თბილისი. გაეროს ბავშვთა ფონდის (UNICEF) ფინანსური მხარდაჭერით საქართველოს განათლებისა და მეცნიერების სამინისტროს ეროვნული სასწავლო გეგმების დეპარტამენტმა განახორციელა პროექტი – „სპორტი სპეციალური საგანმანათლებლო საჭიროების მქონე მოსწავლეებისათვის". პროექტის მიზანი იყო სპეციალური საგანმანათლებლო საჭიროების მქონე მოსწავლეთა მონაწილეობა ფიზიკური აღზრდისა და სპორტის გაკვეთილებში, ასევე სხვადასხვა სპორტულ აქტივობაში და მათთვის თანაბარი ხელმისაწვდომობის უზრუნველყოფა. პროექტის ფარგლებში, თბილისის 20 და საქართველოს რეგიონების 35 საპილოტე სკოლის სპორტის 114 პედაგოგი, სპეცპედაგოგები და ფსიქოლოგები გადამზადდნენ პროექტის ინკლუზიური განათლების კონსულტანტის და სპორტისა და ფიზიკური ექსპერტის მიერ.   პროგრამის ფარგლებში ჩატარდა კონკურსი სპორტის საუკეთესო გაკვეთილის გამოვლენის მიზნით. გამოვლინდნენ გამარჯვებული პედაგოგები (სულ 6 პედაგოგი), რომელთა გადაეცემათ ფულადი ჯილდოები. პროექტის ფარგლებში შეძენილი ადაპტური სასპორტო ინვენტარი მიეწოდა საქართველოს მასშტაბით თხუთმეტ საპილოტე სკოლას, შეიქმნა გზამკვლევი სკოლის პედაგოგებისათვის „სპორტი სპეციალური საგაბმანათლებლო საჭიროების მქონე მოსწავლეებისათვის", გაკეთდა პროგრამის მიმდინარეობის და შედეგების ამსახველი ფლეშ-ალბომი, მომზადდა რეკომენდაციები სპორტის მასწავლებლებისთვის ადაპტური სპორტული ინვენტარის გამოყენებაზე. წყარო:განათლებისა და მეცნიერების სამინისტროს გვერდი სოციალურ ქსელში

თბილისი. „საერთაშორისო გამჭვირვალობა – საქართველო" ქუთაისის მერიიდან გათავისუფლებულთა ინტერესებს დაიცავს. ინფორმაცია ორგანიზაციამ სოციალურ ქსელში გაავრცელა. გათავისუფლებულ თანამშრომლებს შორის არიან ვიცემერები, სამსახურის და განყოფილებების უფროსები, ასევე სხვადასხვა რანგის სპეციალისტები.  „საერთაშორისო გამჭვირვალობა – საქართველოს მიერ მოკვლეული მასალებიდან დგინდება, რომ ქუთაისის მერიიდან თანამშრომელთა გათავისუფლება კანონის დარღვევით განხორციელდა. ...  მიუხედავად იმისა, რომ ჩვენ ვუშვებთ ზოგიერთი საჯარო მოხელის მიერ უფლებამოსილებათა გადამეტების ალბათობას, მნიშვნელოვანია, რომ ნებისმიერი გადაწყვეტილება პირის თანამდებობიდან გათავისუფლების შესახებ იყოს დასაბუთებული და ყოველი გადაცდომა დადასტურებული შესაბამისი მოკვლევის შედეგად", ნათქვამია სოციალურ ქსელში. სრულად წყარო:ორგანიზაციის გვერდი სოციალურ ქსელში

თბილისი. სამართლიანი არჩევნებისა და დემოკრატიის  საერთაშორისო საზოგადოება (ISFED) გამოაქვეყნა 2013 წლის 27 ოქტომბრის საპრეზიდენტო არჩევნების წინასაარჩევნო პერიოდის მეორე ანგარიში. წარმოდგენილი ანგარიში მოიცავს 2013 წლის 20 ივლისიდან 4 აგვისტოს ჩათვლით პერიოდს. სრულად წყარო: isfed.ge

