სიახლეები
კახეთი. 15 სექტემბერს, ქალაქ თელავში გაეროს მოსახლოების ფონდისა (UNFPA) და სპორტის და ახალგაზრდობის საქმეთა სამინისტროს (MSY) ორგანიზებით ახალგაზრდული ფესტივალი გაიმართა, რომლის მთავარი სლოგანი „თანატოლები - თანასწორობისთვის" იყო. ღონისძიება ჩატარდა გაეროს ერთობლივი პროგრამის „გენდერული თანასწორობის ხელშეწყობისთვის საქართველოში" ფარგლებში, რომელიც ხორციელდება შვედეთის საერთაშორისო განვითარების სააგენტოს (Sida) მხარდაჭერით და საქართველოს ახალგაზრდების განვითარებისა და განათლების ასოციაციის (GYDEA) პარტნიორობით.
წყარო:Gydea Georgia–ს გვერდი სოციალურ ქსელში
სამცხე–ჯავახეთი. დემოკრატ მესხთა კავშირის მხარდაჭერით 27 სექტემბერს საქველმოქმედო აქცია–კონცერტი გაიმართება.
ღონისძიების შედეგად შეგროვებული თანხით ორგანიზაცია 21 წლის მამუკა გვირჯიშვილის დაეხმარება, რომელსაც გადაუდებელი ოპერაცია ესაჭიროება.
სრულად
წყარო:ორგანიზაციის გვერდი სოციალურ ქსელში
კახეთი. მშვიდობის კვირეულის ფარგლებში, თელავის ახალგაზრდული ცენტრის მონაწილეები მშვიდობის კორპუსის ამერიკელ მოხალისეს შეხვდნენ.
შეხვედრაზე ახალგაზრდები გაეცნენ ამერიკულ კულტურას, ისაუბრეს მოხალისეობასა და აქტიურ მოქალაქეობაზე. მიმოიხილეს მშვიდობის კორპუსის მისია და ამერიკელი მოხალისეების როლი საქართველოში. ღონისძიება ორგანიზებულ იქნა „საქართველოში ეროვნული ინტეგრაციის გაძლიერების პროექტის" (ANI) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) მხარდაჭერით.
წყარო: ეროვნული ინტეგრაციის გაძლიერება საქართველოში-თელავის ცენტრის გვერდი სოციალურ ქსელში
შიდა ქართლი. სასწავლო წლის დაწყებასთან ერთად, „ახალგაზრდების ჩართულობა და განვითარების" პროექტის ფასილიტატორებმა ახალდაბის, შავშვების, ტყვიავის და ტირძნისის საჯარო სკოლებში შეხვედრების გამართვა დაიწყეს. შეხვედრები ითვალისწინებს ადგილობრივი თემების წარმომადგენლებისთვის მიმდინარე სასწავლო წელს პროექტის ფარგლებში დაგეგმილი აქტივობების გაცნობას. ფასილიტატორებმა შეხვედრის მონაწილეებს მიაწოდეს ინფორმაცია, თუ რომელი მიმართულებებით წარიმართება კლუბების საქმიანობა და რა როლს ითამაშებს იგი მოსწავლეების განვითარებასა და მათ თანამედროვე რეალიების შესაბამისი ცოდნით და უნარ-ჩვევებით აღჭურვილ პიროვნებებად ჩამოყალიბებაში.
წყარო:ორგანიზაციის გვერდი სოციალურ ქსელში
გურია. ახალგაზრდა პედაგოგოთა კავშირმა გურიის საჯარო სკოლებში სასკოლო ბუფეტებისა და სასწავლო გარემოს განათების (ელექტრიფიცირების) მონიტორინგის შედეგები გამოაქვეყნა. პროცესი 2013 წლის 1 აპრილიდან 2013 წლის 10 მაისამდე მიმდინარეობდა.
მონიტორინგის მიზანი იყო, გამოვლენილიყო, შეესაბამება თუ არა საქართველოში რეკომენდებულ სააღმზრდელო ნორმებსა და სტანდარტებს გურიის რეგიონის საჯარო სკოლებში არსებული მდგომარეობა სასკოლო ბუფეტების და სასწავლო გარემოს განათების (ელექტრიფიცირების) კუთხით.
