თბილისი. საერთაშორისო გამჭვირვალობა - საქართველო აქვეყნებს ბლოგპოსტს: უცხოელების მიერ სასოფლო-სამეურნეო დანიშნულების მიწის შეძენის გამონაკლისი შემთხვევები კანონით დგინდება. გაეცანით, ორგანიზაციის შეფასებებს და რეკომენდაციებს... წყარო: www.transparency.ge

<div style="text-align: justify;"><span style="font-weight: bold;">ქვემო ქართლი. </span>ევროკავშირმა, პარტნიორ ორგანიზაცია CENN-თან ერთად, წალკის მუნიციპალიტეტში სოფლის განვითარების ახალი პროექტი - „ეს წალკაა" - ოფიციალურად წარადგინა.</div> <div style="text-align: justify;">პროექტის მიზანია საოჯახო მეურნეობების გაძლიერება, მეწარმეების საქმიანობის ხელშეწყობა, ქალებისა და ახალგაზრდების დასაქმება და მუნიციპალიტეტის სხვა ადგილობრივი ჯგუფების მხარდაჭერა ცოდნაზე, ინოვაციებსა და ახალ ტექნოლოგიებზე ხელმისაწვდომობის უზრუნველყოფით, ბიზნესკავშირების დამყარებითა და სამუშაო ადგილების შექმნის გზით.</div> <div style="text-align: justify;"><a href="http://enpard.ge/ge/es-tsalkaa-evrokavshiri-tsalkis-munitsipalitetshi-sophlis-ganvitharebis-akhal-proeqts-itsqhebs/" target="_blank" style="font-weight: bold;">სრულად </a></div> <div style="text-align: justify;">წყარო: http://enpard.ge</div> <div style="text-align: justify;"><br /> </div>

<div style="text-align: justify;"> <div><span style="font-weight: bold;">თბილისი.</span> საია „სასოფლო-სამეურნეო დანიშნულების მიწის საკუთრების შესახებ" ორგანული კანონის პროექტისა და მასთან დაკავშირებულ საკანონმდებლო აქტებში შესატანი ცვლილებების შესახებ, საქართველოს პარლამენტს მოსაზრებებს წარუდგენს.</div> <div>საია მნიშვნელოვნად მიიჩნევს ყურადღება გაამახვილოს „სასოფლო-სამეურნეო დანიშნულების მიწის საკუთრების შესახებ" ორგანული კანონის პროექტისა და „მიზნობრივი დანიშნულების და სასოფლო-სამეურნეო დანიშნულების მიწის მდგრადი მართვის შესახებ" კანონის პროექტში წარმოდგენილ შემდეგ საკითხებზე: ა) უცხოელის მიერ სასოფლო-სამეურნეო დანიშნულების მიწის საკუთრებაში მიღება მემკვიდრეობით და დადგენილი შეზღუდვები; ბ) სასოფლო-სამეურნეო დანიშნულების მიწის ნაკვეთის უზრუნველყოფის საშუალებად გამოყენების აკრძალვა; გ) საქართველოში რეგისტრირებული კერძო სამართლის იურიდიული პირის პარტნიორის ცვლილება; დ) სასოფლო-სამეურნეო დანიშნულების მიწის სახელმწიფოს უპირატესი შესყიდვის უფლება; ე)საინვესტიციო გეგმა.</div> <div><a href="http://gyla.ge/ge/post/saia-sasoflo-sameurneo-danishnulebis-mitsis-sakutrebis-shesakheb-saqartvelos-parlaments-mosazrebebs-tsarudgens#sthash.3Fqx24IZ.dpbs" target="_blank" style="font-weight: bold;">სრულად</a> </div> <div>წყარო: ორგანიზაციის ვებგვერდი</div><br /> </div>

