თბილისი. ქალთა ფონდის ინფორმაციით, ფემინსტრიმი-ს ახალი სეზონი მალე განახლებული ფორმატით დაბრუნდება. „ვეძებთ ახალ ავტორებს, რომლებიც იმუშავებენ ვიდეობლოგების შექმნაზე. ვიდეობლოგების თემატიკა მნიშვნელოვნად უნდა იყოს დაკავშირებული ქალების შრომით უფლებებთან. შერჩეული 4 ავტორი 7 თვის განმავლობაში იმუშავებს 4 ვიდეობლოგის შექმნაზე. ანაზღაურება თითო ვიდეობლოგისთვის - 600 ლარი. დაინტერესებულმა კანდიდატებმა უნდა წარმოადგინონ ოთხივე ვიდეობლოგის კონცეფცია“. სრულად... წყარო: ორგანიზაციის გვერდი სოციალურ ქსელში

თბილისი. 11 თებერვალი მეცნიერი ქალებისა და გოგონების საერთაშორისო დღეა. გაეროს ქალთა ფონდის ინფოგრაფიკის თანახმად, საქართველოში 2019 წელს დოქტორანტურაში ჩარიცხულ ქალთა პროცენტული მაჩვენებელი 53%-ია, იმავე წელს კურსდამთავრებულთა მაჩვენებელი კი 56 პროცენტი.  „დოქტორანტი ქალები კაცებს, ძირითადად, ყველა სფეროში აჭარბებენ“. სრულად... წყარო: ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს სტატიას: რელიგიური განათლების ფორმები და პრაქტიკები. „წინამდებარე სტატიის მიზანია რელიგიური განათლების პრაქტიკებისა და მოწესრიგების საუკეთესო გამოცდილებების შესწავლა სხვადასხვა ქვეყანაში, რადგან საქართველოში დღეს ამ თემაზე მომუშავე აქტორების წინაშე კრიტიკულად დგას საკითხი თუ როგორ უნდა მოწესრიგდეს ეს სფერო ისე, რომ სხვადასხვა ინტერესს შორის, მათ შორის, ბავშვთა უფლებების დაცვის, რელიგიური თვითმყოფადობის შენარჩუნებისა და დემოკრატიული კონტროლის ინტერესებს შორის ბალანსი სამართლიანად და გონივრულად მიიღწეს“. სრულად... წყარო: emc.org.ge

თბილისი. ორგანიზაციამ „პარტნიორობა ადამიანის უფლებებისთვის“ (PHR) განათლების სამინისტროს წინააღმდეგ თბილისის საქალაქო სასამართლოს მიმართა და მოითხოვა სამინისტროს მიერ ეფექტური გეგმის შემუშავება და აღსრულება, რათა შშმ და სსსმ ბავშვების სიცოცხლის, ჯანმრთელობის, უსაფრთხოებისა და განათლების უფლება დაცული იყოს 15 თებერვალს სკოლებში დაბრუნებისას. „შშმ და სსსმ მოსწავლეები დგანან გაზრდილი საფრთხის წინაშე დაირღვეს მათი სიცოცხლის, ჯანმრთელობის, განათლების და უსაფრთხოების უფლება 2021 წლის 15 თებერვალს სკოლებში არაორგანიზებული და საფრთხის შემცველი დაბრუნების გამო. მიგვაჩნია, რომ განათლების სამინისტროს უმოქმედობა შეუძლებელია შეივსოს მხოლოდ ჯანდაცვის სამინისტროს რეკომენდაციებით. ამ ეტაპზე სკოლების არსებული ვითარება კი არ იძლევა მათი მხრიდან პანდემიის ეფექტურად მართვის შესაძლებლობას განსხვავებული ფინანსური და ადამიანური რესურსების გამო“. სრულად... წყარო: phr.ge

