თბილისი. 2020 წლის 14 თებერვალს საქართველოს სახალხო დამცველისთვის ცნობილი გახდა მარნეულში არასრულწლოვანი გოგოს თავისუფლების უკანონო აღკვეთისა და ქორწინების იძულების მცდელობის ფაქტის შესახებ.  „ამ შემთხვევამ, კიდევ ერთხელ, ნათლად დაგვანახა საქართველოში ძალადობის მსხვერპლი ბავშვების დაცვისა და დახმარების მიმართულებით არსებული გამოწვევები. სახალხო დამცველის და მისი წარმომადგენლების ადგილზე დაკვირვებამ აჩვენა, რომ ადგილობრივი სამართალდამცავი უწყება არაა თავისუფალი სტერეოტიპული დამოკიდებულებისგან, რაც მათი ეფექტური ფუნქციონირების არსებითი დამაბრკოლებელი გარემოებაა. აღნიშნული განსაკუთრებით საყურადღებოა ეთნიკური უმცირესობის წარმომადგენელი გოგოების და ქალების უფლებრივი მდგომარეობის დაცვის მიმართულებით“, - აღნიშნულია სახალხო დამცველის განცხადებაში.  სრულად...  წყარო: http://ombudsman.ge

იმერეთი. ქუთაისის ახალგაზრდული ცენტრის წევრებისათვის ორგანიზება გაუკეთდა დისკუსიას თემაზე: „დემოკრატიული არჩევნები და არჩევის პრაქტიკა საქართველოში”, რომლის მიზანს წარმოადგენდა ახალგაზრდები გაცნობოდნენ, თუ რა მნიშვნელობა აქვს არჩევნების დემოკრატიულად ჩატარებას ქვეყნის განვითარებისათვის და დემოკრატიული სახელმწიფოს მშენებლობისთვის. „დისკუსიის მუშაობას ორგანიზაცია „გამჭვირვალობა -საქართველოს“ წარმომადგენელი ლელა მოწონელიძე უძღვებოდა. ღონისძიება ორგანიზებული იქნა ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის (PITA) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) ფინანსური მხარდაჭერით. პროგრამის პარტნიორია განათლების განვითარების და დასაქმების ცენტრი (EDEC)”, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

იმერეთი. ადგილობრივი დემოკრატიის სააგენტო საქართველომ პროექტის, „სამოქალაქო საზოგადოების განვითარების ინიციატივა“, ფარგლებში, წყალტუბოსა და ხონის მუნიციპალიტეტებში მცხოვრები ახალგაზრდებისთვის საინფორმაციო შეხვედრა გამართა. „შეხვედრის მთავარი მიზანი ახალგაზრდებისთვის სამოქალაქო ჩართულობის მნიშვნელობის, სამოქალაქო საზოგადოებრივი ორგანიზაციების არსის და მოხალისეობის შესახებ ინფორმაციის მიწოდება გახლდათ. მონაწილეები აგრეთვე გაეცნენ მოხალისეობის ახალი პორტალის, "დროის ბანკის" მუშაობის სპეციფიკას“, ნათქვამია ორგანიზაციის გვერდი სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. საქართველოს ახალგაზრდა იურისტთა ასოციაცია (საია) აქვეყნებს ბლოგპოსტს: ბავშვთა ინტერესების სათანადო წარმომადგენლობა კვლავ არ არის უზრუნველყოფილი. „მომჩივანი ეროვნულ დონეზე ითხოვდა, რომ სასამართლოს გაეთვალისწინებინა მისი არასრულწლოვანი დისშვილების სურვილი და მათ საცხოვრებელ ადგილად დეიდის საცხოვრებელი განესაზღვრა. სასამართლო ეტაპზე სოციალური მუშაკები ბავშვების წარმომადგენლად ჩაერთნენ. საბოლოო გადაწყვეტილებით ეროვნულმა სასამართლოებმა ბავშვები მამას მიაკუთვნეს. თუმცა, სასამართლოებმა და სოციალურმა მუშაკებმა გადაწყვეტილება ისე მიიღეს, რომ არ გაითვალისწინეს ბავშვების საუკეთესო ინტერესები და მათი სურვილი ეცხოვრათ დეიდასთან“, ნათქვამია ორგანიზაციის ვებგვერდზე. სრულად... წყარო: gyla.ge