<div style="text-align: justify;"><span style="font-weight: bold;">თბილისი.</span> პლატფორმა „არა-ფობიას!" წევრი ორგანიზაციები ავრცელებენ მოსაზრებას პარლამენტში წარდგენილ დისკრიმინაციულ ინიციატივებთან დაკავშირებით.</div> <div style="text-align: justify;">„გვსურს გამოვეხმაუროთ საქართველოს პარლამენტში წარდგენილ რამდენიმე ინიციატივას და პარლამენტის წევრების მიერ გაკეთებულ კომენტარებს კანონპროექტებთან დაკავშირებით. საგანგაშოა არამხოლოდ ამ ინიციატივების დისკრიმინაციული ხასიათი, არამედ ის ფაქტი, რომ ამგვარი კანონპროექტების ავტორებად პარლამენტის კომიტეტის თავმჯდომარეები გვევლინებიან.</div> <div style="text-align: justify;">საქმე ეხება „სასოფლო-სამეურნეო დანიშნულების მიწის საკუთრების შესახებ" საქართველოს ორგანულ კანონს, რომელიც ახლებურად აწესრიგებს სასოფლო-სამეურნეო დანიშნულების მიწაზე საკუთრების უფლებას. კანონპროექტი ეფუძნება საქართველოს კონსტიტუციის ახალი რედაქციის ჩანაწერს, რომელშიც მითითებულია, რომ სასოფლო-სამეურნეო დანიშნულების მიწა უცხოელთა საკუთრებაში შესაძლოა მხოლოდ გამონაკლის შემთხვევებში იყოს, რაც ორგანული კანონით უნდა დარეგულირდეს. აღსანიშნავია, რომ კანონპროექტი შეიცავს დისკრიმინაციულ დებულებებს, რომელსაც ქსენოფობიური მოტივები უდევს საფუძვლად", ნათქვამია ორგანიზაციის ვებგვერდზე.</div> <div style="text-align: justify;"><a href="http://mdfgeorgia.ge/geo/view_statements/520?fbclid=IwAR2DCXPYACl3rj9q4fuVzcJ6RYSdIDTYxETdNZpa_Jr88ftRJoZ_C7SCTP0" target="_blank" style="font-weight: bold;">სრულად...</a></div> <div style="text-align: justify;">წყარო: mdfgeorgia.ge</div>

<div style="text-align: justify;"><span style="font-weight: bold;">თბილისი.</span> ევროკავშირი, ორგანიზაციასთან „მოძრაობა შიმშლის წინააღმდეგ" თანამშრომლობით, ახმეტის მუნიციპალიტეტში სოფლის განვითარების პროექტს იწყებს. პროექტი, რომლის სახელწოდებაა "ინკლუზიური და თანამონაწილეობითი ადგილობრივი განვითარების ხელშეწყობა ახმეტის მუნიციპალიტეტში” სოფლის განვითარების ქვემოდან-ზევით მიმართული, ინკლუზიური მოდელის დანერგვას და მუნიციპალიტეტის ყველა თემის წარმომადგენლის ჩართულობას ითვალისწინებს. პროექტი დაფინანსებულია ევროკავშირის მიერ სოფლის მეურნეობისა და სოფლის განვითარების ევროპის სამეზობლო პროგრამის (ENPARD) ფარგლებში.</div> <div style="text-align: justify;">"ეს პროექტი ხელს უწყობს ადგილობრივი მთავრობისა და თემის წევრების თანამშრომლობას, მათი ძალისხმევის გაერთიანებას ადგილობრივი ეკონომიკის გაძიერებისა და დივერსიფიკაციისთვის, ასევე მუნიციპალიტეტში დასაქმების შესაძლებლობების ზრდისთვის. სოფლის განვითარების ეს მოდელი დაფუძნებულია ევროპულ გამოცდილებაზე და იგი საქართველოს სხვა რეგიონებშიც წარმატებით ინერგება. მოუთმენლად ველი პროექტის ფარგლებში მხარდაჭერილ ინიციატივებს, რომლებიც ახმეტის მოსახლეობის ცხოვრებას უკეთესობისკენ შეცვლის” – განაცხადა ევროკავშირის ელჩმა.</div> <div style="text-align: justify;"><a href="http://enpard.ge/ge/evrokavshiri-akhmetis-munitsipalitetshi-sophlis-ganvitharebis-proeqts-itsqhebs/" target="_blank" style="font-weight: bold;">სრულად </a></div> <div style="text-align: justify;">წყარო: http://enpard.ge</div> <div style="text-align: justify;"><br /> </div>

