თბილისი. გენდერული საინფორმაციო პორტალი აქვეყნებს ინფორმაციას რომლის თანახმადაც, საქართველოს დიდ ქალაქებში სწავლის დაწყება პირველ ოქტომბრამდე გადავადდა. „თბილისში, რუსთავში, ქუთაისში, ზუგდიდში, გორსა და ფოთში სკოლებსა და უნივერსიტეტებში სასწავლო პროცესის დაწყება პირველ ოქტომბრამდე გადავადდა. ამის შესახებ პრემიერ-მინისტრმა, გიორგი გახარიამ მთავრობის ადმინისტრაციაში გამართულ ბრიფინგზე განაცხადა“, ნათქვამია პორტალის ვებგვერდზე. სრულად... წყარო: ginsc.net

თბილისი. ამერიკული ორგანიზაცია PH International-ი და „დემოკრატიული ჩართულობის ცენტრების ქსელი“ ამერიკის შეერთებული შტატების სახელმწიფო დეპარტამენტის დაფინანსებით იწყებს „ინგლისური ენის შესწავლის ხელმისაწვდომობის სასტიპენდიო პროგრამას“ (English Access Microscholarship Program). „პროგრამა მიზნად ისახავს ხელმისაწვდომი გახადოს ინგლისური ენის შესწავლა მოზარდებისთვის სოციალურად დაუცველი და ეკონომიკურად შეჭირვებული ოჯახებიდან. გარდა იმისა, რომ ბავშვები შეისწავლიან ინგლისურ ენას, ისინი, ასევე ეზიარებიან ამერიკულ კულტურასა და წეს-ჩვეულებებს და განავითარებენ ლიდერის თვისებებს”. აპლიკაციების მიღების ბოლო ვადაა 30 სექტმბერი, 2020. კონკურსში მონაწილეობის მისაღებად, გთხოვთ, დაუკავშირდეთ ადგილობრივ კოორდინატორებს:  თელავი: თამარ მოდებაძე; tmodzebadze@ncce.ge 599110501;  ზუგდიდი: ეკა მინჯორაია; eminjoraia@ncce.ge 599473705; სრულად... წყარო: ორგანიზაციის გვერდი სოციალურ ქსელში განათლება

თბილისი. მომავალი კვირიდან (14 სექტემბერი) DAAD-ის თბილისის საინფორმაციო ცენტრში, ვიზიტი კონსულტაციის მიღების მიზნით წინასწარი ჩაწერის საფუძველზე იწარმოებს.  „ვიზიტის გასაფორმებლად შებრძანდით შემდეგ ბმულზე... შეავსეთ საკონტაქტო ფორმულარი და გამოგვიგზავნეთ. უახლოესი საათების განმავლობაში მიიღებთ შემოთავაზებას საკონსულტაციო დღისა და თარიღის შესახებ. თქვენგან მიღებული დასტურის შემდეგ, კონსულტაცია დაიჯავშნება. საკონსულტაციო დღეები უცვლელი რჩება: ორშაბათი, ოთხშაბათი, ხუთშაბათი: 14.00. – 18.00 სთ“. სრულად... წყარო: ორგანიზაციის გვერდი სოციალურ ქსელში

თბილისი. მედიის განვითარების ფონდმა გაერთიანებული ერების განათლების, მეცნიერებისა და კულტურის ორგანიზაციისგან (UNESCO) თანაგამომცემლის უფლება მოიპოვა და ჟან-პოლ მარტოზის სახელმძღვანელო ჟურნალისტებისთვის „მედია და ტერორიზმი” ქართულად თარგმნა. სრულად... წყარო: ორგანიზაციის გვერდი სოციალურ ქსელში