6-7 თებერვალს, ახალგაზრდულ თემატიკაზე ფორუმი, „ეუთოს პერსპექტივები 2030,“ გაიმართა. „ღონისძიებაში მონაწილეობდნენ ეუთოში ახალგაზრდულ საკითხებზე მომუშავე მაღალი რანგის წარმომადგენლები, რომლებიც ფორუმის მეორე დღეს ახალგაზრდობის სააგენტოს ესტუმრნენ. შეხვედრაზე სააგენტომ ეუთოს წარმომადგენლებისთვის საინტერესო საკითხს უპასუხა: როგორ ეხმიანება „ახალგაზრდები მშვიდობისა და დემოკრატიისთვის“ თემას, ქვეყანაში სააგენტოს რეფორმით გათვალისწინებული ახალგაზრდული ორგანიზაციების გაძლიერება და ახალგაზრდული მუშაობის (youth work) დანერგვა”, ნათქვამია ახალგაზრდობის სააგენტოს გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

აჭარა. 11-12 თებერვალს, ქალაქ ბათუმში საქართველოს წითელი ჯვრის საზოგადოება საქართველოს განათლების, მეცნიერების, კულტურისა და სპორტის სამინისტროსა და კოლეჯ „ბლექსი“-სთან პარტნიორობით მართავს პროფესიული ორიენტაციის შეხვედრებს. „აღნიშნული შეხვედრების ფარგლებში ახალგაზრდები გაეცნობიან რეგიონში არსებულ დასაქმების ბაზრის მოთხოვნებს, ასევე ქვეყანაში/რეგიონში არსებულ განათლების შესაძლებლობებს. ზემოაღნიშნული დაეხმარება ახალგაზრდებს პროფესიის სწორად შერჩევასა და მომავლის დაგეგმვაში. შეხვედრის მონაწილეებს ასევე საშუალება აქვთ გაეცნონ პროფესიული კოლეჯების მუშაობის სისტემას. შეხვედრები გაიმართება ყოველ თვიურად სენაკის, ზუგდიდისა და ხელვაჩაური/ბათუმის ახალგაზრდებისათვის“. სრულად... წყარო: ორგანიზაციის გვერდი სოციალურ ქსელში

თბილისი. ბაღდათში მომხდარ ტრაგედიასთან დაკავშირებით, საქართველოს სახალხო დამცველი განცხადებას ავრცელებს.  „სამწუხაროდ, წლების განმავლობაში, გადაუჭრელ პრობლემად რჩება ბავშვთა სიღარიბე და ცხოვრების არასათანადო დონე, რაც რიგ შემთხვევაში არასრულწლოვნების ჯანმრთელობას თუ სიცოცხლეს განსაკუთრებული რისკის ქვეშ აყენებს. ბავშვთა დაცვისა და სოციალური სისტემა ვერ უზრუნველყოფს არასრულწლოვნების დაცვას უკიდურესი სიღარიბისგან. ის პროგრამები, რომელსაც სახელმწიფო სთავაზობს სიღარიბეში მცხოვრებ ოჯახებს, არ არის ორიენტირებული შედეგზე, მათ ინდივიდუალურ საჭიროებებზე და დროულ პრევენციაზე, შესაბამისად, ოჯახების სოციალურ-ეკონომიკური მდგომარეობა ხშირ შემთხვევაში, წლების განმავლობაში არ იცვლება. ამჟამინდელი სოციალური პოლიტიკის პირობებში, სიღარიბეში მცხოვრებ ბავშვიან ოჯახებში პრობლემურია არასრულწლოვნების თუნდაც ელემენტარული საბაზისო საჭიროებების დაკმაყოფილებაც კი“, - აღნიშნულია განცხადებაში.  სრულად...  წყარო: http://ombudsman.ge