<div style="text-align: justify;">ევროკავშირის მხარდაჭერით, გაეროს სურსათისა და სოფლის მეურნეობის ორგანიზაცია (FAO), გარემოს დაცვისა და სოფლის მეურნეობის სამინისტროსთან ერთად, საქართველოში სასოფლო-სამეურნეო პროდუქტების ფასების მონიტორინგის სისტემას აუმჯობესებს. მონიტორინგის სისტემა საქართველოში 2015 წლიდან ჩამოყალიბდა სოფლის მეურნეობისა და სოფლის განვითარების ევროპის სამეზობლო პროგრამის (ENPARD) ფარგლებში.</div> <div style="text-align: justify;">სოფლის მეურნეობის პროდუქტების საბაზრო ფასების მონიტორინგი 100-ზე მეტ სასოფლო-სამეურნეო პროდუქტზე ქვეყნის მასშტაბით 59 მუნიციპალიტეტში ხორცილდება. გარემოს დაცვისა და სოფლის მეურნეობის სამინისტროს ფერმერთა საინფორმაციო-საკონსულტაციო სამსახურების თანამშრომლები სასოფლო-სამეურნეო პროდუქტებზე ფასებს ყოველკვირეულად აგროვებენ და სამინისტროს ცენტრალურ აპარატს აწვდიან, ამ ინფორმაციის შემდგომი დამუშავებისა და პოლიტიკის შემუშავებაში გამოყენების მიზნით.</div> <div style="text-align: justify;">ფასების მონიტორინგის პროცესის გაუმჯობესების მიზნით შეიქმნა ონლაინ აპლიკაცია, რომლის საშუალებითაც მონაცემთა შეგროვება ელექტრონულად, კომპიუტერული ტაბლეტების მეშვეობით ხორციელდება და მონიტორინგის დასრულებისთანავე, შეგროვებული და შეყვანილი ინფორმაცია სამინისტროს სერვერზე ავტომატურად იგზავნება. აღნიშნული საგრძნობლად ამარტივებს მონიტორინგის პროცესს და ამცირებს შეცდომის დაშვების შესაძლებლობას.</div> <div style="text-align: justify;"><a href="http://enpard.ge/ge/fao-da-evrokavshiri-saqarthveloshi-phasebis-monitoringis-sistemis-gaumjobesebas-khels-utsqhoben/" target="_blank" style="font-weight: bold;">სრულად </a></div> <div style="text-align: justify;">წყარო: http://enpard.ge</div> <div style="text-align: justify;"><br /> </div>

<div style="text-align: justify;"><span style="font-weight: bold;">მცხეთა.</span> „ადამიანი გაჭირვებაში" (PIN-ის) ორგანიზებით, მცხეთაში რეგიონალური შეხვედრა გაიმართა.</div> <div style="text-align: justify;">„შეხვედრის ძირითადი მიზანი იყო ხელი შეეწყო დიალოგისთვის ფერმერებს, ბიზნესს და სახელმწიფო სტრუქტურების წარმომადგენლებს შორის, რაც საქართველოში სოფლის მეურნეობის პოლიტიკის გაუმჯობესების ერთ-ერთი მნიშვნელოვანი წინაპირობაა. მონაწილეებმა იმსჯელეს ისეთ თემებზე როგორიცაა, ღრმა და ყოვლისმომცველი თავისუფალი სავაჭრო ხელშეკრულება, გამოწვევები და შესაძლებლობები მცირე ფერმერული მეურნეობების, სასოფლო სამეურნეო კოოპერატივების და მცირე და საშუალო ბიზნესისათვის", ნათქვამია ორგანიზაციის ვებგვერდზე.</div> <div style="text-align: justify;"><a href="http://www.facebook.com/PeopleInNeedGeorgiaPIN/photos/pcb.1792778214161408/1792765504162679/?type=3&theater" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის ვებგვერდი სოციალურ ქსელში</div> <div><br /> </div>

