კახეთი. თელავის სახელმწიფო უნივერსიტეტში მცენარეთა ბილოგიური დაცვის ცენტრის „ბიო-აგროს" ექსპერტების დახმარებით ადგილობრივ ფერმერებთან შეხვედრა  გაიმართა. შეხვედრას, ასევე, ესწრებოდნენ თელავის მუნიციპალიტეტის სოფლის მეურნეობის განყოფილების თანამშრომლები, ადგილობრივი ფერმერები, ბიომეურნეები, არასამთავრობო ორგანიზაციებისა და მედიის წარმომადგენლები. ექსპერტებმა შეკრებილებს გააცნეს  ეკოლოგიურად სუფთა სასოფლო-სამეურნეო პროდუქტების წარმოების განვითარების მიმართულებები საქართველოსა და კერძოდ, კახეთში.

გურია. სამოქალაქო საზოგადოების ინსტიტუტისა და ოქსფამ დიდი ბრიტანეთის საქართველოს წარმომადგენლობის ინიციატივით 13 თებერვალს  ოზურგეთის დემოკრატიული ჩართულობის ცენტრში გაიმართა სასოფლო-სამურნეო კოოპერაციის შესახებ საკანონმდებლო პაკეტის განხილვა. შეხვედრას ესწრებოდნენ გურიასა და იმერეთში არსებული კოოპერატივების, ფერმერთა ასოციაციების წევრები, დამოუკიდებელი ფერმერები და ადგილობრივი ხელისუფლების წარმომადგენლები. კანონპროექტზე მომუშავე ევროკავშირის, გაეროს განვითარების პროგრამის, ოქსფამის, ასოციაცია „ელკანასა" და სამოქალაქო საზოგადოების ინსტიტუტის ექსპერტებმა წარადგინეს სასოფლო–სამეურნეო კოოპერატივების შესახებ საკანონმდებლო პაკეტი. აღნიშნული პაკეტი ასევე განხილულ იქნა სოფლის მეურნეობის სამინისტროში, სადაც სამინისტროს მხრიდან გამოითქვა მზაობა, იმუშაონ წარდგენილ კანონპროექტზე და შეიქმნა სამუშაო ჯგუფი.სასოფლო-სამეურნეო კოოპერატივების შესახებ საქართველოს კანონპროექტის განხილვამ შეკრებილი საზოგადოების დიდი ინტერესი გამოიწვია.  კანონპროექტის შემდგენელ სამუშაო ჯფუფსა და ფერმერებს შორის ცოცხალი დისკუსია ორსაათზე მეტხანს გაგრძელდა.

აჭარა. 29 იანვარს, ბათუმის შოთა რუსთაველის სახელმწიფო უნივერსიტეტის საკონფერენციო დარბაზში აჭარის ავტონომიური რესპუბლიკის სოფლის მეურნეობის სამინისტრომ გამართა, 2013 წლის მიზნობრივი პროგრამების, საჯარო განხილვა. შეხვედრას მინისტრი – ზაურ ფუთკარაძე უძღვებოდა, ასევე მონაწილეობას ღებულობდნენ აჭარის ა.რ. საბჭოს აგრარული კომისიის წევრები, აგრარულ სფეროში მომუშავე მეცნიერები , ფერმერები, მეწარმეები, მედიისა და არასამთავრობო ორგანიზაციების წარმომადგენლები. აღნიშნულის მიზანს წარმოადგენდა, საზოგადოების ინფორმირება სამინისტროს მიმდინარე საქმიანობის და სამომავლო ხედვების შესახებ. შეხვედრის მონაწილებმა განიხილეს 2013 წლის მიზნობრივი პროგრამები, რეგინში აგრარული სფეროს პრიორიტეტები და განვიტარების პოტენციალი.

