თბილისი. საქართველოს ახალგაზრდა იურისტთა ასოციაცია (საია) იცავს სტუდენტს, რომელმაც ბათუმის შოთა რუსთაველის სახელმწიფო უნივერსიტეტის ლექტორი სექსუალურ შევიწროებაში ამხილა. „სექსუალური შევიწროება არის ადამიანის უფლებათა დარღვევა და ქალის დისკრიმინაციის ერთ-ერთი ყველაზე დაფარული, სტრუქტურული ფორმა. საია იმედოვნებს, რომ გამოძიება დროულად და სრულყოფილად ჩატარდება. საია მიმართავს ბათუმის შოთა რუსთაველის სახელმწიფო უნივერსიტეტს, უნივერსიტეტის სივრცეში სექსუალური შევიწროების პრევენციის მიზნით, შეიმუშავოს შესაბამისი რეგულაციები", ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. 13-14 მაისს, თბილისში გაიმართა კონფერენცია „ქალები, მშვიდობა და უსაფრთხოებაზე გაეროს უშიშროების საბჭოს რეზოლუციების განხორციელების 2018-2020 წლების ეროვნული სამოქმედო გეგმების ლოკალიზაციის პროცესი საქართველოში". კონფერენციის მონაწილეები გახდნენ საქართველოს 10 მუნიციპალიტეტის საკრებულოს, მერიის, გენდერული თანასწორობის საბჭოებისა და 1325 სამუშაო ჯგუფების წევრები, ამ მუნიციპალიტეტებში მცხოვრები დევნილები და კონფლიქტით დაზარალებული მოსახლეობა. სრულად... წყარო: ორგანიზაციის გვერდი სოციალურ ქსელში

თბილისი. საქართველოს სახალხო დამცველი ზუგდიდის მუნიციპალიტეტის საკრებულოს თავმჯდომარის მოადგილის გამონათქვამს დისკრიმინაციულად აფასებს.  „საქართველოს სახალხო დამცველი გმობს ზუგდიდის მუნიციპალიტეტის საკრებულოს თავმჯდომარის მოადგილის თამაზ ფაცაციას მიერ სოციალურ ქსელში გამოქვეყნებულ დისკრიმინაციულ განცხადებებს ოპოზიციური პარტიის წარმომადგენელი პოლიტიკოსი ქალების - თინა ბოკუჩავასა და ანა წითლიძის მისამართით. სახალხო დამცველი მიიჩნევს, რომ თამაზ ფაცაციას გამონათქვამები არის სექსისტური შინაარსის, ვინაიდან აქვს სექსუალური კონოტაცია, მიზნად ისახავს პოლიტიკოსი ქალების შეურაცხყოფას, დამცირებას და მათ უქმნის არაჯანსაღ, უთანასწორო პოლიტიკურ გარემოს", - აცხადებს სახალხო დამცველი.  სრულად... წყარო: ორგანიზაციის ვებგვერდი

იმერეთი. ქუთაისის ახალგაზრდული ცენტრის წევრებისთვის მოეწყო სადისკუსიო კლუბის მორიგი შეხვედრა თემაზე: „ოჯახში ძალადობა და მისი პრევენცია", რომლის მიზანს წარმოადგენდა მონაწილეთა ცნობიერების ამაღლება ოჯახში ძალადობის, არსებული კანონმდებლობის და ძალადობის პრევენციის საკითხებზე. შეხვედრას ქუთაისის ოჯახში ძალადობის მსხვერპლთა მომსახურების დაწესებულების უფროსი თამარ კეპულაძე უძღვებოდა. სრულად... წყარო: ორგანიზაციის გვერდი სოციალურ ქსელში

თბილისი. საქართველოს ფერმერთა ასოციაციასა და გაეროს ქალთა ორგანიზაციის მხარდაჭერით, პროექტის „ერთობლივი ძალისხმევა ქალთა ეკონომიკური გაძლიერებისთვის საქართველოში” ფარგლებში, დასავლეთ საქართველოს რეგიონებში მცხოვრები კიდევ 65 მეწარმე ქალი, ცოდნისა და კვალიფიკაციის ასამაღლებელ ტრენინგებს გაივლის. სრულად... წყარო: ორგანიზაციის გვერდი სოციალურ ქსელში

