კახეთი. 21 დეკემბერს, ლაგოდეხს ადგილობრივი თვითმმართველობის, კერძო სექტორისა და არასამთავრობო ორგანიზაციების ორმოცზე მეტი წარმომადგენელი ეწვია. „ტურის მიზანი იყო ადგილობრივი განვითარების ახალი ფორმის, ე.წ. ადგილობრივი განვითარების ჯგუფების (LAG) საქმიანობის გაცნობა. სასწავლო ტური განხორციელდა ევროკავშირის სოფლისა და სოფლის მეურნეობის განვითარების ევროპის სამეზობლო პროგრამის (ENPARD) მხარდაჭერით", ნათქვამია სამოქალაქო განვითარების სააგენტოს ვებ-გვერდზე სოციალურ ქსელში. სრულად... წყარო: „სიდას" ვებ-გვერდი სოციალურ ქსელში

თბილისი. ლიბერალიზმის სასწავლო ცენტრი აქვეყნებს ირაკლი ხვადაგიანის ლექციას: „სტალინი დღეს და აქ". წყარო: „ლიბცენტრის" ვებ-გვერდი სოციალურ ქსელში

თბილისი. სამოქალაქო საზოგადოების ინსტიტუტი უკვე რამდენიმე წელია საზოგადოების სხვადასხვა წარმომადგენლებს სთავაზობს ონლაინ სასწავლო პროგრამებს. მათ შორისაა „თვითმმართველობის ზოგადი საფუძვლები", რომელიც თვითმმართველობის საჯარო მოხელეებისთვის შეიქმნა. მიმდინარე წელს დისტანციური სწავლების აღნიშნული კურსზე 500–მდე აპლიკაცია შემოვიდა, დარეგისტრირდა 240 მონაწილე (სხვადასხვა რეგიონის) სამი სასწავლო ჯგუფის ფარგლებში. საჯარო მოხელეები 2 თვის განმავლობაში, სამსახურის პარალელურად, გადიოდნენ კურსს რომელიც მოიცავდა როგორც თვითმმართველობის შესახებ პრაქტიკულ და თეორიულ ნაწილს და მათ მუდმივი კომუნიკაცია ჰქონდათ ლექტორთან – ირაკლი მელაშვილთან. სამივე ჯგუფის ფარგლებში 158 მოხელემ მიიღო კურსის სერტიფიკატი. ონლაინ სასწავლო პროგრამა შეიქმნა პროექტის „დისტანციური სწავლება ეფექტური თვითმმართველობისთვის" – ფარგლებში, რომლის ფინანსური მხარდამჭერია ფონდი „ღია საზოგადოება – საქართველო". ამავე პროექტის ფარგლებში, სამოქალაქო საზოგადოების ინსტიტუტმა თვითმმართველობის მოხელეებისთვის გამოსცა სამაგიდო წიგნები (მანამდე ინსტიტუტმა ანალოგიური სამაგიდო წიგნები 2012 წელს გამოსცა). კერძოდ: სამაგიდო წიგნი – საკრებულოს წევრებისთვის, სამაგიდო წიგნი – თვითმმართველი ერთეულის აღმასრულებელი ორგანოს თანამშრომლებისთვის. ორივე მათგანის ავტორია ალექსანდრე სვანიშვილი.

გურია. „სამოქალაქო საზოგადოების ინსტიტუტის" ბათუმის ფილიალმა 16, 17 და 18 დეკემბერს ოზურგეთში პროექტის „რას მოუტანს ასოცირების ხელშეკრულება ქართველ მომხმარებელს" ფარგლებში 3 დღიანი ტრენინგი ჩაატარა. ტრენინგში მონაწილეობდნენ გურიასა და აჭარაში მცხოვრები მოხალისეები. ტრენინგის თემატიკას წარმოადგენდა შემდეგი საკითხები: •    სურსათის უვნებლობა და ეტიკეტირება; •    მომხმარებელთა უფლებების დაცვა საქართველოსა და ევროკავშირში; •    მოხალისეობრივი საქმიანობა ტრენერებმა მონაწილეებს ასევე კომუნიკაციის, ფასილიტაციისა და პრეზენტაციის ტექნიკები გააცნეს. პროექტის სამოქმედო გეგმის მიხედვით აღნიშნული ტრენინგის მონაწილეები უახლოეს მომავალში მიღებულ ცოდნასა და გამოცდილებას გაუზიარებენ თავიანთ რეგიონში მცხოვრებ ახალგაზრდებსა და სხვა დაინტერესებულ პირებს. პროექტი დაფინანსებულია „საქართველოს სტრატეგიული კვლევებისა და განვითარების ცენტრის" მიერ.

