12 მარტს, 17:00 საათზე, მშობლის სკივრი, საქართველოს განათლების, მეცნიერებისა და სპორტის სამინისტროს მხარდაჭერით წარმოგიდგენთ პირდაპირ ჩართვას თემაზე: ინკლუზიური განათლება. სრულად...

თბილისი. ფონდ Fundacja HumanDoc-ის და პარტნიორი ორგანიზაციების: მეგობრობის ხიდი „ქართლოსი“, ასოციაცია „მერკური“/Association "Merkuri" და კულტურულ-ჰუმანიტარული ფონდი „სოხუმი“/Cultural-Humanitarian Fund "Sukhumi" ერთობლივი თანამშრომლობით გამოიცა პუბლიკაცია: „ბავშვთა მიმართ ძალადობა გზამკვლევი პედაგოგებისთვის“. პუბლიკაციის ელექტრონული ვერსია ხელმისაწვდომია აქ... სრულად... წყარო: ორგანიზაციის გვერდი სოციალურ ქსელში

თბილისი. 24 მარტს, 12:00-სთ-დან – 15:00 სთ-მდე და 18:00-სთ-დან – 21:00 სთ-მდე (თბილისის დროით) გაიმართება ვირტუალური გამოფენა „გერმანულენოვანი შემოთავაზებები“. „გამოფენის დაწყებამდე წარმოგიდგენთ იმ უმაღლეს სასწავლებლებს, რომლებიც გამოფენაში მიიღებენ მონაწილეობას". სრულად... წყარო: DAAD-ის გვერდი სოციალურ ქსელში

თბილისი. კონსულტაციისა და ტრენინგის ცენტრი (CTC) www.CTConline.ge დაინტერესებულ პირებს სთავაზობს თვითმმართულ (self-paced) უფასო კურსებს: რეგიონული განვითარების პოლიტიკის საფუძვლები; დისტანციური კურსები სამოქალაქო საზოგადოებისთვის; სოციალური ინოვაცია ცვლილებისათვის; სექსუალური შევიწროება სამუშაო ადგილზე; აღნიშნული კურსები ღიაა და უფასოა ყველა დაინტერესებული პირისთვის. კურსის წარმატებით დასრულების შემდეგ გაიცემა სერტიფიკატი. სრულად... წყარო: ორგანიზაციის გვერდი სოციალურ ქსელში

თბილისი. 12 მარტს, 16:00 საათზე, გაიმართება კითხვა-პასუხის სესია წიგნის თარგმანის საგრანტო პროგრამის შესახებ. „შეკითხვები აღნიშნულ დროს აშშ-ის საელჩოს ფეისბუქის გვერდზე გამოქვეყნებული პოსტის კომენატრებში მოგვწერეთ“, ნათქვამია საელჩოს გვერდზე სოციალურ ქსელში. სრულად... წყარო: საქართველოში აშშ-ს საელჩოს გვერდი სოციალურ ქსელში

აჭარა. 18-21 თებერვალს, საერთაშორისო გამჭვირვალობა - საქართველოს ბათუმის ოფისის კოორდინატორმა, მალხაზ ჭკადუამ ბათუმის სახელმწიფო უნივერსიტეტის სტუდენტებისთვის, ევროპის იურისტ სტუდენტთა ასოციაციის (ELSA) ინიციატივითა და ორგანიზებით, ღია მონაცემების მოპოვება-დამუშავებაზე ტრენინგები ჩაატარა. სრულად... წყარო: ორგანიზაციის გვერდი სოციალურ ქსელში

