ორგანიზაცია სიდამ ოქტომბრის ბოლოს და ნოემბრის დასაწყისში სოციალურად დაუცველ ოჯახებს მეფუტკრეობაში ტრენინგი ჩაუტარა. ღონისძიება განხორციელდა პროექტის – „შემოსავლების ზრდის ხელშეწობა მოწყლვადი ოჯახებისა და ინდივიდებისათვის" – ფარგლებში. ტრენინგი ჩატარდა ავლევში, ტირძნისსა და ანანურში და მას 11 სოციალურად დაუცველი დაესწრო.  მონაწილეებმა მიიღეს ინფორმაცია იმის შესახებ, თუ როგორ უნდა მოხდეს სკების მომზადება შემოდგომა–ზამთრის პერიოდისათვის. ტრენინგის პირველი ნაწილი იყო თეორიული, მეორე კი პრაქტიკული, რომლის დროსაც მონაწილეებს საშუალება ჰქონდათ ენახათ და პრაქტიკულად განეხორციელებინათ თეორულად ნასწავლი საკითხები. წყარო:ორგანიზაციის გვერდი სოციალურ ქსელში

კახეთი. ლაგოდეხში, სოფელ ლელიანში, სათემო ორგანიზაციამ „ლელიმ" შეხვედრა გამართა საკითხზე - რა ზიანს აყენებს პოლიეთილენის ფირის გამოყენება სოფლის მეურნეობას და ადამიანის ჯანმრთელობას. შეხვედრაზე პრობლემის გადაჭრის გზებზე იმსჯელეს. ორგანიზაციამ აღნიშნულ საკითხთან დაკავშირებით სპეციალური კვლევაც ჩაატარა. გელე თედეევის, სათემო ორგანიზაცია „ლელის" ერთ-ერთი დამფუძნებლის განცხადებით, ლაგოდეხში 600-მდე რესპონდენტი გამოიკითხა: ,,გამოკითხვის შედეგად მივიღეთ არასახარბიელო სურათი. ვაპირებთ, ადგილობრივ თვითმმართველობასთან ერთად დავბეჭდოთ სპეციალური ბროშურებში, სადაც საუბარი იქნება იმის შესახებ, თუ რა ზიანს აყენებს პოლიეთილენის გამოყენება სოფლის მეურნეობას და ადამიანის ჯანმრთელობას".

კახეთი. 15 ოქტომბერს, სოფლად მცოვრები ქალების საერთაშორისო დღის აღსანიშნავად, გაეროს განვითარები პროგრამის ორგანიზებით კაჭრეთში გაიმართება კონფერენციაზე. კაჭრეთს ეწვევა 50-ზე მეტი ფერმერი და საკრებულოს წევრი ქალბატონი საქართველოს სხვადასხვა რეგიონიდან, ასევე მთავრობის, პარლამენტისა და საერთაშორისო ორგანიზაციების წარმომადგენლები. ასევე მოეწყობა სასოფლო–სამეურნეო პროდუქციის გამოფენა–გაყიდვა, სადაც წარმოდგენილი იქნება ფერმერ ქალთა მიერ წარმოებული პროდუქცია - ხილი და ბოსტნეული, კონსერვები, მარინადები და ღვინო. გამოფენის შემდეგ გაიმართება დისკუსია, რომელშიც მონაწილეობას მიიღებენ სოფლის მეურნეობის სამინისტროს და განათლებისა და მეცნიერების სამინისტროს წარმომადგენლები, ასევე პარლამენტის აგრარულ საკითხთა კომიტეტის თავჯმდომარე. წყარო: პორტალი GINSC

