რაჭა-ლეჩხუმი. USAID-ის სამოქალაქო საზოგადოების ჩართულობის პროგრამის ინფორმაციით, 6, 7, 8 და 9 ივლისს, „ვიცავთ რაჭას“ - ადვოკატირების კამპანიის წარმომადგენლები კარდაკარ შეხვედრებს გამართავენ რაჭის სოფლებში. „შეხვედრების მიზანია ადგილობრივი მცხოვრებლებისთვის მეტი ინფორმაციის მიწოდება და დოკუმენტების გასაჯაროება, საქართველოს მთავრობის გადაწყვეტილებასთან დაკავშირებით, რომლის საფუძველზეც, რაჭისა და ქვემო სვანეთის ტყეები, 104 712 ჰექტარი, 49 წლით იჯარით გაცემის შესახებ. ადვოკატირების ერთობლივ კამპანიას ახორციელებენ „მთის ამბები“, რაჭის სათემო ორგანიზაცია და მწვანე ალტერნატივა USAID-ის სამოქალაქო საზოგადოების ჩართულობის პროგრამის მხარდაჭერით“. სრულად... წყარო: ორგანიზაციის გვერდი სოციალურ ქსელში

შიდა ქართლი. 20 აპრილს, ინფორმაციის თავისუფლების განვითარების ინსტიტუტმა (IDFI) საქართველოს ფერმერთა ასოციაციასთან (GFA) ერთად გორისა და ქარელის რაიონებში, ოკუპირებულ ტერიტორიებთან ახლოს მცხოვრებ მეწარმეებთან საინფორმაციო ხასიათის მეორე შეხვედრა გამართა და მათ სამეწარმეო საქმიანობას გაეცნო. სრულად... წყარო: idfi.ge

თბილისი. სოციალური სამართლიანობის ცენტრი წარმოგიდგენთ თოზუ გულმემედლის ბლოგპოსტს: ვინ ვართ ჩვენ, იორმუღანლოელები. „მე ვარ თოზუ, სოფელ იორმუღანლოდან. დავიბადე და გავიზარდე ფერმერის ოჯახში. ამ წერილში შევეცდები, ჩვენი მომთაბარე ცხოვრების შესახებ მეტი მოგიყვეთ. აქვე მინდა ვთქვა, რომ ეს ტექსტი დაწერილია ყოველგვარი რომანტიზების გარეშე.  ფოტოზე ასახული კაცი მამაჩემია. ის 60 წლისაა. თითქმის მთელი ცხოვრება მწყემსი იყო. მამაჩემს სოფელში, საკუთარი შრომით აშენებულ სახლში ალბათ მთლიანობაში ერთი წელი აქვს გატარებული, დანარჩენი მომთაბარეობაში, ისეთ მიუწვდომელ ადგილებში, როგორც ეს ფოტოზე ჩანს“. სრულად... წყარო: socialjustice.org.ge

სამცხე-ჯავახეთი. სოციალური სამართლიანობის ცენტრი გთავაზობთ ტიგრან თარზიანის ბლოგპოსტს: ფერმერი თუ „წყლის მზიდავი“? - ქალის ყოფა, ცხოვრება, გარჯა და შრომა სოფლად. „სოფელში მცხოვრები ქალების ყოველდღიური საქმეები ასეთია: დილით პირუტყვის მოვლა-პატრონობა (ზამთარში ძირითადად მამაკაცები ასრულებენ), გათბობისთვის დღის სამყოფი შეშის ან წივის მომარაგება, სახლის დალაგება, სამზარეულო, ბავშვებზე ზრუნვა და სხვა. სოფელში, სადაც ვიყავი, არ არის სასმელი წყალი. მოსახლეობა, მეტწილად ბავშვები და ქალები, სასმელ წყალს წყაროდან ეზიდებიან. მათი მთავარი სათხოვარი ზუსტად წყლის პრობლემის მოგვარებაა. არადა ჩვენი მუნიციპალიტეტი მდიდარია მდინარეებისა და ტბების რესურსებით. საქართველოს დამოუკიდებლობიდან 30 წლის შემდეგაც, სასმელი წყლის ინფრასტრუქტურის პრობლემებზე საუბარი ნათლად გამოხატავს ადგილობრივი ჩინოვნიკების გულგრილობას და გვიჩვენებს, რომ პრიორიტეტები არასწორადაა დასახული“, ამბობს ბლოგპოსტის ავტორი. სრულად... წყარო: socialjustice.org.ge

