თბილისი. „საერთაშორისო გამჭვირვალობა - საქართველო“ გთავაზობთ კორუფციის ლექსიკონიდან მორიგ განმარტებას ადმინისტრაციული რესურსის გამოყენების შესახებ. „იმისთვის რომ ვიყოთ მეტად გათვიცნობიერებულები, მნიშვნელოვანია ვიცოდეთ ტერმინების ზუსტი განმარტება. არჩევნებში მონაწილე მხარის მიერ სახელმწიფო რესურსების გამოყენება (მაგალითად: ფინანსური, ადამიანური, საკომუნიკაციო, სამართლებრივი, აღსრულებითი რესურსები) არჩევნებში უპირატესობის მოსაპოვებლად ან ოპონენტისთვის წინაღობის შესაქმნელად“. სრულად... წყარო: ორგანიზაციის გვერდი სოციალურ ქსელში

თბილისი. მაკ ჯორჯია აცხადებს რეგისტრაციას ონლაინ ტრენინგზე „თამაში და მისი მნიშვნელობა“ რომელიც განკუთვნილია ბაღის აღმზრდელებისთვის და ბაღში მომუშავე სხვა პროფესიონალებისთვის. ტრენინგის ჩატარების თარიღებია 13 და 16 ოქტომბერი. აღნიშნული ტრენინგი მოიცავს შემდეგ საკითხებს: თამაშის ტიპები; მისი დანიშნულება და მნიშვნელობა ბავშვის განვითარების პროცესში; უსაფრთხოების საბაზისო წესების დაცვა და კრეატიული თამაშის სტიმულირება ბავშვის ყოველდღიური აქტივობებში თანამონაწილეობის გაზრდის მიზნით. სრულად... წყარო: ორგანიზაციის გვერდი სოციალურ ქსელში

თბილისი. ფონდი Fundacja HumanDoc ის და მეგობრობის ხიდი ქართლოსის ორგანიზებით შინაგან საქმეთა სამინისტროს მოწმისა და დაზარალებულის კოორდინატორებს, პროექტის - „ოჯახში ძალადობის პრევენციის, მსხვერპლთა დაცვისა და ძალადობის თერაპიის პროგრამის გაძლიერება“ - ფარგლებში, ოჯახში ძალადობისა და არაძალადობრივი კომუნიკაციის თემაზე ტრენინგი გაიმართა.  „სწავლების მონაწილეებმა განიხილეს კოორდინატორის საქმიანობასთან დაკავშირებული მნიშვნელოვანი საკითხები: ძალადობის ფორმები და მისი დეფინიცია; გენდერული ძალადობა; ძალადობის წინააღმდეგ არსებული სამართლებრივი მექანიზმები; პერსონალური მონაცემების დამუშავება-დაცვა; კომუნიკაციის სტრატეგია და ტექნიკა; მსხვერპლებისთვის არსებული სერვისები და სხვა“.  სრულად... წყარო: ორგანიზაციის გვერდი სოციალურ ქსელში

თბილისი. საქართველოს ახალგაზრდა იურისტთა ასოციაციია განმარტებით, სამოქალაქო/ადმინისტრაციული სამართლის მიმართულებით გამოცდის მაქსიმალური შეფასება შეადგენდა 16 ქულას. გასაუბრების ეტაპზე გადავიდნენ ის კონკურსანტები, რომლებმაც წერით ეტაპზე მიიღეს მინიმუმ 11 ქულა. სისხლის სამართლის მიმართულებით წერითი გამოცდის მაქსიმალური შეფასება შეადგენდა 12 ქულას. გასაუბრების ეტაპზე გადავიდნენ ის კონკურსანტები, რომლებმაც მიიღეს მინიმუმ 8.5 ქულა. მეორე ეტაპზე გადასული კონკურსანტების სია და გასაუბრების დრო იხილეთ მიმაგრებულ ფაილში. გასაუბრება გაიმართება დისტანციურ რეჟიმში პროგრამა Zoom-ის მეშვეობით სისხლის სამართლის მიმართულებით 8 ოქტომბერს, ხოლო სამოქალაქო/ადმინისტრაციული სამართლის მიმართულებით - 12 და 13 ოქტომბერს. სრულად... წყარო: gyla.ge