თბილისი. საქართველოს ახალგაზრდა კონსტიტუციონალისტთა ასოციაციამ – „პოზიცია ადგილობრივი თვითმამართველობების რეფორმასთან დაკავშირებით" – გაავრცელა. ასოციაცია მოუწოდებს „არასამთავრობო სექტორსა და სამოქალაქო საზოგადოებას, წარმოდგენილი ინიციატივის უდიდესი მნიშვნელობიდან გამომდინარე, აქტიურად ჩაერთოს სტრატეგიის განხილვასა და შემუშავებაში, ვინაიდან, რეფორმის განხორციელების შემდგომ აღნიშნული სტრატეგიის კანონმდებლობაში ასახვას შეუძლია საქართველოს თითოეული მოქალაქის კეთილდღებაზე მოახდინოს როგორც დადებითი, ისე უარყოფითი გავლენა. ვიმედივნებთ, რომ მოსალოდნელი რეფორმა ერთხელ და სამუდამოდ სახელმწიფოში დაამკვიდრებს რეალურ თვითმმართველობას", ნათქვამია გავრცელებულ განცხადებაში. სრულად წყარო: gyca.ge

9 აგვისტოს 17:00 საათზე გაიმართება დისკუსია პროექტზე – „დემოკრატიული მმართველო საქართველოში". იგი იმართება პროგრამის „დემოკრატიული მმართველობა საქართველოში" კომპონენტის ფარგლებში". მისამართი: ბათუმი, ფარნავაზ მეფის 62–64, დემოკრატიული ჩართულობის ცენტრი

შიდა ქართლი. 8 აგვისტოს, წეროვნის დევნილთა დასახლებაში, ორგანიზაციის „უკეთესი მომავლისათვის" ორგანიზებით, 2008 წლის 8 აგვისტოს 5 წლისთავთან დაკავშირებული ღონისძიება - „წეროვანში მცხოვრები დევნილი ბავშვების ნახატების გამოფენა" მოეწყო.   წეროვნის ახალგაზრდული სახლის აღსაზრდელებმა შეასრულეს ნამუშევრები მეგობრობის, მშვიდობის, ერთგულების, სიხარულის თემებზე და ამით გზავნილი გაუგზავნეს მსოფლიოს - უარი უთხრეს ომს და ყველანაირ ძალადობას.   ნამუშევრებში ბავშვებმა საკუთარი ოცნებებით გააფორმეს „მე მინდა მშვიდობა, „მე მინდა, რომ ყველას ერთმანეთი უყვარდეს’’, „მე მინდა ჩემს სამშობლოში დაბრუნება", „მე არ მინდა ომი". ბავშვების ნამუშევრები ადგილობრივი თვითმმართველობის ფოიეში გამოიფინა. გამოფენა 13 აგვისტომდე გასტანს. წყარო: cso.ge

თბილისი. საქართველოს წითელი ჯვრის საზოგადოება ეძებს მოხალისეებს, რომლებიც 10–11 აგვისტოს ჰუმანიტარული დახმარების გადანაწილებაში და დაფასოვებაში მიიღებენ მონაწილეობას. მოხალისეები გაემგზავრებიან ზუგდიდში წყალდიდობით დაზარალებული მოსახლეობის დასახმარებლად. მსურველები დაუკავშირდით ორგანიზაცის ნომერზე – 2 96 10 92 წყარო:ორგანიზაციის გვერდი სოციალურ ქსელში

აჭარა. 8 აგვისტოს, ბათუმის დემოკრატიული ჩართულობის ცენტრში, ახალგაზრდულმა ორგანიზაცია „არტ ვეიმ" და „ცვლილებები თანაბარი უფლებებისათვის" შეხვედრა გამართეს. სადაც „არტ ვეის" ინიციატივით შექმნილ, შშმ პირთა საკითხებზე მომუშავე საკონსულტაციო საბჭოს წევრებს შეხვდენენ. შეხვეხდრის მიზანი საბჭოს სამომავლო სამოქმედო გეგმის დასახვა და აჭარის რეგიონში შშმ პირთა პრობლემების განხილვა იყო. საკონსულაციო საბჭო სამომავლოდ აჭარის  მთავრობასთან შეხვედრას გეგმავს. 