სამცხე-ჯავახეთი. სოციალური სამართლიანობის ცენტრი გთავაზობთ გოჰარ აღჯოიანის ბლოგპოსტს: ჯავახეთი კაცების გარეშე. „ჯავახეთში წელიწადის მხოლოდ ორი დროა - გაზაფხული და სასტიკი ზამთარი. ჩვენი ოჯახებიც ორ დროში ცხოვრობენ - მამაკაცებთან ერთად და მათ გარეშე. მამაკაცებთან თანაცხოვრება შესაძლებელი ხდება ზამთარში, ზამთრის ლამაზ დღესასწაულზე, ახალ წელს, როდესაც მამაკაცები თავიანთ სოფლებში, თავიანთ ოჯახებში ბრუნდებიან. დარჩენილი 9 თვე კი ისინი შრომით მძიმე მიგრაციაში მიდიან“. სრულად... წყარო: ორგანიზაციის გვერდი სოციალურ ქსელში ფოტო: სოფო აფციაური

სამცხე-ჯავახეთი. სოციალური სამართლიანობის ცენტრი აქვეყნებს ტიგრან თარზიანის ბლოგპოსტს: ჯავახური ზამთრის სირთულეები და თავისებურებები. „ზამთარში, რამდენადაც ლამაზია ჯავახეთი, იმდენად მკაცრი და შეუვალია ყინვით, თოვლით და ქარბუქით. ექვსი თვის განმავლობაში ამ მხარეში საშინელი ყინვები იცის. რეგიონის მკაცრი კლიმატის გამო, ადგილობრივები გათბობის საშუალებაზე ფიქრს ზაფხულის პირველივე თვიდან იწყებენ. გათბობის ძირითად საშუალებაა ღუმელი, ე.წ. „ფეჩი“. ჯავახეთის იმ სოფლებში, სადაც არაა გაზიფიცირებული საჯარო სკოლები და ბაღები, გასათბობად იყენებენ შეშის ღუმელს“. სრულად... წყარო: ორგანიზაციის გვერდი სოციალურ ქსელში

სამეგრელო. გაეროს ქალთა ორგანიზაციისა და გაეროს სურსათისა და სოფლის მეურნეობის ორგანიზაციის მხარდაჭერით, ზუგდიდის ბოტანიკურ ბაღში სამეგრელო - ზემო სვანეთში მცხოვრები ქალების ეკონომიკური გაძლიერებისთვის მიძღვნილი ღონისძიება გაიმართა.  ღონისძიების მთავარი მიზანი იყო სოფლად მცხოვრები ფერმერი ქალების ეკონომიკური გაძლიერება, მერძევე ფერმერი ქალების ნაწარმის პოპულარიზაცია... შეხვედრა პროექტის „ფერმერ ქალთა ეკონომიკური გაძლიერების ხელშეწყობა რძის პროდუქტების წარმოების ხელშეწყობის მხარდაჭერით ფერმერთა საველეს სკოლების (FFS) მიდგომების გზით“ ფარგლებში ჩატარდა. პროექტი შვეიცარიის განვითარებისა და თანამშრომლობის სააგენტოს ფინანსური მხარდაჭერით ხორციელდება. სრულად... წყარო: ორგანიზაციის გვერდი სოციალურ ქსელში

