თბილისი. „საერთაშორისო გამჭვირვალობა - საქართველო” ახალციხის მუნიციპალიტეტის საკრებულოს 2020 წელს გაწეულ საქმიანობას აფასებს.  ანგარიში ეფუძნება საკრებულოდან გამოთხოვილ, საკრებულოს ოფიციალურ ვებ-გვერდზე არსებულ ინფორმაციასა და ორგანიზაციის დაკვირვებებს. კვლევის საანგარიშო პერიოდი მოიცავს 2020 წელს. “საერთაშორისო გამჭვირვალობა-საქართველომ” შარშან ახალციხის საკრებულოს 2017-2019 წლების საქმიანობაც შეაფასა.  სრულად...   წყარო: ორგანიზაციის ვებგვერდი

თბილისი. „საერთშორისო გამჭვირვალობა - საქართველო“ აქვეყნებს სტატიას ალექსანდრე ქევხიშვილის - „საქართველოში არსებული ანტიკორუფციული გარემოს მიმოხილვა და რეკომენდაციები ევროკავშირისთვის“.  სტატია დაიწერა ინგლისურ ენაზე და 21 ივნისს გერმანული არასამთავრობო ორგანიზაცია Zentrum Liberale Moderne (LibMod)-ის მიერ განხორციელებული პროექტის ფარგლებში - Eastern Part¬ner¬ship Plus გამოქვეყნდა.  „კორუფციის კუთხით საქართველოში ამჟამად არსებული ვითარება ხასიათდება, ერთი მხრივ, წვრილმანი კორუფციის შთამბეჭდავად დაბალი დონით, თუმცა, ამავე დროს, თითქმის სრული დაუსჯელობით მაღალი დონის კორუფციის მიმართ“, - ვკითხულობთ სტატიაში.  სრულად...  წყარო: ორგანიზაციის ვებგვერდი

თბილისი. „საერთაშორისო გამჭვირვალობა - საქართველომ” ქალაქ ქუთაისის მუნიციპალიტეტის წარმომადგენლობითი ორგანოს - საკრებულოს 2020 წლის საქმიანობა შეაფასა.  ანგარიში ეფუძნება საკრებულოდან გამოთხოვილ ინფორმაციას და ორგანიზაციის დაკვირვებებს. საანგარიშო პერიოდი მოიცავს 2020 წელს.  სრულად...   წყარო: ორგანიზაციის ვებგვერდი

თბილისი. საერთაშორისო გამჭვირვალობა - საქართველო” ზუგდიდის მუნიციპალიტეტის საკრებულოს 2020 წელს გაწეულ საქმიანობას აფასებს.  ანგარიში ეფუძნება საკრებულოდან გამოთხოვილ, საკრებულოს ოფიციალურ ვებგვერდზე არსებულ ინფორმაციასა და ი ორგანიზაციის დაკვირვებებს. კვლევის საანგარიშო პერიოდი მოიცავს 2020 წელს.  “საერთაშორისო გამჭვირვალობა-საქართველომ” ზუგდიდის საკრებულოს საქმიანობა 2020 წელსაც შეაფასა, რომლის საანგარიშო პერიოდი მოიცავდა 2017 წლის ნოემბრიდან 2019 წლის ჩათვლით დროის მონაკვეთს.  სრულად...   წყარო: ორგანიზაციის ვებგვერდი

თბილისი. „საერთაშორისო გამჭვირვალობა - საქართველო” ქალაქ ფოთის მუნიციპალიტეტის საკრებულოს (შემდეგში - ფოთის საკრებულო) 2020 წელს გაწეულ საქმიანობას აფასებს.  ანგარიში ეფუძნება საკრებულოდან გამოთხოვილ, საკრებულოს ოფიციალურ ვებგვერდზე არსებულ ინფორმაციასა და ორგანიზაციის დაკვირვებებს. კვლევის საანგარიშო პერიოდი მოიცავს 2020 წელს. “საერთაშორისო გამჭვირვალობა-საქართველომ” ფოთის საკრებულოს საქმიანობა 2020 წელსაც შეაფასა, რომლის საანგარიშო პერიოდი მოიცავდა 2017 წლის ნოემბრიდან 2019 წლის ჩათვლით დროის მონაკვეთს.  სრულად...   წყარო: ორგანიზაციის ვებგვერდი

