თბილისი. კავშირი „საფარი“ გიზიარებთ ინფორმაციას: როგორ უნდა მოვიქცეთ თუ ბავშვი მასზე განხორციელებული ძალადობის შესახებ მოგვიყვება. პირველ რიგში, ბავშვს უნდა დავუჯეროთ, შევინარჩუნოთ სიმშვიდე და იურისტთან ერთად დავუკავშირდეთ სამართალდამცავებს. სრულად... წყარო: ორგანიზაციის გვერდი სოციალურ ქსელში

იმერეთი. იმერეთის რეგიონული ჰაბის - ადგილობრივი დემოკრატიის სააგენტო საქართველოსა (LDA Georgia) და განათლების განვითარებისა და დასაქმების ცენტრის (EDEC) ორგანიზებით, აკაკი წერეთლის სახელმწიფო უნივერსიტეტმა სამოქალაქო საზოგადოების რეგიონულ ფორუმს უმასპინძლა. ფორუმის მიზანი იყო მოხალისეობის კულტურის პოპულარიზაცია, პოტენციური დონორების მოზიდვა და იმერეთის მხარეში სამოქალაქო საზოგადოების გაძლიერება.   ფორუმი გაიმართა პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ ფარგლებში, რომელიც ხორციელდება ევროკავშირისა (EU) და კონრად ადენაუერის ფონდის (KAS) მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრი აქვეყნებს ომარ გორდეზიანის სტატიას: სიღარიბის მახე: სოციალური დაცვა და (არაფორმალური) შრომა. „ქვეყანაში არსებულმა პოლიტიკურ-ეკონომიკურმა ცვლილებებმა და პრივატიზაციის პოლიტიკამ გამოიწვია სახელმწიფოს როლის დაქვეითება სოციალურ თანასწორობასთან და საჯარო სიკეთეებთან მიმართებაში, როგორიცაა: კეთილდღეობის გადანაწილება, დასაქმება, საბინაო პოლიტიკა, განათლება, ჯანდაცვა და ა.შ. ამგვარ სიტუაციაში უკვე არსებული პრობლემები გახდა ინდივიდუალური და დღეს მოქალაქეს თავად უწევს უმუშევრობასთან გამკლავება და ბრძოლა თვითგადარჩენისათვის“. სრულად... წყარო: socialjustice.org.ge

გურია. ახალგაზრდა პედაგოგთა კავშირის ინფორმაციით, ბავშვთა დაცვის საერთაშორისო დღესთან დაკავშირებით, ანასეულის სათემო მომსახურებაში მცხოვრებ ხანდაზმულებს ოზურგეთის N7 საბავშო ბაღის აღსაზრდელები და პედაგოგები ესტუმრნენ. „ბავშვებმა ხანდაზმულებს მოუმზადეს სახალისო პროგრამა, თავის მხრივ, კი ხანდაზმულებმა საკუთარი ხელნაკეთი საუქრებით დაასაჩუქრეს პატარები. ღონისძიება ჩატარდა სამწლიანი პროექტის „უფლებებზე დაფუძნებული სოციალური მომსახურების განვითარება შეზღუდული შესაძლებლობების მქონე პირების და ხანდაზმულებისთვის“ ფარგლებში, რომელსაც ახორციელებს საქართველოს სტრატეგიული კვლევებისა და განვითარების ცენტრი (CSRDG),  ახალგაზრდა პედაგოგთა კავშირთან (YPU)  და საქართველოს საზოგადოებრივი ინტერესების დაცვის ასოციაცია (GPIDA) ერთად. სრულად... წყარო:  ორგანიზაციის გვერდი სოციალურ ქსელში

აჭარა. ბათუმის შოთა რუსთაველის სახელმწიფო უნივერსიტეტში, საერთაშორისო კონფერენციის „ადრეული განათლება და ზრუნვა“ ფარგლებში, გაეროს ბავშვთა ფონდის წარმომადგენელმა საქართველოში, ღასან ხალილმა გამართა საჯარო ლექცია „ბავშვის უფლებები - იმპერატივი საერთაშორისო დღის წესრიგში“. სრულად... წყარო: ორგანიზაციის გვერდი სოციალურ ქსელში