იმერეთი. 9 აგვისტოს, 14:00 საათზე სამეცნიერო-ინტელექტუალური კლუბის თაობათა დიალოგის მოწვევით ირინა ტყეშელაშვილი ისაუბრებს ვიშეგრადის საერთაშორისო ფონდის ერთ-ერთი სასტიპენდიო პროგრამაზე (In-Coming Scholarhsip ) ვროცლავის უნივერსიტეტის მაგალითზე (პოლონეთი). ხოლო, რომანა პეტრაკოვა (ჩეხეთი) კი ისაუბრებს ვიშეგრადის სასტიპენდიო პროგრამის მონაწილე ჩარლზის უნივერსიტეტის შესახებ. დასწრება თავისფალია. მისამართი: ქუთაისი, დემოკრატიული ჩართულობის ცენტრი წყარო:ორგანიზაციის გვერდი სოციალურ ქსელში

აჭარა. 8 აგვისტოს,  საქართველოს ბავშვთა და ახალგაზრდობის განვითარების ფონდმა საგრანტო  კონკურსის პირობები, ჯერ ქობულეთში, შემდეგ კი ბათუმის სახელმწიფო უნივერსიტეტის სტუდენტებს გააცნეს. მასში მონაწილეობის მიღება არასამთავრობო და ახალგაზრდულ ორგანიზაციებს, საინიციატივო ჯგუფებსა და ფიზიკურ პირებს შეუძლიათ. გარემოს დაცვა და ცხოვრების ჯანსაღი წესი, საერთაშორისო ურთიერთობები, კულტურულ-საგანმანათლებლო ინიციატივები - ეს ის საკითხებია, რომლებზეც კონკურსის მონაწილეებმა პროექტები 30 აგვისტომდე უნდა წარმოადგინონ. მათგან საუკეთესოებს სპორტისა და ახალგაზრდობის საქმეთა სამინისტრო დააფინანსებს.

9 აგვისტო, 11:00 საათზე, „საქართველოს ახალგაზრდა კონსტიტუციონალისტთა ასოციაცია" ადგილობრივი თვითმმართველობის რეფორმის შესახებ ბრიფინგ გამართავს. მისამართი: თბილისი, ვაზისუბნის 7.

9 აგვისტოს, 12:00 საათზე სამართლიანი არჩევნები გამართავს პრესკონფერენციას. თემა: 2013 წლის საპრეზიდენტო არჩევნების წინასაარჩევნო პერიოდის მონიტორინგის მეორე ანგარიში. მისამართი: თბილისი, ონიაშვილის 37

სამცხე–ჯავახეთი.აგვისტოს ომის 5 წლისთავთან დაკავშირებით ახალციხის ახალგაზრდული ცეტრის წევრებმა ქალაქ ახალციხის ცენტრალურ პარკში მშვიდობიანი აქცია გამართეს. აქციის მსვლელობისას მონაწილეებმა წუთიერი დუმილით პატივი მიაგეს აგვისტოს ომის დროს დაღუპულ მეომრებს, აქციის ბოლოს კი მოსახლეობას აგვისტოს ომის სიმბოლო – წითელი ყაყაჩოების გულსაბნევები დაურიგეს. წყარო: დემოკრატ მესხთა კავშირი

აჭარა. 9-10 აგვისტოს კონსტიტუციის 42-ე მუხლის ექსპერტები ბათუმსა და ქობულეთში გამართავენ შეხვედრებს მეწარმეებთან და ადვოკატებთან პროექტის ფარგლებში "მცირე და საშუალო ბიზნესმესაკუთრეთა ნდობის ხარისხის ამაღლება საქართველოს მართლმსაჯულების სისტემის მიმართ". დაინტერესებულ პირებს 42–ე მუხლის იურისტ/ექსპერტები გაუწევენ კონსულტაციებს საგადასახადო საკითხებზე, ასევე გააცნობენ საგადასახადო სფეროს საკანონმდებლო ცვლილებებს, საგადასახადო კონტროლის პროცედურებს და შემოწმების სახეებს. მცირე და საშუალო ბიზნესის წარმომადგენლები ასევე მიიღენბ საჭირო ინფორმაციას საგადასახადო დავალიანების გადახდის უზრუნველყოფის ღონისძიებებისა და საგადასახადო დავების გადაწყვეტის ეფექტური გზების შესახებ. მისამართი: ბათუმი დემოკრატიული ჩართულობის ცენტრი დასაწყისი: 12.00 საათი წყარო: ორგანიზაციისგვერდი სოციალურ ქსელში