კახეთი. არასამთავრობო ორგანიზაციის „სტუდენტური საერთაშორისო ინიციატივის" წარმომადგენლებმა, საგარეჯოში შეხვედრა გამართეს. ორგანიზაციის წარმომადგენლებმა, საგარეჯოს მუნიციპალიტეტის ტერიტორიული ორგანოს რწმუნებულებს პროექტი: „ახალგაზრდები მდგრადი აგრარული და გარემოს დაცვითი განვითარებისათვის" – გააცნეს. შეხვედრა მიზნად ისახავდა აგრარულ სექტორში მეხილეობის სფეროს მდგრადი განვითარებისთვის ხელშეწყობას, ახალგაზრდებს შორის შესაბამისი ცოდნისა და უნარების განვითარების მეშვეობით, სოფლად მცხოვრები ახალგაზრდების ადგილზე დამაგრებას, წარმოდგენილი საპროექტო ინიციატივა ატარებს ინოვაციურ ხასიათს. პროექტი „ბავშვთა და ახალგაზრდობის განვითარების ფონდის" ფინანსური მხარდაჭერით ხორციელდება.

კახეთი. თელავის რეფერალურ საავადმყოფოში დევნილ ბავშვებს უფასო სამედიცინო გამოკვლევები ჩაუტარდათ. არასამთავრობო ორგანიზაცია „ახალგაზრდული ქრისტიანული ასოციაციისა" და იძულებით გადაადგილებულ პირთა სამინისტროს ერთობლივი ღონისძიებების შედეგად, მუნიციპალიტეტის ტერიტორიაზე მცხოვრებ იძულებით გადაადგილებული ოჯახებში მცხოვრებ ბავშვებს უფასო სამედიცინო გამოკვლევები ჩაუტარდათ.  ღონისძიების ორგანიზატორების თქმით, უფასო სამედიცინო გამოკვლევები, აფხაზეთის დაცემის დღესთან დაკავშირებით გაიმართა. 

ორგანიზაცია სიდამ შიდა ქართლისა და მცხეთა-მთიანეთის სოფლებში, პროექტის –„შემოსავლების ზრდის ხელშეწობა მოწყლვადი ოჯახებისა და ინდივიდებისათვის"– ფარგლებში, 15 შერჩეულ ბენეფიციარს მეფრინველეობის პაკეტები გადასცა. პრეოექტის ფარგლებში მოხდება დაფინანსებული ბენეფიციარების პერმანენტული მონიტორინგი, რათა შეფასდეს მათი ბიზნეს საქმიანობის წარმატება და ეკონომიკური ზრდის მაჩვენებლები. სულ, პროექტის ფარგლებში იგეგმება 300-ზე მეტი სოციალურად დაუცველი ოჯახის ეკონომიკური გაძლიერება მცხეთა მთიანეთისა და შიდა ქართლის რეგიონში.  პროექტი "შემოსავლების ზრდის ხელშეწყობა მოწყვლადი ოჯახების და ინდივიდებისთვის" ხორციელდება აშშ საერთაშორისო განვითარების სააგენტოს USAID-ის მიერ დაფინანსებულ "ახალი ეკონომიკური შესაძლებლობები" (NEO) პროექტსა და "სიდას" შორის 18 თვიან კონტრაქტის ხელმოწერის საფუძველზე. წყარო:ორგანიზაციის გვერდი სოციალურ ქსელში

თბილისი. საქართველოს სოფლის მეურნეობის სამინისტროსა და სამოქალაქო განვითარების სააგენტოს (სიდა) შორის ურთიერთთანამშრომლობის მემორანდუმი გაფორმდა. მემორანდუმის მიზანია საზღვრისპირა რაიონებში (ქვემო ქართლისა და სამცხე-ჯავახეთის) საქართველოს სოფლის მეურნეობის სამინისტროს რაიონული საინფორმაციო-საკონსულტაციო სამსახურების განვითარება, სამსახურები კონსულტაციას უწევენ მოსახლეობას და ეხმარებიან მათ მიიღონ ინფორმაცია სოფლის მეურნეობის სფეროში თანამედროვე ტექნოლოგიების შესახებ. მემორანდუმი ითვალისწინებს რაიონული სამსახურების თანამშრომელთა პროფესიული განვითარების კუთხით ტრენინგებს, საჭირო ტექნიკური აღჭურვილობის უზრუნველყოფას, ასევე რეგიონის მოსახლეობისთვის საბაზრო, ტექნიკური, სამართლებრივი და სხვადასვა სახის ინფორმაციის მიწოდებას. მემორანდუმი გაფორმდა პროექტის „მოქმედი მხარეები ერთიანდებიან ინკლუზიური ეკონომიკური განვითარებისა და მმართველობისათვის სამხრეთ კავკასიაში" (JOIN) ფარგლებში, რომელიც დაფინანსებულია ავსტრიის განვითარების თანამშრომლობის (ADC) მიერ და ხორციელდება ,,ქეა ავსტრიასა" (CARE Austria) და ,,ქეა საერთაშორისო კავკასიას" (CARE International in the Caucasus) მიერ, პარტნიორ ორგანიზაციებთან ერთად - სამოქალაქო განვითარების სააგენტო (CIDA) საქართველოში და აგრობიზნესის და სოფლის მეურნეობის განვითარების ცენტრი (CARD) სომხეთში.  წყარო: moa.gov.ge