კახეთი. საქართველოს წითელი ჯვრის სიღნაღის ფილიალის მოხალისეებმა, ქალაქ წნორში მცხოვრებ ხანდაზმულ მოქალაქეებს COVID-19-თან დაკავშირებული საინფორმაციო ბუკლეტები გადასცეს. მოხალისეებმა ადგილობრივებს გააცნეს ვირუსის პრევენციის მეთოდები და მოუწოდეს, რომ მოერიდონ ხალხმრავლობას. სრულად... წყარო: ორგანიზაციის გვერდი სოციალურ ქსელში

იმერეთი. ადგილობრივი დემოკრატიის სააგენტო საქართველომ ახალგაზრდებისათვის ხონის მუნიციპალიტეტში, ზრდასრულთა განათლების ცენტრში ჩაატარა საინფორმაციო შეხვედრა შემდეგ თემებზე: სამოქალაქო ჩართულობის მნიშვნელობა; სამოქალაქო საზოგადოების ორგანიზაციების არსი; საერთაშორისო მოხალისეობრივი პლატფორმა „დროის ბანკი“; შეხვედრა ჩატარდა პროექტის, „სამოქალაქო საზოგადოების განვითარების ინიციატივა“, ფარგლებში. „სამოქალაქო საზოგადოების განვითარების ინიციატივა“ ხორციელდება კონრად ადენაუერის ფონდის (KAS) მიერ სამოქალაქო საზოგადოების ინსტიტუტთან (CSI), კონსულტაციისა და ტრენინგის ცენტრთან (CTC), საქართველოს სტრატეგიული კვლევებისა და განვითარების ცენტრთან (CSRDG) და განათლების განვითარების და დასაქმების ცენტრთან (EDEC) თანამშრომლობით. პროექტს აფინანსებს ევროკავშირი (EU), ხოლო თანადამფინანსებელია კონრად ადენაუერის ფონდი (KAS). სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტის კორუფციასთან ბრძოლის სასერტიფიკატო პროგრამა დაიწყო. კონკურსში მონაწილე 300-მდე განმცხადებლიდან შერჩეული 44 სტუდენტი, საჯარო, კერძო და არასამთავრობო სექტორის წარმომადგენელი გაიღრმავებს ცოდნას ანტიკორუფციულ თემატიკასთან დაკავშირებით და შეიძენს კორუფციის ფაქტებზე ეფექტური რეაგირების უნარ-ჩვევებს. პროგრამას IDFI-ი უკვე მეორე წელია ილიას სახელმწიფო უნივერსიტეტთან ერთად, ღია საზოგადოების ინსტიტუტის ბუდაპეშტის ფონდის (OSI) და ღია საზოგადოების ფონდის (OSGF) ფინანსური მხარდაჭერით ახორციელებს. სრულად... წყარო: ორგანიზაციის გვერდი სოციალურ ქსელში

თბილისი. საქართველოს პოლიტიკის ინსტიტუტი (GIP) აგრძელებს საინფორმაციო შეხვედრების გამართვას 2020-2021 წლისთვის მომავალ ლიდერთა სკოლაში (ELS) მონაწილეობის მიღების მსურველებისთვის. "ვეძებთ 18-35 წლის, ცვლილებებზე ორიენტირებულ, ლიდერული პოტენციალის მქონე ახალგაზრდებს – აქტივისტებს, პოლიტიკოსებს, ჟურნალისტებს, სამოქალაქო საზოგადოების წარმომადგენლებს – საქართველოს რეგიონებიდან და თბილისიდან. მეორე საინფორმაციო შეხვედრა 25 სექტემბერს, თბილისში გაიმართა". სრულად... წყარო: ორგანიზაციის გვერდი სოციალურ ქსელში

თბილისი. გაეროს ქალთა ორგანიზაციის მხარდაჭერით, სახალხო დამცველის აპარატმა გენდერულად მგრძნობიარე გაშუქებისა და მედიასტანდარტების შესახებ ონლაინსემინარები გამართა. სემინარის მონაწილეები გაეცნენ გენდერული თანასწორობისა და მედიის ურთიერთკავშირს, ფემიციდის გაშუქების სტანდარტებს და ეთიკურად გაშუქების პრინციპების შესახებ რეკომენდაციებიც მიიღეს, საქართველოს მედიასივრცეში გენდერულად მგრძნობიარე გაშუქებასთან დაკავშირებულ გამოწვევებზე იმსჯელეს. სრულად...  წყარო: გვერდი სოციალურ ქსელში

