თბილისი. მაკლეინის ასოციაცია ბავშვებისთვის (MAC Georgia) აქვეყნებს რეკომენდაციებს ყურადღების დეფიციტისა და ჰიპერაქტივობის სინდრომის მქონე ბავშვებისთვის.  „ყურადღების დეფიციტისა და ჰიპერაქტივობის სინდრომი ნეირობილოგიური საფუძვლის მქონე დარღვევაა, რომელიც ბავშვების დაახლოებით 5%-ს აღენიშნება და ყურადღების დეფიციტით, იმპულსურობითა და ჰიპერაქტივობით ვლინდება, თუმცა გარკვეულ შემთხვევებში იგი ჰიპერაქტივობის გარეშეც შეიძლება შეგვხდეს“. შეამცირეთ მხედველობითი და სმენითი გამაღიზიანებლები ბავშვის ოთახში; სასურველია, ბავშვს ცალკე ოთახი ჰქონდეს სამეცადინოდ. თუ ეს ვერ ხერხდება, სულ მცირე სამუშაო კუთხე მაინც უნდა ჰქონდეს სათანადოდ მოწყობილი და უმჯობესია თუ მეცადინეობისას ოთახში სხვა ოჯახის წევრები არ იქნებიან; დაუყავით ბავშვს სასკოლო თუ სხვა სახის დავალებები და წაახალისეთ; ნუ მოსთხოვთ დავალების მაგიდასთან შესრულებას. მიეცით უფლება, იჯდეს დივანზე, პუფზე... თუ თქვენს შვილს სკამზე ჯდომა უჭირს, გამოიყენეთ დამხმარე საშუალებები, რომელიც მას საშუალებას მისცემს დავალების შესრულების პარალელურად სხვადასხვა აქტივობაც აკეთოს... სრულად... წყარო: ორგანიზაციის გვერდი სოციალურ ქსელში

თბილისი. გაეროს ბავშვთა ფონდის განცხადებით, ახალი კორონავირუსის პანდემიამ დიდი ზეგავლენა მოახდინა ბავშვებსა და მოზარდებზე, ყველაზე მეტად - მათ მოწყვლად ნაწილზე. ორგანიზაციას განსაკუთრებით აღელვებს იმ ბავშვების მდგომარეობა, რომელთაც ნაკლებად მიუწვდებათ ხელი ძირითად მომსახურებებსა და რესურსებზე. „კორონავირუსის სწრაფად გავრცელებისადმი განსაკუთრებით დაუცველნი არიან ისეთ ოჯახებში მცხოვრები ბავშვები, სადაც სივიწროვეა ან არ არის სათანადო პირობები - ხელსაბანი და სხვა სანიტარიული კვანძები და საშუალებები. გაეროს ბავშვთა ფონდის მრავალინდიკატორული კლასტერული კვლევის მიხედვით, საქართველოში 29 800 ბავშვს სახლში არ აქვს წყლითა და საპნით ხელის დაბანის პირობები. შესაბამისად, უფრო მაღალია ასეთი ბავშვების კორონავირუსით დაინფიცირების რისკი. მიმდინარე კრიზისის პერიოდში ყველა ბავშვმა უნდა განაგრძოს სწავლა და შეძლოს სკოლაში უსაფრთხოდ დაბრუნება. ელექტრონული ინსტრუმენტებისა და ინტერნეტის კავშირის, შინ სათანადო სასწავლო გარემოს და მშობლების მხარდაჭერის ნაკლებობის გამო ისედაც გარიყული ბავშვები ჩამორჩენის საფრთხის წინაშე იმყოფებიან“, ნათქვამია ორგანიზაციის ვებგვერდზე. სრულად... წყარო: www.unicef.org