თბილისი. „ასოციაცია მომავლის ფერმერმა" გამოსცა კიდევ ერთი გზამკვლევი მეცხოველე ფერმერებისთვის. გამოცემაში: „ჯანსაღი ხბოს მიღება და მისი წარმატებით გამოზრდა ფერმერულ და საოჯახო პირობებში" თავმოყრილია პრაქტიკული რჩევები, რაც ყოველდღიურ საქმიანობაში ფერმერს გამოადგება. სრულად  წყარო:Agro Development Group-ის გვერდი სოციალურ ქსელში

თბილისი. საერთაშორისო გამჭვირვალობა – საქართველომ ბლოგპოსტი – „ტრაქტორების საქმე" ბევრ კითხვას აჩენს გამოაქვეყნა. „1 მაისს სოფლის მეურნეობის სამინისტროს ქვემდებარე უწყებების თანამშრომლების დაკავება ბევრ კითხვის ნიშანს ბადებს   ...საქმის გარემოებების გათვალისწინებით მიგვაჩნია, რომ აღნიშნულ საქმეს სამართალდამცავმა ორგანოებმა განსაკუთრებული ყურადღება უნდა დაუთმონ. მნიშვნელოვანია საზოგადოება მაქსიმალურად იყოს ინფორმირებული „ტრაქტორების საქმეში" არსებულ გარემოებებზე და გამოძიების მიმდინარეობაზე. ეს იყო სახელმწიფოს მიერ ეფექტური ანტიკორუფციული ქმედებები თუ გამოძიების თვითნებობა. ცხადია, რომ რიგითი პროკურორი თვითნებურად ვერ გადაწყვეტდა ზეწოლის გამოყენებას იმ დროს მოქმედი მინისტრის წინააღმდეგ ჩვენებების მისაღებად. მნიშვნელოვანია ამ საქმის მიუკერძოებელი და სწრაფი გამოძიება და იმ პირთა პასუხისმგებლობის დაყენება რომლებმაც კანონი დაარღვიეს", ნათქვამია ორგანიზაციის ვებ–გვერდზე. სრულად წყარო: transparency.ge 

ქვემო ქართლი.  თეთრიწყაროს რაიონის სოფელ მარაბდაში არასამთავრობო ორგანიზაციამ „სტუდენტურმა საერთაშორისო ინიციატივამ" და სსიპ ბავშვთა და ახალგაზრდობის განვითარების ფონდმა მარაბდის „ინტენსიური ბაღის" პრეზენტაცია გამართეს 8 ივლისს. ღონისძიება ფონდის პირველი საგრანტო კონკურსის ფარგლებში დაფინანსებული პროექტის „ახალგაზრდები მდგრადი აგრარული და გარემოსდაცვითი განვითარებისათვის” შედეგად განხორციელდა. პროექტი, მიზნად ისახავს აგრარულ სექტორში მეხილეობის სფეროს მდგრადი განვითარების ხელშეწყობას, მრავალწლიანი კულტურების მოვლისა და განვითარების თანამედროვე, პროგრესული ფორმების დამკვიდრებას, მწირი მიწიანი ბაღების ოპტიმალურად დატვირთვასა და პოპულარიზაციას, აღნიშნულ პროცესში ახალგაზრდობის როლის ზრდას და წახალისებას. სრულად წყარო: ბავშვთა და ახალგაზრდობის განვითარების ფონდის გვერდი სოციალურ ქსელში

