ფონდ „ღია საზოგადოება – საქართველოს" ინფორმაციით, უნგრეთის მთავრობა საკანონმდებლო ინიციატივით გამოდის, რომელიც უშუალოდ ევროპის ცენტრალური უნივერსიტეტის წინააღმდეგ არის მიმართული. „უნივერსიტეტის, რომელიც თანასწორობის იდეის დამკვიდრებას და ღია საზოგადოების განვითარებას ემსახურება და 1992 წლიდან ათასობით სტუდენტი აზიარა თავისუფალ აკადემიურ სივრცეს. ახალი ინიციატივა უნივერსიტეტის არსებობას საფრთხეს უქმის". ევროპის ცენტრალურ უნივერსიტეტში 300-მდე ქართველი კურსდამთავრებულია. უნივერსიტეტის მხარდამჭერებმა პეტიციაც შეიმუშავეს, რომელსაც 8 000-ზე მეტი ადამიანი აწერს ხელს. თქვენც შეგიძლიათ შეუერთდეთ პეტიციას ხელმოწერით. პეტიცია... წყარო: ფონდ „ღია საზოგადოება – საქართველოს" გვერდი სოციალურ ქსელში

აჭარა. ბათუმის ახალგაზრდულ ცენტრში ყოველკვირეულად მკითხველთა კლუბის შეხვედრები იმართება. ცენტრის ორგანიზებით უკვე შვიდი შეხვედრა გაიმართა ბათუმის ამერიკულ კუთხეში. მკითხველთა კლუბის მიზანია კითხვის პოპულარიზაცია და აზრის გამოთქმისთვის თავისუფალი სივრცის შექმნა. კლუბის წევრი შეიძლება გახდეს ნებისმიერი 25 წლამდე ახალგაზრდა, კლუბის წევრები იკრიბებიან ყოველ ორშაბათს და განიხილავენ წინასწარ წაკითხულ ნოველას ან მოთხრობას. აქტივობა ხორციელდება „ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის” [PITA] ფარგლებში, რომელსაც ახორციელებს საქართველოს გაეროს ასოციაცია (UNAG), ამერიკის შეერთებული შტატების საერთაშორისო განვითარების სააგენტოს (USAID) ფინანსური მხარდაჭერით. წყარო: ბათუმის ახალგაზრდული ცენტრი

ქვემო ქართლი. 24 მარტს, მარნეულის დემოკრატიული ჩართულობის ცენტრში საგანმანათლებლო ინიციატივების ქართული ასოციაციის (სიქა) ორგანიზებით, პროგრამის „მომავლის თაობა” ფარგლებში საინტერესო შეხვედრა გაიმართა. მოწვეულმა სტუმრებმა ისაუბრეს ადრეული ქორწინებისა და ოჯახში ძაალადობის საკითხებზე. „...მოსწავლეებს განემარტათ თუ რას ნიშნავს ქორწინების იძულება და როგორ უნდა დაიცვან თავი ამგვარი იძულებისაგან. მასწავლებლებს განემარტათ ის დადგენილება, რომლის თანახმადაც მათ ეკისრებათ შეტყობინების ვალდებულება, თუკი მათთვის ცნობილი გახდება ქორწინების იძულების ფაქტის შესახებ. გარდა ამისა, სტუმრებმა დეტალურად ისაუბრეს იმ პრობლემებზე, რასაც ზოგადად იწვევს ადრეული ქორწინება”, ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. ნატოსა და ევროკავშირის შესახებ საინფორმაციო ცენტრსა და საქართველოს უნივერსიტეტს შორის ურთიერთგაგების მემორანდუმს მოეწერა ხელი. „ღონისძიების ფარგლებში, უნივერსიტეტში ნატოსა და ევროკავშირის აუდიტორია გაიხსნა. საინფორმაციო ცენტრმა მსგავსი აუდიტორიები უკვე გახსნა თსუში, თავისუფალ, ღია სასწავლო და აღმოსავლეთ ევროპის უნივერსიტეტებში, აუდიტორია ევროპულ სკოლაშიც ფუნქციონირებს. ცენტრის მიერ გახსნილი და აღჭურვილი სივრცეები თავისუფალია ევროინტეგრაციის თემებზე დაგეგმილი ღონისძიებების განსახორციელებლად", ნათქვამია ნატოსა და ევროკავშირის შესახებ საინფორმაციო ცენტრის ვებ-გვერდზე სოციალურ ქსელში. სრულად... წყარო: ცენტრის ვებ-გვერდი სოციალურ ქსელში