თბილისი. ევროპის საბჭოსა და მთავრობის ადმინისტრაციიას გამოცხადებული ჰქონდათ თანასწორობის რეპორტიორის კონკურსი იმ ავტორების გამოსავლენად, რომლებიც გაგვაცნობდნენ უცნობ თუ ნაცნობ ადამიანებს, რომლებიც იბრძვიან თანასწორობისთვის და იცავენ საკუთარ თუ სხვათა უფლებებს. მარი ბიწაძე საკუთარ ესეში გვაცნობს მასწავლებელს, რომელმაც მას ლაპარაკის დაწყებაში მხარი დაუჭირა. „სამყაროში უდიდესი მასწავლებელი - რომელიც დღემდე ამტკიცებს, რომ შეუძლებელი არაფერია. ეს არის ადამიანი, რომელიც ჩემნაირი ბავშვების ცხოვრებით ცხოვრობს, მათი წარმატებები აბედნიერებს, უარით არავის ისტუმრებს, იმედის სულ პაწაწინა ნაპერწკალსაც კი ებღაუჭება, მუშაობს კვირის შვიდივე დღეს, გაჭირვებული ოჯახების შვილებს უსასყიდლოდ ამეცადინებს. ის ჩემს მიღწევებს სხვა იმედგადაწურულ მშობლებს აჩვენებდა, აიმედებდა, რომ ბევრი შრომით და ჩართულობით, მათი შვილებიც გახდებოდნენ ჩვეულებრივი ბავშვების თანასწორნი და არწმუნებდა, რომ შეზღუდული შესაძლებლობები არ არსებობს“, ასე ახასიათებს მარი მასწავლებელს. სრულად... წყარო: www.coe.int

თბილისი. CTC და CENN , EU4Youth – „სოციალური მეწარმეობის ეკოსისტემის განვითარება მწვანე ზრდისთვისა (SEED)“ და „სოციალური ინოვაციების პლატფორმის (SIP)“ პროგრამის ფარგლებში, დაინტერესებულ პირებს აძლევს შესაძლებლობას, დაესწრონ ონლაინ სემინარს თემაზე: „მწვანე მეწარმეობა და დაფინანსების შესაძლებლობა“.  სემინარი ჩატარდება 5 მარტს, 16:00 საათიდან.  სემინარზე დასასწრებად უნდა გაიაროთ რეგისტრაცია არაუგვიანეს 4 მარტის 18:00 საათისა შემდეგ ბმულზე... სრულად... წყარო: ორგანიზაციის გვერდი სოციალურ ქსელში

სამეგრელო. 1 მარტს ასოციაცია „ათინათის“ ორგანიზებით, ახალგაზრდული ცენტრის წევრებისათვის ჩატარდა საინფორმაციო შეხვედრა თემაზე „ციფრული ტექნოლოგიების პრინციპები“. შეხვედრის მონაწილეებს შესაძლებლობა ჰქონდათ გაცნობოდნენ ინფორმაციას ისეთ საკითხებზე, როგორიცაა: ოპერაციული სისტემები; ციფრული მოწყობილობის მონაცემები და მათი ფორმატები; Adobe პროგრამული პაკეტები; Google Adwords და Google Adsense; მომავლის ტექნოლოგიები: ხელოვნური ინტელექტი, მანქანური სწავლება, ბლოქჩეინი და ნივთების ინტერნეტი. სრულად... წყარო: ორგანიზაციის გვერდი სოციალურ ქსელში

შიდა ქართლი. შიდა ქართლში მცხოვრებ სამსახურის მაძიებლებს დასაქმების ცენტრი პროექტის „ისწავლე დასაქმებისთვის!“ ფარგლებში სთავაზობს: სამოტივაციო წერილის, CV-ს მომზადების შესწავლას, პროფესიულ კურსებში მონაწილეობას, სტაჟირებას და დასაქმების კონსულტანტების დახმარებას სამუშაოს მოძიების პროცესში. პროექტს „სწავლა, წვრთნა, მიღწევა და კავშირების დამყარება დასაქმებისთვის! (ისწავლე დასაქმებისთვის!)“ განათლების განვითარების და დასაქმების ცენტრი (EDEC), თელავის განათლების განვითარების და დასაქმების ცენტრთან (TEDEC), აჭარის ავტონომიური რესპუბლიკის დასაქმების სააგენტოსთან (EAARA), ფონდთან „აფხაზინტერკონტი“ (AIC) და გურიის ახალგაზრდულ რესურსცენტრთან (GYRC) ერთად, ევროკავშირის ფინანსური მხარდაჭერით ახორციელებს. სრულად... წყარო: EDEC-ის გვერდი სოციალურ ქსელში

