თბილისი. ახალგაზრდობის სააგენტო დაინტერესებულ პირებს განახლებული „განვითარების ფონდის“ საგრანტო კონკურსში მონაწილეობისკენ იწვევს:  „თუ ხარ ახალგაზრდა ან წარმოადგენ ახალგაზრდულ ორგანიზაციას, 3 თებერვალს, 12 საათზე, შემოგვიერთდი ჩვენ Facebook გვერდზე, "ლაივ" ჩართვაზე. 2021 წელს, "განვითარების ფონდი" საგრანტო პროექტებს ორი - რეგიონული ახალგაზრდული ინიციატივების მხარდაჭერისა და რეგიონული ახალგაზრდული ორგანიზაციების განვითარების მიმართულებით დააფინანებს“.  სრულად...  წყარო: გვერდი სოციალურ ქსელში

თბილისი. ბავშთა ჰოსპისი ციცინათელების ქვეყანა 2020 წელს აჯამებს და მადლობას უხდის მეგობრებს. „რომ არ ჩავთვალოთ კორონავირუსით გამოწვეულ პანდემია, მძიმე წლის მიუხედავად, ყველაფერს კარგად ვასრულებთ. თუ ჩვენთან მეგობრობას გააგრძელებთ, ადვილი იქნება ვიარსებობთ. დიდი მადლობა ყველას და ყოველთვის ვეცდებით არ გაგიცრუოთ იმედი“. სრულად... წყარო: ორგანიზაციის გვერდი სოციალურ ქსელში

თბილისი. პარტნიორობა ადამიანის უფლებებისთვის საზოგადოებას სასიხარულო ინფორმაციას უზიარებს: აფრიკის დასახლებაში მცხოვრებ 8 წლის გიგი ჩანგელიას ოჯახს 24 დეკემბერს, სახელმწიფომ ახალი ბინის გასაღები გადასცა. მათ უკვე შეუძლიათ ზუგდიდში, 3 ოთახიან ბინაში საცხოვრებლად გადასვლა. „ოჯახის უკიდურესი სიდუხჭირიდან გამომდინარე, #PHR-მა, როგორც გიგის წარმომადგენელმა სამართლებრივ დავებში მოითხოვა ბავშვის და მისი ოჯახის თბილისიდან ზუგდიდამდე ტრანსპორტირება სახელმწიფოს უზრუნველეყო. სახელმწიფოს უარის შემდეგ ტრანსპორტირების ხარჯების მობილიზებას მოქალაქეები ახდენენ. გვიხარია გაცნობოთ, რომ პატარა გიგი ახალ წელს თბილ და უსაფრთხო გარემოში შევხდება“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. მაღალი საზოგადოებრივი ინტერესიდან გამომდინარე, პარტნიორობა ადამიანის უფლებებისთვის (PHR), საზოგადოებას გიგი ჩანგლიას ოჯახზე განახლებული ინფორმაციას აწვდის.  „საზოგადოების მხრიდან პროტესტის შემდეგ მერიამ დევნილთა სააგენტოსთან ერთად გაავრცელა ინფორმაცია იმის შესახებ, რომ აღნიშნულ ოჯახმა მიიღო ბინა ზუგდიდში არსებულ დევნილთა საცხოვრებელში. გიგი ჩანგელიას ოჯახს დღეის მდგომარეობით ბინა არ აქვთ მიღებული, ერთადერთი საცხოვრებელი რაც გააჩნიათ არის აფრიკის დასახლებაში არსებული ფაქტობრივი ფართი. PHR დაუკავშირდა დევნილთა სააგენტოს და მოითხოვა ყველა ადმინისტრაციული პროცედურის სწრაფი და მოსახერხებელი გზით განხორციელება, კერძოდ, ოჯახი არ გახდეს იძულებული ჩავიდეს ზუგდიდში, რადგან ოჯახს ამის საშუალება არ გააჩნია, და ყველა პროცედურა ჩატარდეს თბილისში, სადაც ტრანსპორტირებას PHR-ი უზრუნველყოფს. ამ გარემოების გათვალისწინებით აუცილებელია, სააგენტომ უზრუნველყოს თბილისში განახორციელოს ყველა საჭირო პროცედურა, გადასცეს ბინის გასაღები და ოჯახის და ბავშვის ტრანსპორტირება უზრუნველყონ სახელმწიფო ზრუნვის სააგენტოსთან ერთად დანიშნულების ადგილას“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. 2020 წლის 10 დეკემბერს საქართველოს სახალხო დამცველის მოადგილე ეკატერინე სხილაძემ მონაწილეობა მიიღო „Start to Talk“ კამპანიის გახსნის ღონისძიებაში, რომელიც სპორტში ბავშვთა მიმართ სექსუალური შევიწროებისა და ძალადობის წინააღმდეგ ხორციელდება. მან სიტყვით გამოსვლისას ისაუბრა საქართველოში ბავშვის მიმართ ძალადობის, მათ შორის, სექსუალური ძალადობის პრევენციის, გამოვლენის, მსხვერპლთა დაცვისა და დახმარების მიმართულებით არსებულ გამოწვევებზე და ხაზი გაუსვა მსგავსი კამპანიების მნიშვნელობას. სრულად... წყარო: ombudsman.ge

