იმერეთი. 1 აპრილს ქუთაისის განათლების განვითარების და დასაქმების ცენტრმა და ქუთაისის მელიტონ ბალანჩივაძის სახელობის ოპერისა და ბალეტის პროფესიულმა სახელმწიფო თეატრმა ურთიერთთანამშრომლობის მემორანდუმს მოაწერეს ხელი. მხარეების თანამშრომლობა მიზნად ისახავს პროექტის ფარგლებში დაფუძნებული ქუთაისის ახალგაზრდულ ცენტრში გაწევრიანებული შშმ და სოციალურად დაუცველი პირების სოციალიზაციასა და ინტეგრაციას საზოგადოებაში, მხარეთა სოციალური პასუხისმგებლობების განაწილებას არსებული პრობლემების აღმოფხვრის მიზნით, ასევე ქუთაისის ახალგაზრდული ცენტრის მიერ, სოციალური მომსახურების სააგენტოსთან თანამშრომლობის საფუძველზე მოკვლეული სიებიდან აღნიშნული პირების ჩართულობას კულტურულ პროგრამებში. თანამშრომლობის ფარგლებში ქუთაისის ახალგაზრდული ცენტრი დაადგენს შშმ და სოციალურად დაუცველი პირების საჭიროებებს, კულტურულ პროგრამებში მონაწილეობის კუთხით და უზრუნველყოფს მათ დასწრებას თეატრის მიერ ორგანიზებულ სპექტაკლებზე და სხვადასხვა კულტურულ-საგანმანათლებლო ღონისძიებებზე, თეატრი გამოყოფს სპექტაკლებზე და სხვა ღონისძიებებზე. აღნიშნული მემორანდუმი ითვალისწინებს თანამშრომლობას პროექტის „ეროვნული ინტეგრაციის გაძლიერება საქართველოში" (ANI) ფარგლებში, რომელსაც ახორციელებს საქართველოს გაეროს ასოციაცია(UNAG), აშშ–ის საერთაშორისო განვითარების სააგენტოს (USAID) მხარდაჭერით. წყარო: ქუთაისის ახალგაზრდული ცენტრის ვებგვერდი სოციალურ ქსელში

თბილისი. 31 მარტს, არასამთავრობო ორგანიზაცია „სიდას" ორგანიზებით გაიმართა კონფერენციას თემაზე: „ახალი ხედვა – ახალი გამოწვევა, არასრულწლოვანთა მართლმსაჯულების სფეროში". კონფერენცია ეხმიანება არასრულწლოვანთა მართლმსაჯულების სფეროში მიმდინარე ცვლილებებს და კონცეფციას „მართლმსაჯულება ბავშვებისათვის", რომელიც შემუშავებულია საერთაშორისო ორგანიზაციების გაეროს ბავშვთა ფონდის და ევროკავშირის, ასევე საქართველოს იუსტიციის სამინისტროს მიერ. კონფერენციაში მონაწილეობა მიიღეს შესაბმისი სამინისტროების, გაეროს ბავშვთა ფონდისა და ევროკავშირის წარმომადგენლებმა. კონფერენცია ჩატარდა პროექტის „არასრულწლოვანთა მართლმსაჯულების რეფორმის მხარდაჭერა ქვემო–ქართლისა და სამცხე–ჯავახეთის ეროვნული უმცირესობების თემებში" ფარგლებში, რომელიც ხორციელდება „სიდას" ფასილიტაციით და ევროკავშირის ფინანსური მხარდაჭერით. წყარო: ორგანიზაციის ვებგვერდი სოციალურ ქსელში

თბილისი. 26 მარტს, ათმა სოციალურად დაუცველმა ახალგაზრდამ პროფესიული განათლების პროგარამა წარმატებით დაასრულა. სპეციალური სერტიფიკატები მათ ასოციაცია „ცხოვრების შანსის" ხელმძღვანელმა გიორგი არსენიძემ გადასცა. ასოციაციის პროექტი „სოციალურად დაუცველი ახალგაზრდების ინტეგრაცია დასაქმების გზით", რომელიც რთული და განსაკუთრებული საჭიროებების მქონე ახალგაზრდებისათვის სპეციალური სასწავლო პროგრამის შედგენას, მათ მომზადებას, დასაქმებას და ამ გზით საზოგადოებაში ინტეგრაციის ხელშეწყობას ითვალისწინებდა, ფონდმა „ღია საზოგადოება-საქართველომ" 2013 წელს დააფინანსა. სრულად წყარო: osgf.ge

