თბილისი. სოფლის განვითარების ფართომასშტაბიანი ხელშეწყობის ფარგლებში, ევროკავშირი, გაეროს განვითარების პროგრამასთან (UNDP) თანამშრომლობით, იწყებს საგანმანათლებლო სემინარებს არასამთავრობო ორგანიზაციებისთვის საქართველოს რეგიონებში.  „სემინარები სიდა-ს ორგანიზებით 8 მუნიციპალიტეტში ჩატარდება და მასში მონაწილეობას არასამთავრობო ორგანიზაციების წარმომადგენლებთან ერთად სამოქალაქო აქტივისტებიც მიიღებენ. 7-8 ოქტომბერს სემინარები ლაგოდეხისა და თეთრიწყაროს მუნიციპალიტეტებში გაიმართა“, ნათქვამია ორგანიზაციის გვერდზე სოციალურ ქსელში.  სრულად... წყარო: ორგანიზაციის გვერდი სოციალურ ქსელში

აჭარა. სოფლის განვითარების ფართომასშტაბიანი ხელშეწყობის ფარგლებში, ევროკავშირი (EU), გაეროს განვითარების პროგრამასთან (UNDP) თანამშრომლობით, საქართველოს 8 მუნიციპალიტეტში, საზოგადოებრივი ორგანიზაციებისთვის საგანმანათლებლო  სემინარები დაიწყო. სემინარებში, რომლის მთავარი თემა სოფლის განვითარებაში სამოქალაქო საზოგადოების მონაწილეობა და ადვოკატირებაა, უკვე 60-მდე მონაწილე ჩაერთო ლაგოდეხიდან, თეთრიწყაროსა და დედოფლისწყაროდან. 2019 წლის ბოლომდე მსგავსი შეხვედრები კიდევ ხუთ მუნიციპალიტეტში გაიმართება – ახალქალაქში, ბორჯომში, ყაზბეგში, ქედასა და ხულოში.  ტრენინგი არასამთავრობო ორგანიზაციებისთვის ევროკავშირის გრძელვადიანი დახმარების ნაწილია, რომელიც ხელს უწყობს საქართველოში სოფლის განვითარების ეფექტიანი პოლიტიკის შექმნას და სოფლად მცხოვრები მოსახლეობის ეკონომიკური შესაძლებლობების გაზრდას. სოფლის განვითარების პროგრამა, ENPARD, 2013 წლიდან ხორციელდება და 2022 წლამდე გაგრძელდება, ხოლო მისი სრული ბიუჯეტი 179.5 მილიონ ევროს შეადგენს.  სრულად...  წყარო: http://enpard.ge

აჭარა. ევროკავშირის მხარდაჭერით, ქედის, შუახევის და ხულოს მუნიციპალიტეტებსთვის ეკონომიკური განვითარების ერთობლივი გეგმა შემუშავდა.  საჯარო, კერძო და სამოქალაქო სექტორის 50-ზე მეტი წარმომადგენელმა მონაწილეობა მიიღო ქედის, შუახევის და ხულოს მუნიციპალიტეტების ეკონომიკური განვითარების გეგმის განხილვაში. დოკუმენტი ევროკავშირის მხარდაჭერით პროექტის, „მერები ეკონომიკური ზრდისთვის“, ფარგლებში შემუშავდა, ქედასა და ხულოში მიმდინარე ENPARD-ის სოფლის განვითარების პროექტებისა და ადგილობრვი განვითარების ჯგუფების აქტიური ჩართულობით.  ეკონომიკური განვითარების გეგმის მიზანია საერთო ინტერესების რეალიზაცია, მონაწილე მუნიციპალიტეტებს შორის ეკონომიკური განვითარების საკითხებში კოორდინაციის გაძლერება და ერთობლივი მოქმედება ადგილობრივი ეკონომიკის განვითარებისთვის.  სრულად...  წყარო: http://enpard.ge