აჭარა. სოციალური სამართლიანობის ცენტრი ეხმიანება აჭარის ა/რ მთავრობის გადაწყვეტილებას საქართველოს ტერიტორიაზე ყველაზე დიდი არაფორმალური დასახლების - „ოცნების ქალაქის“ - მაცხოვრებლებისთვის ბინების გადაცემის კრიტერიუმების განსაზღვრის საკითხს. ორგანიზაცია მოუწოდებს ხელისუფლებას, უზრუნველყოს პროცესის გამჭვირვალობა, მოსახლეობის ინფორმირება განსახლების პროცესის შესახებ და ამ პროცესის იმგვარად წარმართვა, რომ გათვალისწინებული იყოს ყველა მოსახლის მოწყვლადობა და საჭიროებები. „მოსახლეობა მიიჩნევს, რომ კრიტერიუმები, რომლის შესახებაც მედიასაშუალებებიდან შეიტყვეს, არ არის ცხადი, განმარტებას მოითხოვს და არ საუბრობს მათ საჭიროებებზე, ვინც საცხოვრისით დაუკმაყოფილებელი შეიძლება დარჩეს“. სრულად... წყარო: socialjustice.org.ge

თბილისი. კავშირი „საფარი” 2021 წლის ივლისიდან მუშაობს რელიგიური კონფესიებს დაქვემდებარებული პანსიონების მოქმედ და ყოფილ აღსაზრდელებთან. ორგანიზაცია მათ იურიდიულ, სოციალურ, ფსიქოლოგიურ და სამედიცინო სერვისებს აწვდის. „საფარმა“, ჯამში, 9 თვის განმავლობაში ნინოწმინდისა და მარტვილის პანსიონების 32 მოქმედ და ყოფილ აღსაზრდელთან იმუშავა. ორგანიზაცია გთავაზობთ დოკუმენტს, რომელიც ნინოწმინდისა და მარტვილის სასულიერო პანსიონების ყოფილ აღსაზრდელებთან 9-თვიანი (2021 წლის ივლისიდან 2022 წლის აპრილის ჩათვლით) მუშაობის შედეგად შემუშავდა. დოკუმენტში ასახულია ბენეფიციარების ძირითადი საჭიროებები და მათი დაკმაყოფილებისთვის გადასადგმელი აუცილებელი ნაბიჯები რეკომენდაციის სახით. სრულად... წყარო: sapari.ge

რეგიონები. ზუგდიდში, სამეგრელოსა და გურიის სათემო ლიდერებისთვის და ლაგოდეხში, კახეთის სათემო ცენტრებისთვის ჩატარდა ტრენინგი თემაზე „ახალგაზრდული მუშაობის პრინციპები“. პროგრამა ხორციელდება გაეროს ერთობლივი პროგრამის (UNDP Georgia) „გენდერული თანასწორობისათვის საქართველოში“ დაფინანსებით მიმდინარე საქართველოს სტრატეგიული კვლევებისა და განვითარების ცენტრი-ს პროექტის - „ქალთა გაძლიერება ცვლილებისათვის“ ფარგლებში. სრულად...  წყარო: ორგანიზაციის გვერდი სოციალურ ქსელში

თბილისი. კავშირი „საფარის“ ცნობით, არსებობს სამი შეკითხვა, რომლის მიხედვითაც ბავშვს (და არა მხოლოდ ბავშვს) შეუძლია გადაამოწმოს და შეაფასოს საკუთარი უსაფრთხოების დონე. „ბავშვს უნდა ასწავლოთ, რომ ეს შეკითხვები საკუთარ თავს დაუსვას და როგორც კი ერთ მათგანზე მაინც ექნება უარყოფითი პასუხი, უნდა მოიფიქროს მისი გადაჭრის გზა“. მომზადებულია „საფარის“ მიერ, გაეროს მოსახლეობის ფონდთან (UNFPA) პარტნიორობით, გაეროს ერთობლივი პროგრამის „გენდერული თანასწორობისთვის“ ფარგლებში, რომელიც ხორციელდება შვედეთის მთავრობის ფინანსური მხარდაჭერით. ბავშვთა მიმართ სექსუალური ძალადობის შემთხვევაში, დარეკეთ: 032 230 76 03 სრულად... წყარო: ორგანიზაციის გვერდი სოციალურ ქსელში