თბილისი. 17-18 დეკემბერს, „ქალთა საინფორმაციო ცენტრმა" განათლებისა და მეცნიერების სამინისტროსთვის გამართა ტრენინგი „გენდერული მეინსტრიმინგი განათლების სამინისტროში". „მონაწილეები ორი დღის განმავლობაში გაეცნენ ინფორმაციას ქალთა საკითხებზე, იმსჯელეს გენდერულ თანასწორობაზე და შეიმუშავეს საქართველოს განათლებისა და მეცნიერების სამინისტროსთვის გენდერული თანასწორობის სტრატეგიის სამუშაო ვერსია", ნათქვამია ქალთა საინფორმაციო ცენტრის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

შიდა ქართლი. 16 დეკემბერს, გორის სამოქალაქო აქტივიზმის ცენტრის მოხალისეებისათვის ჩატარდა ტრენინგი „ახალგაზრდების ურთიერთობა მედიასთან". „ახალგაზრდებმა მოისმინეს თუ რას ნიშნავს საზოგადოებასთან ურთიერთობის სამსახური, მედიასთან ურთიერთობის მნიშვნელობა, როგორ უნდა მოვიქცეთ კრიზისულ სიტუაციებში და როგორ აღმოვფხვრათ კრიზისი და პრობლემა. ასევე, როგორ უნდა დავწეროთ პრესრელიზი სხვადასხვა მედია საშუალებებისთვის და როგორ დავგეგმოთ ღონისძიება", ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

სამცხე-ჯავახეთი. ტოლერანტობის, სამოქალაქო ცნობიერებისა და ინტეგრაციის მხარდამჭერი პროგრამა „PITA”-ს ფარგლებში, დემოკრატ მეხთა კავშირში ტრენინგი გაიმართა თემაზე: „გენდერი და ფემინიზმი”. ტრენინგის მიზანი იყო გენდერულ საკითხებთან დაკავშირებით ახალგაზდების ინფორმირებულობის ხელშეწყობა. სრულად... წყარო: დემოკრატ მესხთა კავშირის ვებ-გვერდი სოციალურ ქსელში

თბილისი. იუსტიციის სასწავლო ცენტრში, ადგილობრივი თვითმმართველობის წარმომადგენლებისთვის მიწის რეფორმის შედეგად განხორციელებულ საკანონმდებლო სიახლეებზე უფასო ტრენინგები დასრულდა. „ერთთვიანი ტრენინგები საქართველოს მასშტაბით 65 მუნიციპალიტეტის 116 -მა წარმოდგენილმა გაიარა. ტრენინგის ფარგლებში მონაწილეებს შესაძლებლობა ქონდათ განეხილათ თავიანთ პრაქტიკაში არსებული რთული და სპეციფიკური შემთხვევები და მიეღოთ შესაბამისი რეკომენდაციები", ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. 9 დეკემბერს, კონკურსის „მე ომბუდსმენი 2016" გამარჯვებული მოსწავლეები დააჯილდოეს. „მე ომბუდსმენის" მთავარი მისია მდგომარეობს იმაში, რომ თქვენ და თქვენმა თანატოლებმა მიიღოთ ინფორმაცია სახალხო დამცველის და ზოგადად ადამიანის უფლებების შესახებ. „მე-ომბუდსმენი" სახალხო დამცველის მიერ ორგანიზებული კონკურსია 13-18 წლის მოსწავლეებისთვის", ნათქვამია ომბუდსმენის ვებ-გვერდზე. სრულად... წყარო: www.ombudsman.ge