თბილისი. ევროკავშირი (EU) და საფრანგეთის განვითარების სააგენტო (AFD), ფრანკფურტის ფინანსებისა და მენეჯმენტის სკოლასთან, მერსი ქორფსთან, ასოციაცია სამხარეო განვითარება მომავალი საქართველოსთან (RDFG) და ლუარეს სოფლის მეურნეობის პალატასთან პარტნიორობით, ოფიციალურად იწყებს ახალ პროექტს სოფლის მეურნეობისა და სოფლის განვითარების ევროპის სამეზობლო პროგრამის (ENPARD) ფარგლებში, მცირე კომერციული მეურნეობებისა და კოოპერატივების მხარდასაჭერად საქართველოში.  აღნიშნული პროექტი წარმოადგენს გლობალური პროგრამის ნაწილს, რომლის მიზანია ფინანსური ინკლუზიურობის დონის ამაღლება და ბაზრებთან წვდომა მცირე კომერციული მეურნეობებისთვის. პირველი კომპონენტი დაფინანსდა Proparco-ს, AFD-ის სუბსიდიარი კომპანიის მიერ, რომელიც კერძო სექტორს შეეხო აგროსაკრედიტო ხაზების გახსნით ორი ძირითად საფინანსო დაწესებულებისთვის საქართველოში.  სრულად  წყარო: http://enpard.ge

ევროკავშირის პარტნიორი ორგანიზაციები: „მერსი ქორფსი“, „ქეა“ და „ფიფლ ინ ნიდ“, რომლებიც ახორციელებენ ევროკავშირის მიერ დაფინანსებულ ENPARD-ის პროექტს “სოფლის განვითარების მოდელების სრულყოფა საქართველოში” და ევროკავშირის მიერ მხარდაჭერილი ბორჯომის, ლაგოდეხისა და ყაზბეგის ადგილობრივი განვითარების ჯგუფის წევრები მონაწილეობას იღებდნენ ლიდერ მიდგომის გარშემო გაერთიანებული საზოგადოების-LINC კონფერენციაში, ესტონეთში.  LINC არის ევროპული LEADER კონფერენცია, რომლის ფარგლებშიც ევროპული გამოცდილების გაზიარება თანხვდება სპორტული ღონისძიებებისა და ევროპული კულინარიის ერთობლივ დემონსტრირებას. ის წარმოადგენს LAG-ებისა და ავსტრიის, გერმანიის, ესტონეთისა და ფინეთის სოფლის განვითარების კავშირების ინიციატივას. კონფერენცია ევროპული LEADER მიდგომის გამოყენებით სოფლის განვითარებისათვის მიღწეული შედეგებისა და ინოვაციური მეთოდების წარმოჩენას, LEADER მიდგომის განმახორციელებელი ევროპის ქვეყნების წარმომადგენლებს შორის პროფესიული გამოცდილების გაცვლასა და საერთაშორისო თანამშრომლობისათვის კავშირების ჩამოყალიბებას ისახავდა მიზნად.  სრულად...  წყარო: http://enpard.ge

სამეგრელო. 19 სექტემბერს, ასოციაცია „ათინათის“ ახალგაზრდული ცენტრის წევრები იმყოფებოდნენ სოფელ დარჩელში ადგილობრივ ფერმერ, მარიკა კოდუასთან.  „ვიზიტის ფარგლებში ახალგაზრდებმა დაათვალიერეს ფერმა, სილოსის გადასამუშავებელი ქარხანა, ტექნიკური დანადგარები, თხილის ნაკვეთი და გაიგეს მისი მოვლის აუცილებელი კომპონენტების შესახებ და მიიღეს საინტერესო რჩევები“, ნათქვამია ორგანიზაციის გვერდზე სოციალურ ქსელში.  სრულად...  წყარო: ორგანიზაციის გვერდი სოციალურ ქსელში

