თბილისი. რონდელის ფონდმა საჯარო მოხელეთა სასწავლო პროგრამის კურსდამთავრებულები დააჯილდოვა და ახალი ჯგუფი მიიღო. „ღონისძიებაზე დარიგდა პოლიტიკის დოკუმენტების 2020 წლის კრებული. 7-თვიანი პროგრამის განმავლობაში, ლექციების პარალელურად, თითოეული მონაწილე ინდივიდუალურად მუშაობდა პოლიტიკის დოკუმენტზე, რომელთაგან შერჩეული 9 ნაშრომი კრებულად გამოქვეყნდა. პროგრამა „საჯარო მოხელეთა პროფესიული შესაძლებლობების ზრდა გადაწყვეტილების მიღებასა და მოლაპარაკებების წარმართის ტექნიკაში“ 2009 წლიდან ხორციელდება რონდელის ფონდში, შვედეთის საერთაშორისო განვითარებისა და თანამშრომლობის სააგენტოს (Sida) მხარდაჭერით“. სრულად... წყარო: ორგანიზაციის გვერდი სოციალურ ქსელში

თბილისი. 30 ივნისს ჩეხური არასამთავრობო ორგანიზაციის Post Bellum-ის წარმომადგენლებმა ინფორმაციის თავისუფლების განვითარების ინსტიტუტის (IDFI) თანამშრომლებისა და სხვა დაინტერესებული მკვლევრებისთვის გამართეს ონლაინ ტრენინგი, რომლიც მიზანიც იყო დამსწრეებისთვის გაეცნო Post Bellum-ის ონლაინ არქივის - „ერების მეხსიერება“ (Memory of Nations) შედგენის მეთოდოლოგია, სტრუქტურა და სხვა დეტალები. სრულად... წყარო: idfi.ge

თბილისი. გაეროს ბავშვთა ფონდი ეხმარება უნივერსიტეტებს ბავშვის უფლებათა საკითხების საუნივერსიტეტო საგანმანათლებლო პროგრამებსა და კურიკულუმებში ჩართვის მიმართულებით. 28-29 ივნისს, იუნისეფის ორგანიზებით, პროფესიული განვითარების პროგრამის ფარგლებში აკაკი წერეთლის სახელმწიფო უნივერსიტეტის და შოთა მესხიას ზუგდიდის სახელმწიფო სასწავლო უნივერსიტეტის აკადემიურ პერსონალს ბავშვთა უფლებების სწავლა-სწავლების მეთოდოლოგიაზე სემინარები ჩაუტარდათ. სრულად... წყარო: ორგანიზაციის გვერდი სოციალურ ქსელში

თბილისი. საქართველოს პოლიტიკის ინსტიტუტის ინფორმაციით, მომავალ ლიდერთა სკოლის (#ELS) 2021 წლის გამოშვება მონაწილეებისთვის შიდა ქართლისა და მცხეთა-მთიანეთის რეგიონებიდან დასრულდა.  „პროგრამის მიმდინარეობის 6 თვის განმავლობაში, ჯამში სულ 24 ტრენინგ-მოდული მომზადდა ისეთ საინტერესო თემებზე, როგორიცაა ეთნიკურ უმცირესობათა უფლებები და სამოქალაქო ინტეგრაციის პოლიტიკა, საქართველოს ეკონომიკური გამოწვევები და მათი დაძლების გზები, ახალგაზრდული პოლიტიკის არსი და საჭიროება, განათლების პოლიტიკა საქართველოში, ახალგაზრდების ჩართულობა დემოკრატიულ პროცესებში, მედიაწიგნიერება, ადვოკატირების კამპანიის დაგეგმვა, სამოქალაქო ლიდერობა და სხვა. მომავალ ლიდერთა სკოლა არის ინიციატივა, რომელიც GIP-ის მიმდინარე პროექტის „ცვლილებებზე ორიენტირებული ახალგაზრდების ხელშეწყობა საქართველოში“ ფარგლებში ხორციელდება USAID/Georgia-ს ფინანსური მხარდაჭერითა და კავკასიის კვლევითი რესურსების ცენტრთან (CRRC Georgia) თანამშრომლობით“. სრულად... წყარო: ორგანიზაციის გვერდი სოციალურ ქსელში

