თბილისი. ინფორმაციის თავისუფლების განვითარების ინსტიტუტმა (IDFI) 12-13 ნომბერს, სენაკის მერიისა და მერიის დაქვემდებარებაში მყოფი იურიდიული პირების თანამშრომლებისთვის გამჭვირვალობის, ანგარიშვალდებულებისა და კეთილსინდისიერების საკითხებზე ონლაინ ტრენინგი ჩაატარა. „ტრენინგი მიზნად ისახავდა საჯარო მოხელეთა ცნობიერების ამაღლებას, აგრეთვე ანტიკორუფციული მექანიზმების მიმართულებით მათი შესაძლებლობების გაძლიერებას. აღსანიშნავია, რომ ტრენინგს წინ უსწრებდა მერიაში არსებული სიტუაციის ყოვლისმომცველი ანალიზის მომზადება, შემდგომ კი სენაკის მერიის გამჭვირვალობის, ანგარიშვალდებულების და კეთილსინდისიერების სტრატეგიისა და სამოქმედო გეგმის შემუშავება“, ნათქვამია ორგანიზაციის ვებგვერდზე.  სრულად... წყარო: idfi.ge

თბილისი. საქართველოს ახალგაზრდა იურისტთა ასოციაციამ ნათია შავაძის სახელით კონსტიტუციური სარჩელით საქართველოს საკონსტიტუციო სასამართლოს მიმართა. „საია სადავოდ ხდის „პროფესიული ტესტირების ჩატარების დებულების დამტკიცების თაობაზე“ საქართველოს განათლებისა და მეცნიერების მინისტრის ბრძანების მუხლს. სადავო ნორმა პროფესიულ საგანმანათლებლო დაწესებულებაში მოხვედრის მსურველ აპლიკანტებს ასაკობრივი ნიშნით ყოფს, რის გამოც თითოეულ ასაკობრივ კატეგორიაში მყოფი აპლიკანტების სასურველ პროფესიულ სასწავლებელში მოხვედრის შესაძლებლობა ერთმანეთისგან მნიშვნელოვნად განსხვავდება. ორგანიზაცია მიიჩნევს, რომ სადავო ნორმით მოსარჩელეს ეზღუდება საქართველოს კონსტიტუციით დაცული თანასწორობისა და განათლების უფლებები. სადავო ნორმის მიხედვით, 19 წლამდე ასაკობრივი კატეგორიის აპლიკანტებს ყოველთვის 23 ქულიანი, ხოლო 19-დან 29 წლამდე ასაკის კატეგორიის აპლიკანტებს ყოველთვის 9 ქულიანი უპირატესობა აქვთ 29 წლის ზემოთ მყოფი ასაკობრივი კატეგორიის აპლიკანტებთან მიმართებით. ამდენად, უფრო რეალური შანსი აქვთ მოხვდნენ მათთვის სასურველ პროფესიულ პროგრამაზე და დაეუფლონ პროფესიას“. სრულად... წყარო: gyla.ge

თბილისი. კონსულტაციისა და ტრენინგის ცენტრმა სასერტიფიკაციო დისტანციური კურსი „რეგიონული განვითარების პოლიტიკის საფუძვლები“ დაიწყო. „კურსში ყურადღება გამახვილებულია საქართველოს რეგიონული განვითარების პოლიტიკის ინსტრუმენტებისა და მექანიზმების, რეგიონული განვითარების პოლიტიკის დაგეგმვასა და განხორციელებაში ინტერსექტორული თანამშრომლობის საკითხებზე. კურსებზე რეგისტრაცია შესაძლებელია დღეიდან. რეგისტრაციისთვის ეწვიეთ ბმულს... წყარო: ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) იწყებს ექვსთვიან სასწავლო კურსებს აზერბაიჯანული და ქართული ენების შესწავლისა და გაძლიერების მიზნით დაინტერესებული აქტივისტებისთვის და მკვლევრებისთვის სხვადასხვა ეთნიკური ჯგუფიდან. სრულად... წყარო: emc.org.ge