თბილისი. „მომავლის ფერმერის“ ორგანიზებით ონლაინტრენინგი ჩატარდა თემაზე „საგაზაფხულო დეკორატიული სამუშაოები ბაღში“. „ტრენინგს უძღვებოდა მებაღე-დეკორატორი დავით ოგბაიძე, რომელიც უკვე 5 წელია პედაგოგიურ და პრაქტიკულ საქმიანობას ეწევა, არის რამდენიმე კომპანიის მთავარი მებაღე-დეკორატორი, მუშაობს საავტორო გადაცემაზე“. სრულად... წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრი აქვეყნებს ზაზა მიქელაძის ბლოგპოსტს: „ნადი“, როგორც აჭარული ტრადიცია და სოციალური სოლიდარობის პრაქტიკა. „ნადი − შრომითი ურთიერთდახმარების ყველაზე გავრცელებული ფორმაა. საქართველოში ამგვარ დახმარებას სხვადასხვა შრომითი პროცესის დროს მიმართავდნენ. ნადის ტრადიცია ადგილობრივ ნიადაგზე და ქართულ ეთნიკურ გარემოში იყო შექმნილი და განვითარებული. შრომითი ურთიერთდახმარება თავდაპირველად დახმარების ნებაყოფლობით პრინციპს ემყარებოდა, ყოველგვარი ვალდებულებებისა და შრომა-მიგების გარეშე“. სრულად... წყარო: socialjustice.org.ge ფოტო: ჰურიე აბაშიძე

სამცხე-ჯავახეთი. სოციალური სამართლიანობის ცენტრი აქვეყნებს ტიგრან თარზიანის ბლოგპოსტს: კოლექტიური/სოციალური პასუხისმგებლობა? სად მაქვს მაგის თავი. „ჩვენთან მოსახლეობა ზამთარში „ისვენებს“, გასაკეთებელი არაფერია, რადგან სამუშაო ადგილები არაა. სოფლებში, რომლებიც მდებარეობს ტბების სიახლოვეს, ადგილობრივები დაკავებული არიან მეთევზეობით. სხვებს ყოველდღიურად ერთი და იმავე საქმის კეთება უწევს - მისდევენ საშინაო მეურნეობას. ამ დროს ასევე იყენებენ მოქალაქეობრივი საკითხების მოსაგვარებლადაც“. სრულად... წყარო: socialjustice.org.ge

თბილისი. სოციალური სამართლიანობის ცენტრი ორგანიზაციის მიერ ჩატარებული კვლევის, „საქართველოს მუსლიმი ქალების ყოფა და მათი ჩაგვრის მრავალშრიანი აღწერა", მეორე თავს აქვეყნებს. „დოკუმენტში შეჯამებულია მარნეულის მუნიციპალიტეტსა და მაღალმთიან აჭარაში გამოკითხული რესპონდენტების დასაქმების, შინ შრომის, სოფლის მეურნეობაში მუშაობის ყოველდღიურობა და სირთულეები. დოკუმენტი ასევე ეხება ოჯახების ეკონომიკურ სირთულეებს, სოფლად მცხოვრები ქალების დასაქმების პერსპექტივებს, ვალისა და კრედიტის აღების მიზეზებს, ქალების მძიმე შრომას და სხვა საკითხებს“. სრულად... წყარო: socialjustice.org.ge

რაჭა-ლეჩხუმი. საქართველოს სტრატეგიული კვლევებისა და განვითარების ცენტრის (CSRDG) მიერ მხარდაჭერილი ახალი პროექტის მიზანია მეფუტკრეობის დარგში DCFTA ვალდებულებების შესრულების მონიტორინგი, პრობლემების იდენტიფიცირება და მათი გადაჭრის ადვოკატირება. პროექტი დაფინანსებულია CSRDG-ის მიერ, „სამოქალაქო საზოგადოების ინიციატივის“ ფარგლებში, ევროკავშირისა და კონრად ადენაუერის ფონდის მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. 2017 წელს, საქართველომ სოფლის განვითარების ძირეული რეფორმა წამოიწყო, რომლის განხორციელების შედეგად, საქართველოს სოფელმა თანამედროვე ეკონომიკური დატვირთვა უნდა შეიძინოს. „რეფორმის განხორციელების პირველივე დღეებიდან, ევროკავშირი (EU) და გაეროს განვითარების პროგრამა (UNDP) აქტიურად უჭერენ მხარს ამ უმნიშვნელოვანეს გარდაქმნას და ხელს უწყობენ შესაბამისი პოლიტიკის შემუშავებასა და სოფლად პრაქტიკული ინიციატივების განხორციელებას. ამ დახმარების ფარგლებში, 2020 და 2021 წლებში, 9 მილიონი ლარის (დაახლოებით 3 მილიონი აშშ დოლარი) ღირებულების საგრანტო პროგრამა განხორციელდა, რომლითაც მთლიანობაში 80-ზე მეტმა მცირე მეწარმემ ისარგებლა“. სრულად... წყარო: eu4georgia.eu