კახეთი. გაეროს სურსათისა და სოფლის მეურნეობის ორგანიზაციამ (FAO) ევროკავშირის მიერ დაფინანსებული სოფლისა და სოფლის მეურნეობის განვითარების ევროპული სამეზობლო პროგრამის (ENPARD) ფარგლებში, ფერმერებისა და დაინტერესებული მხარეებისთვის ლაგოდეხში ფერმერთა საველე დღე გამართა და სოფლის მეურნეობის კონსერვაციისა და მცენარეთა მავნებლების მართვის საუკეთესო პრაქტიკა გაუზიარა.  ფერმერთა საველე დღეები, საქართველოში სასოფლო-სამეურნეო ექსტენციის გაძლიერების მიზნით, FAO-ENPARD-ის პროექტის ფარგლებში, გარემოს დაცვისა და სოფლის მეურნეობის მინისტროს მხარდასაჭერად ტარდება. FAO ორგანიზებას უკეთებს ფერმერთა სკოლებს, თეორიულ და პრაქტიკულ ტრენინგებს ფერმერებისთვის, საინფორმაციო-საკონსულტაციო ცენტრების თანამშრომლებისა და აგრარული უნივერსიტეტის სტუდენტებისთვის. გარდა ამისა, მიმდინარეობს კარტოფილის, ბადრიჯნის, ხორბლის, სიმინდის, კიტრისა და ტკბილი სიმინდის სადემონსტრაციო ნაკვეთების მოწყობა დედოფლისწყაროში, ახალქალაქში, ყაზბეგსა და ლაგოდეხში.  სრულად...  წყარო: http://enpard.ge

ქვემო ქართლი. თეთრიწყაროს მუნიციპალიტეტში თოკების პარკის ატრაქციის, ალგეთის ეროვნული პარკის ვიზიტორთა ცენტრისა და წარმატებული საგრანტო აპლიკანტებისათვის აღჭურვილობის გადაცემის ღონისძიება გაიმართა. ვროკავშირის ENPARD პროგრამის ფარგლებში, ასოციაციამ სამხარეო განვითარება მომავალი საქართველოსთვის (RDFG) და თეთრიწყაროს ადგილობრივი განვითარების ჯგუფმა (LAG) წარმატებით დაასრულა სოფლის განვითარების საგრანტო პროგრამის ორი ფაზა, რომლის ფარგლებშიც დაფინანსდა 65 სოფლის განვითარების პროექტი, რომელთა ღირებულებამაც ჯამში 5 მლნ ლარი შეადგინა (თანხის 35% პროცენტი ბენეფიციართა წვლილმა შეადგენა). შერჩეული სოფლის განვითარების პროექტები თეთრიწყაროს მუნიციპალიტეტის მოსალეობისათვის 300-ზე მეტ სამუშაო ადგილს შექმნის, დასაქმებულთაგან 40% კი ქალი იქნება.  სრულად...  წყარო: enpard.ge

რაჭა-ლეჩხუმ-ქვემო სვანეთი. სოციალური ინტეგრაცია, საკომუნიკაციო და ინტერპერსონალური უნარების განვითარება იყო ახალგაზრდული საზაფხულო ბანაკის წამყვანი თემები, რომელიც ევროკავშირის მხარდაჭერით და ახალქალაქის ადგილობრივი განვითარების ჯგუფის (LAG) ინიციატივით რაჭაში გაიმართა. ღონისძიება ევროკავშირის პროექტის “სოფლის განვითარების ახალი მიდგომის ხელშეწყობა ახალქალაქში” ფარგლებში შედგა.  ბანაკის მსვლელობისას ახალგაზრდები გაეცნენ რაჭის რეგიონის ისტორიას, მოინახულეს კულტურულ–ისტორიული და რეკრეაციული ადგილები, მიიღეს ინფორმაცია რეგიონის საგანმანათლებლო, პროფესიული დაწესებულების სასწავლო პროგრამების შესახებ, შეისწავლეს ადგილობრივი ტრადიციული ხელსაქმის – მინანქარზე მუშაობის ხელოვნება. მასპინძელ ოჯახთან ერთად მოამზადეს ადგილობრივი კერძები. ახალგაზრდები გაეცნენ ადგილობრივი ტურიზმის განვითარების ტენდენციებსა და გაუმჯობესებული კომუნიკაციის სწავლების ინოვაციურ მეთოდებს.  სრულად…   წყარო: http://enpard.ge

