თბილისი. მაკლეინის ასოციაცია ბავშვებისთვის (MAC Georgia) აქვეყნებს რეკომენდაციებს ყურადღების დეფიციტისა და ჰიპერაქტივობის სინდრომის მქონე ბავშვებისთვის.  „ყურადღების დეფიციტისა და ჰიპერაქტივობის სინდრომი ნეირობილოგიური საფუძვლის მქონე დარღვევაა, რომელიც ბავშვების დაახლოებით 5%-ს აღენიშნება და ყურადღების დეფიციტით, იმპულსურობითა და ჰიპერაქტივობით ვლინდება, თუმცა გარკვეულ შემთხვევებში იგი ჰიპერაქტივობის გარეშეც შეიძლება შეგვხდეს“. შეამცირეთ მხედველობითი და სმენითი გამაღიზიანებლები ბავშვის ოთახში; სასურველია, ბავშვს ცალკე ოთახი ჰქონდეს სამეცადინოდ. თუ ეს ვერ ხერხდება, სულ მცირე სამუშაო კუთხე მაინც უნდა ჰქონდეს სათანადოდ მოწყობილი და უმჯობესია თუ მეცადინეობისას ოთახში სხვა ოჯახის წევრები არ იქნებიან; დაუყავით ბავშვს სასკოლო თუ სხვა სახის დავალებები და წაახალისეთ; ნუ მოსთხოვთ დავალების მაგიდასთან შესრულებას. მიეცით უფლება, იჯდეს დივანზე, პუფზე... თუ თქვენს შვილს სკამზე ჯდომა უჭირს, გამოიყენეთ დამხმარე საშუალებები, რომელიც მას საშუალებას მისცემს დავალების შესრულების პარალელურად სხვადასხვა აქტივობაც აკეთოს... სრულად... წყარო: ორგანიზაციის გვერდი სოციალურ ქსელში

თბილისი. საქართველოს ახალგაზრდა იურისტთა ასოციაცია (საია) იქვევს რეგიონულ არასამთავრობო ორგანიზაციებს საჯარო მმართველობის რეფორმის (PAR) საკითხებზე ტრენინგში მონაწილეობისთვის. „მონაწილეები გაიღრმავებენ ცოდნას საჯარო მმართველობის რეფორმის საკითხებთან დაკავშირებით, გაეცნობიან საჯარო მმართველობის რეფორმის სამოქმედო გეგმის ალტერნატიული მონიტორინგის მეთოდოლოგიას და მიიღებენ ინფორმაციას PAR-ის განხორციელებისა და მონიტორინგის პროცესში ჩართულობის შესაძლო გზების შესახებ. ტრენინგის დასრულების შემდეგ, საია მონაწილეებიდან კონკურსის წესით შეარჩევს 11 ორგანიზაციას და მათთვის გამოყოფს მცირე გრანტებს. რაც მათ საშუალებას მისცემთ შეაფასონ ადგილობრივ დონეზე PAR-ის რეფორმის განხორციელება, ასევე, ყველა ადგილობრივი დაინტერესებული მხარის ჩართულობით გამართული საჯარო განხილვებისა და სამუშაო შეხვედრების საშუალებით, გამოკვეთონ გამოწვევები და შესაძლებლობები“. სრულად... წყარო: gyla.ge

თბილისი. გაეროს ბავშვთა ფონდის განცხადებით, ახალი კორონავირუსის პანდემიამ დიდი ზეგავლენა მოახდინა ბავშვებსა და მოზარდებზე, ყველაზე მეტად - მათ მოწყვლად ნაწილზე. ორგანიზაციას განსაკუთრებით აღელვებს იმ ბავშვების მდგომარეობა, რომელთაც ნაკლებად მიუწვდებათ ხელი ძირითად მომსახურებებსა და რესურსებზე. „კორონავირუსის სწრაფად გავრცელებისადმი განსაკუთრებით დაუცველნი არიან ისეთ ოჯახებში მცხოვრები ბავშვები, სადაც სივიწროვეა ან არ არის სათანადო პირობები - ხელსაბანი და სხვა სანიტარიული კვანძები და საშუალებები. გაეროს ბავშვთა ფონდის მრავალინდიკატორული კლასტერული კვლევის მიხედვით, საქართველოში 29 800 ბავშვს სახლში არ აქვს წყლითა და საპნით ხელის დაბანის პირობები. შესაბამისად, უფრო მაღალია ასეთი ბავშვების კორონავირუსით დაინფიცირების რისკი. მიმდინარე კრიზისის პერიოდში ყველა ბავშვმა უნდა განაგრძოს სწავლა და შეძლოს სკოლაში უსაფრთხოდ დაბრუნება. ელექტრონული ინსტრუმენტებისა და ინტერნეტის კავშირის, შინ სათანადო სასწავლო გარემოს და მშობლების მხარდაჭერის ნაკლებობის გამო ისედაც გარიყული ბავშვები ჩამორჩენის საფრთხის წინაშე იმყოფებიან“, ნათქვამია ორგანიზაციის ვებგვერდზე. სრულად... წყარო: www.unicef.org