იმერეთი. „ბლოგერები ზემო რაჭიდან“ ერთ-ერთი მოხალისეობრივი ინიციატივაა, რომელმაც განათლების განვითარების და დასაქმების ცენტრის (EDEC) მიერ გამოცხადებულ კონკურსში „იდეების კონკურსი მოხალისეობრივი ინიციატივებისთვის“ გაიმარჯვა. „ინიციატივის ფარგლებში, საინიციატივო ჯგუფი ზემო რაჭიდან, ონის მუნიციპალიტეტში მცხოვრებ 15-18 წლის ახალგაზრდებს პროგრამაში „ბლოგერები ზემო რაჭიდან“ მონაწილეობის მისაღებად აცხადებს კონკურსს. პროგრამა მიზნად ისახავს მოწყვლადი ჯგუფების დახმარებას, მათი საზოგადოებაში ინტეგრაციის ხელშეწყობას, ფორმალური და არაფორმალური განათლების მხარდაჭერას, ადგილობრივი სათემო პრობლემების მოგვარებას და მოხალისეობის პოპულარიზაციას“. კონკურსი პროგრამის „სამოქალაქო საზოგადოების განვითარების ინიციატივა“ ფარგლებში ხორციელდება კონრად ადენაუერის ფონდის (KAS) მიერ სამოქალაქო საზოგადოების ინსტიტუტთან (CSI), კონსულტაციისა და ტრენინგის ცენტრთან (CTC), საქართველოს სტრატეგიული კვლევებისა და განვითარების ცენტრთან (CSRDG) და განათლების განვითარების და დასაქმების ცენტრთან (EDEC) თანამშრომლობით. პროექტს აფინანსებს ევროკავშირი (EU), ხოლო თანადამფინანსებელია კონრად ადენაუერის ფონდი (KAS). სრულად... წყარო: ორგანიზაციის გვერდი სოციალურ ქსელში

იმერეთი. ადგილობრივი დემოკრატიის სააგენტო საქართველომ ზესტაფონის მუნიციპალიტეტში მცხოვრები ახალგაზრდებისათვის, ონლაინ საინფორმაციო შეხვედრა ჩაატარა შემდეგ თემებზე:  სამოქალაქო ჩართულობის მნიშვნელობა; სამოქალაქო საზოგადოების ორგანიზაციების არსი; საერთაშორისო მოხალისეობრივი პლატფორმა „დროის ბანკი“; ონლაინ შეხვედრას წარუძღვა, პროექტის კოორდინატორი, თამარ კიტოვანი. ონლაინ შეხვედრა ჩატარდა პროექტის, „სამოქალაქო საზოგადოების განვითარების ინიციატივა“ ფარგლებში. „სამოქალაქო საზოგადოების განვითარების ინიციატივა“ ხორციელდება კონრად ადენაუერის ფონდის (KAS) მიერ სამოქალაქო საზოგადოების ინსტიტუტთან (CSI), კონსულტაციისა და ტრენინგის ცენტრთან (CTC), საქართველოს სტრატეგიული კვლევებისა და განვითარების ცენტრთან (CSRDG) და განათლების განვითარების და დასაქმების ცენტრთან (EDEC) თანამშრომლობით. პროექტს აფინანსებს ევროკავშირი (EU), ხოლო თანადამფინანსებელია კონრად ადენაუერის ფონდი (KAS). სრულად... წყარო: ორგანიზაციის გვერდი სოციალურ ქსელში

თბილისი. 22 ოქტომბრიდან 2 ნოემბრის ჩათვლით, #USAID #PITA-ას ახალგაზრდული ცენტრის წევრებისათვის, საინფორმაციო კამპანიის „ახალგაზრდა ევროპელი ელჩები“ ფარგლებში, ონლაინ ტრენერთა ტრენინგი ჩატარდა. „საინფორმაციო კამპანიის მიზანია ეთნიკური უმცირესობებით დასახლებულ რეგიონებში საქართველოს ევროპული და ევრო-ატლანტიკური ინტეგრაციის მნიშვნელობის შესახებ საზოგადოებრივი ცნობიერების ამაღლება“. სრულად... წყარო: ორგანიზაციის გვერდი სოციალურ ქსელში

თბილისი. თუ თქვენ აპირებთ განაცხადის წარდგენას DAAD-ის სასტიპენდიო პროგრამებზე და ვერ ასწრებთ გერმანული ან ინგლისური ენის სერთიფიკატის მოპოვებას, შეგიძლიათ ჩააბაროთ onSET-ის სადიაგნოსტიკო ტესტი, რაც განაცხადის წარდგენის ეტაპზე საკმარისი იქნება თქვენი ენის კომპეტენციის დასადგენად (უნივერსიტეტში სასწავლო ადგილის მოსაპოვებლად აუცილებლად დაგჭირდებათ მასპინძელი უნივერსიტეტის მიერ მოთხოვნილი ენის სერთიფიკატი). წელს რეგისტრაციას DAAD-ის თბილისის საინფორმაციო ცენტრი განახორციელებს. სრულად... წყარო: ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს პაატა ზაქარეიშვილის, თორნიკე შარაშენიძისა და გიორგი კანაშვილის მოხსენებებს, რომლებიც მათ სოლიდარობის პლატფორმის შეხვედრის ფარგლებში წაიკითხეს. სრულად... წყარო: emc.org.ge

