თბილისი. სამართალდამცავთა დაცვის ლიგა სოციალურ ქსელში განცხადებას ავრცელებს. „რუსეთ–საქართველოს 2008 წლის ომიდან 5 წელი გავიდა. „სამართალდამცავთა დაცვის ლიგა" უთანაგრძნობს საქართველოს ყველა მოქალაქეს, რომლებმაც აღნიშნულ ომში ოჯახის წევრი, ნათესავი, მეგობარი დაკარგა. ასევე დაკარგა საცხოვრებელი ადგილი. გვინდა ხაზგასმით აღვნიშნოთ, რომ რუსეთ–საქართველოს ომში მონაწილე თითოეული მებრძოლი არის გმირი, ...", ნათქვამია განცხადებაში. სრულად წყარო: ორგანიზაციის გვერდი სოციალურ ქსელში

შიდა ქართლი. 7 აგვისტოს სპორტისა და ახალგაზრდობის საქმეთა სამინისტროს სსიპ ბავშვთა და ახალგაზრდობის განვითარების ფონდმა შეხვედრები ქარელისა და გორის მუნიციპალიტეტებში გამართა. საინფორმაციო შეხვედრა ფონდის მიერ გამოცხადებული ახალგაზრდული იდეების კონკურსის (მცირე საგრანტო კონკურსის) ფარგლებში გაიმართა. წყარო:ორგანიზაციის გვერდი სოციალურ ქსელში

8 აგვისტოს, 15 :00 საათზე, ახალგაზრდული ორგანიზაცია „არტ ვეი" და „ცვლილებები თანაბარი უფლებებისათვის" გამართავს შეხვედრას შშმ პირთა საკითხებზე მომუშავე საკონსულტაციო საბჭოს წევრებთა.  მისამართი: ბათუმი, ფარნავაზ მეფის 62-64, ბათუმის დემოკრატიული ჩართულობის ცენტრი

8 აგვისტოს, 15:00 საათზე არასამთავრობო ორგანიზაცია „დემოკრატ მესხთა კავშირის" ახალგაზრდული ცენტრის წევრები გამართავენ მშვიდობიან აქციას  ქვეყნის ტერიტ ორიების ოკუპაციის წინააღმდეგ. მისამართი: ახალციხე, ცენტრალური პარკი

8 აგვისტოს, 11:00 საათზე, არასამთავრობო ორგანიზაცია „ახალგაზრდა ადვოკატების" წარმომადგენლები საქართველოს ტერიტორიული მთლიანობისთვის დაღუპულთა ხსოვნას პატივს მიაგებენ.  მისამართი:თბილისი, მუხათგვერდის ძმათა სასაფლაო

სამეგრელო.7 აგვისტოს ზუგდიდის მუნიციპალიტეტის საკრებულოში, ახალგაზრდა პარლამენტარებმა, გაეროს პროექტის – „ჩემი სამყაროს" – ფარგლებში, ზუგდიდში მცხოვრები ახალგაზრდები გამოკითხეს. შეხვედრაზე გაეროს მიერ ინიცირებული 16 თემიდან ექვსი შეირჩა, რომლებსაც საქართველოს მასშტაბით განხორციელებული გამოკითხვის შედეგების შეჯერების საფუძველზე, მთავრობა სექტემბერში გაეროს გენერალურ ასამბლეას წარუდგენს. აუდიტორიამ ერთ-ერთ ძირეულ გამოწვევად ხელმისაწვდომი და სრულფასოვანი კვების პრობლემა დაასახელა. შეხვედრის მონაწილეების თქმით, თანამედროვე სამყაროში ტექნიკურმა წინსვლამ მნიშვნელოვანი გავლენა იქონია ჯანსაღ პროდუქტებზე.  შეხვედრის მონაწილეებმა ხარისხიანი განათლების პრობლემასა და სწავლების თითოეული, სკოლამდელიდან უმაღლესი სასწავლებლის ეტაპების ხარვეზებზეც იმსჯელეს. შეხვედრაზე ასევე განხილულეს სამუშაო ადგილების გაზრის, პოლიტიკური თავისუფლების და განსხვავებული შესაძლებლობის პირთა ხელშწყობის საკითხები. წყარო:ორგანიზაციის გვერდი სოციალურ ქსელში

