თბილისი. 4 დეკემბერს, IDFI-იმ გორის, ზუგდიდის, თელავის, ლაგოდეხისა და სენაკის მუნიციპალიტეტების მერიებისა და საკრებულოების თანამშრომლებისთვის ღია მონაცემების განკარგვისა და გამოქვეყნების საკითხებზე ონლაინ ტრენინგი ჩაატარა. „სწავლება მიზნად ისახავდა საჯარო მოხელეთა ცნობიერების ამაღლებას მონაცემების შეგროვების, წარმოებისა და გამოქვეყნების საკითხებზე, რაც დაეხმარებათ მუნიციპალურ ორგანოებს გააუმჯობესონ ღია მონაცემების ხელმისაწვდომობის პრაქტიკა“. სრულად... წყარო: idfi.ge

სამეგრელო. 2-3 დეკემბერს, ინფორმაციის თავისუფლების განვითარების ინსტიტუტმა (IDFI) ზუგდიდის მერიისა და მერიის დაქვემდებარებაში მყოფი იურიდიული პირების თანამშრომლებისთვის გამჭვირვალობის, ანგარიშვალდებულებისა და კეთილსინდისიერების საკითხებზე ონლაინ ტრენინგი ჩაატარა. „ტრენინგი მიზნად ისახავდა საჯარო მოხელეთა ცნობიერების ამაღლებას, აგრეთვე, ანტიკორუფციული მექანიზმების მიმართულებით მათი შესაძლებლობების გაძლიერებას. აღსანიშნავია, რომ ტრენინგს წინ უსწრებდა მერიაში არსებული სიტუაციის ყოვლისმომცველი ანალიზის მომზადება, შემდგომ კი ზუგდიდის მერიის გამჭვირვალობისა და კეთილსინდისიერების ამაღლების სტრატეგიისა და სამოქმედო გეგმის შემუშავება...“, ნათქვამია ორგანიზაციის ვებგვერდზე. სრულად... წყარო: idfi.ge

თბილისი. ადამიანის უფლებების სწავლებისა და მონიტორინგის ცენტრი (EMC) გთავაზობთ დოკუმენტს მარტივად წასაკითხ ფორმატში - „ქმედუნარიანობა და გადაწყვეტილების მიღებაში მხარდაჭერა“. „დოკუმენტით შშმ პირები (განსაკუთრებით, ინტელექტუალური და ფსიქოსოციალური ნიშნით შშმ პირები), მათი ოჯახის წევრები და ფართო საზოგადოება შეძლებს, მარტივად გასაგები ენით მიიღოს ინფორმაცია ქმედუნარიანობისა და მხარდაჭერის სისტემის შესახებ“, ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. 30 ნოემბერს, კორუფციასთან ბრძოლის პროგრამის ფარგლებში, საბაკალავრო სასწავლო კურსის მონაწილეებისათვის, ინფორმაციის თავისუფლებაზე ლექცია ჩაატარა ინფორმაციის თავისუფლების განვითარების ინსტიტუტის (IDFI) პროგრამების დირექტორმა ლევან ავალიშვილმა. „ლევან ავალიშვილმა შეხვედრის მონაწილეებს გაუზიარა IDFI-ს მიერ დაგროვილი ძალიან დიდი გამოცდილება ინფორმაციის თავისუფლებაზე მუშაობის, ინფორმაციის თავისუფლების სტანდარტების განმტკიცების, საჯარო ინფორმაციის გამოთხოვის და ამ გზით საჯარო უწყებების ანგარიშვალდებულების გაძლიერების შესახებ“, ნათქვამია ორგანიზაციის გვერდზე სოციალურ ქსელში. სრულად... წყარო: idfi.ge

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ღია მონაცემების სახელმძღვანელოს საჯარო მოხელეებისთვის. „ღია მონაცემები ხელს უწყობს სამოქალაქო მონიტორინგის მექანიზმების განვითარებას, აუმჯობესებს საზოგადოებრივ კეთილდღეობას და სახელმწიფო რესურსების ეფექტურ გამოყენებას. გზამკვლევის მიზანია საჯარო მოხელეებს მიაწოდოს პრაქტიკული ინფორმაცია მონაცემების მოპოვების, დამუშავების, ანალიზის, გამოქვეყნებისა და შენახვის შესახებ. ამ მიმართულებით მათი კვალიფიკაციის ამაღლება დაეხმარება საჯარო დაწესებულებებს, გაუმკლავდნენ მონაცემების დამუშავებასთან დაკავშირებულ გამოწვევებს და ეფექტურად გამოიყენონ არსებული რესურსები“, ნათქვამია ორგანიზაციის ვებგვერდზე. სრულად... წყარო: idfi.ge