მცხეთა-მთიანეთი. ბულაჩაურის მწვანე ცენტრმა რიგით მეორე ახალგაზრდა ლიდერთა და ინოვატორთა მწვანე ბანაკს უმასპინძლა. ბანაკი ევროკავშირის ENPARD პროგრამის მხარდაჭერით, CENN-ის ორგანიზებითა და ჩეხეთის რესპუბლიკის კარიტასის მონაწილეობით მოეწყო. მასში მონაწილეობა მიიღეს წალკის, ქედისა და ხულოს მუნიციპალიტეტების მოსწავლეებმა, რომლებიც ღია საკონკურსო წესით იქნენ შერჩეულნი.  ინტენსიური შემეცნებით-გასართობი ბანაკის მიზანი იყო ახალგაზრდებში გარემოს დაცვის, მდგრადი განვითარების, მეცნიერებისა და ტექნოლოგიების შესახებ ცოდნაზე ხელმისაწვდომობის გაუმჯობესება და ახალი შესაძლებლობების შექმნა მომავალ ლიდერთათვის.  სრულად  წყარო: enpard.ge

კახეთი. 2019 წლის 24 ივნისს, ასოციაციის „სამხარეო განვითარება მომავალი საქართველოსთვის“ (RDFG) ორგანიზებით, კაჭრეთში მდებარე პროფესიულ კოლეჯ “აისში”, ევროკავშირის მიერ მხარდაჭერილი RDFG-ის ახალგაზრდული ბანაკის გახსნის ღონისძიება გაიმართა. ახალგაზრდული ბანაკის მიზანია RDFG-ის ახალგაზრდა ფერმერთა ცენტრების (YFC) წევრების ცნობიერების ამაღლება სოფლის მეურნეობისა და პროფესიული განათლების შესახებ. ღონისძიების ფარგლებში, რომელსაც პროფესიული კოლეჯი „აისი“ მასპიძლობს, ახალგაზრდული ბანაკის მონაწილეებს შესაძლებლობა ექნებათ დაესწრონ ტრენინგებს სხვადასხვა მიმართულებით, მათ შორის: მეღვინეობის, ვეტერინარიის, მეფუტკრეობისა და ხილ-ბოსტნეულის გადამუშავების შესახებ, ამასთან, გაეცნონ ინფორმაციას პროფესიული განათლების უპირატესობების შესახებ.  სრულად  წყარო: enpard.ge

სამეგრელო-ზემო სვანეთი. 22 ივნისს მესტიის მუნიციპალიტეტმა უმასპინძლა ადგილობრივი განვითარების მხარდამჭერი ორი პროექტის ოფიციალური გახსნის ღონისძიებას და სახალხო ზეიმს დევიზით „ევროკავშირი სვანეთში“.  ღონისძიების ორგანიზატორები არიან ევროკავშირის დელეგაცია საქართველოში, შვედეთის სამეფოს საელჩო თბილისში, ავსტრიის განვითარებისა და თანამშრომლობია ავსტრიის განვითარების სააგენტო, მესტიის მუნიციპალიტეტი, CARE ავსტრია და PMCG კვლევა. „ევროკავშირი ამაყობს ადგილობრივი განვითარების ორი ფართომაშტაბიანი პროექტის წარდგენას ავსტრიასა და შვედეთის თანამონაწილეობით. მომავალ წელს ჩვენ გეგმა დვისახაეთ ხელი შევუწყოთ სოფლის მეურნეობის მდგრად განვითარებას და ხანგრძლივი სამუშაო ადგილების შექმნას სვანეთში. ჩვენი საბოლოო მიზანია, რომ გავაუმჯობესოთ მაღალმთიანი მოსახლეობის ცხოვრების ხარისხი.“ აღნიშნა ევროკავშირის წარმომადგენლობის პროექტების განყოფილების უფროსმა ვინსენტ რეიმ.  სრულად  წყარო: http://enpard.ge