აჭარა. 29 მარტს, ბათუმის დემოკატარიული ჩართულობის ცენტრში, ახალგაზრდული ორგანიზაციის „ცვლილებები თანაბარი უფლებებისათვის" – ორგანიზებით მოხალისეთა კლუბის ჩამოყალიებების მიზნით შეხვედრა გაიმართა. აღნიშნულ კლუბში გაწევრიანება შეუძლია ყველას. ვისაც სურვილი აქვს, რომ შეზღუდული შესაძლებლობების მქონე პირთა უფლებები და ინტერესები იყოს დაცული და გათვალისწინებული. აღნიშნული კლუბის წევრები აქტიურად იქნებიან ჩართული ორგანიზაციის საქმიანობაში და უზრუნველყოფენ მისი საქმიანობის ეფექტიანობის გაზრდას. ასევე, თემის პროპაგანდას და სხვა. კლუბის წევრები ყოველი თვის 29 რიცხვში, ქალაქის ქუჩეში გამართავენ შშმ პირების პრობლემების თუ მოსახლეობის ინფორმირების მიზნით აქცია-პერფორმანსებს.

სამეგრელო. ქალაქ ზუგდიდში ასოციაცია „დეას" ოფისში „ფონდ ღია საზოგადოება საქართველოსა" და ინფრასტრუქტურის სამინისტროს მრჩეველთა საბჭოს წარმომადგენელთა ინიციატივით ზუგდიდის ტერიტორიული ოპტიმიზაციის თემაზე შეხვედრა გაიმართა. აღნიშნული ორგანიზაციის წარმომადგენლებმა დამსწრეებს ზუგდიდის ტერიტორიული ოპტიმიზაციის გეგმის ორი ვარიანტი გააცნეს, თითოეული თავისი დადებითი და უარყოფითი მახასიათებლებით. შეხვედრის მონაწილეებმა მათთვის საინტერესო ყველა საკითხზე პასუხები მიიღეს მომხსენებლებისგან. შეხვედრას ესწრებოდნენ სათემო კავშირების წარმომადგენლები, რომელთაც სურვილი გამოთქვეს საკუთარ თავზე აიღონ აღნიშნული ალტერნატიული მოდელის პოპულარიზაცია მათსავე თემებში. ასევე მოამზადებენ მიმართვას საქართველოს მთავრობის სახელზე ზუგდიდის მუნიციპალიტეტის ჩამოყალიბების შესახებ. წყარო:ორგანიზაციის გვერდი სოციალურ ქსელში

თბილისი. 27 მარტს, კლუბ „ფრონტლაინ ჯორჯიაში" დისკუსია - „კაზრეთელი მუშების გაფიცვა: შედეგები და პერსპექტივები" - გაიმართა. დისკუსიაში მონაწილეობა მიიღეს მუშებმა კაზრეთის საბადოდან, კომპანია RMG-გოლდის წარმომადგენელმა, პრემიერ-მინისტრის მრჩეველმა სოციალურ საკითხებში ბექა ნაცვლიშვილმა, ადამიანის უფლებების სწავლებისა და მონიტორინგის ცენტრის წარმომადგენელმა ლინა ღვინიანიძემ, საქართველოს გაერთიანებული პროფკავშირების ხელმძღვანელმა ირაკლი პეტრიაშვილმა და ნინო გუჯარაიძემ ორგანიზაცია მწვანე ალტერნატივადან. დისკუსია   წყარო:Frontline Georgia

სამეგრელო. კოალიციური პროექტის „საზოგადოების ჩართულობა დემოკრატიული თვითმმართველობისათვის" ფარგლებში საინფორმაციო შეხვედრები გაიმართა ხობის, სენაკის, აბაშისა და მარტვილის მუნიციპალიტეტების სოფლებში.  შეხვედრებზე მიმოხილულ იქნა ადგილობრივი თვითმმართველობის კოდექსის სიახლეები და მოქალაქეთა ჩართულობის ძირითადი საკითხები, მოსახლეობას ასევე მიეწოდა ინფორმაცია სოფლის მხარდაჭერის პროგრამაზე და პრობლემათა ადვოკატირების მეთოდოლოგიაზე. საინფორმაციო შეხვედრების პროცესი მომავალი კვირიდან განახლდება. პროექტი მხარდაჭერილია „ევრაზიის თანამშრომლობის ფონდის" მიერ. წყარო:ორგანიზაციის გვერდი სოციალურ ქსელში

