იმერეთი. ადგილობრივი დემოკრატიის სააგენტო საქართველომ, პროექტ „ერთობლივი ორგანიზაცია სოფლის ქსელების სამეწარმეო ახალგაზრდების განვითარებისთვის - JOURNEY” დაასრულა მეწარმეთა შესაძლებლობების განვითარების სემინარები, იმერეთის მხარის მუნიციპალიტეტების ახალგაზრებისთვის. „მენტორებმა ტრენინგზე ახალგაზრდებს პროექტის ფარგლებში მიღებული პოლონური და იტალიური გამოცდილება გაუზიარეს. გარდა ამისა, საუბარი შეეხო მოქმედ საგადასახადო კანონმდებლობასა და მეწარმეებისათვის არსებულ სამართლებრივ გარემოს, ბიზნეს იდეის შემუშავებისა და განვითარების საკითხებს (სტარტაპის ჩამოყალიბება/განვითარება, ფიჩინგი)“. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტის (IDFI) ინფორმაციით, 27-28 მაისს, გაიმართა ევრაზიის ანტიკორუფციული აკადემიური ქსელის ანტიკორუფციული ჰაბების (უკრაინა, საქართველო, სომხეთ, ყირგიზეთი, მოლდოვა) კურსდამთავრებულთა მილოცვის ცერემონია. ღონისძიებაში მონაწილეობდნენ სამოქალაქო საზოგადოების წარმომადგენლები. საქართველოში, კორუფციასთან ბრძოლის სასერტიფიკატო-სასწავლო კურსის მიმდინარეობას კოორდინირებს „ინფორმაციის თავისუფლების განვითარების ინსტიტუტი“ (IDFI). სრულად... წყარო: idfi.ge

თბილისი. 29 მაისს, რონდელის ფონდის პროექტის „ახალგაზრდები რეგიონის განვითარებისთვის“ ფარგლებში, „ზარზმის ბავშვთა აკადემიის“ მოსწავლეებისთვის გაიმართა ლექცია-დისკუსია თემაზე „საქართველოს დასავლური გზის ისტორია“. დისკუსიას უძღვებოდა თბილისის სახელმწიფო უნივერსიტეტის ასისტენტ-პროფესორი - ირაკლი ჩხაიძე. პროექტის მიზანია ადიგენისა და ახალციხის მუნიციპალიტეტების სკოლების მოსწავლეებში სამოქალაქო ცნობიერების ამაღლება და სამოქალაქო აქტივიზმის გაზრდა. სრულად... წყარო: ორგანიზაციის გვერდი სოციალურ ქსელში

სამცხე-ჯავახეთი. CENN-მა ევროკავშირის მხარდაჭერითა და ნინოწმინდის ახალგაზრდულ ცენტრთან თანამშრომლობით, ნინოწმინდაში ინოვაციურ ცოდნის ჰაბი გახსნა. „ინოვაციური ცოდნის ჰაბის მიზანი ადგილობრივ დონეზე ახალგაზრდების გაძლიერება და მათი სოციალური და მწვანე მეწარმეობის მიმართულებით განვითარების ხელშეწყობაა. ინოვაციური ცოდნის ჰაბი არის ახალგაზრდული სამუშაო სივრცე, რომელიც ხელმისაწვდომი იქნება ნინოწმინდის მუნიციპალიტეტში მცხოვრები ახალგაზრდებისათვის. ჰაბში პერიოდულად გაიმართება გარემოსდაცვითი და ახალგაზრდული კამპანიები, ასევე, ბენეფიციარებს ექნებათ შესაძლებლობა, შეხვდნენ სხვადასხვა სფეროს წარმომადგენლებს და გამართონ საჯარო დისკუსიები და საგანმანათლებლო ღონისძიებები“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

აჭარა. გაეროს ბავშვთა ფონდის, დაავადებათა კონტროლის ეროვნული ცენტრისა და აჭარის ჯანდაცვისა და განათლების სამინისტროების ორგანიზებით, აჭარის რეგიონში ადგილობრივი სკოლის მასწავლებლებისა და ექიმებისთვის საინფორმაციო შეხვედრა გაიმართა კოვიდ 19-ის საწინააღმდეგო ვაქცინაციის შესახებ. სრულად... წყარო: www.unicef.org