თბილისი. წინასაარჩევნო პროცესებს საია, გრძელვადიანი სადამკვირვებლო მისიის ფარგლებში, 9 რეგიონული ოფისის მეშვეობით აკვირდება. ეს ხდება: თბილისში, აჭარაში, გურიაში, სამეგრელო-ზემო სვანეთში, იმერეთში, შიდა ქართლსა და სამცხე-ჯავახეთში, ქვემო ქართლში, მცხეთა-მთიანეთსა და კახეთში. 2021 წლის თვითმმართველობის არჩევნების შუალედური ანგარიში ფარავს 1-ლი მაისიდან 31 ივლისის ჩათვლით განხორციელებული მონიტორინგის შედეგებს. საიამ, საანგარიშო პერიოდში, რამდენიმე პრობლემური შემთხვევა აღრიცხა, საიდანაც ერთი ნაწილი მმართველი პარტიის მიერ საჯარო რესურსების საარჩევნო მიზნებისთვის გამოყენებას, ხოლო მეორე - ოპოზიციური აზრისთვის საჯარო მოხელის სამსახურიდან გათავისუფლებას შეეხება. სრულად...  წყარო: ორგანიზაციის ვებგვერდი

თბილისი. სამართლიანი არჩევნებისა და დემოკრატიის საერთაშორისო საზოგადოებამ (ISFED), დღეს, 2021 წლის ადგილობრივი თვითმმართველობის არჩევნების ოფიციალური წინასაარჩევნო პერიოდის მონიტორინგის შუალედური ანგარიში წარმოადგინა. ანგარიში მოიცავს 2021 წლის 3 აგვისტოდან 30 აგვისტოს ჩათვლით პერიოდს, ასევე ისეთ მოვლენებს, რომლის განვითარება 3 აგვისტომდე დაიწყო, მონიტორინგის პერიოდშიც მიმდინარეობდა ან მის შესახებ მონიტორინგის პერიოდში გახდა ცნობილი. ანგარიშში აღნიშნულია, რომ:  „ორგანიზაციის დაკვირვებით, საანგარიშო პერიოდში გამოვლინდა: სამსახურიდან, სავარაუდოდ, პოლიტიკური ნიშნით გათავისუფლების/წასვლის იძულების - 15, სავარაუდოდ, პოლიტიკური ნიშნით ზეწოლის/მუქარის/ხელის შეშლის - 11, ადმინისტრაციული რესურსის სავარაუდო გამოყენების - 13, სოციალური ქსელით აგიტაციის - 6, ამომრჩევლის სავარაუდო მოსყიდვის - 4, მოქმედი თანამდებობის პირების კამპანიის - 8 ფაქტი. გამოვლინდა მმართველი პარტიის მიერ „სამართლიანი არჩევნების“ წარმომადგენლებისთვის დაკვირვებაში ხელის შეშლის ტენდენცია მთელი ქვეყნის მასშტაბით, ასევე - საგანმანათლებლო დაწესებულებაში დასაქმებული პირების „ქართული ოცნების ოცნების“ კამპანიაში ჩართვის პირაპირ ან/და ირიბად იძულების შემთხვევები“. სრულად...  წყარო: ორგანიზაციის ვებგვერდი

თბილისი. „საერთაშორისო გამჭვირვალობა - საქართველო“ წარმოადგენს ანგარიშს - „კრიტიკული ჟურნალისტების დევნა და შევიწროება აჭარის ტელევიზიაში“. „წინამდებარე ანგარიში, ძირითადად, 2019 წლის აპრილის თვიდან, მაუწყებლის იმჟამინდელი დირექტორის, ნათია კაპანაძის იმპიჩმენტის შემდეგ მაუწყებელში განვითარებულ მოვლენებს მოიცავს. კვლევაში მიმოვიხილავთ თუ როგორ დაიწყო და განვითარდა კრიზისი ტელევიზიაში. კერძოდ, საუბარია მმართველ პარტიასთან აფილირებული ხელმძღვანელობის მიერ უკანონოდ გათავისუფლებული ან შევიწროებული ათობით კრიტიკულად განწყობილი თანამშრომლის საქმეზე“, - აღნიშნულია დოკუმენტში. კვლევა ეყრდნობა მედიაში საჯაროდ გავრცელებულ ინფორმაციას, მრჩეველთა საბჭოს სხდომებს, მაუწყებლის კვარტალურ ანგარიშებს, მაუწყებლიდან გამოთხოვილ ინფორმაციასა და სხვა საჯარო წყაროებს. სრულად...  წყარო: ორგანიზაციის ვებგვერდი