თბილისი. 20 იანვარს ახალი კვლევა გამოქვეყნდა, რომელიც გამოძიების ეტაპზე დაზარალებული და მოწმე ბავშვების გამოკითხვისას ფსიქოლოგთა ჩართულობას ეხება. კვლევა ორგანიზაციამ „ინიციატივა მოწყვლადი ჯგუფების რეაბილიტაციისათვის“ საქართველოს ღია საზოგადოების ფონდის მხარდაჭერით ჩაატარა. „კვლევის შედეგები მოწმე და დაზარალებული ბავშვებისთვის ფსიქოლოგის მომსახურების გაწევის პრაქტიკის და ადგილობრივი კანონმდებლობის ანალიზს გვთავაზობს, რომელიც საერთაშორისო სტანდარტებსა და პრაქტიკასთან არის შედარებული. კვლევის შედეგად გამოიკვეთა, რომ გადაწყვეტილების მიღების პროცესი ფსიქოლოგების ჩართვის თაობაზე ბუნდოვანია, მათ არ იციან კონკრეტულად რა არის მათი ფუნქცია ამ პროცესში. მიუხედავად საჭიროებისა, ფსიქოლოგის მომსახურება ყველგან ხელმისაწვდომი არ არის და ფსიქოლოგთა კვალიფიკაცია არ პასუხობს არსებულ საჭიროებებს. იშვიათი გამონაკლისის გარდა, გარემო არ არის მორგებული ბავშვზე (ინფრასტრუქტურა, ინვენტარი) და ბავშვების კონფიდენციალობა დაკითხვის პროცესში სისტემატიურად ირღვევა“, ნათქვამია ღია საზოგადოება - საქართველოს ვებგვერდზე. სრულად... წყარო: osgf.ge

გურია. გურიის ახალგაზრდული რესურსცენტრის ოფისში გაიმართა პროექტის „ახალგაზრდები ცვლილებებისათვის“ პრეზენტაცია. „პროექტის მიზანია ხელი შეუწყოს ოზურგეთის მუნიციპალიტეტის ტერიტორიაზე მცხოვრები კანონთან კონფლიქტში მყოფი არასრულწლოვნების რეაბილიტაციას, მათ გააქტიურებასა და საზოგადოებრივ ცხოვრებაში მონაწილეობას. პროექტი ხორციელდება ევროკავშირის ფინანსური მხარდაჭერით, რომელსაც გურიის ახალგაზრდული რესურსცენტრი ახორციელებს პროექტ „არასრულწლოვანთა მართლმსაჯულების სისტემის რეფორმის განხორციელების ხელშეწყობა”-ის მცირე საგრანტო პროგრამის ფარგლებში“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. კოალიცია ბავშვებისა და ახალგაზრდებისთვის სახელმწიფოს მოუწოდებს გაატაროს თანმიმდევრული და მდგრადი ღონისძიებების ბავშვთა კეთილდღეობის უზრუნველსაყოფად. კერძოდ: „დასანერგია ძალადობის მსხვერპლი ბავშვების იდენტიფიცირებისა და რეაგირების ეფექტური მექანიზმი, შესაქმნელია ძალადობის მსხვერპლი ბავშვების ფსიქო-სოციალური სარეაბილიტაციო ცენტრები, დაუყოვნებლივ შესამუშავებელია ბავშვთა სიღარიბის აღმოფხვრის ეფექტური სტრატეგია...“, ნათქვამია ორგანიზაციის გვერდზე სოციალურ ქსელში. სრულად... წყარო: კოალიციის გვერდი სოციალურ ქსელში

იმერეთი. ქუთაისის ახალგაზრდული ცენტრის სოფელ დიმში, ფარცხანაყანევში, ორპირში, ასევე ქუთაისის უნივერსიტეტში, ახალგაზრდებისა და პედაგობისთვის ჩაატარეს საინფორმაციო შეხვედრები მედია წიგნიერების თემაზე. შეხვედრების მიზანს წარმოადგენდა მონაწილეთა ცნობიერების ამაღლება დეზინფორმაციაზე, ფაქტების გადამოწმების, ანტი-დასავლურ პროპაგანდისა და მედია წიგნიერების კუთხით.  ეს ღონისძიება ორგანიზებულია ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის (PITA) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) ფინანსური მხარდაჭერით. პროგრამის პარტნიორია განათლების განვითარების და დასაქმების ცენტრი (EDEC).  სრულად...  წყარო: გვერდი სოციალურ ქსელში