თბილისი. 11 დეკემბრიდან 21 დეკემბრის ჩათვლით, საქართველოს გაეროს ასოციაციისა და USAID-ის #PITA პროგრამის ფარგლებში, იწყება ტრენერთა ტრენინგი პროგრამის მონაწილე ახალგაზრდებისთვის - „მედია წიგნიერებისა და კრიტიკული აზროვნების განვითარებისათვის“. სრულად... წყარო: ორგანიზაციის გვერდი სოციალურ ქსელში

თბილისი. გაეროს ბავშვთა ფონდისა და საქართველოს მთავრობის მიერ შექმნილ ცხელ ხაზს - 111-ს, ახალი მიმართულება დაემატა. „ამიერიდან ცხელი ხაზი შეზღუდული შესაძლებლობების მქონე ბავშვებსა და მათ მშობლებს კორონავირუსთან დაკავშირებულ პრობლემურ საკითხებზეც გაუწევს კონსულტაციას. ყველა აღმოჩენილ საჭიროებას დევნილთა, შრომის, ჯანმრთელობისა და სოციალური დაცვის სამინისტროს ცენტრალური ონლაინ კლინიკა განიხილავს“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

აჭარა. საქართველოს წითელი ჯვრის პრეზიდენტი, ნათია ლოლაძე აჭარის ჯანდაცვის პირველ მინისტრ, რამაზ ჯინჭარაძესთან ერთად იმყოფებოდა სამედიცინო ასოციაციაში „თანა“, სადაც მან მოინახულა ბავშვთა სახლის აღსაზრდელები და გადასცა მათ ტკბილეული და ტანსაცმელი. „ბათუმის წითელი ჯვრის ფილიალი აქტიურად ახორციელებს სხვადასხვა საქველმოქმედო ღონისძიებას. ამჟამად ბავშვებს საჩუქრები გადავეცით შპს „ელსი ვაიკიკის“ მხარდაჭერით. მინდა გითხრათ, რომ ჩვენ მომავალშიც აუცილებლად განვაგრძობთ ასოციაციის წევრთა მხარდაჭერას“ - ნათია ლოლაძე.  სრულად... წყარო: ორგანიზაციის გვერდი სოციალურ ქსელში

