აჭარა. 23 აპრილს, ბათუმის დემოკრატიული ჩართულობის ცენტრში, არასამთავრობო ორგანიზაცია „შეზღუდული შესაძლებლობის მქონე პირების უფლებებისათვის" და ბათუმის „დინამოს" შორის თანამშრომლობის მემორანდუმი გაფორმდა. ერთწლიან დოკუმენტს ხელი თამაზ მჟავანაძემ და ოთარ ფედიჩკინმა მოაწერეს. შეთანხმების მიზანი შეზღუდული შესაძლებლობის მქონე პირების საზოგადოებაში ინტეგრაციის ხელშეწყობაა. მემორანდუმის ფარგლებში, შეზღუდული შესაძლებლობის მქონე პირები „დინამოს" თამაშებს დაესწრებიან. გარდა ამისა, არასამთავრობო ორგანიზაციას საფეხბურთო კლუბის სპორტსმენები მატერიალურადაც დაეხმარებიან.

თბილისი.  ადამიანის უფლებების სწავლებისა და მონიტორინგის ცენტრმა ფილმი - „კარვების ქალაქის ბინადარნი" - გამოაქვეყნა.  ფილმი   წყარო:ორგანიზაციის გვერდი სოციალურ ქსელში

თბილისი. საქართველოში გაეროს ბავშვთა ფონდის კვლევის ანგარიში - „რეინტეგრირებული ოჯახების საჭიროებათა შეფასება" - გამოაქვეყნა.  კვლევის მიზანი იყო რეინტეგრირებული ოჯახების მდგომარეობის შესწავლა და მათი მწვავე და გრძელვადიანი საჭიროებების გამოვლენა, ასევე სახელმწიფოს დახმარება რეინტეგრირებული ოჯახების გაძლიერების პროგრამების დაგეგმვასა და შემუშავებაში. კვლევის ანგარიში წყარო:ორგანიზაციის გვერდი სოციალურ ქსელში

აჭარა. 17აპრილს, ბათუმის დემოკრატიული ჩართულობის ცენტრში აჭარის მთავრობასთანარსებული შშმ პირებთან დაკავშირებით მომუშავე საკოორდინაციო საბჭოს დებულება განიხილეს. დებულებაში მნიშვნელოვანი ცვლილებები არ შეუტანიათ, თუმცამოხდა რიგი მუხლების დამატება,რაც საზოგადოებრივი ორგანიზაციების ჩართულობასკიდევ უფრო გაზრდის. აღნიშნული საბჭო შეიქმნა მთავრობასა და საზოგადოებრივ ორგანიზაციებს შორის გაფორმებულიმემორანდუმის ფარგლებს. საბჭოს ჯანდაცვის სამინისტროს წარმომადგენელი უხელმძღვანელებს.

იმერეთი. ჩეხური არასამთავრობო ორგანიზაციის „ადამიანი გაჭირვებაში" ორგანიზებით 10-11 აპრილს, ქუთაისში ჩატარდა ტრენინგი - „სოციალური მეწარმეობა". ტრენინგის მიზანი იყო ორგანიზაციის მიერ გამოცხადებულ საგრანტო კონკურსში მონაწილეობის მსურველთათვის სოციალური მეწარმეობის შესახებ ცოდნის და გამოცდილების გაზიარება. ტრენინგს უძღვებოდნენ „საქართველოს სტრატეგიული კვლევების და განვითარების ცენტრის" თანამშრომლები. წყარო:ორგანიზაციის გვერდი სოციალურ ქსელში

სამეგრელო. 12 აპრილს, ასოციაცია „ათინათის" ახალგაზრდულმა ცენტრმა „ორტუსმა" „ქუჩაში მცხოვრები და მომუშავე ბავშვების" დღესთან დაკავშირებით ზუგდიდში მცხოვრებ ბავშვებს გადასცა ტანსაცმელები და ტკბილეული. ცენტრის წევრებმა რამდენიმე დღით ადრე დაიწყეს ტანსაცმლის შეგროვება და ასევე იმ ბავშების კოორდინატების მოძიება, რომელთა უმრავლესობა ქუჩაში ეძებს სახლს და საკვებს. აქტივობა ჩატარდა ეროვნული ინტეგრაციის გაძლიერების პროექტის ფარგლებში, რომელსაც ახორციელებს საქართველოს გაეროს ასოციაცია, ამერიკის შეერთებული შტატების საერთაშორისო განვითარების ფინანსური მხარდაჭერით. წყარო:ორგანიზაციის გვერდი სოციალურ ქსელში

