იმერეთი.  21 მაისს, ქუთაისის ახალგაზრდული ცენტრის წევრებისათვის ფილმის ჩვენება-განხილვა გაიმართა.  შედგა დოკუმენტური ფილმ „კმარას" - ჩვენება, რომელიც მოგვითხრობს სელექციური აბორტების შესახებ სომხეთის მაგალითზე. ახალგაზრდული ცენტრის წევრებმა ფილმის დასრულების შემდეგ გამოთქვეს საკუთარი მოსაზრებები სელექციური აბორტის და ფილმში გადმოცემული ფაქტების შესახებ. ფილმის ჩვენება გაიმართა „საქართველოში ეროვნული ინტეგრაციის გაძლიერების პროექტის" (ANI) ფარგლებში, რომელსაც ახორციელებს საქართველოს გაეროს ასოციაცია  (UNAG), აშშ-ის საერთაშორისო განვითარების სააგენტოს (USAID) მხარდაჭერით. წყარო: ორგანიზაციის გვერდი სოციალურ ქსელში

აჭარა. 21 მაისი - „კულტურული მრავალფეროვნების საერთაშორისო დღე” ბათუმის ახლაგაზრდულმა ცენტრმა აღნიშნა. ბათუმის პრესკაფეში მოეწყო სხვადასხვა ეთნიკური ჯგუფების შესახებ პრეზენტაცია და კულტურის შესახებ ვიდეო-რგოლების ჩვენება. გარდა ამისა დამსწრე საზოგადოებას შესაძლებლობა ჰქონდა დაეგემოვნებინა თავად ცენტრის წევრების მიერ მომზადებული სხვადასხვა ქვეყნების ნაციონალური კერძები. აღნიშნული ღონისძიების მიზანი იყო სხვადასხვა რეგიონებისა და ეთნიკური ჯგუფების მიმართ ტოლერანტული დამოკიდებულების გაღვივება, მათ მიმართ არსებული არასწორი სტერეოტიპების გაქარწყლება, აგრეთვე მათი კულტურული მრავალფეროვნების შესახებ ახალგაზრდების ცნობიერების ამაღლება.  ღონისძიებას სხვადასხვა ეთნიკური უმცირესობების წარმომადგენელები ესწრებოდნენ, მათ შორის ბოშები, სომხები, ინდოელები, თურქები და რუსები.  წყარო: ორგანიზაციის გვერდი სოციალურ ქსელში

სამცხე–ჯავახეთი. 21 მაისს,  ახალციხეში, სამცხე-ჯავახეთის სახელმწიფო უნივერსიტეტში, სამოქალაქო განათლებისა და პედაგოგთა გადამზადების პროგრამის დასკვნითი ღონისძიება გაიმართა. ღონისძიებაზე პროგრამის პარტნიორმა ორგანიზაციამ ,,ახალციხის ახალგაზრდულმა ცენტრმა" პროექტის ოთხწლიანი მიღწევები შეაჯამა. პროგრამაში ჩართულობისა და შედეგების შესახებ ისაუბრეს პარტნიორი სკოლების, საგანამანათლებლო რესურს-ცენტრების, ადგილობრივი თვითმმართველობის, ბიზნესის, არასამთავრობო ორგანიზაციების წარმომადგენლებმა.  შეხვედრაზე გაკეთდა პრეზენტაციები პროგრამის ფარგლებში განხორციელებულ წარმატებულ  აქტივობებზე. ღონისძიების დასასრულს ახალგაზრდულმა ცენტრმა კონკურსში გამარჯვებული კლუბები და საუკეთესო სამოქალაქო კლუბის წევრები დააჯილდოვა.