თბილისი. ბავშვთა უფლებების დაცვისა და რეალიზაციის მიზნით ევროკავშირი გაეროს ბავშვთა ფონდთან (UNICEF Georgia) ერთად საქართველოში ახალ სამწლიან პროექტს იწყებს. „პროექტი ხელს შეუწყობს თითოეული ბავშვისათვის დაცული და მზრუნველი ოჯახური გარემოს უზრუნველყოფასა და ბავშვზე მორგებულ მართლმსაჯულებაზე ხელმისაწვდომობას. გაიგეთ მეტი აქ... გაიგეთ მეტი ადამიანის უფლებათა კამპანიის შესახებ აქ... წყარო: ევროკავშირის გვერდი სოციალურ ქსელში

თბილისი. J-Talks: „საუბრები მოსამართლეებთან“ სერიის ფარგლებში, გამოქვეყნდა იაგო კაჭკაჭიშვილისა (სოციოლოგი) და მანანა მესხიშვილის (თბილისის საქალაქო მოსამართლე) საუბარი თემაზე: მოსამართლის როლი ადამიანის უფლებათა დაცვაში. სრულად... წყარო: ორგანიზაციის გვერდი სოციალურ ქსელში

აჭარა. საქართველოს ერთ-ერთმა დიდმა ქალაქმა - ბათუმმა აიღო ვალდებულება, შეუერთდეს 40-ზე მეტი ქვეყნის 3000 ქალაქს და ადგილობრივ თვითმმართველობას ბავშვზე მორგებული ქალაქების ინიციატივაში, რომელიც გაეროს ბავშვთა ფონდის მხარდაჭერით ხორციელდება. „ბავშვზე მორგებული ქალაქების ინიციატივა, რომელსაც უძღვება გაეროს ბავშვთა ფონდი, მხარს უჭერს მუნიციპალიტეტების მთავრობებს ადგილობრივ დონეზე ბავშვთა უფლებების განხორციელებაში, გაეროს ბავშვის უფლებათა კონვენციის გათვალისწინებით. ინიციატივა იმავდროულად წარმოადგენს ქსელს, რომელიც აერთიანებს მთავრობებს და სხვა პარტნიორებს - სამოქალაქო საზოგადოების ორგანიზაციებს, კერძო სექტორს, სამეცნიერო სექტორს, მედიას, და რაც ძალიან მნიშვნელოვანია, თავად ბავშვებს, რომლებსაც სურთ, რომ თავიანთ ქალაქებსა და მუნიციპალიტეტებში გაუმჯობესდეს ბავშვებზე მორგებული გარემო“, ნათქვამია ორგანიზაციის ვებგვერდზე. სრულად... წყარო: www.unicef.org

სამეგრელო. გაეროს ბავშვთა ფონდის წარმომადგენელი საქართველოში, ღასან ხალილი შოთა მესხიას სახელობის ზუგდიდის სახელმწიფო სასწავლო უნივერსიტეტს ეწვია. „ერთი წლის წინ გაეროს ბავშვთა ფონდსა და უნივერსიტეტს შორის პარტნიორობას ჩაეყარა საფუძველი, რომელიც სასწავლო სისტემაში ბავშვის უფლებების თემატიკის დანერგვას ითვალისწინებს. დღეს სწორედ ამ პარტნიორობის შედეგებსა და სამომავლო გეგმებზე ისაუბრეს. მოხარულები ვართ, რომ უნივერსიტეტში ისწავლება კურსი ბავშვის უფლებების შესახებ“. სრულად... წყარო: ორგანიზაციის გვერდი სოციალურ ქსელში