თბილისი. ადამიანის უფლებების სწავლებისა და მონიტორინგის ცენტრის ინფორმაციით, „მშვიდობის იდეა კავკასიაში: გამოცდილებები, პერსპექტივები და შესაძლებლობა“ - აღნიშნული მოხსენებები ნინო კალანდარიშვილმა და ივლიანე ხაინდრავამ სოლიდარობის პლატფორმის შეხვედრის ფარგლებში წაიკითხეს. „მომხსენებლები საუბრობენ მშვიდობის იდეაზე და პერსპექტივებზე კავკასიაში, ასევე სამშვიდობო პოლიტიკის ისტორიულად შექმნილ გამოცდილებებსა და შესაძლებლობებზე“. სრულად... წყარო: emc.org.ge

თბილისი. თბილისის საქალაქო სასამართლოს სამოქალაქო საქმეთა კოლეგიამ წარმოებაში მიიღო პროფესორ იაგო კაჭკაჭიშვილის სარჩელი, რომელიც გავრცელებული ინფორმაციის უარყოფას, შევიწროების ფაქტის დადგენას და მისი შეწყვეტის დავალებას, ასევე, მორალური ზიანისათვის სიმბოლური თანხის, ერთი ლარის ანაზღაურებას შეეხება. „აღნიშნულ დავაში მოპასუხეები სსიპ - ივანე ჯავახიშვილის სახელობის თბილისის სახელმწიფო უნივერსიტეტი, უნივერსიტეტის რექტორი და უნივერსიტეტის რექტორის ბრძანებით შექმნილი ეთიკის კომისიის წევრები არიან. როგორც საზოგადოებისათვის ცნობილია, იაგო კაჭკაჭიშვილის მიმართ ზეწოლა და სამსახურში მტრული გარემოს შექმნა დაიწყო მას შემდეგ, როდესაც მან უნივერსიტეტის რექტორი, გიორგი შარვაშიძე პლაგიატში ამხილა“, ნათქვამია ორგანიზაციის ვებგვერდზე. სრულად... წყარო: gyla.ge

თბილისი. 21 ოქტომბერს, ინფორმაციის თავისუფლების განვითარების ინსტიტუტმა (IDFI) ოზურგეთის მუნიციპალიტეტის მერიისა და საკრებულოს თანამშრომლებისთვის ღია მონაცემების განკარგვისა და გამოქვეყნების საკითხებზე ონლაინ ტრენინგი ჩაატარა. „ტრენინგი მიზნად ისახავდა საჯარო მოხელეთა ცნობიერების ამაღლების მონაცემების შეგროვების, წარმოებისა და გამოქვეყნების საკითხებზე, რაც დაეხმარება მუნიციპალურ ორგანოებს გააუმჯობესონ ღია მონაცემების ხელმისაწვდომობის პრაქტიკა“. სრულად... წყარო: idfi.ge

თბილისი. ინფორმაციის თავისუფლების განვითარების ინსტიტუტმა (IDFI) და ილიას სახელმწიფო უნივერსიტეტმა კორუფციასთან მებრძოლთა საგანმანათლებლო სასერტიფიკატო პროგრამის ფარგლებში განაახლეს მხარეთა შორის მემორანდუმით გათვალისწინებული პირობები. „ახალი მემორანდუმის ფარგლებში, კორუფციასთან ბრძოლის სასერტიფიკატო მოდულები გარდაიქმნა ილიას უნივერსიტეტის მეცნიერებათა და ხელოვნების ფაკულტეტის აკადემიურ კურსებად, რომელშიც ჩართვის შესაძლებლობა ექნებათ როგორც დასახელებული ფაკულტეტის შესაბამისი მიმართულების სტუდენტებს, ასევე, კონკურსის შედეგად შერჩეულ კანდიდატებს. ილიას უნივერსიტეტის სტუდენტებს, მაღალი აკადემიური მოსწრების შემთხვევაში შესაძლებლობა ექნებათ მიიღონ სასწავლო კრედიტები (ECTS) და სერტიფიკატები, ხოლო კონკურსის შედეგად შერჩეული სხვა უნივერსიტეტების სტუდენტები, სახელმწიფო, არასამთავრობო და კერძო სექტორის წარმომადგენლები, პროგრამის წარმატებით გავლის შედეგად მიიღებენ სერტიფიკატებს“, ნათქვამია ორგანიზაციის ვებგვერდზე. სრულად... წყარო: idfi.ge