თბილისი. საქართველოს ახალგაზრდა კონსტიტუციონალისტთა ასოციაცია ახალი პროექტის - „სტაბილური კონსტიტუცია - ახალგაზრდული არჩევანი" - გახორციელებას იწყებს. პროექტის მიზანია, საქართველოს 9 რეგიონში მცხოვრები ახალგაზრდების ქვეყანაში მიმდინარე საკონსტიტუციო რეფორმაში ჩართვა. პროექტი ხორციელდება ბავშვთა და ახალგაზრდობის განვითარების ფონდის” საგრანტო კონკურსის ფარგლებში. სრულად... წყარო: gyca.ge

სამცხე–ჯავახეთი. სამოქალაქო განათლებისა და პედაგოგთა გადამზადების პროგრამის ფარგლებში ბორჯომის მუნიციპალიტეტის სოფელ ყვიბისის საჯარო სკოლის სამოქალაქო კლუბის წევრებს ჩაუტარდათ ტრენინგი თემაზე: ,,მასობრივი გამოკითხვა". ტრენინგში მონაწილეობა მიიღო 16 მონაწილემ. ტრენინგის მონაწილეები გაეცნენ მასობრივი გამოკითხვის ტიპებს და აქტიურად ჩაერთნენ ტრენინგის მსვლელობაში, ახალგაზრდებისათვის აღნიშნული თემატიკა საინტერესო იყო.

კახეთი. საზღვრისპირა სოფელში, ერისიმედში, 20 მაისს, საინიციატივო ჯგუფმა – ,,ჩემი სოფელი" მოაწყო ფილმების - ჩაპლინის „ბავშვის" და ტრიუფოს „400 დარტყმის" ჩვენება. ფილმების ჩვენების შემდეგ ერისიმედელ ახალგაზრდებთან ერთად გაიმართა დისკუსია ფილმების შესახებ. ,,ვაჩვენეთ 2 ფილმი, გავავლეთ პარალელები ფილმში ასახულ გამოწვევებსა და დღევანდელ პრობლემებს შორის. დისკუსიის ბოლოს ვისაუბრეთ თუ როგორია თანამდეროვე შესაძლებლობები ჩვენი სოფლების პრობლემების გადასაწყვეტად, ასევე, შევთანხმდით ჩვენი თანაშრომლობის პრინციპებზე", აღნიშნა „ჩემი სოფელის" წარმომადგენელმა ნანა ბაგალიშვილმა.

სამცხე–ჯავახეთი. 20 მაისს, ახალციხეში, ორგანიზაცია ,,დემოკრატ მესხთა კავშირის" საკონფერენციო დარბაზში, გაიმართა პრეზენტაცია თემაზე ,,ტრეფიკინგი". პრეზენტაცია თანატოლებს ახალციხის ახალგაზრდული სამოქალაქო ცენტრის წევრმა ანა არუთინიანმა წარუდგინა. ღონისძიება გაიმართა ეროვნული ინტეგრაციის გაძლიერების პროექტის ფარგლებში, რომელსაც ახორციელებს საქართველოს გაეროს ასოციაცია, აშშ-ს საერთაშორისო განვითარების სააგენტოს ფინანსური მხარდაჭერით.

კახეთი. კახეთის სამოქლაქო ლიგამ თელავში გამართა შეხვედრა-დისკუსია თემაზე - „კონკრეტული შეთავაზებები ახალი თვითმმართველი ერთეულებისთვის საბავშვო ბაღებთან დაკავშირებით". შეხვერდას ესწრებოდნენ საბავშვო ბაღების აღსაზრდელთა მშობლები, ბაღების ხელმძღვანელები, არასამთავრობო ორგანიზაციების და ადგილობრივი თვითმმართველობის წარმომადგენლები. პროექტი დაფინანსებულია აღმოსავლეთ-დასავლეთის მართვის ინსტიტუტის (EWMI) პროგრამის - „საქართველოში საჯარო პოლიტიკის, ადვოკატირებისა და სამოქალაქო საზოგადოების განვითარების" (G-PAC) ფარგლებში.

ქვემო ქართლი. 19 მაისს, რუსთავში, სიქას ორგანიზებით „სამოქალაქო განათლებისა და პედაგოგთა გადამზადების პროგრამის" დასკვნითი შემაჯამებელი ღონისძიება მოეწყო. შეხვედრაზე მოწვეულნი იყვნენ პროგრამის პარტნიორი ქვემო ქართლის რეგიონის შვიდივე მუნიციპალიტეტის სკოლების წარმომადგენლები. ღონისძიებაზე მიმოიხილეს პროგრამის 4 წლიანი შედეგები პროგრამის პრიორიტეტების მიხედვით, წარმატებული სამოქალაქო კლუბებმა და მოსწავლეებმა წარმოადგინეს პრეზენტაციები წარმატებული საქმიანობის შესახებ. წყარო:ორგანიზაციის გვერდი სოციალურ ქსელში