თბილისი. ქუთაისსა და ბათუმში პარტნიორობა ადამიანის უფლებებისთვის (PHR) ინიციატივით, იურისტებთან, ექიმებთან და ფსიქოლოგებთან ჩატარდა ტრენინგი შეზღუდული შესაძლებლობის მქონე ქალების სექსუალური და რეპროდუქციული ჯანმრთელობის უფლებების შესახებ. „ტრენერებმა განიხილეს რას მოიცავს სექსუალური და რეპროდუქციული ჯანმრთელობის უფლება, რა დამატებით სირთულეებს აწყდებიან შეზღუდული შესაძლებლობის მქონე ქალები აღნიშნული უფლებებით სარგებლობისას, რა ვალდებულებები აქვს სახელმწიფოს ნაკისრი, როგორც საერთაშორისო ხელშეკრულებებით, ასევე საქართველოს კანონით „შეზღუდული შესაძლებლობის მქონე პირთა უფლებების“ შესახებ.“ სრულად... წყარო: phr.ge

თბილისი. 24 ივნისს, სასტუმრო „თბილისი მერიოტში“, სამუშაო თემატურმა ჯგუფმა „ახალგაზრდების პოლიტიკური ჩართულობა“ მრგვალი მაგიდის ფორმატის დისკუსია გამართა. „დისკუსიის პირველი პანელი დაეთმო თემას ახალგაზრდობის დაბალი პოლიტიკური ჩართულობისა და აქტიურობის განმაპირობებელი გარემოებები და პერსპექტიული მექანიზმები ამ მიმართებით მდგომარეობის გასაუმჯობესებლად“. სრულად... წყარო: ორგანიზაციის გვერდი სოციალურ ქსელში

თბილისი. საქართველოს პოლიტიკის ინსტიტუტის (GIP) ოფისში, სამუშაო თემატურმა ჯგუფმა - „ახალგაზრდების პოლიტიკური ჩართულობა“ ბლოგების კონკურსის გამარჯვებულები გამოავლინა.  „ბლოგები ეხება იმას, თუ რა აფერხებს ახალგაზრდებს უფრო აქტიურად იყვნენ ჩართულები ქვეყნის პოლიტიკურ ცხოვრებაში. ეს სამუშაო თემატური ჯგუფი პროექტის “ცვლილებაზე ორიენტირებული ახალგაზრდების ხელშეწყობა საქართველოში” ფარგლებში შეიქმნა და ერთ-ერთია იმ ჯგუფებს შორის, რომლებიც სხვადასხვა საინტერესო ინიციატივას ახორციელებენ მცირე საგრანტო პროექტების სახით“. სრულად... წყარო: ორგანიზაციის გვერდი სოციალურ ქსელში

კახეთი. 18-19 ივნისს, EWMI ACCESS-ის ინიციატივით თელავში გაიმართა საჯარო პოლიტიკის ფორუმი პანდემიის პირობებში სკოლამდელი და ადრეული განათლების დაწესებულებების საჭიროებების შესახებ. „არასამთავრობო ორგანიზაციამ Civitas Georgica წარადგინა ამ საკითხზე ჩატარებული კვლევის შედეგები, რომლის ფარგლებშიც მთელი ქვეყნის მასშტაბით 2413 მშობელი და 473 საბავშვო ბაღის წარმომადგენელი გამოიკითხა, ასევე ჩატარდა ჩაღრმავებული ინტერვიუები განათლებისა და მეცნიერების სამინისტროს წარმომადგენლებთან, ექსპერტებთან და სხვა დაინტერესებულ მხარეებთან. კვლევა მოიცავს სამ ძირითად თემას: • სკოლამდელი განათლების დაწესებულებების მართვის საკითხები პანდემიის დროს • დისტანციური სწავლება - პრაქტიკა და ფორმები • ოჯახების მხარდაჭერა პანდემიის დროს“.  სრულად... წყარო: ორგანიზაციის გვერდი სოციალურ ქსელში