იმერეთი. ადგილობრივი დემოკრატიის სააგენტო საქართველო (LDA Georgia) იმერეთის თერთმეტ (11) მუნიციპალიტეტში (ბაღდათი, ზესტაფონი, სამტრედია, ვანი, ხონი, წყალტუბო, საჩხერე, ჭიათურა, ხარაგაული, თერჯოლა, ტყიბული) ახორციელებს პროექტს „მოქალაქეთა ჩართულობის ხარისხის ზრდა ადგილობრივ თვითმმართველობაში“.  მისი მიზანია გადაწყვეტილების მიღების პროცესში მოქალაქეთა ჩართულობის ხარისხის ზრდა და ადგილობრივი ხელისუფლების ანგარიშვალდებულების უზრუნველყოფა. პროექტის ფარგლებში, ხარაგაულის მუნიციპალიტეტის მერის სამოქალაქო მრჩეველთა საბჭოს წევრებს ტრენინგი ჩაუტარდათ. სრულად... წყარო: ორგანიზაციის გვერდი სოციალურ ქსელში

თბილისი. სახალხო დამცველის ინფორმაციით, თბილისის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტის დეკანატმა გაითვალისწინა ომბუდსმენის აპარატის მიმართვა და სასწავლო მასალის ჰომოფობიური შინაარსის მატარებელი ლიტერატურა სხვა შესაბამისი სახელმძღვანელოებით ჩაანაცვლა. „სახალხო დამცველის აპარატმა, ორგანიზაცია „თანასწორობის მოძრაობის“ განცხადების საფუძველზე, სოციალურ და პოლიტიკურ მეცნიერებათა ფაკულტეტის არჩევითი დისციპლინის „პოლიტიკური კულტურის“ სავალდებულო ლიტერატურა შეისწავლა. შესწავლამ ცხადყო, რომ სასწავლო მასალა ჰომოფობიური შინაარსის შემცველი იყო“. სრულად... წყარო: ombudsman.ge

კახეთი. 22-23 მაისს, კახეთში, სასტუმრო „შატო მერეში“, ადამიანის უფლებათა ცენტრის თანამშრომლები ესწრებოდნენ ტრენინგს სახელწოდებით - „COVID 19: სამოქალაქო საზოგადოების მოქნილობა და მდგრადობა”, რომელიც ფინანსდება ევროკავშირის (EU) მიერ და ხორციელდება ERIM (ყოფილი IREX Europe) და თბილისის ადამიანის უფლებათა სახლის (HRHT) მიერ. „გადაწვის თერაპიის ტრენინგის“ მიზანი იყო ესწავლებინა ცენტრის თანამშრომლებისთვის პრობლემის იდენტიფიცირება, სტრესთან გამკლავების გზები და გადაწვისგან თავის დასაღწევად ამოწურული რესურსების „შევსების” გზების ძიება. ტრენინგზე მიღებული გამოცდილება თანამშრომლებს დაეხმარა მნიშვნელოვან დეტალებზე ფოკუსირებასა და თადავჯერებულობის ამაღლებაში“.  სრულად... წყარო: ორგანიზაციის გვერდი სოციალურ ქსელში

თბილისი. პარტნიორობა ადამიანის უფლებებისთვის (PHR) ინფორმაციით, პროკურატურამ, ქალი ფეხბურთელების მიმართ, მწვრთნელის მხრიდან სავარაუდო გარყვნილი ქმედების ფაქტზე, დევნის დაწყებაზე უარი განაცხადა. ასევე, უარი თქვა დაზარალებულთა დაცვის მიზნით მიახლოვების აკრძალვისა და მწვრთნელისათვის სამსახურებრივი საქმიანობის შეჩერებაზე. „ორგანიზაცია იცავს 9 ქალი ფეხბურთელის ინტერესებს (მათ შორის ერთი ბავშვის), რომელთა მიმართაც მწვრთნელმა კაცმა განახორციელა სავარაუდო სექსუალური შევიწროება, სექსუალური ძალადობა და თაღლითობის დანაშაული. სექსუალური შევიწროება და ძალადობა გამოიხატებოდა არასასურველ სექსუალური შინაარსის ფიზიკურ შეხებაში, კომენტარებსა და პორნოგრაფიული მასალის იძულებით ჩვენებაში. თაღლითობაში ბრალდებული კაცი მწვრთნელი, რომელსაც ფეხბურთელი გოგოები სექსუალურ შევიწროებას და ბავშვების მიმართ ჩადენილ გარყვნილ ქმედებას ედავებიან, ამ წუთებშიც დასაქმებულია ერთ-ერთ საჯარო სკოლაში ფიზკულტურის მასწავლებლის პოზიციაზე და ყოველდღიური შემხებლობა აქვს ბავშვებთან“, ნათქვამია ორგანიზაციის განცხადებაში. სრულად... წყარო: phr.ge

