აჭარა. 25 თებერვალს, ბათუმის შოთა რუსთაველის სახელმწიფო უნივერსიტეტის მცირე დარბაზში, სტუდენტთა საინიციატივო ჯგუფმა „ალტერნატივამ" საქართველოს საბჭოთა ოკუპაციის დღისადმი მიძღვნილი ღონისძიება გამართა. სადაც წარმოდგენილ იქნა თომა ჩაგელიშვილის ავტორობით გადაღებული დოკუმნეტური ფილმი „პირველი რესპუბლიკა". ფილმის დასრულების შემდეგ გაიმართა დისკუსია. ლექტორებმა, სტუდენტებმა და სამოქალაქო სექტორის წარმომადგენლებმა იმსჯელეს თემაზე: „რა წვლილი შეიტანა სტუდენტებმა და ლექტორებმა სახელმწიფოებრიობისთვის ბრძოლაში". 

თბილისი. რეგიონული მედიის ასოციაციის თავმჯდომარედ სამი წლის ვადით „ახალი გაზეთის" რედაქტორი ია ბობოხიძე აირჩიეს.  იგი ბოლო სამი წლის განმავლობაში ორგანიზაციის აღმასრულებელი დირექტორის მოვალეობას ასრულებდა. მან თავმჯდომარის პოზიციაზე „გურია ნიუსის" რედაქტორი ია მამალაძე შეცვალა, რომელსაც უფლებამოსილების ვადა ამოეწურა. წყარო: media.ge

სამეგრელო. აფხაზეთის ადმინისტრაციული საზღვრის გასწვრივ ადგილობრივი მოსახლეობის პრობლემების კვლევის შედეგები წარმოადგინეს, 25 თებერვალს, ზუგდიდში,  სტრატეგიისა და საერთაშორისო ურთიერთობების კვლევის ფონდმა და არასამთავრობო ორგანიზაცია „იმედმა". გამოკითხვა ჩატარდა ადმინისტრაციული საზღვრის გასწვრივ მდებარე 11 დასაახლებაში, სულ გამოიკითხა 500 ადამიანი.  სტრატეგიისა და საერთაშორისო ურთიერთობების კვლევის ფონდის წარმომადგენელმა გიორგი თარხან–მოურავმა განაცხადა, რომ კვლევის შედეგად გამოიკვეთა ფაქტორები, რომლებიც ხელს უშლის სამეგრელო–ზემო სვანეთში განვითარებაზე ორიენტირებული პროექტების ეფექტურ განხორციელებას. ეს ფაქტორებია:  კონფლიქტის ზონასთან სიახლოვე  და სატრანსპორტო იზოლაცია, დევნილთა დამოკიდებულება სახელმწიფო დახმარებაზე. ასევე, საზოგადოების ძლიერი პოლიტიზირება, დათრგუნული სამოქალაქო ინიციატივით და ხელისუფლების მიმართ შიშის სინდრომი. საზოგადოების კონსერვტაულობა, რომელიც ეფუძნება პატრიარქალურ ფასეულებობებს. მისივე თქმით, ჩატარებული კვლევის შედეგები და რეკომენდაციები გადეგზავნა სამინისტროებს, სამეგრელო–ზემო სვანეთის სამხარეო ადმინისტრაციას და ადგილობრივი თვითმმართველობის ორგანოებს.  აფხაზეთის სასაზღვრო ზოლთან მოსახლეობის საჭიროებების კვლევა 2012 წლის ზაფხულში ჩატარდა. კვლევა დიდი ბრიტანეთის მთავრობის კონფლიქტების თავიდან აცილების გლობალურმა ფონდმა დააფინანსა.