კახეთი. ევროკავშირის მხარდაჭერით, ორგანიზაციებმა - Action Against Hunger და კახეთის რეგიონალური განვითარების ფონდი (KRDF), ახალგაზრდულ ბანაკს უმასპინძლეს. ბანაკში მუნიციპალიტეტის სხვადასხვა თემის 20 ახალგაზრდა შეიკრიბა. მათ გაიარეს ლიდერობის, პირადი განვითარების და კომუნიკაციის უნარ-ჩვევების განვითარების ტრეინინგები.  ახალგაზრდული ბანაკი იდეალური პლატფორმაა ახალგაზრდების ადგილობრივი განვითარების ჯგუფში (ლაგ) ჩართულობის ხელშეწყობის თვალსაზრისით. აღნიშნული ჯგუფი ახმეტაში უახლოეს თვეებში ჩამოყალიბდება. ახალგაზრდების ჩართულობის წახალისება ადგილობრივ განვითარების ჯგუფების მუშაობაში და გადაწყვეტილების მიღების პროცესებში ერთ–ერთი მთავარი გამოწვევაა და ძალიან მნიშვნელოვანია პროექტის წარმატებისა და თემზე დაფუძნებული ადგილობრივი განვითარებისთვის. სრულად  წყარო: http://enpard.ge

სამეგრელო-ზემო სვანეთი. 22 ივნისს, მესტიის მუნიციპალიტეტი ზემო სვანეთში ადგილობრივი განვითარების მხარდამჭერი ორი პროექტის ოფიციალური გახსნის ღონისძიებას უმასპინძლებს და სახალხო ზეიმს გამართავს.  ღონისძიების მიზანია ხელისუფლებას, დონორებს, ENPARD-ის განმახორციელებელ პარტნიორებს, ფართო საზოგადოებასა და ყველა დაინტერესებულ მხარეს გააცნოს ადგილობრივი განვითარების მხარდამჭერი ახალი პროექტების მიზნები, ამოცანები, მიდგომები და აქტივობები. ღონისძიების ორგანიზატორები არიან ევროკავშირის დელეგაცია საქართველოში, შვედეთის სამეფოს საელჩო თბილისში, ავსტრიის განვითარებისა და თანამშრომლობის სააგენტო (ADA), მესტიის მუნიციპალიტეტის მერია, „ქეა ავსტრია“ და პოლიტიკის მართვის ჯგუფის კვლევის ცენტრი (PMC-RC).  სრულად  წყარო: enpard.ge

კახეთი. ევროკავშირის მხარდაჭერით დედოფლისწყაროს მუნიციპალიტეტის სოფელ არხილოს კალოში „ცოდნის სახლი" გაიხსნა. დედოფლისწყაროს მუნიციპალიტეტის სოფელ არხილოსკალოში, ევროკავშირის მიერ დაფინანსებული პროექტის „მოქალაქეთა ჩართულობა ეკონომიკური განვითარებისათვის" და დედოფლისწყაროს ადგილობრივი განვითარების ჯგუფის მხარდაჭერით, სოფლის განვითარების ინიციატივა „ცოდნის სახლი" გაიხსნა. ინიციატივა მიზნად ისახავს სკოლის მოსწავლეებისთვის სხვადასხვა კლასგარეშე წრეების ამოქმედებას, რაც ხელს შეუწყობს ამ საქმიანობაში ჩართულ ბავშვებში საზოგადოებრივი სულის ჩამოყალიბებას, სოციალური უნარებისა და კრიატიულობის ამაღლებას ურთიერთდახმარების გამოყენებით, ინტეგრირებული სწავლების, ცოდნის ურთიერთგაზიარებითა და ინტელექტუალური თამაშების გამოყენებით.  სრულად... წყარო: enpard.ge