თბილისი. 22 და 23 მაისს, საჯარო სკოლების სამოქალაქო განათლების პედაგოგებმა გაიარეს ტრენინგი, რომელიც ეხებოდა ახალ სასკოლო სახელმძღვანელოს: „რა ვიცით პარლამენტის შესახებ?”.  „სახელმძღვანელო შეიცავს ინფორმაციას პარლამენტსა და პარლამენტარიზმზე, რომელიც მიწოდებულია მოზარდებისთვის გასაგები ენით. მომავალი სასწავლო წლიდან, ახალი სახელმძღვანელო თბილისისა და აღმოსავლეთ საქართველოს 50 საჯარო სკოლაში, მე-5, მე-6 და მე-7 კლასების პროგრამაში, პილოტურ რეჟიმში დაინერგება. მისი მეშვეობით, 3,000-მდე სკოლის მოწაფე უფრო მეტს გაიგებს საქართველოს პარლამენტის შესახებ და გაეცნობა საპარლამენტო საქმიანობაში მოქალაქეთა ჩართულობის მნიშვნელობას“. სრულად... წყარო: ორგანიზაციის გვერდი სოციალურ ქსელში

თბილისი. „უფლებები საქართველოს“ ორგანიზებით, პლატფორმა Zoom-ის მეშვეობით, ყალბი ინფორმაციის ამოცნობის საკითხზე ონლაინ ტრენინგი გაიმართა. შეხვედრას სხვადახვა უნივერსიტეტის იურიდიული და ჟურნალისტიკის ფაკულტეტების სტუდენტები, ასევე პრაქტიკოსი სპეციალისტები დაესწრნენ. „ტრენინგს მედიამკვლევარი, ნინო ნარიმანიშვილი, უძღვებოდა. მან ისაუბრა ისეთ საკითხებზე, როგორებიცაა: დეზინფორმაციის სახეები, სათაურების მნიშვნელობა, ფარული ვებგვერდები და მათი დღის წესრიგი, ფოტომანიპულაციები და სხვა. თეორიულ მეცადინეობასთან ერთად, ტრენინგის მონაწილეებმა პრაქტიკული სავარჯიშოებიც შეასრულეს“. სრულად... წყარო: ორგანიზაციის გვერდი სოციალურ ქსელში

თბილისი. მშობლის სკივრი რესურს ოთახს ასე განმარტავს: სკოლაში არსებული იზოლირებული სივრცე, სადაც სპეციალური საგანმანათლებლო საჭიროების მქონე მოსწავლეები იღებენ დამატებით მხარდაჭერას, ინდივიდუალურად ან მოსწავლეთა მცირე ჯგუფთან ერთად. რესურს ოთახი აღჭურვილი უნდა იყოს სპეციალური საგანმანათლებლო საჭიროების მქონე მოსწავლეთა საჭიროებების დაკმაყოფილებისთვის განკუთვნილი ყველა სათანადო მატერიალურ-ტექნიკური საშუალებებით. სრულად... წყარო: პორტალის გვერდი სოციალურ ქსელში

თბილისი. მშობლის სკივრი აქვეყნებს ტერმინის „სპეციალური საგანმანათლებლო საჭიროების მქონე ბავშვი/მოსწავლე“ განმარტებას. „სპეციალური საგანმანათლებლო საჭიროების მქონე ბავშვი/ მოსწავლე მოსწავლე, რომელსაც აქვს სწავლასთან დაკავშირებული სირთულეები, ვერ ძლევს შესაბამისი კლასისათვის ეროვნული სასწავლო გეგმით გათვალისწინებულ მინიმალურ მოთხოვნებს ან/და საჭიროებს ეროვნული სასწავლო გეგმის მორგებას/გაფართოებას, გარემოს ადაპტაციას, ალტერნატიულ სასწავლო გეგმას ან/და სპეციალურ საგანმანათლებლო მომსახურებას“. სრულად... წყარო: ორგანიზაციის გვერდი სოციალურ ქსელში