თბილისი. 3 სექტემბერს მოხალისეობრივი პლატფორმის დროის ბანკის FACEBOOK გვერდის Timerepublik Georgia პირდაპირ ეთერში (FACEBOOK LIVE), განათლების განვითარების და დასაქმების ცენტრმა (EDEC), ევროკავშირის მიერ დაფინანსებული პროექტის - სამოქალაქო საზოგადოების განვითარების ინიციატივის (CSSIGE) ფარგლებში, მოხალისეობისა და სამოქალაქო აქტივიზმის თემაზე ინტელექტუალური თამაში რა? სად? როდის? გამართა. „ღონისძიება მიზანად ისახავდა მოხალისეობისა და სამოქალაქო აქტივიზმის თემაზე საზოგადოების, განსაკუთრებით ახალგაზრდების ცნობიერების ამაღლებას. ინტელექტუალურ თამაშში ერთმანეთს შეეჯიბრა 10 გუნდი საქართველოს 10 რეგიონიდან“. „სამოქალაქო საზოგადოების განვითარების ინიციატივა“ ხორციელდება კონრად ადენაუერის ფონდის (KAS) მიერ სამოქალაქო საზოგადოების ინსტიტუტთან (CSI), კონსულტაციისა და ტრენინგის ცენტრთან (CTC), საქართველოს სტრატეგიული კვლევებისა და განვითარების ცენტრთან (CSRDG) და განათლების განვითარების და დასაქმების ცენტრთან (EDEC) თანამშრომლობით. პროექტს აფინანსებს ევროკავშირი (EU), ხოლო თანადამფინანსებელია კონრად ადენაუერის ფონდი (KAS). სრულად... წყარო: ორგანიზაციის გვერდი სოციალურ ქსელში

თბილისი. მოძრაობა ხელმისაწვდომი გარემო ყველასათვის ერაზმუს პლუსის პროექტის „ინოვაციები კურიკულუმში სოციალური ჩართულობის მხარდასაჭერად“ ამზადებს სასწავლო კურსს თბილისის სახელმწიფო უნივერსიტეტში საბაკალავრო სწავლების საფეხურზე დასანერგად. „სასწავლო კურსი სახელწოდებით „შეზღუდული შესაძლებლობა და საზოგადოება“ 2021 წლის შემოდგომის სემესტრში შევა ძალაში. ქალაქ ბათუმში გაიმართა სამუშაო შეხვედრა პარტნიორ უნივერსიტეტებთან და ორგანიზაციებთან ერთად. საგანმანათლებლო პროექტს ხელმძღვანელობს თბილისის სახელმწიფო უნივერსიტეტი“. სრულად... წყარო: ორგანიზაციის გვერდი სოციალურ ქსელში

თბილისი. სახალხო დამცველის აპარატმა განაახლა ელექტრონული კურსი „სექსუალური შევიწროების პრევენციისთვის“. კურსი მიზნად ისახავს, აამაღლოს ცნობიერება საჯარო სივრცეში და სამუშაო ადგილზე სექსუალური შევიწროების საკითხებზე. სრულად... წყარო: ombudsman.ge

თბილისი. საერთაშორისო გამვირვალობა - საქართველოს სამთვიანი სტაჟირების პროგრამა ანა უნგიაძემ, მარი ბერიძემ, ცოტნე ვანიშვილმა, ეკუნა ჯანიაშვილმა, თამარ ტყემალაძემ, გიორგი შუკვანმა, მარიტა გორგილაძემ და მარიამ მოდებაძემ დაასრულეს. „ჩვენმა აღმასრულებელმა დირექტორმა, ეკა გიგაურმა მათ პროგრამის წარმატებით გავლის დამადასტურებელი სერთიფიკატები გადასცა. დიდ მადლობას ვუხდით ამ მოტივირებულ ახალგაზრდებს თანამშრომლობისა და გაწეული დახმარებისთვის“. სრულად... წყარო: ორგანიზაციის გვერდი სოციალურ ქსელში

აჭარა. 15 აგვისტოს, ბათუმში, დემოკრატიის კვლევის ინსტიტუტმა, არასრულწლოვანთა მართლმსაჯულების ძირითადი პრინციპების შესახებ ერთდღიანი ტრენინგი ჩაატარა. „ტრენინგი ჩატარდა პროექტ - თანამშრომლობა არასრულწლოვანთა მართლმსაჯულების სტანდარტების გაუმჯობესების ფარგლებში. პროექტი ხორციელდება ევროკავშირისა და გაერო-ს განვითარების პროგრამის ერთობლივი ინიციატივის COBERM-ის ფინანსური მხარდაჭერით“. სრულად... წყარო: ორგანიზაციის გვერდი სოციალურ ქსელში