თბილისი. ლიბერალიზმის სასწავლო ცენტრი აქვეყნებს რუსუდან გოცირიძის საჯარო ლექციის ვიდეო-ჩანაწერს. „კეისრისა კეისარს, ღმერთისა ღმერთს" - სად გადის ზღვარი საკრალურსა და სეკულარულ სივრცეებს შორის? წყარო: ლიბცენტრის ვებ-გვერდი სოციალურ ქსელში

თბილისი. „პარტნიორობა ადამიანის უფლებებისთვის" წარმომადგენელმა ადგილობრივი თვითმმართველობისთვის ჩაატარა ტრენინგი თემაზე: „ოჯახში ძალადობისგან დაცვის კანონმდებლობა და პრაქტიკა და გენდერული თანასწორობის სკითხები”. „ტრენინგი შეეხო თემებს: ოჯახში ძალადობის ფენომენი გენდერული უთანასწორობისა და ადამიანის უფლებების ჭრილში, ადგილობრივი თვითმმართველობის ექსკლუზიურ და დელეგირებულ უფლებამოსილებებში გენდერული თანასწორობის მეინსტრიმინგის საკითხი, საქართველოს კანონმდებლობა ევროპის საბჭოს სტამბოლის კონვენციის ჭრილში", ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. ფონდ „ღია საზოგადოება საქართველოს" ორგანიზებით, ორდღიანი საერთაშორისო კონფერენცია გაიხსნა, რომელიც საქართველოსთვის არც თუ ისე გამოცდილ საკითხს ბავშვთა ადრეულ განვითარებას ეძღვნება. „შეზღუდული შესაძლებლობების პრევენცია ბავშვის განვითარების პროცესში დროულ, საუკეთესო შემთხვევაში 3 წლის ასაკამდე (მაქსიმუმ 7 წლამდე) ჩარევით არის შესაძლებელი. სტატისტიკა ასეთია: საქართველოში ჩატარებული ერთ-ერთი კვლევის მიხედვით განვითარების პრობლემა ბავშვთა 8,5%-ს აღენიშნება. საქართველოში 7 წლამდე ასაკის დაახლოებით 370 000 ბავშვია, რაც ნიშნავს, რომ სავარაუდოდ, მსგავსი პრობლემა შესაძლოა 30 000 ბავშვს ჰქონდეს. თუმცა საქართველოს სტატისტიკის სახელმწიფო დეპარტამენტის 0-დან 9-წლამდე განვითარების დარღვევების მქონე მხოლოდ 13 412 ბავშვი ჰყავს აღრიცხული," ნათქვამია ორგანიზაიცის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. ლიბერალიზმის სასწავლო ცენტრი აქვეყნებს მარიამ თეზელაშვილის ბლოგპოსტს: „უმაღლესი განათლების სიმაღლე". „ამის ფონზე კი პირველი კურსის შემდეგ ხვდები, რომ უმაღლესი განათლება, რომელსაც შენ „იღებ" სულაც არაა უმაღლესი, არც ფასი და ხარისხი შეესაბამება ერთმანეთს და რომ ოთხი წლის შემდეგ სავარაუდოდ არ/ვერ გექნება ის ცოდნა, რაც უნდა გქონდეს და მაინც როგორ უნდა მოგვცეს უნივერსიტეტმა უმაღლესი განათლება, როცა იმის განსაზღვრაც კი არ შეუძლია რამდენ სტუდენტს რამდენი ჯგუფი და საგანი სჭირდება," ნათქვამია ლიბცენტრის ვებ-გვერდზე. სრულად... წყარო: libcenter.ge