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს საქართველოში ვაქცინაციის პროცესის მიმდინარეობის ანალიზს. „15 მარტიდან დღემდე ვაქცინაციის ეროვნული გეგმით გათვალისწინებული მიზნობრივი 46,520 სამედიცინო მუშაკის მხოლოდ 36%-ია აცრილი. 4 აგვისტოს მონაცემებით, სრულად აცრილი იყო სრული მოსახლეობის მხოლოდ 4.8%, მინიმუმ ერთი დოზით კი 10.4%. 18 წელს ზევით მოსახლეობის 13.5% ერთი დოზით მაინცაა აცრილი, 6.2% კი - სრულად. აცრებისა და ჯავშნების 58% თბილისზე მოდის. ხელმისაწვდომი არ არის ინფორმაცია, თუ რა სახის საინფორმაციო კამპანიას აწარმოებს მთავრობა მოსახლეობის ვაქცინაციის პროცესით დაინტერესებისა და ინფორმირებისათვის“. სრულად... წყარო: idfi.ge

თბილისი. ინფორმაციის თავისუფლების განვითარების ინსტიტუტის (IDFI) ინფორმაციით, მუნიციპალიტეტებში მერის ანაზღაურება 2,600 ლარიდან 4,500 ლარამდე (ხელზე მისაღები 2,080 ლარიდან - 3,600 ლარამდე) მერყეობს. „წინამდებარე სტატიაში მიმოხილულია დღეის მდგომარეობით მუნიციპალიტეტების მერებისთვის თანამდებობრივი სარგოს განსაზღვრის არსებული პოლიტიკა, საკანონმდებლო რეგულაციები და პრემიერ-მინისტრის მიერ წინასაარჩევნოდ გაჟღერებული დაპირების მიზანშეწონილობა. პრემიერ-მინისტრის დაპირება მერების ხელფასების გაორმაგებასთან დაკავშირებით, იმ პირობებში როდესაც კანონმდებლობა არ უზღუდავს მათ დამოუკიდებლად მიიღონ მსგავსი გადაწყვეტილება, ცალსახად მიანიშნებს თვითმმართველობებში დეცენტრალიზაციის არსებულ პრობლემებზე“. სრულად... წყარო: idfi.ge

თბილისი. საერთაშორისო გამჭვირვალობა - საქართველოს ინფორმაციით, „საქართველოს რკინიგზამ“ მაგისტრალური რელსების შესასყიდად 52.8 მლნ ლარის ღირებულების ტენდერი გამოაცხადა და მომწოდებლებისგან რუსეთის მიერ დაარსებული ევრაზიის საბაჟო კავშირის მიერ განსაზღვრული სერტიფიკატები მოითხოვა. „წინადადება მხოლოდ ერთმა კომპანიამ, შპს „უნი-2“-მა წარადგინა. „საქართველოს რკინიგზას“ ჯერ-ჯერობით გამარჯვებული არ გამოუვლენია 52.8 მლნ-იან ტენდერში მხოლოდ ერთი კომპანიის მონაწილეობა ეჭვს აჩენს, საქმე ხომ არ გვაქვს, ე.წ. კონკრეტულ მიმწოდებელზე „მორგებულ“ ტენდერთან.  ეჭვს აძლიერებს ის ფაქტიც, რომ „საერთაშორისო გამჭვირვალობა - საქართველოს“ წერილით მომართა ავსტრიულმა კომპანიამ - „GSL Steel Trade GmbH“, რომელთა წარმომადგენლებიც ფიქრობენ, რომ ამ ტენდერში ხელოვნურად არის შეზღუდული კონკურენცია“. სრულად... წყარო: transparency.ge