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს კვლევებზე დაყრდნობით მომზადებულ ვიდეოს, სადაც ორგანიზაციის განცხადებით, ნათლად ჩანს განათლების პოლიტიკის ფუნდამენტური ხარვეზები და წლების განმავლობაში სახელმწიფოს მიერ, ამ კუთხით გამოჩენილი გულგრილობა, რაც საბოლოოდ, არადომინანტური ეთნიკური ჯგუფების სოციალურ გარიყულობასა და მოწყვლადობას კიდევ უფრო აღრმავებს. სრულად... წყარო: emc.org.ge

თბილისი. 31 მაისს, 17:00 საათზე, ადიქტოლოგიის ცენტრი საგანმანათლებლო პლატფორმა Educator - თან თანამშრომლობით წარმოგიდგენთ ონლაინ ტრენინგს: მშობლის როლი მოზარდებში ფსიქოაქტიური ნივთიერებების მოხმარების პრევენციისთვის. ტრენინგის მიზანია მსმენელებს გააცნოს მოზარდებს შორის სხვადასხვა ნივთიერებების მოხმარების შემთხვევაში რა როლი აკისრია მშობელს, რამდენად მნიშვნელოვანია მათი მხარდაჭერა და ემპათია. ტრენერი: ნათია სტეფანიშვილი, ადიქციის კვლევების მაგისტრი, მკვლევარი და სოციალური მუშაკი, ადიქტოლოგიის ცენტრის დამფუძნებელი. ტრენინგი ჩატარდება ფეისბუქ ლაივის საშუალებით. სრულად... წყარო: ორგანიზაციის გვერდი სოციალურ ქსელში

თბილისი. 31 მაისს, 18:00 საათზე, გაიმართება მედია წიგნიერების ტრენინგი, რომელიც IREX-ის „ისწავლე, რათა ამოიცნო“ პროექტის კასკადური ტრენინგების ნაწილია და ტარდება პროექტის მონაწილე, IREX-ის „ისწავლე, რათა ამოიცნო“ ახალგაზრდა ტრენერის, მარიამ ავაქოვის მიერ. „როდესაც მოქალაქეები იჯერებენ და ავრცელებენ ყალბ ინფორმაციას, ამით ისინი საკუთარ თავსაც და მათ ირგვლივ მყოფებს: მეგობრებს, ნათესავებს, ახლობლებს და ა.შ. უქმნიან პრობლემას, როგორც ემოციურ დონეზე, ასევე ეროვნულ თუ სახელმწიფოებრივ დონეზეც კი. მცდარი ინფორმაცია სოციალურ ქსელში სანდო ინფორმაციაზე სწრაფად ვრცელდება. ამიტომ, საზოგადოდ დამკვიდრებული არასწორი წარმოდგენებისა და გაუგებრობების გამოაშკარავებასთან ერთად, აუცილებელია, რომ ახალი ამბების მომხმარებლები აღვჭურვოთ ისეთი უნარებით, რომლებიც დაეხმარებიან (ყოველდღიური უამრავი ინფორმაციის მოზღვავების პირობებში) ნამდვილი ინფორმაციის ყალბისგან გარჩევაში“. აპლიკაციის შევსების ბოლო ვადაა 30-05-2020, 18:59. რეგისტრაციის ბმული... სრულად... წყარო: ორგანიზაციის გვერდი სოციალურ ქსელში

თბილისი. მედიის განვითარების ფონდმა პედაგოგებისთვის ონლაინ სწავლების მეთოდებზე ტრენინგი ჩაატარა. ორგანიზაციამ მასწავლებლებს მედიაწიგნიერების რესურსების ბაზაც გაუზიარა: www.millab.ge სრულად... წყარო: ორგანიზაციის გვერდი სოციალურ ქსელში