აჭარა. 17 მაისს, არასამთავრობო ორგანიზაცია „ბორჯღალის" პროექტის - „დემოკრატიის მთხრობელთა სკოლა" - პირველი ეტაპი ოფიციალურად დასრულდა. პროექტის 30-მა ბენეფიციარმა აღნიშნულ სკოლაში სწავლის დამადასტურებელი სერთიფიკატები მიიღეს. დემოკრატიის მთხრობელთა სკოლის პირველი ეტაპის მოსწავლეები სხვადასხვა ასაკისა და პროფესიის ახალგაზრდები იყვნენ, თუმცა პროექტის ორგანიზატორების ცნობით, მომდევნო ეტაპისთვის შერჩეული აპლიკანტების უმრავლესობა სკოლის დამამთავრებელი კლასის მოსწავლეები და სტუდენტები იქნებიან. პროექტის მეორე ეტაპი 22 მაისიდან დაიწყება და 30 მონაწილე ერთი თვის განმავლობაში დემოკრატიის შესახებ მოწვეული ექსეპერტებისა და საზოგადო მოღვაწეებისგან დემოკრატიულ ღირებულებებზე სემინარებს მოისმენენ.

თბილისი. 16 მაისს მცირე საგრანტო პროექტის – „ნათელი გარემო, ნათელი მომავლისათვის" – დასკვნითი ღონისძიება გაიმართა. პროექტს ახორციელებდა სამოქალაქო განათლებისა და პედაგოგთა გადამზადების პროგრამის ფარგლებში 180–ე საჯარო სკოლის სამოქალაქო კლუბის წევრები. პროექტის მიზანი იყო იაშვილის კლინიკის მიმდებარე ტერიტორიაზე არსებული ლეიკემიით დაავადებულ ბავშვთათვის არსებულ „მშობელთა სახლის" ტერიტორიაზე სკვერის მოწყობა, ბავშვებისათვის ჯანსაღი ეკოლოგიური გარემოს შექმნა და მათი საზოგადოებაში ინტეგრაციის ხელშეწყობა. ორგანიზაცია „კრისტალის" დახმარებით „მშობელთა სახლის" ტერიტორიაზე დაირგო „ ცოცხალი ღობე", ვარდის ნერგები, შეიძინეს წიგნები, სათამაშოები და საკანცელარიო ნივთები.  სრულად წყარო: initiatives.ge

შიდა ქართლი. 17 მაისს, ასოციაცია „ინვალიდთა კლუბთან" არსებულმა გორის ახალგაზრდულმა ცენტრმა თანატოლგანმანათლებელთა გაცვლითი პროგრამის ფარგლებში ქუთიაისის, ბათუმის და ახალქალაქის მოხალისეებს უმასპინძლა. მოხალისეებმა გორის ახალგაზრდული ცენტრის ახალ წევრებს ჩაუტარეს თანატოლგანმანათლებელთა ტრენინგი „ადამიანის უფლებებზე და მრავალფეროვნებაზე. აღნიშნული აქტივობების შემდეგ კი სტუმრად „რადიო თავისუფლების" ჟურნალისტი გოგა აფციაური ესტუმრა ცენტრს და ჩაატარა სემინარი ჟურნალისტიკის თემაზე. დღის ბოლოს გორის, ბათუმის, ახალქალაქის და ქუთაისის ბავშვებმა ქალაქის ძველი უბნების და საინტერესო ადგილების მონახულებით დაასრულეს.