თბილისი. ევროკავშირის მიერ დაფინანსებული საქართველოს ადგილობრივი განვითარების ჯგუფების ასოციაციის (GALAG) 20-ზე მეტმა წარმომადგენელმა მიიღო მონაწილეობა ევროპული სოფლის განვითარების LEADER ასოციაციის (ELARD) მიერ ორგანიზებულ სამდღიან სამუშაო შეხვედრაში. სამუშაო შეხვედრის მიზანი იყო ადგილობრივი LAG-ებისთვის სოფლის განვითარების სფეროში ევროპული გამოცდილებისა და ცოდნის გაზიარება, დახმარება შიდა და გარე საკომუნიკაციო გეგმების შემუშავებაში და საჭირო პარტნიორების მოძიებაში ადვოკატირებისა და დაფინანსების მოზიდვისთვის მყარი პლატფორმის შესაქმნელად, რჩევები თემატური სამუშაო ჯგუფების ჩამოსაყალიბებლად და, ასევე, GALAG-ის წევრებს შორის პასუხისმგებლობების გადანაწილების საკითხების განხილვა. სრულად  წყარო: http://enpard.ge

აჭარა. გრძელდება აჭარის ავტონომიური რესპუბლიკის მთავრობის თანამშრომლობა ევროკავშირთან (EU) და გაეროს განვითარების პროგრამასთან (UNDP) სოფლის ეკონომიკის დივერსიფიცირებისა და მოსახლეობის შემოსავლების გაუმჯობესებისათვის. აჭარის ავტონომიური რესპუბლიკის მთავრობის გადაწყვეტილებით, აჭარა თავის წვლილს შეიტანს ევროკავშირის დაფინანსებით მიმდინარე 10 მილიონი ევროს ღირებულების პროექტის „ENPARD-3: საქართველოს სოფლის განვითარების ხელშეწყობა" განხორციელებაში. აჭარაში ეს ინიციატივა სოფლის განვითარებასა და მცირე და საშუალო ბიზნესს ეხმარება. აჭარის ავტონომიური რესპუბლიკის მთავრობის თანამონაწილობა 230,000 ევროს შეადგენს. სრულად  წყარო: http://enpard.ge

საქართველოს ადგილობრივი განვითარების ჯგუფები სოფლის განვითარების ევროპულ ქსელებთან მჭიდრო თანამშრომლობას აყალიბებენ. ევროკავშირის მხარდაჭერილმა ბორჯომის განვითარების ჯგუფის (LAG) და ENPARD-ის განმახორციელებელი ორგანიზაციის „მერსი ქორფსის" წარმომადგენლებმა მონაწილეობა მიიღეს ავსტრიაში, ქალაქ ვენაში გამართულ LINC-ის (Leader Inspired Network Community) შეხვედრაში. ღონისძიების მიზანი იყო განვლილი შეხვედრებიდან მიღებული გამოცდილების გაზიარება და LINC-ის მომავალი სემინარების უკეთ დაგეგმვა. LINC-ის ქსელის მონაწილეებმა განხორციელებული საერთაშორისო პროექტები განიხილეს და სამომავლო თანამშრომლობის შესახებ იმსჯელეს. შეხვედრის ფარგლებში, ქართულმა დელეგაციამ LINC-ის პარტნიორი ორგანიზაციების და საქართველოში მოქმედი ადგილობრივი განვითარების ჯგუფების თანამშრომლობის შესაძლებლოლები განიხილეს. მიუხედავად იმისა, რომ ამჟამად საქართველო ევროკავშირის მხოლოდ ასოცირებული წევრია, LINC-ის ორგანიზატორების მიერ მიღებულ იქნა გადაწყვეტილება, რომ საქართველოს LAG-ები LINC-ის მიერ ორგანიზებულ ყველა სამუშაო შეხვედრასა და კონფერენციაში ჩაერთვებიან. სრულად  წყარო: http://enpard.ge

თბილისი. გაეროს სოფლის მეურნეობისა და სურსათის ორგანიზაციამ (FAO) სოფლის მეურნეობისა და სოფლის განვითარების ევროპის სამეზობლო პროგრამის (ENPARD) მუდმივმოქმედი კომიტეტის წევრების და განმახორციელებელი პარტნიორების რიგით მე-19 შეხვედრა გამართა. შეხვედრის მიზანი იყო ევროკავშირის მიერ მხარდაჭერილი სოფლის მეურნეობისა და სოფლის განვითარების პროექტების მიმდინარეობის განხილვა, და მასთან, საქართველოში წარმოებული სასოფლო-სამეურნეო პროდუქციით საერთაშორისო ვაჭრობის შესაძლებლობებზე მსჯელობა. ღონისძიებაში მონაწილეობა მიიღეს ENPARD-ის პარტნიორმა ორგანიზაციების წარმომადგენლებმა: UNDP, Mercy Corps, Care, PIN, RDFG, HEKS-EPER, GIPA, CENN, Caritas Czech Republic და სხვები. სრულად  წყარო: http://enpard.ge