იმერეთი. ქუთაისის ახალგაზრდულმა ცენტრის წევრებმა ქუთაისის მე-14 საჯარო სკოლის მოსწავლეებისათვის ჩაატარეს თანატოლთა განათლების ტრენინგი დაუნის სინდრომის თემაზე. ტრენინგის მიზანს წარმოადგენდა მოსწავლეების ცნობიერების ამაღლება დაუნის სინდრომის საკითხებზე, რა არის დაუნის სინდრომი? რა ახასიათებს, რა არის გამომწვევი მიზეზები, რა ძირითადი პრობლემები აწუხებთ და სხვა. შეხვედრაზე აჩვენეს ქუთაისის ახალგაზრდული ცენტრის მიერ, ქართული სუბტიტრებით მომზადებული ვიდეო. თანატოლთა განათლების ტრენინგი გაიმართა საქართველოში ეროვნული ინტეგრაციის გაძლიერების პროექტის (ANI) ფარგლებში, რომელსაც ახორციელებს საქართველოს გაეროს ასოციაციის (UNAG), აშშ-ის საერთაშორისო განვითარების სააგენტოს (USAID) მხარდაჭერით. წყარო:ორგანიზაციის გვერდი სოციალურ ქსელში

თბილისი. 28 მარტს, „ეკონომიკური პოლიტიკის ექსპერტთა ცენტრი" გამართავს მრგვალ მაგიდას თემაზე: „საქართველოში საარსებო მინიმუმის მეთოდოლოგიის კვლევა – მინიმალური სასურსათო კალათის შემადგენლობის ოპტიმიზაცია და საარსებო მინიმუმის გაანგარიშება". განხილვის თემა იქნება საქართველოში არსებული საარსებო მინიმუმის დათვლის მეთოდოლოგიის შესახებ სავარაუდო შენიშვნებისა და შესწორებების მომზადება, სასურსათო კალათის ფარდობის დადგენა არასასურსათო კალათასთან და სხვა. შეხვედრაში მონაწილეობას მიიღებენ არასამთავრობო, სამეცნიერო კვლევითი და სახელმწიფო სექტორის წარმომადგენლები.

თბილისი. 29 მარტს, „იუნისეფის", ამერიკის საელჩოსა, საზოგადოებრივი გაერთიანება „ბემონისა" და „არტარეას" ორგანიზებით ანტინარკოტიკული კამპანიის ფარგლებში მუსიკისა და ვიზუალური ხელოვნების საღამო გაიმართება. ღონისძიება მიზნად ისახავს ნარკოტიკების შესახებ ინფორმაციის გავრცელებას. დეტალური ინფორმაცია ღონისძიების შესახებ წყარო: გაეროს ბავშვთა ფონდის ვებგვერდი სოციალურ ქსელში

კახეთი. 24 მარტს თელავში, საერთაშორისო ორგანიზაციამ „საქართველოს ქალები მშვიდობისა და სიცოცლისათვის", ფონდი,,ახალი სიცოცხლის" ბენეფიციარებს – შშმ ბავშვებს საჩუქრები გადასცა. მაია კვეზერელი „საქართველოს ქალები მშვიდობისა და სიცოცხლისათვის" თავმჯდომარე აცხადებს, რომ „ორგანიზაცია უკვე 22 წელია რაც არსებობს და უამრავ საქველმოქმედო ღონისძიებებში აქვს მონაწილეობა მიღებული. რაც შეეხება ამ კონკრეტულ ღონისძიებას, ამერიკელი დონორების საშუალებით დიდი რაოდენობით ტანსაცმელი და ფეხსაცმელი შევიძინეთ და გადავეცით ფონდი ,,ახალი სიცოცხლის" ბავშვებს”.