თბილისი. სოციალური სამართლიანობის ცენტრი წარმოგიდგენთ ჯავახეთის რეგიონის სოფლებიდან ქალების ისტორიების მესამე ეპიზოდს. „ადრე გოგოები 18 წლის შემდეგ, უკვე თხოვდებოდნენ, ახლა ბევრი სწავლას ამჯობინებს. მინდა, რომ ყველა გოგომ ისწავლოს...“ წყარო: socialjustice.org.ge

ქვემო ქართლი. მარნეულში გამართულ აგროტურისტულ ფესტივალზე საქართველოს რვა მუნიციპალიტეტიდან 65-მა მეწარმემ საკუთარი პროდუქცია და მომსახურებები წარადგინა. ფესტივალი ევროკავშირის, ავსტრიისა და შვედეთის მიერ იყო ორგანიზებული. „მეწარმეებს სამთო რეგიონებიდან საშუალება ჰქონდათ შეხვედროდნენ სასტუმროების, რესტორნებისა და კაფეების წარმომადგენლებს. ფესტივალმა ხელი შეუწყო აგროტურიზმისა და ორგანული სოფლის მეურნეობის სფეროების პოპულარიზაციას“. სრულად... წყარო: eeas.europa.eu

თბილისი. სოციალური სამართლიანობის ცენტრი გთავაზობთ ჯავახეთის რეგიონიდან ვიდეოების სერიის პირველ ეპიზოდს.  „ვიდეო აქ მცხოვრები ქალების ყოველდღიურობაზე კიდევ ერთხელ დაგვაფიქრებს და შეგვახსენებს, როგორი რთულია შრომა, როცა გარეთ იმაზე მეტად ცივა, ვიდრე სხვაგან“. წყარო: socialjustice.org.ge

თბილისი. სოციალური სამართლიანობის ცენტრი აქვეყნებს ტიგრან თარზიანის ბლოგპოსტს: კარტოფილი - ჯავახეთის „მეორე პური“. „ჯავახეთში სამ კვირაზე მეტია, რაც კარტოფილის მოსავლის ამოღების პროცესი დაიწყეს. ადგილობრივი მედიასაშუალებები აქტიურად აშუქებენ ამ პროცესს და ბევრს წერენ იმ სირთულეებზე, რასაც ადგილობრივი გლეხები აწყდებიან. გაზაფხულზე მედია და სოციალური ქსელები წალეკა ადგილობრივი გლეხების პროტესტმა, როცა მათ გაფუჭებული კარტოფილი დემონსტრაციულად გადაყარეს და ამით საკუთარი შრომის დაუფასებლობასა და არაღიარებას კიდევ ერთხელ გაუსვეს ხაზი. მთავრობები ბევრს საუბრობენ სოფლის მეურნეობის მხარდაჭერაზე, მაგრამ ამ სისტემის მუშაობა ჩვენი ოჯახების და გლეხების რეალური ყოფიდან უნდა დავინახოთ. სამწუხაროდ, ქვემოთ და ქვემოდან რეალური ცვლილებები არ ჩანს და ჩვენი გლეხები მათი მეორე პურის მოსაპოვებლად მიწასთან მძიმე შრომას, ვიტყოდი, მიწასთან მძიმე ბრძოლას ისევ აწარმოებენ“.  სრულად... წყარო: socialjustice.org.ge ფოტო: ნეტგაზეთი

თბილისი. კავკასიის გარემოსდაცვითი არასამთავრობო ორგანიზაციების ქსელი (CENN) ევროკავშირის მიერ მხარდაჭერილი პროექტის „საქართველოს კლიმატის პროგრამა“ ფარგლებში, გიწვევთ კლიმატის ცვლილების მოქმედებათა საერთაშორისო დღის აღსანიშნავად დაგეგმილ ვებინარებში მონაწილეობის მისაღებად. სოციალურ საღამოებში მონაწილეობის მისაღებად, გთხოვთ, გაიაროთ რეგისტრაცია... რეგისტრაციის ბოლო ვადაა 18 ოქტომბერი, 18:00 საათი. სრულად... წყარო: ორგანიზაციის გვერდი სოციალურ ქსელში