თბილისი. პარტნიორობა ადამიანის უფლებებისთვის (PHR) ბავშვთა მრჩეველთა საბჭოს წევრებს იწვევს. „PHR-ის პროექტის „ბავშვთა მართლმსაჯულების უფლების გაძლიერება საქართველოში“, ფარგლებში ქმნის „ბავშვთა მრჩეველთა საბჭო“, სადაც თავად ბავშვები იქნებიან აქტიურად ჩართულნი ორგანიზაციის საქმიანობაში, მიიღებენ ღონისძიებების დაგეგმვასა და განხორციელებაში მონაწილეობას. მოამზადებენ მოსაზრებებს და რეკომენდაციებს სახელმწიფოსთვის და ჩაერთვებიან საზოგადოებრივ პროცესებში. ასევე მრჩეველები კონსულტაციას გაუწევენ ორგანიზაციას ბავშვებთან დაკავშირებულ მიმდინარე საკითხებზე. ორგანიზაცია, თავის მხრივ იზრუნებს, რომ ბავშვებს ჰქონდეთ უსაფრთხო გარემო და საინტერესო სამუშაო პირობები მათი ინტერესების უპირატესი დაცვით“, ნათქვამია ორგანიზაციის ვებგვერდზე. სრულად... წყარო: phrgeorgia.wordpress.com

თბილისი. საქართველოს ახალგაზრდა იურისტთა ასოციაცია ბავშვთა დაცვის საერთაშორისო დღესთან დაკავშირებით განცხადებას ავრცელებს. „პანდემიით გამოწვეული პრობლემები განსაკუთრებით შეეხო ქუჩაში მცხოვრებ და სოციალურად დაუცველ ბავშვებს, ხოლო საყოველთაო კარანტინის დროს ოჯახში ან/და ბავშვის მოვლის ცენტრებში დარჩენილი ბავშვების მიმართ გაიზარდა ძალადობის განხორციელების რისკები. მისასალმებელია, რომ საქართველოში მოხდა დისტანციური სწავლების დანერგვა და საზოგადოებრივი მაუწყებლის ეთერში ე.წ. ტელესკოლის პროგრამის შემუშავება. სამწუხაროდ, აღნიშნული ღონისძიებები ვერ ჩაანაცვლებს სკოლებს, მით უფრო იმ დროს, როდესაც ქვეყნის მოსახლეობის უმრავლესობას აქვს მძიმე სოციო-ეკონომიკური მდგომარეობა და არ აქვს გაჯეტი ან/და ინტერნეტზე წვდომა, რომლის მეშვეობითაც ჩაერთვება გაკვეთილზე“. სრულად... წყარო: gyla.ge

თბილისი. ადამიანის უფლებების სწავლებისა და მონიტორინგის ცენტრი (EMC) აზარტული ინდუსტრიისგან ბავშვთა დაცვას მოითხოვს. „ბავშვთა სიღარიბის მაღალ მაჩვენებელთან და განათლების სისტემაში არსებულ ჩავარდნებთან ერთად, ბავშვთა აზარტულ თამაშებში მონაწილეობა მძიმე გამოწვევად რჩება, რომელიც ქრონიკული სიღარიბისა და ფსიქოსოციალური პრობლემების რისკს ზრდის. არასრულწლოვანთათვის უსაფრთხო გარემოსა და ჯანსაღი განვითარების შესაძლებლობის უზრუნველსაყოფად, EMC საქართველოს მთავრობას მოუწოდებს, უმოკლეს დროში შეიმუშავოს აზარტული თამაშების მკაცრი რეგულირების მექანიზმები და არ დაუშვას მათში არასრულწლოვანთა მონაწილეობა“. სრულად... წყარო: emc.org.ge

თბილისი. მაკლეინის ასოციაცია ბავშვებისთვის (Mac Georgia) აქვეყნებს ფეისბუქ ჩანაწერს: განსაკუთრებული საჭიროებების მქონე ბავშვების დედმამიშვილები. მშობლებთან ერთად დედმამიშვილებიც დიდ დროს ატარებენ განსაკუთრებული საჭიროების მქონე ბავშვებთან. მათთან ურთიერთობისას ისინი სხვადასხვა სტრესორების გავლენის ქვეშ ექცევიან, რამაც შესაძლოა, გაზარდოს ემოციური და ქცევითი სირთულეების ჩამოყალიბების რისკი. ჩანაწერში ჩამოთვლილია სტრესორები და მათთან გამკლავების რეკომენდაციები.  „ეცადეთ ყოველთვის დაესწროთ ბავშვისთვის ღირშესანიშნავ მომენტებსა და ღონისძიებებს, როგორიცაა სკოლის დამთავრება, სპორტული თამაში, გამოსაშვები ზეიმი და ა.შ. ეცადეთ შეუქმნათ ბავშვს უსაფრთხო გარემო, სადაც მას შეეძლება საკუთარი ემოციების თქვენთვის გაზიარება. ხაზი გაუსვით იმას, რომ გესმით მათი ემოციები და მათგან არ ითხოვთ სრულყოფილებას, როგორც კომპენსაციას მეორე ბავშვთან დაკავშირებული სირთულეების გამო.“ სრულად... წყარო: ორგანიზაციის გვერდი სოციალურ ქსელში