თბილისი. „პირველი ნაბიჯი საქართველო" ახორციელებს საპილოტე პროექტს, რომლის მიზანია საქართველოში სკოლამდელი ინკლუზიური განათლების ხელშეწყობა. პროექტში ჩართულია 6 საჯარო ბაღი თბილისში, ქუთაისში, ბათუმში და მიზნად ისახავს, ხელის შეწყობას განსაკუთრებული საჭიროების მქონე ბავშვების ინტეგრაციასა და მათი ჩართულობის გაზრდას საჯარო ბაღებში. პროექტის ფარგლებში, კენკუტის უნივერსიტეტის პროფესორმა, ინკლუზიური განათლების ექსპერტმა, ჯენიფერ გიშამ ბრაუნმა ჩაატარა ტრენინგები, რომელშიც მონაწილეობა მიიღეს ბავშვთა ადრეული განვითარების სპეციალისტებმა, რომლებიც ჩართულები არიან სკოლამდელი ინკლუზიური განათლების ხელშეწყობის პროექტში. ტრენინგის გავლის შემდეგ „პირველი ნაბიჯის" ადრეული განვითარების სპეციალისტები გადაამზადებენ საპილოტე პროექტში ჩართული ბაღების პედაგოგებს და გადასცემენ მათ მიღებულ ცოდნას. წყარო:ორგანიზაციის გვერდი სოციალურ ქსელში

თბილისი. ასოციაცია „ანიკამ" 12 აპრილს ფილარმონიიდან თავისუფლების მოედნისკენ მშვიდობიანი მსვლელობა მოაწყო.12 აპრილს შშმ პირთა უფლებების კონვენცია ოფიციალურად შედის ძალაში და ამ თარიღის აღსანიშნავად აქციის მონაწილეებმა მთავრობის წარმომადგენლებს, კერძო ბიზნესს და მოსახლეობას კიდევ ერთხელ შეახსენეს, რომ შეზღუდული შესაძლებლობის მქონე პირებს აქვთ უფლება იცხოვრონ თანაბარ პირობებში სხვა მოქალაქეებთან ერთად. აქციაში მონაწილეობა მიიღეს ასოციაცია „ანიკას" ბენეფიციარებმა, შეზღუდული შესაძლებლობის მქონე პირებმა, მათი მხარდამჭერებმა, ასოციაციის მოხალისეებმა,სამხატვრო აკადემიის კურსდამთავრებულებმა, პარტნიორი ორგანიზაციებმა. წყარო: ორგანიზაციის ვებგვერდი სოციალურ ქსელში

თბილისი. 12 აპრილს, ქუჩაში მცხოვრები და მომუშავე ბავშვების საერთაშორისო დღესთან დაკავშირებით, რუსთაველის მეტროდან თავისუფლების მეტრომდე მსველელობა გაიმართა. აქციის ორგანიზატორები იყვნენ არასამთავრობო ორგანიზაციები: არაძალადობრივი კომუნიკაციის ინსტიტუტი, წამების მსხვერპლთა ფსიქოსოციალური და სამედიცინო რეაბილიტაციის ცენტრი, პარტნიორობა ადამიანის უფლებებისთვის, კავშირი „საფარი", ასოციაცია „კამარა" და ამ საკითხით დაინტერესებული მოხალისეები. აქციის მიზანი იყო საზოგადოებისთვის და სახელმწიფოსთვის შეეხსენებინათ ის ვალდებულებები, რაც აქვთ ,,ქუჩაში მცხოვრები და მომუშავე ბავშვების" მიმართ. წყარო: ორგანიზაციის „პარტნიორობა ადამიანის უფლებებისთვის" ვებგვერდი სოციალურ ქსელში

გურია. ოზურგეთში, სამოქალაქო საზოგადოების რეგიონული ქსელის წევრი არასამთავრობო ორგანიზაციების შეხვედრა გაიმართა. ღონისძიების თემა იყო: სასმელი წლის პრობლემა ოზურგეთში. შეხვედრა რეგიონთაშორისი ტურის ფარგლებში გაიმართა.