თბილისი. „საერთაშორისო გამჭვირვალობა - საქართველოს“ გამოკვლევით, მაჟორიტარობის 13 წლის განმავლობაში, ანზორ ბოლქვაძის ოჯახს და ახლობლებს, სახელმწიფო შესყიდვებიდან 13 მილიონ ლარზე მეტი აქვთ მიღებული. „2020 წელს გამოქვეყნებულ ჩვენს არცერთ მოკვლევას ანზორ ბოლქვაძის საქმიანობასთან დაკავშირებით, სათანადო მიმართვების მიუხედავად, შესაბამისი უწყებებიდან რეაგირება არ მოჰყოლია. ამასთან, გამოიკვეთა ახალი გარემოებები, რომელიც კორუფციისა და ინტერესთა შეუთავსებლობის დამატებით რისკებს ავლენს. წინამდებარე კვლევა ერთგვარად აჯამებს მაჟორიტარი დეპუტატის ოჯახის წევრების, მისი ნათესავებისა და ახლო წრის კომპანიების მიერ მისი მაჟორიტარობის დროს სახელმწიფო შესყიდვებიდან მიღებულ შემოსავალს, რაც ვფიქრობთ, გარკვეულ სურათს შექმნის დეპუტატის გავლენებთან დაკავშირებით“. სრულად... წყარო: transparency.ge

სამეგრელო. „საერთაშორისო გამჭვირვალობა - საქართველომ” შეისწავლა სამეგრელო-ზემო სვანეთის ცხრა მუნიციპალიტეტის მერიისა და საკრებულოს 200-მდე თანამდებობის პირთა დეკლარაცია და დაადგინა, რომ 41-ში დარღვევა და ფაქტობრივი უზუსტობაა, თანამდებობის ხუთი პირის ოჯახის წევრი ან/და დაკავშირებული კომპანია ჩართულია სახელმწიფო შესყიდვებშიც. ორგანიზაცია მიმართავს საჯარო სამსახურის ბიუროს, წარმოდგენილი ინფორმაციის საფუძველზე, შეისწავლოს კვლევაში აღნიშნული პირების ქონებრივი მდგომარეობის დეკლარაციები და მოახდინოს შესაბამისი რეაგირება. სრულად... წყარო: transparency.ge

თბილისი. 27-28 ივლისს, „საერთაშორისო გამჭვირვალობა - საქართველომ“ საპარლამენტო ოპოზიციის დეპუტატებისა და მათი ფრაქციების თანამშრომლებისათვის გამართა დისკუსია/ტრენინგი საპარლამენტო კონტროლის აქტუალურ საკითხებზე. ღონისძიება ჩატარდა აშშ-ს საერთაშორისო განვითარების სააგენტოს (USAID/Georgia) დემოკრატიული მმართველობის ინიციატივის (GGI) გრანტის (საპარლამენტო ზედამხედველობის შეფასება საქართველოში) ფარგლებში.                                 წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტის (IDFI) ინფორმაციით, საქართველოს პარლამენტმა საქართველოს ღია პარლამენტის 2021-2022 წლების სამოქმედო გეგმა დაამტკიცა.  როგორც ორგანიზაცია აღნიშნავს, სამოქმედო გეგმაში გათვალისწინებული ვალდებულებების აბსოლუტური უმრავლესობა სამოქალაქო საზოგადოების ინიციატივის შედეგია. „ღია პარლამენტის სამოქმედო გეგმა 19 ვალდებულებისაგან შედგება, რომელთა განხორციელებაც 2021-2022 წლების ფარგლებშია დაგეგმილი. სამოქმედო გეგმის მიზანია ხელი შეუწყოს საქართველოს პარლამენტის მიერ გაეროს მდგრადი განვითარების მიზნების შესრულებას, გააუმჯობესოს ინფორმაციის ხელმისაწვდომობა და საქართველოს პარლამენტის საზედამხედველო საქმიანობა, გააძლიეროს მოქალაქეთა ჩართულობა საქართველოს პარლამენტის საქმიანობაში და ხელი შეუწყოს საპარლამენტო ღიაობისა და გამჭვირვალობის ზრდას“, ნათქვამია ორგანიზაციის ვებგვერდზე. სრულად... წყარო: idfi.ge