კახეთი. ფესტივალისთვის, რომლის ჩატარებაც ოქტომბერში იგეგმება, მზადება უკვე დაიწყო. ფესტივალის დანიშნულებაა - კახეთის რეგიონის მომავალი კულტურული განვითარების ხელშეწყობა. ანა რიაბოშენკო, პროექტის მხარდამჭერი ფონდის, ,,TRAM", წარმომადგენელი: ,,მიუხედავად იმისა, რომ ერთკვირიანი ფესტივალი ოქტომბერში ჩატარდება, ორგანიზატორების სურვილია მას პერმანენტული ხასიათი ჰქონდეს, ამიტომ მოსამზადებელი ეტაპი არა მხოლოდ ტექნიკური საკითხების მოგვარებას მოიცავს, არამედ სხვადასხვა სემინარის, მასტერკლასის, კვლევის, საჯარო ლექციისა და დისკუსიის ორგანიზებასაც გულისხმობს.  ამჟამად მიმდინარეობს მსჯელობა ფესტივალის სახელწოდებაზე, ადგილებზე სადაც ის გაიმართება, მონაწილეებზე და დეტალურ კონცეფციაზე; ასევე იმაზე, თუ როგორ უნდა განხორციელდეს მუდმივმოქმედი ფესტივალის იდეა, რომ მან ქალაქში რაც შეიძლება მეტი დაინტერესებული ადამიანი მოიზიდოს".

თბილისი. ორგანიზაციამ „სამოქალაქო ინიციატივები" სამოქალაქო განათლების ვიქტორინა დაიწყო. 3 დღის განმავლობაში ორგანიზაციის გვერდზე სოციალურ ქსელში სამოქალაქო განათლების შესახებ 5 შეკითხვა დაისმევა. გამარჯვებული გაცემული სწორი პასუხების მიხედვით გამოვლინდება. წყარო:ორგანიზაციის გვერდი სოციალურ ქსელში

აჭარა. 22-24 თებერვალს, მსოფლიო ბანკის მოხალისეთა ჯგუფმა „ახალგაზრდული ხმები – საქართველომ"  საქართველოში ახალგაზრდულ თემატიკაზე მომუშავე საზოგადოებრივი ორგანიზაციებისთვის ტრენინგი გამართა. სადაც სამი დღის განმავლობაში საზოგადოებივ ორგანიზაციებს კომპეტენტური ტრენერი უტარებდა ტრენინგს ისეთ აქტუალურ საკითხზე, როგორიცაა: „რეპროდუქციული ჯანმრთელობა ახალგაზრდებში". ტრენინგის მიზანს წარმოადგენდა ახალგაზრდებში რეპროდუქციული ჯანმრთელობის შესახებ ცნობიერების ამაღლება, ინფორმაციის გავრცელება და ხელმისაწვდომობის უზრუნველყოფა, ასევე საზოგადოების მიმღებლობის ზრდა რეპროდუქციული ჯანმრთელობის აქტუალურ საკითხების ღიად განხილვის მიმართ. 

26 თებერვალს 11:00 სთ-ზე სამართლიანი არჩევნები გამართავს პრეზენტაცია/დისკუსია, სადაც წარმოდგენილი იქნება 2012 წლის საპარლამენტო არჩევნების მედიამონიტორინგის საბოლოო ანგარიშები. შეხვედრა ორგანიზებულია ევროკავშირისა და გაეროს განვითარების პროგრამის პროექტის „პროფესიონალური მედია არჩევნებისთვის" ფარგლებში. მისამართი:თბილისი, სასტუმრო ქორთიარდ მერიოტი (მთავარი დარბაზი)

26 თებერვალს, 13:00 საათზე, ახალგაზრდული ინიცატივა მომავალი საქართველოსთვის გამართავას დისუსიას თემაზე: „თურქეთისა და საქართველოს შეთანხმება – მეჩეთის მნიშვნელობა". მისამართი: ბათუმი, ფარნავაზ მეფის 62-64, დემოკრატული ჩართულობის ცენტრი