თბილისი. გსურთ გქონდეთ გერმანული დიპლომი? თუ მოკლევადიანი სასწავლო ვიზიტი უფრო გხიბლავთ? არ გამოტოვოთ ვირტუალური საგანმანათლებლო გამოფენა: 16 ოქტომბერი, 15:00 - 18:00 სთ. გერმანიის უმაღლესი სასწავლებლები 10-წუთიანი პრეზენტაციების საშუალებით წარმოგიდგენენ თავიანთ სასწავლო პროგრამებს და შეთავაზებებს. 17 ოქტომბერი, 15:00 - 19:00 სთ. მითითებული სასწავლებლების წარმომადგენლები უპასუხებენ თქვენს შეკითხვებს.  გამოფენა გთავაზობთ აგრეთვე საინტერესო ვიდეოებსა და საინფორმაციო მასალას ჩამოსატვირთი PDF დოკუმენტების სახით. სრულად... წყარო: www.daad-georgia.org

თბილისი. სექტემბერში USAID-ის მხარდაჭრით COVID-19-ზე რეაგირების საქმიანობების ფარგლებში, საქართველოს წითელი ჯვრის საზოგადოების 33 ფილიალში ჩატარდა NCDC-თან შეთანხმებით შემუშავებული ტრენინგები ადგილობრივი თანამშრომლებისა და მოხალისეებისთვის. ტრენინგის მიზანი იყო მოხალისეთა ცოდნის განახლება და გაღრმავება კოვიდ-19-ის ნიშნების, გადაცემის გზების, პრევენციის და პირადი უსაფრთხოების საშუალებების სწორად გამოყენების, ასევე სოციალური სტიგმის და რისკ-კომუნიკაციის ძირითადი გზავნილების შესახებ. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითრების ინსტიტუტის (IDFI) მეხსიერების და დეზინფორმაციის კვლევების მიმართულების ხელმძღვანელმა ანტონ ვაჭარაძემ და ანალიტიკოსმა, მეგი ქარცივაძემ ორნალინ ლექციის ფარგლებში ისაუბრეს თემაზე - რუსული პროპაგანდა: იმპერიიდან თანამედროვეობამდე. ონლაინ ლექციების ვიდეო ჩანაწერები იხილეთ ბმულზე: ლექციების შესახებ მეტი გაიგეთ აქ... წყარო: ორგანიზაციის გვერდი სოციალურ ქსელში

ადგილობრივი დემოკრატიის სააგენტო საქართველო გრანტის „რაჭა-ლეჩხუმი ქვემო სვანეთის მხარის განვითარების ინიციატივა“ ფარგლებში აგრძელებს აგროტურების ორგანიზებას მთავრობის მიერ დადგენილი რეგულაციების სრული დაცვით. „ამჯერად, ლენტეხის მუნიციპალიტეტში მცხოვრები ფერმერები ამბროლაურისა და ონის მუნიციპალიტეტს ესტუმრნენ და შემდეგი წარმატებული საწარმოები მოინახულეს: “Blauenstein Georgia/ ბლაუენშტაინ საქართველო“-ს კუთვნილი ფერმა და რაჭული ლორის საწარმო; თაფლის გადამამუშავებელი საწარმო ამბროლაურში; „გეო-ფლაუერი“-ს ჩირის გადამამუშავებელი საწარმო. აგრო ტურის განმავლობაში ფერმერები გაეცნენ თაფლის გადამუშავების მეთოდებს, სხვადასხვა სახეობის ლორის წარმოებისა და ჩირის დამზადების ტექნოლოგიას“. სრულად... წყარო: ორგანიზაციის გვერდი სოციალურ ქსელში