თბილისი. 15 ოქტომბერი სოფლად მცხოვრები ქალების საერთაშორისო დღეა. ამ დღესთან დაკავშირებით, გაეროს განვითარების პროგრამამ (UNDP) შეაჯამა ქალ მეწარმეთა ბიზნეს იდეების კონკურსის შედეგები, რომელშიც 600-ზე მეტმა სოფლად მცხოვრებმა ქალმა მიიღო მონაწილეობა. „გამარჯვებულ იდეებს შორისაა მზის ენერგიაზე მომუშავე წყლის გამათბობლების წარმოება მარტვილიდან, ეკო-ტურიზმის განვითარება ნატანებიდან, ქსოვილისგან დამზადებული საბავშვო წიგნების გამოცემა რუსთავიდან და 24 სხვა პროექტი, რომელიც ადგილობრივ ეკონომიკურ განვითარებასა და ქალთა ჩართულობას ემსახურება. თითოეული გამარჯვებული მიიღებს 5,000 ლარამდე დაფინანსებასა და საკონსულტაციო დახმარებას ეკონომიკური საქმიანობის გაფართოებისა და ბიზნეს პროექტების განხორციელებისათვის“. სრულად... წყარო: www.ge.undp.org ფოტოს ავტორი: ნანა (ნაკუ) გამყრელიძე

ქვემო ქართლი. სოციალური სამართლიანობის ცენტრი აქვეყნებს ვიდეოს, რომელშიც მოსახლეობა დმანისის მუნიციპალიტეტის ერთ-ერთი სოფლის, ანგრევანის მძიმე ინფრასტრუქტურული და სოციალური პრობლემების შესახებ გვიყვება. „სოფელი ეთნიკური აზერბაიჯანელებით არის დასახლებული. მამედოვების ოჯახი, რომელიც ვიდეოში თავისი მძიმე ყოველდღიურობის შესახებ გვიყვება, მიუხედავად არსებული რეალობისა, სოფლის დატოვებას არ აპირებს. „მე აქ დავიბადე, აქ ვცხოვრობ, საქართველოთი ვსუნთქავ. არასოდეს მიფიქრია სხვაგან წასვლაზე, არც თბილისში, არც საზღვარგარეთ, აქ დავიბადე და აქ დავრჩები. რა მინდა საზღვარგარეთ? საქართველო უფრო ლამაზია, საქართველოს მოვუაროთ“ - ამბობს ოსმან მამედოვი. სრულად... წყარო: socialjustice.org.ge

თბილისი. გაეროს განვითარების პროგრამა აქვეყნებს მეთოდოლოგიურ გზამკვლევს „კლიმატის ცვლილების მიმართ მდგრადი, დაბალემისიანი (კლიმატგონივრული) სოფლის მეურნეობა“.  „დოკუმენტის მიზანია ცნობიერებისა და ცოდნის ამაღლება კლიმატგონივრული სოფლის მეურნეობის შესახებ. გზამკლვლევი ეფუძნება, საქართველოში სოფლის მეურნეობის სექტორზე კლიმატის ცვლილების გავლენის შეფასების კუთხით შექმნილ დოკუმენტებს და საადაპტაციო რეკომენდაციებს (სტრატეგიებს)“. სრულად... წყარო: www.ge.undp.org

თბილისი. 25 ივლისს მთაწმინდის პარკში ყველის ფესტივალი გაიმართა. „ფესტივალზე წარმოდგენილი იყო სხვადასხვა რეგიონებიდან ჩამოტანილი ეკოლოგიურად სუფთა ყველი, თაფლი, ჩაი და სხვა ადგილობრივი ნაწარმი. ფესტივალი USAID/Zrda-ს და მთაწმინდის პარკის მხარდაჭერით, საქართველოს ყველის მწარმოერბელთა გაერთანება „გილდიის“ და მისი ხელმძღვანელის ანა მიქაძის ორგანიზებით შედგა“.                                                          წყარო: ორგანიზაციის გვერდი სოციალურ ქსელში