თბილისი. სამოქალაქო საზოგადოების ინსტიტუტი (Civil Society Institute) პური მსოფლიოსთვის (Bread for the World) მხარდაჭერით იწყებს განაცხადების მიღებას ონლაინ სასწავლო პროგრამაზე. თუ თქვენ ხართ საზოგადოებრივი (არასამთავრობო) ორგანიზაციის თანამშრომელი, სტუდენტი, საჯარო მოხელე, ან სამოქალაქო აქტივისტი, მაშინ საშუალება გეძლევათ, ყოველდღიური საქმიანობის პარალელურად, სამუშაოდან თუ სწავლიდან მოუწყვეტლად გაიღრმავოთ ცოდნა და უნარები შემდეგი მიმართულებით: 1)მონაწილეობითი ბიუჯეტირება 2)სახელმწიფო შესყიდვები სასწავლო კურსები არის დისტანციური და ყველა აქტივობა: ლექციები, დისკუსიები, დავალებები ონლაინ რეჟიმში მიმდინარეობს. სწავლების გრაფიკი არის მოქნილი და მონაწილეს თავად შეუძლია დროის გადანაწილება. კურსებზე სწავლა არის უფასო, ხოლო დასრულების შემდეგ გაიცემა სერთიფიკატი. აპლიკაციის შესავსებად იხილეთ ლინკი... განაცხადების მიღების ბოლო ვადაა 10 ივნისი, 2020 წელი სრულად... წყარო: civilin.org

თბილისი. მაკლეინის ასოციაცია ბავშვებისთვის (Mac Georgia) აქვეყნებს ბლოგპოსტს: რა არის მეტაკოგნიცია და როგორ ეხმარება ის ბავშვებს სწავლის პროცესში. „ჩვენ არა მარტო ფიქრის, აზროვნების, დასწავლის უნარი გვაქვს, არამედ შეგვიძლია თავად ამ შემეცნებითი პროცესების გაანალიზება და კრიტიკული შეფასება. ასეთ „აზროვნებას, აზროვნების შესახებ” მეტაკოგნიციას უწოდებენ. სწორედ მეტაკოგნიცია გვეხმარება იმის გაცნობიერებაში, თუ რა ვიცით უკვე და კიდევ რისი სწავლა გვჭირდება ამა თუ იმ საკითხთან დაკავშირებით, რომელი სტრატეგიებია ეფექტური ჩვენთვის და როგორ შევარჩიოთ ისინი კონკრეტული საქმიანობისთვის, განვსაზღვროთ რა დრო დაგვჭირდება მასალის ათვისებისთვის, შევაფასოთ ის, თუ როგორ მიმდინარეობს დასწავლის პროცესი, რა ფაქტორები ახდენენ გავლენას ჩვენზე დასწავლის პროცესში და ა.შ. მიჩნეულია, რომ ბავშვები, რომელთაც კარგად აქვთ განვითარებული მეტაკოგნიტური უნარები, უკეთ ახდენენ საკუთარი სწავლის პროცესის დაგეგმვასა და შეფასებას და გამოირჩევიან უფრო მაღალი აკადემიური მოსწრებით, ამიტომ სასურელია მეტაკოგნიტური უნარების განვითარებაზე აქტიური მუშაობა“. სრულად... წყარო: ორგანიზაციის გვერდი სოციალურ ქსელში

თბილისი. კამპანია „ეს ქვეყანა შენია“ ემსახურება საქართველოში სამოქალაქო საზოგადოების გაძლიერებას, სამოქალაქო ღირებულებების, საზოგადოებრივი ორგანიზაციების საქმიანობის პოპულარიზაციასა და სამოქალაქო აქტივიზმის ხელშეწყობას. 30 მაისს 15:00 საათზე გაიმართება დისტანციური საინფორმაციო შეხვედრა თბილისის სამოქალაქო განათლების პედაგოგებთან, რომლის მიზანია მათი კამპანიაში ჩართვა. შეხვედრაზე ასევე გამოცხადდება კონკურსი ახალგაზრდებისთვის (უფროსკლასელებისთვის) - „ეს ქვეყანა შენია!“. შეხვედრაზე დასწრების მსურელებმა, გთხოვთ, გაიარეთ რეგისტრაცია 29 მაისის 18:00 საათამდე... რეგისტრაციის შემდგომ, ელექტრონული ფოსტით მიიღებთ zoom-ის შეხვედრის ბმული.