თბილისი. სახალხო დამცველმა განცხადება გაავრცელა, რომლითაც ადრეულ ასაკში ქორწინებებს ეხმაურება. „საქართველოში კვლავ დამკვიდრებულ პრაქტიკას წარმოადგენს გოგონათა ადრეულ ასაკში ქორწინება, რასაც ხშირ შემთხვევაში იძულებითი ქორწინების ფორმა აქვს და მოტაცების ან მშობელთა შორის გარიგების შედეგია. ... მოვუწოდებ ყველა შესაბამის უწყებას, გაატარონ აუცილებელი ზომები, ადრეულ ასაკში ქორწინების პრევენციის, გოგონათა დაცვისა და დახმარებისათვის. აუცილებელია ბავშვებთან მომუშავე პროფესიონალებმა, მათ შორის მასწავლებლებმა, სოციალურმა მუშაკებმა, ფსიქოლოგებმა, სამართალდამცავი უწყებების წარმომადგენლებმა გააცნობიერონ თავიანთი როლი და პასუხისმგებლობა", ნათქვამია განცხადებაში. სრულად წყარო:ombudsman.ge

იმერეთი. 21 მარტს ქუთაისის ახალგაზრდულმა ცენტრმა დაუნის სინდრომის საერთაშორისო დღე სხვადასხვა ღონისძიებებით აღნიშნა. სპეციალურად ამ დღისთვის ახალგაზრდულმა ცენტრმა ქართული სუბტიტრები დაურთო იტალიის დაუნის ეროვნული ცენტრის მიერ გადაღებული ვიდეოს, ასევე მოამზადა ბროშურები. ახალგაზრდებმა ქალაქის ცენტრალურ უბნებში მსვლელობა მოეწყო. აქცია მიზნად ისახავდა დაუნის სინდრომის მქონე ადამიანებისთვის სოლიდარობის გამოცხადებას და საზოგადოების ინფორმირებას. ახალგაზრდული ცენტრის წევრებისათვის ორგანიზება გაუკეთდა სემინარს დაუნის სინდრომის თემაზე, რომელსაც საქართველოს განათლების და მეცნიერების სამინისტროს მულტიდისციპლინური ჯგუფის წევრი, ნატო ქობულაძე უძღვებოდა. ღონისძიებები გაიმართა„საქართველოში ეროვნული ინტეგრაციის გაძლიერების" პროექტის (ANI) ფარგლებში, რომელსაც საქართველოს გაეროს ასოციაცია (UNAG) მიერ, აშშ-ის საერთაშორისო განვითარების სააგენტოს (USAID) მხარდაჭერით ახორციელებს. წყარო: ქუთაისის ახალგაზრდული ცენტრის ვებგვერდი სოციალურ ქსელში

თბილისი. 2013 წელს დაუნის სინდრომის საერთაშორისო ორგანიზაციის ინიციატივით დამკვიდრდა „უთვალავი წინდის" ტრადიცია, რომლის მიზანიც მასობრივი სოლიდარობის ორიგინალურად გამოხატვაა. ფერადი წინდის შეძენით ადამიანები იქცევენ გარშემომყოფთა ყურადღებას, ხდებიან ინფრომაციის გამავრცელებლები და იღებენ სოციალურ პასუხისმგებლობას - წვლილი შეაქვთ დაუნის სინდრომის საერთაშორისო ორგანიზაციის ფონდში, რომელიც თემის უფლებების დაცვასა და სტიგმის დაძლევაზე მუშაობს. გაერთიანებული ერების ორგანიზაციის ეგიდით 2011 წლიდან 21 მარტს მსოფლიოს უმრავლეს ქვეყნებში, მათ შორის საქართველოშიც, აღნიშნავენ დაუნის სინდრომის მსოფლიო დღეს. მასშტაბური საერთაშორისო ღონისძიებების მთავარი მიზანი საზოგადოების ინფრომირება, ცნობიერების ამაღლება და მხარდაჭერის მოპოვებაა. დაუნის სინდრომის მსოფლიო დღის აღსანიშნად და დაუნის სინდრომის მქონე ადამიანთა მხარდასაჭერად არასამთავრობო ორგანიზაცია „ვიმეგობროთ" და „დაუნის სინდრომის მქონე ბავშვთა, მშობელთა და პროფესიონალთა კავშირი ჩვენი ბავშვების" ეგიდით გაიმართება აქცია სახელწოდებით - მეგობრები არ ითვლიან ქრომოსომებს. აქციის განრიგი წყარო: აქციის ვებგვერდი სოციალურ ქსელში

