ქვემო ქართლი. 6-დან 8 მაისამდე, მარნეულში, პროექტ „მეცფესტის“ ფარგლებში, პირველად ჩატარდება სტარტაპ კვირეულის (ონლაინ) ღონისძიება. „თქვენ აღმოაჩენთ ახალ შესაძლებლობებს, შეხვდებით საინტერესო ადამიანებს, მონაწილეობას მიიღებთ მენტორინგის სესიებში, რომელსაც გაუძღვებიან დარგის ექსპერტები, გაეცნობით დაფინანსების ახალ ინსტრუმენტებს და შესაძლებლობა გექნებათ მონაწილეობა მიიღოთ იდეათონის კონკურსში, რომელში გამარჯვებული 3 გუნდი დაჯილდოვდება ფულადი პრიზით 1200, 1000 და 800 ლარით“.  კვირეულში მონაწილეობის მისაღებად შეგიძლიათ გაიაროთ რეგისტრაცია... პროექტი ხორციელდება USAID Zrda Activity in Georgia მხარდაჭერითა და Startup Grind Tbilisi Georgia პარტნიორობით. სრულად... წყარო: ორგანიზაციის გვერდი სოციალურ ქსელში

შიდა ქართლი. 27 აპრილს, გორის „კეთილდღეობის და განვითარების ცენტრი“-თან არსებული გორის სამოქალაქო აქტივიზმის ცენტრის მოხალისეებისათვის გაიმართა ფილმის „პეპლების ცირკის“ ჩვენება და განხილვა, ხოლო ფილმის შემდეგ კი მოხდა ესეების კონკურსის დაჯილდოვება. კონკურსი ეხებოდა ისეთ თემებს, როგორიცაა ტოლერანტობა და ადამიანის უფლებები. ახალგაზრდებმა წარმოადგინეს საინტერესო ესეები და გამოვლინდა გამარჯვებულები, რომლებსაც გადაეცათ ფასიანი საჩუქრები. სრულად... წყარო: ორგანიზაციის გვერდი სოციალურ ქსელში

შიდა ქართლი. ევროკავშირის მხარდაჭერითა და CENN-ისა და საზოგადოება „ბილიკის“ ორგანიზებით, გორში ინოვაციური ცოდნის ჰაბის გახსნითი ღონისძიება გაიმართა. „ინოვაციური ცოდნის ჰაბი არის ახალგაზრდული სამუშაო სივრცე, რომელიც ხელმისაწვდომი იქნება შიდა ქართლის რეგიონის ტერიტორიაზე მცხოვრები ახალგაზრდებისათვის და მიზნად ისახავს ადგილობრივ დონეზე ახალგაზრდების გაძლიერებას და მათი სოციალური და მწვანე მეწარმეობის მიმართულებით განვითარების ხელშეწყობას”. გაიგეთ მეტი აქ... წყარო: eeas.europa.eu

სამეგრელო. საქართველოს წითელი ჯვრის ახალგაზრდული და მოხალისეობრივი საქმიანობების განვითარების დეპარტამენტის ორგანიზებით, მოხალისეებისთვის, „ჩემი პირველი სამსახურის“ ტრენინგ მოდულის ონლაინ შეხვედრა გაიმართა. შეხვედრას საქართველოს წითელი ჯვრის საზოგადოების ზუგდიდის ფილიალის ტრენერი მოხალისე რომეო მალაზონია უძღვებოდა და მოხალისეებს ის საჭირო ინფორმაცია გაუზიარა როგორიცაა ჩვენს უნარებზე მორგებული ვაკანსიის მოძიება, სივის/რეზიუმეს/სამოტივაციო წერილის დაწერა, რჩევები წარმატებული გასაუბრებისთვის... სრულად... წყარო: საქართველოს წითელი ჯვრის საზოგადოების გვერდი სოციალურ ქსელში განათლება