თბილისი. „კონსტიტუციის 42-ე მუხლი“ დაცვის სამსახურის თანამშრომლების მიერ იძლებით დაკავებული მოზარდის საქმეს სწავლობს.  როგორც ორგანიზაციის მიერ გავრცელებული ინფორმაციდან ირკვევა, 2019 წლის 19 დეკემბერს 11 წლის ნ.ა. სკეიტბორდით წაიქცა და დაეჯახა მეტრო „ახმეტელის თეატრის'' მიმდებარედ არსებულ სავაჭრო ცენტრის კარის მინას, რომელიც გაიბზარა. ბავშვი შეაჩერეს დაცვის თანამშრომლებმა და, მისი ნების საწინააღმდეგოდ, აიყვანეს შენობის მე-2 სართულზე მდებარე დაცვის უფროსის ოთახში. თხოვნის მიუხედავად, ბავშვს არ დაალევინეს წყალი და მარტო დატოვეს უფანჯრო ოთახში, სადაც მშობლების მოსვლამდე გააჩერეს. დაცვის თანამშრომლებმა მშობლებს მოსთხოვეს ზიანის ანაზღაურება, წინააღმდეგ შემთხვევაში კი, პატრულის გამოძახებით დაემუქრნენ. მამა იძულებული გახდა დაეწერა ხელწერილი, რომ ზიანს აანაზღაურებდა. ბავშვი მხოლოდ ამის შემდეგ გათავისუფლეს.  სრულად...  წყარო: https://article42.ge

ქვემო ქართლი. მარნეულის რაიონში ახალგაზრდულ იდეას ერთ-ერთი ყველაზე აქტიური კომიტეტი ჰყავს. კომიტეტის წევრებთან ერთად, აქტიურობენ პროექტის ავტორებიც, ანუ ახალგაზრდები, რომლებიც იდეებს პროექტებად აქცევენ და კომიტეტთან ერთად მუშაობენ, რომ ადგილობრივ თემს რეალური სარგებელი მოუტანონ. ამ პროცესს ევროპის ფონდი ახალგაზრდების ინტეგრაციის პროგრამის ფარგლებში ეხმარება. წელს მარნეულის რეგიონის ახალგაზრდებმა სოფელ მარადისის სკოლის ტერიტორიაზე ახალი პრეცედენტი შექმნეს - ააშენეს სათბური, რომელიც რეალურ შემოსავალს იძლევა. სრულად...  წყარო: http://www.epfound.ge

თბილისი. „კოალიცია ბავშვებისა და ახალგაზრდებისათვის“ ბავშვთა დაცვის სფეროში მიმდინარე გამოწვევებს ეხმიანება. „კოალიცია ბავშვებისა და ახალგაზრდებისათვის“ გამოთქვამს მწუხარებას ორი მოზარდის ტრაგიკული გარდაცვალების გამო და ბავშვთა მიმართ სრული პასუხისმგელობებისა და ვალდებულელების გააზრებით მოუწოდებს საგანმანათლებლო დაწესებულებებს, სახელმწიფო უწყებებს, მოახდინონ სათანადო და გონივრული რეაგირება მომხდარ კრიზისულ სიტუაციასთან დაკავშირებით. სრულად...  წყარო: http://ccy.ge

თბილისი. ორგანიზაცია ,,პარტნიორობა ადამიანის უფლებებისთვის“ წარმოადგენს სახელმძღვანელოს - მართლმსაჯულება და ბავშვის უფლებები. სახელმძღვანელო მომზადებულია პროექტის, „მართლმსაჯულების მისაწვდომობის უფლება ბავშვებისათვის“, ფარგლებში, რომელიც განხორციელდა გაეროს ბავშვთა ფონდის ხელშეწყობით და ევროკავშირის დაფინანსებული პროექტის, „მართლმსაჯულების ხელმისაწვდომობის გაუმჯობესება და ბავშვზე მორგებული მართლმსაჯულების სისტემის განვითარება საქართველოში“ ფარგლებში. სრულად...  წყარო: https://phrgeorgia.wordpress.com

