თბილისი. „უფროსი თაობის პორტალი“ – 1 თებერვლიდან ამ სახელწოდებით სპეციალური ვებ-გვერდი იწყებს ფუნქციონირებას. Taoba.org.ge მოიცავს ყველა მნიშვნელოვან საკითხს, რომელიც ხანდაზმული მოსახლეობისთვის არის საინტერესო.  სოციალურ ქსელ facebook-ში უკვე შექმნილია გვერდი- „თაობა - ხანდაზმულთა სახლი“, სადაც ხელმისაწვდომი იქნება საპენსიო ასაკის მოსახლეობისათვის საინტერესო მრავალფეროვანი ინფორმაცია, ტექსტური, აუდიო- და ვიდეო ფორმატით, ასევე, შესაძლებელი იქნება შეკითხვის დასმა და პასუხის მიღება.  საქართველოში პირველი უფროსი თაობის მოქალაქეებზე გათვლილი ვებ-პორტალი „კონსულტაციისა და ტრენინგის ცენტრის“ დაფინანსებით და Bread for the World-ის მხარდაჭერით შეიქმნა.  სრულად...   წყარო: გვერდი სოციალურ ქსელში

თბილისი. „ფაქტ ჩეკი“ ავრცელებს ინფორმაციას Pfizer-BioNTech-ის ვაქცინასთან დაკავშირებით გავრცელებული დეზინფორმაციის შესახებ. საუბარია საიტზე Geomediapress.ge, რომელის მიხედვით, Pfizer-BioNTech-ის ვაქცინა შეაჩერეს, რისი მიზეზიც გახდა ნორვეგიაში ჩატარებული ვაქცინაცია, რამაც 400-მდე ადამიანის სიკვდილი გამოიწვია.  „Pfizer-BioNTech-ის ოფიციალურ გვერდზე დაყრდნობით, Pfizer-BioNTech-ს ვაქცინაცია არც ერთ ქვეყანაში არ შეუჩერებია, მათ შორის არც სტატიაში ნახსენებ ნორვეგიაში. ყალბია ინფორმაციაც, რომ ვაქცინაციას ნორვეგიაში 400-მდე ადამიანის სიცოცხლე შეეწირა. რეალურად, დღეის მონაცემებით, ნორვეგიაში მოხუცთა საცხოვრებელში მყოფი ხანდაზმული პირების COVID-19-ის საწინააღმდეგო Pfizer-BioNTech ვაქცინის პირველი დოზით აცრიდან მცირე ხნის შემდეგ, 33 ადამიანი გარდაიცვალა. 2020 წლის 14 იანვრისთვის, ნორვეგიაში ოფიციალურად პირველად დაფიქსირდა ვაქცინის შემდგომ 23 გარდაცვალების შემთხვევა. 18 იანვრის მონაცემებით, ნორვეგიის საყოველთაო ჯანდაცვის ინსტიტუტს უკვე შესწავლილი და გამოქვეყნებული ჰქონდა 23 გარდაცვალების შემთხვევიდან 13-ის აუტოპსიის შედეგები, რომლის თანახმადაც, უშუალოდ ვაქცინასა და გარდაცვალებას შორის კავშირი ვერ დადგინდა. Geomediapress.ge-ის სტატია, 19 იანვარსაა გამოქვეყნებული, მას შემდეგ, რაც ნორვეგიის საყოველთაო ჯანდაცვის ინსტიტუტმა განაცხადა, რომ გარდაცვალებასა და ვაქცინას შორის კავშირი არ მტკიცდება“, - აცხადებს „ფაქტ ჩეკი“.  სრულად...  წყარო: ორგანიზაციის ვებგვერდი