თბილისი. 17 იანვარს სასტუმროში „ბეტსში" ოქსფამ დიდი ბრიტანეთის ორგანიზებითა და სოფლის მეურნეობის სამინისტროს ინიციატივით, გაიმართა სასოფლო–სამეურნეო კოოპერტივების მხარდაჭერის შესახებ კანონპროექტის განხილვა. შეხვედრას ესწრებოდნენ სოფლის მეურნეობის მინისტრის მოადგილე დავით შერვაშიძე, სამინისტროს სამართლებრივი დეპარტამენტის,  საზოგადოებრივი და დონორი ორგანიზაციების წარმომადგენლები. სამინისტროს სამართლებრივი დეპარტამენტის ხელმძღვანელის მიერ კანონპროექტის პრეზენტირების შემდგომ გაიმართა ხანგრძლივი დისკუსია კანონპროექტის საბოლოო რედაქციის შესახებ. შეხვედრის შემდეგ, მონაწილეები შეთანმხდნენ, რომ დამატებითი კონსულტაციები, თავდაპირველად, ელექტრონული ფრომით გაგრძელდება, ხოლო კანონპროექტის პარლამენტში წარდგენამდე გაიმართება მსგავსი ტიპის შეხვედრა.

კახეთი. სახელმწიფო სერვისების განვითარების სააგენტოში სოფლის განვითარების სფეროში ინოვაციური პროექტების გამოსავლენად გამართულ საგრანტო კონკურსში გამარჯვებულები  დააჯილდოვეს. ღონისძიება გაიმართება იუსტიციის სახლში, სადაც ყველა ფინალისტს საგრანტო კონკურსში მონაწილეობისათვის  სერთიფიკატები გადაეცა, ხოლო გამარჯვებულმა ირაკლი როსტომაშვილმა, საგრანტო თანხა – 4466 ლარი და გამარჯვებულის სერთიფიკატი მიიღო. გამარჯვებული იდეა, სახელწოდებით „ინოვაციური პროექტების ხელშეწყობა სოფლის განვითარების სფეროში", კახეთში ფერმერული მეურნეობის ვებ-პორტალის შექმნას ითვალისწინებს.   სახელმწიფო სერვისების განვითარების სააგენტოს მიერ სოფლად მულტიფუნქციური სერვის-ცენტრების კონცეფცია შემუშავდა. ამ კონცეფციით შეიქმნა და უკვე ფუნქციონირებს საზოგადოებრევი ცენტრები შაშიანში, სართიჭალასა და გომში. აღნიშნული ცენტრები თანამედროვე ტექნოლოგიებით არის აღჭურვილი და ადგილობრივ მოსახლეობას სხვადასხვა ტიპის მომსახურებას აწვდის.

კახეთი. არასამთავრობო ორგანიზაცია „მოლმა" რამდენიმე დღის წინ ლაგოდეხში ადგილობრივ ფერმერებსა და მუნიციპალიტეტის გამგეობის წარმომადგენლებთან შეხვედრა  გამართა. შეხვედრა ეხებოდა კახეთის რეგიონში მიმდინარე პროექტს - „საბაზრო შესაძლებლობები საარსებო პირობების გასაუმჯობესებლად". პროექტის, „საბაზრო შესაძლებლობები საარსებო პირობების გასაუმჯობესებლად", ხელმძღვანელის მოადგილემ ალექსანდრე ღოღობერიძემ დამსწრე საზოგადოებას წარუდგინა პრიორიტეტები და მოისმინა ადგილობრივ ფერმერების მოსაზრებები:,,შეხვედრაზე ბევრი ვისაუბრეთ და აქტუალური საძოვრების, ვეტერინარიის და მექანიზაციის  თემები აღმოჩნდა. ფერმერებმა ასევე ისაუბრეს  მიწის საკუთრების დაცვის მექანიზმებსა  და საჯარიმო სანქციებთან დაკავშირებით  საქართველოს  კანონმდებლობაში  არსებულ  ხარვეზებზე". „მოლი"  კახეთის რეგიონში შეხვედრებს განაგრძობს.