თბილისი. მაკლეინის ასოციაცია ბავშვებისთვის (Mac Georgia) აქვეყნებს ბლოგპოსტს: რა არის მეტაკოგნიცია და როგორ ეხმარება ის ბავშვებს სწავლის პროცესში. „ჩვენ არა მარტო ფიქრის, აზროვნების, დასწავლის უნარი გვაქვს, არამედ შეგვიძლია თავად ამ შემეცნებითი პროცესების გაანალიზება და კრიტიკული შეფასება. ასეთ „აზროვნებას, აზროვნების შესახებ” მეტაკოგნიციას უწოდებენ. სწორედ მეტაკოგნიცია გვეხმარება იმის გაცნობიერებაში, თუ რა ვიცით უკვე და კიდევ რისი სწავლა გვჭირდება ამა თუ იმ საკითხთან დაკავშირებით, რომელი სტრატეგიებია ეფექტური ჩვენთვის და როგორ შევარჩიოთ ისინი კონკრეტული საქმიანობისთვის, განვსაზღვროთ რა დრო დაგვჭირდება მასალის ათვისებისთვის, შევაფასოთ ის, თუ როგორ მიმდინარეობს დასწავლის პროცესი, რა ფაქტორები ახდენენ გავლენას ჩვენზე დასწავლის პროცესში და ა.შ. მიჩნეულია, რომ ბავშვები, რომელთაც კარგად აქვთ განვითარებული მეტაკოგნიტური უნარები, უკეთ ახდენენ საკუთარი სწავლის პროცესის დაგეგმვასა და შეფასებას და გამოირჩევიან უფრო მაღალი აკადემიური მოსწრებით, ამიტომ სასურელია მეტაკოგნიტური უნარების განვითარებაზე აქტიური მუშაობა“. სრულად... წყარო: ორგანიზაციის გვერდი სოციალურ ქსელში

თბილისი. არბაიტერ სამარიტერ ბუნდი საქართველო აქვეყნებს სახელმძღვანელოს მშობლებისთვის: როგორ ვესაუბროთ ბავშვებს კორონა ვირუსის შესახებ. „საყოველთაო პანდემიის დროს ბავშვების საჭიროებები არ უნდა გამოგვრჩეს. ისინი ყველაზე დაუცველნი არიან ინფორმაციის მიღების მხრივ და ჩვენი ვალია სათანადო კომუნიკაცია გვქონდეს მათთან არსებული მდგომარეობის შესახებ“. სახელმძღვანელო... წყარო: ორგანიზაციის გვერდი სოციალურ ქსელში

თბილისი. მაკ ჯორჯია აქვეყნებს ბლოგპოსტს: როგორ დავგეგმოთ სასწავლო აქტივობები ყურადღების კონცენტრაციის სირთულის მქონე ბავშვთან სახლის გარემოში. „ახლა, როდესაც კორონა ვირუსით გამოწვეული პანდემიის გამო სასწავლო პროცესი სახლის გარემოში მიმდინარეობს, ოჯახის წევრების მხარდაჭერა განსაკუთრებით მნიშვნელოვანია. ქვემოთ მოცემული რეკომენდაციების გათვალისწინება სწორედ ამაში დაგეხმარებათ: შეამცირეთ ხმაური სამუშაო გარემოში, შეამცირეთ ყურადღების გადამრთველი სტიმულების რაოდენობა სამუშაო გარემოში, აკადემიური აქტივობები დღის პირველ ნახევარში დაგეგმეთ, დაყავით დიდი აქტივობა შედარებით მცირე აქტივობებად, დაგეგმეთ ფიზიკური აქტივობა, დააინტერესეთ და წაახალისეთ“. სრულად... წყარო: ორგანიზაციის გვერდი სოციალურ ქსელში

