თბილისი. ჰაინრიჰ ბიოლის ფონდი წარმოგიდგენთ ანა ლოლუას კვლევას, რომელიც გვიანი სოციალიზმის პერიოდის საქართველოში მეორე მსოფლიო ომისადმი მიძღვნილ გამოფენებში ქალთა რეპრეზენტაციას ეხება. „წინამდებარე სტატიაში გაანალიზებულია დიდი სამამულო ომისადმი მიძღვნილ გამოფენებში ქალთა რეპრეზენტაციის ფორმები და მნიშვნელობები 60-იანი წლების მიწურულიდან, 80-იანი წლების დასაწყისის ჩათვლით, ხალხთა მეგობრობის მუზეუმის დიდი სამამულო ომისადმი მიძღვნილი გამოფენისა და გორის საბრძოლო დიდების მუზეუმის მუდმივმოქმედი გამოფენის მაგალითზე“. სრულად... წყარო: feminism-boell.org

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს რაოდენობრივი კვლევის შედეგებს: ლგბტქ ჯგუფის სოციალური ექსკლუზიის კვლევა საქართველოში.  „კვლევის მიზანი იყო ლგბტქ ჯგუფის წინაშე მდგარი ძირითადი სოციალურ-ეკონომიკური ბარიერების გამოვლენა და ძირითად პრობლემათა აღმოსაფხვრელად საჭირო პოლიტიკის შემუშავების ხელის შეწყობა. კვლევა აჩვენებს, რომ ლგბტქ თემის წევრები სხვებთან თანასწორი და სრულყოფილი ცხოვრებით სარგებლობას ვერ ახერხებენ და მათი თავისუფლად ცხოვრების შანსები არსებითად შეზღუდულია ყველა უფლებრივ ჩარჩოსთან მიმართებით“, ნათქვამია ორგანიზაციის ვებგვერდზე. სრულად...  წყარო: emc.org.ge

თბილისი. EMC წარმოგიდგენთ თარგმანების კრებულს „სოციალური კვლავწარმოება, ქალთა შრომა და შინშრომა“.  კრებულის მიზანია ხელი შეუწყოს ქალთა შრომისა და შინშრომის კრიტიკულ ანალიზს, მის თეორიულ გადააზრებას, სოციალური კვლავწარმოების ბუნების შესწავლასა და ქალთა როლის იდენტიფიცირებას სასიცოცხლო შრომის წარმოებაში. სრულად...  წყარო: ორგანიზაციის ვებგვერდი

თბილისი. სახალხო დამცველის აპარატმა, სექსუალური შევიწროების შესახებ, პრაქტიკული სახელმძღვანელო მოამზადა.  სახელმძღვანელოში თავმოყრილია სექსუალურ შევიწროებასთან დაკავშირებული კომპლექსური საკითხები. გამოცემის მიზანია სხვადასხვა სფეროს წარმომადგენლებს სექსუალური შევიწროების სპეციფიკის აღქმაში დაეხმაროს.  სრულად...   წყარო: ორგანიზაციის ვებგევრდი

თბილისი. სახალხო დამცველის რეკომენდაციით, სამხარაულის ეროვნული ბიუროს რეგიონული ექსპერტიზის დეპარტამენტებში ქალ ექსპერტებს დაასაქმებენ. „სახალხო დამცველი მნიშვნელოვნად მიიჩნევს სამხარაულის ეროვნული ბიუროს მზადყოფნას - შეასრულოს სახალხო დამცველის რეკომენდაცია და სექსუალური ძალადობის მსხვერპლი ქალებისთვის თანასწორი და ღირსეული გარემოს შექმნის მიზნით, რეგიონული ექსპერტიზის დეპარტამენტებში ქალი ექსპერტები დაასაქმოს. ასევე, თბილისის და რეგიონული ოფისების თანამშრომლებისთვის ჩაატაროს ტრენინგები სექსუალური ძალადობის მსხვერპლებთან სათანადო კომუნიკაციის ფსიქოლოგიური ასპექტების შესახებ“, - აღნიშნულია სახალხო დამცველის მიერ გავრცელებულ ინფორმაციაში. სრულად...  წყარო: ორგანიზაციის ვებგვერდი