სამცხე-ჯავახეთი. გერმანიის საერთაშორისო თანამშრომლობის საზოგადოების სამართლის პროექტის ორგანიზებით ბორჯომში მიმდინარეობს ორდღიანი ტრეინინგი „ინტერაქტიული სწავლების მეთოდოლოგია სამართლის სკოლის პროფესორებისთვის". „მასში მონაწილეობენ საქართველოს, სომხეთის და აზერბაიჯანის სამართლის სკოლების ლექტორები. GIZ-ის სამართლის პროგრამა მხარს უჭერს იურიდიული განათლების სწავლების ხარისხის გაუმჯობესებას და აღნიშნული მიზნით მომავალშიც აპირებს ღონისძიებების გამართვას", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. 30 ნოემბერს, ჟურნალისტებისთვის ჩატარდა სემინარი შეზღუდულ შესაძლებლობებთან დაკავშირებით. რას გრძნობს ადამიანი შეზღუდული შესაძლებლობით? რა არის ინკლუზიური გარემო? ვინ აგებს პასუხს შეზღუდული შესაძლებლობის მქონე პირთა უფლებების დაცვაზე? როგორ გავაშუქოთ შშმ პირები მედიაში? - ეს მნიშვნელოვანი საკითხები განიხილეს შეხვედრაზე, რომელიც გაეროს განვითარების პროგრამისა (UNDP) და ევროკავშირის ინიციატივით ჩატარდა. სრულად... წყარო: ორგანიზაციის ვებ-გვერდი სოციალურ ქსელში

თბილისი. ახალგაზრდა ფინანსისტთა და ბიზნესმენთა ასოციაციის კვლევის მიხედვით, მომხმარებელთა ინფორმირებულობის ხარისხი საფინანსო დაწესებულებებთან ურთიერთობისას საკმაოდ დაბალია. „კვლევის მიზანი იყო დედაქალაქში ფინანსური განათლების დონის დადგენა, რაც გულისხმობდა, იმ ელემენტარული ტერმინების შესახებ ინფორმირებულობის დადგენას, როგორიცაა ინფლაცია და სავალუტო რისკი, ასევე მომხმარებლებსა და საფინანსო დაწესებულებებს შორის ურთიერთობისას წარმოშობილი თავისებურებები, საკუთარი ფინანსების განკარგვასთან დაკავშირებული საკითხები, ფულის დაზოგვისა და სიბერის უზრუნველყოფასთან დაკავშირებით მიღებულ გადაწყვეტილებები. სამწუხაროდ გამოკითხულთა უმრავლესობა როდესაც „ინფლაციას" განმარტავს როგორც „ფულის გაუფასურებას", აქ ჩვენ საქმე არ გვაქვს მხოლოდ იმასთან, რომ ამა თუ იმ მოქალაქემ არ ჩაიხედა წიგნში და არ დაიზეპირა რა არის ინფლაცია. აქ საქმე გვაქვს საზოგადოებისთვის ინფორმაციის არასწორად მიწოდებასთან", ნათქვამია „ბანკები და ფინანსების" ვებ-გვერდზე. სრულად... წყარო: bfm.ge

თბილისი. 21-29 ნოემბერს, 45 ჟურნალისტს სამხრეთ კავკასიის რეგიონიდან ტრენინგები ჩაუტარდა სხვადასხვა მიმართულებით. „ეს მიმართულებებია-„კულტურული ღირებულებების გაშუქება"; „კრიზისებისა და კონფლიქტური სიტუაციების გაშუქება"; "ბიზნესის, ფინანსების და ეკონომიკის საკითხების გაშუქება". პროგრამა სამწლიანია და მოიცავს (2018 წელს) შერჩეული მონაწილეებისთვის სასწავლო ტურს ბერლინსა და პოსტდამში. სამი წლის მანძილზე კი ჟურნალისტებს (საქართველოდან, აზერბაიჯანიდან და სომხეთიდან) ეძლევათ შესაძლებლობა, რომ საერთაშორისო და რეგიონული ექსპერტების დახმარებით, იმუშაონ სხვადასხვა თემაზე," ნათქვამია ორგანიზაციის ვებ-გვერდზე. სრულად... წყარო: www.media.ge