გურია. 19 დეკემბერს ახალგაზრდა პედაგოგთა კავშირის ლიდერა სკოლის მოსწავლეებმა გამართეს კონფერენცია - „ჯანსაღი ცხოვრების წესი სკოლებში“. კონფერენციის მიზანი იყო მოზარდის ფიზიკური, ფსიქოლოგიური და სოციალური უსაფრთხოების საკითხების სხვადასხვა კონტექსტში გაანალიზება, პრობლემების განხილვა ადგილობრივი თვითმმართველობისა და სხვა პასუხისმგებელი უწყებების წარმომადგენლების წინაშე, რათა არსებული საჭიროებები შესაბამისი კომპეტენცის ფარგლებში იქნას გათვალისწინებული. სრულად...  წყარო: გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC), ლუკა სირაძის გარდაცვალების გამო, განცხადებას ავრცელებს.  „აღნიშნული ტრაგიკული შემთხვევა კიდევ ერთხელ ააშკარავებს სახელმწიფო უწყებებში არსებულ სისტემურ გამოწვევებს. საგანმანათლებლო და სამართალდამცავმა სამსახურებმა ვერ შეძლეს მოზარდის ინდივიდუალური საჭიროებების გამოკვეთა და ამ საჭიროებებზე მორგებული მხარდამჭერი სოცილური და ფსიქოლოგიური მიდგომების გატარება. ეს საქმე ააშკარავებს განათლების, მართლმსაჯულების და სოციალური მხარდაჭერის სისტემების გაუმართაობას და მათ შორის კოორდინაციის და ურთიერთგაძლიერების მიდგომის სისუსტეს. ცხადია, ამ პირობებში მიუღწეველი რჩება „არასრულწლოვნების მართლმსაჯულების კოდექსის“ მიზნები, რომლის ამომავალ პრინციპს მართლმსაჯულების პროცესში ბავშვის საუკეთესო ინტერესების დაცვა წარმოადგენს. ამავდროულად, სახელმწიფოს მხრიდან არასაკმარისი ყურადღება ეთმობა ზოგადად სუიციდის პრევენციის სტრატეგიის შემუშავებასა და იმპლემენტაციას“, - ვკითხულობთ განცხადებაში.  სრულად...  წყარო: https://emc.org.ge

თბილისი. გარემოსდაცვითი ინფორმაციისა და განათლების ცენტრის ორგანიზებით, ჩატარდა კონკურსი „მწვანე ჯილდო 2019 - სკოლამდელი გარემოსდაცვითი განათლება”.  კონკურსი, რომლის მიზანიც სკოლამდელი აღზრდის დაწესებულებებში გარემოსდაცვითი საკითხების სწავლების ხელშეწყობა და აღმზრდელებისა და მეთოდისტების წახალისებაა, უკვე მეორედ გაიმართა და მასში მონაწილეობა საქართველოს ყველა რეგიონის წარმომადგენელმა მიიღო.  კონკურსის მონაწილეები კომისიის წევრებმა მთელი წლის განმავლობაში განხორციელებული გარემოსდაცვითი აქტივობების მიხედვით შეაფასეს და საუკეთესო ათეული გამოავლინეს.  სრულად...  წყარო: https://www.facebook.com/pg/eiecgovge

შიდა ქართლი. დღეს, საქართველოს სახალხო დამცველი შიდა ქართლის სკოლის მოსწავლეებს შეხვდა და ადამიანის უფლებების სწავლების მნიშვნელობაზე და ამ პროცესში სახალხო დამცველის როლზე, მის საქმიანობასა და მანდატზე ესაუბრა. სახალხო დამცველმა ადამიანის უფლებების დაცვის თვალსაზრისით მუდმივად მზარდი საფრთხეები და გამოწვევები მიმოიხილა; აპარატის მიერ ადამიანის უფლებათა დარღვევის შესახებ ინფორმაციის მიღების ფორმები, რეაგირება და რეკომენდაციების შესრულებაზე მეთვალყურეობის საკითხები და აპარატისადმი მომართვიანობის მექანიზმი გააცნო. სრულად...  წყარო: http://ombudsman.ge