თბილისი. გაეროს განვითარების პროგრამა (UNDP) , 4 ივლისს, წარადგენს რეგიონული კვლევის შედეგებს, რომელიც ეფუძნება სოფლის მეურნეობის მდგომაროების შესწავლას აზერბაიჯანში, საქართველოსა და სომხეთში. კვლევა შესრულებულია საერთაშორისო და ადგილობრივ მკვლევართა ჯგუფის მიერ გაეროს განივთარების პროგრამის (UNDP) დაკვეთით და შვეიცარიის განვითარებისა და თანამშრომლობის სააგენტოს (SDC) დაფინანსებით.  კვლევის მიხედვით, რეგიონის სამივე სახელმწიფოსათვის სოფლის მეურნეობა ეკონომიკის  ერთ-ერთი ყველაზე მნიშვნელოვანი სექტორია, რასაც ოთხი ძირითადი მიზეზი განაპირობებს - დასაქმება, ზრდა, სიღარიბის შემცირება და საკვების უვნებლობა.    კვლევაში მიმოხილულია და ერთმანეთთან შედარებულია სამივე ქვეყნის სოფლის მეურნეობის მდგომარეობა, აგრეთვე შეფასებულია სოფლის მეურნეობის სავარაუდო წვლილი აზერბაიჯანის, საქართველოსა და სომხეთის განვითარებაში. წყარო: cenn

აჭარა.აჭარაში დაიწყო სოფლის მეურნეობის ხელშეწყობის სამწლიანი პროგრამა. იგი ითვალისწინებს მცირე ფერმერთა ხელშეწყობას. ევროკავშირისა და აჭარის მთავროის მიერ დაფინანსებულ პროექტს წარუძღვება გაეროს განვითარების პროგრამა. აჭარის სოფლის მეურნეობის განვითარების ინიციატივა ევროპის სამეზობლო პროგრამის ENPARD-ის  ნაწილია. ENPARD–ის საშუალების ევროკავშირი ხელს უწყობს მეზობელ ქვეყნებში  ეკონომიკის ზრდას, სტაბილურობასა და სოფლის მეურნეობის განვითარებას  სურსათის  უვნებლობის, მდგრადი წარმოებისა და სოფლის მოსახლეობის დასაქმების საფუძველზე. საქართველოში პროგრამა ENPARD დაიწყო 2013 წლის მარტში და მიზნად ისახავს სურსათის წარმოების ზრდას და სოფლად სიღარიბის შემცირებას. ENPARD საქართველოს მთლიანი ბიუჯეტი  შეადგენს 40 მილიონს ევროს. 17 ივნისს აჭარის მთავრობის თავმჯდომარემ, ევროკავშირისა და გაეროს განვითარების პროგრამის წარმომადგენლებმა ხელი მოაწერეს აღნიშნული პროგრამის ხელშეკრულებას. წყარო:cenn