თბილისი. საქართველოს ახალგაზრდა იურისტთა ასოციაციის წარმოებაში არსებულ საქმეზე საქართველოს უზენაესმა სასამართლომ სახელმწიფოს ზიანის ანაზღაურება დააკისრა. „კერძოდ, სამივე ინსტანციის სასამართლომ დაადგინა, რომ სახელმწიფო ორგანოები ვალდებული არიან ოჯახში ძალადობის მსხვერპლი ქალის დედას, რომლის თვითმკვლელობამდე მიყვანაც სახელმწიფომ თავიდან ვერ აიცილა, აუნაზღაუროს მორალური ზიანი. უზენაესი სასამართლოს გადაწყვეტილება უკიდურესად მნიშვნელოვანია, ვინაიდან, როგორც ფემიციდის სხვა ფორმების (როგორიც არის განზრახ მკვლელობა) შემთხვევაში, თვითმკვლელობამდე მიყვანის დროსაც სახელმწიფო ორგანოებს უნდა ეკისრებოდეთ ზიანის ანაზღაურების ვალდებულება, როცა მათ იცოდნენ ან უნდა სცოდნოდათ მსხვერპლის სიცოცხლისა და ჯანმრთელობის რისკი და არ დაიცვეს იგი მათ ხელთ არსებული საშუალებებით. საქმე არის საქართველოსთვის პრეცედენტული, როდესაც აღნიშნულ საკითხს სასამართლო თვითმკვლელობამდე მიყვანის თავიდან აცილების კონტექსტში მიმოიხილავს (წარსულში საიამ მსგავსი საქმეები განზრახ მკვლელობის, როგორც ფემიციდის ფორმის, შესახებ აწარმოა)“, ნათქვამია ორგანიზაციის ვებგვერდზე. სრულად... წყარო: gyla.ge

თბილისი. სოციალურ მეცნიერებათა ცენტრი (CSS) აქვეყნებს მარინე ჩიტაშვილის ბლოგპოსტს: სადოქტორო სწავლება საქართველოში. „სადოქტორო სწავლების ძირითადი მიზანი ახალი, კრიტიკულად მოაზროვნე კონტიგენტის მიღებაა, რომელთაც ახალი იდეებით შეუძლიათ დარგის განვითარებაში წვლილი შეიტანონ და ვინ იცის, იქნებ გარღვევაც კი მოახერხონ. სხვა სიტყვებით, მეცნიერების განვითარება შესაძლებელია მხოლოდ ‘ახალი სისხლის’ შემოდინებით. ეს არ ნიშნავს რომ მოქმედი პროფესურა ‘ჩამოსაწერია’. ეს უბრალოდ ნიშნავს, რომ ახალი თვალი და გამოცდილება [ძველი] იდეალური ტანდემია მეცნიერების, კვლევის, ცოდნისა და თვალსაწიერის გაფართოებისათვის. ეს ყველაფერი დასავლეთისა თუ აღმოსავლეთის უნივერსიტეტებისა და სახელმწიფო პოლიტიკის ის პრაქტიკაა, რომელიც ბოლო 30 წელია ჩვენთვის სულ უფრო და უფრო საოცნებო თეორიულ კონსტრუქტად რჩება, რომელსაც განათლების პოლიტიკის ყოველ დოკუმენტსა და რეგულაციაში სამომავლოდ გასაკეთებლად გადადებენ ხოლმე. და ვრჩებით ისევ ნულზე. ხოლო ნული რაზეც არ უნდა გაამრავლოთ, ისევ ნულს მი[ვ]იღებთ“, ნათქვამია ბლოგპოსტში. სრულად... წყარო: css.ge

3 ივნისს, 19:00 საათზე, საქართველოს ეროვნული მუზეუმის მიმდებარე ტერიტორიაზე გაიმართება მეცნიერების, განათლებისა და კულტურის პროფესიული კავშირის საპროტესტო აქცია. სრულად...

3 ივნისს, 16:00 საათზე, საქართველოს სტრატეგიის და განვითარების ცენტრი - GCSD გთავაზობთ ონლაინ დისკუსიას - „ნატოს გაფართოება: შვედეთისა და ფინეთის გზა ალიანსისკენ“. სრულად...