საერთაშორისო არასამთავრობო ორგანიზაცია „ქეა კავკასიის" მიერ გამოცხადებული საგრანტო კონკურსის ფარგლებში შეხვედრები იმართება. საგრანტო კონკურსის მიზანია ხელი შეუწყოს სიღარიბის შემცირებას მარგინალურ ჯგუფებში, რომლებიც ბაზრებთან წვდომის სირთულის წინაშე დგანან. 7 აგვისტოს პროექტის წარმომადგენლები მარნეულსა და რუსთავს ეწვივნენ, სადაც საინფორმაციო შეხვედრები გამართეს ადგილობრივ ფერმერებთან, არასამთავრობო ორგანიზაციების წარმომადგენლებთან და სხვა დაინტერესებულ პირებთან. 8 აგვისტოს ანალოგიური შეხვედრა გაიმართება ახალქალაქში და ნინოწმინდაში, ხოლო 9 აგვისტოს ბოლნისსა და დმანისში. საგრანტო კონკურსი გამოცხადდა პროექტის  – „ადგილობრივი მონაწილე მხარეები ერთიანდებიან ინკლუზიური ეკონომიკური განვითარებისა და მმართველობისთვის სამხრეთ კავკასიაში" (JOIN) – პროექტის ფარგლებში, რომელიც დაფინანსებულია ავსტრიის განვითარების (ADC) მიერ, რომელსაც ახორციელებს CARE ავსტრია და CARE საერთაშორისო კავკასია, პარტნიორ ორგანიზაციებთან ერთად: სამოქალაქო განვითარების სააგენტო (CiDA) საქართველოში და აგრობიზნესისა და სოფლის მეურნეობის განვითარების ცენტრი (CARD) სომხეთში. ინფორმაცია საგრანტო კორნკურსის შესახებ csogeorgia.org jobs.ge cida.ge წყარო: სიდას გვერდის სოციალურ ქსელში

თბილისი. ჯანდაცვის მსოფლიო ორგანიზაცია ამზადებს ანგარიშის „მსოფლიოში მოზარდთა ჯანმრთელობა", რომელშიც გაანალიზებული იქნება ისეთი  საკითხები, როგორიცაა მოზარდების ჯანმრთელობის მდგომარეობა მსოფლიო მასშტაბით, ჯანმრთელობის და დაავადებების მიზეზები, ასევე როგორ  აკმაყოფილებენ ცალკეული საზოგადოებები და ქვეყნები მოზარდთა მოთხოვნილებებს. გამოკითხვა ტარდება 2013 წლის 15 ივლისიდან 15 სექტემბრამდე. სრულად წყარო: geoyouth.ge

სამცხე–ჯავახეთი.8 აგვისტოს, არასამთავრობო ორგანიზაცია „დემოკრატ მესხთა კავშირის" ახალგარზდული ცენტრის წევრები, გამართავენ მშვიდობიან აქციას, ქვეყნის ტერიტორიების ოკუპაციის წინააღმდეგ. აქცია გაიმართება ქალაქ ახალციხის ცენტრალურ პარკში 15:00 საათზე წყარო: ორგანიზაციის გვერდი სოციალურ ქსელში

თბილისი. „პირველი ნაბიჯი საქართველოს" ინიციატივითა და უშუალო მონაწილეობით, გამოიცა ახალი სახელმძღვანელო შეზღუდული შესაძლებლობების მქონე ბავშვების მშობლებისათვის. სახელმძღვანელო შეიქმნა ამერიკის შეერთებული შტატების საელჩოს პროექტის „შეზღუდული შესაძლებლობების მქონე ბავშვთა და მოზარდთა თანაბარი განათლების, დამოუკიდებელი ცხოვრებისა და მათი სოციალური ინკლუზიის ხელშეწყობა" ფარგლებში.  სახელმძღვანელო აგებულია რჩევებზე, რომელსაც სპეციალისტები აძლევენ მშობლებს, რომელთაც ყავთ სხვადასხვა ტიპის შეზღუდული შესაძლებლობების მქონე ბავშვები. ესენია: ინტელექტუალური თუ მეტყველების დარღვევების მქონე ბავშვები, სმენის და მხედველობის დარღვევების მქონე ბავშვები, მოტორული ფუნქციების განვითარების დარღვევების და რთული ქცევის მქონე ბავშვები, აგრეთვე აუტისტი ბავშვები და ა.შ. წყარო: „პირველი ნაბიჯის" გვერდი სოციალურ ქსელში