თბილისი. სამართლიანი არჩევნებისა და დემოკრატიის საერთაშორისო საზოგადოების მიერ ჩატარებული სოციალური მედიის მონიტორინგით დგინდება, რომ ფეისბუქზე საქართველოს მთავრობისა და მმართველი პარტიის მხარდაჭერის მიზნით მოქმედებენ გვერდები, რომლებიც მთავრობის საზოგადოებასთან ურთიერთობის ფუნქციას ანონიმურად ითავსებენ. „ამგვარ გვერდებზე, მთავრობის მიერ განხორციელებული, მიმდინარე თუ დაგეგმილი პროექტების შესახებ ინფორმაციასთან ერთად, მმართველი პარტიისა და მის წარმომადგენელთა აქტივობები, განცხადებები და მათ მიმართ სხვა პირთა მიერ გამოთქმული დადებითი შეფასებებიც ვრცელდება. ამავდროულად, მათი ნაწილი სხვა პარტიების საწინააღმდეგოდ პოლიტიკურ კამპანიასაც აწარმოებს. მსგავს ფეისბუქგვერდებზე ქვეყნდება რეკლამებიც, რომელთათვის დახარჯული თანხის წარმომავლობა გაუმჭვირვალეა“. სრულად... წყარო: isfed.ge

თბილისი. ინფორმაციის თავისუფლების განვითარების ინსტიტუტმა (IDFI) გაანალიზა 2021 წლის 31 მაისის ჩათვლით Covid-19-თან დაკავშირებით განხორციელებული გამარტივებული შესყიდვები.  „კორონავირუსის მართვაში ჩართული რამდენიმე სახელმწიფო კლინიკის მიერ განხორციელებულ გამარტივებულ შესყიდვებში აღმოჩენილი საეჭვო გარემოებები კითხვის ნიშნებს აჩენს ხელშეკრულებების გაფორმების პროცესში პირადი თუ სამსახურებრივი კავშირების გამოყენების შესახებ. მიუხედავად იმისა, რომ სახელმწიფო კლინიკები უმეტესად საკუთარი შემოსავლით ფუნქციონირებენ, მნიშვნელოვანია მათი მხრიდან სახელმწიფო შესყიდვებში კეთილსინდისიერებისა და კონკურენციის პრინციპების დაცვა. ამასთან, აღსანიშნავია, რომ კორონავირუსის მართვაში ჩართული სახელმწიფო კლინიკები ბიუჯეტიდან ფინანსდებიან“. სრულად... წყარო: idfi.ge

თბილისი. მითების დეტექტორის მიერ გადამოწმებული ინფორმაციის თანახმად, ფეისბუქ ანგარიში „ერთობა საქართველოსთვის” შარლ მიშელის შესახებ დეზინფორმაციას ავრცელებს. კერძოდ, ამ ანგარიშმა გამოაქვეყნა კაბაში გამოწყობილი მამაკაცის ფოტო, სადაც აღწერის მიხედვით, ევროპული საბჭოს პრეზიდენტი შარლ მიშელია გამოსახული და რომ ის, საქართველოში ღირსების მარშის მხარდასაჭერად ქვედაბოლოში გამოწყობილი ჩამოვიდა. „მტკიცება იმის შესახებ, რომ გავრცელებულ ფოტო საქართველოშია გადაღებული და მასზე შარლ მიშელია აღბეჭდილი, მცდარია, რეალურად ფოტო ფლორენციაში 2021 წლის პირველ ივლისს Pitti Uomo-ს მოდის ჩვენებაზეა გადაღეული და ღონისძიების ერთ-ერთ მონაწილეს ასახავს“, ნათქვამია მითების დეტექტორის ვებგვერდზე. სრულად... წყარო: mythdetector.ge