სამეგრელო. გაეროს ბავშვთა ფონდის წარმომადგენელი საქართველოში, ღასან ხალილი შოთა მესხიას სახელობის ზუგდიდის სახელმწიფო სასწავლო უნივერსიტეტს ეწვია. „ერთი წლის წინ გაეროს ბავშვთა ფონდსა და უნივერსიტეტს შორის პარტნიორობას ჩაეყარა საფუძველი, რომელიც სასწავლო სისტემაში ბავშვის უფლებების თემატიკის დანერგვას ითვალისწინებს. დღეს სწორედ ამ პარტნიორობის შედეგებსა და სამომავლო გეგმებზე ისაუბრეს. მოხარულები ვართ, რომ უნივერსიტეტში ისწავლება კურსი ბავშვის უფლებების შესახებ“. სრულად... წყარო: ორგანიზაციის გვერდი სოციალურ ქსელში

თბილისი. ეკონომიკური პოლიტიკის კვლევის ცენტრი (EPRC) გაცნობებთ, რომ ორგანიზაციამ მიიღო ჯონ მაკკეინის და დევიდ კრამერის წიგნების ახალი ტირაჟები. „ასე რომ, „ამერიკული ინტერესის“ მეხუთე ნომერთან ერთად ორივე წიგნის აღებაც იქნება დღეიდან შესაძლებელი (რა თქმა უნდა, უსასყიდლოდ). მისამართი უცვლელია: ეკონომიკური პოლიტიკის კვლევის ცენტრი ფალიაშვილის 85, მე-4 სართული ორშაბათიდან პარასკევამდე, 10-დან 18-საათამდე“. სრულად... წყარო: ორგანიზაციის გვერდი სოციალურ ქსელში

თბილისი. გაეროს ბავშვთა ფონდისა და საერთაშორისო სატელეკომუნიკაციო კავშირის (ITU) ახალი ანგარიშის მიხედვით, საქართველოში სასკოლო ასაკის ბავშვების 15 პროცენტს არ აქვს სახლში ინტერნეტზე წვდომა. „საქართველოში, კორონავირუსის პანდემიის გამო სკოლების დახურვა შეეხო დაახლოებით 661 500 ბავშვს, რომლებსაც მოუწიათ გადასვლა ვირტუალურ რეჟიმში სწავლაზე. ის ბავშვები, რომლებსაც არ აქვთ ინტერნეტზე წვდომა, შესაძლოა განათლების ხელმისაწვდომობის გარეშე დარჩნენ. ჯერ კიდევ პანდემიამდე, მზარდი იყო იმ ახალგაზრდების რიცხვი, რომლებსაც ესაჭიროებოდათ საბაზისო, ციფრული, დასაქმების შესაბამისი და სამეწარმეო უნარ-ჩვევების შესწავლა, 21-ე საუკუნის ეკონომიკის პირობებში კონკურენტუნარიანობის მისაღწევად. ანგარიშის თანახმად, ციფრული უთანასწორობა კიდევ უფრო აღრმავებს ქვეყნებსა და თემებს შორის არსებულ უთანასწორობას. შესაბამისად, ყველაზე ხელმოკლე ოჯახებში, სოფლად და დაბალშემოსავლიან ქვეყნებში მცხოვრები ბავშვები და ახალგაზრდები კიდევ უფრო ჩამორჩებიან საკუთარ თანატოლებს; ამასთან ერთად, მცირდება ამ გამოწვევის გადაჭრის შესაძლებლობები“, ნათქვამია გაეროს ბავშვთა ფონდის ვებგვერდზე. სრულად... წყარო: www.unicef.org