იმერეთი.  6 აგვისტოს ქუთაისის ახალგაზრდული ცენტრის წევრებისათვის  გაიმართა დისკუსიას თემაზე: „არალეგალური მიგრაცია და ტრეფიკინგი". შეხვედრაზე მოწვეულმა სტუმარმა, მიგრაციის საერთაშორისო ორგანიზაციის (IOM) ქუთაისის ოფისის ხელმძღვანელმა დამსწრეებს გააცნო ისეთი მნიშვნელოვანი საკითხები, როგორიცაა: ტრეფიკინგის ნიშნები; ტრეფიკინგის ფორმები; მდგომარეობა საქართველოში ტრეფიკინგის და არალეგალური მიგრაციის საკითხებთან დაკავშირებით (ხელშემწყობი ფაქტორები); ტრეფიკინგის შემთხვევები საქართველოში და მასთან ბრძოლის სამართლებრივი მექანიზმები; ადამიანთა ვაჭრობის (ტრეფიკინგის) წინააღმდეგ ბრძოლის სამოქმედო გეგმა და სახელმწიფოს როლი ტრეფიკინგის პრევენციის საკითხებში და ა.შ. ახალგაზრდული ცენტრის წევრებს დაურიგდათ საინფორმაციო მასალები. დისკუსია გაიმართა „საქართველოში ეროვნული ინტეგრაციის გაძლიერების პროექტის" (ANI) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) მხარდაჭერით. წყარო: ქუთაისის ახალგაზრდული ცენტრის გვერდი სოციალურ ქსელში

თბილისი. ადამიანის უფლებათა ცენტრმა ანგარიში – „საქართველოს ფსიქიატრიული დაწესებულებები – პრობლემები, საჭიროებები, რეკომენდაციები" – გამოაქვეყნა. ანგარიში ეყრდნობა ადამიანის უფლებათა ცენტრის წარმომადგენელთა მიერ საქართველოს რიგ ფსიქიატრიულ დაწესებულებებში განხორციელებული ვიზიტებისა და კვლევის შედეგებს. ჯგუფის შემადგენლობაში იყვნენ:  ორი იურისტი, პათოფსიქოლოგი, უფლებადამცველი (ამავდროულად, სერვისის მომხმარებელი) და ჟურნალისტი ოპერატორთან ერთად. პროექტის ფარგლებში მომზადდა ასევე  დოკუმენტური ორსერიანი ფილმი - „გარიყულები". კვლევა დაფინანსებულია Pro Viqtimis Fundations-ს მიერ. ანგარიში ფილმი – გარიყულები (ნაწილი  1) ფილმი – გარიყულები (ნაწილი 2) წყარო:humanrights.ge

სამცხე–ჯავახეთი. ახალქალაქის ახალგაზრდული ცენტრის წევრებმა, მოწევის საწინააღმდეგოდ საინფორმაციო აქცია გამართეს. ღონისძიების ფარგლებში მომზადდა და მოსახლეობაში გავრცელდა საინფორმაციო ბუკლეტები. ღონისძიება ჩატარდა პროექტ „ეროვნული ინტეგრაციის გაძლიერება საქართველოში" ფარგლებში. წყარო:ორგანიზაციის გვერდი სოციალურ ქსელში

სამეგრელო.  ქალთა საინფორმაციო ცენტრი გაეროს ქალთა ორგანიზაციასთან ერთად „ერთი ფანჯრის" პრინციპის საკონსულტაციო შეხვედრას მართავს. შეხვედრა მიზნად ისახავს ზუგდიდის მუნიციპალიტეტში მცხოვრები იძულებით გადაადგილებული და კონფლიქტის შედეგად დაზარალებული პირების პრობლემების განხილვასა და ადგილზე გადაწყვეტას. შეხვედრა ორგანიზებულია პროექტის – „ქალები თანასწორობის, მშვიდობისა და განვითარებისათვის" – ფარგლებში. წყარო:ორგანიზაციის გვერდი სოციალურ ქსელში