თბილისი. გაეროს ბავშვთა ფონდისა და საერთაშორისო სატელეკომუნიკაციო კავშირის (ITU) ახალი ანგარიშის მიხედვით, საქართველოში სასკოლო ასაკის ბავშვების 15 პროცენტს არ აქვს სახლში ინტერნეტზე წვდომა. „საქართველოში, კორონავირუსის პანდემიის გამო სკოლების დახურვა შეეხო დაახლოებით 661 500 ბავშვს, რომლებსაც მოუწიათ გადასვლა ვირტუალურ რეჟიმში სწავლაზე. ის ბავშვები, რომლებსაც არ აქვთ ინტერნეტზე წვდომა, შესაძლოა განათლების ხელმისაწვდომობის გარეშე დარჩნენ. ჯერ კიდევ პანდემიამდე, მზარდი იყო იმ ახალგაზრდების რიცხვი, რომლებსაც ესაჭიროებოდათ საბაზისო, ციფრული, დასაქმების შესაბამისი და სამეწარმეო უნარ-ჩვევების შესწავლა, 21-ე საუკუნის ეკონომიკის პირობებში კონკურენტუნარიანობის მისაღწევად. ანგარიშის თანახმად, ციფრული უთანასწორობა კიდევ უფრო აღრმავებს ქვეყნებსა და თემებს შორის არსებულ უთანასწორობას. შესაბამისად, ყველაზე ხელმოკლე ოჯახებში, სოფლად და დაბალშემოსავლიან ქვეყნებში მცხოვრები ბავშვები და ახალგაზრდები კიდევ უფრო ჩამორჩებიან საკუთარ თანატოლებს; ამასთან ერთად, მცირდება ამ გამოწვევის გადაჭრის შესაძლებლობები“, ნათქვამია გაეროს ბავშვთა ფონდის ვებგვერდზე. სრულად... წყარო: www.unicef.org

კახეთი. ადგილობრივი ბავშვების და ახალგაზრდების წინაშე არსებული გამოწვევებისა და საჭიროებების უკეთ გასაგებად და მათ გადასაჭრელად, გაეროს ბავშვთა ფონდი რამდენჯერმე ეწვია პანკისის ხეობას. „რა თქმა უნდა, ვიზიტები სამომავლოდაც იგეგმება. ბავშვთა უფლებების შესახებ განათლების ხელშეწყობა და თემებთან განხილვები იქნება ერთ-ერთი მიმართულება, რომლის განვითარებასაც გეგმავს ორგანიზაცია რეგიონში“. სრულად... წყარო: www.unicef.org

სამცხე-ჯავახეთი. გაეროს ბავშვთა ფონდი კვლავ ეწვია ახალქალაქს სამუშაო ვიზიტით,სადაც გაიმართა სემინარი ბავშვის უფლებებსა და ბავშვთა შრომასთან დაკავშირებულ საკითხებზე. იუნისეფის წარმომადგენლები ეწვივნენ შეზღუდული შესაძლებლობის ბავშვთა ცენტრს, რომელსაც ორგანიზაცია არტ თერაპიის და სხვა სარეაბილიტაციო პროგრამების განხორციელებაში ეხმარება. შეხვედრაზე ისაუბრეს რეგიონში ბავშვთა მდგომარეობის შესახებ განათლების, ჯანდაცვის, სოციალური მიმართულებით. სრულად... წყარო: ორგანიზაციის გვერდი სოციალურ ქსელში

თბილისი. 19 ნოემბერს, 17:00-ზე, „მშობლის სკივრის“ პირდაპირი ჩართვის (LIVE) სტუმარი იქნება კლინიკური ნეიროფსიქოლოგი, ფსიქოლოგიის დოქტორი, პროფესორი თამარ გაგოშიძე. სასაუბრო თემა: ტექნოლოგიები, ბავშვის განვითარება და ონლაინ სწავლება. „როგორ დავიცვათ ბალანსი ბავშვის მიერ ტექნოლოგიების გამოყენების საკითხში იზოლაციის პირობებში. ჩაინიშნე LIVE-ის დრო და მიიღე პასუხები ან Მოგვწერე ამ საკითხებთან დაკავშირებული დამატებითი კითხვები წინასწარ, პირადი შეტყობინების სახით“. სრულად... წყარო: ორგანიზაციის გვერდი სოციალურ ქსელში