თბილისი. გაეროს ბავშვთა ფონდი აქვეყნებს ფსიქოლოგ ქეთევან თავართქილაძის რჩევებს თუ როგორ უნდა დაეხმაროთ თქვენ შვილებს პანდემიის შედეგად გამოწვეული სტრესის და ემოციების მართვაში. „ჩვეულებრივ, ბავშვები მშობლების ქცევების და ემოციების შესატყვისად რეაგირებენ. ამიტომ მნიშვნელოვანია, რომ საკუთარი ემოციური მდგომარეობა ვაკონტროლოთ. ბავშვების თანდასწრებით არ გამოვხატოთ უიმედობა, შფოთვა. სიმშვიდის შენარჩუნებით ბავშვებს ვაჩვენებთ, რომ მდგომარეობას ვაკონტროლებთ და ისინიც უფრო მშვიდად იქნებიან“. სრულად... წყარო: www.unicef.org

თბილისი. გაეროს ბავშვთა ფონდი საქართველოში დღეიდან უერთდება გლობალურ 15 დღიან კამპანიას ჰეშთეგებით #ვსწავლობთსახლში და #ვერთობითსახლში. ორგანიზაცია ინიციატივის ფარგლებში, სკოლამდელი ასაკის ბავშვების მშობლებს ყოველდღე შემოგთავაზებთ ერთ, მარტივად შესასრულებელ აქტივობას, რომელიც თქვენს პატარას გონებრივ და ფიზიკურ განვითარებას შეუწყობს ხელს. სრულად... წყარო: ორგანიზაციის გვერდი სოციალურ ქსელში

ცოდნის კაფეს ონლაინ აგრო სკოლაში რეგისტრაცია შეუძლიათ 8-დან 13 წლამდე ასაკის ბავშვებს, რომლებიც წნორში ან სიღნაღის მუნიციპალიტეტის რომელიმე სოფელში ცხოვრობენ. აგრონომები სახლიდან გაუსვლელად, ონლაინ შეასწავლიან ბავშვებს მიწის დამუშავებას და მცენარეების მოვლას. „ახლა, როცა გარეთ გასვლა კორონა ვირუსის გამო ძალიან საშიშია და კომპიუტერთან ჯდომაც მალე მოგბეზრდება, შენ შეგეძლება მცენარეებზე იზრუნო, რაც ნამდვილად დაგეხმარება ფიზიკურ აქტივობაში და უფრო მეტი ენერგიაც გექნება სასკოლო საგნების მოსამზადებლად“. სრულად... წყარო: ორგანიზაციის გვერდი სოციალურ ქსელში

თბილისი. გაეროს ბავშვთა ფონდი (UNICEF) ნეიროფსიქოლოგ, თამარ გაგოშიძის რეკომენდაციების შესახებ აქვეყნებს ვლოგს: როგორ ვაკონტროლოთ ბავშვების მიერ ელ. მოწყობილობების გამოყენების სიხშირე. „სკოლებში სწავლის შეჩერების გამო ბავშვებს სახლში უწევთ ყოფნა და ახლა განსაკუთრებით რთულია, ვაკონტროლოთ მათ მიერ ელექტრონული მოწყობილობების გამოყენების სიხშირე“. სრულად... წყარო: ორგანიზაციის გვერდი სოციალურ ქსელში

თბილისი. დღეს, 14:00 საათზე საქართველოში ამერიკის საელჩოს პრეს-ატაშე, კრის დავენპორტი წაგიკითხავთ მოთხრობას პატარა პინგვინზე. „სანამ საქართველოში სკოლები დაკეტილია, ამერიკის საელჩოში, გვსურს, ბავშვებს სწავლის გაგრძელებაში დავეხმაროთ. ფეისბუქ ლაივის მეშვეობით სამუშაო დღეებში 14:00 საათიდან ამერიკელი დიპლომატი ინგლისურად წაგიკითხავთ და გესაუბრებათ თავის საყვარელ მოთხრობაზე. ინგლისურის სამეცადინოდ და ამერიკის შესახებ მეტის გასაგებად ეს შესანიშნავი შესაძლებლობაა“, ნათქვამია ამერიკის საელჩოს გვერდზე სოციალურ ქსელში. სრულად... წყარო: საელჩოს გვერდი სოციალურ ქსელი

