<div style="text-align: justify;"><span style="font-weight: bold;">აჭარა. </span>6 თებერვალს, ანა ღოღობერიძემ ხელვაჩაურის მუნიციპალიტეტის, სოფელ ქვემო ახალშენის საჯარო სკოლაში ჩაატარა სტუდენტური დისკუსია, სადაც ისაუბრა ქალთა მიმართ ძალადობის შესახებ. „მონაწილეები გაეცნენ ქალთა მიმართ ძალადობის, ფემიციდისა და ფოეტიციდის სახეებს და ისაუბრეს საქართველოში არსებულ რეალურ ფაქტებსა და გამოწვევებზე. როგორც მონაწილეები აღნიშნავდნენ, მთავარი პრობლემა განათლებაა და მათი მოსაზრებით, სწორედ განათლებით უნდა დაიწყოს პრობლემის მოგვარება", ნათქვამია ორგანიზაციის ვებგვერდზე სოციალურ ქსელში.</div> <div style="text-align: justify;"><a href="http://www.facebook.com/pg/media.org.ge/photos/?tab=album&album_id=2121826431196779" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის ვებგვერდი სოციალურ ქსელში</div>

თბილისი. ქალთა მოძრაობა პირადი ცხოვრების ამსახველი ჩანაწერების გავრცელებასთან დაკავშირებით განცხადებას ავრცელებს. „ბოლო წლებში აქტიურად მიმდინარეობს პოლიტიკოსებისა თუ სხვა საჯარო პირების პირადი ცხოვრების ამსახველი კადრების სხვადასხვა საშუალებით გავრცელება. ამ მხრივ, განსაკუთრებული სამიზნე ქალები არიან. პატრიარქალური სისტემა და ქალთმოძულე კულტურა ამგვარად სჯის პოლიტიკურად თუ საზოგადოებრივად აქტიურ ქალებს, ხოლო მათ, ვისაც პოლიტიკაში მოსვლა სურს - აშინებს. პირადი, მათ შორის, სექსუალური ცხოვრებით მანიპულირება, ან მისი გასაჯაროება ქალების პოლიტიკიდან განდევნის, მათი მორალური დისკრედიტაციის და სრული მარგინზალიზაციის ყველაზე სასტიკი მეთოდია", ნათქვამია ორგანიზაციის ვებგვერდზე. სრულად... წყარო: www.ginsc.net

თბილისი. 20-23 იანვარს, ქალთა საინფორმაციო ცენტრის ორგანიზებით გაიმართა ტრენინგი „გენდერული თანასწორობის სამოქმედო გეგმის ხელშეწყობა". „ტრენიგნის მიზანია, გენდერული თანასწორობის საბჭოს წევრების ცნობიერების ამაღლება სამოქმედო გეგმის ეფექტურად შესასრულებლად, გენდერული თანასწორობის, ქალთა უფლებების, ეროვნული და საერთაშორისო ვალდებულებების, გენდერული ბიუჯეტირებისა და სტატისტიკის საკითხებზე", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. 22 იანვარს, სიდას, გაეროს ქალთა ორგანიზაციისა და მაიქროსოფთ საქართველოს ერთობლივი ინიციატივით Microsoft-ის რეგიონული მენეჯერი კორპორატიული მიმართულებით რობერტ ტრნოვეჩი საქართველოს ეწვია. მან ქვეყანაში მოქმედ ბიზნეს კომპანიების წარმომადგენლებთან გამართა შეხვედრა თემაზე „მრავალფეროვნება დასაქმების ადგილას და ქალთა ჩართულობა საინფორმაციო ტექნოლოგიების სფეროში”. „შეხვედრაზე Microsoft-ის რეგიონულმა დირექტორმა ისაუბრა თუ როგორ ეხმარება მაიქროსოფთი კომპანიებს ციფრულ ტრანსფორმაციაში და რა მნიშვნელობა აქვს თანამედროვე საინფორმაციო ტექნოლოგიების სფეროში ქალთა ჩართულობას,” ნათქვამია ორგანიზაციის ვებგვერდზე სოციალურ ქსელში. სრულად... წყარო; ორგანიზაციის ვებგვერდი სოციალურ ქსელში