თბილისი. 30 ნოემბერს სამოქალაქო საზოგადოების ინსტიტუტმა გამართა სოფლად სიღარიბის დაძლევის მოდელების პრეზენტაცია.  მოდელები შემუშავებულია ოქსფამის პროექტის ფარგლებში, რომელიც 5 წლის განამვლობაში მიმდინარეობდა საქართველოს ორ რეგიონში სამეგრელოსა და აჭარაში. პროექტის მთავარი ამოცანა გახლდათ სიღარიბის დაძლევის ხელშეწყობა, რისთვისაც წინასწარ შერჩეულ უკიდურეს სიღარიბეში მყოფ ოჯახებს გადაეცათ საწარმოო კაპიტალი, უტარდებოდათ თეორიული და პრაქტიკული მეცადინეობა მეკარტოფილეობაში, მებოსტნეობაში, მეცხოველეობასა და მეფუტკრეობაში. პარალელურად გაიცემოდა ინდივიდუალური კონსულტაციები და რჩევები.  შეხვედრაზე აჩვენეს ამ თემაზე შექმნილი დოკუმენტური ფილმი. განსაკუთრებული ინტერესი გამოიწვია სამოქალაქო საზოგადოების ინსტიტუტის ინიციატივამ - ფერმერსა და სპეციალისტს შორის ეფექტური კომუნიკაციის მოდელმა - რომლის ფარგლებშიც აჭარის რეგიონში შეიქმნა – ეკო-კლუბები. ეკო-კლუბის წევრები იყვნენ უფროსი კლასის  მოსწავლეები, რომლებიც დადიოდნენ პროგრამის ბენეფიციარებთან, აგროვებდნენ ინფორმაციას, შემდეგ კი  სკაიპით უგზავნიდნენ დაზიანებული მცენარის შესახებ სურათს ან ინფორმაციას სპეციალისტს და ამგვარად იღებდნენ კონსულტაციას.  პროექტის მესვეურების აზრით ამ ინიციატივამ, არამხოლოდ გაამარტივა ფერმერსა და ექსპერტს შორის კომუნიკაცია, არამედ ახალგაზრდებიც დააინტერესა სოფლის მეურნეობით და ჩართო ამ სფეროში.  შეხვედრას ესწრებოდნენ სფეროში მომუშავე საზოგადობერივი ორგანიზაციები, დონორი ორგანიზაციის წარმომადგენლები,  პროგრამის ბენეფიციარები და ასევე საქართველოს სოფლის მეურნოების სამინისტროს წარმომადგენლები, რომლებმაც გამოთქვეს სურვილი იმ საზოგადოებრივ ორგანიზაციებთან ურთიერთობისა, რომლებმაც ამ სფეროში გარკვეული გამოცდილება დააგროვეს. 

კახეთი. 22 ნოემბერს, დედოფლისწყაროში, CENN-მა ჩაატარა შეხვედრა, რომლის მიზანი იყო დედოფლისწყაროს მუნიციპალიტეტის საკვები სავარგულების გაუმჯობესებისათვის შემუშავებული ღონისძიებების წარდგენა. შეხვედრაში მონაწილეობა მიიღეს სოფლის მეურნეობის ექსპერტებმა, თემებისა და ადგილობრივი ხელისუფლების შესაბამისი სამსახურების წარმომადგენლებმა და მცირე ფერმერებმა.  განხილულ იქნა USAID-ის მხარდაჭერით მიმდინარე პროექტის – კლიმატის ცვლილებასთან ადაპტაცია და ბუნებრივი კატასტროფების რისკის შემცირება (CCADM), ფარგლებში მომზადებული დედფლისწყაროს მუნიციპალიტეტის საძოვრების მოვლის რეკომენდაციები და შესაბამისი ანგარიში.  მონაწილეებს გადაეცათ ადგილობრივ ფერმერთათვის შემუშავებული საძოვრების გამოყენების მოკლე გზამკვლევი.  წყარო: CENN

შიდა ქართლი. სამოქალაქო საზოგადოების ინსტიტუტისა და ოქსფამ დიდი ბრიტანეთის საქართველოს წარმომადგენლობის ინიციატივით 20 ნოემბერს, გორში გაიმართა სასოფლო–სამურნეო კოოპერაციის შესახებ საკანონმდებლო პაკეტის განხილვა. შეხვედრას ესწრებოდნენ შიდა ქართლსა და მცხეთა–მთიანეთში არსებული კოოპერატივების, ფერმერთა ასოციაციების წევრები, დამოუკიდებელი ფერმერები და გორის ადგილობრივი ხელისუფლების წარმომადგენლები. კანონპროექტზე მომუშავე ევროკავშირის, გაეროს განვითარების პროგრამის, ოქსფამის, ასოციაცია „ელკანასა" და სამოქალაქო საზოგადოების ინსტიტუტის ექსპერტებმა წარადგინეს შემუშავებული კანონპროექტი. პრეზენტაციის შემდეგ გაიმართა აქტიური დისკუსია საკანონმდებლო პაკეტის სამომავლო რედაქციის შესახებ. მონაწილეებმა იმსჯელეს სასოფლო–სამეურნეო კოოპერაციის დამაბრკოლებელ გარემოებებსა და მათ გამოსწორების შესაძლებლობებზე. აღინუსხა გამოთქმული შენიშვნები და რეკომენდაციები მათი სამომავლო გათვალსწინების მიზნით. მსგავსი ფორმატისა და შინარსის შეხვედრა დეკემბერში ოზურგეთში იგეგმება.