თბილისი. 14-დან 16 აგვისტოს ჩათვლით საქართველოს ახალგაზრდა მწვანეების ორგანიზებით მოეწყო ბანაკი, რომელიც მენტალური ჯანმრთელობის სოციალურ და პოლიტიკურ ასპექტებსა და ქვიარ-ფემინისტურ საკითხების მოიცავდა. „აღნიშნული ბანაკი მიზნად ისახავდა წევრებისათვის უსაფრთხო სივრცის შექმნას, სადაც შესაძლებელი იქნებოდა აღნიშნული საკითხების მნიშვნელობის განხილვა, მათ შესახებ ახალი ცოდნების მიღება და არსებული გამოცდილებების გაზიარება“. სრულად... წყარო: ორგანიზაციის გვერდი სოციალურ ქსელში

თბილისი. 14 აგვისტოს, სამოქალაქო საზოგადოების ინსტიტუტმა (CSI), 16-ე შეხვედრით, რეგიონებში, უფროსკლასელთა კონკურსის „ეს ქვეყანა შენიას“ გამარჯვებულთა დაჯილდოება და ახალგაზრდებთან შეხვედრები დაასრულა. თბილისის (ასევე, სოფ. გლოლას) გამარჯვებული გუნდების დაჯილდოება კი სექტემბერში გაიმართება. კონკურსის ბოლო ეტაპია სუპერ ფინალი, რომელშიც თითოეული რეგიონის და მათ შორის, თბილისის ერთი გუნდი მიიღებს მონაწილეობას. სუპერ ფინალი 2-3 დღით შეკრებას, საინტერესო შეხვედრებს, ვიქტორინებს გულისხმობს და ეპიდემიური სიტუაციის შესაბამისად დაიგეგმება. კონკურსი „ეს ქვეყანა შენია“ მთელი ქვეყნის მასშტაბით გაიმართა და მასში 150-მდე გუნდი მონაწილეობდა. გამარჯვებულ მოსწავლეებს და მათ კურატორ-მასწავლებლებს საჩუქრად გადაეცათ ნოუთ-ბუქები, პირბადეები, რუკები, რვეულები, ალმანახი „თავისუფლება, სამართლიანობა და დემოკრატია ქართულ აზროვნებაში“... ახალგაზრდებთან საჯარო შეხვედრები გამართეს საზოგადოებისთვის ცნობილმა მწერლებმა, გამომცემლებმა, ჟურნალისტებმა და განათლების ექსპერტებმა. მათ ისაუბრეს სამოქალაქო ღირებულებების, საზოგადოებრივი ორგანიზაციების საქმიანობის, სამოქალაქო პასუხისმგებლობის, აქტივიზმის და განათლების შესახებ. საერთო ჯამში, რეგიონულ შეხვედრებს 600-მდე ადამიანი დაესწრო. სამოქალაქო კამპანია „ეს ქვეყანა შენია“ მიმდინარებს „სამოქალაქო საზოგადოების განვითარების ინიციატივის“ ფარგლებში, რომელიც ხორციელდება კონრად ადენაუერის ფონდის (KAS) მიერ სამოქალაქო საზოგადოების ინსტიტუტთან (CSI), კონსულტაციის და ტრენინგის ცენტრთან (CTC), საქართველოს სტრატეგიული კვლევებისა და განვითარების ცენტრთან (CSRDG) და განათლების განვითარების და დასაქმების ცენტრთან (EDEC) თანამშრომლობით. პროექტს აფინანსებს ევროკავშირი და კონრად ადენაუერის ფონდი.

აჭარა. 11-13 აგვისტოს ბათუმში მეგობრობის ხიდი ქართლოსის ორგანიზებით და პოლონური ორგანიზაცია Fundacja HumanDoc ის პარტნიორობით პროექტის „საქართველოში ოჯახში ძალადობის პრევენციისა და მოძალადეთათვის თერაპიული დახმარების გაწევის ფარგლებში“ შიდა ქართლის ჯანდაცვის მუშაკებისათვის გაიმართა სწავლების პროგრამა, ტრენინგების პირველი ეტაპი ოჯახში ძალადობის წინააღმდეგ ბრძოლის თემაზე. სრულად... წყარო: ორგანიზაციის გვერდი სოციალურ ქსელში

ფსიქოლოგმა ჯანა ჯავახიშვილმა მოამზადა სახელმძღვანელო მედია პროფესიონალებისთვის - „მედია, ფსიქიკური ჯანმრთელობა და ადამიანის უფლებები“... სახელმძღვანელო მომზადებულია პროექტის - „ფსიქიკური აშლილობებისა და ფსიქო-სოციალური ნიშნით შეზღუდული შესაძლებლობების მქონე პირთა უფლებების მხარდაჭერა საქართველოში“ - ფარგლებში, რომელსაც ფონდი „გლობალური ინიციატივა ფსიიატრიაში - თბილისი“, პარტნიორებთან ერთად, ევროკავშირის ფინანსური მხარდაჭერით ახორციელებს.  იხილეთ სახელმძღვანელო... 