თბილისი. ორგანიზაციამ „პარტნიორობა ადამიანის უფლებებისთვის“ (PHR) 2021 წლის 8 თებერვალს, თბილისის საქალაქო სასამართლოს შუამდგომლობით მიმართა. ორგანიზაციამ მოითხოვა, სასამართლოს განათლების სამინისტროსთვის ერთიანი გეგმის შემუშავება დაევალებინა. „გეგმის მიზანი იყო პანდემიის პირობებში ყველა ბავშვის და, განსაკუთრებით, შეზღუდული შესაძლებლობის მქონე ბავშვების (სპეციალური საგანმანათლებლო საჭიროების მქონე ბავშვების) სკოლებში უსაფრთხო დაბრუნების უზრუნველყოფა. სასამართლომ უარი გვითხრა უზრუნველყოფის დაკმაყოფილებაზე. ორგანიზაცია ბავშვების დაცვის სამართლებრივ ბრძოლას აგრძელებს სასამართლოს უარის განჩინების გასაჩივრებით ზემდგომ (სააპელაციო) ინსტანციაში და ძირითადი სარჩელის შეტანით საქალაქო სასამართლოში. ვინაიდან ბავშვთა უფლებების დაცვა არის მთელი საზოგადოების და არა მხოლოდ ერთი არასამთავრობოს მოვალეობა, საზოგადოებას ვთავაზობთ სასამართლოს განჩინებას სრულად და ორგანიზაციის საჩივრის ადაპტირებულ ვარიანტს“, ნათქვამია ორგანიზაციის ვებგვერდზე. სრულად... წყარო: phr.ge

თბილისი. გაეროს განვითარების პროგრამა იწვევს ქალებსა და გოგონებს სამეგრელო-ზემო სვანეთის, იმერეთისა და შიდა ქართლის რეგიონებიდან გრაფიკული დიზაინისა და ვებ-პროგრამირების სასწავლო კურსებზე. ტრენინგს ახორციელებს UNDP-ის პარტნიორი ორგანიზაცია, ინოვაციებისა და ტექნოლოგიების ლაბორატორია GeoLab • ჯეოლაბი.  რეგისტრაციის ბოლო ვადა: 2021 წლის 12 მარტი; სარეგისტრაციო ფორმა შეავსეთ შემდეგ ვებგვერდებზე: გრაფიკული დიზაინი... ვებ-პროგრამირება... წყარო: ორგანიზაციის გვერდი სოციალურ ქსელში

თბილისი. 15 თებერვალს, ინფორმაციის თავისუფლების განვითარების ინსტიტუტმა (IDFI) საჯარო მოხელეებისთვის ონლაინ ტრენინგი ჩაატარა საჯარო სექტორში ხელოვნური ინტელექტის სისტემების გამოყენებაზე. ტრენინგის მიზანი იყო საჯარო მოხელეებისთვის ხელოვნური ინტელექტის სისტემების გამოყენების საერთაშორისო სტანდარტების შესახებ თეორიული და პრაქტიკული ინფორმაციის მიწოდება. სრულად... წყარო: idfi.ge