„ახალი აზროვნების ინსტიტუტი“ იწყებს ინოვაციურ პროექტს. „მიუხედავად იმისა, რომ წლების განმავლობაში მრავალი სახელმწიფო და არასამთავრობო ორგანიზაცია ინფორმირების პროექტებს ახორციელებს, საქართველოში მაინც მწვავედ დგას ნაადრევი ქორწინების პრობლემა. ნაადრევი ქორწინების შედეგად ქალებს ხელი არ მიუწვდებათ განათლების და დასაქმების შესაძლებლობებზე. ბავშვის ასაკში ქორწინება მათ საზოგადოებრივ ცხოვრებაში ჩართულობასაც მნიშვნელოვნად აფერხებს. ზემოთ აღნიშნული პრობლემების მოსაგვარებლად, ახალი აზროვნების ინსტიტუტი მშობლებს სთავაზობს პროექტს „დედათა სკოლას“, რომელიც გააერთიანებს სოფ. სადახლოს, მოლაოღლსა და ხულდარაში მცხოვრებ მოხალისე 20 დედას, რომელთაც 10 თვის განმავლობაში ჩაუტარდებათ სემინარები და ტრენინგები სხვადასხვა საგანში, მათ შორის, სამოქალაქო განათლება, ქართული და ინგლისური ენა (ელემენტარული დონე), ბუნება, მათემატიკა, კომპიუტერული პროგრამები. პროექტის ფარგლებში ასევე განვახორციელებთ სოციალურ აქტივობებს, ვითანამშრომლებთ ადგილობრივ თვითმმართველობასთან და სკოლებთან. „დედათა სკოლის“ მონაწილეები უკვე შერჩულები არიან“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. კამპანია „ეს ქვეყანა შენია“ ემსახურება საქართველოში სამოქალაქო საზოგადოების გაძლიერებას, სამოქალაქო ღირებულებების, საზოგადოებრივი ორგანიზაციების საქმიანობის პოპულარიზაციასა და სამოქალაქო აქტივიზმის ხელშეწყობას. 21 მაისს 17:00 საათზე გაიმართება დისტანციური საინფორმაციო შეხვედრა თბილისის სამოქალაქო განათლების პედაგოგებთან, რომლის მიზანია მათი კამპანიაში ჩართვა. შეხვედრაზე ასევე გამოცხადდება კონკურსი ახალგაზრდებისთვის (უფროსკლასელებისთვის) - „ეს ქვეყანა შენია!“. შეხვედრაზე დასწრების მსურელებმა, გთხოვთ, გაიარეთ რეგისტრაცია 20 მაისის 18:00 საათამდე... რეგისტრაციის შემდგომ, ელექტრონულ ფოსტაზე გამოგეგზავნებათ zoom-ის შეხვედრის ბმული.

სამოქალაქო საზოგადოების განვითარების ინიციატივის პროექტის ფარგლებში COVID 19-ის გავრცელების შეჩერების მიზნით საინტერესო საინფორმაციო კამპანია განხორციელდა. პური სპეციალური საინფორმაციო ეტიკეტებით გაიყიდა – ჯამში 173 760 პური. ასევე, ამ კამპანიის ფარგლებში, საქართველოს ათ რეგიონში მოსახლეობას 22.500 მრავალჯერადი ჩანთა გადაეცა, სადაც ასევე კოვიდ19-ის პრევენციული ღონისძიებების შესახებ, ასევე საზოგადოებრივი უსაფრთხოების მართვის ცენტრის-112, ჯანდაცვის სამინისტროს, დაავადებათა კონტროლის ეროვნული ცენტრის და მთავრობის ერთიანი ცხელი ხაზის შესახებ ინფორმაცია ქართულ, აზერბაიჯანულ და სომხურ ენებზეა დაბეჭდილი. ეს კამპანია „განათლების განვითარების და დასაქმების ცენტრმა” დაგეგმა პროექტის „სამოქალაქო საზოგადოების განვითარების ინიციატივის“ ფარგლებში, რომელიც ხორციელდება კონრად ადენაუერის ფონდის (KAS) მიერ სამოქალაქო საზოგადოების ინსტიტუტთან (CSI), კონსულტაციისა და ტრენინგის ცენტრთან (CTC), საქართველოს სტრატეგიული კვლევებისა და განვითარების ცენტრთან (CSRDG) და განათლების განვითარების და დასაქმების ცენტრთან (EDEC) თანამშრომლობით. პროექტს აფინანსებს ევროკავშირი (EU), ხოლო თანადამფინანსებელია კონრად ადენაუერის ფონდი (KAS).  სრულად კამპანიის შესახებ... წყარო: ევროკავშირის წარმომადგენლობა