თბილისი. კონსულტაციისა და ტრენინგის ცენტრი წარმოგიდგენთ სკოლა-ლაბის საუბრების სერიას: „ხარისხის მართვა სკოლაში“. „ინიციატივის მიზანია წაახალისოს ზოგადი განათლების სფეროში ხარისხის მართვის სისტემის განვითარებაზე მიმართული პოლიტიკის დისკუსია და ამავდროულად ხელი შეუწყოს შესაბამისი პრაქტიკების დანერგვა-გაუმჯობესებას“.  ორგანიზაციის ცნობით, ვებინარებზე ინფორმაცია ეტაპობრივად გამოქვეყნდება ვებ და ფეისბუქ გვერდზე. სრულად... წყარო: ორგანიზაციის გვერდი სოციალურ ქსელში

იმერეთი. ადგილობრივი დემოკრატიის სააგენტო გაცნობოთ, რომ იწყება ტრენინგების სერია „შესაძლებლობების განვითარების სემინარები მცირე ქალაქებსა და სოფლებში მცხოვრები ახალგაზრდებისთვის ბიზნეს იდეების განვითარების საკითხებზე“ აზერბაიჯანში, უკრაინასა და საქართველოში. „ონლაინ ტრენინგები დაგეხმარებათ იპოვნოთ საკუთარი თავი მსოფლიო ბიზნესში. ექსპერტები პოლონეთიდან, იტალიიდან და საფრანგეთიდან ისაუბრებენ საინტერესო საკითხებზე. ახალგაზრდებს ექნებათ მცირე ჯგუფებში მუშაობის შესაძლებლობა მეტი ჩართულობისათვის“. რეგისტრაციის საბოლოო ვადაა 2021 წლის 15 თებერვალი. იხ. რეგისტრაციის ბმული... სრულად... წყარო: ორგანიზაციის გვერდი სოციალურ ქსელში

იმერეთი. USAID Georgia-ს ინფორმაციით, ქორეთის სკოლის მე-10 კლასის მოსწავლეები ნინო გუდაძე, მარიამ ეზიაშვილი და ნატო ფარქოსაძე სამოქალაქო განათლების პროგრამის „მომავლის თაობა“ წევრები არიან და ცდილობენ, სოფელში პანდემიით შექმნილი რთული ვითარება სხვებზე ზრუნვით შეამსუბუქონ. მოსწავლეებმა გამოითხოვეს სოციალურად დაუცველი ოჯახების შესახებ ინფორმაცია და მათთვის საჭირო პირბადეების მარაგის გამოყოფაზე შეთანხმდნენ. 11 სოციალურად დაუცველ ოჯახს მათ ჯამში 250 პირბადე გადასცეს. გოგონები ახალგაზრდებისთვის ვირუსისგან თავდაცვის ხერხებზე საინფორმაციო შეხვედრებსაც მართავენ. სრულად... წყარო: ორგანიზაციის გვერდი სოციალურ ქსელში

იმერეთი. PITA-ქუთაისის ახალგაზრდული ცენტრის წევრებმა ანა ჯავახაძემ და გიორგი ქავთარაძემ წყალტუბოს მუნიციპალიტეტის სოფელ ფარცხანაყანების და გეგუთის საჯარო სკოლის მოსწავლეებისთვის და პედაგოგებისთვის საინფორმაციო შეხვედრა გამართეს მედია წიგნიერებაზე. „შეხვედრის მიზანი იყო მონაწილეთა ცნობიერების ამაღლება სოციალური მედიის და ყალბი ინფორმაციის გავრცელების თავიდან აცილების საკითხებზე. შეხვედრაზე განიხილეს შემდეგი საკითხები: სოციალური მედია და ყალბი ინფორმაციის გავრცელების გამოწვევები; როგორ გადავამოწმოთ ვებ-გვერდები, წყაროები, პიროვნებები, ტროლები; როგორ გადავამოწმოთ ყალბი ფოტოები“. სრულად... წყარო: ორგანიზაციის გვერდი სოციალრუ ქსელში