აჭარა. 23 აპრილს, ქ. ბათუმის მე-9 საჯარო სკოლაში ჩატარდა თანატოლთა ტრენინგი, თემაზე: „ქალთა მიმართ ძალადობა და მასთან ბრძოლის გზები". მომხსენებელი გახლდათ ბათუმის ახალგაზრდული ცენტრის მოხალისე - ლაშა ბერიძე. „დისკუსიის რეჟიმში, ვისაუბრეთ ქალთა მიმართ ძალადობის გააზრებაზე ჩვენს საზოგადოებაში, მის გამომწვევ მიზეზებსა და შედეგებზე, დავასახელეთ ამ პრობლემასთან ბრძოლის ოპტიმალური გზები", ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

კახეთი. სასტუმრო „ლოპოტაზე", გაეროს ქალთა ორგანიზაციის ინიციატივით, ქალთა გაძლიერების პრინციპების პრაქტიკაში დანერგვის შესახებ ტრენინგი მიმდინარეობს. ტრენინგში საქართველოში მოქმედი 11 კომპანიის წარმომადგენლები მონაწილეობენ. ღონისძიებას ესწრებიან პარტნიორები აზერბაიჯანიდან და სომხეთიდან. სრულად... წყარო: ორგანიზაციის გვერდი სოციალურ ქსელში

აჭარა. 18 აპრილს, ბათუმის ახალგაზრდული ცენტრის მოხალისეებმა, ლაშა ბერიძემ და მარიამ ნაკაშიძემ ჩაატარეს ტრეინინგი მახინჯაურის საჯარო სკოლაში, თემებზე: ოჯახში ძალადობა და არასრულწლოვნების ქორწინება. „შეხვედრაზე ისაუბრეს არსებული პრობლემების გამომწვევ მიზეზებსა და შედეგებზე, სახელმწიფოსა და მოქალაქეების როლზე მსგავს სიტუაციებში. განიხილეს მოძალადისა და მსხვერპლის დამახასიათებელი თვისებები, მათი გავლენა არასრულწლოვანზე და ის მავნე შედეგები რაც შეიძლება მოჰყვეს ძალადობას", ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

სამეგრელო. 16 აპრილს, ასოციაცია „ათინათში” ახალგაზრდული ცენტრის წევრების მონაწილეობით გაიმართა საჯარო გამოსვლის ხელოვნების კონკურსი თემაზე "ქალები ცვლილებებისთვის". კონკურსი შედგებოდა ორი ეტაპისგან, პირველ ეტაპზე მონაწილეებს მიეცათ შესაძლებლობა 3 წუთის განმავლობაში წარმოედგინათ წინასწარ მომზადებული სიტყვა. სპეციალურად შერჩეულმა ჟიურიმ, თიკო ბუკიამ და ლევან ბებიამ შეარჩიეს ოთხი სპიკერი, რომლებიც მეორე ეტაპზე გადავიდნენ და 10 წუთის განმავლობაში მოამზადეს სიტყვა თემაზე: დრო, რომელსაც ვერ ვმართავთ. სრულად... წყარო: ორგანიზაციის გვერდი სოციალურ ქსელში