აჭარა. 15 ივნისს, ქალაქ ბათუმში, მასშტაბური დასაქმების ფორუმის ორგანიზებასა და განხორციელებაში თავისუფალ ჟურნალისტთა სახლის (IJH) ახალგაზრდული ცენტრის წევრებმა მოხალისეობრივად მიიღეს მონაწილეობა. „მოხალისეების დახმარებით შესაძლებელი გახდა ფორუმზე მოსული სამუშაოს მაძიებლების ნაკადის მართვა, COVID-19 რეგულაციების დაცვა და მონაწილეების ინფორმირება“. განათლების განვითარების და დასაქმების ცენტრი (EDEC) მადლობას უხდის მოხალისე ახალგაზრდებს გაწეული შრომისთვის და წარმატებები ვუსურვოთ სამომავლო საქმიანობაში. სრულად... წყარო: edec.ge

გურია. 2020 წლის ოქტომბერში, ევროკავშირის მხარდაჭერით, დაიწყო 36-თვიანი პროექტი სახელწოდებით „უნარების გაძლიერება და დასაქმების ინოვაციური შესაძლებლობები საქართველოს რეგიონული განვითარებისთვის“.  „პროექტის ფარგლებში, გურიის რეგიონში, ოზურგეთსა და ჩოხატაურში, ახალგაზრდა პედაგოგთა კავშირის ბაზაზე, გაიხსნა სწავლებისა და დასაქმების ხელშეწყობის ცენტრი, რომელიც ბენეფიციარებს აძლევს უნიკალურ შანსს, შეხვდნენ საუკეთესო ტრენერებსა და დარგის სპეციალისტებს, მიიღონ დასაქმებისთვის საჭირო უნარ-ჩვევები და აუცილებელი ცოდნა. სწავლებისა და დასაქმების ხელშეწყობის ცენტრის მომსახურებით შეუძლია ისარგებლოს ყველამ, ვინც 16 წელს გადააბიჯა, ვისაც სურს, განივითაროს უნარები, ისწავლოს და დასაქმდეს“, ნათქვამია ახალგაზრდა პედაგოგთა კავშირის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

აჭარა. „საერთაშორისო გამჭვირვალობა - საქართველოს” ბათუმის ოფისისა და სამოქალაქო საბჭოების კოორდინატორმა, მალხაზ ჭკადუამ, ორგანიზაცია Orbeliani Georgia ორბელიანი საქართველოს მიწვევით, ახალგაზრდა აქტივისტებისთვის ტრენინგი ჩაატარა. შეხვედრაზე საუბარი შეეხო ორგანიზაციის სამოქალაქო საბჭოების მუშაობასა და შედეგებს, ადგილობრივ თვითმმართველობებთან თანამშრომლობის პრაქტიკას, მუნიციპალიტეტების კომპეტენციებსა და მოქალაქეთა ჩართულობის მექანიზმებს ადგილობრივი მნიშვნელობის საკითხების გადაწყვეტის პროცესში. სრულად... წყარო: ორგანიზაციის გვერდი სოციალურ ქსელში

ლექსიკონში შესულია კორპორაციულ პასუხისმგებლობასთან და მდგრად განვითარებასთან დაკავშირებული ტერმინები და კონცეფციები. მაგალითად: მდგრადი განვითარების ანგარიში, კორპორაციული მდგრადობა, მწვანე მარკეტინგი და ა.შ.). ასევე, უფრო თართოდ გავრცელებული ტერმინები, რომლებიც მნიშვნელოვანი და არსებითია კორპორაციული პასუხისმგებლობის კონტექტსშიც. ლექსიკონი შეიქმნა CSRDG-ის კორპორაციული სოციალური პასუხისმგებლობის პროგრამის მიერ, პროექტის "სამოქალაქო საზოგადოების ინიციატივის" ფარგლებში, ევროკავშირისა და კორნად ადენაუერის ფონდის მხარდაჭერით. წიგნის ავტორია ლელა ხოფერია. ლექსიკონი...