სამეგრელო. ზუგდიდის ცენტრალურ პარკში, მარწყვის ფესტიცვალი გაიმართა. დამთავლიერებელს შეეძლო შეეძინა მარწყვი და ასევე მისგან დამზადებული დესერტები. ფესტივალი ამერიკის შეერთებული შტატების საერთაშორისო განვითარების სააგენტოს (USAID) და ახალი ეკონომიკური შესაძლებლობების ინიციატივის (NEO) მხარდაჭერით მოეწყო. მარწყვის ფესტივალი USAID-ის მისიის ხელმძღვანელმა სტეფან ჰეიკინმა გახსნა. „ეს არის ერთ–ერთი წარმატებული პროექტი, პროექტი საპილოტეა, მაგრამ სხვა ფერმერებსაც მიეცემა იმის საშუალება რომ მსგავსი პროექტები განახორციელონ. ყველაზე მნიშვნელოვანი. ალბათ არის, ის რომ შეგვიძლია მარწყვის მოსავალი წელიწადში რამდენჯერმე მივიღოთ. გარდა ამისა,  ეს პროექტი მოიცავს სხვადასხვა ხილს და ბოსტნეულს" – განაცხადა მისიის ხელმძღვანელმა. მისი განცხადებით, პროექტის ფარგლებში გაცემულია დაახლოებით 195 ათასი ამერიკული დოლარის ღირებულების გრანტი, რომელიც მიმართულია ზუგდიდისა და წალენჯიხის მუნიციაპლიტეტების შერჩეულ თემებში მარწყვის 10 სადემონტრაციო ნაკვეთისა და 11 ბოსტნეულის სათბურის შექმნაზე. 

აჭარა. 24 მაისს, ბათუმის დემოკრატიული ჩართულობის ცენტრში, კავკასიის გარემოსდაცვითი ორგანიზაციების ქსელმა (CENN) პროექტის - „ძლიერი სოფელი, მოქნილი მმართველობის" პრეზენტაცია გამართა. შეხვედრის დროს მოეწყო ინიციატივის ფარგლებში მიღწეული შედეგების პრეზენტაცია. შეხევედრის დასრულების შემდეგ დაინტერესებულ პირებს საშუალება მიეცათ გასულიყვნენ სოფელ ფერიაში და დაეთვალიერებინათ პილოტური პროექტის ფარგლებში განხორციელებული საქმიანობები. ზემოთ აღნიშნული ინიციატივა, რომელიც მიზნად ისახავს საქართველოს რეგიონებში მოქნილი და მდგრადი თემების ჩამოყალიბების ხელშეწყობას, რომლებიც შეძლებენ გაუმკლავდნენ კლიმატის თანამედროვე და სამომავლო ცვლილებებს, ხორციელდება ჰოლანდიის მთავრობის მხარდაჭერით.

ქვემო ქართლი. 14 მაისს მარნეულის დემოკრატიული ჩართულობის ცენტრში პროექტ JOIN-ის ფარგლებში ადგილობრივი ფერმერები, ასევე სამოქალაქო ორგანიზაციების და ადგილობრივი თვითმმართველობის წარმომადგენლები კომერციულ ბანკების წარმომადგენლებს შეხვდნენ. შეხვედრის მიზანი სოფლის მეურნეობის სამინისტროს პროექტების მართვის სააგენტოს მიერ განხორციელებული სოფლისა და სოფლის მეურნეობის განვითარების ფონდის შეღავათიანი აგროკრედიტით სარგებლობისა და აუცილებელი პირობების დაინტერესებული მხარეებისთვის წარდგენა იყო. პროექტ JOIN-ის ფარგლებში მსგავსი შეხვედრა სამცხე-ჯავახეთის ფერმერებისა და დაინტერესებული პირებისთვისაც გაიმართება. წყარო: cida.ge

კახეთი. თელავის დემოკრატიული ჩართულობის ცენტრში გაიმართა დისკუსია თემაზე ფინანსურ რესურსებზე ხელმისაწვდომობა კახეთის ფერმერთათვის.  შეხვედრაში მონაწილეობა მიიღეს  სოფლების რწმუნებულებმა, ფერმერებმა, საფინანსო ინსტიტუტების წარმომადგენლებმა, სოფლის მეურნეობის სამინისტროს წარმომადგენლებმა, ჟურნალისტებმა და დაინტერესებული მოქალაქეებმა. დამსწრეებმა იმსჯელეს თუ როგორ უნდა აიღოს სოფლის სფეროში დასაქმებულებმა  სესხი, რომელიც საკმაოდ  რთულია. დღეს, მთავრობის მიერ სოფლის მეურნეობა დეკლარირებულია, როგორც რეალური პრიორიტეტი. ახალი  ინიციატივა  უნდა დაეხმაროს იმ საწარმოსა თუ ფერმერს, ვისაც სურვილი აქვს საკუთარი საქმიანობიდან  გამომდინარე აიღოს სესხი. ამისათვის უნდა მომზადდეს კვალიფიცირებული განაცხადი, რომლის საფუძველზეც გაიცემა ნებსიმიერი სესხი ამ სფეროში.