თბილისი. პარტნიორობა ადამიანის უფლებებისთვის (PHR) გთავაზობთ რიგით მეორე საინფორმაციო ფურცელს, რომელიც ორგანიზაციამ „ქალი და რეალობა“-სთან ერთად გამოსცა. დოკუმენტის მიზანია შეზღუდული შესაძლებლობის მქონე (შშმ) ქალების გასაძლიერებლად მსოფლიოში და საქართველოში მიმდინარე მოვლენების ასახვა; ასევე, შშმ ქალებისთვის ამ მოვლენებთან დაკავშირების და მონაწილეობის მიღების შესაძლებლობის მიცემა. სრულად... წყარო: phr.ge გენდერი ადამიანის უფლებები

თბილისი. სახალხო დამცველმა სამხარაულის ექსპერტიზის ბიუროს ფილიალში ქალი ექსპერტის არარსებობა ძალადობის მსხვერპლი ქალის მიმართ დისკრიმინაციად მიიჩნია. „ომბუდსმენის შეფასებით, სექსუალური ძალადობის მსხვერპლის თუნდაც არაპირდაპირ იძულება, შეამოწმოს სხვა სქესის ექსპერტმა, არის გენდერულად არამგრძნობიარე მიდგომა და გასათვალისწინებელია, რომ სექსუალური ძალადობა გამოვლილი ქალების უმრავლესობისათვის არ იქნება სასურველი. სწორედ ტრავმულ გამოცდილებაზე საუბრობდა განმცხადებელი თავის წერილობით ახსნა-განმარტებაში და ხაზს უსვამდა მისი ემოციური მდგომარეობის სიმძიმეს. აღნიშნულიდან გამომდინარე, სახალხო დამცველმა რეკომენდაციით მოუწოდა სსიპ ლევან სამხარაულის ექსპერტიზის ბიუროს: დასავლეთ საქართველოს რეგიონული ექსპერტიზის დეპარტამენტში ქალი ექსპერტებიც დაასაქმოს; მომავალში, საქმიანობის წარმართვისას, გაითვალისწინოს ექსპერტიზის მიმღებ პირთა განსხვავებული საჭიროებები“, ნათქვამია ომბუდსმენის განცხადებაში. სრულად... წყარო: ombudsman.ge

თბილისი. საქართველოს ახალგაზრდა იურისტთა ასოციაიცა (საია) აქვეყნებს კვლევის ანგარიშს: იძულებითი ქორწინება - კანონმდებლობა და პრაქტიკა. “კვლევის შედეგად გამოვლინდა, რომ ქორწინების იძულების მსხვერპლები საქართველოში ქალები არიან. პრობლემა განსაკუთრებით მწვავედ იგრძნობა ქვემო ქართლის რეგიონში. ყველაზე ხშირად სწორედ აქ იწყება გამოძიება იძულებითი ქორწინების საკითხთან დაკავშირებით. სისხლის სამართლის კოდექსში ქორწინების იძულების სპეციალური ნორმის შემოტანით და კრიმინალიზებით შესრულდა სტამბოლის კონვენციის მოთხოვნა. თუმცა, პრობლემად რჩება ამ საკითხთან დაკავშირებით პრევენციული საქმიანობა, ცნობიერების ამაღლების მიმართულებით საზოგადოებაში ეფექტიანი სამუშაოების ჩატარება და უკვე მომხდარ ფაქტებზე შედეგიანი რეაგირება”, ნათქვამია ორგანიზაციის ვებგვერდზე. სრულად... წყარო: gyla.ge

თბილისი. გენდერული საინფორმაციო პორტალი აქვეყნებს ლელა ხომერიკის სტატიას: თანამედროვე ტექნოლოგიების საშუალებებით განხორციელებული ძალადობა - ქალთა მიმართ და ოჯახში ძალადობის ახალი ფორმა. „ძალადობის რისკის ქვეშ მცხოვრები ქალები მოძალადესთან ერთ სივრცეში იზოლირებული აღმოჩნდნენ. პანდემიის დროს, სხვა ქვეყნების მსგავსად, ოჯახში ძალადობის მასშტაბი საქართველოშიც გაიზარდა. თანამედროვე ტექნოლოგიები გვთავაზობს გენდერულ ძალადობაზე პრევენციისა და მათზე რეაგირების ახალ გზებს. თუმცა ამავდროულად, თავი იჩინა ახალმა პრობლემამ - მოძალადეების მიერ ტექნოლოგიების გამოყენებამ მსხვერპლთა თვალთვალისა და კონტროლისათვის. გენდერული ძალადობის ეს სახე იმდენად გავრცელებულია, რომ დღეს ტექნოლოგიური საშუალებების გამოყენებით ძალადობა (technology-facilitated gender-based violence), ძალადობის ერთ-ერთ ფორმად არის მიჩნეული ძალადობის ფიზიკური, ეკონომიკური თუ სექსუალური ძალადობის ფორმებთან ერთად“, ნათქვამია სტატიაში. სრულად... წყარო: ginsc.net