თბილისი. ინფორმაციის თავისუფლების განვითარების ინსტიტუტმა (IDFI), როგორც მონაცემთა გლობალური ბარომეტრის (GDB) რეგიონულმა ჰაბმა, ეროვნული მკვლევრების ტრენინგი ჩაატარა. „IDFI მონაცემების გლობალური ბარომეტრის პროექტს და მის რეგიონულ ჰაბებს 2020 წლის შემოდგომაზე შეუერთდა. ორგანიზაცია ცენტრალური აზიისა და აღმოსავლეთ ევროპის რეგიონული ჰაბი გახდა და პასუხისმგებელია 12 ქვეყნის შეფასების კოორდინაციაზე: სომხეთი, აზერბაიჯანი, ბელარუსი, საქართველო, ყაზახეთი, ყირგიზეთი, მონღოლეთი, მოლდოვა, ტაჯიკეთი, თურქმენეთი, უკრაინა და უზბეკეთი. ტრენინგი მიზნად ისახავდა ეროვნული მკვლევრებისთვის GDB-ის მეთოდოლოგიის გაცნობას. მომავალში მათ ამ მეთოდოლოგიით შესაბამის ქვეყნებში ღია მონაცემების ხელმისაწვდომობა უნდა შეაფასონ. კერძოდ, მონაცემების შეგროვების ეტაპი ივნისის შუა რიცხვებიდან დაიწყება და აგვისტოს ბოლომდე გასტანს“. სრულად... წყარო: idfi.ge

თბილისი. ამერიკის შეერთებული შტატების საელჩო საქართველოში კითხვაში საზაფხულო გამოწვევას აცხადებს. „პროგრამა მარტივია: აირჩიეთ წიგნი ქართულ ან ინგლისურ ენაზე, წაიკითხეთ, შეავსეთ ამერიკული სივრციდან მიღებული წიგნის ფორმა და დაუბრუნეთ მათ 10 სექტემბრამდე. ბავშვებს შეუძლიათ, რომ წიგნები გამოიტანონ ამერიკული სივრციდან, საჯარო, სკოლის ან ოჯახის ბიბლიოთეკიდან, ითხოვონ მეგობრებისგან, ან ოჯახის წევრებისგან, შეიძინონ მაღაზიაში, ან ნახონ ნებისმიერ ხელმისაწვდომ ადგილას. ეს შეიძლება იყოს ნებისმიერი წიგნი ინგლისურად ან ქართულად, მხატვრული ან არამხატვრული ლიტერატურა. ნებისმიერი ბავშვი, რომელიც 100 გვერდს მაინც წაიკითხავს, მიიღებს ამერიკის ელჩის, კელი დეგნანის ხელმოწერილ ვერცხლის სერტიფიკატს. ბავშვები, რომლებიც 500 გვერდს მაინც წაიკითხავენ, მიიღებენ ოქროს სერტიფიკატს. ქულები ინგლისურად წაკითხული გვერდებისთვის გაორმაგდება“, ნათქვამია საელჩოს გვერდზე სოციალურ ქსელში  სრულად... წყარო: ორგანიზაციის გვერდი სოციალურ ქსელში