2019 წლის 6-10 მაისს, ქედის ადგილობრივი განვითარების ჯგუფის (LAG) წევრები სასწავლო ვიზიტით ავსტრიაში იმყოფებოდნენ. ტურში ასევე მონაწილეობდნენ აჭარის ავტონომიური რესპუბლიკის სოფლის მეურნეობის მინისტრი და ქედის მუნიციპალიტეტის მერის პირველი მოადგილე. ვიზიტი ევროკავშირის მხარდაჭერით, ავსტრიის რეგიონული კვლევებისა და სივრცითი დაგეგმარების ინსტიტუტის (ÖIR) ორგანიზებითა და CENN-ის დახმარებით შედგა. ღონისძიების ფარგლებში მონაწილეები დეტალურად გაეცნენ ავსტრიაში LEADER-ის მუშაობის პრინციპებს, ადგილობრივი განვითარების ჯგუფების ჩართულობას განვითარების სტრატეგიის შემუშავების პროცესსა და პროექტების შერჩევაში. გაიმართა შეხვედრები ავსტრიის მდგრადობისა და ტურიზმის სამინისტროში, ავსტრიის განვითარების სააგენტოში (ADA). ასევე შედგა შეხვედრა ავსტრიაში საქართველოს ელჩთან. მონაწილეებმა მოინახულეს ორი LEADER რეგიონი, შეხვდნენ LEADER მენეჯერებს და LAG-ის გამგეობის წევრებს.  სრულად... წყარო: enpard.ge

თბილისი. საქართველოს პარლამენტმა პირველი მოსმენით მიიღო „სასოფლო-სამეურნეო დანიშნულების მიწის საკუთრების შესახებ” საქართველოს ორგანული კანონის პროექტი და მასთან ასოცირებული სხვა კანონპროექტები. GDI-ს ინფორმაციით, საკანონმდებლო ორგანომ ნაწილობრივ გაითვალისწინა ინიცირებულ ვერსიასთან მიმართებით, ორგანიზაციის მიერ წარდგენილი შენიშვნები და წინადადებები. სრულად... წყარო: gdi.ge

კახეთი. ევროკავშირის მხარდაჭერით დედოფლისწყაროს განვითარების ჯგუფის საბჭოს წევრებს და პროექტების შერჩევის კომისიის წარმომადგენლებს პროექტის ციკლის მართვის ტრენინგი ჩაურატდათ. ტრენინგის განმავლობაში მონაწილეებს აუმაღლდათ ცოდნა და უნარები შემდეგი მიმართულებებით: სიტუაციური ანალიზის განხორციელება; ინტერვენციის მიზნების განსაზღვრა და სტრატეგიული მიმართულების იდენტიფიკაცია; პროექტის დიზაინი, პროექტის დაგეგმარება; სხვადასხვა დონის ინდიკატორების შემუშავება; რესურსების განაწილება, ბიუჯეტირება და პროექტის მონიტორინგი; ანგარიშგება და პროექტის დახურვა.  სრულად... წყარო: enpard.ge

თბილისი. საქართველოს დემოკრატიულმა ინიციატივამ (GDI) საქართველოს პარლამენტს „სასოფლო-სამეურნეო დანიშნულების მიწის საკუთრების შესახებ" საქართველოს ორგანული კანონის პროექტსა და მასთან დაკავშირებულ სხვა კანონპროექტებზე შენიშვნები და წინადადებები წარუდგინა. „GDI-ს მიერ წარდგენილ შენიშვნებსა და წინადადებებში ყურადღება გამახვილებულია რამდენიმე საკითხზე: მათ შორის, თანასწორობის პრინციპის უგულებელყოფაზე, კანონპროექტის ფარგლებში არსებული შეზღუდვების რაციონალურობასა და ლეგიტიმური ახსნის არასებობაზე, ასევე სასოფლო-სამეურნეო დანიშნულების მიწის ნაკვეთის უზრუნველყოფის საშუალებად გამოყენების აკრძალვის პრობლემურობაზე", ნათქვამია ორგანიზაციის ვებგვერდზე. სრულად... წყარო: gdi.ge