იმერეთი. ადგილობრივი დემოკრატიის სააგენტო საქართველომ (LDA Georgia) დაასრულა ტრენინგების სერია სამოქალაქო საზოგადოებრივი ორგანიზაციებისათვის. „ამჯერად, ტრენინგი ჩატარდა იმერეთის მხარის შემდეგი მუნიციპალიტეტების: საჩხერე, ჭიათურა, თერჯოლა, ტყიბული, ზესტაფონი,სამტრედია, წყალტუბო, ხონი, სამოქალაქო საზოგადოებრივი ორგანიზაციების წარმომადგენლებისთვის. ტრენინგის მოდულით გათვალისწინებული იყო ისეთი საკითხები, როგორიცაა: მოქალაქეთა ჩართულობის მექანიზმები; მოქალაქეთა მონაწილეობა ადგილობრივი თვითმმართველობის განხორციელებაში; მრჩეველთა საბჭოს როლი/ფუნქცია ადგილობრივი თვითმმართველობის განხორციელების პროცესში; პროგრამული საბიუჯეტო პროცესები და ეტაპები; ადგილობრივი თვითმმართველობის მთავარი პრინციპები/უფლებამოსილებები; ადგილობრივი თვითმმართველობა დემოკრატიულ სახელმწიფოში; მუნიციპალიტეტის ფინანსები“. სრულად... წყარო: ორგანიზაციის ვებგვერდი სოციალურ ქსელში

თბილისი. საქართველოს სტრატეგიის და განვითარების ცენტრმა (GCSD) ძალადობრივი ექსტრემიზმის და რადიკალიზაციის პრევენციის შესახებ ონლაინ ტრენინგები ჩაატარა. „ძალადობრივ ექსტრემიზმთან გამკლავების სასწავლო პროგრამა წარმოადგენს, ამ მიმართულებით, პირველ ქართულენოვან სასწავლო პროგრამას. იგი მომზადდა ორგანიზაციის „Search for Common Ground“ მიერ „Hedayah“-ს ცენტრთან თანამშრომლობითა და ევროკავშირის ფინანსური მხარდაჭერით, პროგრამის „STRIVE Global“ ფარგლებში, ხოლო ქართული რეალობისთვის ადაპტირდა საქართველოს სტრატეგიის და განვითარების ცენტრის (GCSD) მიერ”. სრულად... წყარო: gcsd.org.ge

თბილისი. 20 აპრილს, ინფორმაციის თავისუფლების განვითარების ინსტიტუტის ღია მმართველობის მიმართულების ხელმძღვანელმა, დავით მაისურაძემ, კორუფციასთან ბრძოლის სასერტიფიკატო პროგრამის ფარგლებში ჩაატარა ლექცია ყირგიზეთის კორუფციასთან ბრძოლის სასერტიფიკატო პროგრამის მონაწილეებისათვის. ლექციის ფარგლებში დავით მაისურაძემ შეხვედრის მონაწილეებს გაუზიარა საქართველოს გამოცდილება კორუფციასთან ბრძოლის შესახებ... მომხსენებელმა ყურადღება გაამახვილა ღია მმართველობის პარტნიორობის (OGP) სამოქმედო გეგმების ფარგლებში შემუშავებულ ანტიკორუფციულ ინიციატივებზე, რომელიც ეხება საჯარო სამსახურის რეფორმირებას, საბიუჯეტო პროცესების გამჭვირვალობას და საჯარო ინფორმაციაზე ხელმისაწვდომობას. სრულად... წყარო: idfi.ge

ქვემო ქართლი. გასულ კვირას სოციალური სამართლიანობის ცენტრის (ყოფილი EMC) ორგანიზებით სოფელ ვახტანგისში გაიმართა შეხვედრები ადგილობრივ გლეხებთან და ახალგაზრდებთან.  „მოხსენებების თემატიკა მოიცავდა გლეხთა კოოპერატივებისა და სახელმწიფოს მიერ აგრარული სუბსიდირების შესახებ ლექციას, 1 + 4 პროგრამის, პროფესიის არჩევის, უნივერსიტეტში ჩაბარებისა და სწავლის შესახებ კვლევის დაკვირვებებისა და პირადი გამოცდილებების გაზიარებას. შეხვედრები გაიმართა სოფელი ვახტანგისის ახლადგახსნილ სათემო ცენტრში“, ნათქვამია ორგანიზაციის ვებგვერდზე. სრულად... წყარო: socialjustice.org.ge

DAAD Georgia წარმოადგენს იმ უნივერსიტეტების ჩამონათვალს, რომლებიც მონაწილეობას მიიღებენ 21 აპრილს, (11:30-14:30 სთ. და 17:30-18:30 სთ./საქართ. დროით) დაგეგმილ ვირტუალურ გამოფენაში - Study and Career (რეგისტრაციისთვის მიყევით ბმულს):  Brandenburg University of Technology Cottbus-Senftenberg   Coburg University of Applied Sciences and Arts   Technische Universität Ilmenau   Deggendorf Institute of Technology   FH Aachen University of Applied Sciences  FernUniversität in Hagen   FaDaF e.V. - Professional Association German as a Foreign and Second Language   Fulda University of Applied Sciences  წყარო: გვერდი სოციალურ ქსელში