თბილისი. 15 აპრილს, საქართველოს ახალგაზრდა იურისტთა ასოციაციამ (საია) პროექტის - „ოჯახში ძალადობისა და გენდერული ძალადობის მსხვერპლთა დაცვის მექანიზმებზე ხელმისაწვდომობის უზრუნველყოფა" - საბოლოო ანგარიში წარადგინა. „პროექტის მთავარი მიზანი იყო მსხვერპლთა სერვისებზე ხელმისაწვდომობის უზრუნველყოფა. საიასა და პარტნიორი ორგანიზაციების ჩართულობით სამართლებრივი დახმარება 7000-მდე მსხვერპლმა მიიღო, ფსიქო-სოციალური რეაბილიტაცია გაიარა 2500-მდე მსხვერპლმა, ხოლო პროფესიული განათლება მიიღო 71-მა ბენეფიციარმა. პროექტის ფარგლებში შემუშავდა მოძალადეთა ქცევის კორექციის პროგრამა, რომელიც დაინერგა პრობაციის სააგენტოსა და 2 პენიტენციურ დაწესებულებაში. საპილოტე 6 თვიანი პროგრამა წარმატებით განხორციელდა", ნათქვამია ორგანიზაციის ვებგვერდზე. სრულად... წყარო: gyla.ge

თბილისი. 12 აპრილს, ილიაუნის ადამიანის უფლებათა კინოკლუბმა აღმოსავლეთ-დასავლეთის მართვის ინსტიტუტის „კანონის უზენაესობის მხარდაჭერა საქართველოში" (USAID-PROLoG - Promoting Rule of Law in Georgia Activity) პროგრამასთან თანამშრომლობით, ანიმაციური ფილმის „ქალგმირები (3 ამბავი)" ჩვენება და დისკუსია გამართა. სრულად... წყარო: ორგანიზაციის გვერდი სოციალურ ქსელში

აჭარა. 12 აპრილს, ორგანიზაციის „პარტნიორობა ადამიანის უფლებებისთვის" ორგანიზებით ბათუმში მორიგი შეხვედრა – უმაღლეს საგანმანათლებლო დაწესებულებებში ქალთა სექსუალური შევიწროება გაიმართა. „შეხვედრა შოთა რუსთაველის სახელობის ბათუმის სახელმწიფო უნივერსიტეტის სტუდენტებისთვის ჩატარდა, სადაც PHR-ის იურისტმა ანა თავხელიძემ აუდიტორიასთან განიხილა, თუ რა არის სექსუალური შევიწროება, რა შედეგებს იწვევს სექსუალური შევიწროება ადრესატში და როგორია სექსუალური შევიწროების დადასტურებისთვის საჭირო მტკიცებულებითი სტანდარტი? – მან, ასევე, აუდიტორიას გააცნო სექსუალური შევიწროების სახეები, ფორმები და დისკუსიის ნაწილში შეხვედრის მონაწილეების კითხვებს უპასუხა", ნათქვამია ორგანიზაციის ვებგვერდზე. სრულად... წყარო: phrgeorgia.wordpress.com

თბილისი. პარტნიორობა ადამიანის უფლებებისთვის (PHR) აქვეყნებს ბლოგპოსტს თათია სამხარაძის საქმესთან დაკავშირებით. „სააპელაციო სასამართლომ სექსუალური შევიწროების პირველ საქმეზე საბოლოო გადაწყვეტილება მიიღო და 12 დეკემბერს ძალაში დატოვა სასამართლოს პირველი ინსტანციის გადაწყვეტილება საქმეზე – „თათია სამხარაძე შალვა რამიშვილის წინააღმდეგ". აღნიშნული გადაწყვეტილებით, სასამართლომ კიდევ ერთხელ დაადასტურა, რომ შალვა რამიშვილმა, სამსახურებრივი მდგომარეობის გამოყენებით, სამუშაო ადგილზე, სექსუალურად შეავიწროვა თათია სამხარაძე. შესაბამისად, სასამართლომ არ დააკმაყოფილა შალვა რამიშვილის სააპელაციო საჩივარი და განხორციელებული ქმედებისთვის სასამართლომ მას სექსუალური შევიწროების მსხვერპლისთვის მორალური ზიანის ანაზღაურება 2 000 ლარის ოდენობით დააკისრა. თათია სამხარაძის ინტერესებს სასამართლოში ორგანიზაციის „პარტნიორობა ადამიანის უფლებებისთვის" იურისტები იცავდნენ", ნათქვამია ორგანიზაციის ვებგვერდზე. სრულად... წყარო: phrgeorgia.wordpress.com