თბილისი. ნატოსა და ევროკავშირის შესახებ საინფორმაციო ცენტრი იწვევს სტუდენტებს ამჯერად ნატო-ს თემატიკაზე სასერტიფიკატო კურსში მონაწილეობისთვის. კურსი შედგება ხუთი ვებინარისგან და მთელი საქართველოს მასშტაბით სტუდენტებს შესაძლებლობას მისცემს გაიგონ მეტი ნატოს ისტორიაზე, მის ამოცანებსა და მიზნებზე, ნატოს როლზე გლობალური უსაფრთხოების უზრუნველყოფაში; მოწვეულ ექსპერტებთან ერთად განიხილონ საქართველოს ევროატლანტიკური ინტეგრაციის პროცესი და ნატო-საქართველოს თანამშრომლობის დინამიკა და სამომავლო პერსპექტივები. ვებინარები გაიმართება 9, 11, 18, 21 და 23 დეკემბერს (თითო ლექციის ხანგრძლივობა 60-90 წუთი). ვებინარი ქართულ ენაზე ონლაინ პლატფორმის (Zoom) საშუალებით ჩატარდება. კურსის წარმატებით გავლის შემდეგ მონაწილეს გადაეცემა სერტიფიკატი ცენტრის ყველა კურსი მონაწილეებისათვის უფასოა. რეგისტრაციისთვის ეწვიეთ ბმულს... სრულად... წყარო: ცენტრის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს კვლევას: განათლების ხელმისაწვდომობა და სახელმწიფოს განათლების პოლიტიკა მაღალმთიან აჭარაში.  „წინამდებარე კვლევის მიზანია მაღალმთიან აჭარაში განათლების ხელმისაწვდო მობისა და მისი სოციალური და კულტურული განზომილებების შესწავლა“. სრულად... წყარო: emc.org.ge

თბილისი. იხილეთ ევროკავშირის მიერ დაფინანსებული სასწავლო გრანტების, ტრენინგების, კონკურსების, ღონისძიებების, პროექტებისა და სხვა შესაძლებლობების განახლებული სია აქ... წყარო: ევროკავშირის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს კვლევას: ეთნიკური უმცირესობების მიმართ განათლების პოლიტიკის სისტემური გამოწვევები. „ჩატარებულმა კვლევამ აჩვენა, რომ 2005 წლიდან დღემდე განათლების სისტემაში განხორციელებული რეფორმები, როგორც წესი გამოტოვებდა, ან არასაკმარისად პასუხობდა ეთნიკური უმცირესობების ხარისხიან განათლებაზე ხელმისაწვდომობის პრობლემას. უმაღლესი განათლებისა (1+4 პროგრამა) და ქართული ენის, როგორც მეორე ენის სწავლების მიმართულებით გადადგმული პოზიტიური ნაბიჯების მიღმა, არაქართულენოვანი სკოლების პრობლემები სამწუხაროდ განათლების პოლიტიკის პრიორიტეტებში წლების განმავლობაში სუსტად ექცეოდა. მეტიც, ამ კუთხით განათლების სისტემაში ფუნდამენტური ჩავარდნების და შედეგების მიუხედავად, უმცირესობების განათლების მიმართულებით სპეციალური და თანმიმდევრული პოლიტიკის გატარება სამთავრობო დღის წესრიგში არ დამდგარ“, ნათქვამია კვლევაში. სრულად... წყარო: emc.org.ge

თბილისი. ევროკავშირმა (EU) და გაეროს განვითარების პროგრამამ (UNDP) წამოიწყეს ონლაინ საკვირაო სკოლა, რომლის მსმენელები სოფლად მცხოვრები უფროსკლასელები არიან. საკვირაო სკოლის მეშვეობით, მოზარდები მეტს გაიგებენ ევროკავშირთან ინტეგრაციისა და მდგრადი განვითარების შესახებ, მონაწილეობას მიიღებენ სხვადასხვა გასართობ და სასწავლო აქტივობაში, დაესწრებიან მასტერკლასებსა და სოციალური უნარების განვითარების ტრენინგებს. საკვირაო სკოლაში უკვე ჩაერთო 330-ზე მეტი ახალგაზრდა. შეხვედრები ყოველ შაბათ-კვირას გაიმართება და 20 დეკემბრამდე გაგრძელდება. მეტი ინფორმაცია იხილეთ აქ... წყარო: ევროკავშირის გვერდი სოციალურ ქსელში