თბილისი. სახალხო დამცველმა ერთიანი ეროვნული გამოცდების ორგანიზების პროცესში რელიგიური საჭიროებების გათვალისწინებასთან დაკავშირებით საქართველოს განათლების, მეცნიერების, კულტურისა და სპორტის სამინისტროს წინადადებით მიმართა. სახალხო დამცველის აპარატმა საკითხი რელიგიის თავისუფლებისა და თანასწორობის უფლების ჭრილში შეისწავლა და დაადგინა რომ ერთიანი ეროვნული გამოცდების მარეგულირებელი კანონმდებლობა რეგისტრაციის პროცესში აბიტურიენტებს არ აძლევს შესაძლებლობას საკუთარი რელიგიური საჭიროებების შესახებ განაცხადონ. ასევე, არ არსებობს გამოცდების ორგანიზების პროცესში აღნიშნული მხედველობაში მიღების მექანიზმიც. სახალხო დამცველის შეფასებით, აბიტურიენტები, რომლებიც საკუთარი რელიგიური მრწამსიდან გამომდინარე იძულებულები იყვნენ უარი ეთქვათ კონკრეტულ დღეს გამოცდაში მონაწილეობაზე, არათანაბარ მდგომარეობაში იყვნენ იმ აბიტურიენტებთან მიმართებით, რომელთა რელიგიაც განსხვავებული შეხედულების არის მსგავს საკითხებზე. სრულად...  წყარო: ორგანიზაციის ვებგვერდი

განათლების განვითარების და დასაქმების ცენტრმა (EDEC) შიდა ქართლსა და სამეგრელოში მცხოვრები იძულებით გადაადგილებული და კონფლიქტის შედეგად დაზარალებული ახალგაზრდებისთვის პროფესიული ორიენტაციის და კარიერის დაგეგმვის – CV ტრენინგი ჩაატარა. “CV ტრენინგში” 323–მა ადამიანმა მიიღო მონაწილეობა. მათ შეისწავლეს CV-ის სწორედ შევსება და სამოტივაციო წერილის შედგენა, ასევე, მიიღეს ინფორმაცია დამსაქმებელთან კომუნიკაციის ეტაპებისა და ეფექტური გასაუბრების ტექნიკების შესახებ. მიღებული ცოდნა მონაწილეებს დაეხმარება უკეთ წარმოაჩნონ საკუთარი უნარები, შეადგინონ დამსაქმებლისთვის საინტერესო რეზიუმე და პირველი ნაბიჯი გადადგან წარმატებული კარიერის შექმნისთვის. სრულად...  წყარო: გვერდი სოციალურ ქსელში

შიდა ქართლი. USAID-ისა და საქართველოს გაეროს ასოციაციის PITA-ს პროგრამის ფარგლებში, ცენტრალური საარჩევნო კომისიისა და საარჩევნო სისტემების განვითარების, რეფორმებისა და სწავლების ცენტრის მონაწილეობით, გორში მიმდინარეობს ტრენერთა ტრენინგი - „საინფორმაციო კურსი ახალგაზრდა ამომრჩევლისთვის".  ორდღიანი ტრენინგის დასრულების შემდეგ, ჩამოყალიბდება ახალგაზრდების მობილური ჯგუფი (youth mobile task force) „არჩევნები 2020“. ჯგუფის წევრები, პროგრამის ახალგაზრდული ცენტრის წევრები 13 ქალაქიდან, 3 თვის განმავლობაში, საქართველოს სხვადასხვა მუნიციპალიტეტსა და სოფელში ახალგაზრდა ამომრჩეველს მიაწვდიან ინფორმაციას არჩევნებთან დაკავშირებული აქტუალური საკითხების შესახებ.  სრულად...  წყარო: გვერდი სოციალურ ქსელში

აჭარა. მედიის განვითარების ფონდმა, სიძულვილის ენის თემაზე, ბათუმში, იმიტირებული პროცესი გამართა.  მაუწყებელთა ქცევის კოდექსის საფუძველზე, ბათუმელმა ახალგაზრდებმა სარჩელი მოამზადეს, როლები გადაინაწილეს და დისკუსია გამართეს.  სრულად...  წყარო: გვერდი სოციალურ ქსელში