აჭარა. 16 ნოემბერს, სამოქალაქო საზოგადოების ინსტიტუტისა და ოქსფამის ორგანიზებით გაიმართა შეხვედრა თემაზე: „სოფლად სიღარიბის დაძლევის მოდელები". სამოქალაქო საზოგადოების ინსტიტუტი, ეკონომიკური განვითარების პროგრამის ფარგლებში, ოქსფამის ფინანსური მხარდაჭერით, აქტიურად მუშაობს ამ მიმართულებით, აღნიშნული პროექტი საქართველოს 2 რეგიონში (სამეგრელო, აჭარა) განხორციელდა და მის მიზანს სიღარიბის დაძლევის ხელშეწყობა წარმოადგენდა.  წინასწარ შერჩეულ უკიდურეს სიღარიბეში მყოფ ოჯახებს გადაეცათ საწარმოო კაპიტალი, უტარდებოდათ თეორიული და პრაქტიკული მეცადინეობა მეკარტოფილეობაში, მებოსტნეობაში, მეცხოველეობასა და მეფუტკრეობაში. პარალელურად გაიცემოდა ინდივიდუალური კონსულტაციები და რჩევები. გამოყენებილი იქნა ეტაპობრივი თანამონაწილეობის პრინციპიც.  შეხვედრაზე წარმოდგენილი იყო ამ ორგანიზაციების მიერ აპრობირებული სოფლად სიღარიბის დაძლევის მოდელი. გამოცდილების გაზიარების მიზნით, პროექტის აქტივობებსა და მოდელზე მომზადდა ფილმი, რომელიც ორგანიზატორებმა აჩვენეს შეხვედრაზე, რის შემდეგაც გაიმართა დისკუსია. შეხვედრას ესწრებოდნენ ადგილობრივი ხელისუფლების, რეგიონში მომუშავე საერთაშორისო და ადგილობრივი არასამთავრობო ორგანიზაციების წარმომადგენლები და პროექტში ჩართული ბენეფიციარები.

სამეგრელო. სამოქალაქო საზოგადოების ინსტიტუტმა (სი–ეს–აი) დღეს, 15 ნოემბერს, ზუგდიდში სამხარეო ადმინისტრაციის საკონფერენციო დარბაზში, პროგრამის – „სოფლად სიღარიბის დაძლევის მოდელები"  – 5 წლიანი შედეგები შეაჯამა. პროექტის მენეჯერის ია გაბუნიას თქმით, პროექტი სამეგრელოსა და აჭარაში, საერთაშორისო ორგანიზაცია „ოქსფამის" ფინანსური მხარდაჭერით განხორციელდა. მისივე თქმით, პროექტის მთავარი ამოცანა იყო სოფლად მაცხოვრებელი უკიდეურეს სიღარიბეში მყოფი ადამიანების საარსებო პირობების გაუმჯობესება. პროექტის ფარგლებში, 150 ოჯახს დაურიგდა საწარმოო კაპიტალის სახით ყველა საჭირო საშუალება წარმოების დასაწყებად. „თავდაპირველად ფერმერთა ჯგუფებს უფინანსდებოდათ საწარმოო კაპიტალის 100%, ყოველ წელს კი, ჩვენი მონაწილეობა 25%–ით მცირდებოდა. ხუთი წლის ბოლოს ბენეფიციარებს მიეცათ საშუალევბა, რომ მთლიანად დაეფინანსებინათ საკუთარი მეურნეობები", – განაცხადა ია გაბუნიამ. შეხვედრაზე გაიმართა პროექტის ფარგლებში განხორციელებული საქმიანობის ამსახველი დოკუმენტური ფილმის ჩვენება. შეხვედრას ესწრებოდნენ ადგილობრივი თვითმმართველობის და არასამთავრობო ორგანიზაციის წარმომადგენლები.