თბილისი. საქართველოს სახალხო დამცველმა დღეს გამოაქვეყნა სპეციალური ანგარიში - „სისხლის სამართლის მართლმსაჯულების სფეროში არასრულწლოვან ბრალდებულთა, მოწმეთა და დაზარალებულთა საპროცესო უფლებების დაცვა“. პროექტი განხორციელდა საქართველოს სახალხო დამცველის აპარატსა და ა(ა)იპ „ინიციატივა მოწყვლადი ჯგუფების რეაბილიტაციისთვის“ ურთიერთთანამშრომლობის მემორანდუმის საფუძველზე, ნიდერლანდების სამეფოს საელჩოს ფინანსური მხარდაჭერით. კვლევის მიზანი იყო სასამართლო სხდომებზე დაკვირვების გზით, შეფასებულიყო სასამართლო განხილვის პროცესში კანონთან კონფლიქტში მყოფ და მოწმე/დაზარალებულ ბავშვთა უფლებების დაცვის ხარისხი.  სასამართლო განხილვების მონიტორინგი, 2019 წლის ივლისიდან დეკემბრის ჩათვლით, ჩატარდა სამ დიდ ქალაქში, კერძოდ, თბილისის, ქუთაისისა და რუსთავის საქალაქო სასამართლოებში. სრულად...  წყარო: http://ombudsman.ge

თბილისი. ორგანიზაციამ „პარტნიორობა ადამიანის უფლებებისთვის“, სასამართლოში საქმე, რომელის მიხედვითაც, მაღალი თანამდებობის პირებზე ქალთა მიმართ ან ოჯახური ძალადობის გამო გაცემული ორდერების შესახებ ინფორმაცია საჯარო გახდება.  ეს არის უპრეცენდენტო გადაწყვეტილება, რაც ქალთა მიმართ ძალადობის და ოჯახში ძალადობის შემთხვევაში, ინფორმაციის საჯაროობის გზით, ამკვიდრებს პოლიტიკური თანამდებობის პირების მიმართ უმაღლესი საზოგადოებრივი კონტროლის სტანდარტს. აღნიშნული სტრატეგიული საქმის საფუძველზე, საქართველოს ნებისმიერ მოქალაქეს აქვს უფლება გაიგოს პოლიტიკური თანამდებობის პირები არიან თუ არა ოჯახში მოძალადეები ან როდესმე გამოცემულა თუ არა მათ მიმართ ქალზე ძალადობის გამო შემაკავებელი ან/და დამცავი ორდერი.  სრულად...  წყარო: https://phrgeorgia.wordpress.com

თბილისი. საბჭოთა წარსულის კვლევის ლაბორატორია კონკურსის, „მიგრაცია - ცხოვრება ახალი ფურცლიდან“, ვადებს ახანგრძლივებს.  „კორონა ვირუსის საფრთხესთან დაკავშირებით, სკოლებში გამოცხადებული არდადეგების გამო, მოსწავლეთა ნაშრომების მიღების ბოლო ვადამ გადაიწია 15 მარტიდან 30 მარტამდე”, - ნათქვამია ორგანიზაციის მიერ გავრცელებულ განცხადებაში.  კონკურსი სკოლის მოსწავლეებისთვის გამოცხადდა და მიზნად მიგრაციის თემით ახალგაზრდების დაინტერესებას ისახავდა.  სრულად...  წყარო: ორგანიზაციის გვერდი სოციალურ ქსელში

იმერეთი. ქუთაისის ახალგაზრდული ცენტრის წევრებისთვის ჩატარდა ტრენინგი თემაზე „ბულინგი და სტრესის მართვა“, რომლის მიზანიც იყო ახალგაზრდების ცნობიერების ამაღლება ბულინგის პრევენციის და ტოლერანტული კულტურის განვითარების, სტრესის მართვის ფორმების შესახებ თემაზე. სრულად... წყარო: ორგანიზაციის გვერდი სოციალურ ქსელში

2019 წლის 18 დეკემბერს, ნიუ იორკში, გაეროს გენერალურმა ასამბლეამ მიიღო რეზოლუცია, რომელიც ყველა წევრ სახელმწიფოს ბავშვთა სახლების დაუყოვნებლივ დახურვას ავალდებულებს.  რეზოლუციის მიხედვით, სახელმწიფომა უნდა უზრუნველყონ ბავშვების ბიოლოგიურ ოჯახებში დაბრუნება, ხოლო თუ ეს შეუძლებელია, ბავშვებს უნდა მიეწოდოთ მხოლოდ ოჯახურ გარემოსთან მიახლოებული მომსახურებები.  სრულად...  წყარო: https://phrgeorgia.wordpress.com