თბილისი. ახალი ეკონომიკური სკოლა შავი ზღვის საერთაშორისო უნივერსიტეტის ახალგაზრდა ეკონომისტთა კლუბის მიწვევით, 4 ლექციას წაიკითხავს ეკონომიკურ თავისუფლებაზე. სრულად... წყარო: ორგანიზაციის ვებ-გვერდი სოციალურ ქსელში

აჭარა. 23 მარტს, საქართველოს ახალგაზრდა იურისტთა ასოციაციის აჭარის ფილიალის საკვირაო სკოლის მოსწავლეები აჭარის ტელევიზიას ესტუმრნენ. „ახალგაზრდებს შეხვდნენ აჭარის ტელევიზიის წარმომადგენლები და პასუხები გასცეს მათთვის საინტერესო შეკითხვებზე. შეხვედრა, ასევე მოიცავდა ტელევიზიის ტექნიკური საქმიანობის სპეციფიკის გაცნობას", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. ლიბერალიზმის სასწავლო ცენტრი მარიამ გაბრიჩიძის ბლოგპოსტს აქვეყნებს: „რა ღირს დუმილი?". „სამწუხაროდ, ვინც აპროტესტებს და უსამართლობის წინააღმდეგ გამოდის, ხშირად საზოგადოებაში ინტრიგანის ან არასასიამოვნო ადამიანის იმიჯი ექმნება. ის ორგანიზაციები, ან სტუდენტური მოძრაობები, რომლებიც რაღაცისთვის იბრძვიან, ხშირად აღიქმებიან, როგორც ვიღაცისგან მართულები", ნათქვამია ორგანიზაციის ვებ-გვერდზე. სრულად... წყარო: libcenter.ge

თბილისი. Educare Georgia-მ სკოლებში ხანის აკადემიის საპილოტო პროექტი დაიწყო. „მასწავლებლებთან ერთად ვმუშაობთ ხანის აკადემიის სასწავლო პროცესში გამოყენების ეფექტური გზების შესაქმნელად და პლატფორმის სასწავლო პროცესში დასანერგად. ამჟამად, საპილოტე პროექტში ქვეყნის სხვადასხვა ქალაქის 8 სკოლა მონაწილეობს", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. 21 მარტს, დაიწყო სალექციო კურსი „სამოქალაქო განათლებასა და მშვიდობის მშენებლობაში". „სალექციო კურსი მოიცავს ლექციებს შემდეგ თემებზე: დემოკრატია და სამოქალაქო განათლება, ადამიანის უფლებები, კონფლიქტის ანალიზი, ნაციონალიზმი და სხვა. იგი მოიცავს როგორც ლექცია-სემინარებს აკადემიურ და თეორიულ საკითხებზე, ასევე საინფორმაციო ხასიათის შეხვედრებს სამთავრობო სტრუქტურების წარმომადგენლებთან და ექსპერტებთან. პირველი ლექციის თემა იყო საპარლამენტო დემოკრატიის განვითარება საქართველოში, რომლის შესახებაც ისაუბრა პარლამენტის ყოფილმა თავმჯდომარემ დავით უსუფაშვილმა. მომხსენებელი შეეხო საქართველოში პარლამენტარიზმის განვითარების ისტორიულ პროცესს და დღეს მის წინაშე არსებულ გამოწვევებს", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. ორგანიზაცია „ახალგაზრდა ადვოკატებმა” თბილისის სახელმწიფო უნივერსიტეტის გათბობის სისტემის გამართულობისთვის დახარჯული სახსრები შეისწავლეს. „ახალგაზრდა ადვოკატები" საყურადღებოდ მიიჩნევს სტუდენტების იმ ნაწილის პრეტენზიებს, რომლებიც აღნიშნავენ, რომ უნივერსიტეტის მხრიდან დახარჯული თანხების მიუხედავად, არ ხდება გათბობის სისტემის რეალური ფუნქციონირება და ლექციების, აგრეთვე საგამოცდო პერიოდის უზრუნველყოფა ხდება შეუსაბამოდ დაბალი ტემპერატურის გარემოში. ამასთან, მნიშვნელოვანია ცალკე პრობლემად გამოიყოს მაღლივი კორპუსის ბიბლიოთეკის ფოიეში გათბობის სისტემის არარსებობა და საგამოცდო პერიოდში მომუშავე პერსონალის მძიმე მდგომარეობა", ნათქვამია ვებ-გვერდზე. ორგანიზაცია რეკომენდაციით მიმართავს თბილისის სახელმწიფო უნივერსიტეტის ადმინისტრაციას, გატარდეს რეალური და ქმედითი ღონისძიებები, უნივერსიტეტის ყველა კორპუსში გათბობის სისტემის მოწესრიგებისთვის. სრულად... წყარო: barristers.ge