აღნიშნულ პერიოდში ჩატარდა გურიის სამივე მუნიციპალიტეტის (ოზურგეთი, ლანჩხუთი, ჩოხატაური) 24 საჯარო სკოლის მონიტორინგი.
მონიტორინგის შედეგები
წყარო:ორგანიზაციის გვერდი სოციალურ ქსელში
20/09/2013
20 სექტემბერს, 14:00 საათზე, საქართველოს წითელი ჯვრის საზოგადოება გამართავს აქციას
– „გამიცვალე სიგარეტი".
მისამართი:თბილისი, ჯავახიშვილის უნივერსიტეტის მიმდებარე ტერიტორია
თბილისი. საერთაშორისო გამჭვირვალობა საქართველოს ინფორმაციით, 19 სექტემბერს თბილისის სააპელაციო სასამართლომ ძალაში დატოვა საქალაქო სასამართლოს გადაწყვეტილება ფინანსთა მინისტრის იმ ბრძანების ბათილად ცნობის შესახებ, რომლითაც „საქართველოს ფოსტა" უპირატეს მდგომარეობაში აღმოჩნდა და მცირე გადამზიდავების სამეწარმეო საქმიანობა პრაქტიკულად შეუძლებელი გახდა.
სრულად
წყარო: transparency.ge
თბილისი. ევროპულმა ინიციატივამ–ლიბერალურმა აკადემია, 19 სექტემბერს გამართა შუალედური ანგარიშის – „ვიზის ლიბერალიზაციის პერსპექტივები სამოქალაქო ჩართულობა და ადვოკატირება" – პრეზენტაცია.
პროექტის მიზანი იყო ვიზის ფასილიტაცის ხელშეკრულებისა და ევროპის სავიზო კოდექსის განხორციელების მონიტორინგი, შედეგების შესახებ საზოგადოების ინფორმირებულობის დონის გაზრდა, სამოქალაქო თანამონაწილეობის უზრუნველყოფა და ადვოკატირება.
პროექტის პირველი შუალედურ კვლევაში წარმოდგენილი იყო ევროკავშირის წევრი ქვეყნების საკონსულოების პროფილები, გამოიკვეთა ძირითადი ტენდენციები და პროგრესთან ერთად აღიწერა იპმპლემენტაციის პროცესში გამოვლენილი კონკრეტული პრობლემები.
სრულად
წყარო: ორგანიზაციის გვერდი სოციალურ ქსელში
20/09/2013
20 სექტმებერს 18:00 საათზე, ჰაინრიხ ბიოლის ფონდი გამართავს საჯარო დისკუსიას, თემაზე: „ომით გაყოფილი საზოგადოებები 20 წლის შემდეგ: სამშვიდობო პოლიტიკა და შერიგების რესურსები"
მისამართი: ბათუმი,ფარნავაზ მეფის 62-64. დემოკრატიული ჩართულობის ცენტრი.
20/09/2013
20 სექტემბერს 15:00 საათზე, საია გამართავს შეხვედრას თემაზე: კენჭისყრის დღეს შენობაში ფოტო–ვიდეო გადაღების შემზღუდავ რეგულაციებთან დაკავშირებით.
მისამართი: თბილისი, სასტუმრო „ქორთიარდ მარიოტი"
20/09/2013
20 სექტემბერს 16:00 საათზე, ახალგაზრდა ადვოკატები შეხვდებიან პირველკურსელ იურისტებს.
მისამართი: თბილისი, თსუ-ს II კორპუსის 217-ე აუდიტორია
20/09/2013
20 სექტემბრეს,17:00 საათზე, „თავისუფალ ჟურნალისთთა სახლი" გამართავს დისკუსიას, თემაზე - „ბათუმის მერიის სტუდნეტური დასაქმების პროგრამის დადებითი და უარყოფითი მხარეები".
მისამართი: ბათუმი, მელაშვილისა და საბაჟოს შესახვევი 1/2
20/09/2013
20 სექეტემბერს 12:00 საათზე საიას ქუთაისის ფილიალი გამართავს პროექტის „ჩემი ხმა პარლამენტში" – დასკვნით პრეზენტაციას.
მისამართი: ქუთაისი, დემოკრატიული ჩართულობის ცენტრი
20/09/2013
20 სექტემბერს, 13:00 საათზე, საზოგადოებრივი ორგანიზაცია „შშმ პირების უფელბებისთვის" გამართავს შეხვედრას ადგილობრივ მესამე სექტორის წარმომადგენლებთან. საუბარი შეეხება შშმ პირების პრობლემებს და მათი გადაჭრის გზები.