თბილისი. ახალგაზრდა ადვოკატები 9 აპრილს დაზარალებულთათვის კომპენსაციის დარიგებას მოითხოვენ. ორგანიზაციის წარმომადგენლები მიმართავენ რეკომენდაციით საქართველოს მთავრობასა და საკანონმდებლო ორგანოს. სრულად წყარო: ორგანიზაციის ვებგვერდი სოციალურ ქსელში

კახეთი. ბავშვები, რომლებიც საოჯახო ტიპის სახლებში ცხოვრობენ, სამეურნეო საქმიანობებშიც ჩაერთვებიან. ამ მიდგომას საქველმოქმედო ჰუმანიტარული ცენტრი „აფხაზეთი" კახეთის, კერძოდ, ბაისუბნის, კურდღელაურისა და ვარდისუბნის მცირე საოჯახო ტიპის სახლებში ნერგავს. პოლონეთის საელჩოს მცირე პროექტით, ბაისუბნის სახლს რეაბილიტაცია ჩაუტარდა, ასევე, მოეწყო ინფრასტრუქტურა. ეზოში აშენდა დამხმარე ნაგებობები. ჩაიყარა ხეხილი და მცირე მეორნეობის განვითარებისთვის ბავშვებს შეუძინეს შინაური ფრინველები და ცხოველები. ცენტრი ბავშვებთან ერთად ვენახის ჩაყრასაც გეგმავს. წყარო: ორგანიზაციის ვებგვერდი სოციალურ ქსელში

თბილისი. საქართველოს რეფორმების ასოციაციამ კვლევის - „გრძელვადიანი საცხოვრებლით დაკმაყოფილების ალტერნატიული გზები: კერძო სექტორში მცხოვრები დევნილები საქართველოში" - პრეზენტაცია გამართა. ღონისძიებას ესწრებოდნენ საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის მოადგილე და არასამთავრობო ორგანიზაციის წარმომადგენლები. პრეზენტაციაზე განხილულ იქნა კერძო სექტორში მცხოვრები დევნილების პრობლემების გრძელვადიანი გადაწყვეტის გზებთან დაკავშირებით არსებული პრობლემები და დაბრკოლებები და მათი მოგვარების მიზნით. კვლევა მომზადდა პროექტის - „მესამე ფაზის დევნილებისათვის გრძელვადიან გადაწყვეტილებებზე პოლიტიკური რეკომენდაციების შემუშავება" - ფარგლებში. წყარო:grass.org.ge

თბილისი. საქართველოს ახალგაზრდა ეკონომისტთა ასოციაციამ საქართველოს განვითარების ბანკის შესახებ განცხადება გაავრცელა.  „მივიჩნევთ, რომ მიუხედავად იმისა თუ რა მიზნით დაგეგმილია ამ ბანკის შექმნა, მისი არსებობა გაუმართლებელია და იგი გამოიწვევს ფინანსური ბაზრების განვითარების შერხებას და უარყოფითად აისახება ეკონომიკურ ზრდაზე შემდეგი ძირითადი მიზეზებით:  თუ აღნიშნული ბანკი იმუშავებს სოციალური მანდატით და კონცენტრაციას მოახდენს მაღალ რისკიან და დაბალ შემოსავლიან პროექტებზე, მას მოუწევს ხშირი რეკაპიტალიზაცია და მომავალში დაიწყებს უფრო მომგებიან პროექტებზე მუშაობას, რითაც იგი კონკურენციას გაუწევს კერძო ბანკებს, რაც უარყოფითად აისახება საფინანსო სექტორის განვითარებაზე; არსებობს მაღალი ალბათობა, რომ ბანკი არ იმუშავებს ეფექტიანად და მოემსახურება პოლიტიკოსების პირად ამოცანებს; შესაბამისად მოვუწოდებთ საქართველოს მთავრობას გააუქმოს საქართველოს განვითარების ბანკის შექმნის ინიციატივა", ნათქვამია განცხადებაში. წყარო:ორგანიზაციის გვერდი სოციალურ ქსელში

აჭარა. 7 აპრილს, აჭარის მთავრობის თავმჯდომარემ არჩილ ხაბაძემ  შვეიცარიის განვითარებისა და თანამშრომლობის სააგენტოსა და სოციალური კვლევისა და ანალიზის ინსტიტუტთან მემორანდუმი გააფორმა. მემორანდუმის ფარგლებში შვეიცარიის განვითარებისა და თანამშრომლობის სააგენტოს თანადაფინანსებით ჩატარდება კვლევა, რომელიც შეისწავლის სოციალურად დაუცველ, უსახლკარო და სტიქიით დაზარალებულ მოსახლეობის აქტუალურ საკითხებ. აღნიშნული კვლევის საფუძველზე განისაზღვრება ბინათმშენებლობის ფონდის შექმნის და ფუნქციონირების პრინციპები. ბინათმშენებლობის ფონდი მოიცავს განსაზღვრული ტიპის მოქალაქეთათვის იაფი და გრძელვადიანი გადახდის პირობით საცხოვრებელი ფართების გადაცემას.  კვლევა 2014 წელს დასრულდება და მისი შედეგების პრეზენტაცია გაიმართება ბათუმსა და თბილისში.

