესაძლებლობების ზრდა და ეკონომიკური გაძლიერება", რომელიც შვეიცარიის საელჩოს მხარდაჭერით ხორციელდება. პროექტის ფარგლებში, საინტერესო ბიზნეს-გეგმის ათამდე ავტორისთვის იგეგმება ბიზნეს-საქმიანობის ხელშესაწყობად მცირე თანხების გამოყოფა და დაფინანსების წყაროების მოძიებაში დახმარების გაწევა. საუკეთესო ბიზნეს გეგმები კონკურსის შედეგად გამოვლინდება.

თბილისი. კავკასიური სახლი ევროპულ ფონდ ჰორიზონტთან ერთად ახორციელებს პროექტს „კავკასიური სახლის სახალხო უნივერსიტეტი”. პროექტის ფარგლებში სტუდენტები თბილისიდან და საქართველოს რეგიონებიდან მოისმენენ ლექციებს სხვადასხვა თემებზე. მათ ვინც ვერ შეძლებს ლექციებზე დასწრებას, კავკასიური სახლი ლექციების ვიდეოჩანაწერს სთავაზობთ. ამჯერად მათ გამოაქვეყნეს დავით ადეიშვილის ლექცია: „ინოვაციური მრეწველობა". ლექციის ვიდეოჩანაწერი: „ინოვაციური მრეწველობა"...   წყარო: ორგანიზაციის ვებგვერდი სოციალურ ქსელში

თბილისი. „მოქალაქე" და „საზოგადოება 2030"მა სასტუმრო „თბილისი მარიოტში" ეკონომიკური კონფერენცია გამართა. კონფერენცია ორგანიზაციების - „მოქალაქე" და „საზოგადოება 2030" - დამფუძნებელმა ბიძინა ივანიშვილმა გახსნა. სრულად... წყარო: ორგანიზაციის ვებ-გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრმა ვებგვერდზე განათავსა ეკონომიკის ისტორიკოსის კარლ პოლანის „დიდი ტრანსფორმაციების" შესავალი, რომლის ავტორია ფრედ ბლოკი. დაინტერესებულ პირებს აღნიშნული მასალის ელ–ვერსია შეუძლიათ იხილონ ორგანიზაციის ვებგვერდზე. კარლ პოლანის „დიდი ტრანსფორმაციების" შესავალი... წყარო: emc.org.ge

შავი ზღვის აუზის პროგრამის ფარგლებში რიგით მეორე ვირტუალური ბაზრის მოწყობა იგეგმება. მისი მიზანია როგორც ევროპული და საერთაშორისო ვაჭრობის, ასევე ბიზნეს კავშირების ზრდის ხელშეწყობა შავი ზღვის აუზის რეგიონში. ძირითადი მიმართულებაა აგროსექტორის ხელშეწყობა საერთო ჯამში ვირტუალურ სივრცეში განთავსდება 100–ზე მეტი მონაწილის ვირტუალურ სტენდს ისეთი ქვეყნებიდან, როგორიცაა: ბულგარეთი, საქართველო, საბერძნეთი, მოლდოვა, თურქეთი და სხვა ქვეყნების მონაწილეები აგრო–სასურსათო ტექნიკისა და ტექნოლოგიის სფეროდან. ასობით ვიზიტორი გაეცნობა წარმოდგენილ პროდუქციასა და მომსახურებას. აღნიშნული ონლაინ სავაჭრო ბაზარი საშუალებას მოგცემთ გაცვალოთ ბიზნეს ინტერესები, ჩეთის ან ვიდეო–კონფერენციის გამოყენებით, პოტენციურ მომხმარებლებთან და სამომავლო ბიზნეს პარტნიორებთან. აღნიშნული ღონისძიება გაიმართება 23–30 აპრილს. აღნიშნული ღონისძიების ერთ–ერთი თანაორგანიზატორია კავკასიის ეკონომიკური და სოციალური კვლევითი ინსტიტუტი. სრულად... წყარო: ciesr.org