იმერეთი. PITA-ქუთაისის ახალგაზრდული ცენტრის წევრმა ბაღდათის მუნიციპალიტეტის სოფელ ვარციხის საჯარო სკოლის მოსწავლეებისთვის გამართა საინფორმაციო შეხვედრა მედია წიგნიერებაზე.  შეხვედრა ორგანიზებულია ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის (PITA) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) ფინანსური მხარდაჭერით. პროგრამის პარტნიორია განათლების განვითარების და დასაქმების ცენტრი (EDEC). სრულად... წყარო: ორგანიზაციის გვერდი სოციალურ ქსელში

თბილისი. თუ გაინტერესებთ რა არის მოხალისეობა და როგორია დროის ბანკის უცხოური და ქართული გამოცდილება; ასევე, თუ გსურთ იცოდეთ დროის ბანკის წარმატებული ისტორიების შესახებ და გაიგოთ რამდენად მზად ხართ მოხალისეობრივი სამუშაოსთვის, პუბლიკაცია: „დროის ბანკი: საკითხავი ახალ მოხალისეობაზე“ თქვენთვისაა.  პუბლიკაცია შექმნილია პროექტის „სამოქალაქო საზოგადოების განვითარების ინიციატივა“ ფარგლებში. პროექტი ხორციელდება კონრად ადენაუერის ფონდის (KAS) მიერ სამოქალაქო საზოგადოების ინსტიტუტთან (CSI), კონსულტაციისა და ტრენინგის ცენტრთან (CTC), საქართველოს სტრატეგიული კვლევებისა და განვითარების ცენტრთან (CSRDG) და განათლების განვითარების და დასაქმების ცენტრთან (EDEC) თანამშრომლობით. პროექტს აფინანსებს ევროკავშირი (EU), ხოლო თანადამფინანსებელია კონრად ადენაუერის ფონდი (KAS).  სრულად... წყარო: Timerepublik Georgia-ს გვერდი სოციალურ ქსელში

თბილისი. განვითარების და დემოკრატიის ცენტრმა (CDD) ქართული ონლაინ საგანმანათლებლო პლატფორმა კენწერო შექმნა. „ეწვიეთ კენწერო-ს და გაიტკბილეთ სწავლა ჩვენთან ერთად. საიტზე ამ ეტაპზე დემოკრატიზაციისა და კარგი მმართველობისა და საერთაშორისო ურთიერთობების სკოლები, დარგის ექსპერტების მიერ გადმოცემული თქვენთვის საინტერესო საკითხები და სახალისო ქვიზები დაგხვდება“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. საერთაშორისო ასოციაცია „კივიტას გეორგიკამ“ ახალი პროექტი - „სკოლამდელი განათლების ყოვლისმომცველი პრინციპები და რეკომენდაციები“ დაიწყო. „პროექტის მიზანია სკოლამდელი დაწესებულებების გამოწვევების კვლევა COVID 19-ის კრიზისული სიტუაციის მართვის ფარგლებში, შესაბამისი რეკომენდაციების შემუშავება და ადგილობრივ და ცენტრალურ დონეზე ადვოკატირება“. პროექტი ხორციელდება აღმოსავლეთ-დასავლეთის მართვის ინსტიტუტის (EWMI) ACCESS-ის პროექტის მხარდაჭერით, ამერიკის შეერთებული შტატების საერთაშორისო განვითარების სააგენტოს (USAID) დაფინანსებით. სრულად... წყარო: ორგანიზაციის გვერდი სოციალურ ქსელში