თბილისი. „საერთაშორისო გამჭვირვალობა - საქართველოს“ და პარლამენტის აპარატის ორგანიზებით კომიტეტებისა და დეპარტამენტების, ასევე მაჟორიტართა ბიუროების თანამშრომლებისათვის ტრენინგები ჩატარდა. სწავლება შეეხო შემდეგ საკითხებს: კორუფციის კვლევა და პრევენცია; პარლამენტის ღიაობისა და გამჭვირვალობის სტანდარტი; კანონპროექტის დასაბუთების სტანდარტი (განმარტებითი ბარათი და რეგულირების ზეგავლენის შეფასების ანგარიში); ცენტრალური და ადგილობრივი ხელისუფლების ფუნქციები და უფლება-მოვალეობები;                             წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტმა (IDFI) საქართველოს ახალგაზრდა იურისტთა ასოციაციასთან (GYLA) ერთად საჯარო მმართველობის რეფორმის (PAR) სამოქმედო გეგმის შესრულების 2019 - 2020 წლების ალტერნატიული მონიტორინგის შემაჯამებელი ანგარიშები წარადგინა. „პრეზენტაციის ფარგლებში, მონაწილეებმა ისაუბრეს სამოქმედო გეგმის პოლიტიკის დაგეგმვისა და კოორდინაციის, ანგარიშვალდებულების, სახელმწიფო სერვისების მიწოდებისა და საჯარო ფინანსების მართვის მიმართულებებზე. მონიტორინგის პროცესში თავი იჩინა იმ არაერთმა ხარვეზმა და გამოწვევამ, რაც საქართველოში პოლიტიკის შემუშავების პროცესს ახასიათებს, მათ შორის, იდენტიფიცირებული რისკების შემცირებისა თუ აღმოფხვრის მექანიზმების არარსებობა სამოქმედო გეგმაში, უწყებებს შორის თანამშრომლობისა და კოორდინაციის ნაკლებობა, ზედამხედველობის სისუსტე და სხვა". სრულად... წყარო: idfi.ge

თბილისი. „საქართველოს რეფორმების ასოციაციის“ ინფორმაციის გადამოწმების ვებგვერდი „ფაქტ-მეტრი“ (FactCheck.ge)  აქვეყნებს ბლოგპოსტს: რა თქვა შარლ მიშელმა სინამდვილეში, როდესაც ერთი თაობა ახსენა. „სოციალური ქსელის მრავალმა გვერდმა გაავრცელა ცნობა, რომ თითქოს მიშელმა განაცხადა: „ერთი თაობაა ის მანძილი, რომელიც აშორებს თქვენს საზოგადოებას ევროკავშირის კარებს“. ვებგვერდის მიერ გავრცელებული თარგმანის თანახმად, სინამდვილეში ევროპული საბჭოს პრეზედენტმა თქვა: „მიმაჩნია, რომ ჩვენი აღმოსავლეთ პარტნიორობა არის ლოკომოტივი ტრანსფორმაციის, კეთილდღეობისა და ზრდისთვის. ეს არის ასევე ძლიერი სიმბოლო ღიაობის, ურთიერთნდობისა და ჩვენი თანამშრომლობის. თქვენთვის დამოუკიდებლობის ერთი თაობა არსებობს და ამ ერთ თაობაში მანძილი თქვენს საზოგადოებებსა და ევროკავშირს შორის უპრეცედენტოდ შემცირდა. ევროკავშირი თქვენი ყველაზე ერთგული პარტნიორია მეტი დემოკრატიისთვის, მეტი სტაბილურობისთვის, მეტი კეთილდღეობისთვის და რაც მთავარია, თქვენი ქვეყნების მოსახლეობის სასარგებლოდ”. სრულად... წყარო: factcheck.ge

თბილისი. ინფორმაციის თავისუფლების განვითარების ინსტიტუტმა (IDFI) საჯარო დაწესებულებების 10 დეკემბრის ანგარიშების სიზუსტის მონიტორინგის შედეგების შესახებ კვლევა გამოაქვეყნა. ე.წ. 10 დეკემბრის ანგარიშები გულისხმობს საჯარო დაწესებულებების მიერ ინფორმაციის ხელმისაწვდომობასთან დაკავშირებული მდგომარეობის შესახებ ყოველწლიური ანგარიშის გამოქვეყნებას. ორგანიზაციის ცნობით, „მონიტორინგმა აჩვენა რომ, ხშირია შემთხვევები როდესაც საჯარო დაწესებულებები ანგარიშებში ასახავენ კანონმდებლობის მოთხოვნების ან/და რეალობასთან შეუსაბამო მონაცემებს. მაგალითად, საანგარიშო პერიოდში IDFI-ს საჯარო ინფორმაციის მოთხოვნების უპასუხოდ დატოვების მიუხედავად, 10 დეკემბრის ანგარიშებში ასახული საჯარო ინფორმაციის მოთხოვნების სრული დაკმაყოფილების მაჩვენებლები, ასევე, თვეობით ვადაგადაცილებულ წერილებზე მინიჭებული მიმდინარე სტატუსები, საჯარო დაწესებულებების მიერ ინფორმაციის არაკეთილსინდისიერ და მანიპულაციურ აღრიცხვაზე მიუთითებს“. სრულად... წყარო: idfi.ge