თბილისი. 27 თებერვალს, 18:00 საათზე ფონდ „ღია საზოგადოება - საქართველოს" საკონფერენციო დარბაზში ჩატარდება მერაბ მამარდაშვილისადმი მიძღვნილი სემინარი თემაზე „რას იტყოდა მერაბ მამარდაშვილი დღეს". მოხსენებას გააკეთებს ლევან ბერძენიშვილი. სემინარი იმართება პროექტის „ეძღვნება მერაბ მამარდაშვილს 2" ფარგლებში, რომელსაც სტრატეგიულ გამოკვლევათა ცენტრი ფონდ „ღია საზოგადოება - საქართველოს" მხარდაჭერით 2012 წლის აპრილიდან ახორციელებს. წყარო:osgf.ge

თბილისი.საერთაშორისო გამჭვირვალობა – საქართველომ საპარლამენტო ამბების მორიგი პოდკასტი გამოაქვეყნა. შეგიძლიათ მოისმინოთ ისეთი საკითხები, როგორიცაა: ცვლილებები საერთო სასამართლოების შესახებ კანონში, დიალოგი უმრავლესობასა და უმცირესობას შორის საკონსტიტუციო საკითხებზე, ახალი ელჩები, დისკუსია ეროვნული სამოსის რეგლამენტირების შესახებ. საპარლამენტო ამბების პოდკასტი: 25 თებერვალი წყარო: transparency.ge

ბათუმი. 22 თებერვალს, ჰაინრიხ ბიოლის ფონდის ორგანიზებით მორიგი დისკუსია გაიმართა ბათუმის დემოკრატიული ჩართულობის ცენტრში. „ცენტრიდან თუ ცენტრისკენ" , ამ თემაზე იმსჯელეს მონაწლეებმა.  აჭარის უმაღლესი საბჭოს დეპუტატის ალექსანდრე ჩიტიშვილის განცხადებით, ამ მიმართულებით საკანონმდებლო ორგანო მუშაობს და მზადდება კონკრეტული ინიციატივები. ექსპერტების მოსაზრებით, თვითმმართველობის ფუნქციების გაზრდა და ძლიერი ადგილობრივი მმართველობა სახელმწიფოს დემოკრატიულობის განმსაზღვრელია. შეხვედრას ესწრებოდნენ სამოქალაქო საზოგადოების, მედიის წარმომადგენლები და სტუდენტები.

მცხეთა–მთიანეთი. 23–24 თებერვალს ეთნოსთაშორის თანამშრომლობისა და კონსულტაციების ანალიტიკურმა ცენტრმა ჟურნალისტებისთვის სასწავლო–სემინარი გამართა. შეხვედრის მიზანი იყო საქართველოში მცხოვრები ეთნიკური და რელიგიური უმცირესობების შესახებ უფრო აქტიურად და ხარისხიანად გაშუქების ხელშეწყობა. მოწვეულმა ტრენერებმა ისაუბრეს ისეთ თემებზე როგორიცაა სიძულვილის ენა მედიაში, ტოლერანტობის განვითარება და მედიის როლი. პროექტი ხორციელდება ფონდი ღია საზოგადოება საქართველოსფინანსური მხარდაჭერით.  წყარო:ორგანიზაციის გვერდი სოციალურ ქსელში

სვანეთი. კონსულტაციებისა და ტრენინგების ცენტრის ზემო სვანეთის პროექტის ფარგლებში, მესტიის რესურს ცენტრში გერმანელი მოხალისეების ინციიატივით შეიქმნა ინგლისური ენის კლუბი, სადაც ზემო სვანეთის ახალგაზრდებს საშუალება აქვთ მათთან ერთად იმსჯელონ და ისაუბრონ საინტერესო თემებზე. თამაშების, ფილმებისა და სიმღერების საშუალებით გაიუმჯობესონ ინგლისურ ენაზე საუბრის უნარები. მოხალისეები პროექტში  ერთი წლის მანძილზე იმუშავებენ, ისინი გერმანული ორგანიზაცია  EED-ის მოხალისეობრივი პროგრამის ფარგლებში, რომელიც ითვალისწინებს გერმანელი ახალგაზრდების გაგზავნას პარტნიორ ორგანიზაციებში ერთი წლით მოხალისეობრივად სამუშაოდ. წყარო: ორგანიზაციის გვერდი სოციალურ ქსელში