თბილისი. ადამიანის უფლებების სწავლებისა და მონიტორინგის ცენტრმა მოამზადა ანალიტიკური დოკუმენტი „ფსიქიკური ჯანმრთელობის სერვისების დეინსტიტუციონალიზაცია - საერთაშორისო გამოცდილება და საქართველოს კონტექსტი“.  „ფსიქიკური აშლილობის გავრცელება და მისი გავლენა ხშირად არასათანადოდ ფასდება როგორც მთავრობების, ასევე საზოგადოების მხრიდან. ჯანდაცვის მსოფლიო ორგანიზაციის თანახმად, მოსახლეობის 25%-ზე მეტს ცხოვრების გარკვეულ მონაკვეთში ფსიქიკური აშლილობები აქვს. ფართო გავრცელებისა და მძიმე ტვირთის მიუხედავად, ბევრ ქვეყანაში ფსიქიკური ჯანმრთელობის სერვისების მოცულობა ვერ აკმაყოფილებს მკურნალობის საჭიროებებს და ჩნდება ე.წ. მკურნალობის ხარვეზი, როდესაც ფსიქო-სოციალური საჭიროების მქონე ადამიანთა 75-90% ვერ იღებს საჭირო დახმარებას. უდავოა, რომ ქვეყნებმა უნდა გამოყონ ადეკვატური ფინანსური, მატერიალური და ადამიანური რესურსი ამ მასშტაბის გამოწვევის მოსაგვარებლად“, - ვკითხულობთ დოკუმენტის ანოტაციაში.  სრულად...   წყარო: ორგანიზაციის ვებგვერდი

თბილისი. COVID-19-ის წინააღმდეგ ვაქციანაციის ირგვლივ გავრცელებულ დეზინფორმაციას, ევროკავშირის წარმომადგენლობა საქართველოში ვრცელ სტატიას უძღვნის.  „ვაქცინაცია საზოგადოებრივი ჯანმრთელობის დაცვის სფეროში ერთ-ერთ ყველაზე მნიშვნელოვან მიღწევას წარმოადგენს. ის, რომ ჩვენ ისეთი დაავადებების შესახებ, როგორიცაა ყვავილი, ისტორიის წიგნებიდან და არა ახალი ამბებიდან ვიგებთ, სწორედ ვაქცინების დამსახურებაა, რომლებმაც ეს დაავადებები სრულად აღმოფხვრეს. თუმცა, პანდემიის დაწყებისთანავე გაჩნდა დიდი რაოდენობით დეზინფორმაცია და შეთქმულების თეორიები ვაქცინების შესახებ. „ვაქცინაციის შიში“ უკვე დიდი ხანია არსებობს საინფორმაციო სივრცეში, რომელსაც წარმატებით იყენებენ სხვადასხვა წარმომავლობის დეზინფორმაციის გამავრცელებლები“, - ვკითხულობთ სტატიაში, - „ისევე, როგორც ვაქცინებს შეუძლიათ ვირუსების, მათ შორის COVID-19-ის, წინააღმდეგ იმუნიტეტის გამომუშავება, ჩვენც შეგვიძლია შევიქმნათ იმუნიტეტი დეზინფორმაციის წინააღმდეგ“.  სრულად...   წყარო: ორგანიზაციის ვებგვერდი