თბილისი. საერთაშორისო გამჭვირვალობა - საქართველო აქვეყნებს ბლოგპოსტს: უცხოელების მიერ სასოფლო-სამეურნეო დანიშნულების მიწის შეძენის გამონაკლისი შემთხვევები კანონით დგინდება. გაეცანით, ორგანიზაციის შეფასებებს და რეკომენდაციებს... წყარო: www.transparency.ge

<div style="text-align: justify;"><span style="font-weight: bold;">ქვემო ქართლი. </span>ევროკავშირმა, პარტნიორ ორგანიზაცია CENN-თან ერთად, წალკის მუნიციპალიტეტში სოფლის განვითარების ახალი პროექტი - „ეს წალკაა" - ოფიციალურად წარადგინა.</div> <div style="text-align: justify;">პროექტის მიზანია საოჯახო მეურნეობების გაძლიერება, მეწარმეების საქმიანობის ხელშეწყობა, ქალებისა და ახალგაზრდების დასაქმება და მუნიციპალიტეტის სხვა ადგილობრივი ჯგუფების მხარდაჭერა ცოდნაზე, ინოვაციებსა და ახალ ტექნოლოგიებზე ხელმისაწვდომობის უზრუნველყოფით, ბიზნესკავშირების დამყარებითა და სამუშაო ადგილების შექმნის გზით.</div> <div style="text-align: justify;"><a href="http://enpard.ge/ge/es-tsalkaa-evrokavshiri-tsalkis-munitsipalitetshi-sophlis-ganvitharebis-akhal-proeqts-itsqhebs/" target="_blank" style="font-weight: bold;">სრულად </a></div> <div style="text-align: justify;">წყარო: http://enpard.ge</div> <div style="text-align: justify;"><br /> </div>

<div style="text-align: justify;"> <div><span style="font-weight: bold;">თბილისი.</span> საია „სასოფლო-სამეურნეო დანიშნულების მიწის საკუთრების შესახებ" ორგანული კანონის პროექტისა და მასთან დაკავშირებულ საკანონმდებლო აქტებში შესატანი ცვლილებების შესახებ, საქართველოს პარლამენტს მოსაზრებებს წარუდგენს.</div> <div>საია მნიშვნელოვნად მიიჩნევს ყურადღება გაამახვილოს „სასოფლო-სამეურნეო დანიშნულების მიწის საკუთრების შესახებ" ორგანული კანონის პროექტისა და „მიზნობრივი დანიშნულების და სასოფლო-სამეურნეო დანიშნულების მიწის მდგრადი მართვის შესახებ" კანონის პროექტში წარმოდგენილ შემდეგ საკითხებზე: ა) უცხოელის მიერ სასოფლო-სამეურნეო დანიშნულების მიწის საკუთრებაში მიღება მემკვიდრეობით და დადგენილი შეზღუდვები; ბ) სასოფლო-სამეურნეო დანიშნულების მიწის ნაკვეთის უზრუნველყოფის საშუალებად გამოყენების აკრძალვა; გ) საქართველოში რეგისტრირებული კერძო სამართლის იურიდიული პირის პარტნიორის ცვლილება; დ) სასოფლო-სამეურნეო დანიშნულების მიწის სახელმწიფოს უპირატესი შესყიდვის უფლება; ე)საინვესტიციო გეგმა.</div> <div><a href="http://gyla.ge/ge/post/saia-sasoflo-sameurneo-danishnulebis-mitsis-sakutrebis-shesakheb-saqartvelos-parlaments-mosazrebebs-tsarudgens#sthash.3Fqx24IZ.dpbs" target="_blank" style="font-weight: bold;">სრულად</a> </div> <div>წყარო: ორგანიზაციის ვებგვერდი</div><br /> </div>