იმერეთი. 4 აპრილს, ქუთაისის განათლების განვითარების და დასაქმების ცენტრმა და ქუთაისის იაკობ გოგებაშვილის სახელობის თოჯინების პროფესიულმა სახელმწიფო თეატრმა ურთიერთთანამშრომლობის მემორანდუმს მოაწერეს ხელი. დოკუმენტი ითვალისწინებს თანამშრომლობას პროექტის „ეროვნული ინტეგრაციის გაძლიერება საქართველოში" (ANI) ფარგლებში. მხარეების თანამშრომლობა მიზნად ისახავს შშმ და სოციალურად დაუცველი ბავშვების სოციალიზაციასა და ინტეგრაციას საზოგადოებაში. ამ მხრივ პროექტის ფარგლებში დაფუძნებული ქუთაისის ახალგაზრდული ცენტრი, სოციალური მომსახურების სააგენტოსთან თანამშრომლობის საფუძველზე მოკვლეული სიების მიხედვით, უზრუნველყოფს ბავშვების ჩართულობას კულტურულ პროგრამებში. თანამშრომლობის ფარგლებში ქუთაისის ახალგაზრდული ცენტრი დაადგენს შშმ და სოციალურად დაუცველი ბავშვების საჭიროებებს, კულტურულ პროგრამებში მონაწილეობის კუთხით და უზრუნველყოფს მათ დასწრებას თეატრის მიერ ორგანიზებულ სპექტაკლებზე. წყარო:ორგანიზაციის გვერდი სოციალურ ქსელში

იმერეთი. 5-6 აპრილს, ორგანიზაციებმა „პარტნიორობა ადამიანის უფლებებისთვის" და „მოძრაობა-ხელმისაწვდომი გარემო ყველასათვის" საჩხერეში მცხოვრებ შეზღუდული შესაძლებლობის მქონე პირთათვის ტრენინგები ჩაატარეს. შეხვედრის მთავარ თემას წარმოადგენდა შეზღუდული შესაძლებლობის მქონე პირთა კონვენციის ძირითადი პრინციპების და დებულებების შესახებ მსმენელთა ინფორმირების გაზრდა, მათი, ადგილობრივი თვითმმართველობის ორგანოების საქმიანობაში ეფექტური მონაწილეობის მიზნით. ტრენინგები ჩატარდა პროექტის - „შეზღუდული შესაძლებლობის მქონე პირთა უფლებებისა და შესაძლებლობის მხარდაჭერა, თვითმმართველობის ორგანოების მუშაობაში და მონაწილეობის უზრუნველსაყოფად" - ფარგლებში, ამერიკის შეერთებული შტატების საელჩოს მხარდაჭერით. წყარო:ორგანიზაციის გვერდი სოციალურ ქსელში

აჭარა. 3 აპრილს, ბათუმის მე-9 -10 საჯარო სკოლებში, ახალგაზრდულმა ორგანიზაციამ ცვლილებები თანაბარი უფლებებისთვის სემინარი ჩაატარა შეზღუდული შესაძლებლობების საკითხებზე. აღნიშნულ სემინარს თავად შშმ პირები უძღვებიან პროექტის - „საზოგადოებაში შშმ პირების ინტეგრაციის პირველი ნაბიჯის" ფარგლებში. პროექტი მიზნად ისახავს ახალგაზრდების ცნობიერების დონის ამაღლებას შშმ პირებთან დაკავშირებით. პროექტის ფინანსური მხარდამჭერია აჭარის სპორტისა და ახალგაზრდობის საქმეთა დეპარტამენტი.