თბილისი. „ქალთა ფონდმა" გრანტის მიმღებებისთვის და ფონდთან თანამშრომლობით დაინტერესებული ქალებისთვის/გოგონებისთვის ჯგუფი შექმნა. „შემოგვიერთდით სპეციალურად თქვენთვის შექმნილ ჯგუფში: დასვით ყველა შეკითხვა, რაც ჩვენს საგრანტო პროგრამებს უკავშირდება, მოგვიყევით თქვენი წარმატების ისტორიები, პროექტის მიღწევები, შედეგები და იდეები, გაგვიზიარეთ თქვენი საჭიროებები, რაც პროექტების განხორციელებისას წარმოიშვა და ყველა ერთად ვეცდებით მხარი დაგიჭიროთ, გაუზიარეთ ერთმანეთს გამოცდილება, რჩევები, კონტაქტები და ა.შ.", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

გაეროს ქალთა დისკრიმინაციის აღმოფხვრის კომიტეტში (CEDAW) საქართველოდან გაგზავნილი ფემიციდის საქმის განხილვა მიმდინარეობს. საქმე ერთ-ერთია 2014 წელს მომხდარი ფემიციდის შემთხვევებიდან, სადაც ქალი ყოფილმა მეუღლემ ოჯახში ძალადობის შედეგად მოკლა. ქალს ძალადობის გამო მიმართული ჰქონდა სამართალდამცავი ორგანოებისთვის, თუმცა მათ არ მიიღეს სათანადო ზომები ფემიციდის თავიდან ასაცილებლად. ამასთანავე, არ მომხდარა ფემიციდის, როგორც გენდერული დანაშულის, გამოძიება და დასჯა.  სრულად წყარო: gyla.ge

თბილისი. გაეროს ქალთა ორგანიზაცია პარტნიორებს საქართველოში ქალებისა და გოგოების მიმართ ძალადობისა და ოჯახში ძალადობის დაძლევის კუთხით (VAWG/DV) 2010 წლიდან ეხმარება. „ჩვენთვის ქალებისა და გოგოების მიმართ ძალადობისა და ოჯახში ძალადობის მიმართ ნულოვანი ტოლერანტობის დამკვიდრების საფუძველს გაეროს გენერალური მდივნის მიერ 2008 წელს დაწყებული კამპანია „გავერთიანდეთ ქალთა მიმართ ძალადობის წინააღმდეგ" წარმოადგენს. აღნიშნული პუბლიკაცია შეეხება გაეროს ქალთა ორგანიზაციის სპორტსმენებთან თანამშრომლობას, რომელიც 2010 წლიდან ქალებისა და გოგოების წინააღმდეგ ძალადობის მიმართ ნულოვანი ტოლერანტობის დამკვიდრებისთვის არსებობს. იგი მიზნად ისახავს ჩვენი ერთობლივი მოგზაურობის, მიღწევებისა თუ გამოწვევების აღწერას და, ასევე, მიღებული გამოცდილების გაეროს პარტნიორებისთვის, სამოქალაქო საზოგადოებისა და სხვა დაინტერსებული პირებისთვის გაზიარებას", ნათქვამია ორგანიზაციის ვებგვერდზე. სრულად... წყარო: georgia.unwomen.org

იმერეთი. ბაღდათის გენდერული თანასწორობის საბჭოს ორგანიზებით, ორგანიზაციამ „პარტნიორობა ადამიანის უფლებებისათვის” (PHR) საბავშვო ბაღის მასწავლებლებთნ საინფორმაციო შეხვედრა გამართა. შეხვედრაზე ისაუბრეს მასწავლებლის როლის შესახებ ძალადობაგამოვლილი ბავშვის მხარდაჭრის პროცესში, ასევე, ბავშვისა და ქალის მიმართ ძალადობის ფორმებისა და მათი ძალადობისგან დაცვის მექანიზმების, შესაბამისი უწყებებისთვის, ძალადობის შესაძლო მსხვერპლთა თაობაზე შეტყობინების ვალდებულების შესახებ.  სრულად  წყარო: ორგანიზაციის ვებგვერდი