სამცხე-ჯავახეთი. 21-23 მარტს, დაბა ბაკურიანში, საქართველოს წითელი ჯვრის საზოგადოება მართავს სამუშაო შეხვედრას მიზნობრივი ფილიალებისათვის (საგარეჯო, ლაგოდეხი, ყვარელი, თელავი, ახმეტა) პროექტის „უსაფრთხო და სტაბილური თემების ჩამოყალიბება" ფარგლებში. „შეხვედრა მიზნად ისახავს ინფორმაციის, გამოცდილებისა და კარგი მაგალითების გაზიარებას, ასევე განიხილება ფილიალებში არსებული პრობლემები და გამოწვევები, რომლებსაც ადგილობრივი მოხალისეები და თანამშრომლები ყოველდღიურად აწყდებიან და ერთობლივად მსჯელობენ მათი გადაჭრის გზებზე. აღნიშნულ ინფორმაციაზე დაყრდნიბით თითოეული ფილიალი შეიმუშავებს 2017 წლის სამოქმედო გეგმას რის მიხედვითაც განახორციელებენ პროექტის საქმიანობებს”, ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. 17 მარტს, საერთაშორისო სამართლის სტუდენტთა ასოციაცია საქართველოს (ილსა-საქართველო) პირველი სტუდენტური სამეცნიერო კონფერენცია თემაზე „თანამედროვე გამოწვევები საერთაშორისო სისხლისა და ადამიანის უფლებათა საერთაშორისო სამართალში". „კონფერენცია გაიმართა ილსა-საქართველოს (ILSA Georgia) ორგანიზებითა და თბილისის სახელმწიფო უნივერსიტეტის საერთაშორისო სამართლის ინსტიტუტთან, საქართველოს იუსტიციის სამინისტროსთან და საქართველოს საგარეო საქმეთა სამინისტროსთან თანამშრომლობით. გამარჯვებულებს და მონაწილეებს, ილსა-საქართველოს (ILSA Georgia) სახელით, გადაეცათ შესაბამისი ინგლისურენოვანი სერთიფიკატები და წამახალისებელი პრიზები. გარდა ამისა, საქართველოს საგარეო საქმეთა სამინისტროს საერთაშორისო სამართლებრივი დეპარტამენტის დირექტორმა და თსუ საერთაშორისო სამართლის პროფესორმა, ქალბატონმა ირინე ბართაიამ, საგარეო საქმეთა სამინისტროს სახელით, კონფერენციის გამარჯვებულები დააჯილდოვა საგარეო საქმეთა სამინისტროში პრაქტიკის გავლით, ხოლო ომარ მთივლიშვილი, ანა თაბაგარი და თამარ ონიანი - სსიპ ლევან მიქელაძის სახელობის დიპლომატიური სასწავლო ცენტრის უფასო კურსებით. ასევე, იუსტიციის სამინისტრომ კონფერენციის „საუკეთესო სპიკერის" ნომინაციაში გამარჯვებულად დაასახელა ბუბა ბაღდავაძე”, ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. ჯამპსტარტ ჯორჯია აღმოსავლეთ-დასავლეთის მართვის ინსტიტუტის მხარდაჭერით იწყებს ახალ პროექტს - ჰაერის ფილტრი. „პროექტის მიზანია შექმნას და მხარი დაუჭიროს იმ ორგანიზაციებისა და პირების ქსელს, რომლებიც ჰაერის დაბინძურების მიმართულებით მუშაობენ, ან ამ თემატიკით არიან დაინტერესებული. სწორედ ამ მიზნით შეიქმნა ვებ პორტალი - Filter.ge, სადაც ადამიანები შეძლებენ, მიმზიდველი და მარტივად გასაგები სახით მიიღონ ინფორმაცია ჰაერის დაბინძურების პრობლემის შესახებ, ასევე გაიგონ როგორ შეიძლება შეცვალონ მათი ყოველდღიური ჩვევები, იმისათვის, რომ გარემო ნაკლებად დააზარალონ. პლატფორმის მომხმარებელს ასევე შეეძლება თავად ჩაერთოს უკეთესი გარემოს შექმნის პროცესში და ყოველთვე დადოს პირობა, რომ დანერგავს ცვლილებებს თავის ყოველდღიურ საქმიანობაში", ნათქვამია ორგანიზაციის ვებ-გვერდზე. სრულად... წყარო: jumpstart.ge