27 ნოემბერს (15:00 - 19:00 სთ.)  DAAD წარმოგიდგენთ დისტანციურ სასწავლო პროგრამებს გერმანიის რვა უმაღლეს სასწავლებელში, რომელთა შორისაა: RWTH Business School... Berlin School of Economics and Law...  დაწვრილებითი ინფორმაცია... რეგისტრაცია... წყარო: ორგანიზაციის გვერდი სოციალურ ქსელში

თბილისი. ორგანიზაცია „საფარი“ გთავაზობთ ბაია პატარაიას ვიდეოლექციას თემაზე: „დისკრიმინაციის აკრძალვა ქართული კანონმდებლობის მიხედვით“. „წინამდებარე ვიდეოლექციების სერია შექმნილია „კოალიცია თანასწორობის“ ეგიდით, ახალციხის, მარნეულისა და ლაგოდეხის მუნიციპალიტეტების თანამშრომლებთან მუშაობის შედეგად გამოკვეთილი საკითხების მიხედვით. ლექცია მიზნად ისახავს ანტიდისკრიმინაციული პოლიტიკის დანერგვაში ხელშეწყობას, საქართველოს მუნიციპალიტეტების თანამშრომლებში „დისკრიმინაციის ყველა ფორმის აღმოფხვრის შესახებ” საქართველოს კანონის შესახებ ცნობიერების ამაღლებას“. წყარო: ორგანიზაციის გვერდი სოციალურ ქსელში

სამეგრელო. Ზუგდიდის საარსებო წყაროების განვითარების ცენტრში (LDC) 12-13 ნოემბერს ჩატარდა ტრენინგი თემაზე „სოციალური მედიის მართვა, მარკეტინგი და ბრენდირება“. ტრენინგის მონაწილეები იყვნენ მეწარმეები, რომლებმაც პროექტის ფარგლებში ბიზნესის განსავითარებლად გრანტები მიიღეს. სრულად... წყარო: ორგანიზაციის გვერდი სოციალურ ქსელში

თბილისი. კონსულტაციის და ტრენინგის ცენტრი გთავაზობთ თვითმართულ (self-paced) ონლაინ კურსებს „სექსუალური შევიწროება სამუშაო ადგილზე“. „კურსი განკუთვნილია საზოგადოებრივი, არაკომერციული, არასამთავრობო ორგანიზაციების მენეჯერებისა და ხელმძღვანელებისთვის - მათთვის, ვისაც ორგანიზაციაში ჯანსაღი და დისკრიმინაციისგან თავისუფალი გარემოს უზრუნველყოფა სურს. კურსი შექმნილია კონსულტაციის და ტრენინგის ცენტრის მიერ აღმოსავლეთ-დასავლეთის მართვის ინსტიტუტის სამოქალაქო საზოგადოების განვითარებისა და მოქალაქეების ჩართულობის პროექტის (ACCESS) ფარგლებში“. სრულად... წყარო: ორგანიზაციის გვერდი სოციალურ ქსელში

თბილისი. 25 ნოემბერი, 13:00-16:00 საათზე, ქალთა საინფორმაციო ცენტრი, გენდერული ძალადობის წინააღმდეგ 16-დღიანი კამპანიისა და პროექტის “ოჯახში ძალადობის მსხვერპლთა მხარდაჭერის გაძლიერება COVID-19-ით გამოწვეული კრიზისის პერიოდში” ფარგლებში, გამართავს ონლაინ კონფერენციას თემაზე: შევუერთდეთ ნარინჯისფერ მსოფლიოს! ერთად ვუთხრათ არა ქალთა მიმართ ძალადობას. „იზოლაცია და კომენდანტის საათი, რასაც ადგილი აქვს COVID-19-ით გამოწვეული კრიზისის პერიოდში, ზოგადად ოჯახში ძალადობის რისკებს ზრდის. საქართველოში ბევრმა ქალმა არ იცის, როგორ უნდა მიიღოს დახმარება ოჯახში ძალადობის შემთხვევაში“, ნათქვამია ორგანიზაციის ვებგვერდზე. სრულად... წყარო: ორგანიზაციის გვერდი სოციალურ ქსელში