3 ივნისს, 11:00 საათზე, ეკონომიკური პოლიტიკის კვლევის ცენტრი (EPRC) სამოქალაქო საზოგადოების ინიციატივის „გადადგი ნაბიჯი ევროპისკენ" ფარგლებში მართავს დისკუსიას „საგარეო და უსაფრთხოების პოლიტიკა“. სრულად...

თბილისი. 3-4 ივნისს, ინფორმაციის თავისუფლების განვითარების ინსტიტუტი (IDFI) და საქართველოს უნივერსიტეტი გამართავენ კონფერენციას: „მსოფლიოს გამოფხიზლება: ჰიბრიდული ომი, დეზინფორმაცია და ისტორია ცენტრალურ და აღმოსავლეთ ევროპაში”. რეგისტრაცია სავალდებულოა. შეგიძლიათ, დარეგისტრირდით აქ... წყარო: ორგანიზაციის გვერდი სოციალურ ქსელში

იმერეთი. სოციალური სამართლიანობის ცენტრის ინფორმაციით, ჭიათურის სოფელ ითხვისში, სადაც მარტის ბოლოს მოსახლეობის სახლები დაინგრა, დაზარალებული ოჯახების კითხვებს სახელმწიფო კვლავ უპასუხოდ ტოვებს. „11 აპრილს და 4 მაისს სოფლის მოსახლეობამ, მხარდამჭერ ორგანიზაციებთან ერთად, სახელმწიფო უწყებებს ორჯერ მიმართა ოფიციალური განცხადებით, თუმცა 27 მაისს მიღებული წერილი განცხადებებში დასმული შეკითხვების უმრავლესობას პასუხის გარეშე ტოვებს. სოფლის მოსახლეობა მდგომარეობის შესასწავლად ჩამოყალიბებული სპეციალური კომისიის მეთოდოლოგიის, შემადგენლობის და, ასეთის არსებობის შემთხვევაში, მათი დასკვნების გასაჯაროებას ითხოვდა. ამასთან, მოსახლეობა ითხოვდა ინფორმაციას კომპენსაციის დაანგარიშების და გაცემის წესის შესახებ და სახელმწიფო უწყებებს სთხოვდა განემარტათ რამდენად უსაფრთხოა სოფელი იქ დარჩენილი ოჯახებისთვის. სამწუხაროდ ამ საკითხების შესახებ სოფლის მოსახლეობას ხელშესახები ახალი ინფორმაცია მომხდარიდან ორი თვის მანძილზე არ მიუღია“. სრულად... წყარო: socialjustice.org.ge

აჭარა. გაეროს ბავშვთა ფონდის ინფორმაციით, 2-3 ივნისს, ბათუმში, იმართება პირველი საერთაშორისო კონფერენცია - ადრეული განათლება და ზრუნვა, რომლის მიზანია, ხელი შეუწყოს ადრეული განათლებისა და ზრუნვის სფეროში ხარისხის, ხელმისაწვდომობისა და ინკლუზიის შესახებ აკადემიურ დისკუსიასა და ცოდნის გაზიარებას ადგილობრივი და საერთაშორისო პრაქტიკის გათვალისწინებით. სრულად... წყარო: www.unicef.org

თბილისი. ინფორმაციის თავისუფლების განვითარების ინსტიტუტის (IDFI) ინფორმაციით, 2017 წლიდან 2021 წლის ჩათვლით, საქართველოს მასშტაბით 7.1 მილიონი ერთეული ვიდეოჯარიმა გამოიწერა, ხოლო მათ შედეგად დარიცხული თანხა დაახლოებით 302 მილიონ ლარს აღწევს. „2020 წელს ჯარიმების საერთო რაოდენობა მნიშვნელოვნად შემცირდა, რაც შესაძლოა დაკავშირებული იყოს როგორც პანდემიასთან და მის სამართავად დაწესებულ შეზღუდვებთან, ასევე წინასაარჩევნო პერიოდში კონტროლის შემსუბუქებასთან. 2020-2021 წლებში, 2019 წელთან შედარებით, თითქმის განახევრდა იმ პირთა რაოდენობა, ვისაც დააკლდათ ან გაუნულდათ ქულები მართვის მოწმობაზე“. სრულად... წყარო: idfi.ge