მისამართი: ბათუმი, ფარნავაზ მეფის 64
20/09/2013
20 სექტემბერს, 11:00 საათზე არასამთავრობო სექტორი წარადგენს ალტერნატიულ ანგარიშს ადამიანის უფლებებზე საქართველოში. ანგარიშზე მუშაობდნენ არასამთავრობო ორგანიზაციების კოალიციის წევრები გაეროს ხელშეწყობით.
მისამართი: თბილისი, სასტუმრო „ქორთიარდ მარიოტი"
თბილისი. საზოგადოებრივი ორგანიზაციები ერთობლივ განცხადებას ავრცელებენ, რომელიც ერთი წინ წინ, 2012 წლის 18 სექტემბერს, მედია საშუალებებით გავრცელებულ პენიტენციურ სისტემაში პატიმართა წამების, არაადამიანური მოყრობის ფაქტების გამოძიების საკითხებს ეხება.
„სამწუხაროდ, დღეს, კადრების გავრცელებიდან ერთი წლის შემდეგ, საზოგადოებას არ აქვს სრული სურათი ადამიანის უფლებათა იმ სისტემური დარღვევის შესახებ, რომელსაც ადგილი ჰქონდა სასჯელაღსრულების სისტემაში. ამ ფაქტებზე მიმდინარე გამოძიების შედეგები არ არის გამჭვირვალე. საზოგადოებისთვის ცნობილია მხოლოდ გამოძიებასთან დაკავშირებული რამდენიმე ზოგადი ინფორმაცია... მივმართავთ შესაბამის უწყებებს საზოგადოებას წარუდგინონ დეტალური ანგარიში სასჯელაღსრულების სისტემაში წამებისა და არასათანადო მოპყრობის ფაქტებზე ერთი წლის განმავლობაში მიმდინარე გამოძიებისა და მისი შედეგების თაობაზე...", ნათქვამია განცხადებაში.
სრულად
წყარო:ადამიანის უფლებების სწავლებისა და მონიტორინგის ცენტრის გვერდი სოციალურ ქსელში
თბილისი. საერთაშორისო გამჭვირვალობა – საქართველო განაგრძობს რეგიონში ადგილობრივი მოსახლეობის პრობლემების მონიტორინგს. ორგანიზაციამ ამჯერად ხობის მუნიციპალიტეტის სოფლის შავღელეს ეკომიგრანტების საცხოვრებელი პირობების ამსახველი ინფორმაცია და ფოტომასალა გაავრცელა.
სრულად
წყარო: transparency.ge
იმერეთი. 19 სექტემბერს სამოქალაქო განათლებისა და პედაგოგთა გადამზადების პროგრამის ფარგლებში სამოქალაქო კლუბების კოორდინატორმა შეხვედრები ქუთაისის საჯარო სკოლის სამოქალაქო კლუბის მეურვე პედაგოგებთან და ლიდერებთან გამართა. შეხვედრების მონაწილეები გაეცვნენ პროგრამის წლის სამუშაო გეგმის პრიორიტეტებს და მიიღეს კონსულტაციები სამომავლო გეგმების შესახებ. ასევე სამოქალაქო კლუბის ლიდერებმა დაგეგმეს 3 ოქტომბრის, მასწავლებლის დღესთან დაკავშირებული ღონისძიება.
წყარო:ორგანიზაციის გვერდი სოციალურ ქსელში
თბილისი. „ახალგაზრდა ადვოკატები" ინსტიტუციური დიალოგის ფარგლებში, საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრ დავით დარახველიძეს შეხვდნენ. დიალოგის მთავარი საკითხები იყო: სამინისტროს ახალი პოლიტიკა ადგილნაცვალი პირების სოციალურ-ეკონომიკურ, სამოქალაქო და პოლიტიკური უფლებების გაუმჯობესების მიმართულებით, სამინისტროს ახალი ხედვა ოკუპირებული ტერიტორიებიდან ადგილნაცვალი პირების რეინტეგრაციის მიმართულებით, სამინისტროს ახალი პოლიტიკის პერსპექტივები და მოლოდინები დევნილთა ოკუპირებულ ტერიტორიებზე დაბრუნების მიმართულებით, სამინისტროს საერთაშორისო და რეგიონალური კავშირების გამოყენების შესაძლებლობა აფხაზეთისა და სამაჩაბლოს რეგიონებთან მჭიდრო კავშირების მიმართულებით, სამინისტროს 2014 წლის პრიორიტეტები და ა.შ
პროექტის ფარგლებში, ეს ორგანიზაციის მიერ გამართული მეორე შეხვედრა იყო.