სამეგრელო. ზუგდიდში 17 აპრილს, თხილის მწარმოებელთა ასოციაცია შეიქმნა, რომელშიც 83 ფერმერი გაწევრიანდა. ასოციაცია აშშ-ის საერთაშორისო განვითარების სააგენტოს (USAID) ფინანსური მხარდაჭერით და პროექტის „ახალი ეკონომიკური შესაძლებლობების ინიციატივა" (NEO) ფარგლებში დაფუძნდა. პროექტის კორდინატორების განცხადებით, ფერმერებს პირველ ეტაპზე მავნებლების წინააღმდეგ ბრძოლაში დაეხმარებიან, შემდეგ კი ფერმერებთან ერთად ქიმიური სასუქების ბიოსასუქებით ჩანაცვლებაში.  „ინვესტორისთვის ასევე მნიშვნელოვანია ფერმერები იყვნენ გაერთიანებულები, რადგან მათ თხილის შესყიდვა ასე უფრო გაუადვილდებათ. ჩვენ ფერმერებს დავეხმარებით მივაწოდოთ ყველა ის პრეპარატი, რომელიც უზრუნველყოფს თხილის მოსავალის ნაკლებ დანაკარგს", - განაცხადა  რუსიკო მდივანმა. ფერმერები აცხადებენ, რომ ახალი ინიციატივა მათთვის მნიშვნელოვანია, რადგან ე.წ. თეთრი პეპლის გამრავლებამ თხილის მოსავალი 20-25%-ით შეამცირა. 

თბილისი. „საქართველოს ფერმერთა ასოციაციამ" და ჟურნალმა „ლიბერალმა" თანამშრომლობის მემორანდუმი გააფორმეს, რაც გულისხმობს „ლიბერალის" მიერ ფერმერთა საქმიანობის და ზოგადად, სოფლის მეურნეობის მხარდაჭერას. ჟურნალის საშუალებით მკითხველს საშუალება ექნება გაეცნოს საწარმოო ციკლის პრობლემებს, მიიღოს ინფორმაცია აგროსესხებისა და ფერმერთა სასწავლო ცენტრების შესახებ. წყარო:ორგანიზაციის გვერდი სოციალურ ქსელში

კახეთი. სათემო კავშირ ,,ნუკრიანის", ბიოლოგიურ მეურნეობათა ასოციაცია ,,ელკანას", ინგლისური ორგანიზაცია ოქსფამის და სადაზღვევო კომპანია ჯი პი აი ჰოლდინგის წარმომადგენლები სტუმრობდნენ. სიღნაღელ და ახმეტელ ფერმერებს ჩაუტარდათ სემინარი თემაზე:რისკების შემცირება და ფერმის მართვის გაუმჯობესება მეცხოველეობაში. ,,ელკანას" და ოქსფამის ერთობლივი პროექტით სიღნაღელ და ახმეტელ ფერმერებს პირველად საქართველოში, სადაზღვევო კომპანიამ დაუზღვია მსხვილფეხა რქოსანი პირუტყვი. ყველა დაზღვეულ ფერმერს გადაეცა სადაზღვევო პოლისი და საკვები ბიო დანამატები დაზღვეული პირუტყვისთვის. წყარო:ორგანიზაციის გვერდი სოციალურ ქსელში