თბილისი. 21 მარტს, საქართველოს შრომის, ჯანმრთელობისა და სოციალური დაცვის სამინისტროს მიმდებარე ტერიტორიაზე „კოალიცია დამოუკიდებელი ცხოვრებისათვის" გამართავს აქციას. მისი მიზანია: დაუნის სინდრომის მქონდე ბავშვებისათვის შეზღუდული შესაძლებლობის სტატუსის დაბადებიდან მინიჭება. არსებული სიტუაციით, ამ სტატუსის მინიჭება მხოლოდ 5 წლის ასაკიდან ხდება, რაც განაპირობებს იმას, რომ ამ ასაკამდე ისინი ვერ სარგებლობენ შეზღუდული შესაძლებლობის მქონე ბავშვებისათვის გათვალისწინებული სოციალური ბენეფიტებით. აქციაში მონაწილეობას მიიღებენ შშმ პირთა ორგანიზაციები, დაუნის სინდრომის მქონე პირები, მშობლები, სტუდენტები, მოხალისეები და უფლებადამცველები. სრულად წყარო: კოალიცია დამოუკიდებელი ცხოვრებისათვის, გვერდი სოციალურ ქსელში

კახეთი. ახმეტაში, სოფელ ხალაწანის ტერიტორიული ორგანოს შენობაში ბიბლიოთეკა გაიხსნა. ბიბლიოთეკა არასამთავრობო ორგანიზაციის ,,ქალთა საინფორმაციო ცენტრის" ფინანსური მხადაჭერით გაიხსნა. ბიბლიოთეკა გარემონტდა და ინვენტარით აღიჭურვა. პარლამენტის ეროვნულმა ბიბლიოთეკამ 500 წიგნი უსახსოვრა და დახმარებას სამომავლოდაც დაპირდა. ნინო მოდებაძე, ქალთა საინფორმაციო ცენტრი: „ჩვენ ბევრჯერ გვქონია ადგილობრივ ქალებთან საკონსულტაციო შეხვედრები, კარგად ვიცნობთ მათ პრობლემებს და ვცდილობთ დავეხმაროთ. სწორედ, მათი მოთხოვნის გათვალისწინებით მოხდა ბიბლიოთეკის გახსნაც. რაც შეეხება სამომავლო გეგმებს, სოფლების მოსახლეობას დავეხმარებით ამბულატორიის გახსნაში".

თბილისი. 18 მარტს, არასამთავრობო ორგანიზაცია „სიდას" ორგანიზებით განიხილეს სტუდენტების ნამუშევრები და გამარჯვებულები დაჯილდოვეს. კონკურსი ევროკავშირის მიერ დაფინანსებული პროექტის „არასრულწლოვანთა მართლმსაჯულების რეფორმის მხარდაჭერა ქვემო ქართლისა და სამცხე–ჯავახეთის ეროვნული უმცირესობების თემებში" ფარგლებში შედგა. კონკურსის მიზანს წარმოადგენდა ახალგაზრდების ინტერესის გაზრდა არასრულწლოვანთა მართლმსაჯულების საკითხებისა და მიმდინარე რეფორმების შესახებ. კონკურსანტების შერჩევა ერთი თვის განმავლობაში მიმდინარეობდა და შემოსული ნამუშევრებიდან სპეციალურმა კომისიამ 3 საუკეთესო შეარჩია. კონკურსის ყველა მონაწილეს სერტიფიკატები, ხოლო გამარჯვებულებს ფულადი ჯილდოები გადაეცათ. წყარო:ორგანიზაციის გვერდი სოციალურ ქსელში

აჭარა. 17-19 მარტს, ბათუმის სამ  საჯარო სკოლაში შეზღუდული შესაძებლობების მქონე პირებმა, სკოლის დამამთავრებელი კლასის მოსწავლეებთან საინფორმაციო შეხვედრები გმართეს. შეხვედრის მიზანი შშმ პირების შესახებ მოსწავლეების ინფორმირების ხელშეწყობაა. ასევე სხვადასხვა სიმულაციებით იმ სტერეოტიპების მსხვრევის ხელშეწყობაა, რაც საზოგადოებაში  შშმ პირების ინტეგრაციას უშლის ხელს.  საინფორმაციო შეხვედრები სკოლის მოსწავლეებთან აპრილის ბოლომდე გაგრძელდება. ახალგაზრდული ორგანიზაცია „ცვლილებები თანაბარი უფლებებისათვის” პროექტის ბენეფიციარებიდან შეარჩევს ყველაზე აქტიური მოსწავლეებს, რომლებიც მომაზადებენ ქუჩის თეატრალიზირებულ პერფორმანს. პროექტი ხორციელდება აჭარის სპორტისა და ახალგაზრდობის საქმეთა დეპარტამენტის ფინანსური მხარდაჭერით.