თბილისი. საგანმანათლებლო-საკონსულტაციო ორგანიზაცია Edu-Guide.Ge გეპატიჟებათ „განათლების საერთაშორისო გამოფენა თბილისი 2017"- ზე. „ყველას ვინც დაინტერესებული ხართ საზღვარგარეთ სწავლით, სტიპენდიებით, ან სტაჟირების შესაძლებლობებით გეძლევათ უნიკალური შანსი პირისპირ გაესაუბროთ სხვადასხვა ქვეყნის კერძო და სახელმწიფო უნივერსიტეტების, საერთაშორისო ორგანიზაციების, საელჩოების და საგანმანათლებლო ორგანიზაციების წარმომადგენლებს და მიიღოთ ამომწურავი ინფორმაცია თქვენთვის საინტერესო კითხვებზე", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. ლიბერალიზმის სასწავლო ცენტრი აქვეყნებს ნათია ფანჯიკიძის ლექციის ვიდეო-ჩანაწერს. წყარო: ლიბერალიზმის სასწავლო ცენტრის ვებ-გვერდი სოციალურ ქსელში

თბილისი. საჯარო სამსახურის რეფორმის ფარგლებში შემუშავდა ახალი კანონი „საჯარო სამსახურის შესახებ". იუსტიციის სასწავლო ცენტრის ინიციატივითა და გერმანიის საერთაშორისო თანამშრომლობის საზოგადოების (GIZ) სამართლის პროგრამის მხარდაჭერით, იუსტიციის სამინისტროს სისტემის მენეჯერებისთვის ჩატარდა ტრენინგი თემაზე - „სიახლეები საჯარო სამსახურის გავლის წესში და სისტემაში გასატარებელი ცვლილებები". სრულად... წყარო: ორგანიზაციის ვებ-გვერდი სოციალურ ქსელში