თბილისი. ღია საზოგადოების ფონდმა, დღეს, წარმოადგინა ანგარიში კვლევისა, რომელიც ასახავს თუ როგორ იგეგმება და ნაწილდება სახელმწიფო ბიუჯეტი შეზღუდული შესაძლებლობების მქონე პირთა საჭიროებებზე საქართველოს 5 მუნიციპალიტეტში.  დოკუმენტი აღწერს შშმ პირებისა და მათი წარმომადგენლების მონაწილეობას ადგილობრივი ბიუჯეტისა და პროგრამების შედგენის პროცესში; აანალიზებს ბიუჯეტის ხარჯვის, შშმ პირთათვის დაფინანსებული დახმარებების, მომსახურებისა და პროგრამების ეფექტურობას.  ხარვეზების აღწერასთან ერთად, დოკუმენტი სახელმწიფოს სთავაზობს რეკომენდაციებს, თუ როგორ უნდა გაუმჯობესდეს ბიუჯეტის და პროგრამების დაგეგმვა და გაიზარდოს შშმ პირების მონაწილეობა ამ პროცესში.  სრულად...  წყარო: https://osgf.ge

თბილისი. საქართველოს ახალგაზრდა იურისტთა ასოციაციის ინფორმაციით, დაშავებული არასრულწლოვნის გამოკითხვაში ის გამომძიებელი მონაწილეობდა, რომელიც ე.წ. ყინწვისის სპეცოპერაციის გახმაურებულ საქმეშიც ფიგურირებს. „საქართველოს ახალგაზრდა იურისტთა ასოციაცია ჩართულია პოლიციელთა მხრიდან არასრულწლოვანზე პოლიციის განყოფილებაში განხორციელებული ფსიქოლოგიური ძალადობის საქმეში, რამაც მოზარდი სავარაუდოდ თვითმკვლელობის მცდელობამდე მიიყვანა. 2019 წლის 16 დეკემბერს ტელეკომპანია ,,იმედის“ დილის ეთერში არასრულწლოვნის საქმეზე განმარტებები გააკეთა გამომძიებელმა მარიანა ჩოლოიანმა, რომელიც 2019 წლის 10 და 11 დეკემბერს მონაწილეობდა არასრულწლოვნის გამოკითხვის პროცესში. მისი განმარტებით, არასრულწლოვანზე არანაირი სახის ძალადობა არ განხორციელებულა. აღსანიშნავია, რომ გამომძიებელი, მარიანა ჩოლოიანი ასევე, ფიგურირებს 2011 წლის 26 მაისს ე.წ. ყინწვისის სპეცოპერაციის დროს დაკავებული ნიკოლოზ გოგუაძის საქმეში“, - ნათქვამია ორგანიზაციის მიერ გავრცელებულ ინფორმციაში, - „საია მიმართავს სახელმწიფო ინსპექტორის სამსახურს: გამოძიების მიმდინარეობისას საფუძვლიანად შეამოწმოს/გამოიკვლიოს მარიანა ჩოლოიანის მიერ საჯაროდ გაკეთებული განმარტებების შინაარსი და მათი ნამდვილობა მით უფრო იმ პირობებში, რომ ამ გამომძიებლის მიერ ე.წ. ყინწვისის საქმეში მიცემული ახსნა-განმარტება და შედგენილი დოკუმენტების ნამდვილობა არ დადასტურდა“. სრულად...  წყარო: https://gyla.ge

აჭარა. ქედის მუნიციპალიტეტის სხვადასხვა სკოლების 20-ზე მეტმა მოსწავლემ მონაწილეობა მიიღო ევროკავშირის მიერ მხარდაჭერილ, ქედის LAG-ის მიერ ორგანიზებულ დისკუსიაში კლიმატის ცვილებისა და ნარჩენების მდგრადი მართვის შესახებ. ღონისძიება, რომელიც ქედის LAG-ის ოფისში ევროკავშირის მიერ დაფინანსებული „ქედა ლიდერის“ პროექტის ფარგლებში ჩატარდა, მიზნად ისახავდა მუნიციპალიტეტის ახალგაზრდების ცნობიერების ამაღლებას გარემოსდაცვითი საკითხებისადმი და მათი ჩართულობის ხელშეწყობას შესაბამის აქტივობებში.  დისკუსიას წინ უძღოდა მობილური ფილმის საერთაშორისო ფესტივალის ფარგლებში შერჩეული 1-წუთიანი თემატური ფილმების ჩვენება. მოსწავლეებმა ასევე მონაწილეობა მიიღეს ნარჩენების ხელახალი გამოყენების აქტივობასა და ნარჩენების მდგრადი მართვის პრაქტიკულ ტრენინგში.  სრულად... წყარო: http://enpard.ge