შიდა ქართლი. 4 აპრილს, გორის სამოქალაქო აქტივიზმის ცენტრის მოხალისეები, თორტიზის საჯარო სკოლას, პროექტ: „ახალგაზრდები გენდერული თანასწორობისათვის" ფარგლებში სტუმრობდნენ. „ტრენერთა ტრენინგის (ToT) გადამზადებული ახალგაზრდები 2018 წლის ნოემბრიდან 2019 წლის მაისის ჩათვლით, საქართველოს სხვადასხვა რეგიონების სოფლებსა და ქალაქებში ოჯახში ძალადობის და ადრეული ქორწინების, ასევე „ევროკავშირის და საქართველოს" შესახებ საინფორმაციო კამპანიის ჩატარებას უზრუნველყოფენ სხვადასხვა ჯგუფებთან, მათ შორის მოსწავლეებთან, მასწავლებლებთან, მშობლებთან და თემის ლიდერებთან", ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

აჭარა. ბათუმის ახალგაზრდული ცენტრის მოხალისეებმა დაბა ჩაქვის №1 საჯარო სკოლაში ჩაატარეს თანატოლგანმანათლებელთა ტრენინგი თემაზე: „ოჯახში ძალადობის და ადრეული ქორწინების პრევენცია". ტრენინგის პროცესში წარიმართა დისკუსია იმის შესახებ, თუ როგორ აშუქებს მედია ძალადობის ფაქტებს, რა გავლენას ახდენს ოჯახში ძალადობა ბავშვთა ფსიქოლოგიაზე, აგრეთვე, განიხილეს ის კონკრეტული გარემო-ფაქტორები, რომლებიც ხელს უწყობენ ადრეულ ქორწინებას და ისაუბრეს პრევენციის გზებზე. სრულად...  წყარო: ორგანიზაციის გვერდი სოციალურ ქსელში

თბილისი. 2018 წლის 24 აპრილს ორგანიზაციამ „პარტნიორობა ადამიანის უფლებებისთვის" შსს-ს მიმართა და მოითხოვა საჯარო ინფორმაციის გაცემა. „მათ შორის, ბოლო ხუთი წლის განმავლობაში ოჯახში ძალადობისა და სხვა ოჯახური დანაშაულის, ასევე ქალთა მიმართ გენდერული ნიშნით ჩადენილ დანაშაულებებზე დაწყებული გამოძიების მაჩვენებელი წლების, სისხლის სამართლის კოდექსის შესაბამისი მუხლებისა და ძალადობის ფორმების მიხედვით. შინაგან საქმეთა სამინისტრომ აღნიშნული ინფორმაციის გაცემაზე უარი განაცხადა, ხოლო მას შემდეგ, რაც ორგანიზაციის იურისტმა უწყებას ადმინისტრაციული საჩივრით მიმართა, შსს-მ საჩივარი უპასუხოდ დატოვა, რის შემდეგაც, PHR-მა თბილისის საქალაქო სასამართლოს შსს-ის წინააღმდეგ მიმართა და უწყებისგან ორგანიზაციისთვის აღნიშნული ინფორმაციის დამუშავება გაცემა მოითხოვა. თბილისის საქალაქო სასამართლოს 2019 წლის 21 თებერვლის გადაწყვეტილებით PHR-ის სარჩელი დაკმაყოფილდა და სამინისტროს მოთხოვნილი ინფორმაციის დამუშავება და გაცემა დაევალა. სასამართლომ გაიზიარა PHR-ის იურისტის არგუმენტაცია და სტამბულის კონვენციის საფუძველზე განმარტა, რომ როგორც საერთაშორისო, ისე ადგილობრივი კანონმდებლობით, შინაგან საქმეთა სამინისტროს ვალდებულებაა სადავო ინფორმაციის დამუშავება და გაცემა", ნათქვამია ორგანიზაციის ვებგვერდზე. სრულად... წყარო: phrgeorgia.wordpress.com