სამცხე-ჯავახეთი. „საერთაშორისო გამჭვირვალობა - საქართველოს“ სამოქალაქო საბჭოების მიმართვის საფუძველზე, ნინოწმინდის საკრებულომ პეტიციის წარდგენისა და რეგისტრაციისთვის საჭირო დოკუმენტები დაამტკიცა.  ორგანიზაციის ცნობით, თვითმმართველობის კოდექსის მოთხოვნის მიუხედავად, უწყებას აღნიშნული დოკუმენტები ამ დრომდე შემუშავებული არ ჰქონდა.  საერთასორისო გამჭვირვალო - საქართველო მიესალმება ნინოწმინდის საკრებულოს გადაწყვეტილებას. სრულად... წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრი აქვეყნებს ლელა ჯობავას ბლოგპოსტს: „ყველა და ყველაფერი ერთმანეთთან კავშირშია“. ბლოგპოსტში საუბარია წოვათის თუშებზე (ბაცბები/წოვათუშები), რომელთა ენაც გაქრობის პირასაა. „ჩემი ყურადღება წოვათის თუშებმა (ბაცბებმა/წოვათუშებმა) იმით მიიქციეს, რომ მათ, თუშეთის დანარჩენი თემების მცხოვრებთაგან, თავიანთი ენა - წოვათუშური - განასხვავებთ. დღესდღეობით, წოვათუშურ ენაზე მოსაუბრეთა რაოდენობა რამდენიმე ათეულ ადამიანს არ აღემატება და მასზე ძირითადად უფროსი თაობის ხალხი ლაპარაკობს. ხოლო უფრო ახალგაზრდებს კი ან ესმით ან არ ლაპარაკობენ, რადგან ზოგიერთ ოჯახშიც მხოლოდ ქართულია სასაუბრო ენა.“ სრულად... წყარო: socialjustice.org.ge

თბილისი. ევროკავშირის პროექტის ფარგლებში, საქართველოს სტრატეგიული კვლევებისა და განვითარების ცენტრმა დაიწყო რეგისტრაცია (CSRDG) რიგით მესამე B2B გამოფენაზე სოციალური საწარმოებისათვის. გამოფენის მიზანია სოციალურ საწარმოებსა და ბიზნეს კომპანიებს, ასევე სხვადასხვა სექტორს შორის საქმიანი ურთიერთობების გაღრმავება, სოციალური მეწარმეობის პოპულარიზაცია და სოციალური საწარმოების განვითარების ხელშეწყობა საქართველოში. თუ გინდათ: დაესწროთ მასტერკლასებს ან იმუშაოთ ინდივიდუალურად ბიზნესმენტორებთან ბიზნეს შეთავაზებების მაღალ დონეზე მოსამზადებლად? მონაწილეობა მიიღოთ B2B გამოფენაში და საშემოდგომო მარკეტში თქვენი გაყიდვების გასაზრდელად? გააკეთეთ განაცხადი 2022 წლის 10 ივნისამდე… სრულად... წყარო: ევროკავშირის გვერდი სოციალურ ქსელში

თბილისი. 1 ივნისს, სოციალური სამართლიანობის ცენტრმა და სალამმა ერთობლივი პრესკონფერენცია გამართეს სახელწოდებით: „განათლების პოლიტიკის სისტემური გამოწვევები და არადომინანტური ეთნიკური ჯგუფები“. ორგანიზაციების შეფასებით, „საქართველოს განათლების სისტემაში არსებული გამოწვევები საერთოა ყველა მოქალაქისთვის. ხარისხიან განათლებაზე წვდომა სულ უფრო უთანასწორო ხდება რეგიონების სკოლებისთვის, დედაქალაქისა და დიდი ქალაქების სკოლებთან, და მითუფრო კი კერძო სკოლებთან შედარებით. თუმცა, განათლებაზე ხელმისაწვდომობა მკვეთრად დაბალი და ყველა მარკერით კიდევ უფრო უთანასწოროა არაქართულენოვანი სკოლების მოსწავლეებისთვის“. სრულად... წყარო: socialjustice.org.ge