თბილისი. 21-25 ოქტომბერს „აგრო განვითარების ჯგუფის" ორგანიზებით კომპანია ,,ბიოვეტის" წარმომადგენლები ქართველი მეფრინველე ფერმერებისთვის 4 დღიან ტრენინგს ჩაატარებენ. დაგეგმილია მათი ვიზიტები მოქმედ ფერმებში.   სრულად წყარო: agro.ge

7–13 ოქტომბერს პროექტის „ლიდერთა აკადემია" ფარგლებში მოეწყო სასწავლო ვიზიტი პოლონეთში. სასწავლო ვიზიტში მონაწილეობას იღებდნენ პროექტის ბენეფიციარები ქედის, ამბროლაურის, ჭიათურის, ტყიბულისა და თერჯოლის მუნიციპალიტეტებიდან. ვიზიტის მიზანი იყო ქართველ და პოლონელ სოფლად მცხოვრებ ლიდერებს შორის გამოცდილების გაზიარება, წარმატებული მაგალითებისა და მუშაობის პრინციპების გაცნობა.    ბენეფიციარებმა მოინახულეს პოლონეთის სხვადასხვა სოფელი, სადაც ადგილობრივმა ლიდერებმა წარმოადგინეს სხვადასხვა საგანმანათლებლო პროექტი და აქტივობა, რომლებსაც ისინი ახორციელებენ ადგილობრივ მოსახლეობასთან ერთად თემების სოციალური, ეკონომიკური და ეკოლოგიური განვითარებისთვის.  პროექტი „ლიდერთა აკადემია" ხორციელდება პოლონური ორგანიზაციის „ფონდი მდგრადი განვითარებისათვის" მიერ ტყიბულის განვითარების ფონდთან, ასოციაცია CENN-თან, „ელკანასთან" და შავი ზღვის ეკო-აკადემიასთან თანამშრომლობით. წყარო: CENN

თბილისი. კლიმატის ცვლილებასთან ადაპტაცია და ბუნებრივი კატასტროფების რისკის შემცირების(CCADM) პროექტის ფარგლებში, რომელსაც CENN ახორციელებს საქართველოს ექვს მუნიციპალიტეტში USAID-ის მხარდაჭერით, გამოიცა  ბროშურა – „ნიადაგის ბიოინჟინრული ტექნოლოგიები".  ბროშურა მომზადდა ამერიკის შეერთებული შტატების სოფლის მეურნეობის დეპარტამენტის სატყეო სამსახურის მიერ 2002 წელს გამოცემული სახელმძღვანელოს – A Soil Bioengineering Guide for Streambank and Lakeshore Stabilization – მე-5 თავის (ნიადაგის ბიოინჟინრული ტექნოლოგიები) თარგმანისა და საქართველოს რეალობისათვის მისადაგების საფუძველზე. ბროშურა გამიზნულია სოფლად მცხოვრები მოსახლეობისათვის, ლანდშაფტის არქიტექტორებისა და მათთვის, ვინც ბიოინჟინრული ტექნოლოგიებით ნიადაგის დაცვის პროექტებს ახორციელებს. ბროშურაში აღწერილ ტექნოლოგიებს იყენებენ აშშ-ს სატყეო სამსახური, გარემოსდაცვითი და ბიზნესორგანიზაციები მდინარეებისა და ტბების ნაპირების გასამაგრებლად. ბროშურა – „ნიადაგის ბიოინჟინრული ტექნოლოგიები" წყარო: cenn