თბილისი. კავკასიური სახლის შაბათ-კვირის მრავალეროვანი სკოლის მე-18 ნაკადის მოსწავლეები სტუმრად იყვნენ თბილისში ცნობილი გარი დავთიანის საოჯახო თეატრში. მისი გარდაცვალების შემდეგ ამ საქმიანობას აგრძელებს მისი მეუღლე და მათი შვილები. ძველი თბილისური ეზოს პატარა სახლში განთავსებული თოჯინების თეატრი ძალიან შთამბეჭდავი აღმოჩნდა ბავშვებისათის. აქ თითოეული ნივთი, სურათი თუ აქსესუარი შემოქმედებით სუნთქავს. თოჯინებიც თითქოს ცოცხლები არიან. შაბათ-კვირის მრავალეროვანი სკოლის პროექტს აფინანსებს ევროპული ფონდი „ჰორიზონტი”. წყარო: ორგანიზაციის გვერდი სოციალურ ქსელში

კახეთი. არასამთავრობო ორგანიზაცია „სამოქალაქო განვითარების ასოციაცია" ლაგოდეხის მუნიციპლიტეტში საჯარო სკოლების მიმდებარე ტერიტორიებზე საგზაო ნიშნების და შუქნიშნების დადგმას ითხოვს.  სწორედ ამ საკითხზე გაიმართა დისკუსია, „სამოქალაქო განვითარების ასოციაციის" ოფისში, რომელსაც პედაგოგები, საჯარო სკოლების მოსწავლეები, ადგილობრივი თვითმმართველობისა და არასამთავრობო ორგანიზაციების წარმომადგენლები ესწრებოდნენ. "პრობლემა განსაკუთრებით მწვავეა ცენტრალურ საავტობილო მაგისტრალზე არსებულ საჯარო სკოლებთან რადგან ამ ტერიტორიაზე მოსწავლეთა თავისუფლად გადაადგილება საფრთხის ქვეშ დგას. 2012 წლის სტატისტიკური მონაცემების მიხედვით გასულ წელს აღნიშნული პრობლემის მოუგვარებლობის გამო ლაგოდეხში 9 ადამიანი გარდაიცვალა, მათ შორის 5 – არასრულწლოვანი", – განაცხადა „სამოქალაქო განვითარების ასოციაციის" წარმომადგენელმა გიორგი ბოკერიამ. მისივე თქმით, ორგანიზაცია პრობლემის მოგვარების მოთხოვნით, ინფრასტრუქტურის სამინისტროსა და საგზაო დეპარტამენტს მიმართავს.

თბილისი. JILEP-ის დაფინანსებულმა ბიზნეს სამართლის ეროვნულმა ცენტრმა, რიგით მეორე ყოველწლიური კონსტიტუციური სამართლის ზამთრის სკოლის ფარგლებში, საქართველოს სხვადასხვა რეგიონის 21 სამართლის სტუდენტს უმასპინძლა. ზამთრის სკოლის სტუდენტებს საშუალება მიეცათ კონსტიტუცური სამართალი გლობალური პერსპექტივიდან დაენახათ. ზამთრის სკოლაში, სტუდენტები ესწრებოდნენ ლექციებს  და მართავდნენ დებატებს  ისეთ თემებზე როგორიც არის: „კონსტიტუცია როგორც შეზღუდვა"; კონსტიტუციის შემუშავების პროცედურები,; კონსტიტუციის რატიფიკაცია; და კონსტიტუციური რეფორმა პოსტ-კომუნისტურ პერიოდში. კურსი შეიმუშავა და ჩაატარა ვოშბორნის უნივერსიტეტის სამართლის სკოლის (ტოპეკა, კანზასი) პროფესორმა ჯეფრი ჯექსონმა, კონსტიტუციური სასამართლოს ვიცე-პრეზიდენტ კონსტანტინე ვარძელაშვილთან და თავისუფლების ინსტიტუტის  თავმჯდომარე - ლევან რამიშვილთან ერთად. წყარო: ewmi-jilep.org/