თბილისი. დღეს, 19:00 საათზე საელჩოს გაცვლითი პროგრამების კოორდინატორი, ირაკლი მალანია ფეისბუქ ლაივის მეშვეობით გაგაცნობთ ჰამფრის პროფესიული პროგრამის მოთხოვნებს და უპასუხებს თქვენს შეკითხვებს. სრულად... წყარო: ამერიკის საელჩოს გვერდი სოციალურ ქსელში

თბილისი. თუ გაინტერესებთ როგორ გამოიყენოთ და რა შესაძლებლობებს გთავაზობთ პლატფორმა ზუმი (ZOOM), დღეს, 17:00 საათზე საქართველოს სტრატეგიული კვლევების და განვითარების ცენტრის ფეისბუქ გვერდზე (CSRDG) გაიმართება პრო ბონო ვებინარი: Zoom Video Communications“. „ZOOM ერთ-ერთი ყველაზე მოსახერხებელი და პოპულარული აპლიკაციაა, რომელიც აერთიანებს კომუნიკაციის თითქმის ყველა საშუალებას: ვიდეოკონფერენციებს, ონლაინშეხვედრებს, ონლაინჩეთებს და ა.შ. ვებინარი ტარდება პროექტის „სამოქალაქო საზოგადოების განვითარების ინიციატივა“ ფარგლებში, ერვოკავშირისა და კონრად ადენაუერის ფონდის (KAS) მხარდაჭერით“. სრულად... წყარო: ორგანიზაციის გვერდი სოციალურ ქსელში

თბილისი. არბაიტერ სამარიტერ ბუნდი საქართველო აქვეყნებს სახელმძღვანელოს მშობლებისთვის: როგორ ვესაუბროთ ბავშვებს კორონა ვირუსის შესახებ. „საყოველთაო პანდემიის დროს ბავშვების საჭიროებები არ უნდა გამოგვრჩეს. ისინი ყველაზე დაუცველნი არიან ინფორმაციის მიღების მხრივ და ჩვენი ვალია სათანადო კომუნიკაცია გვქონდეს მათთან არსებული მდგომარეობის შესახებ“. სახელმძღვანელო... წყარო: ორგანიზაციის გვერდი სოციალურ ქსელში

თბილისი. მაკ ჯორჯია აქვეყნებს ბლოგპოსტს: როგორ დავგეგმოთ სასწავლო აქტივობები ყურადღების კონცენტრაციის სირთულის მქონე ბავშვთან სახლის გარემოში. „ახლა, როდესაც კორონა ვირუსით გამოწვეული პანდემიის გამო სასწავლო პროცესი სახლის გარემოში მიმდინარეობს, ოჯახის წევრების მხარდაჭერა განსაკუთრებით მნიშვნელოვანია. ქვემოთ მოცემული რეკომენდაციების გათვალისწინება სწორედ ამაში დაგეხმარებათ: შეამცირეთ ხმაური სამუშაო გარემოში, შეამცირეთ ყურადღების გადამრთველი სტიმულების რაოდენობა სამუშაო გარემოში, აკადემიური აქტივობები დღის პირველ ნახევარში დაგეგმეთ, დაყავით დიდი აქტივობა შედარებით მცირე აქტივობებად, დაგეგმეთ ფიზიკური აქტივობა, დააინტერესეთ და წაახალისეთ“. სრულად... წყარო: ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს მარიამ შალვაშვილის სტატიას: განათლების პოლიტიკის სისუსტეები და არაქართულენოვანი ჯგუფები. „დღევანდელ დისკურსში ხშირად არის ნახსენები, რომ განათლება, რომლის ხარისხიც ისედაც დაბალია საქართველოში, კიდევ უფრო სუსტია არაქართულენოვან სკოლებსა და სექტორებზე. ეს საკითხი ყველაზე აქტიურად ქართული ენის არცოდნის ჭრილში განიხილება - დღემდე სახელმწიფომ ვერ მოახერხა სომეხ და აზერბაიჯანელ თემში სახელმწიფო ენის მასიური და სათანადო სწავლება, თუმცა ქართული ენის საკითხი არაქართულენოვან სექტორებსა და სკოლებში განათლების პოლიტიკის ნაწილია. ადამიანების მონდომება, შეისწავლონ ენა, არ არის საკმარისი ქართული ენის სასწავლად“. სრულად... წყარო: emc.org.ge