იმერეთი. ქუთაისის ახალგაზრდული ცენტრის წევრმა სალი საკანდელიძემ, ქუთაისის 23-ე საჯარო სკოლის მოსწავლეებისთვის ჩაატარა თანატოლთა განათლების ონლაინ ტრენინგი მედია წიგნიერებაზე. „ტრენინგის მიზანს წარმოადგენდა ახალგაზრდების ცნობიერების ამაღლება სოციალური მედიის და ყალბი ინფორმაციის გავრცელების თავიდან აცილების საკითხებზე. ტრენინგზე განიხილეს შემდეგი საკითხები: სოციალური მედია და ყალბი ინფორმაციის გავრცელების გამოწვევები; როგორ გადავამოწმოთ ვებ-გვერდები, წყაროები, პიროვნებები, ტროლები; როგორ გადავამოწმოთ ყალბი ფოტოები.“ სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტმა (IDFI) 12-13 ნომბერს, სენაკის მერიისა და მერიის დაქვემდებარებაში მყოფი იურიდიული პირების თანამშრომლებისთვის გამჭვირვალობის, ანგარიშვალდებულებისა და კეთილსინდისიერების საკითხებზე ონლაინ ტრენინგი ჩაატარა. „ტრენინგი მიზნად ისახავდა საჯარო მოხელეთა ცნობიერების ამაღლებას, აგრეთვე ანტიკორუფციული მექანიზმების მიმართულებით მათი შესაძლებლობების გაძლიერებას. აღსანიშნავია, რომ ტრენინგს წინ უსწრებდა მერიაში არსებული სიტუაციის ყოვლისმომცველი ანალიზის მომზადება, შემდგომ კი სენაკის მერიის გამჭვირვალობის, ანგარიშვალდებულების და კეთილსინდისიერების სტრატეგიისა და სამოქმედო გეგმის შემუშავება“, ნათქვამია ორგანიზაციის ვებგვერდზე.  სრულად... წყარო: idfi.ge

თბილისი. საქართველოს ახალგაზრდა იურისტთა ასოციაციამ ნათია შავაძის სახელით კონსტიტუციური სარჩელით საქართველოს საკონსტიტუციო სასამართლოს მიმართა. „საია სადავოდ ხდის „პროფესიული ტესტირების ჩატარების დებულების დამტკიცების თაობაზე“ საქართველოს განათლებისა და მეცნიერების მინისტრის ბრძანების მუხლს. სადავო ნორმა პროფესიულ საგანმანათლებლო დაწესებულებაში მოხვედრის მსურველ აპლიკანტებს ასაკობრივი ნიშნით ყოფს, რის გამოც თითოეულ ასაკობრივ კატეგორიაში მყოფი აპლიკანტების სასურველ პროფესიულ სასწავლებელში მოხვედრის შესაძლებლობა ერთმანეთისგან მნიშვნელოვნად განსხვავდება. ორგანიზაცია მიიჩნევს, რომ სადავო ნორმით მოსარჩელეს ეზღუდება საქართველოს კონსტიტუციით დაცული თანასწორობისა და განათლების უფლებები. სადავო ნორმის მიხედვით, 19 წლამდე ასაკობრივი კატეგორიის აპლიკანტებს ყოველთვის 23 ქულიანი, ხოლო 19-დან 29 წლამდე ასაკის კატეგორიის აპლიკანტებს ყოველთვის 9 ქულიანი უპირატესობა აქვთ 29 წლის ზემოთ მყოფი ასაკობრივი კატეგორიის აპლიკანტებთან მიმართებით. ამდენად, უფრო რეალური შანსი აქვთ მოხვდნენ მათთვის სასურველ პროფესიულ პროგრამაზე და დაეუფლონ პროფესიას“. სრულად... წყარო: gyla.ge

თბილისი. კონსულტაციისა და ტრენინგის ცენტრმა სასერტიფიკაციო დისტანციური კურსი „რეგიონული განვითარების პოლიტიკის საფუძვლები“ დაიწყო. „კურსში ყურადღება გამახვილებულია საქართველოს რეგიონული განვითარების პოლიტიკის ინსტრუმენტებისა და მექანიზმების, რეგიონული განვითარების პოლიტიკის დაგეგმვასა და განხორციელებაში ინტერსექტორული თანამშრომლობის საკითხებზე. კურსებზე რეგისტრაცია შესაძლებელია დღეიდან. რეგისტრაციისთვის ეწვიეთ ბმულს... წყარო: ორგანიზაციის გვერდი სოციალურ ქსელში