შიდა ქართლი. ცენტრი „აფხაზეთი"  გორში ატარებს ტრენინგებს თემებზე: „სასკოლო კლუბების მუშაობის ფორმები და მართვა" და „ბავშვი ბავშვისთვის" სწავლების მეთოდოლოგია. ტრენინგებში, რომლებიც მიზნად ისახავს არაფორმალური განათლების კლუბების შექმნისა და განვითარების საქმეში მასწავლებლების შესაძლებლობების გაზრდას, გორის რაიონის „ბუფერული ზონის" სოფლების 80 პედაგოგია ჩართული. ტრენინგებზე მიღებულ ინფორმაციასა და ცოდნას პედაგოგები საკლუბო აქტივობების დაგეგმვისა და განხორციელების პროცესში გამოიყენებენ, სადაც მოსწავლეთა ჩართულობას მაღალი ყურადღება მიექცევა.  ტრენინგები ორგანიზებულია პროექტის – „ახალგაზრდების მონაწილეობა და განვითარება" - ფარგლებში, რომელიც დაფინანსებულია USAID-ის მიერ და ხორციელდება გაეროს ბავშვთა ფონდის (UNICEF) მხარდაჭერით. წყარო:ორგანიზაციის გვერდი სოციალურ ქსელში

ბავშვთა და ახალგაზრდობის ფონდი ახალგაზრდული იდეების კონკურსის ფარგლებში მიმდინარე კვირაში საინფორმაციო შეხვედრები გაიმართება. 7 აგვისტო: 12:00 ქარელის მუნიციპალიტეტის საკონფერენციო დარბაზი; 12:00 წალკის მუნიციპალიტეტის საკონფერენციო დარბაზი; 15:00 გორის მუნიციპალიტეტის საკონფერენციო დარბაზი; 16:00 მარნეულის დემოკრატიული ჩართულობის ცენტრი; 8 აგვისტო: 12:00 თეთრიწყაროს მუნიციპალიტეტის საკონფერენციო დარბაზი; 12:00 ქობულეთის მუნიციპალიტეტის საკონფერენციო დარბაზი; 12:00 კასპის მუნიციპალიტეტის საკონფერენციო დარბაზი; 15:00 ხაშურის მუნიციპალიტეტის საკონფერენციო დარბაზი; 15:00 ბათუმის უნივერსიტეტის საკონფერენციო დარბაზი; 17:50 დმანისის მუნიციპალიტეტის საკონფერენციო დარბაზი; 9 აგვისტო: 12:00 ბორჯომის მუნიციპალიტეტის საკონფერენციო დარბაზი; 12:00 შუახევის მუნიციპალიტეტის საკონფერენციო დარბაზი; 15:00 ქედის მუნიციპალიტეტის საკონფერენციო დარბაზი; 17:00 ხელვაჩაურის მუნიციპალიტეტის საკონფერენციო დარბაზი; კონკურსის შესახებ ინფორმაცია www.fondi.gov.ge წყარო: ბავშვთა და ახალგაზრდობის ფონდის გვერდი სოციალურ ქსელში

7 აგვისტო, 10:00 საათზე ქალთა საინფორმაციო ცენტრი გამართავს შეხვედრას ზუგდიდის მუნიციპალიტეტში მცხოვრები იძულებით გადაადგილებულ და კონფლიქტის შედეგად დაზარალებულ პირებთან. შეხვედრის მიზანია პრობლემების განხილვა. მისამართი: ზუგდიდი, მუნიციპალიტეტის გამგეობის საკონფერენციო დარბაზი

თბილისი. 6 აგვისტოს სამართლიანმა არჩევნებმა და ახალგაზრდა იურისტთა ასოციაციამ პრესკონფერენცია გამართეს. ორგანიზაციებმა „იმ საშიშროებაზე ისაუბრეს, რომელიც აჭარის ბიუჯეტის გაზრდითა და სასამართლოს უმოქმედობის შედეგად აზიანებს წინასაარჩევნო პროცესს", ნათქვამია სამართლიანი არჩევნების ვებგვერდზე. საია და სამართლიანი არჩევნები მოუწოდებენ ბათუმის საქალაქო სასამართლოს საარჩევნო დავა კანონით დადგენილ გონივრულ ვადაში განიხილოს. შეგახსენებთ, რომ 30 ივლისს, სამართლიანი არჩევნებმა და საქართველოს ახალგაზრდა იურისტთა ასოციაციამ ბათუმის საქალაქო სასამართლოში სარჩელი შეიტანა, რათა აჭარის უმაღლესმა საბჭომ შეაჩეროს რესპუბლიკური ბიუჯეტის შესახებ კანონში შეტანილი ცვლილება, რომლის თანახმადაც 13 მილიონ 554 ათას 400 ლარი ინფრასტრუქტურულ და სოციალურ პროექტებს მოხმარდება. სრულად წყარო: isfeg.ge