კახეთი. საინიციატივო ჯგუფი „სიკეთე ჩვენი ვალია" – აწყობს ფოტოკონკურსს ახალგაზრდა ფოტოგრაფებისთვის. ახალგაზრდული ორგანიზაციის ლიდერის, გიორგი მამულშვილის თქმით აღნიშნულ კონკურსში მონაწილეობის მიღბა შეუძლია ყველას ასაკის მსურველს: ,,პროექტი მიზნად ისახავს დამწყებ ხელოვანებში მოტივაციის გაზრდას. კონკურსი გამოცხდდა სოციალურ ქსელის მეშვეობით, რომელიც 3 თვის განმავლობაში გაგრძელდება". გამარჯვებულს სპეციალური პრიზი, ფოტოაპარატი გადაეცემა.

თბილისი. საქართველოს დეოკუპაციის კამპანიის ფარგლებში, 1921 წლის 25 თებერვლის, საქართველოს საბჭოთა ოკუპაციის თარიღთან დაკავშირებით არასამთავრობო ორგანიზაციების ეგიდით გაიმართება ღონისძიებები. გაიმართება აქციები, გამოფენები, ასევე კონფერენცია თემაზე: რამდენიმე ეპიზოდი დამოუკიდებელი საქართველოს ცხოვრებიდან. დეტალური ანონსი წყარო: კოალიცია ევროპული საქართველოსთვის გვერდი სოციალურ ქსელში

კახეთი. 22–23 თებერვალს თელავის მედია-კაფეში, ჩატარდა სამუშაო შეხვედრა, რომელიც ეხებოდა პროექტის - „ტერორის ტოპოგრაფია - საბჭოთა თელავის" პრეზენტაციას. ასევე, მოეწყო პროექტის მოსამზადებელი სამუშაო შეხვედრა დაინტერესებული ჯგუფისათვის, რომელიც წლის განმავლობაში გააგრძელებს თანამშრომლობას პროექტის - „ტერორის ტოპოგრაფია - საბჭოთა თელავის" განსახორციელებლად. ირაკლი ხვადაგიანი, საბჭოთა წარსულის კვლევის ლაბორატორიის მკვლევარი: ,,ეს დღეები ვხვდებით სამიზნე ჯგუფს, ამ საკითხით დაინტერესებულ მოსახლეობას. გვინდა, შევქმნათ ისეთი ჯგუფი, რომელიც დამოუკიდებლად მოიძიებს ინფორმაციებს საბჭოთა თელავის შესახებ და მოგვაწვდის. ვიმედოვნებთ, რომ ჩართულობა იქნება მაღალი და ამ ნაბიჯით ეს ადამიანები ხელს შეუწყობენ ისტორიის შემონახვას. არსებობენ ადამიანები, რომლებიც ცოცხალ მაგალითს წარმოადგენენ იმ პერიოდისას და ის ოჯახები, რომელთა წინაპრებიც რეპრესირებულნი იყვნენ". „ტერორის ტოპოგრაფია - საბჭოთა თელავი" სათემო განვითარების ცენტრისა და საბჭოთა წარსულის კვლევის ლაბორატორიის ერთობლივი პროექტია.