თბილისი. საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარემ, დავით ნარმანიამ, ლექცია გამართა კორუფციასთან მებრძოლთა სასერტიფიკატო პროგრამის წარმომადგენლებისათვის. „აღნიშნულ პროგრამას ახორციელებს ინფორმაციის თავისუფლების განვითარების ინსტიტუტი (IDFI) ილიას სახელმწიფო უნივერსიტეტთან თანამშრომლობით. ლექციის მიმდინარეობისას სემეკ-ის თავმჯდომარემ ენერგეტიკულ სექტორში კონკურენციის მნიშვნელობის შესახებ ისაუბრა“, ნათქვამია ორგანიზაციის ვებგვერდზე. სრულად... წყარო: idfi.ge

თბილისი. „საერთაშორისო გამჭვირვალობა - საქართველო“ გთავაზობთ კორუფციის ლექსიკონის მორიგ განმარტებას ფულის გათეთრებაზე. „ფულის გათეთრება უკანონო გზებით მიღებული თანხის ან ქონების ლეგალიზებაა მისი წარმომავლობის დაფარვის გზით, რათა ამ სახსრების ფორმალიზება და ღიად სარგებლობა გახდეს შესაძლებელი“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

საგანმანათლებლო პროცესის დასახმარებლად, გაეროს განვითარების პროგრამამ 6 კოლეჯს 800,000 ლარის ღირებულების სასოფლო-სამეურნეო ტექნიკა გადასცა.  ამ აღჭურვილობის გამოყენებით სტუდენტები პრაქტიკულ სწავლებას გაივლიან, ხოლო პროფესიული კოლეჯები თავისი ნაკვეთების დამუშავებას შეძლებენ.  სრულად...   წყარო: გვერდი სოციალურ ქსელში

თბილისი. ნატოსა და ევროკავშირის შესახებ საინფორმაციო ცენტრი გაცნობებთ, რომ ცენტრის მიერ გამოცემული „გზამკვლევი ნატოსა და ევროკავშირის შესახებ“ უკვე ხელმისაწვდომია სომხურ ენაზე.  „გზამკვლევი საშუალებას აძლევს ეთნიკური უმცირესობების წარმომადგენლებს მათთვის გასაგებ ენაზე მიიღონ საბაზისო ინფორმაცია ნატოსა და ევროკავშირზე, გაიგონ მეტი თუ რას წარმოადგენს აღნიშნული გაერთიანებები, რა ღირებულებებზე დაფუძნებით და რა მიზნით მოხდა მათი შექმნა და რა ურთიერთობა აქვთ საქართველოსთან. გარდა ამისა, წიგნში მოცმეულია პასუხები ნატოსა და ევროკავშირზე ფართოდ გავრცელებულ მითებსა და ცრუ წარმოდგენებზე, რაც განსაკუთრებით აქტუალურია ეთნიკური უმცირესობებით დასახლებული რეგიონებისთვის“, ნათქვამია ცენტრის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. პარტნიორობა ადამიანის უფლებებისთვის (PHR) გთავაზობთ რიგით მეორე საინფორმაციო ფურცელს, რომელიც ორგანიზაციამ „ქალი და რეალობა“-სთან ერთად გამოსცა. დოკუმენტის მიზანია შეზღუდული შესაძლებლობის მქონე (შშმ) ქალების გასაძლიერებლად მსოფლიოში და საქართველოში მიმდინარე მოვლენების ასახვა; ასევე, შშმ ქალებისთვის ამ მოვლენებთან დაკავშირების და მონაწილეობის მიღების შესაძლებლობის მიცემა. სრულად... წყარო: phr.ge გენდერი ადამიანის უფლებები

თბილისი. საქართველოს ახალგაზრდა იურისტთა ასოციაცია აქვეყნებს იურიდიული განათლების ხელშეწყობის ფონდთან ერთად შესრულებულ კვლევას „თანასწორობის პოლიტიკა ზოგადსაგანმანათლებლო სისტემაში“. კვლევის სრული ვერსია... წყარო: ორგანიზაციის გვერდი სოციალურ ქსელში