თბილისი. ბავშვთა ჰოსპისი „ციცინათელა“ მადლობას უხდის შემომწირველებს, რომელთა დახმარებითაც ქრონიკული და მძიმე სენით დაავადებულ ბავშვებზე ზრუნავენ და უფასოდ აწვდიან მათ და თავმდგომ პირებს სერვისებს. „ხშირად გვთხოვენ არ ვახსენოთ შემომწირველი, მაგრამ ვერ ვასრულებთ“... სრულად... წყარო: ჰოსპისის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს ინტერვიუს მართაინ კოლთან, სარეაბილიტაციო კოლეჯ „ენიკის“ თანადამფუძნებელთან. „ბიოსამედიცინო მოდელი გეუბნება, რომ შენ გაქვს დაავადება და ამის გამო, შენ ხარ პრობლემა. ფაქტობრივად, შენ თვითონ ხარ დაავადება. მკვეთრი ხაზია ჯანმრთელსა და დაავადებულს შორის. მოძრაობა, რომლის წევრიც მე ვარ, გეუბნება, რომ ფსიქიკური ჯანმრთელობის პრობლემა ჩვეულებრივი, ბუნებრივი, ლეგიტიმური ადამიანური გამოცდილებაა. უფრო მეტიც, ყველას შეიძლება დაგვემართოს. და თუ დაგემართა, სულაც არ არის აუცილებელი სამკურნალოდ საავადმყოფოში გამოგვკეტონ.  გამომწვევი მიზეზებია საკვლევი და სწორედ ამ კონტექსტში უნდა იზრუნონ შენზეც. კონტექსტში ბევრი პრობლემა მოიაზრება: ძალადობა, უგულვებელყოფა, სიღარიბე. თუ ჩვენ მხოლოდ სამედიცინო მიდგომით შემოვიფარგლებით, მაშინ ეს ყველაფერი გამოირიცხება, არადა, სოციალური დეტერმინანტებია შფოთვისკენ რომ გვიბიძგებს“. სრულად... წყარო: emc.org.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს ინტერვიუს ფსიქიატრ ბენედეტო სარაჩენოსთან. ბენედეტომ „მთელი ცხოვრება ფსიქიატრიულ საავადმყოფოებში ადამიანების უფლებებისთვის ბრძოლას, უფრო სწორად, გიგანტური საავადმყოფოების იდეის გადააზრებას და საბოლოოდ, მათ დახურვას მიუძღვნა“. „დაავადება არსებობს, მაგრამ არ არსებობს ფსიქიატრია, თუნდაც როგორც მეცნიერება, თუ ის გამოსავლად მხოლოდ ძალადობას, ჩაკეტვას, იზოლაციასა და გარიყვას გვთავაზობს. ელექტროშოკი, დამცირება, ადამიანის უფლებების შელახვა ხომ არ არის მეცნიერება?! ჩვენ გვქონდა ამბიცია მსოფლიოსთვის გვეჩვენებინა, რომ ის, რაც ტრიესტეს ერთ პატარა საავადმყოფოში გავაკეთეთ, უცნაური შემთხვევითობის ბრალი კი არ იყო, არამედ ეს იყო გამოცდილება, რომელიც გამეორდა ბირმინგემში, ვალენსიაში, მადრიდში, ირლანდიასა და შოტლანდიაში. ჩვენ დავამტკიცეთ, რომ მხოლოდ ჩვენ კი არ შეგვეძლო დიდი ზომის ფსიქიატრიული საავადმყოფოების დახურვა, არამედ მსოფლიოს სხვა ქვეყნებსაც და ქალაქებსაც შეეძლოთ ეს გაეკეთებინათ“. სრულად... წყარო: emc.org.ge

თბილისი. მითების დეტექტორი აქვეყნებს ბლოგპოსტს: როგორ მუშაობენ სხვადასხვა ვაქცინები და არის თუ არა რომელიმე საფრთხის შემცველი. მასალაში საუბარია დეზინფორმაციებზე, რომლებიც პფაიზერის ვაქცინას საფრთხისშემცველ, ტექნიკურ ვირუსს უწოდებს, ხოლო რუსულ (იგულისხმება Sputnik V) და ოქსფორდის (იგულისხმება AstraZeneca) ვაქცინას კი სანიმუშოდ მიიჩნევს. ცრუ ინფორმაციების თანახმად, პფაიზერის ვაქცინას დნმ-ზე, კვერცხუჯრედსა და სპერმატოზოიდზე ცვლილების მოხდენა შეუძლია, რაც ნაყოფზეც აისახება. „პფაიზერის ვაქცინის საფრთხესა და საბერძნეთში ვაქცინაციის პროცესის შეწყვიტის შესახებ გამოქვეყნებული პოსტები დეზინფორმაციას შეიცავს: 1.COVID-19 ის ყველა ვაქცინამ, რომელიც გამოიყენება, შემოწმების ყველა საჭირო ეტაპი გაიარა; 2.ევროკომისიამ და “ევროპის წამლების სააგენტომ” ევროპის მასშტაბით მოდერნას და პფაიზერის ვაქცინის გამოყენებაზე რეკომენდაცია გასცა. 3.ერთი მხრივ, პფაიზერის/მოდერნასა და მეორე მხრივ, ასტრაზენეკას/ სპუტნიკ V-ის ვაქცინების მუშაობის პრინციპი განსხვავებულია, თუმც ხელოვნურ ვირუსს არც ერთი მათგანი არ შეიცავს. 4.შეუძლებებლია ვაქცინამ, ადამიანის დნმ-ის, სპერმატოზოიდისა და კვერცხუჯრედის ცვლილება გამოიწვიოს. 5. საბერძნეთში ვაქცინაციის პროცესი არ შეუწყვიტავთ“, ნათქვამია ბლოგპოსტში. სრულად... წყარო: mythdetector.ge