კახეთი. ევროკავშირის სოფლის განვითრების პროექტის საგრანტო მხარდაჭერით დედოფლისწყაროს მუნიციპალიტეტში საოჯახო ღვინის მარანი, ფერმერთა საკონსულტაციო ცენტრი და სადეგუსტაციო დარბაზი გაიხსნა. აღნიშნული ბიზნესინიციატივით შეიქმნა მუდმივი 12, ხოლო სეზონურად 20 სამუშაო ადგილი და კიდევ ერთ ფერმერს მიეცა შესაძლებლობა აწარმოოს და მომავალში ექსპორტზე გაიტანოს როგორც ევროპული, ისე ტრადიციული წესით დაყენებული მაღალი ხარისხის ორგანული ღვინო. სოფლის განვითარების ამ ინიციატივის მთლიანი ბიუჯეტი 68,188 ლარის ოდენობით განისაზღვრა, სადაც 29,936 ლარი ევროკავშირის მიერ მხარდაჭერილი პროექტის „მოქალაქეთა ჩართულობა ეკონომიკური განვითარებისთვის (PROCEED)" საგრანტო დაფინანსებამ, ხოლო 38,252 ლარი ბენეფიციარის ფულადმა თანამონაწილეობამ შეადგინა. სრულად  წყარო: http://enpard.ge

თბილისი. „სასოფლო-სამეურნეო ექსტენციის სამუშაო ჯგუფის" (WGE) შეხვედრის მონაწილეებმა ექსტენციის სპეციალისტების ტრენინგის საჭიროებების შეფასება და ახლადშექმნილი სასოფლო-სამეურნეო ექსტენციის მასალების ონლაინ ბიბლიოთეკა წარადგინეს. განხილულ იქნა ექსტენციის მონიტორინგისა და შეფასების სტრუქტურა, ისევე როგორც შესაბამის ეროვნული სტრატეგიის იმპლიმენტაციის სტატუსი. სტრატეგია საქართველოს გარემოს დაცვისა და სოფლის მეურნეობის სამინისტრომ (MEPA), ევროკავშირის მხარდაჭერით, 2017 წელს დაამტკიცა. შეხვედრა სასოფლო-სამეურნეო ექსტენციის სერვისების განვითარების მხარდაჭერის მიზნით გაიმართა, რაც სოფლისა და სოფლის მეურნეობის განვითარების ევროპის სამეზობლო პროგრამის (ENPARD) ფარგლებში მიმდინარე, ევროკავშირის მიერ დაფინანსებული და მხარდაჭერილი FAO-ს პროექტის ერთ-ერთი კომპონენტია. სრულად  წყარო: http://enpard.ge

იმერეთი. 2018 წლის 16-18 ნოემბერს, ევროკავშირის მიერ მხარდაჭერილი საქართველოს ადგილობრივი განვითარების ჯგუფების ასოციაციის (GALAG) 15-მდე წევრი ადგილობრივი განვითარების სხვადასხვა ჯგუფებიდან, ქალაქ ქუთაისში, ადვოკატირება-ლობირების ტრენინგზე დასასწრებად შეიკრიბა. ტრენინგის მიზანი იყო ადვოკატირებასა და ლობირებაში GALAG-ის წევრების უნარების გაუმჯობესების ხელშეწყობა. ღონისძიებაზე განხილული იყო სხვადასხვა საკითხები: რა არის ადვოკატირება, ლობირება და რატომ არის ევროპული LEADER-ის მიდგომა მნიშვნელოვანი ადვოკატირება ლობირების საკითხებში, ლობირება და ადვოკატირების როლი რეგიონულ/სოფლის განვითარებაში, ადვოკატირების კამპანიის დაგეგმვა და მისი სტრატეგიები და ასევე სხვა მრავალი საინტერესო საკითხი, რაც დაეხმარება GALAG-ს მის მომავალ საქმიანობაში. სრულად  წყარო: http://enpard.ge