თბილისი. ორგანიზაციამ „პირველი ნაბიჯი საქართველომ" ამერიკულ ორგანიზაციასთან „VORT Corporation”–სთან თანამშრომლობით მოიპოვა ორი მნიშვნელოვანი ინსტრუმენტის ქართული თარგმანისა და მისი გამოყენების საავტორო უფლება. აღნიშნული ინსტრუმენტების დანერგვა კიდევ უფრო გააუმჯობესებს შეზღუდული შესაძლებლობების მქონე ბავშვების და მოზარდების მომსახურების ხარისხს ადრეული ჩარევის, დღის ცენტრის და შინ მოვლა, მომსახურების პროგრამებს. სრულად წყარო: ორგანიზაციის ვებგვერდი სოციალურ ქსელში

თბილისი. სოციალურ მუშაკთა ასოციაცია საქართველოს მთავრობას მიმართავს. ორგანიზაციის წარმომადგენლებს მიაჩნიათ, რომ უმნიშვნელოვანესია, რომ საქართველოს მთავრობამ წინ წამოწიოს სოციალური დაცვის უფლებები ადამიანის უფლებათა დაცვის პროცესში. „სოციალური დაცვის უფლება ის საბაზისო უფლებაა, რომლის განხორციელებაც დაგვეხმარება სხვა უფლებების რეალიზებაში. სხვაგვარად, ქვეყანაში ადამიანის უფლებრივი მდგომარეობის გაუმჯობესებაზე მიმართული ძალისხმევა ქმედითი ვერ გახდება", ნათქვამია ორგანიზაციის ვებგვერდზე სოციალურ ქსელში. სრულად წყარო: ორგანიზაციის ვებგვერდი სოციალურ ქსელში

თბილისი. კავკასიის კვლევითი რესურსების ცენტრი (CRRC), ამერიკული საბჭოები და სამხრეთ კავკასიის ამერიკული კვლევითი ინსტიტუტი (ARISC) აგრძელებენ 2014 წლის გაზაფხულის სეზონს მეექვსე სესიით. სესიაზე კენტაკის უნივერსიტეტის წარმომადგენელი ერინ კოხი წარმოადგენს ლექციას: „ჩვენ ვარსებობთ, მაგრამ არ ვცხოვრობთ: იძულებით გადაადგილებული პირები და სტრუქტურული მოწყვლადობა საქართველოში". სესია გაიმართება 19 მარტს, 18:15 საათზე, ევრაზიის თანამშრომლობის ფონდის/CRRC-საქართველოს ოფისში: კავსაძის ქ. 3. სრულად წყარო: crrc.ge

თბილისი.18 მარტს ორგანიზაციამ „პარტნიორობა ადამიანის უფლებებისთვის", საქართველოს რეფორმების ასოციაციასთან ერთად გამართა სამუშაო შეხვედრა, რომლის მიზანი იყო საკანონმდებლო ცვლილების პაკეტის შემუშავება, შეზღუდული შესაძლებლობის მქონე პირთა და ფსიქო-სოციალური საჭიროების მქონე ქალთა უფლებების უკეთ დასაცავად. შეხვედრას ესწრებოდნენ შშმ პირთა საკითხებზე მომუშავე არასამთავრობო ორგანიზაციები. შეხვედრის პირველ ნაწილში განიხილულ იყო შშმ პირთა საკითხებზე მომუშავე არასამთავრობო ორგანიზაციების როლი სხვადასხვა საერთაშორისო ორგანიზაციებში ჩრდილოვანი ანგარიშების წარდგენის დროს. შეხვედრის მეორე ნაწილი დაეთმო შშმ ქალთა მიმართ ძალადობისა და ოჯახში ძალადობის საკითხებს. განსაკუთრებული ყურადღება გამახვილდა საქართველოში ქალთა ძალადობისაგან დაცვის საერთაშორისო სტანდარტების იმპლემენტაციის გამოწვევებზე და დაიგეგმა სამომავლო ღონისძიებები. წყარო: ორგანიზაციის ვებგვერდი სოციალურ ქსელში