შიდა ქართლი. CSI-ს გორის ოფისმა, გორის მერიის ახალგაზრდული განყოფილების ხელმძღვანელთან ერთად, სოფელ ქორდში, ახალგაზრდული სივრცე მოინახულეს და კამპანია „ეს ქვეყანა შენიას“ ფარგლებში მომზადებული მასალები ჩაიტანეს. სამოქალაქო საზოგადოების ინსტიტუტი (CSI) აქტიურად მუშაობს რეგიონში ახალგაზრდების შესაძლებლობების განვითარების მიმართულებით და მზად არის, არსებული რესურსების გამოყენებით, წვლილი შეიტანოს ახალგაზრდული ეკოსისტემის შექმნის პროცესში. რეგიონებში ახალგაზრდული სივრცეების საჭიროება ახალგაზრდული სტარტეგიის დოკუმენტზე მუშაობისას გამოიკვეთა და გორის მუნიციპალიტეტმა, ახალგაზრდობის სააგენტოსთან ერთად, სოფელ ქორდში სამოდელო სივრცის შექმნას შეუწყო ხელი. ამ ეტაპზე, ახალგზრდები ცენტრის მოხატვასა და, სხვადასხვა ორგანიზაციის დახმარებით, მის აღჭურვაზე მუშაობენ. ქორდის ახალგაზრდული სივრცე მალე ოფიციალურად გაიხსნება და კონფლიქტის ზონაში მცხოვრებ ახალგაზრდებს შესაძლებლობა ექნებათ ისარგებლონ ადგილით, რომელსაც არაფორმალური განათლების მისაღებად და სხვადასხვა აქტივობისთვის გამოიყენებენ. სრულად...

თბილისი. 10 ივნისს, ინფორმაციის თავისუფლების განვითარების ინსტიტუტსა (IDFI) და საქართველოს უნივერსიტეტს შორის თანამშრომლობის მემორანდუმი გაფორმდა. „მემორანდუმი მიზნად ისახავს დეზინფორმაციასა და პროპაგანდასთან ბრძოლის შესახებ აკადემიური კურსების შემუშავებას და მის შეთავაზებას საქართველოს უნივერსიტეტის, სოციალურ მეცნიერებებათა სკოლის ფარგლებში. პარტნიორული ურთიერთობის ფარგლებში შემუშავებულ აკადემიურ კურსებს გაუძღვებიან დეზინფორმაციისა და პროპაგანდის კვლევის სფეროს როგორც ადგილობრივი, ისე საერთაშორისო მკვლევრები“. სრულად... წყარო: idfi.ge

თბილისი. 8 ივნისს, კორუფციასთან მებრძოლთა საგანმანათლებლო სასერტიფიკატო პროგრამის მონაწილეებისთვის ლექცია ჩაატარა ილიას სახელმწიფო უნივერსიტეტის ასოცირებულმა პროფესორმა და სამაგისტრო პროგრამის ხელმძღვანელმა არჩილ აბაშიძემ. ლექცია შეეხებოდა კორუფციის კვლევის სფეროში არსებულ გამოწვევებს, კორუფციის კვლევის ძირითად მეთოდებს და მკვლევარისთვის პოტენციურად მნიშვნელოვან მიგნებებს. სრულად... წყარო: idfi.ge

თბილისი. ომბუდსმენისთვის ცნობილი გახდა, რომ ნინოწმინდის ბავშვთა პანსიონის ყოფილ აღსაზრდელს სავარაუდოდ, იძულებით დაატოვებინეს საქართველოს საპატრიარქოს წმიდა ტბელ აბუსერისძის სახელობის სასწავლო უნივერსიტეტის საერთო საცხოვრებელი, მას შემდეგ, რაც მან სამართალდამცავ უწყებას ინფორმაცია მიაწოდა პანსიონში მისი ყოფნისას არსებული სავარაუდო ძალადობის ფაქტების შესახებ. სახალხო დამცველმა უკვე დაიწყო პანსიონის ყოფილი აღსაზრდელის მიმართ განხორციელებული სავარაუდო დისკრიმინაციის ფაქტის შესწავლა. დამატებით, მიმართა სამართალდამცავ უწყებას - მოახდინოს სამართლებრივი რეაგირება სავარაუდო იძულების, ზეწოლისა და ფსიქოლოგიური ძალადობის ფაქტებზე. ვინაიდან, ახალგაზრდას არ აქვს სხვა საცხოვრებელი, იგი სახალხო დამცველის შესაბამის უწყებებთან კომუნიკაციით დროებით განთავსდა უსაფრთხო გარემოში. სრულად... წყარო: ombudsman.ge