ქვემო ქართლი. 16 მაისს, გარდაბანში, არასამთავრობო ორგანიზაციამ „საქართველოს დემოკრატიული ინიციატივა" გამართა დისკუსია დამამთავრებელი კლასის მოსწავლეებისთვის და ახალგაზრდებისთვის დისკრიმინაციის აკრძალვისა და ტოლერანტობის საკითხებზე. დისკუსიას უძღვებოდნენ საქართველოს დემოკრატიული ინიციატივის იურისტი გიორგი მშვენიერაძე და თეოლოგი ბექა მინდიაშვილი დისკუსიაზე ისაუბრეს ტოლერანტობის კულტურაზე, თანასწორობის პრინციპებსა და თანასწორობის უზრუნველყოფისა და დისკრიმინაციის აღმოფხვრის სამართლებრივ მექანიზმებზე. საუბარი ასევე შეეხო ახლადმიღებულ კანონს დისკრიმინაციის ყველა ფორმის აღმოფხვრის შესახებ და ამ კანონის გარშემო ატეხილ აჟიოტაჟს. ახალგაზრდები დაინტერესდნენ, თუ რას მოუტანს ქვეყანას აღნიშნული კანონის მიღება და როგორ მოხდება მისი აღსრულება. დისკუსიის მიზანი იყო ხელი შეუწყოს ეთნიკურად მრავალფეროვანი რეგიონის ახალგაზრდებში ადამიანის უფლებების, ტოლერანტობის, დისკრიმინაციის აკრძალვისა და თანასწორობის უზრუნველყოფის შესახებ ცნობიერების ამაღლებას. წყარო: gdi.ge

აჭარა.. 17 მაისს, ბათუმის დემოკრატიული ჩართულობის ცენტრში, დემოკრატიის მთხრობელთა სკოლის წევრები რატი ამაღლობელს შეხვდნენ. პოეტი მათ ხელოვნების, კულტურისა და დემოკრატიის საფუძვლებზე ესაუბრა. პროექტის ფარგლებში, დემოკრატიის მთხობელთა სკოლის წევრები უკვე შეხვდნენ მთავრობის თავმჯდომარეს არჩილ ხაბაძეს და საკონსტიტუციო სასამართლოს თავმჯდომარეს გიორგი პაპუაშვილს. მსგავსი ღონისძიებები რეგიონის ყველა მუნიციპალიტეტში ჩატარდება და მიზნად დემოკარატიის კუთხით ახალგაზრდების ცნობიერების ამაღლებას ისახავს. აღნიშნული პროექტი, არასამთავრობო ორგანიზაცია „ბორჯღალის" ორგანიზებითა და ფონდი „ღია საზოგადოება - საქართველოს" ფინანსური მხარდაჭერით ხორცილედება.

თბილისი. ახალგაზრა ადვოკატები თბილისის სახელმწიფო უნივერსიტეტში სტუდენტური თვითმმართველობის არჩევნებს აკვირდებოდნენ. ორგანიზაციის განცხადებით „სტუდენტებს თვითმმართვველობის არჩევა თავისუფალ გარემოში უხდებათ". სრულად... წყარო: ორგანიზაციის ვებგვერდი სოციალურ ქსელში

თბილისი. 14-16 მაისს, პროექტის ახალგაზრდული ცენტრის 16 წევრისათვის „ეფექტური ფასილიტაციის" 3-დღიანი ტრენინგი ჩატარდა. შეხვედრას უძღვებოდნენ ორგანიზაცია „პარტნიორები საქართველოს" ტრენერები. ტრენინგს წინ უძღოდა ფასილიტატორების მიერ ჩატარებული შეხვედრები თანატოლებთან, მშობლებთან და ადგილობრივ თვითმმართველობების წარმომადგენლებთან. ტრენინგის ფარგლებში, მონაწილეებმა ჩატარებული შეხვედრების შესახებ პრეზენტაციები წარმოადგინეს - თუ რა ტიპის ფასილიტაცია გამართეს თავინთ ქალაქებში, რა სირთულეებს მოიცავდა შეხვედრების დაგეგმვისა და ფასილიტაციის პროცესი, რა იდეები და შემოთავაზებები მიიღეს, რა შეიძლება გაკეთდეს შემდგომში ფასილიტაციის პროცესის ეფექტურად წარმართვისათვის. წყარო: ორგანიზაციის გვერდი სოციალურ ქსელში

კახეთი. ევროპის კვირეულის ფარგლებში, ნატოსა და ევროკავშირის შესახებ საინფორმაციო ცენტრის კახეთის ბიურომ, თელავის მედია კაფეში, საინფორმაციო შეხვედრა გამართა. შეხვედრას ესწრებოდნენ თელავის საჯარო სკოლების მოსწავლეები და არასამთავრობო ორგანიზაციის „თელავის განათლების, განვითარებისა და დასაქმების ცენტრის" მოხალისეები. შეხვედრაზე აჩვენეს თომა ჩაგელიშვილის დოკუმენტური ფილმი ევროკავშირის შესახებ, რის შემდეგაც გაიმართა დისკუსია. ახალაგზრდებმა დასვეს კითხვები მათთვის საინტერესო საკითხებზე, რომელსაც საინცორმაციო ცენტრის კახეთის ბიუროს ხელმძღვანელმა ამომწურავი პასუხები გასცა.