თბილისი. სოციალური საწარმოებისა და საზოგადოებრივი ორგანიზაციების წარმომადგენლებს შესაძლებლობა გეძლევათ სახლიდან გაუსვლელად მიიღოთ ცოდნა სოციალური მეწარმოების და საზოგადოებრივი ორგანიზაციების იურიდიული და ფინანსური მართვის საკითხებზე. შექმნილი ვითარებიდან გამომდინარე, ონლაინ სწავლება პრიორიტეტულია მთელ მსოფლიოში და მათ შორის, საქართველოში, ამიტომ, სამოქალაქო საზოგადოების ინსტიტუტი, „არასამეწარმეო სამართლის საერთაშორისო ცენტრის“ (ICNL) ის მიერ დაფინანსებული პროექტის ფარგლებში გთავაზობთ მიღებას შემდეგ სასწავლო კურსებზე: სოციალური საწარმოებისა და საზოგადოებრივი ორგანიზაციების ფინანსური აღრიცხვა, ანგარიშგება და საგადასახადო საკითხები - კურსის ხელმძღვანელი: სამოქალაქო საზოგადოების ინსტიტუტის ფინანსური მენეჯერი, დავით ტივიშვილი. სოციალური საწარმოებისა და საზოგადოებრივი ორგანიზაციების იურიდიული მართვა - კურსის ხელმძღვანელი: სამოქალაქო საზოგადოების ინსტიტუტის მთავარი იურისტი, ლევან ფანიაშვილი. კურსებზე სწავლა არის უფასო, ხოლო დასრულების შემდეგ გაიცემა სერთიფიკატი.  სრულად... წყარო: www.civilin.org

თბილისი. ინფორმაციის თავისუფლების განვითარების ინსტიტუტისა (IDFI) და მონაცემთა გაცვლის სააგენტოს თანამშრომლობის საფუძველზე, 21 აპრილს მონაცემთა გაცვლის სააგენტოს წარმომადგენლებმა ინფორმაციის თავისუფლების განვითარების ინსტიტუტის თანამშრომლებს და IDFI-ს კორუფციასთან ბრძოლის სასერტიფიკატო პროგრამის მონაწილეებს ონლაინ რეჟიმში ჩაუტარეს ლექცია კიბერუსაფრთხოების შესახებ. „ონლაინ ლექციას უძღვებიდა CERT-GOV-GE -ის მენეჯერი დავით ქვათაძე, რომელმაც მსმენელებს კონკრეტულ მაგალითებზე დაყრდნობით, დეტალური ინფორმაცია მიაწოდა კიბერუსაფრთხოებისა და კიბერჰიგიენის იმ ძირითადი პრინციპების შესახებ, რომელთა დაცვაც კიდევ უფრო კრიტიკული მნიშვნელობისაა დღევანდელ სიტუაციაში“, ნათქვამია ორგანიზაციის ვებგვერდზე. სრულად... წყარო: idfi.ge

#დარჩისახლში და თვითიზოლაცია განვითარებისთვის გამოიყენე... სამოქალაქო საზოგადოების ინსტიტუტი (CSI) გთავაზობთ საგანმანათლებლო ვიდეოების სერიას და ონლაინ დისკუსიებში მონაწილეობას. გაინტერესებს როგორ მუშაობს სოციალური ქსელები, რა მოაქვს აქტივიზმს, ისწავლო კომუნიკაცია და გუნდური მუშაობა... დარეგისტრირდი 22 აპრილამდე, მიიღე მონაწილეობა, აიმაღლე უნარები. #დარჩისახლში და დრო გამოიყენე პიროვნული განვითარებისთვის. რეგისტრაციის ფორმა...

თბილისი. დედაენის დღის აღსანიშნავად ამერიკის საელჩო საქართველოში განსაკუთრებულ გამოშვებას გვთავაზობს: ჯულიუს ცაი და ანა ხარიბეგაშვილი წაგიკითხავთ ქართულ საბავშვო წიგნს: „ჩიტები თბილისში“. სრულად... წყარო: სალეჩოს გვერდი სოციალურ ქსელში