კახეთი. ამერიკის შეერთებული შტატების ელჩმა საქართველოში, კელი დეგნანმა გუშინ ყვარელში მედიის განვითარების ფონდის (MDF) ორგანიზებული მედიაწიგნიერების ფორუმის გამარჯვებულები სპეციალური სერტიფიკატებით დააჯილდოვა. „ანა ქიზიყელაშვილი, ანა-მარია კოკორაშვილი, მარიამ ბოჭორაშვილი, ეკატერინე ბეჟანიშვილი, ნანუკა მოლაშვილი, დავით ჭუნაშვილი, მაკა ზაუტაშვილი, ნანიკო მამულაშვილი და დიანა სანადირაძე ის ახალგაზრდები არიან, რომლებმაც ყალბი ფოტო-ვიდეოს გადამოწმება, ინფორმაციულ ქაოსთან გამკლავება და კლონირებული ვებ-გვერდების იდენტიფიცირება შესძლეს“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. „საერთაშორისო გამჭვირვალობა-საქართველოს“ მედიის გუნდმა ჟურნალისტიკის ფაკულტეტის სტუდენტებს ტრენინგი ჩაუტარა თემაზე „ღია მონაცემების გამოყენება საგამოძიებო ჟურნალისტიკაში“. „ტრენინგის ფარგლებში, სტუდენტები გაეცნენ საქართველოში არსებული ღია მონაცემების წყაროებსა და მათი გამოყენების წესებს“. სრულად... წყარო: ორგანიზაციის გვერდი სოციალურ ქსელში

თბილისი. მიიღეთ ევროკავშირის გამოწვევა, დატესტეთ თქვენი ცოდნა და გააზიარეთ შედეგები პირველწყაროს პოსტის კომენტარებში.  რამდენად კარგად იცნობთ ევროკავშირს? ... წყარო: ევროკავშირის გვერდი სოციალურ ქსელში

თბილისი. მაკ-ი კარგად აცნობიერებს მშობლების ამ საჭიროებას და იწყებს ცერებრული დამბლის მქონე მშობელთა თვითდახმარების ჯგუფის შექმნას. „შეზღუდული შესაძლებლობის მქონე ბავშვების მშობლები ყოველდღიურად აწყდებიან უამრავ გამოწვევას, რაც ხშირად განპირობებულია ბავშვის კონკრეტული სამედიცინო დიაგნოზით. იმისთვის, რომ მშობლებმა წარმატებით გაართვან თავი ამ გამოწვევებს, სპეციალისტებისა და შესაბამისი სერვისების პარალელურად მნიშვნელოვანია მსგავსი გამოცდილების მქონე მშობლებთან საკუთარი აზრების გაზიარება და საუბარი.  თუ თქვენ ხართ 18 წლამდე ასაკის ცერებრული დამბლის მქონე ბავშვის მშობელი, გაქვთ წვდომა ინტერნეტზე და შესაძლებლობა ჩაერთოთ თვითდახმარების ჯგუფში ონლაინ პლატფორმის (ზუმის - zoom) გამოყენებით მინიმუმ 2 (ორ) კვირაში ერთხელ, მაშინ მიჰყევით ბმულს და შეავსეთ განაცხადი 18 მაისის ჩათვლით“. სრულად... წყარო: ორგანიზაციის ვებგვერდი სოციალურ ქსელში

თბილისი. 6 მაისს, 19:00 საათზე, გაიმართება საჯარო ლექცია: საინფორმაციო ეკოსისტემა და ინფორმაციული ომი. ლექციის მიზანია, ქართველი სტუდენტების და ახალგაზრდებისთვის ინფორმაციის მიწოდება მსოფლიოს თანამედროვე გამოწვევების შესახებ. ციფრული რევოლუციასთან ერთად ინფორმაციული ომი რეალობის განუყოფელი ნაწილი გახდა. ხოლო, საინფორმაციო ეკოსისტემის სწორად გააზრება თანამედროვე გამოწვევებთან გამკლავების ერთ-ერთი ფუნდამენტური ნაბიჯია. ლექცია ჩატარდება ონლაინ ფორმატში. დასასწრებად აუცილებელია წინასწარი რეგისტრაციის გავლა, რის შემდეგაც ელ.ფოსტა-ზე მიიღებთ შეხვედრის მოსაწვევს. სარეგისტრაციო ფორმა... ლექციას ადმინისტრირებას უწევს ფუკუიამას დემოკრატიის ფრონტისპირა ცენტრის ახალგაზრდული კლუბი. სრულად... წყარო: EPRC-ს გვერდი სოციალურ ქსელში