თბილისი. GIZ შემდეგი წიგნების გაცემას იწყებს.:  ადმინისტრაციული წარმოება საჯარო სამსახურში; ევროპული სამართალი; განმარტებები „მეწარმეთა შესახებ“ საქართველოს კანონის პროექტზე; გადახდისუუნარობის საქმის წარმოების საფუძვლები; „რეაბილიტაციისა და კრედიტორთა კოლექტიური დაკმაყოფილების შესახებ“ საქართველოს კანონის მიხედვით; სამართალმცოდნეობის საფუძვლები; ზოგადი ვალდებულებითი სამართალი, კაზუსების კრებული; „ეპიდემიოლოგიური სიტუაციის გათვალისწინებით, რათა თავიდან ავირიდოთ ხალხის თავშეყრა, წიგნების ასაღებად აუცილებელი იქნება სარეგისტრაციო ფორმის შევსება. წიგნის წაღების ზუსტი თარიღი გეცნობებათ სარეგისტრაციო ფორმაში მითითებულ ელ.ფოსტის მისამართზე“. სრულად... წყარო: ორგანიზაციის გვერდი სოციალურ ქსელში

კახეთი. წნორში, USAID-ის მხარდაჭერილ ცოდნის კაფეს, რომელსაც მხარს უჭერს USAID ახალი შენობის ასაშენებლად ფონდების მოძიება სჭირდებოდა. „ტრადიციული მეთოდები საკმარისი არ აღმოჩნდა. მარტში, ფონდების მოძიების მიზნით, USAID-მა მხარი დაუჭირა კაფეს ახალი ექსპერიმენტის - საქართველოს სტუდენტებისთვის „ბუთქემფის“ დაწყებაში.  რა იყო გამოწვევა? ახალგაზრდებს 10 დღე ჰქონდათ იმისათვის, რათა 100 ლარიდან 200 ან 300 ლარი მიეღოთ. პირველ ტუში მონაწილე 29 გუნდმა თანხის შეგროვება პროდუქტების გაყიდვითა და დონაციებით შეძლო. მეორე ტურში გადავიდა 20 გუნდი, რომლებმაც სტარტაპ მეწარმის ქოუჩინგის დახმარებით შესძლეს 200 ლარი გაეორმაგებინათ ან გაესამმაგებინათ.  საბოლოოო ჯამში, ამ ახალგაზრდა მეწარმეება 35 387 ლარი შეაგროვეს ცოდნის კაფესთვის და ამავე დროს გაიუმჯობესეს ბიზნეს უნარ-ჩვევები“. სრულად... წყარო: ორგანიზაციის გვერდი სოციალურ ქსელში

თბილისი. „უფლებები საქართველოს“ 2 დღიანი ტრენინგი „მედია და ადამიანის უფლებათა ჟურნალისტიკა“ დასრულდა. „ორი დღის განმავლობაში შევძელით გვემსჯელა, გვეკამათა, გამოგვეხატა ემოციები, კმაყოფილება და შეშფოთება გამოხატვის თავისუფლებაზე, პირადი ცხოვრების დაცულობის უფლებაზე, საგანგებო მდგომარეობასა და მედიის თავისუფლებაზე. დევიზი „შევუთავსოთ სასარგებლო სასიამოვნოს“ ზედმიწევნით შევასრულეთ - მოვინახულეთ იყალთოს მონასტერი და აკადემია, მოვაწყვეთ ნიჭების გამოვლენის საღამო“. სრულად... წყარო: ორგანიზაციის გვერდი სოციალურ ქსელში

თბილისი. „მაკ ჯორჯია“ ახორციელებს კვლევას, რომლის მიზანია მასწავლებლების და სკოლის სხვა პერსონალის პროფესიული განვითარების საჭიროებებისა და დისტანციური სწავლების პროცესში აღმოცენებული სირთულეების იდენტიფიცირება. „გამოკითხვაში მონაწილეობა სრულიად ანონიმურია. დიდად დაგვეხმარებით თუ 5 წუთს გამოყოფთ, გადახვალთ მითითებულ ბმულზე და შეავსებთ კითხვარს... სრულად... წყარო: ორგანიზაციის გვერდი სოციალურ ქსელში