ქვემო ქართლი. ევროკავშირის ელჩი, კარლ ჰარცელი, ქვემო ქართლში ვიზიტის ფარგლებში, თეთრიწყაროს მუნიციპალიტეტის სოფელ წინწყაროში არსებულ ყველის საწარმოს „შპს წინწყარო +" ეწვია. საწარმო მხარდაჭერილია ევროკავშირის ENPARD-ის სოფლის განვითარების პროექტის ფარგლებში, რომელსაც ორგანიზაცია RDFG თეთრიწყაროში ახორციელებს. ვიზიტის ფარგლებში, ევროკავშირის ელჩი საწარმოში არსებულ პირობებს, წარმოების ტექნიკას, სტანდარტებსა და წარმოების პროცესს გაეცნო და სხვადასხვა სახეობის ყველიც დააგემოვნა. სრულად  წყარო: http://enpard.ge

თბილისი. საქართველოს ადგილობრივი განვითარების ჯგუფების ასოციაციისა (GALAG) და ევროკავშირის პარტნიორი არასამთავრობო ორგანიზაციების 30-ზე მეტმა წარმომადგენელმა მონაწილეობა მიიღო სოფლის განვითარების თემაზე საქართველოს გარემოს დაცვისა და სოფლის განვითარების სამინისტროში გამართულ სამუშაო შეხვედრაში. შეხვედრის ინიციატორები იყვნენ საქართველოს გარემოს დაცვისა და სოფლის მეურნეობის სამინისტრო და საქართველოს სოფლის განვითარების ქსელი (GRDN), ხოლო მხარდამჭერები – ევროკავშირი (EU) და გაეროს განვითარების პროგრამა (UNDP). სრულად  წყარო: http://enpard.ge

თბილისი. გაეროს სურსათისა და სოფლის მეურნეობის ორგანიზაცია (FAO), ევროკავშირსა (EU) და ავსტრიის განვითარების სააგენტოსთან ერთად, საქართველოში გენდერული შეფასების ანგარიშს აქვეყნებენ, სახელწოდებით – „გენდერი, სოფლის მეურნეობა და სოფლის განვითარება". სასოფლო-სამეურნეო საქმიანობაში აქტიური ჩართულობა, შინაური ცხოველების მოვლა, დიასახლისობა, ოჯახისთვის წყლისა და შეშის უზრუნველყოფა, ბავშვების, მოხუცების და ოჯახის დაუძლურებული წევრების მოვლა – ასეთია მოკლე ჩამონათვალი იმ ვალდებულებებისა, რომელიც საქართველოში სოფლად მცხოვრებ ქალებს ეკისრებათ. „მიუხედავად ამისა, ქალების მიერ სოფლის მეურნეობაში შეტანილი წვლილი შეუმჩნეველი რჩება", - ნათქვამია FAO-ს ანგარიშში. სრულად  წყარო: http://enpard.ge/ge

კახეთი. ევროკავშირის მხარდაჭერით, ადგილობრივი განვითარების ჯგუფმა ლაგოდეხის შესახებ ახალი საინფორმაციო ვებ-გვერდი - www.visitlagodekhi.com შექმნა. „აღმოაჩინე კავკასიის ჭეშმარიტი ბუნება…სადაც დოვლათიანი ბაღები, უძველესი ტყე და ცად აზიდული მთები ხვდებიან ერთმანეთს!" - ეს დახასიათება ლაგოდეხს ეკუთვნის და მას მუნიციპალიტეტისთვის სპეციალურად შექმნილ ამ ვებ-გვერდზე წაიკითხავთ. გვერდი სულ ახლახანს, ევროკავშირის ENPARD-ის პროგრამის მხარდაჭერით შეიქმნა, ლაგოდეხის განვითარების ჯგუფის წევრი ახალგაზრდებისა და ევროპელი მოხალისეების ძალისხმევით, და მისი საშუალებით, ლაგოდეხის მრავალფეროვან შესაძლებლობებს აღმოაჩენთ. სრულად  წყარო: http://enpard.ge/ge /