თბილისი. 14 მარტს, სამოქალაქო საზოგადოების ინსტიტუტის ორგანიზებით და ევროკავშირის მხარდაჭერით გაიმართა კონფერენცია: „დისტანციური სწავლება საქართველოში". კონფერენციის მიზანი იყო საქართველოში დღეს არსებული მდგომარეობის გაცნობა-შეფასება და მის სამომავლო პერსპექტივებზე მსჯელობა. კონფერენციაში მონაწილეობდნენ საქართველოს განათლების მინისტრის მოადგილე თეიმურაზ მურღულია, საპარლამენტო შესაბამისი კომიტეტის თავმჯდომარის მოადგილე გენადი მარგველაშვილი, ასევე დონორი, საერთაშორისო, ადგილობრივი არასამთავრობო და კერძო სექტორის წარმომადგენლები. „ეს კონფერენცია ხელს შეუწყობს დავინახოთ რა კეთდება დისტანციური სწავლების მიმართულებით – რას მივაღწიეთ და მომავალში რა უნდა გავაკეთოთ", აღნიშნა სამოქალაქო საზოგადოების ინსტიტუტის დირექტორმა, ვაჟა სალამაძემ. თეიმურაზ მურღულიამ, საქართველოს განათლების მინისტრის მოადგილემ ისაუბრა განათლების სამინისტროს რამდენიმე ინიციატივაზე და ყურადღება გაამახვილა სამ მნიშვნელოვან კომპონენტზე. მინისტრის მოადგილე მიიჩნევს, რომ დისტანციურ სწავლებას დიდი მნიშვნელობა აქვს ქართული დიასპორისთვის, განსაკუთრებით მათთვის ქართული ენის სწავლებისას. მიუხედავად იმისა, რომ ძალიან ინტენსიურად მიმდინარეობს სკოლების ადაპტირება, რათა შშმ პირებმა შეძლონ განათლების მიღება, ჯერ კიდევ ყელა ვერ ახერხებს საჯარო სკოლებში სწავლას, შესაბამისად, დისტანციური მეთოდი ხელს შეუწყოს მათ განათლებას, აღნიშნა მინისტრის მოადგილე. ანალოგიური მოსაზრება გამოთქვა პარლამენტის განათლების კომიტეტის თავმჯდომარის მოადგილემ, გენადი მარგველაშვილმა. მისი აზრით, საზღვარგარეთ წასული მოქალაქეების გარდა სწავლების ასეთი მეთოდი მნიშვნელოვანია მაღალმთიან რეგიონებში მცხოვრები მოქალაქეებისთვის, ეთნიკური უმცირესობებისთვის, შეზღუდული შესაძლებლობების მქონე პირებისთვის. კონფერენციაზე პრეზენტაციები წარადგინეს დისტანციური სწავლების სფეროში მომუშავეებმა. სიმონ ჯანაშიას ინფორმაციით, ბოლო 5 წლის მანძილზე ონლაინ კურსი მსოფლიოში 25-მა მილიონმა ადამიანმა გაიარა. მისი თქმით, სწავლების ეს მოდელი უნივერსიტეტებს აძლევს შესაძლებლობას ცნობილი და მაღალკვალიფიციური პედაგოგების ლექციები ჩართონ სასწავლო პროგრამაში. პრეზენტაციები წარადგინეს ასევე, პორტალ „ნებულას" აღმასრულებელმა დირექტორმა სანდრო დოლიძემ („ნებულა" განკუთვნილია აბიტურიენტებისთვის და მასზე 16 ათასი აბიტურიენტია დარეგისტრირებული), გიორგი ჯიბლაძემ (Educare Georgia, რომელიც ხანის აკადემიის პარტნიორია საქართველოში და უამრავი ვიდეოლექცია აქვს ნათარგმნი), თავისი გამოცდილება გააცნეს დამსწრეებს ტექნიკური უნივერსიტეტის, თსუ–ს, ილიაუნის, გივი ზალდასტანიშვილის სახელობის ამერიკული აკადემიის წარმომადგენლებმა. სამოქალაქო საზოგადოების ინსტიტუტის თანამშრომლებმა კი ისაუბრეს ამავე ორგანიზაციის 8 სასწავლო პროგრამის შესახებ.

თბილისი. 10 მარტს, პარტნიორობა ადამიანის უფლებებისთვის (PHR) ძევრის შეზღუდული შესაძლებლობის მქონე პირთა პანსიონატის პერსონალთან ტრენინგი ჩაატარა. „PHR-ის წარმომადგენლები მათ რეფორმის არსისა და მნიშვნელობის შესახებ ესაუბრნენ, გააცნეს მხარდაჭერის განხორციელების ფორმები და მხარდამჭერის უფლება-მოვალეობები. ძევრის პანსიონატში დასაქმებულმა პერსონალმა/მხარდამჭერებმა, ტრენინგის განმავლობაში, მიიღეს ინფორმაცია იმის შესახებ, თუ როგორაა შესაძლებელი მხარდაჭერის ფარგლების შეცვლა ან მხარდამჭერის მოვალეობისგან გათავისუფლება, როგორ ერთვება მხარდამჭერი გარიგების დადების პროცესში, როგორ მიმდინარეობს მეურვეობისა და მზრუნველობის ორგანოსთან ურთიერთობა და ასევე, როგორაა განსაზღვრული მხარდამჭერის პასუხისმგებლობის საკითი და ფარგლები", ნათქვამია ორგანიზაციის ვებ-გვერდზე. სრულად... წყარო: phrgeorgia.wordpress.com