ადამიანის უფლებათა ცენტრმა, პროექტის „ადამიანის უფლებათა მონიტორინგი და ადვოკატირება პანდემიის შემდეგ“ გასვლითი ვიზიტები გამართა იმერეთის, და ქვემო ქართლის რეგიონებში.  პროექტის იურისტები ამ რეგიონებში შეხვდნენ ადგილობრივ მოქალაქეებს და გაესაუბრნენ პროექტის ფარგლებში გათვალისწინებული უფასო იურიდიული დახმარების თემებზე.  სრულად...   წყარო: გვერდი სოციალურ ქსელში

თბილისი. ევროკავშირის სამართლის მხარდაჭერის პროგრამა წარმოგიდგენთ ახალ პუბლიკაციას ევროპის კავშირის სამართლის შერჩეულ საკითხებზე - „შესავალი ევროკავშირის სამართალში“.   სრულად...  წყარო: გვერდი სოციალურ ქსელში

თბილისი. კოალიციამ „განათლება ყველასთვის - საქართველო“ სკოლის ლიდერობის ეროვნული კონკურსის გამარჯვებული დირექტორები გამოავლინა. წლევანდელი გამარჯვებულები გახდნენ: ლენა გომართელი, გელა მაჭარაშვილი, ვარდენ ნიქაბაძე. „ღია საზოგადოების ფონდმა“ კონკურსის ფინალისტები ფულადი პრიზებით დააჯილდოვა. სრულად...  წყარო: გვერდი სოციალლურ ქსელში

თბილისი. საქართველოს სტრატეგიისა და საერთაშორისო ურთიერთობების კვლევის ფონდი წარმოგიდგენთ ახალ პროექტზე - ჟურნალ „ჩემი სამყაროს“ სტატიებზე დაფუძნებულ აუდიოვიზუალურ პროდუქტს, რომელიც მიზნად ისახავს ახალგაზრდების ზოგადი განათლების ხარისხის გაუმჯობესებას. სტატიის სრული ვერსიის წასაკითხად ეწვიეთ ბმულს... წყარო: ორგანიზაციის გვერდი სოციალურ ქსელში

თბილისი. სოციალური ინოვაციების პლატფორმის რესურსების ბაზაში შეგიძლიათ გაეცნოთ მნიშვნელოვანი სტრატეგიების მიმოხილვას: „როგორ გავზარდოთ ჩვენი გავლენის მასშტაბი“.  სრულად... წყარო: socialinnovation.ge

თბილისი. USAID/PROLoG-ის მხარდაჭერით, დაიწყო ახალ სახელმძღვანელოზე მუშაობა სტუდენტებისთვის ქალთა მიმართ და ოჯახში ძალადობის სამართლებრივ საკითხებზე. „სახელმძღვანელოს შექმნის მიზანია ქალთა მიმართ და ოჯახში ძალადობის სფეროში არსებული კანონებისა და მათი განმარტებების თავმოყრა, რაც დაეხმარება სამართლის, სოციალური და ჰუმანიტარული მეცნიერების ფაკულტეტის სტუდენტებს ოჯახში ძალადობასთან დაკავშირებული საგნების შესწავლაში“. სრულად... წყარო: ორგანიზაციის გვერდი სოციალურ ქსელში

თბილისი. GIZ სამართლის პროგრამა წარმოგიდგენთ კიდევ ერთ გამოცემას: „სამოქალაქო საპროცესო კოდექსის კომენტარები - რჩეული მუხლები“. გამოცემა შექმნილია ევროკავშირისა და გერმანიის ეკონომიკური თანამშრომლობისა და განვითარების ფედერალური სამინისტროს(BMZ) თანადაფინანსებული პროექტის –„საქართველოს კომერციული სამართლის და პრაქტიკის გაუმჯობესება“ მიერ, რომელსაც გერმანიის საერთაშორისო თანამშრომლობის საზოგადოება(GIZ) ახორციელებს. გამოცემის ელექტრონული ვერსიის ჩამოტვირთვა შესაძლებელია ქვემოთ მითითებული ბმულიდან... წყარო: ორგანიზაციის გვერდი სოციალურ ქსელში