ქვემო ქართლი. საქართველოს ფერმერთა ასოციაციის ორგანიზებით, პროექტის „ეს წალკაა“ პარტნიორობის ფარგლებში, წალკის რაიონის ფერმერებისთვის და მცირე ბიზნესის წარმომადგენლებისთვის ტრენინგები მიმდინარეობს. „ბენეფიციარებმა უკვე გიარეს ტრენინგები ენერგოეფექტურობასა და კლიმატგონივრულ მეწარმეობაში, ელექტრონულ კომერციასა და ციფრულ მარკეტინგში და ინოვაციურ სტარტაპმეწარმეობაში; 11 მაისის ჩათვლით, ტრენინგის მონაწილეებისთვის შეხვედრები გაიმართება: აგროტურიზმის მენეჯმენტი და საკანონმდებლო ჩარჩო; სურსათის უვნებლობის სტანდარტები პირველადი და გადამუშავებული პროდუქტის წარმოებაში; ტყის არამერქნული პროდუქტების მდგრადი მართვა“. სრულად... წყარო: ორგანიზაციის გვერდი სოციალურ ქსელში

ქვემო ქართლი. თეთრიწყაროს ახალგაზრდულ ცენტრში, რომელიც სწავლებისა და დასაქმების ხელშეწყობის ერთ-ერთ ცენტრია ქვემო ქართლის რეგიონში, გაიმართა შეხვედრა ადგილობრივი თვითმართველობის წარმომადგენლებთან, პროექტის „უნარების განვითარება და დასაქმების ინოვაციური შესაძლებლობები საქართველოს რეგიონული განვითარებისთვის“ ფარგლებში.  „CSRDG ის წარმომადგენელმა დამსწრეებს გააცნო პროექტის მიზნები და ამოცანები. ასევე, განიხილეს სამომავლო თანამშრომლობის შესაძლებლობები“.  სრულად... წყარო: ორგანიზაციის გვერდი სოციალურ ქსელში

თბილისი. 25 მაისს ბიზნესისა და ტექნოლოგიების უნივერსიტეტი დასაქმების დისტანციურ ფორუმს, Femtech-ს გამართავს. „ფორუმი მიზნად ისახავს იმ ქალებისა და გოგოების დასაქმებას, რომლებიც კოდინგის სკოლის ფარგლებში გადამზადდნენ. ახლა კი უნივერსიტეტი მათ ტექნოლოგიების სფეროში დასაქმებაშიც დაეხმარება. ბიზნესისა და ტექნოლოგიების უნივერსიტეტი ქალთა გაძლიერების პრინციპების მხარდამჭერი და ამ მიმართულებით არაერთი საინტერესო ინიციატივის განმახორციელებელია“. სრულად... ფორუმზე რეგისტრაციისთვის ეწვიეთ ბმულს... წყარო: გაეროს ქალთა ფონდის გვერდი სოციალურ ქსელში

თბილისი. რონდელის ფონდისა და ეროვნული უმცირესობების საკითხებში ეუთოს უმაღლესი კომისრის ოფისის ორგანიზებით მოკლევადიანი სასწავლო კურსის „ეროვნული უმცირესობები - დისკურსის ხელშეწყობა“ მეორე ნაკადის ტრენინგები წარმატებით დასრულდა. „პროგრამის ფარგლებში ახალგაზრდებმა მიიღეს თეორიული და პრაქტიკული ცოდნა პოლიტიკის ანალიზის, ადვოკატირებისა და ლობირების, ქალთა მონაწილეობის, კვლევის მეთოდებისა და დეზინფორმაციასთან ბრძოლის შესახებ. ახალგაზრდები ასევე შეხვდნენ საქართველოს განათლებისა და მეცნიერების სამინისტროს, ომბუდსმენის ოფისის, ცენტრალური საარჩევნო კომისიისა და ეუთოს წარმომადგენლებს“. სრულად... წყარო: ორგანიზაციის გვერდი სოციალურ ქსელში