თბილისი. საქართველოს სტრატეგიული კვლევებისა და განვითარების ცენტრის (CSRDG) ორგანიზებით, ჩატარდა ონლაინ სემინარი თემაზე: როგორ დავგეგმოთ და განვახორციელოთ წარმატებული სათემო პროექტები. „სემინარის ფარგლებში CSRDG თემის განვითრების პროგრამის კოორდინატორმა, ნინო ვასაძემ მონაწილეებს გაუზიარა ორგანიზაციის მიდგომები თემის განვითარებისა და სათემო ინიციატივების მხარდაჭერის მიმართულებით. სათემო ორგანიზაციების წარმომადგენლებმა ლუსინე დოსტიბეგიანმა (თეთრიწყაროს ახალგაზრდული ცენტრი) და გვანცა კიკალეიშვილმა (განათლების და განვითარების ცენტრი თოლისკური) ისაუბრეს თემთან მუშაობის სპეციფიკაზე, განხორციელებულ პროექტებზე, არსებულ გამოწვევებსა და მიღწეულ შედეგებზე“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. 10 ოქტომბერს, რონდელის ფონდში დაიწყო საშაბათო სკოლა უფროსკლასელებისთვის: „დიპლომატია და საერთაშორისო ურთიერთობები“. „პირველი ლექცია წაიკითხა გიორგი ბადრიძემ, რონდელის ფონდის უფროსმა მკვლევარმა და საქართველოს ყოფილმა ელჩმა დიდ ბრიტანეთში. ლექციების თემა იყო „საქართველოს საგარეო პოლიტიკის ორიენტირები“ და „თანამედროვე პოლიტიკური სისტემები“. გაცნობებთ, რომ საშაბათო სკოლა მიმდინარეობს ჰიბრიდულ რეჟიმში, რამდენიმე მოსწავლე ლექციებს ონლაინ შემოუერთდა“.  სრულად... წყარო: ორგანიზაციის გვერდი სოციალურ ქსელში

თბილისი. კონსულტაციისა და ტრენინგის ცენტრი (CTC) აქვეყნებს სკოლა-ლაბის სტიპენდიანტის, მიხეილ იაშვილის ნაშრომს: „დისტანციური სწავლება“. „ნაშრომში დეტალურადაა აღწერილი დისტანციური სწავლების განვითარების ეტაპები, დღეს არსებული ონლაინ სწავლების განსხვავებული მიდგომები და განათლების ახალი პრადიგმა - კონექტივიზმი. ასევე, განხილულია ონლაინსწავლების სხვადასხვა ფორმის სასწავლო შედეგები, მისი ეფექტურობა და ბავშვის განვითარებაზე გავლენა. დასკვნის სახით კი წარმოდგენილია ეფექტური სასკოლო მოდელი იმ სარგებელისა და საფრთხეების გათვალისწინებით, რაც ონლაინსწავლებას და ტექნოლოგიების ინტენსიურ გამოყენებას ახლავს თან“. სრულად... წყარო: ორგანიზაციის გვერდი სოციალურ ქსელში

იმერეთი. საქართველოს ახალგაზრდა იურისტთა ასოციაციის ქუთაისის ფილიალი იცავდა პირს, რომელსაც აკაკი წერეთლის სახელმწიფო უნივერსიტეტში ჩატარებული კონკურსის შედეგად აკადემიური თანამდებობის დაკავებაზე უარი ეთქვა. „ქუთაისის სააპელაციო სასამართლომ ჩატარებულ კონკურსთან დაკავშირებით დარღვევები დაადგინა და მოსარჩელის ნაწილში ბათილად ცნო სსიპ. აკ. წერეთლის სახელმწიფო უნივერსიტეტის აკადემიური საბჭოს დადგენილება. ასევე, გაუქმდა სააპელაციო კომისიის სხდომის ოქმი. უნივერსიტეტს დაევალა გადაწყვიტოს კონკურსის პირობებთან შესაბამისობის საკითხი და ხელახლა შეაფასოს საკონკურსო მასალები. სააპელაციო სასამართლოს გადაწყვეტილება შესულია კანონიერ ძალაში“. სრულად... წყარო: gyla.ge

ბუდაპეშტში ცენტრალური ევროპის უნივერსიტეტის დახურვა ევროპის სასამართლომ უკანონოდ სცნო. სასამართლომ დაადგინა, რომ 2017 წელს უნგრეთის უმაღლესი განათლების კანონმდებლობაში მიღებული ცვლილებები შესაბამისობაში არ არის ევროკავშირის ძირითად უფლებათა ქარტიის აკადემიურ თავისუფლებასთან დაკავშირებულ დებულებებთან. ეს გადაწყვეტილება კი ნიშნავს, რომ ცენტრალური ევროპის უნივერსიტეტს უფლება აქვს გააგრძელოს აკადემიური საქმიანობა უნგრეთის ტერიტორიაზე.  სრულად... წყარო: www.ceu.edu