თბილისი. ბავშვთა ჰოსპისი ინფორმაციის თავისუფლების განვითარების ინსტიტუტს (IDFI) მიღებული საჩუქრებისთვის (სამედიცინო სახარჯი მასალა, კვების ზონდები, სანაციის მილები, შპრიცები...) მადლობას უხდის. სრულად... წყარო: ჰოსპისის გვერდი სოციალურ ქსელში

იმერეთი. „ბლოგერები ზემო რაჭიდან“ ერთ-ერთი მოხალისეობრივი ინიციატივაა, რომელმაც განათლების განვითარების და დასაქმების ცენტრის (EDEC) მიერ გამოცხადებულ კონკურსში „იდეების კონკურსი მოხალისეობრივი ინიციატივებისთვის“ გაიმარჯვა. „ინიციატივის ფარგლებში, საინიციატივო ჯგუფი ზემო რაჭიდან, ონის მუნიციპალიტეტში მცხოვრებ 15-18 წლის ახალგაზრდებს პროგრამაში „ბლოგერები ზემო რაჭიდან“ მონაწილეობის მისაღებად აცხადებს კონკურსს. პროგრამა მიზნად ისახავს მოწყვლადი ჯგუფების დახმარებას, მათი საზოგადოებაში ინტეგრაციის ხელშეწყობას, ფორმალური და არაფორმალური განათლების მხარდაჭერას, ადგილობრივი სათემო პრობლემების მოგვარებას და მოხალისეობის პოპულარიზაციას“. კონკურსი პროგრამის „სამოქალაქო საზოგადოების განვითარების ინიციატივა“ ფარგლებში ხორციელდება კონრად ადენაუერის ფონდის (KAS) მიერ სამოქალაქო საზოგადოების ინსტიტუტთან (CSI), კონსულტაციისა და ტრენინგის ცენტრთან (CTC), საქართველოს სტრატეგიული კვლევებისა და განვითარების ცენტრთან (CSRDG) და განათლების განვითარების და დასაქმების ცენტრთან (EDEC) თანამშრომლობით. პროექტს აფინანსებს ევროკავშირი (EU), ხოლო თანადამფინანსებელია კონრად ადენაუერის ფონდი (KAS). სრულად... წყარო: ორგანიზაციის გვერდი სოციალურ ქსელში

თბილისი. პარტნიორობა ადამიანის უფლებებისთვის (PHR) ინფორმაციით, სასამართლოს მიერ მიღებული გადაწყვეტილებიდან 37 დღის შემდეგ 14 წლის ლუკა ფსიქიატრიული კლინიკიდან სახლში დაბრუნდა. „2020 წლის 28 სექტემბერს სასამართლომ გაითვალისწინა ოჯახის და PHR-ის ადვოკატების მოთხოვნა და მთავრობას დაავალა, ოჯახისთვის გამოეყოთ ორი პერსონალური ასისტენტი, თერაპიული კვალიფიკაციით, 12 საათის განმავლობაში, უქმე დღეების ჩათვლით. სწორედ ამ დახმარების საფუძველზე შეძლებს ლუკა უახლოეს პერიოდში ფსიქიატრიული საავადმყოფოს დატოვებას და ოჯახში დაბრუნებას“, ნათქვამია ორგანიზაციის ვებგვერდზე. სრულად... წყარო: phr.ge