თბილისი. 23 - 24 დეკემბერს, შშმ ქალთა თემებზე მომუშავე ორგანიზაციების და შშმ ქალების პლატფორმის წევრებისთვის ორგანიზაცია „პარტნიორობა ადამიანის უფლებებისთვის“ წარმომადგენლებმა, ანა აბაშიძემ და ანა არგანაშვილმა ქალთა უფლებებზე ტრენინგი ჩაატარეს. სწავლების მიზანი იყო შშმ ქალებმა თავად შეძლონ ლიდერობა უფლებების დაცვის პროცესში, ნაკლებად იყვნენ დამოკიდებულნი სხვათა მხარდაჭერაზე, გამოიყენონ სასამართლოსადმი მიმართვის, ადმინისტრაციული ორგანოებთან თანამშრომლობის თუ სამართლებრივი დავის სტრატეგიები, გააცნონ ადამიანის უფლებების საერთაშორისო ინსტრუმენტები დაინტერესებულ პირებს. სრულად... წყარო: phr.ge

თბილისი. გენდერული საინფორმაციო პორტალის ინფორმაციის თანახმად, ლაგოდეხის მუნიციპალიტეტის სოფელ კაბალში ცოლად მოყვანის მიზნით გატაცებული 16 წლის გოგო იპოვეს. „ის პოლიციაში გამოკითხვაზე იმყოფება. განყოფილებაში კითხავენ გამტაცებელი 21 წლის ბიჭსაც. არასრულწლოვნის მამის თქმით, მის შვილს გათხოვება არ უნდოდა და იძულებით გაიტაცეს. ის გამტაცებლის კანონით დასჯას მოითხოვს“. სრულად... წყარო: ginsc.net

თბილისი. გაეროს ქალთა ორგანიზაციამ ახალი ონლაინკამპანია: გულგრილობის ვირუსი კლავს დაიწყო. „ონლაინკამპანიის ფარგლებში, გაეროს ქალთა ორგანიზაციის ინიციატივით, შექმნილია 6 აუდიოპიესა, რომელთა ავტორებიც ქართველი მწერლები ნესტან ნენე კვინიკაძე და ლაშა ბუღაძე არიან. პიესებში ქალთა მიმართ და ოჯახში ძალადობის სხვადასხვა ფორმა რეალობასთან მაქსიმალურად მიახლოებული სცენებითა და სიტუაციებითაა ასახული“. სრულად... წყარო: georgia.unwomen.org

თბილისი. ქალთა მზერა აქვეყნებს მარინა მუსხელიშვილის ბლოგპოსტს: ზოგი რამ მინიმალურ ხელფასზე, ქალთა უფლებებზე და დემოკრატიაზე. „ქალთა უფლებები, თავის მხრივ, ბოლო ათწლეულებში უფრო ლიბერალური დღის წესრიგის ნაწილი გახდა. მათი საწყისები წინა საუკუნის ბოლოს წარმოქმნილ ახალ სოციალურ მოძრაობაშია, რომელიც პირველ რიგში ამერიკას უკავშირდება და ნეოლიბერალიზმისა და პოსტმატერიალიზმის ემანსიპაციურ სულისკვეთებას მოიცავს. ამერიკული გაგებით, ეს ახალი ფემინიზმიც „მემარცხენეა“, მაგრამ ამ ტერმინის სპეციფიური, ამერიკული მნიშვნელობით, რომელიც ევროპულისგან განსხვავდება. ამდენად, მსჯელობა მინიმალურ ხელფასზე ქალური, ფემინისტური თვალსაწიერიდან, წარმოადგენს პრობლემას და გამოწვევას“. სრულად... წყარო: womensgaze.org.ge