იმერეთი. სამეცნიერო-ინტელექტუალური კლუბმა „თაობათ დიალოგმა" პროგრამების „RICDOG მოხალისეთა კლუბისა" და „კოდის" წარმატებულ წევრებს შესაბაისი ხარისხის სერთიფიკატებით გადასცა. „RICDOG მოხალისეთა კლუბის" პროგრამა, რომლის მიზანი იყო ქუთაისში მოხალისეობრივი ინსტიტუტის ჩამოყალიბება და განვითარება, 6 თვე მიმდინარეობდა და მასში 30 ახალგაზრდა იღებდა მონაწილეობას. პროგრამა „კოდი" ზოგადსაგანმანათლებლო სკოლების მე-8, მე-9, მე-10 და მე-11 კლასის მოზარდებისთვის იყო გათვლილი და მისი მიზანი იყო ლიდერული უნარ-ჩვევების მქონე ადამიანების გამოვლენა და განვითარება. სამეცნიერო-ინტელექტუალური კლუბი „თაობათა დიალოგი" აღნიშნული პროგრამებს სექტემბრიდან დამატებითი კომპონენებით გააგრძელებს. წყარო: ორგანიზაციის გვერდი სოციალურ ქსელში  

8 აგვისტოს, 19:00 საათზე, CISV საქართველოსა და EMT-განათლებისა და მართვის გუნდის ოფისში გაიმართება შეხვედრა გაეროში საქართველოს ახალგაზრდობის წარმომადგენელთან - თორნიკე ზურაბაშვილთან. შეხვედრაზე დასწრება თავისუფალია და შეუძლია 14-დან 25-წლამდე ნებისმიერ მსურველს. მისამართი:თბილისი, ალ. ყაზბეგის 2, ბიზნეს ცენტრი, მე-2 სართული, CISV საქართველოსა და EMT-ის ოფისი

შიდა ქართლი. 8 აგვისტოს, არასამთავრობო ორგანიზაცია „მეგობრობის ხიდი ქართლოსის" ორგანიზებით 2008 წლის აგვისტოს ომის 5 წლისთავთან დაკავშირებით გაიმართა დევნილი ახალგაზრდების სამშვიდობო აქცია, სახელწოდებით: „მე მახსოვს ჩემი სახლი, ჩემი სოფელი, ჩემი ხეობა, გთხოვ, არ დაივიწყო შენც!" აქციის ფარგლებში ახალგაზრებმა გორის მუნიციპალიტეტის შენობის მიმდებარე ტერიტორიიდან, აგვისტოს ომის გმირთა მემორიალამდე სამშვიდობო მსვლელობა მოაწყვეს, სადაც კიდევ ერთხელ დააფიქსირეს საკუთარი ხმა, გმირთა მემორიალი გვირგვინებით შეამკვეს და დაღუპულთა სულის მოსახსენებელ პანაშვიდს დაესწრნენ. წყარო: cso.ge

სამცხე–ჯავახეთი. 8-9 აგვისტოს, სამოქალაქო საზოგადოების ინსტიტუტი სამცხე–ჯავახეთში მოქმედი საზოგადოებრივი ორგანიზაციებისთვის მართავს ტრენინგს თემაზე: „შედეგზე ორიენტირებული პროექტის დაგეგმვა" . ტრენიგი განკუთვნილია საზოგადოებრივი ორგანიზაციების პროექტის მენეჯერებისთვის და იმ ადამიანებისთვის ვინც ჩართულები არიან და მონაწილეობენ პროექტის დაგეგმვასა და განხორციელებაში. ტრენინგის მიზანია საზოგადოებრივმა ორგანიზაციებმა მიიღონ  თეორიული და პრაქტიკული ცოდნა სისტემური ცვლილებისა და მონაწილეობითი მიდგომების შესახებ, რაც მათ საშუალებას მისცემს განავითარონ გრძელვადიან შედეგსა და გავლენაზე ორიენტირებული პროექტები. ტრენინგი ხორციელდება სამოქალაქო საზოგადოების ინსტიტუტის მიერ, მოწვეული საერთაშორისო ექსპერტის ხელმძღვანელობით. ფინასურ მხარდაჭერას უზრუნველყოფს ევროკავშირი, „საზოგადოებრივი ორგანიზაციების განვითარების ეფექტურობის ხელშეწყობა საქართველოში" პროექტის ფარგლებში.