გერმანია ერთ-ერთია იმ მეგობარი ქვეყნებიდან, რომელმაც საქართველოს კოვიდ-19-ის წინააღმდეგ ბრძოლაში აქტიური დახმარება გაუწია. "კოვიდ-19 გასულ წელს საქართველოსაც მწვავედ შეეხო. ამიტომ გერმანია მას სხვადასხვა სახით დაეხმარა. კერძოდ: საჭიროების მქონე პირებს დაურიგდა დამცავი ტანსაცმელი და სურსათი, ქართულ მხარეს გადაეცა სასუნთქი აპარატები, გამოიყო შეღავათიანი სესხი და გრანტი უმუშევართა, არაფორმალურად დასაქმებულთა და მოსახლეობის მოწყვლადი ნაწილის სოცილური უზრუნველყოფისათვის პანდემიის პერიოდში. ყველა ეს მცირე თუ დიდი ღონისძიება მნიშვნელოვანია კოვიდ-19-პანდემიის შედეგებთან ბრძოლისათვის", - ნათქვამია საელჩოს მიერ გამოქვეყნებულ ინფორმაციაში.  სრულად...  წყარო: ორგანიზაციის ვებგვერდი

თბილისი. 28 დეკემბერს, ომბუდსმენმა ასაკს მიღწეული შეზღუდული შესაძლებლობის მქონე პირთა მიმართ დისკრიმინაციის აღმოფხვრის მიზნით, საქართველოს მთავრობას რეკომენდაციით მიმართა. „რეკომენდაციით დისკრიმინაციულად არის შეფასებული „სოციალური პაკეტის განსაზღვრის შესახებ“ საქართველოს მთავრობის №279 დადგენილების ის ჩანაწერი, რომლითაც აკრძალულია ერთი მხრივ, შეზღუდული შესაძლებლობიდან გამომდინარე სოციალური პაკეტის და, მეორე მხრივ, ასაკობრივი პენსიის ერთდროულად მიღების შესაძლებლობა და მხოლოდ ერთ-ერთი მათგანით სარგებლობის საშუალებას იძლევა“. სახალხო დამცველმა საქართველოს პრემიერ მინისტრს მიმართა რეკომენდაციით, რომ შეზღუდული შესაძლებლობის მქონე პირისთვის საპენსიო ასაკის მიღწევა ყველა შემთხვევაში არ გამორიცხავდეს შეზღუდული შესაძლებლობიდან გამომდინარე სოციალური პაკეტის და ასაკობრივი პენსიის თანადროულად მიღების შესაძლებლობას. სრულად... წყარო: ombudsman.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს ბლოგპოსტს: ქმედუნარიანობის რეფორმის პრაქტიკაში განხორციელების სირთულეები ფსიქიატრის თვალთახედვიდან. „ფსიქიატრი რომ გავხდი, საავადმყოფოში დამხვდნენ პაციენტები, რომლებიც არასოდეს ეწერებოდნენ და სულ საავადმყოფოში ცხოვრობდნენ. ზოგ მათგანს ოჯახის წევრები ხანდახან აკითხავდნენ, მაგრამ სახლში არ მიყავდათ, იმ სახლში, რომელიც მარტო მათი არ იყო და მემკვიდრეობით ამ ადამიანსაც ეკუთნოდა. ოჯახის წევრები ფიქრობდნენ, რომ რადგან პაციენტს ფსიქიკური ჯანმრთელობის პრობლემა ჰქონდა, სახლი აღარ სჭირდებოდა. ზოგჯერ თვითონ ეს ადამიანიც ასე მიიჩნევდა და მხოლოდ იმისთვის იყო მადლობელი, რომ არ ივიწყებდნენ. როგორც წესი, ოჯახის წევრები მეურვეებიც იყვნენ და მემკვიდრეობას ასე იკანონებდნენ“.  სრულად... წყარო: emc.org.ge