სამცხე–ჯავახეთი. გასული კვირას ბაკურიანში, სასოფლო–სამეურნეო  მრჩეველთა საბჭოს რიგით მესამე შეხვედრა გაიმართა. არასამთავრობო სექტორის,  ადგილობრივი თვითმმართველობებისა და სამთავრობო  სტრუქტურის წარმომადგენლებმა,  სამცხე–ჯავახეთში სოფლის მეურნეობისა და მეცხოველეობის კუთხით არსებული პრობლემები განიხილეს.  სიღარიბის დაძლევის ხელშეწყობა და გრძელვადიან და მყარ საბაზრო ეკონომიკაზე გადასვლის მხარდაჭერა მეცხოველეობის კუთხით –   ეს არის იმ პროგრამის მიზანი, რომელიც სამცხე–ჯავახეთში შვეიცარიის განვითარებისა და თანამშრომლობის სააგენტოს მიერ დაფინანსებული ,,მერსი ქორფსის" პროგრამა ,,ალიანსების" ფარგლებში ხორციელდება.  პროგრამის ფარგლებში სასოფლო სამეურნეო მრჩეველთა საბჭო  2012 წლის დეკემბერში შეიქმნა.  მისი წევრები  რეგიონის 5  მუნიციპალიტეტის – ახალციხის, ადიგენის, ასპინძის, ახალქალაქისა და ნინოწმინდის  წარმომადგენლები და არასამთავრობო სექტორის,  აგრეთვე სამხარეო ადმინისტრაციის თანამშრომლები არიან. მრჩეველთა საბჭო  საქმიანობის პერიოდში ყველა იმ პრობლემას სწავლობს, რომელიც სამცხე–ჯავახეთში სოფლის მეურნეობის კუთხით დგას.  მის  მიერ შემუშავებული  რეკომენდაციები  კი პერიოდულად აღმასრულებელ და საკანონმდებლო ორგანოებს მიეწოდება.

თბილისი. ევროკავშირი სოფლის მეურნეობის სექტორის მხარდასაჭერად ახალ პროგრამას იწყებს. დაფინანსების თაობაზე ახალ ხელშეკრულებას  ელჩმა ფილიპ დიმიტროვმა და საქართველოს სახელმწიფო მინისტრმა ევროპულ და ევროატლანტიკურ სტრუქტურებში ინტეგრაციის საკითხებში ხელი 12 მარტს მოაწერეს. ხუთწლიანი პროექტის „ევროპის სამეზობლოს სოფლის მეურნეობისა და სოფლის განვითარების პროგრამა საქართველოსთვის" (ENPARD) მოცულობა 40 მილიონ ევროს შეადგენს. "პროგრამა, რომელიცამოქმედდა, აქცენტირებულია პოლიტიკური ასოცირებისძირითად ელემენტებზე: საერთო ღირებულებები და სიღატაკის დაძლევა; ძლიერი და თანამედროვე ინსტიტუტებისჩამოყალიბება; და ახალი სავაჭრო შესაძლებლობების შექმნა", განაცხადა ფილიპ დიმიტროვმა. ევროპის სამეზობლო პროგრამა  სოფლის მეურნეობისა და სოფლის განვითარებისთვის  წყარო: eeas.europa.eu

აჭარა. 21 თებერვალს, ბათუმის დემოკრატიული ჩართულობის ცენტრში, აჭარის დასაქმების სააგენტო არასამთავრობო ორგანიზაციების წარმომადგენლებს შეხვდა. შეხვედრა მიზნად ისახვდა პროექტის პრეზენტაციას, რომელიც მოიცავს სოციალურად დაუცველი და შეზღუდული შესაძლებლობების მქონე პირების სამთვიან გადამზადების კურსს. ამ ეტაპის გავლის შემდეგ, კურსდამთავრებულები, ზომიერად შეზღუდვის მქონე პირები სააგენტოს შეუძლია დაასაქმოს შემდეგი პროფესიების კუთხით: მზარეული, ზეინკალი, ელექტრიკოსი, სტილისტი და სხვა.  არასამთავრობო ორგანიზაციებმა მოიწონეს აღნიშნული პრეოქტი და საზოგადოების აღნიშნული სეგემნიტის შესაზებ ინფორმაციის მიწოდების კუთხით თანამშრომლობა შესთავაზეს.