სამეგრელო. 25 თებერვალს ასოციაცია „ათინათის“ ახალგაზრდული ცენტრის წევრებისთვის მოეწყო შეხვედრა რეპროდუქციულ ჯანმრთელობასთან დაკავშრებით. "სემინარი მოიცავდა ისეთ საკითხებს, როგორიცაა: რას ნიშნავს რეპროდუქციული ჯანმრთელობა და რატომ არის მნიშვნელოვანი ამ საკითხის განხილვა და სწავლება ახალგაზრდებისათვის; სსგი- სქესობრივი გზით გადამდები ინფექციები და მისი ძირითადი ტიპები; რა გართულებები შეიძლება მოყვეს სსგი-ს და სხვა. შეხვედრის დასასრულს, ახალგაზრდებმა შეასრულეს სავარჯიშო „მითი თუ რეალობა“. სრულად... წყარო: ორგანიზაციის გვერდი სოციალურ ქსელში

კახეთი. „ჯანდაცვისა და განათლების განვითარების შესაძლებლობების გაუმჯობესება სოციალურად დაუცველი დედებისა და ბავშვებისათვის“- ასე ჰქვია პროექტს, რომლის ფარგლებშიც კახეთში მცხოვრებ სოციალურად დაუცველ ახალშობილებს სასაჩუქრე ნაკრები გადაეცათ. პროექტი "კახეთის რეგიონალური განვითარების ფონდმა" ევროკაშირის დაფინანსებით განახორციელა. 2018 წელს ახმეტის, გურჯაანისა და თელავის მუნიციპალიტეტში ეს დახმარება სულ 60-მა ბენეფიციარმა მიიღო.  „აღნიშნულ პროექტს ევროკავშირი 2016 წლიდან აფინანსებს. პარტნიორი ორგანიზაციები არიან "ინოვაციების და რეფორმების ცენტრი" და "ევროპის სამართლისა და ადამიანის უფლებათა საერთაშორისო სამართლის ინსტიტუტი". ამ პროექტის ძირითადი მიზანი ქალებისა და ბავშვების დახმარებაა. სამოცი სასაჩუქრე პაკეტი გავეცით, ორიღა დაგვრჩა თელავში გადასაცემი. ამ წელში მარაგი ამით ამოიწურა, მომავალ წელს ეს პროექტი კვლავ გრძელდება და ისევ გაიცემა 60 სასაჩუქრე პაკეტი. ამ დახმარების მიღების პირველი კრიტერიუმია ის, რომ ოჯახი სოციალურად დაუცველი უნდა იყოს, ზოგს შეიძლება მოხსნილი ჰქონდეს სტატუსი, მაგრამ მისი ოჯახური მდგომარეობიდან გამომდინარე, მაინც ისარგებლოს ამ შეღავათით, “- აღნიშნავს "კახეთის რეგიონალური განვითარების ფონდის" დირექტორი, თამარ ბექაური.  მისივე თქმით, სასაჩუქრე პაკეტების გარდა, ევროკავშირმა დააფინანსა ტრენინგები, სადაც დედებმა პატარების სწორად მოვლასთან დაკავშირებით საინტერესო და საჭირო ინფორმაცია მიიღეს.  სრულად...  წყარო: https://eeas.europa.eu

სამცხე-ჯავახეთი. „საერთაშორისო გამჭვირვალობა-საქართველოს“ მედია გუნდის წარმომადგენლებმა, 22-23 თებერვალს, ბორჯომში, სტუდენტებს ღია მონაცემების მოძიების შესახებ ტრენინგი ჩაუტარეს. „სტუდენტებმა ისწავლეს, როგორ გაუწიონ მონიტორინგი სახელმწიფო შესყიდვებს, მოიძიონ ბიზნესის მფლობელები, პოლიტიკური პარტიების შემომწირველები და ა.შ.“ სრულად... წყარო: ორგანიზაციის გვერდი სოციალურ ქსელში