თბილისი. ბავშთა ჰოსპისი ციცინათელების ქვეყანა 2020 წელს აჯამებს და მადლობას უხდის მეგობრებს. „რომ არ ჩავთვალოთ კორონავირუსით გამოწვეულ პანდემია, მძიმე წლის მიუხედავად, ყველაფერს კარგად ვასრულებთ. თუ ჩვენთან მეგობრობას გააგრძელებთ, ადვილი იქნება ვიარსებობთ. დიდი მადლობა ყველას და ყოველთვის ვეცდებით არ გაგიცრუოთ იმედი“. სრულად... წყარო: ორგანიზაციის გვერდი სოციალურ ქსელში

თბილისი. ორგანიზაცია „პარტნიორობა ადამიანის უფლებებისთვის“ აქვეყნებს დოკუმენტს „ფსიქიატრიულ დაწესებულებაში მყოფ პაციენტთა უფლებები“. „დოკუმენტი მარტივი წასაკითხი ფორმით მკითხველს გააცნობს ფსიქიატრიულ საავადმყოფოში მყოფი ადამიანების უფლებებს. ის საინტერესო და სასარგებლო იქნება როგორც შშმ პირებისათვის, ასევე მათი ოჯახის წევრებისა და ზოგადად საზოგადოებისთვის“, ნათქვამია ორგანიზაციის ვებგვერდზე. სრულად... წყარო: phr.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს დოკუმენტს მარტივად წასაკითხ ფორმატში - „ფსიქიატრიულ დაწესებულებაში მყოფ პაციენტთა უფლებები“.  „დოკუმენტით შშმ პირები (განსაკუთრებით, ინტელექტუალური და ფსიქოსოციალური ნიშნით შშმ პირები), მათი ოჯახის წევრები და ფართო საზოგადოება შეძლებს, მიიღოს ინფორმაცია ისეთ საკითხებზე, როგორიცაა, ნებაყოფლობითი და არანებაყოფლობითი ფსიქიატრიული დახმარება, ფსიქიატრიულ დაწესებულებაში მყოფი პირების უფლებები და მათი დაცვის საშუალებები“. სრულად... წყარო: emc.org.ge

თბილისი. კორონავირუსით გამოწვეული პანდემიის პერიოდში, როცა ზუსტი და დროული ინფორმაცია ძალიან მნიშვნელოვანია, კრემლის მიერ გავრცელებული დეზინფორმაცია ვაქცინებისადმი ნდობის შესუსტებას ცდილობს. ქვემოთ იხილეთ EU vs Disinformation-ის მიერ შეკრებილი მთავარი თემები და გაეცანით ინფოგრაფიკას თემების სრული ჩამონათვალით ბმულზე... წყარო: eu4georgia.ge

თბილისი. 7 დეკემბერს საქართველოს სახალხო დამცველმა გენდერული იდენტობის ნიშნით ირიბი დისკრიმინაციის დადგენის შესახებ რეკომენდაციით მიმართა სპეციალური პენიტენციური სამსახურის გენერალურ დირექტორს გიორგი პატარიძეს გაატაროს სათანადო ღონისძიებები განმცხადებლისთვის როგორც სპეციალიზებული ენდოკრინოლოგის მომსახურებით, ასევე ჰორმონალური მედიკამენტების შეუფერხებლად და უწყვეტად მიწოდების უზრუნველსაყოფად. სრულად... წყარო: ombudsman.ge

თბილისი. დავადებათა კონტროლის და საზოგადოებრივი ჯანმრთელობის ეროვნული ცენტრის დირექტორის მოადგილე, ეპიდემიოლოგი - პაატა იმნაძე საუბრობს თემაზე - COVID-19 და უსაფრთხოება. შეხვედრა ორგანიზებულია პროექტის „ახალგაზრდული მოხალისეობა COVID-19-ის დროს საქართველოში“ მოხალისე თაზო ჯოჯუას მიერ.  სრულად... წყარო: ორგანიზაციის გვერდი სოციალურ ქსელში