თბილისი. გაეროს განვითარების პროგრამა (UNDP) დახმარებას გაუწევს სტიქიური უბედურების შედეგად დაზარალებულ კახეთის ფერმერებს. სოფლის მეურნეობის სპეციალისტები და კონსულტანტები გურჯაანის, თელავის, ყვარლისა და ლაგოდეხის მუნიციპალიტეტების 30-ზე მეტ სოფელს ეწვევიან. მათი დახმარებით ფერმერები სეტყვით დაზიანებული ვენახებისა და ხეხილის ბაღების რეაბილიტაციას შეძლებენ.  კახეთის რეგიონში უკვე მუშაობს ოთხი საკონსულტაციო ჯგუფი, რომელთა შემადგენლობაში შედიან საქართველოს აგრარული უნივერსიტეტის და კაჭრეთის პროფესიულ კოლეჯთან არსებული სასოფლო-სამეურნეო ექსტენციის ცენტრის გამოცდილი სპეციალისტები.  თეორიული კონსულტაცია და პრაქტიკული ტრენინგი მოიცავს მცენარეთა მოვლას და მკურნალობას, პესტიციდებისა და სასუქების სწორად და დროულად გამოყენებას, დაზიანებული ვენახებისა და ხეხილის ბაღების დაცვას და რეაბილიტაციას.  დღემდე კონსულტაცია და ტრენინგი 700 ფერმერმა გაიარა. სექტემბრის ბოლომდე საკონსულტაციო დახმარებას 1500-მდე ფერმერი მიიღებს. 600 სასოფლო-სამეურნეო ნაკვეთზე ჩატარდება სადემონსტრაციო სამუშაოები და გაიცემა პრაქტიკული რეკომენდაციები.      დახმარების პროგრამა 2012 წლის დეკემბრამდე გაგრძელდება. აგრონომიული კონსულტაციების გარდა ფერმერებთან იმუშავებენ აგრო-ბიზნესის სპეციალისტებიც, რომლებიც რჩევებს მისცემენ ფერმერებს ფინანსური ზარალის შემცირებისა და მეურნეობის სამომავლო განვითარების საკითხებზე.   კახეთის ფერმერთა დახმარების პროგრამა დაიწყო 2012 წლის აგვისტოში მას შემდეგ, რაც ძლიერმა წვიმამ, სეტყვამ და ქარბორბალამ დააზიანა სასოფლო-სამეურნეო ნარგავები რეგიონის ოთხ მუნიციპალიტეტში და პირდაპირი ზარალი მიაყენა 17 ათასზე მეტ ოჯახს.   გაეროს განვითარების პროგრამა (UNDP) 2006 წლიდან მუშაობს კახეთის რეგიონში. UNDP-ის დახმარება მოიცავს რეგიონის ეკონომიკური განვითარების მხარდაჭერას, პროფესიული განათლების განვითარებას და ფერმერთა საკონსულტაციო მომსახურების ხელშეწყობას.  წყარო: cenn

სამცხე–ჯავახეთი. „აგრო განვითარების ჯგუფი" 14 სექტემბრიდან სამცხე-ჯავახეთში (ახალციხის, ადიგენის, ასპინძის, ნინოწმინდისა და ახალქალაქის მუნიციპალიტეტები) ფერმერთა მომსახურების ცენტრებისა და ვეტაფთიაქების განვითარება-გაძლიერებას იწყებს. ორგანიზაციის მიზანია აღნიშნულ რეგიონში თანამედროვე ტექნოლოგიების შეტანა და დანერგვა, ფერმერებთან და ვეტექიმებთან საგანმანათლებლო-საკვალიფიკაციო საქმიანობა. ასევე დაგეგმილია აღნიშნული მუნიციპალიტეტების მონაცემთა ბაზის (ცხოველთა და ფერმერთა სტატისტიკა, დაავადებების აღრიცხვა) წარმოება. სრულად წყარო: agro.ge

თბილისი.სასოფლო–სამეურნეო კულტურათა ეკოლოგიურად უსაფრთხო მეთოდოლოგიით დაინტერესებულ პირებს საშუალება აქვთ გაეცნონ სამოქალაქო საზოგადოების ინსტიტუტის მიერ გამოცემულ ნაშრომს – „სოფლად სიღარიბის დაძლევის მოდელები". ნაშრომი ეფუძნება ინსტიტუტის მიერ განხორციელებულ პროექტებში გამოყენებულ სქემებს და მოდელებს, რომელთა მეშვეობითაც უკიდურეს გაჭირვებაში მყოფი ფერმერების ეკონომიკური მდგომარეობა მნიშვნელოვნად გაუმჯობესდა. ასევე ნაშრომი მოიცავს ეკონომიკურ განვითარებაზე ორიენტირებული სხვადასხვა მოდელის ფართო მასშტაბით დანერგვის კონკრეტულ წინადადებებს. როგორც უკვე აღვნიშნეთ, ინსტიტუტი აღნიშნული მიმართულებით მრავალწლიანი გამოცდილება აქვს. ჯერ კიდევ 2005 წლიდან დაიწყო სიღარიბის დაძლევისა და დასაქმების ხელშეწყობის (როგორც ქალაქად, ისე სოფლად) პროექტებზე მუშაობა. OXFAM GB-ის მიერ დაფინანსებულ ხუთწლიან ინტენსიურ პროგრამაზე, რომლის მთავარი პრიორიტეტი სოფლის მეურნეობით დაკავებული უკიდურეს სიღარიბეში მაცხოვრებელი მოსახლეობის საარსებო პირობების გაუმჯობესება და დასაქმებულთა უფლებების დაცვის ხელშეწყობა იყო. პროგრამა განხორციელდა მაღალმთიანი აჭარისა და სამეგრელოს რეგიონებში. მოგვიანებით, ევრაზიის თანამშრომლობის ფონდის დაფინანსებით განხორციელდა პროექტი, რომელიც მიზნად ისახავდა სასოფლო–სამეურნეო კულტურათა ეკოლოგიურად უსაფრთხო მეთოდოლოგიით წარმოების სწავლა–დემონსტრირებას მაღალმთიან აჭარაში. მიღწეულ შედეგებზე დაყრდნობით ჩამოყალიბდა ერთიანი ტექნოლოგიურ–ადმინისტრაციული მოდელი. რომელიც ორიენტირებულია სოფლის მეურნეობის წარმოებისას გარემოზე უარყოფითი ზეგავლენის შემცირებისა და სასოფლო–სამეურნეო კულტურათა მოსავლიანობის გაზრდაზე. ნაშრომი სწორედ ამ გამოცდილებას ასახავს. სოფლად სიღარიბის დაძლევის მოდელები