<div style="text-align: justify;"><span style="font-weight: bold;">თბილისი. </span>საქართველოს ახალგაზრდა იურისტთა ასოციაციამ (საია) კვლევის „ოჯახში და ქალთა მიმართ ძალადობის აქტუალური საკითხები" პრეზენტაცია გამართა.</div> <div style="text-align: justify;">„კონკრეტულ მაგალითებზე დაყრდნობით, კვლევაში გაანალიზებულია ოჯახში ძალადობის, ოჯახური დანაშაულებისა და ქალთა მიმართ ძალადობის ფაქტებზე სახელმწიფოს რეაგირების ეფექტიანობა. კვლევის მიზნებისთვის, საიამ შეისწავლა და შეაფასა სამართალდამცავი ორგანოების რეაგირების, ასევე პროკურატურისა და სასამართლოს მიდგომების, მოძალადეებისა და ძალადობის მსხვერპლთათვის სახელმწიფოს მიერ შეთავაზებული სერვისები", ნათქვამია ორგანიზაციის ვებგვერდზე.</div> <div style="text-align: justify;"><a href="http://gyla.ge/ge/post/saiam-ojakhshi-da-qalta-mimart-dzaladobis-aqtualuri-sakitkhebi-kvlevis-shedegebis-prezentacia-gamarta#sthash.bDveAsdj.dpbs" target="_blank" style="font-weight: bold;">სრულად...</a></div> <div style="text-align: justify;">წყარო: gyla.ge</div> <div><br /> </div>

<div style="text-align: justify;"><span style="font-weight: bold;">იმერეთი.</span> ქუთაისის ახალგაზრდული ცენტრის წევრებმა, თერჯოლის მუნიციპალიტეტის, სოფელ ჭოგნარის საჯარო სკოლაში პედაგოგებისა და მოსწავლეებისათვის გამართეს საინფორმაციო შეხვედრა გენდერული თანასწორობის და საქართველოს და ევროკავშირის თემაზე.</div> <div style="text-align: justify;">„შეხვედრის მიზანი იყო მონაწილეთა ცნობიერების ამაღლება გენდერული თანასწორობის, ნაადრევი ქორწინების, მასთან დაკავშირებული რისკების, ოჯახში ძალადობის პრევენციის, ევროპული ფასეულობების და დასავლური ღირებულებების, საქართველოს ევროპული არჩევანის შესახებ", ნათქვამია ორგანიზაციის გვერდზე სოციალურ ქსელში.</div> <div style="text-align: justify;"><a href="http://mailchi.mp/6d169c15b187/d5ja9d6c1o-337493" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი. </span>25 მარტს, ქალთა ისტორიის თვისადმი მიძღვნილი ღონისძიების ფარგლებში, არასამთავრობო ორგანიზაციის, „პარტნიორობა ადამიანის უფლებებისთვის" ორგანიზებით საჯარო დისკუსია გაიმართა. „შეხვედრაზე PHR-ის აღმასრულებელმა დირექტორმა, ანა არგანაშვილმა ისაუბრა ორგანიზაციის მიერ ჩატარებული კვლევის პირველადი შედეგების შესახებ, რომელშიც ასახულია საქართველოს მიერ სტამბოლის კონვენციის რატიფიცირების შემდეგ ნაკისრი ვალდებულებების შესრულების მდგომარეობა და არსებული გამოწვევები", ნათქვამია ორგანიზაციის გვერდზე სოციალურ ქსელში.</div> <div style="text-align: justify;"><a href="http://www.facebook.com/pg/PHR.HumanRights/photos/?tab=album&album_id=2056865904432181&__tn__=-UC-R" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div> <div><br /> </div>