თბილისი. საქართველოს სტრატეგიისა და განვითარების ინსტიტუტი (GCSD) გთავაზობთ კვლევას: „ხელოვნური ინტელექტის გამოყენება საქართველოს წინააღმდეგ მიმართულ საინფორმაციო ოპერაციებთან ბრძოლაში“.  ნაშრომი სრულად იხილეთ ბმულზე... „...ხელოვნური ინტელექტის დახმარებით, ფაქტების გადამამოწმებელ ორგანიზაციებს შეუძლიათ უფრო ეფექტურად ებრძოლონ დეზინფორმაციას და ყალბ ახალ ამბებს, მონიშნონ გზავნილები და მოახდინონ შესაბამისი რეაგირება. მიუხედავად პერსპექტივისა, ხელოვნური ინტელექტი არ უნდა იქნას გაგებული როგორც საკითხის გადაჭრის უნივერსალური გზა, ისევე როგორც სხვა ტექნიკები, ხელოვნური ინტელექტიც აჩენს ეთიკურ და სამართლებრივ კითხვებს“... წყარო: ორგანიზაციის გვერდი სოციალურ ქსელში

თბილისი. GIZ აქვეყნებს კიდევ ერთ მნიშვნელოვან გამოცემას: განმარტებები „მეწარმეთა შესახებ“ საქართველოს კანონპროექტზე. „წიგნი შეიქმნა საკორპორაციო სამართლის რეფორმის ხელშეწყობის ფარგლებში, ევროკავშირისა და გერმანიის ეკონომიკური თანამშრომლობისა და განვითარების ფედერალური სამინისტროს (BMZ) თანადაფინანსებული პროექტის ‒ „საქართველოს კომერციული სამართლისა და პრაქტიკის გაუმჯობესება“ ‒ ფინანსური და ტექნიკური მხარდაჭერით, რომელსაც გერმანიის საერთაშორისო თანამშრომლობის საზოგადოება(GIZ) ახორციელებს. წიგნი შექმნილია გიორგი ჯუღელის და გიორგი გიგუაშვილის ავტორობით. გამოცემის ელექტრონული ვერსია შეგიძლიათ იხილოთ ჩვენს ონლაინ-ბიბლიოთეკაში... წიგნი ბეჭდური სახით დარიგდება აპრილის თვეში“. სრულად... წყარო: ორგანიზაციის გვერდი სოციალურ ქსელში

გურია. გურიაში ქალთა ისტორიის თვე #WomensHistoryMonth აღინიშნა. „ღონისძიებების ფარგლებში, შეხვედრა გაიმართა გურიაში სახელმწიფო რწმუნებულს, გიორგი სახოკიასა და გაეროს მოსახლეობის ფონდის UNFPA საქართველოს ოფისის ხელმძღვანელს, ლელა ბაქრაძეს შორის. ოზურგეთის #1 საჯარო სკოლაში გაიხსნა ფოტოგრაფ დინა ოგანოვას გამოფენა „გოგონები მომავლიდან“. ამავე პროექტის ჩვენება შედგა ჩოხატაურის #1 და ლანჩხუთის მუნიციპალიტეტის სოფელ ჩოჩხათის საჯარო სკოლებში. ამავე სკოლების ბიბლიოთეკებში, Palitra L Publishing • გამომცემლობა პალიტრა L -თან და Silknet - სილქნეტი -თან პარტნიორობით, „თანასწორობის კუთხეები“ გაიხსნა. „თანასწორობის კუთხეები“ მწერალმა, საქართველოს პარლამენტის ეროვნული ბიბლიოთეკის დირექტორმა და UNFPA-ს მეგობარმა, გიორგი კეკელიძე • Giorgi Kekelidze-მ გახსნა. მან მოსწავლეებთან გენდერული თანასწორობის იდეისა და მნიშვნელობის შესახებ ისაუბრა“. სრულად... წყარო: georgia.unfpa.org