თბილისი. ეკონომიკური პოლიტიკის კვლევის ცენტრის პროექტის - POWER • Promoting Opportunities for Women's Economic Resilience მიზანია გამოიკვლიოს თუ რა საჭიროებები აქვთ დღეს ქალებს ბიზნესში. ასევე, პროექტის ფარგლებში ორგანიზაცია გთავაზობთ ღონისძიებებს, რომლებიც მოემსახურება ცოდნის და გამოცდილების გაზიარებას. „ჯგუფში ჩატარებული გამოკითხვის შედეგად, გამოიკვეთა ინტერესი ციფრული მარკეტინგის მიმართულებით, ჩვენ კი თქვენი მოთხოვნის შესაბამისად, გადავწყვიტეთ შემოგთავაზოთ დისტანციური შეხვედრა შემდეგ თემაზე: როგორ გავყიდოთ პროდუქცია სოციალური მედიით? შემოგვიერთდით ზუმში, 23 თებერვალს, 19:00 საათზე". ტრენინგი.  ტრენინგს გაუძღვება სოციალური მედიის მენეჯერი და ქოფირაითერი - თამარა კაჭახიძე“.  სრულად... წყარო: ორგანიზაციის გვერდი სოციალურ ქსელში

სამეგრელო. 17 თებერვალს, ასოციაცია „ათინათის“ ახალგაზრდული ცენტრის წევრებისთვის ჩატარდა შეხვედრა პროგრამის ძველ წევრებთან. სპიკერები იყვნენ: ირაკლი თაკალანძე, გოგა დარასელია და მარიამ გუგუჩია. „მოწვეულმა სტუმრებმა შეხვედრის მონაწილეებს გააცნეს თავიანთი წარმატების ისტორია, რამ შეუწყოთ და შეუშალათ ხელი საზოგადოებაში რეალიზებისთვის. ასევე, ისაუბრეს უცხოეთში სწავლის გამოცდილებაზე, რამაც ცენტრია წევრების დიდი დაინტერესება გამოიწვია“, ნათქვამია ზუგდიდის ახალგაზრდული ცენტრის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. CENN, Mercy Corps და ABCO Georgia, ევროკავშირის მხარდაჭერით, EU4Youth პროგრამის ფარგლებში, ახალგაზრდებისათვის ერთობლივ, 2-დღიან ინტენსიურ ონლაინ ვორქშოფს მასპინძლობენ თემაზე „სოციალური მეწარმეობა და ფინანსური დაგეგმვა“.  ონლაინ ვორქშოფში მონაწილეობის მსურველებმა უნდა გაიარონ რეგისტრაცია 21 თებერვლის 18:00 საათამდე შემდეგ ბმულზე... წყარო: ორგანიზაციის გვერდი სოციალურ ქსელში

თბილისი. განვითარების და დემოკრატიის ცენტრი წარმოგიდგენთ სექტორი სამისა და საგანმანათლებლო პლატფორმა „კენწეროს“ მიერ ორგანიზებული ვებინარის ჩანაწერს: საქართველო და დიდი ბრიტანეთი - დემოკრატიზაციის 30 წელი და სტრატეგიული პარტნიორობა. ვებინარი წაიკითხა სოფიო ქაცარავამ - საქართველოს საგანგებო და სრულუფლებიანმა ელჩმა დიდ ბრიტანეთსა და ჩრდილოეთ ირლანდიის გაერთიანებულ სამეფოში. ვებინარის ჩანაწერი... წყარო: ორგანიზაციის გვერდი სოციალურ ქსელში

თბილისი. 13-14 თებერვალს, Aures Foundation ფონდი აურეს ახალგაზრდული კლუბის წევრებისათვის ჩატარდა სოციალური ადვოკატობის ტრენინგი. „ტრენინგი სოციალურ მუშაკთა ასოციაციამ ჩაატარა და მასში 15 სმენის სირთულის მქონე ახალგაზრდა იყო ჩართული. მონაწილეები გაეცნენ სოციალურ ადვოკატობას, როგორც უფლებების დაცვის ეფექტიან ინსტრუმენტს, მის ძირითად პრინციპებს, ფორმებს, განხორციელების ეტაპებს, ადვოკატირების პროცესში თემის ჩართულობის მნიშვნელობას“. სრულად... წყარო: ორგანიზაციის გვერდი სოციალურ ქსელში