თბილისი. 10 ივნისს, 18:00 საათზე, ვროკავშირის მხარდაჭერით, CENN და წალკის LAG, დაინტერესებულ ადამიანებს იწვევს ვებინარზე „მომავლის ლიდერობის სტილი“. მომხსენებელი: ქრისტი მილორავა, ორგანიზაციული ფსიქოლოგი. ვებინარის ძირითადი საკითხები: ლიდერის განვითარების ეტაპები; ლიდერობის სტილები; მოსამსახურე-ლიდერის ფილოსოფია; ლიდერობის შესაფასებელი ტესტები; როგორ გავხდეთ მომავლის ლიდერი; რეგისტრაციის ბოლო ვადა: 10 ივნისი, 15:00 საათი. რეგისტრაცია... სრულად... წყარო: ორგანიზაციის გვერდი სოციალურ ქსელში

იმერეთი. ადგილობრივი დემოკრატიის სააგენტო საქართველომ, პროექტ „ერთობლივი ორგანიზაცია სოფლის ქსელების სამეწარმეო ახალგაზრდების განვითარებისთვის - JOURNEY” დაასრულა მეწარმეთა შესაძლებლობების განვითარების სემინარები, იმერეთის მხარის მუნიციპალიტეტების ახალგაზრებისთვის. „მენტორებმა ტრენინგზე ახალგაზრდებს პროექტის ფარგლებში მიღებული პოლონური და იტალიური გამოცდილება გაუზიარეს. გარდა ამისა, საუბარი შეეხო მოქმედ საგადასახადო კანონმდებლობასა და მეწარმეებისათვის არსებულ სამართლებრივ გარემოს, ბიზნეს იდეის შემუშავებისა და განვითარების საკითხებს (სტარტაპის ჩამოყალიბება/განვითარება, ფიჩინგი)“. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტის (IDFI) ინფორმაციით, 27-28 მაისს, გაიმართა ევრაზიის ანტიკორუფციული აკადემიური ქსელის ანტიკორუფციული ჰაბების (უკრაინა, საქართველო, სომხეთ, ყირგიზეთი, მოლდოვა) კურსდამთავრებულთა მილოცვის ცერემონია. ღონისძიებაში მონაწილეობდნენ სამოქალაქო საზოგადოების წარმომადგენლები. საქართველოში, კორუფციასთან ბრძოლის სასერტიფიკატო-სასწავლო კურსის მიმდინარეობას კოორდინირებს „ინფორმაციის თავისუფლების განვითარების ინსტიტუტი“ (IDFI). სრულად... წყარო: idfi.ge

თბილისი. 29 მაისს, რონდელის ფონდის პროექტის „ახალგაზრდები რეგიონის განვითარებისთვის“ ფარგლებში, „ზარზმის ბავშვთა აკადემიის“ მოსწავლეებისთვის გაიმართა ლექცია-დისკუსია თემაზე „საქართველოს დასავლური გზის ისტორია“. დისკუსიას უძღვებოდა თბილისის სახელმწიფო უნივერსიტეტის ასისტენტ-პროფესორი - ირაკლი ჩხაიძე. პროექტის მიზანია ადიგენისა და ახალციხის მუნიციპალიტეტების სკოლების მოსწავლეებში სამოქალაქო ცნობიერების ამაღლება და სამოქალაქო აქტივიზმის გაზრდა. სრულად... წყარო: ორგანიზაციის გვერდი სოციალურ ქსელში