სრულად
წყარო:ორგანიზაციის გვერდი სოციალურ ქსელში
თბილისი. საქართველოს შრომის ჯანმრთელობისა და სოციალური დაცვის სამინისტროსა და
გაეროს ბავშვთა ფონდს (UNICEF) შორის ურთიერთგაგების მემორანდუმი გაფორმდა. მისი მიზანია მიზნობრივი სოციალური დახმარების პროგრამის დახვეწა და სოციალური დაცვის სისტემის ბავშვზე უფრო მეტად ორიენტაცია.
წყარო: ჯანდაცვის სამინისტროს გვერდი სოციალურ ქსელში
სფერო: სოციალური
თბილისი. ჰაინრიჰ ბიოლის ფონდის სამხრეთ კავკასიის რეგიონული ბიურო 23 სექტემბერს გამართავს სასტიპენდიო პროგრამის პრეზენტაციას.
ჰაინრიჰ ბიოლის ფონდი 2003 წლიდან სამხრეთ კავკასიის რეგიონში ყოველწლიურად ახორციელებს რეგიონულ სასტიპენდიო პროგრამას ახალგაზრდა სპეციალისტებისათვის საზოგადოებრივი და სხვა მომიჯნავე მეცნიერებების მიმართულებით. პროგრამის სტიპენდიატები (არა უმეტეს 35 წლისა) საკუთარ ქვეყნებში, ცხოვრების ადგილის მიხედვით, აწარმოებენ ინდივიდუალურ ინტერდისციპლინურ კვლევებს თანამედროვე ისტორიის, პოლიტიკის, გენდერის, კრიტიკული სოციოლოგიის და მდგრადი განვითარების საკითხებზე.
პრეზენტაცია გაიმართება 23 სექტემბერს
14:00 საათზე ივანე ჯავახიშვილის სახელობის თბილისის სახელმწიფო უნივერსიტეტში (თსუ–ს პირველი კორპუსი, 115 აუდიტორია).
18:00 საათზე ილიას სახელმწიფო უნივერსიტეტის წიგნების მაღაზია ლიგამუსში.
წყარო: ფონდის გვერდი სოციალურ ქსელში
თბილისი. ინფორმაციის თავისუფლების განვითარების ინსტიტუტი მოუწოდებს საჯარო დაწესებულებებს „შეასრულონ კანონმდებლობით მათზე დაკისრებული ვალდებულებები და სასწრაფოდ დაამტკიცონ საჯარო ინფორმაციის პროაქტიულად გამოქვეყნების წესი და საჯარო ინფორმაციის ელექტრონული ფორმით მოთხოვნის სტანდარტი".
„პროაქტიულად გამოსაქვეყნებელი საჯარო ინფორმაციის ნუსხა შედგენილია იმგვარად, რომ მაქსიმალურად იქნეს უზრუნველყოფილი ადმინისტრაციული ორგანოების ფინანსური გამჭვირვალობისა და სხვა საზოგადოებისთვის მნიშვნელოვანი ინფორმაციის ხელმისაწვდომობა, აქედან გამომდინარე, მნიშვნელოვნად მიგვაჩნია, რომ ადმინისტრაციულმა ორგანოებმა იხელმძღვანელონ მთვარობის დადგენილებით განსაზღვრული ნუსხით და არ შემოიფარგლონ მხოლოდ იმ ინფორმაციის გამოქვეყნებით, რომელიც მათ გამჭვირვალობის ნაკლებ ვალდებულებას დააკისრებს, რასაც სამწუხაროდ უკვე ადგილი აქვს ქ. თბილისის საკრებულოს, პრეზიდენტის ადმინისტრაციის და სხვა ორგანოების მაგალითზე", ნათქვამია ორგანიზაციის ვებ–გვერდზე.
სრულად
წყარო:idfi.ge