თბილისი. ევროკავშირმა საქართველოს 60 მილიონი ევროს ოდენობის გრანტი გამოუყო პანდემიის პერიოდში საქართველოს მოქალაქეებისა და ბიზნესების დასახმარებლად. აღნიშნული სახსრები განკუთვნილია საქართველოს მთავრობის ანტიკრიზისული ეკონომიკური გეგმის განხორციელების მხარდასაჭერად. გაიგეთ მეტი აქ… წყარო: ევროკავშირის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს კვლევის ანგარიშს: შრომითი ურთიერთობები და სოციალური დაცვა პანდემიის დროს. „საქართველოს მოსახლეობა უკიდურესად მოუმზადებელი შეხვდა პანდემიის მიერ გამოწვეულ ეკონომიკურ კრიზისს. პანდემიის პირობებში სახელმწიფო პოლიტიკა და ინსტიტუტები მზად არ იყო დაზარალებული ადამიანებისა და ოჯახებისთვის სისტემური სოციალური მხარდაჭერის აღმოსაჩენად. სახელმწიფო დონეზე შემუშავებული ანტიკრიზისული სოციალური პოლიტიკა კი, საკმარისი არ იყო საგრძნობლად შემცირებული შემოსავლით თუ უშემოსავლოდ დარჩენილი ადამიანებისთვის სოციალური უსაფრთხოება უზრუნველეყო“, ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. ადამიანის უფლებების სწავლებისა და მონიტორინგის ცენტრი (EMC) გაესაუბრა ერთ-ერთ სამედიცინო დაწესებულებაში მომუშავე ექთანს, რომელიც თავის სამუშაო პირობებზე და შრომითი უფლებების დარღვევებზე დეტალურად ესაუბრა ორგანიზაციას. ექთნების ვინაობას, მისივე თხოვნით, EMC არ ასაჯაროებს. „როცა ადგილი არ არის და პაციენტი შემოჰყავთ, ექიმები ჩვენ გვეუბნებიან, არ გვაინტერესებს, გამონახეთ საწოლიო. ჩვენ როგორ უნდა გამოვნახოთ, როცა ფიზიკურად არ არის ადგილი? საშინელი დატვირთვა გვაქვს, გვიწევს სირბილი, ცალკე დანიშნულებით, ცალკე პაციენტს ყურადღება არ უნდა მოაკლდეს, ყველა ექიმს უნდა, რომ მისი პაციენტი პირველი იყოს და იმას აღარ ფიქრობენ, შენ ერთ წუთში რამდენი საქმე უნდა გააკეთო. ყველას უნდა რომ ერთ წუთში მოასწრო საქმის გაკეთება. ცალკე შეხვევები, ცალკე ანალიზები, წინასაოპერაციო პაციენტები უნდა მოამზადო... ძალიან რთული შრომაა“, ამბობს ანონიმი ექთანი. სრულად... წყარო: emc.org.ge

თბილისი. გაეროს ბავშვთა ფონდისა და საქართველოს მთავრობის მიერ შექმნილ ცხელ ხაზს - 111-ს, ახალი მიმართულება დაემატა. „ამიერიდან ცხელი ხაზი შეზღუდული შესაძლებლობების მქონე ბავშვებსა და მათ მშობლებს კორონავირუსთან დაკავშირებულ პრობლემურ საკითხებზეც გაუწევს კონსულტაციას. ყველა აღმოჩენილ საჭიროებას დევნილთა, შრომის, ჯანმრთელობისა და სოციალური დაცვის სამინისტროს ცენტრალური ონლაინ კლინიკა განიხილავს“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) ეხმიანება თბილისის მიუსაფართა მუნიციპალურ თავშესაფარში (ე.წ. „ლილოს თავშესაფარი“) COVID-19-ით ინფიცირების შემთხვევებს.  ორგანიზაცია თბილისის მუნიციპალიტეტსა და თავშესაფრის ადმინისტრაციას მოუწოდებს, მიიღოს ყველა ზომა ბენეფიციარების უსაფრთხოების, მათი სიცოცხლისა და ჯანმრთელობის დაცვის მიზნით. სრულად... წყარო: emc.org.ge