სამეგრელო-ზემო სვანეთი. პროექტის - „საზოგადოების ჩართულობაზე ორიენტირებული თვითმმართველობის განხორციელება ქალაქ ფოთსა და აბაშის მუნიციპალიტეტებში“ - ფარგლებში, გამოცხადებულ საგრანტო კონკურსში გამარჯვებული საზოგადოების ორგანიზაციებისათვის, საგანმანათლებლო სესიები გაიმართა. სესიების პირველ ციკლს, რომელიც პროგრამული და ფინანსური ანგარიშგების საკითხებს ეხებოდა, გურიის ახალგაზრდული რესურსცენტრის წარმომადგენლები უძღვებოდნენ. სრულად...  წყარო: გვერდი სოციალურ ქსელში

თბილისი. USAID-ის მხარდაჭერით, საერთო სასამართლოების მოსამართლეებისთვის, ტრენერთა ტრენინგი გაიმართა. ტრენინგის საერთაშორისო და ადგილობრივი ექსპერტები უძღვებოდნენ და მისი თემა იყო მართლმსაჯულების გაძლიერება გენდერული თანასწორობის გზით, სექსუალური შევიწროების აღმოფხვრა საქართველოს მართლმსაჯულების სისტემაში. სრულად...  წყარო: გვერდი სოციალურ ქსელში

წნორის აგრო სკოლის პატარა ფერმერები საკუთარ მოსავალს ხვალ, 7 აგვისტოს, საღამოს 17:00 საათიდან, თბილისურ აგრო ბაზარზე, კაფე „მზიურში“ გაიტანენ.  8-13 წლის პატარა ფერმერებმა „ცოდნის კაფეს“ ონლაინ აგრო სკოლაში 5 კულტურის მოყვანა ისწავლეს და პარასკევს, მზიურის კაფეს ეზოში, აგრო ბაზარზე დაგახვედრებენ: კიტრს, პომიდორს, კარტოფილს, ბროკოლს.  აგრო ბაზრის პატარა სტუმრებისთვის გაიმართება სახალისო აგრო ვიქტორინა, რომლის გამარჯვებულები აგრო სტიკერებით დასაჩუქრდებიან. აგრო მარკეტიდან შემოსულ თანხას კი, ქიზიყელი პატარა ფერმერები „ცოდნის კაფესთვის“ შენობის ასაშენებლად გადარიცხავენ.  სრულად...  წყარო: გვერდი სოციალურ ქსელში

შიდა ქართლი. დუალური პროფესიული განათლების სასწავლო პროგრამის ფარგლებში, შიდა ქართლში მცხოვრები იძულებით გადაადგილებული და კონფლიქტის შედეგად დაზარალებული ახალგაზრდებისთვის ტექნიკოსი ვეტერინარის მოკლევადიანი მომზადება–გადამზადების პროფესიული პროგრამა მიმდინარეობს. პროგრამაში 13 ადამიანი მონაწილეობს. პროექტი „ევროკავშირი ახალგაზრდებისთვის - ახალგაზრდების განათლების, დასაქმებისა და ჩართულობის ხელშეწყობა საქართველოსა და უკრაინის კონფლიქტით დაზარალებულ რეგიონებში“ ლტოლვილთა დანიის საბჭოსა (DRC) და განათლების განვითარებისა და დასაქმების ცენტრის (EDEC) მიერ, ევროკავშირის ფინანსური მხარდაჭერით ხორციელდება. სრულად  წყარო: გვერდი სოციალურ ქსელში

გურია. ორგანიზაცია „მეგობრობის ხიდი „ქართლოსი“ იწყებს ახალ პროექტს - „ლანჩხუთის მუნიციპალიტეტში საპილოტე სატრენინგო პროგრამა პედაგოგებისთვის მოსწავლეებისა და მშობლების განათლება ოჯახში ძალადობის პრევენციასთან დაკავშირებით“. პროექტი თანადაფინანსებულია პოლონურ–ამერიკული თავისუფლების ფონდის მიერ „RITA-რეგიონი გარდამავალ პერიოდში“ პროგრამის ფარგლებში, რომელსაც ახორციელებს ფონდი „განათლება დემოკრატიისთვის“. სრულად...  წყარო: გვერდი სოციალურ ქსელში