თბილისი. „საერთაშორისო გამჭვირვალობა - საქართველო”-ს საპარლამენტო მონიტორინგის პროექტის ფარგლებში წარმოდგენილი კვლევა მოიცავს IX მოწვევის პარლამენტის მიერ (საანგარიშო პერიოდი: 2017 წლის 5 იანვარი - 2020 წლის 30 სექტემბერი) გენდერული თანასწორობის მიმართულებით, განხორციელებულ საქმიანობას, რომლის ფარგლებშიც გაანალიზებულია პარლამენტის აქტივობები საკანონმდებლო და კონტროლის განხორციელების მხრივ. სრულად... წყარო: transparency.ge

თბილისი. 10 დეკემბერს, გენდერული ძალადობის წინააღმდეგ 16-დღიანი კამპანიისა და პროექტის „ოჯახში ძალადობის მსხვერპლთა მხარდაჭერის გაძლიერება COVID-19-ით გამოწვეული კრიზისის პერიოდში” ფარგლებში გაიმართა კონფერენცია „ჩვენი მონაწილეობა თანადგომისთვის!“. „საქართველოში მრავალი ქალი, ბავშვი და მოხუცი განიცდის ოჯახში ძალადობას. ოჯახში ძალადობის დანაშაული ხშირ შემთხვევაში აღიქმება, როგორც მხოლოდ ოჯახის საქმე და საზოგადოება დუმილს ამჯობინებს, რაც პოტენციურ მოძალადეს ხელსაყრელ პირობებს უქმნის ჩაიდინოს დანაშაული, ხოლო თავად დაზარალებული კი დუმს, რადგანაც ვერ გრძნობს ვერც ოჯახის სხვა წევრებისა და ვერც საზოგადოების მხარდაჭერას“, ნათქვამია ორგანიზაციის გვერდზე სოციალურ ქსელში. სრულად... წყარო: ginsc.net

იმერეთი. გენდერული ძალადობის წინააღმდეგ 16 დღიანი კამპანიის ფარგლებში, ქუთაისის ახალგაზრდული ცენტრის წევრებისთვის გაიმართა მორიგი ონლაინ სემინარი თემაზე: „გენდერული თანასწორობა - სქესი და გენდერი“. ონლაინ სემინარი ორგანიზებულია ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის (PITA) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) ფინანსური მხარდაჭერით. პროგრამის პარტნიორია განათლების განვითარების და დასაქმების ცენტრი (EDEC). სრულად... წყარო: ორგანიზაციის გვერდი სოციალურ ქსელში

თბილისი. გაეროს ქალთა ფონდის ინფორმაციით, კატო მიქელაძის პრემიის გამარჯვებული სოციალური სამართლიანობისთვის მებრძოლი ფემინისტი აქტივისტი და მოაზროვნე მარიამ ქაჯაია გახდა.  „გაეროს ქალთა ორგანიზაცია მხარს უჭერს კატო მიქელაძის პრემიას, რომელიც ქალი უფლებადამცველებისა და აქტივისტებისთვის 2013 წელს, ქალთა ფონდმა საქართველოში დააწესა. ჩვენთვის განსაკუთრებით ღირებულია ის წვლილი, რომელიც ქალ უფლებადამცველებს სამართლიანი და თანასწორი საზოგადოების ფორმირებაში შეაქვთ. გაეროს ქალთა ორგანიზაციის წარმომადგენლობა საქართველოში ულოცავს მარიამ ქაჯაიასა და ყველა ნომინანტს“. სრულად... წყარო: ორგანიზაციის გვერდი სოციალურ ქსელში

თბილისი. ომბუდსმენის აპარატმა სპეციალური ანგარიში ფემიციდის მონიტორინგის მექანიზმის ფარგლებში შეიმუშავა. დოკუმენტში გაანალიზებულია 2018 წელს ჩადენილი დანაშაულები. „მონიტორინგის მიზანია გააანალიზოს ქალთა გენდერული ნიშნით მკვლელობების, მკვლელობის მცდელობისა და თვითმკვლელობამდე მიყვანის თითოეული საქმე, რათა გამოავლინოს ძალადობის მსხვერპლთა და დაზარალებულთა დაცვის მექანიზმის ხარვეზები, შემდგომში ამ მექანიზმების დასახვეწად და განსავითარებლად. მიუხედავად იმისა, რომ 2018 წელს მომხდარი ფემიციდის და ფემიციდის მცდელობის საქმეები 5 წლიანი მონიტორინგის ანგარიშის ფარგლებში გაანალიზდა, ბოლო პერიოდის ტენდენციების გათვალისწინებით, საჭიროდ მივიჩნიეთ ცალკე სახით, სპეციალური ანგარიში გამოგვეცა“, ნათქვამია სახალხო დამცველის ვებგვერდზე. სრულად... წყარო: ombudsman.ge