თბილისი. 23 - 24 დეკემბერს, შშმ ქალთა თემებზე მომუშავე ორგანიზაციების და შშმ ქალების პლატფორმის წევრებისთვის ორგანიზაცია „პარტნიორობა ადამიანის უფლებებისთვის“ წარმომადგენლებმა, ანა აბაშიძემ და ანა არგანაშვილმა ქალთა უფლებებზე ტრენინგი ჩაატარეს. სწავლების მიზანი იყო შშმ ქალებმა თავად შეძლონ ლიდერობა უფლებების დაცვის პროცესში, ნაკლებად იყვნენ დამოკიდებულნი სხვათა მხარდაჭერაზე, გამოიყენონ სასამართლოსადმი მიმართვის, ადმინისტრაციული ორგანოებთან თანამშრომლობის თუ სამართლებრივი დავის სტრატეგიები, გააცნონ ადამიანის უფლებების საერთაშორისო ინსტრუმენტები დაინტერესებულ პირებს. სრულად... წყარო: phr.ge

თბილისი. 17 დეკემბერს საქართველოს გაეროს ასოციაციის ორგანიზებით დაიწყო სამდღიანი სატრენინგო კურსი „ჯანმრთელობის ახალგაზრდა ელჩების“ პროგრამის ფარგლებში, რომელიც ხორციელდება გაეროს ბავშვთა ფონდთან თანამშრომლობით და აშშ-ს საერთაშორისო განვითარების სააგენტოს (USAID) ფინანსური მხარდაჭერით. პროგრამის პირველ ეტაპზე შეირჩა 67 ახალგაზრდა მონაწილე საქართველოს 8 რეგიონიდან (შიდა ქართლი, ქვემო ქართლი, კახეთი, სამცხე-ჯავახეთი, გურია, სამეგრელო, აჭარა, იმერეთი და თბილისი). ტრენინგ-კურსის ფარგლებში მონაწილეები სფეროს ექსპერტებისა და ტრენერების მიერ გადამზადდებიან შემდეგ საკითხებში: COVID-19 და საზოგადოებრივი ჯანდაცვა; მედია წიგნიერება; კომუნიკაცია და ფასილიტაცია; სრულად... წყარო: ორგანიზაციის გვერდი სოციალურ ქსელში

შიდა ქართლი. 14 დეკემბერს, სასწავლო პროგრამის „ახალგაზრდები ცვლილებისთვის“ ფარგლებში ჩატარდა სემინარი მასმედიისა და პოლიტიკური ლანდშაფტის შესახებ, პოლიტიკურად აქტიური ახალგაზრდებისთვის ქ. გორიდან, რომელსაც უძღვებოდა გიორგი თარგამაძე, საქართველოს სტრატეგიული ანალიზის ცენტრის დამფუძნებელი. „პროექტის მიზანია ადგილობრივი აქტივისტებისა და არასამთავრობო ორგანიზაციების, მუნიციპალიტეტის თანამშრომლებისა და მედიის წარმომადგენლების ჩართვა აქტიურ დისკუსიაში“. სრულად... წყარო: ორგანიზაციის გევრდი სოციალურ ქსელში

თბილისი. პირველამდე ნინო არაზაშვილთან ერთად წარმოგიდგენთ სამოტივაციო ფილმს „გადადგი ნაბიჯი“. ფილმში კონსულტაციისა და ტრენინგის ცენტრის (CTС) „სამოქალქო ლიდერობის“ სასწავლო პროგრამის მონაწილეები გვიყვებიან იმ საქმიანობებზე და ცვლილებებზე, რომელსაც საკუთარ თემში, დასახლებაში თუ ქალაქში ახორციელებენ უკეთესი გარემოს შესაქმნელად. ფილმი მომზადდა პროექტის „სამოქალაქო საზოგადოების განვითარების ინიციატივა“ ფარგლებში.  სრულად... წყარო: პროექტის „სამოქალაქო საზოგადოების განვითარების ინიციატივა“ გვერდი სოციალურ ქსელში