თბილისი. „სამოქალაქო ინიციატივებმა" დოკუმენტური ფილმების კონკურსში – „ჩვენ ვსაუბრობთ სამოქალაქო განათლებაზე" – გამარჯვებული ფილმები გაავრცელა. პროგრამის ფარგლებში ჩატარდა კონკურსი საუკეთესო სცენარისთვის, რომელშიც საქართველოს სხვადასხვა რეგიონიდან შვიდმა მოსწავლემ გაიმარჯვა.  გამარჯვებულებმა ტრენინგი მულტიმედია საგანმანათლებლო ცენტრში გაიარეს, მათ  საოპერატორო ხელოვნება, ვიდეომონტაჟი შეისწავლეს დადოკუმენტური ფილმების შესაქმნელად საჭირო ცოდნა მიიღეს. დოკუმენტური ფილმები გამარჯვებული სცენარების მიხედვით შეიქმნა. ფილმი „ტყუპები"  ფილმი „ბუნების უკვდავი მტერი"      ფილმი „მკვდარი კანონი"    ფილმი „ტოლერანტის" პროექტები     ფილმი  „ქართელის" ერთი დღე  წყარო:civics.ge

თბილისი. კავკასიის ეკონომიკური და სოციალური კვლევითი ინსტიტუტის ორგანიზებით გაიმართა ევროინტეგრაციის საკითხებისადმი მიძღვნილი კონფერენცია: ვიშეგრადის ქვეყნები სამხრეთ კავკასიის ქვეყნების ევროინტეგრაციისათვის. კონფერენციაზე წარმოდგენილი იყო პროექტის ფარგლებში შესრულები კვლევის შედეგები, ასევე გაიმართა დისკუსია ევროინტეგრაციის გამოწვევებზე სამხრეთ კავკასიის ქვეყნებში და იმ გამოცდილების აპრობაციაზე, რაც ამ მიმართულებითაა დაგროვილი ვიშეგრადის ქვეყნების ჯგუფში. კონფერენციაში მონაწილეობდნენ როგორც ქართველი ექსპერტები, ასევე ექსპერტები სომხეთიდან, აზერბაიჯანიდან, ჩხეხეთიდან, უკრაინიდან, მოლდავეთიდან, სლოვაკეთიდან, პოლონეთიდან და უნგრეთიდან. კონფერენციის დასკვნით ნაწილში გაიმართა ევროინტეგრაციის საკითხებისადმი მიძღვნილი სტუდენტური კონკურსი გამარჯვებულების დაჯილდოება და მათთვის სერთიფიკატების გადაცემა. 26 ივლისს გამართული კონფერენცია გაიმართა პროექტის – V4 for C3 Countries EU Integration – ფარგლებში, რომელიც განხორციელდა ვიშეგრადის საერთაშორისო ფონდის ფინანსური მხარდაჭერით. სრულად წყარო: ciesr.org

თბილისი.„საქართველოს ახალგაზრდა კონსტიტუციონალისტთა ასოციაცია" 2008 წლის აგვისტოს რუსეთ–საქართველოს ომის შესახებ განცხადებას ავრცელებს. ორგანიზაცია პატივს მიაგებს თითოეულ დაღუპულ გმირის ხსოვნას და გულისტკივით აღნიშნავს, რომ „ამ დროის განმავლობაში მდგომარეობა უცვლელია. კერძოდ, დღემდე არ შესრულებულა ის ექვსპუნქტიანი შეთანმება, რომელსაც ხელი მოეწერა 2008 წლის 12 აგვისტოს. რუსეთის ფედერაცია კვლავაც უარს აცხადებს შეიარაღებული ძალების ომამდელ პოზიციებზე დაბრუნების ვალდებულებაზე". სრულად წყარო: ორგანიზაციის გვერდი სოციალურ ქსელში

სამეგრელო. 7 აგვისტოს, ასოციაცია „ათინათში" მოეწყო ახალგაზრდული ცენტრის „ორტუსის" პრეზენტაცია ცენტრის ბავშვების მშობლებთან.  შეხვედრის მთავარი მიზანი იყო მშობლები გაცნობოდნენ პროექტს, ახალგაზრდული ცენტრის საქმიანობას. პრეზენტაციის შემდეგ გაიმართა დისკუსია, მშობლებთან ერთად დაისახა სამომავლო გეგმებიც. შეხვედრა შედგა პროექტ – „ეროვნული ინტეგრაციის გაძლიერება საქართველოშის" – ფარგლებში, რომელსაც ახორციელებს საქართველოს გაეროს ასოციაცია, ამერიკის შეერთებეული შტატების საერთაშორისო განვითარების სააგენტოს ფინანსური მხარდაჭერით.  წყარო:ორგანიზაციის გვერდი სოციალურ ქსელში