შიდა ქართლი. 2 აპრილს, გორში, ქალთა საინფორმაციო ცენტრმა გამართა სამუშაო შეხვედრა ,,ერთი ფანჯრის პრინციპით". შეხვედრის მიზანი იყო გორის მუნიციპალიტეტის სოფლებში მცხოვრები მოსახლეობის, განსაკუთრებით კი საზღვრისპირა სოფლებში მცხოვრები დევნილი და კონფლიქტის შედეგად დაზარალებული მოსახლეობის პრობლემების განხილვა და გადაჭრის გზების მოძიება. ღონისძიებას ესწრებოდნენ ცენტრალური და ადგილობრივი ხელისუფლების წარმომადგენლები, სოფლის რწმუნებულები, სახალხო დამცველის აპარატის რეგიონული წარმომადგენელი, ასევე, არასამთავრობო, საერთაშორისო ორგანიზაციებისა და მედიის წარმომადგენლები. სრულად წყარო: ორგანიზაციის გვერდი სოციალურ ქსელში

აჭარა. 2 აპრილს, ბათუმის დემოკრატიული ჩართულობის ცენტრმა და არასამთავრობო ორგანიზაციამ „ცვლილებები თანაბარი უფლებებისათვის" ერთობლივად საინფორმაციო ხასიათის შეხვედრა გამართეს, აუტიზმის შესახებ ინფორმაციის გავრცელების საერთაშორისო დღესთან დაკავშირებით. დისკუსიაში მონაწილეობდნენ ფსიქოლოგი შორენა მამულაძე და აუტიზმის სპეციალისტი ქეთი გოგიტიძე, აგრეთვე სამოქალაქო საზოგადოების და მედიის წარმომადგენლები, სტუდენტები. შეხვედრის მიზანი იყო აუტიზმის შესახებ საზოგადოების ინფორმირებულობის გაზრდა და ადგილობრივი ხელისუფლების წარმომადგენელთა დაინტერესების გაზრდა, რათა შესრულდეს საქართველოს მიერ აღებული საერთაშორისო ვალდებულება, უზრუნველყონ აუტიზმის მქონდეს ადამიანების უფლებების რეალიზება.

სამცხე–ჯავახეთი. 2 აპრილს, ახალციხის დემოკრატიული ჩართულობის ცენტრმა, თემაზე – აუტიზმის ცნობადობის გაზრდის მსოფლიო დღე – დისკუსია გამართა. შეხვედრის მიზანი აუტიზმის შესახებ საზოგადოების ცნობიერების ამაღლება იყო. დისკუსიას ახალციხის საჯარო სკოლების ინკლუზიური განათლების პედაგოგები, ფსიქოლოგები, სამცხე-ჯავახეთის სახელმწიფო უნივერსიტეტის სტუდენტები, ახალციხს სკოლების მოსწავლეები, არასამთავრობო ორგანიზაციების და მედიის წარმომადგენლები ესწრებოდნენ. შეხვედრაზე ახალგაზრდებს აუტიზმის შესახებ ინფორმაცია მიაწოდეს და აჩვენეს ფილმი „ჩემი სახელია ბექა", რომელიც აუტისტი ბიჭის ცხოვრებას მოგვითხრობს. აქვე აღინიშნა, რომ ერთ-ერთ მნიშვნელოვანი პრობლემა აუტიზმის შესახებ საზოგადოებაში ინფორმაციის არქონაა.

იმერეთი. 2 აპრილს, ქუთაისის ახალგაზრდულმა ცენტრმა აუტიზმის შესახებ ინფორმაციის გავრცელების მსოფლიო დღე საინფორმაციო კამპანიით აღნიშნა. სპეციალურად ამ დღისთვის ახალგაზრდულმა ცენტრმა ბროშურები და პოსტერები მოამზადა და ქალაქის ცენტრალურ უბნებში მსვლელობა მოაწყო. კამპანია მიზნად ისახავდა აუტიზმის მქონე ადამიანებისთვის სოლიდარობის გამოცხადებას და საზოგადოების ინფორმირებას. ახალგაზრდული ცენტრის წევრებმა მოსახლეობას ბროშურები დაურიგეს აუხსნეს, თუ რა არის აუტიზმი, რა მითები არსებობს ამ დაავდების შესახებ და რა არის რეალობა. ღონისძიება გაიმართა „საქართველოში ეროვნული ინტეგრაციის გაძლიერების" პროექტის (ANI) ფარგლებში, რომელსაც ახორციელებს საქართველოს გაეროს ასოციაცია (UNAG), აშშ-ის საერთაშორისო განვითარების სააგენტოს (USAID) მხარდაჭერით. წყარო:ორგანიზაციის გვერდი სოციალურ ქსელში