გურია. 25 ნოემბერს, „ახალგაზრდა პედაგოგთა კავშირის“ ახალგაზრდული ცენტრის წევრების ინიციატივით ქალთა მიმართ ძალადობის აღკვეთის საერთაშორისო დღე აღინიშნა. „ახალგაზრდებმა მოიძიეს საზოგადოებაში გავრცელებული გენდერული სტერეოტიპები, რომლებიც ხშირად ძალადობის მიზეზი ხდება. სტერეოტიპული ფრაზები დაბეჭდეს და წამოიწყეს კამპანია #ვამსხვრევსტერეოტიპს. გაერომ გენერალური ასამბლეის 1999 წლის 17 დეკემბრის პლენარულ სხდომაზე მიღებული რეზოლუციით 25 ნოემბერი ქალების მიმართ ძალადობის აღმოფხვრის საერთაშორისო დღედ გამოაცხადა“. სრულად... წყარო: ორგანიზაციის გვერდი სოციალურ ქსელში

თბილისი. საქართველოს სახალხო დამცველი უერთდება 16 დღიან კამპანიას გენდერული ძალადობის წინააღმდეგ, რომელიც მსოფლიოს 187 ქვეყანაში 1991 წლიდან აღინიშნება და მიზნად ისახავს საზოგადოების ცნობიერების ამაღლებას ქალთა მიმართ ძალადობისა და ოჯახში ძალადობის აღმოსაფხვრელად. „საქართველოში ქალთა მიმართ და ოჯახში ძალადობის მიმართულებით, კვლავ გამოწვევად რჩება შემთხვევათა დროული გამოვლენა და ეფექტური რეაგირება, ასევე, დახმარების ღონისძიებების სიმცირე, რაც ძალადობის უკიდურესი ფორმის, ფემიციდის მაღალ მაჩვენებელს განაპირობებს“. სრულად... წყარო: ombudsman.ge

თბილისი. 25 ნოემბერს მსოფლიო, ქალთა მიმართ ძალადობის ელიმინაციის დღეს აღნიშნავს. ამ დღის მიზანია, ქალთა მიმართ ძალადობის შესახებ ცნობიერების ამაღლება და პრობლემებზე საჯაროდ საუბარი. “ASB საქართველო, ძალადობისგან დაცვის ეროვნული ქსელი/Anti-Violence Network of Georgia -თან ერთად, კანადის მთავრობის მიერ დაფინანსებული პროექტის „უსაფრთხო გარემო ქალებისვთის“ ფარგლებში, აქტიურად მუშაობს საზოგადოებაში ქალთა მიმართ ძალადობის შესახებ ცნობიერების ამაღლების კუთხით. პროექტის ფარგლებში მიმდინარეობს 80-მდე პოლიციელის, 180-მდე სკოლის მასწავლებლისა და 20-მდე დღის ცენტრის პერსონალის დატრენინგება, გენდერული თანასწორობის საკითხებზე”. სრულად... წყარო: ორგანიზაციის გვერდი სოციალურ ქსელში

თბილისი. გენდერული ძალადობის წინააღმდეგ 16-დღიანი კამპანიის ფარგლებში, საქართველოს სახალხო დამცველმა, გაეროს ქალთა ორგანიზაციის მხარდაჭერით, ონლაინკონფერენცია „ფემიციდის პრევენცია და მონიტორინგი“ გამართა. ონლაინკონფერენცია მიზნად ისახავდა იმ ადგილობრივი და საერთაშორისო მონიტორინგის პრაქტიკების განხილვას, რომლებიც ქალთა გენდერული ნიშნით მოტივირებული მკვლელობების (ფემიციდის) პრევენციისთვის არსებობს. სრულად... წყარო: ombudsman.ge