კახეთი. 2 აგვისტოს თუშეთში ეკო–ბანაკი გაიხსნა, რომელშიც კახეთის რეგიონის ცხრა ეკო–კლუბის წარმომადგენლები მიიღებენ ცოდნას გარემოს დაცვის შესახებ. ბანაკი აშშ–ს საერთაშორისო განვითარების სააგენტოს დირექტორმა სტივენ ჰაიკინმა გახსნა. აშშ–ს საერთაშორისო განვითარების სააგენტოს პროექტმა წყალშემკრებ აუზებში ბუნებრივი რესურსების ინტეგრირებული მართვა (INRMW) დახმარება გაუწია 38 ეკო-კლუბს ახმეტის, თელავის, დედოფლისწყაროს, ამბროლაურის, ონის, სენაკის და ხობის მუნიციპალიტეტების სკოლებში. ეკო-კლუბების მიზანია ახალგაზრდების ჩართვა გარემოს დაცვისა და ბუნებრივი რესურსების მართვაში. წყარო: აშშ–ს საერთაშორისო განვითარების სააგენტოს გვერდი სოციალურ ქსელში

თბილისი. ახალგაზრდა იურისტთა ასოციაცია განცხადებას ავრცელებს, სადა ნათქვამია –  "საიას დასაბუთებული  ვარაუდით, ბრალდებულ მამუკა ივანიაძის ფარული ვიდეოგადაღება პროკურორმა კანონდარღვევით განახორციელა". ორგანიზაცია მიმართავს საქართველოს მთავრ პროკურატურას „გაასაჯაროვოს ის სასამართლოს განჩინება, რომლითაც დაკანონდა პროკურორ გიორგი დავითაშვილის მიერ სასჯელაღსრულებით დაწესებულებაში მამუკა ივანიაძის ფარული ვიდეო გადაღება. იმ შემთხვევაში თუ მსგავსი განჩინება არ არსებობს, მოვითხოვთ დაუყოვნებლივ დაიწყოს ზემოაღნიშნულ ფაქტებზე გამოძიება". სრულად წყარო: gyla.ge

თბილისი. 7-9 აგვისტოს, თბილისის ადამიანის უფლებათა სახლში „ქალთა იურიდიული გზამკვლევის" პრეზენტაცია გაიმართება. ღონისძიების ფარგლებში საუბრები იქნება თემენზე: ქალი და ოჯახი, ქალი და შრომა, განათლების უფლება, პოლიტიკურ ცხოვრებაში მონაწილეობა, ოჯახში ძალადობა, სოციალური საკითხები და ა.შ.  გზამკვლევი ორგანიზაცია „კონსტიტუციის 42–ე მუხლის" მიერ მომზადდა. პროექტი დაფინასებულია გერმანიის საერთაშორისო საზოგადოებისა (GIZ) და ქალთა გაეროს ფონდის (UN WOMAN) მიერ.  სრულად  წყარო:ორგანიზაციის გვერდი სოციალურ ქსელში

თბილისი. სამოქალაქო საზოგადოების ინსტიტუტის ორგანიზებით მიმდინარეობს ტრენინგი საგადასახადო კოდექსის თემაზე. ტრენინგს საზოგადოებრივი ორგანიზაციების ფინანსისტები და იურისტები ესწრებიან. ღონისძიება ფოკუსირებულია არასამთავრობო ორგანიზაციების დაბეგვრის საკითხებზე. ორდღიან ტრენინგს საგადასახადო სამართლის სპეციალისტი ირაკლი შავიშვილი უძღვება. ღონისძიება ხორციელდება USAID-ის ფინანსური მხარდაჭერით, აღმოსავლეთ-დასავლეთის მართვის ინსტიტუტის (EWMI) პროგრამის - „საქართველოში საჯარო პოლიტიკის, ადვოკატირებისა და სამოქალაქო საზოგადოების განვითარების" (G-PAC) ფარგლებში.