<div style="text-align: justify;"><span style="font-weight: bold;">თბილისი.</span> ქალთა მოძრაობა ეკონომიკის მინისტრის განცხადებას - „არიან დიასახლისები, რომლებიც აცხადებენ, რომ ჩვენ მუშაობა არ გვინდა. მაგრამ აქ არის კიდევ სხვადასხვა კატეგორია ადამიანებისა, რომლებიც აცხადებენ, რომ ჩვენ საერთოდ მუშაობა არ გვინდა" პასუხობს.</div> <div style="text-align: justify;">„ფაქტია, რომ საქართველოში ქალების დიდი ნაწილი ანაზღაურებად შრომაში არ არის ჩაბმული, მაგრამ ამ რეალობის მიზეზი, ცხადია, სიზარმაცე არ გახლავთ; მიზეზები იმაზე მეტად კომპლექსური და მძიმეა, ვიდრე ეს ღატაკი ქვეყნის მინისტრს წარმოუდგენია.</div> <div style="text-align: justify;">უახლესი მონაცემებით, ქალები, რომლებსაც მინისტრის აზრით „მუშაობა არ უნდათ", კაცებთან შედარებით 3-ჯერ მეტ დროს უთმობენ არაანაზღაურებად საოჯახო საქმიანობას იმისდა მიუხედავად, დასაქმებულნი არიან თუ არა - საშუალოდ, ქალები საქართველოში კვირაში 45 საათს ხარჯავენ საოჯახო შრომაზე, რაც სრული განაკვეთით შრომის საათებს აღემატება. დასაქმებული ქალები, საშუალოდ, 42 საათს უთმობენ საოჯახო შრომას - რაც მიუთითებს, რომ ისინი ორმაგ შრომით ტვირთს ატარებენ. იმ ქალების 49%, რომელიც აცხადებს, რომ არ მუშაობს, ამის მიზეზად საოჯახო ვალდებულებებს ასახელებს", ნათქვამია განცხადებაში.</div> <div style="text-align: justify;">ქალთა მოძრაობა მოუწოდებს მინისტრს შეხვედრისკენ მოუწოდებს.</div> <div style="text-align: justify;"><a href="http://www.facebook.com/notes/%E1%83%A5%E1%83%90%E1%83%9A%E1%83%97%E1%83%90-%E1%83%9B%E1%83%9D%E1%83%AB%E1%83%A0%E1%83%90%E1%83%9D%E1%83%91%E1%83%90-georgian-womens-movement/%E1%83%A5%E1%83%90%E1%83%9A%E1%83%97%E1%83%90-%E1%83%9B%E1%83%9D%E1%83%AB%E1%83%A0%E1%83%90%E1%83%9D%E1%83%91%E1%83%98%E1%83%A1-%E1%83%9E%E1%83%90%E1%83%A1%E1%83%A3%E1%83%AE%E1%83%98-%E1%83%A6%E1%83%90%E1%83%A0%E1%83%98%E1%83%91%E1%83%98-%E1%83%A5%E1%83%95%E1%83%94%E1%83%A7%E1%83%9C%E1%83%98%E1%83%A1-%E1%83%94%E1%83%99%E1%83%9D%E1%83%9C%E1%83%9D%E1%83%9B%E1%83%98%E1%83%99%E1%83%98%E1%83%A1-%E1%83%9B%E1%83%98%E1%83%9C%E1%83%98%E1%83%A1%E1%83%A2%E1%83%A0%E1%83%A1/1894895217274910/?qid=6639250023425814234&mf_story_key=-6080079331571476832&__tn__=HH-R" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის ვებგვერდი სოციალურ ქსელში</div> <div><br /> </div>

<div style="text-align: justify;"><span style="font-weight: bold;">თბილისი. </span>20-21 დეკემბერს, ქალთა საინფორმაციო ცენტრის ორგანიზებით გაიმარტა ტრენინგი „გენდერული თანასწორობის სამოქმედო გეგმის ხელშეწყობა".</div> <div style="text-align: justify;">„ტრენინგის მიზანია, გენდერული თანასწორობის საბჭოს წევრების ცნობიერების ამაღლება სამოქმედო გეგმის ეფექტურად შესასრულებლად, გენდერული თანასწორობის, ქალთა უფლებების, ეროვნული და საერთაშორისო ვალდებულებების, გენდერული ბიუჯეტირებისა და სტატისტიკის საკითხებზე", ნათქვამია ორგანიზაციის ვებგვერდზე სოციალურ ქსელში.</div> <div style="text-align: justify;"><a href="http://www.facebook.com/pg/WICgeorgia/photos/?tab=album&album_id=2225553094143881" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის ვებგვერდი სოციალურ ქსელში</div> <div><br /> </div> <div><br /> </div> <div><br /> </div> <div><br /> </div> <div><br /> </div>

შიდა ქართლი. 21 დეკემბერს გორის სამოქალაქო აქტივიზმის ცენტრის მოხალისეები, მზიკო ზერეკიძე და გიორგი ცერაძე, ტირძნისის საჯარო სკოლას, პროექტ: „ახალგაზრდები გენდერული თანასწორობისათვის" ფარგლებში სტუმრობდნენ. „ახალგაზრდებმა სკოლის უფროს კლასელებს, მასწავლებლებს და მშობლებს საინტერესო, ნაყოფიერი და ინფორმაციული ტრენინგი შესთავაზეს", ნათქვამი ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდზე სოციალურ ქსელში

თბილისი. „ქალთა მზერა" აქვეყნებს ვიდეორგოლს ონლაინ ბულინგის თემატიკაზე. კიბერ ბულინგის მახასიათებლებია: გარიყვა-შევიწროება, დატროლვა, ყალბი პროფილის შექმნა, კომენტარებით კოლექტიური თავდასხმა. ონალინ ბულინგი იწვევს ფსიქოლოგიურ ტანჯვას და რეალობაში გადასვლის მაღალ რისკს შეიცავს. სრულად... წყარო: ორგანიზაციის ვებგვვრდი სოციალურ ქსელში

თბილისი. თბილისის საქალაქო სასამართლომ წარმოებაში მიიღო ივ. ჯავახიშვილის სახელობის თბილისის სახელმწიფო უნივერსიტეტის მაგისტრის ანა თავხელიძის სარჩელი, სადაც სტუდენტი თავისი სამაგისტრო ნაშრომის შეფასების გაუქმებასა და დამოუკიდებელი კომისიის წინაშე სამაგისტრო ნაშრომის ხელახლა დაცვას მოითხოვს. „მოსარჩელე ამტკიცებს, რომ საგამოცდო კომისიამ მის მიმართ გენდერულად მტრული გარემო შექმნა, სტერეოტიპული და სექსისტური შეფასებების გამო კი დაირღვა მისი განათლების უფლება. სამაგისტრო ნაშრომის დაცვის განმავლობაში ხდებოდა მაგისტრანტის განსხვავებული მოსაზრებების უარყოფა გენდერული სტერეოტიპების საფუძველზე. ნაშრომის დაცვა მიმდინარეობდა არაჯანსაღ, გენდერულად უთანასწორო გარემოში, რის გამოც მას არ მიეცა პრეზენტაციის სრულყოფილად გაკეთების შესაძლებლობა. კომისიის წევრი სტუდენტის მიმართ იყენებდა დისკრიმინაციულ ფრაზებს: "სამართლებრივ სიბეცე”, "ევროპიდან წამოღებული სისულელე” და სხვა", ნათქვამია ორგანიზაციის ვებგვერდზე. მაგისტრის ინტერესებს სასამართლოში PHR-ის იურისტები დაიცავენ. სრულად... წყარო: phrgeorgia.wordpress.com

თბილისი. ჰაინრიხ ბიოლის ფონდი პროექტის „იკითხე პოლიტიკა" ფარგლებში, აქვეყნებს ბლოგპოსტს: „რა უნდა გვახსოვდეს, როცა ვამბობთ ან გვესმის „სხვაპირველი ქალი პრეზიდენტი”. „სალომე ზურაბიშვილი არა მხოლოდ ჯდება პატრიარქალური კულტურის მიერ შემუშავებული მისაღები ქალის ყალიბში, თვითონაც ავრცელებს სტერეოტიპულ და რიგ შემთხვევაში შინაარსისგან დაცლილ შეხედულებებს. 2018 წლის საპრეზიდენტო არჩევნებმა აჩვენა, რომ ყველაფერი პირობითია: პრეზიდენტის დასუსტებული ინსტიტუტიც, დამოუკიდებელი კანდიდატიც და პირველი ქალი პრეზიდენტიც, ევროპული გამოცდილებით. მეტიც, პირობითი აღმოჩნდა არჩევანის თავისუფლება და დაპირებები ნათელ მომავალზე. არჩევნებზე მისული ამომრჩევლის უმეტესობისთვის, ხმის მიცემის მოტივი არა ვინმეს ან რამის სასიკეთოდ, არამედ ვინმეს ან რამის წინააღმდეგ ხმის მიცემა იყო და ეს მოტივი ნაკარნახები იყო არა უკეთესი მომავლის იმედით, არამედ უარესი პერსპექტივის შიშით", ნათქვამია პოლიტიკის დოკუმენტში. სრულად... წყარო: www.feminism-boell.org

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს კვლევას: ოჯახში ძალადობა სექსუალური ორიენტაციისა და გენდერული იდენტობის საფუძველზე - საკანონმდებლო ხარვეზები და პოლიტიკის გამოწვევები. „მიუხედავად პოზიტიური ნაბიჯებისა, სიძულვილით მოტივირებულ იმ დანაშაულებზე, რომლებიც ოჯახის წევრების მხრიდან ხორციელდება სახელმწიფოს რეაგირება ვერ აკმაყოფილებს ეფექტიანობის, დროულობის, ჯეროვნებისა და მიუკერძოებლობის სტანდარტებს. სახელმწიფოს საკმარისად არ აქვს გააზრებული ოჯახში სიძულვილის მოტივით ჩადენილი დანაშაულების ის უარყოფითი სოციალური ეფექტი, რომელიც შესაძლოა, არსებით საფრთხეს უქმნიდეს პირის ფიზიკურ/მენტალურ ჯანმრთელობას, პირის განვითარებას და უარყოფითად აისახებოდეს მის სოციოეკონომიკურ მდგომარეობაზე," ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. სამოქალაქო განვითარების სააგენტომ (CIDA) პროექტის „ერთობლივი ძალისხმევა ქალთა ეკონომიკური გაძლიერებისთვის საქართველოში" ფარგლებში, გამოაქვეყნა ბროშურა: ქალთა გაძლიერების პრინციპები - რამდენიმე მაგალითი საქართველოდან. „ბროშურა ქალთა გაძლიერებისკენ მიმართულ იმ წარმატებულ ინიციატივებს ასახავს, რომლებსაც საქართველოში ბიზნეს კომპანიები ქალთა გაძლიერების პრინციპების (შემდგომში WEPs) დასანეგრად ახორციელებენ," ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. გენდერული ძალადობის წინააღმდეგ კამპანიის ფარგლებში, დემოკრატიული ჩართულობის ქსელები აქვეყნებს ჩანაწერს სონიტა ალიზადეს შესახებ. „ნება მომეცით ვიჩურჩულო, რათა არავინ გაიგოს, რომ მე ვსაუბრობ გოგონებით ვაჭრობაზე. ჩემი ხმა არ უნდა ისმოდეს, რადგან ეს ეწინააღმდეგება შარიათს, ქალები უნდა დუმდნენ... ეს არის ჩვენი ტრადიცია." სონიტა ალიზადე საკუთარ სიმღერაში „იყიდებიან ქალიშვილები" რეპავს შთამბეჭდავ ტექსტს. სიმღერის ვიდეორგოლში ახალგაზრდა სონიტა კამერის წინაშე თვალცრემლიანი ვედრებით გამოხატავს თავის სათქმელს. ის საქორწინო კაბაშია გამოწყობილი, შუბლზე კი ბარკოდი აქვს გამოსახული." სრულად... წყარო: ორგანიზაციის ვებგვერდი სოციალურ ქსელში

თბილისი. ომბუდსმენი ავრცელებს ვიდეო რგოლს გენდერულ სტერეოტიპებზე და მოუწოდებს ყველას, არ გამოიყენონ დისკრიმინაციული სტერეოტიპები პროდუქტის რეკლამირებისთვის. „პროდუქტები და ნივთები არ იყოფა სქესის მიხედვით. საყოფაცხოვრებო ნივთებს კაცებიც იყენებენ. თუ უცნაურად გეჩვენება ეს გენდერული სტერეოტიპია," ნათქვამია ვიდეოში. სრულად... წყარო: ომბუდსმენის ვებგვერდი სოციალურ ქსელში

თბილისი. თბილისის სააპელაციო სასამართლოს პალატამ შემდეგი შემადგენლობით, მოსამართლე დიანა ბერეკაშვილი, მოსამართლე ქეთევან დუგლაძე, მოსამართლე ბესარიონ ტაბაღუა, სექსუალურ შევიწროებაზე პირველი გადაწყვეტილება გამოიტანა. „სააპელაციო სასამართლომ ძალაში დატოვა საქალაქო სასამართლოს გადაწყვეტილება შალვა რამიშვილის მხრიდან სექსუალური შევიწროების განხორციელების შესახებ; რითაც, სასამართლომ კიდევ ერთხელ დაადასტურა, რომ შალვა რამიშვილმა, სამსახურებრივი მდგომარეობის გამოყენებით, სამუშაო ადგილზე, სექსუალურად შეავიწროვა თათია სამხარაძე. განხორციელებული ქმედებისთვის სასამართლომ შალვა რამიშვილს სექსუალური შევიწროების მსხვერპლისთვის მორალური ზიანის ანაზღაურება დააკისრა," ნათქვამია ორგანიზაციის ვებგვერდზე. თათია სამხარაძის ინტერესებს სასამართლოში ორგანიზაციის „პარტნიორობა ადამიანის უფლებებისთვის" (PHR) იურისტები იცავდნენ. სრულად... წყარო: ორგანიზაციის ვებგვერდი სოციალურ ქსელში

თბილისი. „საქართველოს დემოკრატიული ინიციატივამ" (GDI) ანგარიშის - „სამართალწარმოება თანასწორობისთვის" - პრეზენტაცია გამართა. დოკუმენტი აღმოსავლეთ-დასავლეთის მართვის ინსტიტუტის (EWMI) პროგრამის - ,,კანონის უზენაესობის მხარდაჭერა საქართველოში" (PROLoG) მიერ დაფინანსებული პროექტის - „სამართალწარმოება თანასწორობისთვის" ფარგლებში მომზადდა. ანგარიშში მიმოხილულია პროექტის ფარგლებში განხორციელებული აქტივობები. გაანალიზებულია საქართველოს ექვს მუნიციპალიტეტში (ნინოწმინდა, ახალციხე, ახალქალაქი, ხულო, შუახევი და ადიგენი) მცხოვრები ეთნიკური და რელიგიური უმცირესობების წარმომადგენელ ქალთა უფლებრივი და სამართლებრივი მდგომარეობა. წარმოდგენილია ქალთა მიმართ და ოჯახში ძალადობის შესახებ GDI-ს მიერ წარმოებული სტრატეგიული საქმეები, ასევე, ეთნიკურ და რელიგიურ უმცირესობებში ამ მიმართულებით არსებული გამოწვევები. სრულად  წყარო: ორგანიზაციის ვებგვერდი

თბილისი. 10 დეკემბერს, გაეროს ქალთა ორგანიზაციამ, სიდამ და გლობალური შეთანხმების საქართველოს ქსელმა ქალთა გაძლიერების პრინციპების თემაზე ღონისძიებას უმასპინძლეს. ღონისძიებას, რომელსაც ბიზნეს კომპანიების 100-ზე მეტი წარმომადგენელი დაესწრო, იმსჯელეს გენდერული თანასწორობის საკითხში ბიზნესის როლზე და საქართველოში ქალთა ეკონომიკური გაძლიერების საქმეში კერძო სექტორის ჩართულობის მნიშვნელობაზე. შეხვედრაზე კომპანიების აღმასრულებელმა დირექტორებმა ისაუბრეს ქალთა გაძლიერების მიმართულებით განხორციელებულ საქმიანობებზე, მიღწევებზე და არსებულ გამოწვევებზე. სრულად... წყარო: ორგანიზაციის ვებგვერდი სოციალურ ქსელში

თბილისი. ა/ო „საქართველოს დემოკრატიული ინიციატივა"-ს (GDI) იურისტები USAID/PROLoG-ის მიერ დაფინანსებული პროექტის „სამართალწარმოება თანასწორობისთვის" ფარგლებში დისკრიმინაციისა და ძალადობის მსხვერპლ ქალებს იურიდიულ დახმარებას უწევენ და უზრუნველყოფენ მართლმსაჯულებაზე ხელმისაწვდომობას. სრულად... წყარო: ორგანიზაციის ვებგვერდი სოციალურ ქსელში