კახეთი. თელავის სახელმწიფო უნივერისტეტში თელავის დემოკრატიის სკოლის ახალი პროგრამის პრეზენტაცია გაიმართა. ნიმდის დემოკრატიის სკოლამ წარმოადგინა ინტენსიურ საგანანათლებლო პროგრამა, რომელიც განკუთვნილია ადგილობრივი თვიმმართველობის, არასამთავრობო სექტორის, მედიის, პოლიტიკური პარტიების, აკადემიური წრეების წარმომადგენლების, წარმატებული სტუდენტების და თანამედროვე დემოკრატიის საკითხებით დაინტერესებული აქტიური მოქალაქეებისთვის. ნიმდის წარმოამდგენელის ნიკა შარვაშიძის თქმით: „ზოგადად, დემოკრატიის სკოლების მისიას ხარისხიანი განათლების და დამატებითი რესურსებისიდამი წვდომის გაზრდის გზით აქტიური მოქალაქეების ხელშეწყობა და დემოკრატიული საზოგადოების განვითარება წარმოადგენს".

აჭარა. 15 მაისს, ოჯახის დაცვის საერთაშორისო დღის აღსანიშნავად „ბათუმის ახალგაზრდულ ცენტრში" ოჯახურ ძალადობაზე თანატოლგანამანათლებელთა ტრენინგი ჩატარდა. აქტივობა გაიმართა პროექტის ფარლგებში „ეროვნული ინტეგრაციის გაძლიერება საქართველოში"(ANI), რომელსაც ახორციელებს საქართველოს გაეროს ასოციაცია (UNAG), აშშ-ს საერთაშორისო განვითარების სააგენტოს (USAID) ფინანსური მხარდაჭერით. წყარო:ორგანიზაციის გვერდი სოციალურ ქსელში

თბილისი. საქართველოს საზოგადოებრივ საქმეთა ინსტიტუტის (ჯიპა) მედიამენეჯმენტის სკოლის სტუდენტები 15 მაისს 18:30 საათზე „ფრონტლაინ კლუბში" წარმოადგენენ ადამიანის უფლებების თემაზე შექმნილ ისტორიებს. სტუდენტების ამოცანა იყო საკომუნიკაციო კამპანიების მოფიქრება ჯანმრთელობის უფლებასთან დაკავშირებულ თემებზე. კამპანიების მომზადების პროცესში სტუდენტები შეხვდნენ სხვადასხვა არასამთავრობო ორგანიზაციების წარმომადგენლებს. მომზადებული საკომუნიკაციო კამპანიები, ძირითადად ეხება პალიატიურ მზრუნველობას, შეზღუდულ შესაძლებლობებს და ა.შ. წყარო:osgf.ge

შიდა ქართლი. 14 მაისს, ასოციაცია „ინვალიდთა კლუბთნ" არსებულმა გორის ახალგაზრდული ცენტრის წევრებმა 9 აპრილის სკვერის განაშენიანების მიზნით აქტივობა განახორციელეს. აქციის მიზანი იყო მოსახლეობისა და თვითმმართველობის წევრების ჩართულობის გაზრდა საერთო პრობლემების მოგვარებაში. აქციის ფარგლებში დაირგა დეკორატიული ყვავილები და მოსუფთავდა ტერიოტრია. წყარო:ორგანიზაციის გვერდი სოციალურ ქსელში

სამცხე-ჯავახეთი. თანატოლთა განათლების ფარგლებში ახალციხის ახალგაზრდული ცენტრის წევრები სოფელი ვაჩიანის საჯარო სკოლას ესტუმრნენ. ახალგაზრდებმა თანატოლებს ტრენინგი ჩაუტარეს ადამიანის უფლებებისა და გენდერის თემაზე. საჯარო სკოლის შემდეგ ცენტრის წევრების სოფელი ვაჩიანის საბავშვო ბაღს ესტუმრნენ. წყარო:ორგანიზაციის გვერდი სოციალურ ქსელში