თბილისი. ეკონომიკური მედია სკოლის მეცამეტე ნაკადის მსმენელებს სერტიფიკატები გადაეცათ. სასწავლო კურსი, შეზღუდვების გამო, ამჯერად, ონლაინ მიმდინარეობდა და მისი მიზანი ჟურნალისტებისთვის ფინანსური განათლების ამაღლება იყო. ტრენინგებს ეროვნული ბანკის პრეზიდენტის მრჩეველი - გიორგი ბაქრაძე და მოწვეული სპიკერები ატარებდნენ. ჟურნალისტებმა ეკონომიკის საფუძვლები სპეციალური კურსის მიხედვით შეისწავლეს. სრულად... წყარო: sab.ge

თბილისი. გამოიცა ეკონომიკური პოლიტიკის კვლევის ცენტრის ახალი პროექტის - POWER • Promoting Opportunities for Women's Economic Resilience-ის პუბლიკაციის ბეჭდური ვერსიაც - გზამკვლევი დამწყები მეწარმეებისთვის. პუბლიკაცია უფასოა და ხელმისაწვდომია ყველასთვის. პროექტი მხარდაჭერილია British Embassy Tbilisi-ის კარგი მმართველობის ფონდის მიერ. სრულად... წყარო: ორგანიზაციის გვერდი სოციალურ ქსელში

თბილისი. 25 მარტს, კორუფციასთან მებრძოლთა საგანმანათლებლო ჯგუფისთვის „საქართველოს ენერგეტიკის განვითარების ფონდის“ დირექტორის მოადგილემ იურიდიულ საკითხებში, ლევან მოსახლიშვილმა, ჩაატარა ღია ლექცია თემაზე „ინვესტორის რისკები ენერგეტიკის სექტორში“. სრულად... წყარო: idfi.ge

თბილისი. საქართველოს ახალგაზრდა მკვლევარ-სოციოლოგთა ასოციაციის • GYRSA-ს და ილიაუნის ახალგაზრდა სოციოლოგთა გაერთიანების სოციალურ კამპანიას, ოქტომბრიდან დღემდე 1500-მდე ადამიანი შემოუერთდა და ინჰუასთან - აზიური ენისა და კულტურის სახლთან თანამშრომლობით, 300-მდე ადამიანმა სრულიად უფასოდ გაიარა ჩინურის, არაბულის, კორეულის საბაზისო მასტერკლასი ან ერთთვიანი კურსი ენების სპეციალისტებთან. კამპანია გრძელდება და ინჰუასთან თანამშრომლობის ფარგლებში, დამწყებებს გთავაზობთ ჩინური ენის კურსს და 2 უფასო ონლაინ მასტერკლასს ჩინური ენის სპეციალისტებთან, სადაც გაეცნობით ჩინური ენის შესწავლის სპეციფიკას, პერსპექტივას და გამოყენებადობას. რეგისტრაციის ბმული... სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტის თანახმად, კორუფციასთან ბრძოლის საგანმანათლებლო პროგრამის გაზაფხულის სემესტრი ბაკალავრებისთვისაც დაიწყო.  პროგრამის ფარგლებში ჩატარდა პირველი ლექცია „კორუფცია და პოლიტიკა“, რომელსაც ზურაბ სანიკიძე, სახელმწიფო სერვისების განვითარების სააგენტოს თავმჯდომარე კითხულობს. გაიგეთ მეტი… წყარო: idfi.ge

თბილისი. 17 მარტს, ჩატარდა პირველი ლექცია საგანში „კორუფციასთან ბრძოლა - საერთაშორისო აქტორები, ანტიკორუფციული პლატფორმები“, რომელიც კორუფციასთან ბრძოლის საგანმანათლებლო პროგრამის შემადგენელი ნაწილია. „ლექციის დასაწყისში, „ინფორმაციის თავისუფლების განვითარების ინსტიტუტის“ (IDFI) დირექტორმა, გიორგი კლდიაშვილმა, მიმართა სალექციო კურსის მონაწილეებს. აღნიშნული საგნის ფარგლებში, პროგრამის მონაწილეებს და ილიას უნივერსიტეტის სტუდენტებს შეეძლებათ ისწავლონ ისეთი საკითხები როგორიცაა - კორუფციასთან ბრძოლის საერთაშორისო პლატფორმები, საქართველოს ეროვნული ანტიკორუფციული სტრატეგიები და სამოქმედო გეგმები, ბენეფიციარ მესაკუთრეთა გამჭვირვალობა, ანტიკორუფციული პოლიტიკა მოპოვებითი მრეწველობის სფეროში, პოლიტიკური კორუფცია, ლობიზმი და ამომრჩევლის მოსყიდვა“. სრულად... წყარო: idfi.ge