თბილისი. საფარი - ქალთა უფლებების დაცვის ორგანიზაცია აქვეყნებს ნათია ჯანაშიასთან ინტერვიუს. „ჩემი აზრით, ამ ასაკში ბავშვებს წაკითხულის შინაარსის გადმოცემაზე მეტად, ინტერპრეტირების საშუალებას უნდა ვაძლევდეთ, ფანტაზიის განვითარებისკენ ვუბიძგებდეთ. ნაწარმოებები კი რაც შეიძლება მარტივი და სახალისო უნდა შევურჩიოთ, წიგნები – ფერადი და უხვად ილუსტრირებული. მათ ანბანის სწავლისთანავე არ უნდა გავუჩინოთ განცდა, რომ წიგნის წაკითხვა რთულია, მაგრამ სასარგებლო და აუცილებელი", ნათქვამია ინტერვიუში. სრულად... წყარო: sapari.ge

თბილისი. 14 მარტს, 11:00 - 17:00 საათამდე, სასტუმრო ჰოლიდეი ინ-ში, სამოქალაქო საზოგადოების ინსტიტუტის ორგანიზებით და ევროკავშირის ფინანსური მხარდაჭერით, გაიმართება კონფერენცია, რომელიც ეძღვნება საქართველოში დისტანციური სწავლებას. კონფერენციის ამოცანაა საქართველოში ონლაინ სწავლების მიმართულებით არსებული მდგომარეობის შეფასება, გამოწვევების და შესაძლებლობების იდენტიფიცირება და ზოგადად, აღნიშნული საკითხის აქტუალიზაცია. კონფერენციაზე მონაწილეობას მიიღებენ: ევროკავშირის წარმომადგენლები, საქართველოს განათლების სამინისტროს და პარლამენტის შესაბამისი კომიტეტის წარმომადგენლები; დონორი, საერთაშორისო და ადგილობრივი საზოგადოებრივი ორგანიზაციები; აკადემიური და საგანმანათლებლო ორგანიზაციების  წარმომადგენლები - ამ საკითხზე მომუშავე სხვა აქტორები და დაინტერესებული მხარეები. ელექტრონული სწავლება დღეს მსოფლიოში მკვეთრად მზარდი ტრენდია.   კონფერენციაზე იქნება მოხსენებები, როგორც ზოგადად გლობალურ ტენდენციებზე, ასევე საქართველოში არსებულ მდგომარეობაზე და პერსპექტივებზე. ასევე, იქნება გამოცდილების გაზიარება პრაქტიკოსებისგან აკადემიური, ზოგადსაგანმანათლებლო და არაფორმალური განათლების სფეროდან . კონფერენცია ორგანიზებულია სამოქალაქო საზოგადოების ინსტიტუტის (www.civilin.org) მიერ,  ევროკავშირის ფინანსური მხარდაჭერით.

თბილისი. შოთა რუსთაველის ეროვნული სამეცნიერო ფონდი აცხადებს დოქტორანტურის საგანმანათლებლო პროგრამების გრანტით დაფინანსების კონკურსს. „კონკურსის მიზანია უმაღლეს საგანმანათლებლო დაწესებულებებში არსებული ინტელექტუალური პოტენციალის მიზნობრივი გამოყენება და ახალგაზრდა მეცნიერთა სამეცნიერო კვლევისათვის სათანადო პირობების შექმნა; წარმატებული, ნიჭიერი ახალგაზრდა მკვლევარების გამოვლენა, მათი სადოქტორო კვლევების თანამედროვე საერთაშორისო სტანდარტებთან შესაბამისობაში განხორციელების ხელშეწყობით საქართველოში სამეცნიერო კვლევების ხარისხის ზრდა და ახალგაზრდა მეცნიერთა საერთაშორისო სამეცნიერო საზოგადოებაში ინტეგრირება..," ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

„თავისუფალ ჟურნალისტთა სახლმა” ნატოსა და ევროკავშირის შესახებ საინფორმაციო ცენტრთან თანამშრომლობით ნატოსა და ევროკავშირის მიმართ არსებულ მითებზე ერთობლივი პროექტი განახორციელა. „პროექტის ფარგლებში ჩატარდა 15 დისკუსია სტუდენტების მონაწილეობით აჭარის 5 მუნიციპალიტეტის საჯარო სკოლებში, შეხვედრების შემდეგ მონაწილეებისთვის გამოცხადდა ესსეების კონკურსი, სადაც 3 საუკეთესო ესსეს ავტორად ხულოსა და შუახევის საჯარო სკოლების მოსწავლეები დასახელდნენ”, ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში