სამცხე–ჯავახეთი. 16 თებერვალს, ახალციხის გენდერის მედიაცენტრში სამცხე–ჯავახეთის სახელმწიფო უნივერსიტეტის სტუდენტებმა გენდერული თანასწორობის საკითხებზე იმსჯელეს. ქალები საზოგადოებრივ ასპარეზზე, მამაკაცების დამოკიდებულება აქტიური ქალებისადმი, ოჯახური ძალადობა და გენდერული სტერეოტიპები, ნაადრევი ქორწინება, ქალების განათლება – ახალგაზრდებმა ამ საკითხებზე კონკრეტულ ფაქტებზე დაყრდნობით ისაუბრეს. დისკუსიაზე ახალგაზრდებმა განაცხადეს, რომ გენდერული თანასწორობის უკეთ გასაგებად, აუცილებელია ხშირი დისკუსიები, კონკრეტული მაგალითების განხილვა და ფართომასშტაბიანი სამოქალაქო განათლება. შეხვედრა ახალციხის გენდერის მედიაცენტრის ორგანიზებით შედგა. ახალციხის გენდერის მედიაცენტრში აცხადებენ, რომ მსგავსი დისკუსიები ხშირად გაიმართება. გენდერის მედიაცენტრი გაიხსნილია პროექტის „ჟურნალისტები გენდერული თანასწორობისათვის" ფარგლებში, რომელსაც ახორციელებს „ჟურნალისტთა ქსელი გენდერული თანასწორობისათვის" აშშ საერთაშორისო განვითარების სააგენტოს (USAID) და საარჩევნო სისტემათა საერთაშორისო ფონდის (IFES) მხარდაჭერით. მსგავსი ცენტრი საქართველოს 8 ქალაქში, მედია ორგანიზაციების ოფისებში ფუნქციონირებს.

თბილისი. ქალთა ორგანიზაციები უზენაესი სასამართლოს თავმჯდომარეობის ქალ კანდიდატთა მხარდასაჭერად პეტიციას ავრცელებენ და პრეზიდენტ გიორგი მარგველაშვილს მიმართავენ. „...საერთაშორისო ვალდებულებით, სახელმწიფომ უნდა უზრუნველყოს გენდერული თანასწორობა ხელისუფლების სამივე შტოში. ამჯერად, მინისტრთა კაბინეტის მხოლოდ 3 წევრია ქალი, პარლამენტში კი ქალები დეპუტატთა საერთო რაოდენობის 11%-ს შეადგენენ. გამომდინარე იქიდან, რომ ისტორიის მანძილზე უზენაესი სასამართლოს თავმჯდომარე არასოდეს ყოფილა ქალი, გვინდა კიდევ ერთხელ გამოვხატოთ ჩვენი მხარდაჭერა ქალი კანდიდატებისადმი. ვიმედოვნებთ, რომ პრეზიდენტის ხელშეწყობით, სასამართლო სისტემაში გენდერული თანასწორობის მიმართულებით, მნიშვნელოვანი ნაბიჯები გადაიდგმება და საქართველოში უზენაესი სასამართლოს თავმჯდომარედ ქალის დამტკიცების პრეცედენტი შეიქმნება", ნათქვამია პეტიციაში. სრულად... წყარო: ginsc.net

14 თებერვალს ქუთაისსა და ზუგდიდში აქცია - კამპანია გაიმართა სახელწოდებით „ერთი მილიარდი ამბოხებული რევოლუციისთვის". აქციაზე ქალებს სოლიდარობა გამოუცხადეს და მათ მიმართ ძალადობა კიდევ ერთხელ დაგმეს. აქციის ორგანიზატორები საქართველოს ახალგაზრდა იურისტთა ასოციაციის ქუთაისის ფილიალი და მშვიდობის კორპუსი - საქართველოს მოხალისეები იყვნენ. წყარო: „ორტუსი", „თაობათა დიალოგი"

აჭარა. ქალაქ ბათუმის მუნიციპალიტეტის საკრებულოსა და გენდერული თანასწორობის ქსელს შორის ურთიერთთანამშრომლობის მემორანდუმი გაფორმდა. დოკუმენტი ხემომწერი მხარეების თანამშრომლობის იმ ძირითად პრონციპებსა და მიმართულებებს განსაზღვრავს, რაც გენდერული თანასწორობის დამკვიდრებასა და ქალთა პოლიტიკურ გაძლიერებასთან არის დაკავშირებული. წყარო: ორგანიზაციის გვერდი სოციალურ ქსელში

იმერეთი. 14 თებერვალს, ქუთაისის ცენტრალურ სკვერში საიას ქუთაისის ფილიალისა და მშვიდობის კორპუსის - საქართველოს მოხალისეების ანა იანგის და ბეტსი ჯენსონის პარტნიორობით ჩატარდება მსოფლიოს მასშტაბის კამპანია: „ერთი მილიარდი ამბოხებული რევოლუციისათვის" (One Bilion Rising Revolution). ღონისძიების იდეა ივ ენსლერს ეკუთვნის და მისი მიზანი მსოფლიოსთვის ქალთა სოლიდარობისა და საკუთარი უფლებების დაცვისათვის უამრავი ქალის ერთობლივი ძალისხმევის ჩვენებაა. კამპანიის ფარგლებში გაიმართება შემდეგი აქტივობები: 14:00-14:30 - ცოცხალი მუსიკა Live Band; 15:00-15:15 - ფლეშ-მობი (ღონისძიების ტრადიციული ცეკვა); 15:15-16:00 - ღონისძიების დახურვა 14:00-16:00 - იმ არასამთავრობო ორგანიზაციების გამოფენა, რომლებიც მუშაობენ ადამიანის უფლებების დაცვაზე. სრულად წყარო: ორგანიზაციის გვერდი სოციალურ ქსელში

თბილისი. ქალთა ფონდი საქართველოში ფემინისტების დამოუკიდებელ ჯგუფთან ერთად იწყებს რადიო გადაცემას „ფემინ-სტრიმი", რომელიც რადიო თავისუფლების ეთერში გავა ყოველ ოთხშაბათს, 13:00 საათზე, 6 თვის განმავლობაში. პროექტი ხორციელდება რადიო თავისუფლებასთან პარტნიორობით და ჰაინრიჰ ბიოლის ფონდის სამხრეთ კავკასიის რეგიონული ბიუროს ფინანსური მხარდაჭერით. პროექტის მიზანია ქალთა საკითხებზე პროგრესული საზოგადოებივი აზრის ჩამოყალიბების ხელშეწყობა, ქართულ რადიო სივრცეში ახალი სადისკუსიო ნიშის შექმნა, რომელიც მთლიანად მოემსახურება ქალთა უფლებების შესახებ ცნობიერების ამაღლებას, გენდერულ თანასწორობის შესახებ ცოდნისა და მგრძნობელობის გაზრდას, ქალთა ინსპირაციასა და სოლიდარობას. სრულად... წყარო: ქალთა ფონდის ვებგვერდი სოციალურ ქსელში

სამცხე–ჯავახეთი. 9 თებერვალს, ახალციხის გენდერის მედიაცენტრში გამართულ შეხვედრაზე ადგილობრივი მედიასაშუალებების ჟურნალისტებმა გენდერის საკითხების გასაშუქებლად ერთობლივი აქტივობები დაგეგმეს. რა არის გენდერი, რა საკითხები შეიძლება აინტერესებდეს აუდიტორიას გენდერის სფეროში, რა შეთავაზებები აქვთ პოლიტიკურ პარტიებს ქალი ამომრჩევლებისადმი, როგორ არიან წარმოდგენილი ქალები სამცხე–ჯავახეთის სამხარეო ადმინისტრაციასა და მუნიციპალიტეტის გამგეობებში, – ამ საკითხებზე იმსჯელეს მედიაორგანიზაციების წარმომადგენლებმა. გენდერის მედიაცენტრი გაზეთ „სამხრეთის კარიბჭეს" ოფისში რამდენიმე თვეა ფუნქციონირებს. არსებობს ცხელი ხაზი, ნომრით: 557 000 934, სადაც დარეკვა ნებისმიერ მოქალაქეს შეუძლია. გენდერის მედიაცენტრი გაიხსნილია პროექტის „ჟურნალისტები გენდერული თანასწორობისათვის" ფარგლებში, რომელსაც ახორციელებს „ჟურნალისტთა ქსელი გენდერული თანასწორობისათვის" აშშ საერთაშორისო განვითარების სააგენტოს (USAID) და საარჩევნო სისტემათა საერთაშორისო ფონდის (IFES) მხარდაჭერით. მსგავსი ცენტრი საქართველოს 8 ქალაქში, მედიაორგნიზაციების ოფისებში ფუნქციონირებს.

კახეთი. თელავში, ლოპოტაზე, გენდერული თანასწორობის საკითხში მრჩევლებისთვის სამდღიანი სასწავლო სემინარი პროექტის - „გენდერული ინსტიტუციური მექანიზმის გაძლიერება ადგილობრივი თვითმმართველობის დონეზე" ფარგლებში დასრულდა. დამსწრეებმა მიიღეს ინფორმაცია და განიხილეს ისეთი მნიშვნელოვანი საკითხები როგორიცაა - გენდერული თანასწორობის, გენდერული ინდექსის, ადგილობრივი ბიუჯეტის სტრუქტურის, გენდერული ბიუჯეტირების არსისა და მიზნების და ამ მიმართულებით ადგილობრივი და საერთაშორისო გამოცდილების შესახებ. სემინარზე ასევე ისაუბრეს მუნიციპალიტეტების გენდერული თანასწორობის საბჭოს უფლებამოსილებასა და ძირითად ამოცანებზე. ასევე, გენდერული თანასწორობის საკითხში მრჩევლის სტატუსსა და უფლებამოსილებაზე, გენდერული ანალიზის ჩატარების მეთოდებსა და სამუშაო გეგმის შედგენაზე. შეხვედრაზე დრო დაეთმო კანონპროექტს -„გენდერული თანასწორობის კანონში ცვლილებების შეტანის შესახებ" განხილვასაც. სემინარი ჩატარდა ,,ქალთა საინფორმაციო ცენტრისა" და ბრიტანული საქველმოქმედო ორგანიზაციის ოქსფამის ერთბლივი პროექტის „გენდერული სამართლიანობის ხელშეწყობა ქალთა პოლიტიკური თანამონაწილეობის ხელშეწყობის გზით" ფარგლებში.

თბილისი. ჰაინრიჰ ბიოლის ფონდის ვებგვერდზე განთავსდა ბაია პატარაიას სტატია: „ქალები პოლიტიკაში: კვოტებით თუ მის გარეშე?". „კვოტები ყოველთვის ცხარე დისკუსიის თემაა. მიუხედავად იმისა, რომ საქართველოში უმრავლესობა ვთანხმდებით ქალების პოლიტიკაში ჩართულობის აუცილებლობაზე, კვოტების მიზანშეწონილობაზე აზრი იყოფა", ნათქვამია პუბლიკაციაში. საკითხის ირგვლივ არგუმენტები და კონტრარგუმენტები იხილეთ სტატიაში. სრულად... წყარო: ge.boell.org

შიდა ქართლი. 5 თებერვალს, გენდერული თანასწორობის ქსელმა ქარელში გამართა საჯარო დისკუსია - „ქალების გაძლიერება პოლიტიკურ პროცესებში მონაწილეობის მისაღებად". საჯარო დისკუსიას ესწრებოდნენ: ადგილობრივი თვითმართველობის, პოლიტიკური პარტიების, აქტიური ლიდერი ქალები და სამოქალაქო საზოგადოების წარმომადგენლები. გენდერული თანასწორობის ქსელმა ქარელში დააფუძნა კლუბი „დემოკრატიისა და თანასწორობისათვის", რომლის საქმიანობა მიმართული იქნება რეგიონში ქალთა პოლიტიკურ გაძლიერებაზე. გენდერული თანასწორობის ქსელი ახორციელებს საქმიანობას პროექტის - „ქალების მონაწილეობა პოლიტიკური პროცესებში" - ფარგლებში, რომელიც მხარდაჭერილია „საარჩევნო სისტემების განვითარების,რეფორმებისა და სწავლების ცენტრის მიერ". წყარო: ორგანიზაციის გვერდი სოციალურ ქსელში

თბილისი. ჰაინრიჰ ბიოლის ფონდი ბაია პატარაიას ბლოგპოსტს - „ქალები პოლიტიკაში: კვოტებით თუ მის გარეშე?" - აქვეყნებს. „კვოტები ყოველთვის ცხარე დისკუსიის თემაა. მიუხედავად იმისა, რომ საქართველოში უმრავლესობა ვთანხმდებით ქალების პოლიტიკაში ჩართულობის აუცილებლობაზე, კვოტების მიზანშეწონილობაზე აზრი იყოფა. განვიხილოთ არგუმენტები და კონტრარგუმენტები...", ნათქვამია ფონდის გვედზე. სრულად... წყარო: ge.boell.org

შიდა ქართლი. საზოგადოება „ბილიკის" ოფისში პროგრამის - „მომავლის თაობა" ფარგლებში ჩატარდა ტრენინგი თემაზე „მამაკაცური საუბრები". შეხვედრას ესწრებოდა შიდა ქართლის რეგიონის 5 საჯარო სკოლის 15 მოსწავლე. ტრენინგის მიზანი იყო ვაჟებისათვის ცოდნის გადაცემა გენდერის, ქალის და მამაკაცის გედერული როლების, გენდერული ძალადობის, კომუნიკაციის, სექსუალური და რეპროდუქციული ჯანმრთელობისა შესახებ. შეხვედრა გარკვეულწილად ოჯახში ძალადობის წინააღმდეგ ახალგაზრდა მამაკაცებისათვის ცნობიერების ამაღლებასაც ემსახურებოდა. მონაწილე ვაჟებმა ტრენინგი დადებითად შეაფასეს, რადგან „გენდერული თანასწორობის მიღწევა მხოლოდ ქალთა გაძლიერებით შეუძლებელია და მამაკაცების როლი ძალზედ მნიშვნელოვანია". ისინი აღნიშნავდნენ, რომ მათ არ აქვთ მსგავს საკითხებზე ინფორმაცია, არ იღებენ ცოდნას სკოლაში. „ტრენინგი დაეხმარება ვაჟებს გააცნობიერონ გენდერული თანასწორობის დამკვიდრების მნიშვნელობა; მამაკაცების განსაკუთრებული როლი არსებული სტერეოტიპების რღვევის პროცესში, თუ რა მნიშვნელობა აქვს მათ როლს ჰარმონიული საზოგადოების შექმნისთვის და მდგრადი განვითარებისთვის" -აღნიშნა ტრენერმა ხვიჩა პოსოშვილმა.

გურია. გენდერულმა საკონსულტაციო საბჭომ, ფონდ ,,სოხუმმა" და ოზურგეთის მუნიციპალიტეტის გამგეობამ გენდერის არსსა და პოლიტიკაზე იმსჯელეს. შეხვედრა გაიმართა ერთობლივი პროექტის - „ახალგაზრდები გენდერული პოლიტიკის ხელშეწყობისთვის” - ფარგლებში. პროექტში ჩართულნი არიან სხვადასხვა სკოლის მოსწავლეები, მათ შორის მე–2 საჯარო სკოლის სამოქალაქო განათლების კლუბი ,, თემი და..."–ს წევრები. შეხვედრაზე დაისახა კონკრეტული მიზნები, მომავალი პროექტები და არჩეულ იქნა ახალგაზრდული ალტერნატიული საკრებულო და ახალგაზრდული გენდერული საკონსულტაციო საბჭო, რომლის წევრებიც ,,თემი და..."–ს წევრები არიან.

ქვემო ქართლი. ჟურნალისტთა ქსელის გენდერული თანასწორობისთვის ორგანიზებით, 28 იანვარს, რუსთავის გენდერის მედია ცენტრში, გაიმართა „გენდერული საუბრები" პოლიტიკური პარტიების, არასამთავრობო ორგანიზაციების, ლიდერი ქალებისა და სტუდენტების მონაწილეობით. შეხვედრის მიზანი იყო არჩევნებში ჩართული მხარეების გენდერის საკითხებზე კომუნიკაციის გაძლიერება და ინფორმირება ქალთა პოლიტიკაში მონაწილეობის მნიშვნელობის შესახებ. შეხვედრა ასევე მიზნად ისახავდა გენდერული თანასწორობის საკითხის აქტუალიზაციას. შეხვედრა გაიმართა პროექტის „ერთად გენდერული თანასწორობისათვის" ფარგლებში, რომელსაც ახორციელებს „ჟურნალისტთა ქსელი გენდერული თანასწორობისათვის" „საარჩევნო სისტემების განვითარების, რეფორმებისა და სწავლების ცენტრის" მხარდაჭერით. სრულად... წყარო: ორგანიზაციის ვებგვერდი სოციალურ ქსელში

თბილისი. 27 იანვარს, საქართველოს ახალგაზრდა იურისტთა ასოციაციამ და პარტნიორობა ადამიანის უფლებებისათვის ერთობლივი პროექტის - „ქალთა გაძლიერება შრომითი დისკრიმინაციის წინააღმდეგ და გენდერული ძალადობის დასამარცხებლად" საბოლოო ანგარიში წარადგინა. პროექტის ფარგლებში მომზადდა 4 სხვადასხვა კვლევა და ჩატარდა საქართველოს შრომის, ჯანმრთელობისა და სოციალური დაცვის სამინისტროს შრომისა და დასაქმების პოლიტიკის დეპარტამენტის სტრუქტურული ერთეულის გენდერული აუდიტი. კვლევების შედეგად გამოვლინდა, რომ კვლავ იკვეთება შრომით ურთიერთობებში გენდერის კუთხით უთანასწორო მოპყრობის საფრთხეები. სრულად... წყარო: gyla.ge

აჭარა. 24 იანვარს, ბათუმის დემოკრატიული ჩართულობის ცენტრში შეხვედრა გაიმართა. აჭარაში მცხოვრები ქალების გააქტიურების მიზნით ბათუმის გენდერული თანასწორობის ქსელის ინიციატივით, ქალთა კლუბი შეიქმნა. კლუბი ქალთა საჭიროებებზე და პრობლემების მოგვარებაზე იმუშავებს. როგორც გენდერული თანასწორობის ქსელის კოორდინატორი მაია შარვაშიძე ამბობს, მუშაობის შედეგად გამოიკვეთა, რომ ქალთა წარმომადგენლობა საკანონმდებლო და აღმასრულებელ დონეზე დაბალია. კლუბი რეგიონის მასშტაბით ყველა მუნიციპალიტეტში შეიქმნება და ლიდერ და წარმატებულ ქალებს არჩევნებში მონაწილეობისთვის მოამზადებს.

შიდა ქართლი. 22 იანვარს „კეთილდღეობისა და განვითარების ცენტრთან" არსებულმა გორის ახალგაზრდული ცენტრმა გორის რაიონის სოფელ ახალდაბის სკოლაში ჩაატარა თანატოლგანმანათლებელთა ტრენინგი თემაზე - „გენდერული თანასწორობა და საზოგადოება". ტრენინგის მიზანი იყო საზოგადოებაში და ახალგაზრდა თაობაში მაქსიმალური ყურადღების მიპყრობა გენდერულ თანასწორობაზე, ტრენინგის მონაწილეებმა თემისადმი დიდი ინტერესი გამოიჩინეს და იგი ჩატარდა მოსწავლეთა მაქსიმალური ჩართულობით. ასევე, პროექტს შემოუერთდა რამდენიმე ახალი მოხალისე მოზარდი, რომლებიც მიიღებენ მონაწილეობას პროექტის ფარგლებში დაგეგმილ აქტივობებში. აქტივობა გაიმართა „ეროვნული ინტეგრაციის გაძლიერება საქრთველოში" პროექტის ფარგლებში, რომელიც ხორციელდება საქართველოს გაეროს ასოციაციის მიერ, აშშ-ს საერთაშორისო განვითარების სააგენტოს (USAID) მხარდაჭერით. გორში პროექტის პარტნიორი ორგანიზაციაა „კეთილდღეობისა და განვითარების ცენტრი".

თბილისი. 21 იანვარს გენდერული თანასწორობის ქსელის წარმომადგენლები საქართველოს პარლამენტის წევრს ქართული ოცნების ფრაქციის თავჯდომარე გიორგი ვოლსკის შეხვდნენ. შეხვედრაზე გენდერული თანასწორობის ქსელმა გააცნო თავისი საქმიანობა თბილისსა და საქართველოს ათივე რეგიონში. შეხვედრაზე ისაუბრეს ქალთა პოლიტიკური მონაწილეობის საკითხებზე, გადაწყვეტილების მიღების დონეზე და დაგეგმეს სამომავლო, ორმხრივი თანამშრომლობის გეგმები. წყარო: ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრმა მოამზადა დოკუმენტური ფილმი „ობიექტი #8". ფილმი ასახავს თბილისში მდებარე ერთ–ერთ სახელმწიფო ობიექტში მცხოვრებ სოციალურად დაუცველი, უსახლკარო ქალების უფლებრივ მდგომარეობას. ფილმი: „ობიექტი #8" წყარო: ორგანიზაციის ვებგვერდი სოციალურ ქსელში

თბილისი. სახალხო დამცველი მიესალმება და უერთდება პრეზიდენტის ინიციატივას, რომელიც 2015 წლის ქალთა წლად გამოცხადებას ითვალისწინებს. „უკანასკნელ პერიოდში განვითარებულმა მოვლენებმა, რაც ქალთა მკვლელობების 20–ზე მეტ შემთხვევას უკავშირდება, კიდევ ერთხელ დაგვანახა ქალთა უფლებების დაცვის კუთხით სახელმწიფოს მხრიდან გასატარებელი ზომების აუცილებლობა. ქალთა უფლებრივი მდგომარეობის გაუმჯობესებისაკენ გადადგმული არაერთი ნაბიჯის მიუხედავად, გენდერული თანასწორობის მიღწევა კვლავ მნიშვნელოვან გამოწვევად რჩება. ეს ინიციატივა კიდევ უფრო გააძლიერებს საზოგადოების ინტერესს და წინ წამოწევს საკითხის მნიშვნელობას; კიდევ ერთხელ შეგვახსენებს, თუ რამდენად მნიშვნელოვანია ქალთა როლი თანასწორობის პრინციპების დამკვიდრებაში და რა წვლილი შეაქვთ მათ ქვეყნის დემოკრატიული განვითარების გზაზე", ნათქვამია სახალხო დამცველის განცხადებაში. სრულად... წყარო: ombudsman.ge

თბილისი. „ათასწლეულის გამოწვევის ფონდი - საქართველომ" განახორციელა პროექტი -„ქალები ტექნოლოგიებში - ფოტოები საქართველოს არქივებიდან". ფონდმა საქართველოს არქივებში ის ფოტომასალა მოიძია, რომელიც ასახავს ქალებს ტექნოლოგიებში. შედეგად მომზადდა და გამოიცა 2015 წლის კალენდარი, რომელიც ეძღვნება ქალების საქმიანობას მრეწველობასა და ტექნოლოგიებში. ფოტოები ასახავს ჩვენი წინაპრების, წარმატებული ქალების მიერ ქვეყნის განვითარებაში შეტანილ წვლილს. კალენდარი წყარო: ფონდის გვერდი სოციალურ ქსელში

შიდა ქართლი. ოჯახურ ძალადობასა და ქალთა უფლებების თემაზე ისაუბრეს კასპის მუნიციპალიტეტის სოფელ სამთავისის საჯარო სკოლაში გამართულ შეხვედრაზე. დისკუსია ,,მეგობრობის ხიდი ქართლოსის" კასპის ახალგაზრდული თვითმმართველობის ჯგუფის ინიციატივით მოეწყო და ორგანიზაციის ბრიტანელი მოხალისე EVS-იდან ნიკოლას ბარკერი უძღვებოდა. შეხვედრას სკოლის მოსწავლეები და მასწავლებლები ესწრებოდნენ. ბარკერმა შეხვედრის მონაწილეებს მიაწოდა ინფორმაცია ქალთა მიმართ ძალადობის მთავარი პრობლემების შესახებ და იმსჯელა სიტუაციის გამოსწორების გზების შესახებ. შეხვედრისას ასევე განხილული იყო ოჯახური ძალადობის ყველაზე ხშირად განმეორებადი ფაქტები და ბრიტანეთში ქალთა უფლებების და გენდერული თანასწორობის მხრივ არსებული მდგომარეობა. ბარკერმა ყურადღება გაამახვილა ისეთ საკითხებზე, როგორიცაა ქალთა პოლიტიკაში ჩართულობა, ქალთა როლი საზოგადოებრივ ცხოვრებაში და ა. შ. პრეზენტაციის შემდეგ გაიმართა დისკუსია სხვა ქვეყნებსა და საქართველოში ქალთა უფლებებისა და ოჯახური ძალადობის მხრივ არსებულ მდგომარეობაზე, მსგავსებებზე და განსხვავებებზე, ხელისუფლების რეაგირების ფორმებზე, სამოქალაქო საზოგადოების როლზე ამ პრობლემასთან ბრძოლის საქმეში და სხვა. კასპის ახალგაზრდული თვითმმართველობის ინიციატივით ნიკოლას ბარკერი გენდერული თანასწორობის თემაზე დისკუსიების მოწყობას კასპის მუნიციპალიტეტის სხვა საჯარო სკოლებშიც გეგმავს. წყარო: ორგანიზაცია „მეგობრობის ხიდი ქართლოსი"