<div style="text-align: justify;"><span style="font-weight: bold;">თბილისი.</span> 21 მარტს, ჰაინრიჰ ბიოლის ფონდის თბილისის ოფისმა ჩაატარა სამუშაო შეხვედრა გენდერისა და კონფლიქტების ურთიერთმიმართების საკითხზე.</div> <div style="text-align: justify;">„შეხვედრის მონაწილეებმა განიხილეს სხვადასხვა ტიპის სირთულეები, რომელთა წინაშე იძულებით გადაადგილებული ქალები დგანან დღეს საქართველოში. ასევე იმსჯელეს თუ როგორ შეიძლება ხელი შევუწყოთ მათ მონაწილეობას საჯარო სივრცეში და ზოგადად, როგორ შეიძლება გაიზარდოს ქალების როლი მშვიდობის მშენებლობის პროცესში”, ნათქვამია ორგანიზაციის გვერდზე სოციალურ ქსელში.</div> <div style="text-align: justify;"><a href="http://www.facebook.com/pg/hbf.caucasus/photos/?tab=album&album_id=2530469580360833" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div> <div><br /> </div>

<div style="text-align: justify;"><span style="font-weight: bold;">თბილისი.</span> 2019 წლის 22 მარტს საქართველოს სახალხო დამცველმა რეპროდუქციული და სექსუალური ჯანმრთელობის და უფლებების საკითხებზე, გაეროს მოსახლეობის ფონდის (UNFPA) მხარდაჭერით მომზადებული ეროვნული კვლევის შედეგები წარმოადგინა.</div> <div style="text-align: justify;">ღონისძიების გახსნაზე, სახალხო დამცველმა აღნიშნა, რომ სახელმწიფოს მიერ გადადგმული პროგრესული ნაბიჯების მიუხედავად, კვლავ გვხვდება სისტემური პრობლემები სერვისების ხარისხისა და ხელმისაწვდომობის კუთხით, რომელიც თავის მხრივ სერვისების ფინანსურ მისაწვდომობას, სოციალურ ბარიერებს და ინფორმაციის ნაკლებობას უკავშირდება. ეს ყოველივე კი განსაკუთრებული სიმწვავით აისახება ეთნიკური უმცირესობების, შეზღუდული შესაძლებლობების მქონე, სოფლად მცხოვრები ქალებისა და გოგოების უფლებრივ მდგომარეობაზე; არ არსებობს სისტემური ხედვა მშობიარობის შემდგომ სერვისებთან დაკავშირებით; მოზარდებს არ აქვთ კომპლექსური განათლება, არ ფლობენ სრულყოფილ ინფორმაციას მათ სხეულზე და რეპროდუქციულ ჯანმრთელობაზე, რაც საფრთხის შემცველი ქცევების ალბათობას ზრდის.</div> <div style="text-align: justify;">კვლევა ჩატარდა გაეროს ერთობლივი პროგრამის „გენდერული თანასწორობისთვის" ფარგლებში, რომელიც ხორციელდება შვედეთის მთავრობის ფინანსური მხარდაჭერით.</div> <div style="text-align: justify;"><a href="http://ombudsman.ge/geo/akhali-ambebi/reproduktsiuli-da-seksualuri-janmrtelobis-da-uflebebis-sakitkhebze-erovnuli-kvlevis-shedegebi" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> მოფლიო ბანკის ბოლო კვლევის „ქალები, ბიზნესი და კანონი - 2019" მიხედვით, გენდერული უთანასწორობის რეიტინგში 100 შესაძლებელი ქულიდან საქართველომ 79.38 ქულა დააგროვა.</div> <div style="text-align: justify;">„გთხოვთ, დაგვეხმარეთ გავიგოთ რა არის ქალსა და მამაკაცს შორის უთანასწორობის მიზეზი ეკონომიკურ, სოციალურ და პოლიტიკურ სფეროებში თქვენს ქვეყანაში და შეაფასეთ ყველა პოტენციური მიზეზი", ნათქვამია პლატფორმის ვებგვერდზე.</div> <div style="text-align: justify;"><a href="http://womenplatform.net/region/gender-inequality-georgia/?fbclid=IwAR3AEf2GYnUNA4ouK_1yWJazXtqwskQqRXkYHwosyEudVpHztE3d4n0Oz8k" target="_blank" style="font-weight: bold;">სრულად...</a></div> <div style="text-align: justify;">წყარო: womenplatform.net</div> <div><br /> </div>