სამეგრელო.სამეგრელოს ახალგაზრდული საინიციატივო ჯგუფის  ორგანიზებით, 23 თებერვალს, ზუგდიდის რაიონულ საავადმყოფოს შენობაში მცხოვრები 40–მდე აფხაზეთიდან დევნილი ოჯახისთვის საქველმოქმედო აქცია გაიმართა. აქციის ფარგლებში, ზუგდიდში მოქმედი რამდენიმე არასამთავრობო ორგანიზაციიის წევრებმა, სამხარეო ადმინისტრაციის და საკრებულოს თანამშრომლებმა დევნილებს  სურსათი და ტანისამოსი მიუტანეს. აქციაში მონაწილეობა მიიღეს, არასამთავრობო ორგანიზაცია „თანაზიარის" პედიატრებმაც, რომლებმაც საავადმყოფოს შენობაში მცხოვრები ბავშვები გასინჯეს და უფასო კონსულტაცია გაუწიეს.

თბილისი.თავისუფლების განვითარების ინსტიტუტმა 2011–2012 წლებში სასჯელაღსრულების დეპარტამენტის ყოფილი უფროსის, დავით ჭაკუასთვის დარიცხული პრემიების შესახებ გაავრცელა ინფორმაცია. დოკუმენტის მიხედვით, დავით ჭაკუა წახალისების სახით ყოველთვიურად იღებდა თანამდებობრივი ხელფასის ორმაგ ოდენობას, ხოლო 2011წლის დეკემბრის თვეშიოთხმაგი ოდენობა – 10 080 ლარი აიღო.     ინფორმაციის თავისუფლების განვითარების ინსტიტუტმა სასჯელაღსრულების დეპარტამენტს  მიმართა კიდევ 13 თანამშრომელზე ინფორმაციის გაცემის თხოვნით, რომელზედაც დეპარტამენტის მხრიდან უარის საფუძვლად მოყვანილ იქნა საკანონმდებლო ნორმათა ერთობლიობაზე მითითება. ინსტიტუტის განცხადებით, მოთხოვნილი ინფორმაცია საჯაროა მათთვის გაუგებარია დეპარტამენტის პოზიცია. სრულად წყარო:ორგანიზაციის გვერდი სოციალურ ქსელში

კახეთი. 22 თებერვალს საქართველოს ახალგაზრდა იურისტთა ასოციაციის თელავის ოფისში შრომის კოდექსში შესატანი ცვლილებების თაობაზე იმსჯელეს. დისკუსიას დაინტერესებული პირები, არასამთავრობო ორგანიზაციებისა და მედიის წარმომადგენლები ესწრებოდნენ. შეხვედრის მონაწილეების თქმით, შრომის კოდექსის გასაუმჯობესებლად უნდა მოხდეს ისეთი სახის ცვლილებების შეტანა, რომელიც დასაქმებულის უფლებებს მაქსიმალურად დაიცავს. მარეხ მგალობლიშვილი, საქართველოს ახალგაზრდა იურისტთა ასოციაციის თელავის ოფისის ხელმძღვანელი: „საქართველოს შრომით კოდექსში მომზადდა ცვლილებათა პაკეტი, რომელიც საქართველოს იუსტიციის სამინისტრომ წარადგინა პარლამენტში. განსაკუთრებით  მისასალმებელია ის ფაქტი, რომ შრომის კოდექსში უქმდება 37 მუხლის ის პუნქტი, რომელიც ითვალისწინებდა დასაქმებულის უპირობო გაშვებას სამსახურიდან, რაც ძალიან ხშირად იქნა პრაქტიკაში გამოყენებული. ეს პუნქტი იყო ყველაზე ცუდი, რომელიც არ გვიტოვებდა სამართლებრივ საფუძველს, რომ დაგვეცვა სამსახურიდან უკანონოდ განთავისუფლებული პირის ინტერესები. ახალი ცვლილებების თანახმად ეს პუნქტი უქმდება და დამსაქმებელს მიეთითება ის საკითხები რა შემთხვევაში შეიძლება დასაქმებულის სამსახურიდან უპირობოდ გაშვება. გარდა ამისა არის სხვა რიგი ცვლილებებიც, რომელიც წინა კოდექსის შემთხვევაში ნაწილობრივ გაუმჯობესებულია".