თბილისი. ოქტომბერში PHR-მა გაავრცელა განცხადება თუ როგორ არ მიიღო თბილისის საქალაქო სასამართლომ 7, 11 და 17 წლის ბავშვების მიერ საკუთარი უფლებების დასაცავად დაწერილი სარჩელი, მიზეზად კი მათ მიერ დაწერილი სასარჩელო მოთხოვნის ბუნდოვანება დასახელდა. ორგანიზაციის ინფორმაციით, არასრულწლოვანებმა ხელმეორედ შეიტანეს სარჩელი, რომელიც ისევ არ მიიღო სასამართლომ. ამჯერად, მიზეზი მხოლოდ ის იყო, რომ ბავშვების მიერ დაწერილ სარჩელს მშობელი არ აწერდა ხელს. „სარჩელის ამ მიზეზით დახარვეზება პირდაპირ წინააღმდეგობაში მოდის 2020 წლის პირველ სექტემბერს ძალაში შესულ „ბავშვის უფლებათა კოდექსთან“, რომლის მე-13 მუხლის თანახმად, ბავშვისთვის გარანტირებულია სასამართლოში მიმართვის უფლება: „ბავშვს უფლება აქვს, საკუთარი უფლებების დასაცავად მიმართოს სასამართლოს ან/და შესაბამის ადმინისტრაციულ ორგანოს და ისარგებლოს მართლმსაჯულების ისეთი სისტემით, რომელიც არის ბავშვისთვის ხელმისაწვდომი, მისი ასაკის შესაბამისი, ბავშვისთვის ადვილად აღსაქმელი, სწრაფი, სამართლიანი, თანამიმდევრული, მისი უფლებებისა და საჭიროებებისთვის მორგებული, ბავშვის ღირსებისა და პირადი ცხოვრების მიმართ პატივისცემის გამომხატველი“. სრულად... წყარო: phr.ge

თბილისი. პარტნიორობა ადამიანის უფლებებისთვის (PHR) აქვეყნებს ოპრგანიზაციის იურისტის თამუნა გაბოძის ბლოგპოსტს: ვინ განსაზღვრავს ბავშვის საუკეთესო ინტერესს. „მიუხედავად იმისა, რომ ბავშვის უფლებათა კოდექსი სავალდებულოს ხდის ბავშვის საუკეთესო ინტერესის გათვალიწინებას, ის არ არეგულირებს იმას, თუ ვის ეკისრება ვალდებულება, რომ ჯერ სათანადოდ შეისწავლოს და შემდეგ პრიორიტეტი მიანიჭოს ბავშვის საუკეთესო ინტერესს“. სრულად... წყარო: phr.ge

თბილისი. პარტნიორობა ადამიანის უფლებებისთვის აქვეყნებს ორგანიზაციის იურისტის ანა თავხელიძის ბლოგპოსტს: ბავშვების დაცვა ჩარჩოებს მიღმა. „ჩემმა კოლეგებმა იციან, რამდენად ფორმალობაა სისხლის სამართლის საქმეებზე მოწმე ბავშვის ადვოკატად ყოფნა, ფაქტობრივად არაფრის უფლება გაქვს. ამიტომ მინდა ჩემი გამოცდილების შესახებ მოგითხროთ. ერთ დღეს გადავწყვიტე ეს ფორმალობა დამერღვია და მოსამართლეს მივწერე მოსაზრება ბავშვების დაკითხვის პროცედურის შესახებ. შემდეგ არსებითი განხილვის სხდომაზე მივედი. როდესაც გაჟღერდა რომ შემდეგ სხდომაზე ბავშვები უნდა დაეკითხათ, დამსწრეთათვის განკუთვნილი ადგილიდან ავდექი, ტრიბუნასთან მივედი და ვთქვი, რომ მე ვარ ბავშვების ადვოკატი და მინდა პოზიცია დავაფიქსირო. ამას ბრალდებულის ადვოკატების შეძახილები მოჰყვა: „ეს ვინ არის, რა უფლება აქვს რომ ლაპარაკობს, სად წერია რომ მოწმის ადვოკატს შეუძლია ასე მოიქცეს და ა.შ.“  სინამდვილეში, სისხლის სამართლის კანონმდებლობაში არ გვაქვს ჩანაწერი როგორ უნდა მოიქცეს მოწმე/დაზარალებული ბავშვის ადვოკატი, როდესაც პოზიციის დაფიქსირება სურს, მაგალითად ბავშვის დაკითხვის პროცედურის შესახებ“. სრულად... წყარო: phr.ge