თბილისი. როგორი უნდა იყოს ქართული სოფელი და რა ფუნქცია უნდა შეასრულოს მან ქვეყნის ეკონომიკურ განვითარებაში –  ეს არის „ახალგაზრდა ფინანსისტთა და ბიზნესმენთა ასოციაციის (აფბა)" ახალი პროექტის მთავარი თემა. პროექტ „ქართული სოფლის" პრეზენტაცია  დღეს ორგანიზაციის წარმომადგენლებმა სასტუმრო „ძველ მეტეხში" გამართეს. პროექტის ფარგლებში ჩატარდება კვლევა, რომელიც ქართული სოფლის მომავლის, აგრარული პოლიტიკისა და სოფლის მეურნეობის სამომავლო სტრუქტურის შესახებ მოიცავს ორგანიზაციის ხედვას. კვლევაში აისახება არსებული სიტუაციის ანალიზი და შემოთავაზებული იქნება რეკომენდაციები, რომელიც საბოლოოდ  აღმასრულებელ ხელისუფლებას მიეწოდება. „ახალგაზრდა ფინანსისტთა და ბიზნესმენთა ასოციაცია – აფბა" აცხადებს, რომ საერთაშორისო ორგანიზაციები არ ინტერესდებიან მსგავსი თემებით. „აფბა იმედოვნებს, რომ საქართველოში მოქმედი უცხოური და ქართული ფონდები დააწესებენ გრანტებს ამ მიმართულებით უაღრესად აქტუალური კვლევებისათვის, თავის მხრივ „აფბა" მონაწილეობას მიიღებს ასეთ საგრანტო კონკურსებში" – ნათქვამია ორგანიზაციის მიერ პრესისთვის განკუთვნილ რელიზში.   "აფბას" მედია–რელიზი 

კახეთი. თელავის სახელმწიფო უნივერსიტეტს, 4 ივნისს, იაპონიის საგანგებო და სრულუფლებიანი ელჩი საქართველოში მასაიოში კამოჰარა ესტუმრა. იგი აგრარულ მეცნიერებათა სკოლის სტუდენტებისა და პროფესორ მასწავლებლების შეხვდა.  მათ, სამომავლო გეგმებზე ისაუბრეს. მასაიოში კამოჰარა, იაპონიის ელჩი საქართველოში: ,,ვაპირებთ, დავაფუძვნოთ საქართველო-იაპონიის ურთიერთობის ასოციაციის კახეთის ფილიალი, რაც  ხელს  შეუწყობს კახეთის რეგიონისა და იანსეს პრეფექტურის მჭიდრო ურთიერთკავშირს სოფლის მეურნეობის, კერძოდ კი ღვინის წარმოების სფეროში. გარდა ამისა, ამ ორი რეგიონის უნივერსიტეტს შორის დამყარდება პარტნიორული ურთიერთობები და სტუდენტებს ექნებათ საშუალება შეისწავლონ ღვინის წარმოების ტექნოლოგიები".