თბილისი. 2019 წლის ივნისში, „ინფორმაციის თავისუფლების განვითარების ინსტიტუტმა“ (IDFI) დაიწყო კორუფციასთან ბრძოლის სასერტიფიკატო პროგრამა, რომელიც უკვე მესამე წელია, რაც მიმდინარეობს. „IDFI პროექტს ახორციელებს ილიას სახელმწიფო უნივერსიტეტთან თანამშრომლობით. პროგრამა, პირველ ეტაპზე შედგებოდა რვა პროფესიული მოდულისგან, რომლის გავლის შემთხვევაში მოდულების მონაწილეები იღებდნენ სერტიფიკატს. პროგრამაში მონაწილეობის სურვილი გამოთქვა 500-ზე მეტმა აპლიკანტმა, საიდანაც დოკუმენტაციის გადარჩევის და გასაუბრების საფუძველზე შერჩეულ იქნა 32 მონაწილე, მათგან კი 19-მა მონაწილემ მიიღო პროგრამის გავლის დამადასტურებელი სერტიფიკატი. აღსანიშნავია, რომ პროგრამის გავლის დამადასტურებელი სერტიფიკატები გადაეცათ იმ მონაწილეებს, რომლებმაც გაიარეს პროგრამის ექვსი მოდული მაინც. დასახელებული 19 მონაწილიდან ხუთმა მონაწილემ მიიღო რვავე მოდულის გავლის დამადასტურებელი სერტიფიკატი. აღნიშნული ხუთი მონაწილიდან ოთხი არის ქალი და ერთი მამაკაცი, ხოლო დასახელებული 19 მონაწილიდან 16 მონაწილე არის ქალი და სამი მონაწილე არის მამაკაცი“, ნათქვამია ორგანიზაციის ვებგვერდზე. სრულად... წყარო: idfi.ge

თბილისი. ქალთა ფონდის ინფორმაციით, ფემინსტრიმი-ს ახალი სეზონი მალე განახლებული ფორმატით დაბრუნდება. „ვეძებთ ახალ ავტორებს, რომლებიც იმუშავებენ ვიდეობლოგების შექმნაზე. ვიდეობლოგების თემატიკა მნიშვნელოვნად უნდა იყოს დაკავშირებული ქალების შრომით უფლებებთან. შერჩეული 4 ავტორი 7 თვის განმავლობაში იმუშავებს 4 ვიდეობლოგის შექმნაზე. ანაზღაურება თითო ვიდეობლოგისთვის - 600 ლარი. დაინტერესებულმა კანდიდატებმა უნდა წარმოადგინონ ოთხივე ვიდეობლოგის კონცეფცია“. სრულად... წყარო: ორგანიზაციის გვერდი სოციალურ ქსელში

თბილისი. 11 თებერვალი მეცნიერი ქალებისა და გოგონების საერთაშორისო დღეა. გაეროს ქალთა ფონდის ინფოგრაფიკის თანახმად, საქართველოში 2019 წელს დოქტორანტურაში ჩარიცხულ ქალთა პროცენტული მაჩვენებელი 53%-ია, იმავე წელს კურსდამთავრებულთა მაჩვენებელი კი 56 პროცენტი.  „დოქტორანტი ქალები კაცებს, ძირითადად, ყველა სფეროში აჭარბებენ“. სრულად... წყარო: ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს სტატიას: რელიგიური განათლების ფორმები და პრაქტიკები. „წინამდებარე სტატიის მიზანია რელიგიური განათლების პრაქტიკებისა და მოწესრიგების საუკეთესო გამოცდილებების შესწავლა სხვადასხვა ქვეყანაში, რადგან საქართველოში დღეს ამ თემაზე მომუშავე აქტორების წინაშე კრიტიკულად დგას საკითხი თუ როგორ უნდა მოწესრიგდეს ეს სფერო ისე, რომ სხვადასხვა ინტერესს შორის, მათ შორის, ბავშვთა უფლებების დაცვის, რელიგიური თვითმყოფადობის შენარჩუნებისა და დემოკრატიული კონტროლის ინტერესებს შორის ბალანსი სამართლიანად და გონივრულად მიიღწეს“. სრულად... წყარო: emc.org.ge