სამეგრელო. განათლების განვითარების და დასაქმების ცენტრის (EDEC) ინფორმაციით, 18 სექტემბერს, ლურჯი მოცვის აგრო კონსულტანტის პროგრამის კურსდამთავრებულებს სერტიფიცირება ჩაუტარდათ. „აღნიშნული პროგრამა დუალური პროფესიული განათლების სასწავლო პროგრამის ფარგლებში ხორციელდება. მასში სამეგრელოში მცხოვრები იძულებით გადაადგილებული და კონფლიქტის შედეგად დაზარალებული 23 ახალგაზრდა მონაწილეობს“. სრულად... წყარო: ორგანიზაციის გვერდი სოციალურ ქსელში

დღეს, 19:00 საათზე, ტელესკოლის გამორჩეული მასწავლებელი, ნათია ფურცელაძე ონლაინში ისაუბრებს თემაზე: „მოხალისეობის მნიშვნელობა სასკოლო ცხოვრებაში“. სრულად...  წყარო: Timerepublic Georgia-ს გვერდი სოციალურ ქსელში

იმერეთი. სამოქალაქო მონაწილეობის მნიშვნელობა, სამოქალაქო საზოგადოების ორგანიზაციების არსი, საერთაშორისო მოხალისეობრივი პლატფორმა "დროის ბანკი" - ეს ის თემებია, რომელთა შესახებაც ადგილობრივი დემოკრატიის სააგენტო საქართველო ბაღდათის მუნიციპალიტეტის ახალგაზრდებს ესაუბრა. საინფორმაციო შეხვედრა, რომელიც პროექტის, "სამოქალაქო საზოგადოების განვითარების ინიციატივა", ფარგლებში ჩატარდა, სოფელ როხის ახალგაზრდულ ცენტრში გაიმართა.  პროექტი „სამოქალაქო საზოგადოების განვითარების ინიციატივა“ ხორციელდება კონრად ადენაუერის ფონდის (KAS) მიერ სამოქალაქო საზოგადოების ინსტიტუტთან (CSI), კონსულტაციისა და ტრენინგის ცენტრთან (CTC), საქართველოს სტრატეგიული კვლევებისა და განვითარების ცენტრთან (CSRDG) და განათლების განვითარების და დასაქმების ცენტრთან (EDEC) თანამშრომლობით. პროექტს აფინანსებს ევროკავშირი (EU), ხოლო თანადამფინანსებელია კონრად ადენაუერის ფონდი (KAS).  სრულად...  წყარო: ორგანიზაციის ვებგვერდი

ქვემო ქართლი. რადიო „მარნეულის“ ინფორმაციით „ახალი აზროვნების ინსტიტუტის“ დამფუძნებლებმა არიზ დაშდამიროვმა და ქამრან ეფენდიევმა რამდენიმე თვეა პროექტი „დედების სკოლა“ დაიწყეს. „დედების სკოლა“ USAİD-ის “EWMI Access” პროგრამის ფარგლებში ხორციელდება. პროექტში მონაწილებას იღებს 10 დედა, რომელიც სოფელ მოლაოღლსა და ხულდარაში ცხოვრობენ. ახალგაზრდა და შუახნის ასაკის დედებს, რომლებსაც განათლება არ მიუღიათ, ქართული ენის, ინგლისურის, ინფორმატიკის და მათემატიკის კურსებს უტარებენ. სრულად...  წყარო: რადიო „მარნეული“

თბილისი. ევროპის ფონდი, 1-2 ოქტომბერს, სამოქალაქო საზოგადოების ორგანიზაციებს გიწვევთ დისტანციურ ტრენინგზე - თემის მობილიზაცია. დასწრება თავისუფალია. მეტი ინფორმაციისა და რეგისტრაციისთვის ეწვიეთ ბმულს... წყარო: ორგანიზაციის გვერდი სოციალურ ქსელში

11-13 სექტემბერს, საერთო-სამოქალაქო მოძრაობა „მრავალეროვანი საქართველოს“ მეშვეობით, ეთნიკურ უმცირესობებს მიკუთვნებულ ამომრჩეველთა საგანმანათლებლო პროგრამის ფარგლებში, შესაძლებელი გახდა ახალქალაქისა და მარნეულის მუნიციპალიტეტების წარმომადგენელთათვის ცნობიერების ამაღლება საარჩევნო თემებზე. სრულად... წყარო: ორგანიზაციის გვერდი სოციალურ ქსელში