აჭარა. თბილისის გარეთ პირველი ვიზიტის დროს, ევროკავშირის ახალი ელჩი, კარლ ჰარცელი გურიასა და აჭარაში გაემგზავრა. ამ ვიზიტის ფარგლებში იგი გაეცნო ევროკავშირის ხელშეწყობით განხორციელებულ პროექტებს და დაესწრო ღონისძიებებს, სადაც წარმოდგენილი იყო ევროკავშირის მხარდაჭერის პრაქტიკული შედეგები. გურიაში ელჩმა, როგორც ადგილობრივი სამოქალაქო საზოგადოების ორგანიზაციების, ასევე, ადგილობრივი ხელისუფლებისა და მუნიციპალიტეტების წარმომადგენლებთან, მიმდინარე გამოწვევებსა და ევროკავშირის მხარდაჭერის სამომავლო პერსპექტივებთან დაკავშირებით, საკონსულტაციო შეხვედრები გამართა. სრულად  წყარო: http://enpard.ge

აჭარა. 150-ზე მეტმა ახალგაზრდამ მონაწილეობა მიიღო ახალგაზრდულ ფორუმში, რომელიც 2018 წლის 14 ოქტომბერს ბათუმში გაიმართა. ფორუმის მონაწილეებმა სოფლის განვითარებაში ახალგაზრდა მოქალაქეების როლზე იმსჯელეს. ღონისძიების მიზანი იყო ახალგაზრდებში ლიდერობის უნარების განვითარება, გადაწყვეტილების მიღების პროცესში მათი ჩართვა და ადგილობრივ თვითმმართველობასთან ეფექტიანი თანამშრომლობის ხელშეწყობა. ფორუმის ფარგლებში შეიქმნა კარგი სადისკუსიო სივრცე სოფლის განვითარების ყველაზე მწვავე საკითხებისა და მათი გადაჭრის გზების განსახილველად. ახალგაზრდებმა საკუთარი დამოკიდებულება გამოხატეს არსებული გამოწვევების მიმართ და ერთად განიხილეს დადებითი ცვლილებისათვის საჭირო ნაბიჯები. სრულად  წყარო: http://enpard.ge

აჭარა. 13 ოქტომბერს, საქართველოში ევროკავშირის წარმომადგენლობამ, ევროკავშირის პარტნიორებთან ერთად, ბათუმში ევროპის დღის აღსანიშნავი ღონისძიება გამართა. ამ დღეს, ანბანის კოშკის მიმდებარე ბულვარი გარდაიქმნა ევროსოფლად, სადაც ნებისმიერ სტუმარს შესაძლებლობა ჰქონდა მთელი დღის მანძილზე ემოგზაურა ევროკავშირში და მონაწილეობა მიეღო მრავალ გასართობ ღონისძიებაში. სრულად  წყარო: http://enpard.ge

თბილისი. ქალთა მონაწილეობა, სოფლის მეურნეობა და სოფლის განვითარება საქართველოში – ამ საკითხების შესახებ იმსჯელეს სოფლისა და სოფლის მეურნეობის განვითარების ევროპის სამეზობლო პროგრამის (ENPARD) მუდმივმოქმედი კომიტეტის შეხვედრაზე. შეხვედრა გაეროს სურსათისა და სოფლის მეურნეობის ორგანიზაციის (FAO) ინიციატივით გაიმართა. შეხვედრაზე ყურადღება გამახვილდა და აქტიური დისკუსია შედგა სოფლის მეურნეობის სფეროში გენდერული უთანასწორობის პრობლემის, მისი მიზეზების და სოფლად ეკონომიკური და სოციალური განვითარების პროცესში ამ მხრივ არსებულ გამოწვევებზე. მონაწილეებმა იმსჯელეს სექტორში გენედერის კუთხით არსებულ პრაქტიკაზე და ENPARD-ის პროგრამით გათვალისწინებულ მხარდამჭერ ღონისძიებებზე, ასევე სოფლად ქალთა ეკონომიკური გაძლიერებისთვის უფრო ეფექტიანი პოლიტიკის წარმართვის შესახებ. სრულად  წყარო: ორგანიზაციის ვებგვერდი