თბილისი. ტექნოპარკში მწვანე ტექნოლოგიებისა და ინოვაციების დღე აღინიშნა. „კავკასიის გარემოსდაცვითი არასამთავრობო ორგანიზაციების ქსელმა (CENN) კავკასიაში პირველი გარემოსდაცვითი ცოდნის პორტალი, მწვანე მობილური აპლიკაცია GreenWatch და ელექტრონული თამაში–„დაახარისხე და გადაამუშავე" წარმოადგინეს. კავკასიის გარემოსდაცვითი ცოდნის პორტალი გარემოსდაცვითი განათლების გავრცელების ინოვაციურ პლატფორმას წარმოადგენს, რომლის მეშვეობითაც მომხმარებელს საშუალება ექნება გამოიყენოს ინტერაქტიური რუკები, წაიკითხოს და გადმოწეროს ელექტრონული წიგნები, კვლევები, ანგარიშები გარემოსდაცვით თემაზე, გაიგოს მეტი გარემოსდაცვითი მიმართულებით არსებულ ქართულ და საერთაშორისო გამოცდილებაზე, მოიძიოს ინფორმაცია გარემოსდაცვით სფეროში არსებული ინსტიტუტების, პოლიტიკის დოკუმენტებისა თუ საკანონმდებლო აქტების შესახებ", ნათქვამია ორგანიზაიცის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. საიას იურიდიული დახმარების ცენტრში თანაშემწეთა/სტაჟიორთა შესარჩევად გამოცხადებული კონკურსის პირველი ეტაპი - (კაზუსების ამოხსნა) ჩატარდება რამდენიმე ნაკადად. „იმ კანდიდატებმა, რომელთაც ინტერესის სფეროდ მითითებული გაქვთ სისხლის სამართალი, თან იქონიეთ სისხლის სამართლის კოდექსი და სისხლის სამართლის საპროცესო კოდექსი. ხოლო სამოქალაქო/ადმინისტრაციული მიმართულებით - სამოქალაქო კოდექსი, სამოქალაქო საპროცესო კოდექსი, ზოგადი ადმინისტრაციული კოდექსი, ადმინისტრაციული საპროცესო კოდექსი", ნათქვამია ორგანიზაციის ვებ-გვერდზე. იხ. დეტალურად... წყარო: gyla.ge

თბილისი. რადარამმა ბილ მაკკიბენის „ნავთობი და თაფლი" ქართული თარგმანი გამოსცა. „ბილ მაკკიბენი ცნობილი ამერიკელი გარემოს დამცველი, მწერალი, ჟურნალისტი და პედაგოგია. 2013 წელს იგი განდის სახელობის მშვიდობის პრემიის ლაურეატი გახდა. მისი წიგნი „ნავთობი და თაფლი" ერთგვარი მოწოდებაა დედამიწის გადასარჩენად. მწერალი ასაბუთებს, რა საფრთხეს უქმნის პლანეტას გლობალური დათბობა, რომლითაც არის გამოწვეული უამრავი სტიქიური უბედურება დედამიწის სხვადასხვა კუთხეში. მაგრამ ეს ჯერ კიდევ დასაწყისია. აღნიშნული პროცესი მსოფლიოში კლიმატის უფრო და უფრო საშიშ ცვლილებებს განაპირობებს. მაკკიბენის აზრით, ამ უბედურების გამომწვევი არის ადამიანის მომხმარებლური დამოკიდებულება ბუნების მიმართ", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

შიდა ქართლი. 25 ნოემბერს, გორის რაიონის სოფელ ხურვალეთის დევნილთა ჩასახლებაში მცხოვრები ქალბატონებისთვის ჩატარდა ტრენინგი თემაზე - „გუნდურობა". „ტრენინგის მიზანი იყო ხურვალეთის დევნილთა ჩასახლებაში მცხოვრებ ახალგაზრდებში გუნდური მუშაობის პრინციპების, პროცესის და შედეგების გაცნობა როლური სავარჯიშოების და თეორიული მასალის გაცნობის გზით, რაც ხელს შეუწყობს ახალგაზრდებში გუნდური მუშაობის უნარების ჩამოყალიბებას”, ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. ლიბერალიზმის სასწავლო ცენტრის ორგანიზებით სიმონ ჯანაშიას საჯარო ლექცია გაიმართა: „განათლების სისტემის პრივატიზაცია: პრობლემები და პერსპექტივები". წყარო: ორგანიზაციის ვებ-გვერდი სოციალურ ქსელში